December 2021

സ്നീക്കേഴ്സിന് അതിനു മാത്രം എന്താണ് പ്രത്യേകത! ഇപ്പോൾ ഫാഷൻ ലോകത്ത് സ്നീക്കേഴ്സിനെ കുറിച്ചുള്ള ചർച്ച വീണ്ടും സജീവമായിക്കൊണ്ടിരിക്കുകയാണ്. കുറച്ച് വർഷങ്ങൾക്ക് മുമ്പ് യുവതയുടെ ഹരമായി മാറിയിരുന്ന ഒന്നായിരുന്നു ഇവ. ഒരു ഇടവേളക്ക് ശേഷം വീണ്ടും ഫാഷൻ രംഗത്ത് സജീവമാവുകയാണ് സ്നീക്കേഴ്സ്. ഏത് വസ്ത്രത്തിെൻറ കൂടെയും ഇത് നല്ല ജോഡിയായിരിക്കും എന്നത് തന്നെയാണ് ആദ്യത്തെ പ്രത്യേകത. വെള്ള സ്നീക്കറുകളാണ് ഫാഷൻ ലോകത്ത് കൂടുതൽ പേരും തെരഞ്ഞെടുക്കുന്നത്. അതിന് ഒരുപാട് കാരണങ്ങളും ഉണ്ട്. സ്റ്റൈലാവാൻ വെള്ള സ്നീക്കറുകൾ നിർബന്ധമാണെന്നാണ് യുവാക്കളും യുവതികളും ഒരുപോലെ പറയുന്നത്. യുണി സെക്സ് സ്നീക്കറുകൾക്കാണ് ഡിമാൻഡ് കൂടുതൽ. ഇത് അണിയുേമ്പാൾ കാലിന് ഉണ്ടാകുന്ന സുഖകരമായ അവസ്ഥ തന്നെയാണ് യുനിസെക്സ് സ്നീക്കറുകളുടെ ഡിമാൻഡ് കൂട്ടുന്നതിന് പിന്നിലെ ആദ്യ കാരണം. എല്ലാത്തിനുമുപരി, വള ഭംഗിയുള്ളവ കുടിയാണ് അവ. മിക്കവാറും എല്ലാ വസ്ത്രങ്ങളിലും മികച്ച ഒരു ജോഡിയായി തന്നെ സ്നീക്കേഴ്സ് മാറും.

ആദ്യം വേണ്ടത് പ്രതിരോധം തന്നെ:

സ്നീക്കറുകൾ നശിക്കാതിരിക്കാൻ ആദ്യം ചെയ്യേണ്ടത് അത് നന്നായി സംരക്ഷിക്കുക എന്നതു തന്നെയാണ്. അഴുക്കാകാതിരിക്കാൻ എന്തെല്ലാൻ ചെയ്യാൻ പറ്റും എന്ന ചിന്തയാണ് ആദ്യം വേണ്ടത്. അതിനുള്ള പ്രധാനപ്പെട്ട ഒരു വിദ്യ, പുതിയതോ അല്ലെങ്കിൽ കഴുകി വൃത്തിയാക്കിയതോ ആയ സ്നീക്കറുകളിൽ അഴുക്കും അതുപോലുള്ള ചെളികളും പറ്റുന്നത് തടയാൻ ഉപയോഗിക്കുന്ന സ്പ്രേകളോ അല്ലെങ്കിൽ സ്റ്റെയിൻ റിപ്പല്ലേൻറാ ഉപയോഗിക്കുക എന്നതാണ്. ഇവ ഉപയോഗിക്കുേമ്പാൾ സ്പ്രേ ചെയ്ത ശേഷം ഒരു രാത്രിയെങ്കിലും അത് ഉപയോഗിക്കാതെ മാറ്റി വെക്കാനും വേണം ശ്രദ്ധ.

