പകൽ സമയം ജോലിയൊക്കെ ചെയ്ത് ക്ഷീണിച്ച ഒരു ശരീരത്തിന് നല്ലൊരു രാത്രിയുറക്കം അത്യാവശ്യമാണ്. ശരീരത്തിന് ഊർജം വേണമെങ്കിൽ നല്ല ഉറക്കം അത്യാവശ്യമാണ്. എന്നാൽ ചിലപ്പോൾ മോശം ശീലങ്ങൾ കാരണം, രാത്രിയിൽ ഉറക്കം പൂർണ്ണമാകില്ല. അതിനാൽ അടുത്ത ദിവസം അയാളെ സംബന്ധിച്ച് ക്ഷീണം നിറഞ്ഞ ദിവസവും ജോലി ചെയ്യാൻ താല്പര്യമില്ലാത്ത ഒരു ദിവസവുമായി മാറും.
അത്തരം സാഹചര്യങ്ങളിൽ ഉറക്കം വരാനായി ചില ആളുകൾ മരുന്നുകൾ കഴിക്കുന്നു. എന്നാൽ അത് ശരീരത്തിന് ദോഷം ചെയ്യുന്നു. മതിയായ ഉറക്കം ലഭിക്കാൻ വിദഗ്ധർ നൽകുന്ന ചില നുറുങ്ങു വിദ്യകൾ നോക്കാം….
ഗാഡ്ജെറ്റുകൾ സ്വിച്ച് ഓഫ് ചെയ്യുക
ജോലിയൊക്കെ ചെയ്ത് ക്ഷീണിച്ച ദിവസത്തിന് ശേഷം വിശ്രമിക്കാനുള്ള ഏറ്റവും നല്ല മാർഗം ഫോണിൽ ഒരു സിനിമ കാണുകയോ സോഷ്യൽ മീഡിയയിൽ കുറച്ച് സമയം ചെലവഴിക്കുകയോ ആണെന്ന് മിക്ക ആളുകളും വിശ്വസിക്കുന്നു. പക്ഷേ, ഇത് ശരിയായ കാര്യമല്ല. നിങ്ങളുടെ ഗാഡ്‌ജെറ്റുകളിൽ നിന്നുള്ള തിളക്കമുള്ള പ്രകാശം ഉറക്ക ഹോർമോണുകളുടെ സ്രവത്തെ തടസ്സപ്പെടുത്തും. വിദഗ്ദ്ധരുടെ അഭിപ്രായത്തിൽ, സ്ക്രീനിൽ നിന്ന് അകന്നുനിൽക്കുന്നത് മെലറ്റോണിൻ ഹോർമോൺ സ്രവിക്കാൻ സഹായിക്കുന്നു.
പുസ്തകം വായിക്കുക
വായന നിങ്ങളുടെ മനസ്സിനെ ശാന്തമാക്കുന്നു. ഉറങ്ങുന്നതിനുമുമ്പ് നിങ്ങളുടെ പ്രിയപ്പെട്ട പുസ്തകം വായിക്കാം.
ഉറങ്ങുന്നതിനുമുമ്പ് കുളിക്കുക
ഉറങ്ങുന്നതിനുമുമ്പ് കുളിക്കാൻ വിദഗ്ദ്ധർ ശുപാർശ ചെയ്യുന്നു. ഇത് ആളുകളെ വേഗത്തിൽ ഉറങ്ങാൻ സഹായിക്കുകയും ഉറക്കത്തിന്റെ ഗുണനിലവാരം മെച്ചപ്പെടുത്തുകയും ചെയ്യുന്നു.
ചൂടുള്ള എന്തെങ്കിലും കുടിക്കുക
കിടക്കുന്നതിന് മുൻപ് മഞ്ഞൾ പാൽ കുടിക്കുന്നത് തലച്ചോറിനും കുടലിനും ഗുണം ചെയ്യും.
ശ്വസനത്തിൽ ശ്രദ്ധിക്കുക
വിദഗ്ധരും യോഗ വിദഗ്ധരും ആത്മീയ ഗുരുക്കളും ഉറങ്ങുന്നതിനുമുമ്പ് ശ്വസന വ്യായാമങ്ങളുടെ പ്രാധാന്യത്തെപ്പറ്റി പറയുന്നു. ഉറങ്ങുന്നതിനുമുമ്പ് നാഡി സോധൻ പോലെയുള്ള പ്രാണായാമം ചെയ്യുന്നത് മനസ്സിന് ആശ്വാസം പകരുന്നതോടൊപ്പം നല്ല ഉറക്കത്തിനും സഹായിക്കും.
