തൈറോയ്ഡ് ഹോര്മോണിന്റെ ഉത്പാദനത്തിന് തടസ്സം നില്ക്കുന്ന ചില ഭക്ഷ്യവസ്തുക്കള് ഉണ്ട്. ഇവയെ ഗോയിട്രോജന്സ് എന്ന് വിളിക്കുന്നു. ഇവയിലെ ചില ഘടകങ്ങളാണ് തൈറോയ്ഡ് ഹോര്മോണിന്റെ ഉത്പാദനത്തിന് തടസ്സമാകുന്നത്.
സോയാബീന്സ്, ക്രൂസിഫറസ് വിഭാഗത്തില്പ്പെടുന്ന കോളിഫ്ളവര്, കാബേജ്, ബ്രോക്കോളി തുടങ്ങിയവയാണ് ഗോയിട്രോജന്സിന് മുന്പന്തിയില് ഉള്ളത്. ഇവയില് അടങ്ങിയിരിക്കുന്ന ഐസോതയോസൈനേറ്റ് ആണ് തൈറോയ്ഡ് ഗ്രന്ഥിയുടെ പ്രവര്ത്തനങ്ങള്ക്ക് തടസ്സമാകുന്നത്. സോയയില് അടങ്ങിയിരിക്കുന്ന ഐസോഫ്ളേവോണ്സ് എന്ന ഘടകവും തൈറോയ്ഡ് ഉത്പാദനത്തെ ബാധിക്കുന്നുണ്ട്.
മരച്ചീനി, ബ്രോക്കോളി, കാബേജ്, കോളിഫ്ളവര്, നിലക്കടല, കടുക്, റാഡിഷ്, ചീര, സ്ട്രോബെറി, മധുരക്കിഴങ്ങ് തുടങ്ങിയവയിലും തയോസൈനേറ്റ് അടങ്ങിയിട്ടുണ്ട്. ആപ്പിള്, ഓറഞ്ച്, സോയ, ചായ പ്രത്യേകിച്ച് ഗ്രീന് ടീ എന്നിവയിലും പ്രധാനമായും ഫ്ളേവോണ്സ് അടങ്ങിയിരിക്കുന്നു.