നല്ല ക്ലീനിംഗ് ഉൽപ്പന്നങ്ങൾ മാത്രം ഉപയോഗിക്കുക:

സാധാരണ രീതിയിൽ വൃത്തിയാക്കിയ ശേഷവും സ്നീക്കേഴ്സിൽ അഴുക്ക് നില നിൽക്കുന്നു എങ്കിൽ ആ പഴയ രീതികളോട് തൽക്കാലം നോ പറയാം. സോപ്പ് ഉപയോഗിച്ചിട്ടും അത് വൃത്തിയായില്ലെങ്കിൽ കൂടുതൽ മികച്ച രീതിയിൽ പ്രവർത്തിക്കുന്ന ക്ലീനിംഗ് ഉൽപ്പന്നത്തിലേക്ക് മാറുകയാണ് നല്ലത്. വലിയ വില കൊടുത്ത് അതിനായി സാധനങൾ വാങ്ങേണ്ട കാര്യമൊന്നും ഇല്ല കേേട്ടാ. വീട്ടിലുള്ള പഴയ ബേക്കിംഗ് സോഡക്കു വരെ നിങ്ങളുടെ സ്നീക്കേഴ്സിൽ അത്ഭുതങ്ങൾ കാട്ടാൻ കഴിയും.

– ആദ്യം സ്നീക്കറുകളിലെ അഴുക്ക് നീക്കം ചെയ്യണം.
– അതിന് ശേഷം ബേക്കിംഗ് സോഡയും വെള്ളവും അതല്ലെങ്കിൽ ഹൈഡ്രജൻ പെറോക്സൈഡ് ഉപയോഗിച്ച് ഒരു പേസ്റ്റ് ഉണ്ടാക്കണം.
– ഇത് ഇനി ഷൂവിൽ പുരട്ടിയ ശേഷം കുറച്ചു സമയം വെറുതേ വെക്കുക.
– അത് ഉണങ്ങിക്കഴിഞ്ഞാൽ പൊടിയെല്ലാം തുടച്ച് മാറ്റണം. അതിന് ശേഷം ഒന്ന് നന്നായി പുറത്ത് കഴുകണം.
– നന്നായി അഴുക്ക് പിടിച്ച സ്നീക്കേഴ്സ് ആണെങ്കിൽ ഇത് വീണ്ടും തുടരാം.

പരീക്ഷിക്കാൻ ഇനിയുമുണ്ട് കാര്യങ്ങൾ:

– ആദ്യം ബ്ലീച്ച് എടുത്ത് വെള്ളത്തിൽ കലർത്തണം.
– ഇനി ഈ ലായനിയിൽ ബ്രഷ് മുക്കിയ ശേഷം സ്നീക്കറിൽ നന്നായി തേച്ച് പിടിപ്പിക്കണം.
– അധികം അഴുക്ക് സ്നീക്കറിൽ ഉണ്ട് എങ്കിൽ സൊല്യൂഷൻ കുറച്ചുകുടി കട്ടി കൂട്ടാൻ ശ്രദ്ധിക്കണം.
– ഇനി വെള്ളം ഉപയോഗിച്ച് കഴുകി വൃത്തിയാക്കി എടുക്കാം.

ടൂത്ത് പേസ്റ്റ് ഉപയോഗിക്കാം:

ജെൽ ഉപയോഗിച്ചിട്ടില്ലാത്ത സാധാരണ വെളുത്ത ടൂത്ത് പേസ്റ്റ് ഉപയോഗിച്ചും സ്നീക്കറുകൾ നന്നാക്കിയെടുക്കാൻ സാധിക്കും.
– ആദ്യം ബ്രഷ് ഉപയോഗിച്ച് പേസ്റ്റ് നന്നായി സ്നീക്കറിെൻറ ഭാഗങ്ങളിൽ തേച്ച് പിടിപ്പിക്കണം.
-അതിന് ശേഷം 10-20 മിനിറ്റ് അങ്ങനെ തന്നെ ഇരിക്കാൻ അനുവദിക്കണം.
– ഇനി വെള്ളം ഉപയോഗിച്ച് പതിയെ പേസ്റ്റ് കഴുകി ഒഴിവാക്കണം.

ഈ കാര്യങ്ങൾ ഒരിക്കലും മറക്കരുത്:

ലെയ്സുകൾ അഴിച്ച് ചൂടുള്ള സോപ്പുവെള്ളത്തിൽ വെവ്വേറെ കഴുകി വെക്കണം. ലെയ്സ് കൈയിലിട്ട് നന്നായി കഴുകി വൃത്തിയാക്കാം. രണ്ടും വെവ്വേറെ ഉണങ്ങിയ ശേഷം മാത്രം യോജിപ്പിക്കാം.

സൗന്ദര്യ സങ്കൽപ്പങ്ങളിൽ മുടിക്ക് ഒരു പ്രധാന സ്ഥാനമുണ്ട്. മുടിയുടെ ആരോഗ്യവും രൂപവും നമ്മുടെ മൊത്തത്തിലുള്ള സൗന്ദര്യത്തെ നിർണ്ണയിക്കുന്നു എന്ന് വേണം പറയാൻ. അതുകൊണ്ടാണ്, നീളമുള്ള, പട്ടുപോലെയുള്ള, മിനുസമാർന്ന മുടി ഒരിക്കലും ഔട്ട് ഓഫ് ഫാഷൻ ആവില്ലെന്ന് പറയുന്നത്. എന്നിരുന്നാലും, നീളമുള്ള മുടി വളർത്തുന്നത് നാം വിചാരിക്കുന്നതിനെക്കാൾ വളരെ ബുദ്ധിമുട്ടാണ്. മുടിയുടെ നീളവും ആരോഗ്യവും വളർത്താനുള്ള നമ്മുടെ ശ്രമത്തിൽ, മുടി കൊഴിച്ചിൽ, മുടിയുടെ പിളർന്ന അറ്റങ്ങൾ, മുടി പൊട്ടൽ, മുടിയുടെ ഉള്ള് കുറയൽ തുടങ്ങിയ പ്രശ്നങ്ങളെല്ലാം കൈകാര്യം ചെയ്യേണ്ടതുണ്ട്. ഇവയെല്ലാം നീളമുള്ള മുടിയെക്കുറിച്ചുള്ള നമ്മുടെ സ്വപ്നത്തെ നശിപ്പിക്കാൻ സാധ്യതയുണ്ട്.

എന്നാൽ ഫലപ്രദമായ കുറച്ച് പ്രകൃതിദത്ത പരിഹാരങ്ങൾ ഉപയോഗിച്ച്, ഏത് കഠിനവുമായ മുടിയുടെ പ്രശ്നങ്ങളെ നേരിടാനും നിങ്ങൾക്ക് കഴിയും. മുടി വളരാൻ സഹായിക്കുന്ന നാല് ചേരുവകൾ പരിചയപ്പെടാം. ഓരോന്നും ഉപയോഗിക്കാനുമുണ്ട് പല വഴികൾ.

ഉള്ളി നീര്

ഉള്ളി നീര് പുരട്ടുക – ഇടത്തരം വലിപ്പമുള്ള ഉള്ളിയിൽ നിന്ന് തൊലി നീക്കം ചെയ്ത് ചെറിയ കഷണങ്ങളായി മുറിക്കുക. ഈ കഷ്ണങ്ങൾ ഒരു ബ്ലെൻഡറിൽ ഇട്ട് അടിച്ചെടുത്ത്, ജ്യൂസ് വേർതിരിച്ചെടുക്കാൻ ശരിയായി പിഴിഞ്ഞ ശേഷം, നീര് ഒരു പാത്രത്തിൽ ശേഖരിക്കുക. ഈ നീര് ശിരോചർമ്മത്തിൽ നേരിട്ട് പുരട്ടി മസാജ് ചെയ്ത് 30 മിനിറ്റ് നേരം വയ്ക്കുക. ഇത് കഴുകിക്കളയാൻ ഒരു ഷാംപൂ ഉപയോഗിക്കുക. ആഴ്ചയിൽ രണ്ടു തവണ ഇത് ആവർത്തിക്കുക.

വെളിച്ചെണ്ണയും ഉള്ളി നീരും – രണ്ട് ടേബിൾ സ്പൂൺ വീതം ഉള്ളി നീരും വെളിച്ചെണ്ണയും ചേർത്ത് ഇളക്കുക. ഈ മിശ്രിതം ഉപയോഗിച്ച് നിങ്ങളുടെ തലയിൽ കുറച്ച് മിനിറ്റ് നേരം മസാജ് ചെയ്യുക. ഇത് മറ്റൊരു 30 മിനിറ്റ് നേരം വച്ചതിനു ശേഷം, മിതമായ ഷാംപൂ ഉപയോഗിച്ച് തല കഴുകുക. ആഴ്ചയിൽ രണ്ടു തവണ വീണ്ടും പ്രയോഗിക്കുക.

ഉള്ളി നീര് കൊണ്ട് മുടി കഴുകാം – ഒരു ഇടത്തരം വലിപ്പമുള്ള സവാളയെ രണ്ട് ഭാഗങ്ങളായി മുറിക്കുക. രണ്ട് ഭാഗങ്ങളും അരച്ച് സവാളയിൽ നിന്ന് ജ്യൂസ് വേർതിരിച്ചെടുക്കുക. ഒരു പാത്രം വെള്ളത്തിൽ സവാള ജ്യൂസ് ചേർക്കുക. ഷാമ്പൂ ഉപയോഗിച്ച് മുടി നന്നായി കഴുകിയ ശേഷം ഈ ഉള്ളി നീര് ചേർത്ത വെള്ളം ഉപയോഗിച്ച് മുടി വീണ്ടും കഴുകുക. നിങ്ങളുടെ മുടി ഷാംപൂ ചെയ്യുമ്പോഴെല്ലാം ഇത് ആവർത്തിക്കുക.

എണ്ണമയമുള്ള ചർമ്മത്തെ പരിപാലിക്കുമ്പോൾ അറിയേണ്ടതെല്ലാം

ഗ്രീൻ ടീ

ഗ്രീൻ ടീ കൊണ്ട് മുടി കഴുകുക – ഗ്രീൻ ടീ തയ്യാറാക്കി, അത് തണുപ്പിക്കാൻ അനുവദിക്കുക. നിങ്ങളുടെ മുടി പതിവു പോലെ ഷാമ്പൂ ചെയ്ത് വെള്ളം ഉപയോഗിച്ച് കഴുകുക. ശേഷം, നിങ്ങളുടെ തലയിൽ ഗ്രീൻ ടീ ഒഴിക്കുക, ഇത് ഉപയോഗിച്ച് ശിരോചർമ്മം ഉൾപ്പടെ കഴുകുന്നു എന്ന് ഉറപ്പാക്കുക. വിരൽത്തുമ്പുകൾ ഉപയോഗിച്ച് തലയിൽ കുറച്ച് മിനിറ്റ് നേരം മസാജ് ചെയ്യുക. മറ്റൊരു 10 മിനിറ്റ് വച്ചതിനു ശേഷം തണുത്ത വെള്ളത്തിൽ തല കഴുകുക. ആഴ്ചയിൽ രണ്ടോ മൂന്നോ തവണ ഈ പ്രക്രിയ ആവർത്തിക്കുക.

മുട്ടയും ഗ്രീൻ ടീയും – കുറച്ച് ഗ്രീൻ ടീ തയ്യാറാക്കുക. അതിന്റെ ചൂടാറുവാൻ വയ്ക്കുക. മറ്റൊരു പാത്രത്തിൽ, രണ്ട് മുട്ട പൊട്ടിച്ച് അടിക്കുക. ഗ്രീൻ ടീയിൽ ഈ അടിച്ച മുട്ട ചേർത്ത് ഇളക്കുക. ഈ മിശ്രിതം ശിരോചർമ്മത്തിലും തലമുടിയിലും പുരട്ടി വൃത്താകൃതിയിലുള്ള ചലനങ്ങളിൽ വിരൽ കൊണ്ട് മസാജ് ചെയ്യുക. 30-40 മിനിറ്റ് വച്ചതിനു ശേഷം സാധാരണ ഷാംപൂ ഉപയോഗിച്ച് കഴുകുക. ഇത് ആഴ്ചയിൽ രണ്ടുതവണ ആവർത്തിക്കുക.

തേൻ, വെളിച്ചെണ്ണ, ഗ്രീൻ ടീ – ഒരു കപ്പ് ഗ്രീൻ ടീ തയ്യാറാക്കിയ ശേഷം തണുക്കാൻ അനുവദിക്കുക. അതിനു ശേഷം, അതിൽ ഒരു ടേബിൾ സ്പൂൺ വീതം തേനും വെളിച്ചെണ്ണയും ചേർക്കുക. എല്ലാ ചേരുവകളും ചേർത്ത് ശിരോചർമ്മത്തിലും മുടിയിലും പുരട്ടുക. തലയിൽ കുറച്ച് മിനിറ്റ് നേരം മസാജ് ചെയ്യുക, എന്നിട്ട് 30-40 മിനിറ്റ് നേരം വയ്ക്കുക. മൃദുവായ ഷാംപൂ ഉപയോഗിച്ച് മുടി കഴുകുക. ആഴ്ചയിൽ ഒന്നോ രണ്ടോ തവണ ഇത് വീണ്ടും പ്രയോഗിക്കുക.

തേങ്ങാപ്പാൽ

തേങ്ങാപ്പാൽ പുരട്ടുക – കുറച്ച് തേങ്ങാപ്പാൽ എടുത്ത് കട്ടിയാകുന്നത് വരെ ഫ്രിഡ്ജിൽ വെച്ച് തണുപ്പിക്കുക. ഒരു രാത്രീ മുഴുവൻ വെക്കാം. പിറ്റേന്ന് രാവിലെ അത് ഫ്രിഡ്ജിൽ നിന്ന് പുറത്തെടുക്കുക. നിങ്ങളുടെ മുടി നനച്ച് കട്ടിയുള്ള തേങ്ങാപ്പാൽ നനഞ്ഞ മുടിയിലും ശിരോചർമ്മത്തിലും പുരട്ടുക. ഇത് ഒരു മണിക്കൂർ നേരം വയ്ക്കുക. ശേഷം, മൃദുവായ ഷാംപൂ ഉപയോഗിച്ച് തല കഴുകുക. ആഴ്ചയിൽ ഒന്നോ രണ്ടോ തവണ വീണ്ടും പ്രയോഗിക്കുക.

ഉരുളക്കിഴങ്ങ് നീരും തേങ്ങാപ്പാലും – ഒന്നോ രണ്ടോ ഉരുളക്കിഴങ്ങ് എടുത്ത് തൊലി നീക്കം ചെയ്യുക. ഉരുളക്കിഴങ്ങ് ചെറിയ കഷണങ്ങളായി മുറിച്ച് മിക്സിയിൽ ഇട്ട് അടിച്ചെടുക്കുക. ഒരു തുണിയിൽ ഇത് പൊതിഞ്ഞെടുത്ത്, ഉരുളക്കിഴങ്ങിന്റെ നീര് ഒരു പാത്രത്തിലേക്ക് പിഴിഞ്ഞെടുക്കുക. അതിലേക്ക് രണ്ട് ടേബിൾ സ്പൂൺ തേങ്ങാപ്പാൽ ചേർത്ത് ചേരുവകൾ നന്നായി ഇളക്കി യോജിപ്പിക്കുക. ഇത് ശിരോചർമ്മത്തിലും മുടിയുടെ നീളത്തിലും പുരട്ടുക. 30-40 മിനിറ്റ് നേരത്തേക്ക് വിടുക. ശേഷം, തല നന്നായി കഴുകി വൃത്തിയാക്കുക. ആഴ്ചയിൽ രണ്ടു തവണ ഇത് ആവർത്തിക്കുക.

നാരങ്ങ നീരും തേങ്ങാപ്പാലും – 6-8 ടേബിൾ സ്പൂൺ തേങ്ങാപ്പാലും 4-5 ടീസ്പൂൺ ശുദ്ധമായ നാരങ്ങ നീരും ചേർത്ത് ഇളക്കുക. ഈ മിശ്രിതം തൈര് ആകുന്നതുവരെ ശീതീകരിക്കുക. ഇത് പുറത്തെടുത്ത് തലയിലും മുടിയിലും പുരട്ടി വിരൽ തുമ്പ് ഉപയോഗിച്ച് നന്നായി മസാജ് ചെയ്യുക. മൃദുവായ ഷാംപൂ ഉപയോഗിച്ച് കഴുകുന്നതിനു മുമ്പ് 30-40 മിനുട്ട് നേരം വയ്ക്കുക. ആഴ്ചയിൽ ഒന്നോ രണ്ടോ തവണ വീണ്ടും പ്രയോഗിക്കുക.

കറ്റാർ വാഴയും തേങ്ങാപ്പാലും – മൂന്ന് ടേബിൾ സ്പൂൺ തേങ്ങാപ്പാൽ എടുത്ത് ഒരു ടേബിൾ സ്പൂൺ ശുദ്ധമായ കറ്റാർ വാഴ ജെൽ ചേർത്ത് ബ്ലെൻഡറോ ഹാൻഡ് ബ്ലെൻഡറോ ഉപയോഗിച്ച് അടിച്ചെടുക്കുക. ഇത് തലയിൽ പുരട്ടി നന്നായി മസാജ് ചെയ്യുക. മുടിയുടെ നീളത്തിലും പ്രയോഗിക്കുക. 30 മിനിറ്റ് വച്ചതിനു ശേഷസം ഒരു മിതമായ ഷാംപൂ ഉപയോഗിച്ച് തല കഴുകുക. ആഴ്ചയിൽ രണ്ടുതവണ ഈ പരിഹാരം വീണ്ടും പ്രയോഗിക്കുക.

മുൾട്ടാണി മിട്ടി സൗന്ദര്യ സംരക്ഷണത്തിന്റെ ഭാഗമാക്കാം, ഇങ്ങനെ
മുട്ട

മുട്ട പ്രയോഗിക്കുക – കുറച്ച് മുട്ട എടുത്ത് പൊട്ടിക്കുക. മിശ്രിതം നന്നായി അടിച്ച് പതപ്പിക്കുക. ഇത് ശിരോചർമ്മത്തിലും മുടിയിലും പുരട്ടി വിരൽത്തുമ്പ് കൊണ്ട് നന്നായി പരത്തുക. ഷവർ തൊപ്പി ധരിക്കുക. 30-45 മിനുട്ട് വച്ചതിനു ശേഷം, തണുത്ത വെള്ളവും മിതമായ ഷാമ്പൂവും ഉപയോഗിച്ച് തല കഴുകുക. ആഴ്ചയിൽ രണ്ടോ മൂന്നോ തവണ ഈ പ്രക്രിയ ആവർത്തിക്കുക.

ആവണക്കെണ്ണയും മുട്ടയും – ഒരു മുട്ട പൊട്ടിച്ച് ഒരു പാത്രത്തിൽ അടിക്കുക. രണ്ട് ടേബിൾ സ്പൂൺ ആവണക്കെണ്ണ മുട്ടയിൽ ചേർത്ത് ഇളക്കുക. മുടിയിലും ശിരോചർമ്മത്തിലും ഈ കൂട്ട് പ്രയോഗിക്കുക, വിരൽത്തുമ്പുകൾ ഉപയോഗിച്ച് മൃദുവായി മസാജ് ചെയ്യുക. 30-40 മിനിറ്റ് കാത്തിരിക്കുക, എന്നിട്ട് സാധാരണ ഷാംപൂവും തണുത്ത വെള്ളവും ഉപയോഗിച്ച് തല കഴുകുക. ആഴ്ചയിൽ ഒന്നോ രണ്ടോ തവണ വീണ്ടും പ്രയോഗിക്കുക.

തേനും മുട്ടയും – ഒരു പാത്രത്തിൽ, ഒരു മുട്ട പൊട്ടിച്ച് ഒരു ഫോർക്ക് ഉപയോഗിച്ച് നന്നായി അടിക്കുക. ഇതിലേക്ക് ഒരു ടേബിൾ സ്പൂൺ തേൻ ചേർത്ത് നന്നായി ഇളക്കുക. ഈ മിശ്രിതം ശിരോചർമ്മത്തിലും മുടിയിലും പുരട്ടുക. നിങ്ങളുടെ തലമുടി ഒരു ബണ്ണ് പോലെ കെട്ടി ഷവർ തൊപ്പി ധരിക്കുക. ഒരു മണിക്കൂറിന് ശേഷം തണുത്ത വെള്ളവും മിതമായ ഷാമ്പൂവും ഉപയോഗിച്ച് തല കഴുകുക. ഈ പ്രതിവിധി ആഴ്ചയിൽ ഒന്നോ രണ്ടോ തവണ പ്രയോഗിക്കുക.

ഒലിവ് എണ്ണയും മുട്ടയും – ഒരു മുട്ട പൊട്ടിച്ച് മുട്ടയുടെ മഞ്ഞക്കരു വേർതിരിക്കുക. ഒരു പാത്രത്തിൽ മുട്ടയുടെ വെള്ള അടിക്കുക, അതിലേക്ക് രണ്ട് ടേബിൾ സ്പൂൺ ഒലിവ് എണ്ണ ചേർക്കുക. ഹെയർ മാസ്ക് തയ്യാറാക്കാൻ അവ ഒരുമിച്ച് കലർത്തുക. തലമുടിയിലും ശിരോചർമ്മത്തിലും ഈ മിശ്രിതം പുരട്ടുക. ഒരു ഷവർ തൊപ്പി ധരിച്ച് മാസ്ക് 30-40 മിനിറ്റ് നേരം വയ്ക്കുക. ശേഷം, നേരിയ ഷാംപൂവും തണുത്ത വെള്ളവും ഉപയോഗിച്ച് കഴുകുക. ഈ മുഴുവൻ പ്രക്രിയയും ആഴ്ചയിൽ ഒന്നോ രണ്ടോ തവണ ആവർത്തിക്കുക

മുടിയുടെ വളര്‍ച്ചയെ വേഗത്തിലാക്കുന്നത് മുതല്‍ പ്രശ്നങ്ങളെ കുറയ്ക്കാന്‍ വരെ വീട്ടുവൈദ്യങ്ങള്‍ സഹായിക്കും.മുടിയുടെ കട്ടി കുറയുന്ന പ്രശ്നത്താല്‍ ബുദ്ധിമുട്ടനുഭവിക്കുന്നുണ്ടെങ്കില്‍, തീര്‍ച്ചയായും ഈ മാസ്ക് നിങ്ങളൊന്ന പരീക്ഷിച്ചു നോക്കണം.

ഒരു ചെറിയ പാത്രത്തില്‍ ഒരു ടീസ്പൂണ്‍ കാസ്റ്റര്‍ ഓയില്‍ ചേര്‍ക്കുക. മൈക്രോവേവില്‍ ഏകദേശം 10 സെക്കന്‍ഡ് ഇത് ചൂടാക്കുക. ഈ എണ്ണ തലയില്‍ ഉപയോഗിക്കുമ്ബോള്‍ ഊഷ്മളമായിരിക്കണമെന്ന് ഓര്‍മ്മിക്കുക. വിരല്‍ത്തുമ്ബ് ഉപയോഗിച്ച്‌ തലയോട്ടിയില്‍ ഈ എണ്ണ മസാജ് ചെയ്യുക. ഇത് 15 മിനിറ്റ് തലയില്‍ സൂക്ഷിക്കുക, തുടര്‍ന്ന് ഷാംപൂ ചെയ്യുക. അവോക്കാഡോ നിങ്ങളുടെ ശാരീരിക ആരോഗ്യത്തിന് മാത്രമല്ല, മുടിക്കും മികച്ച ഗുണങ്ങളെ നല്‍കുന്നതാണ്.

ഒമേഗ -3, അമിനോ ആസിഡുകള്‍, വിറ്റാമിന്‍ എ, ഡി, ഇ, ബി 6 എന്നിവയാല്‍ സമ്ബന്നമായ ഈ ഫലം നിങ്ങളുടെ തലമുടിക്ക് ആവശ്യമായ എല്ലാ പോഷകങ്ങളെയും വാഗ്ദാനം ചെയ്യുന്നു. ഒരു ഇടത്തരം വലിപ്പമുള്ള പഴുത്ത അവോക്കാഡോയും ഒരു ചെറിയ പഴുത്ത വാഴപ്പഴവും ഒരുമിച്ച്‌ ഉടച്ചെടുക്കുക. ഈ പേസ്റ്റിലേക്ക് ഒരു ടേബിള്‍ സ്പൂണ്‍ ഒലിവ് ഓയിലും വീറ്റ് ജേം ഓയിലും ചേര്‍ക്കുക. ഈ ഹെയര്‍ മാസ്ക് സൗമ്യമായി തലയോട്ടിയില്‍ തേച്ച്‌ പുരട്ടി മസാജ് ചെയ്യുക. നിങ്ങളുടെ മുടി വേരുകള്‍ മുതല്‍ നുറുങ്ങു വരെ ഇത് തേച്ച്‌ പിടിപ്പിക്കുന്നുണ്ടെന്ന് ഉറപ്പാക്കുക

പോഷകാഹാരക്കുറവും നിലവാരമില്ലാത്ത ലിപ്സ്റ്റിക്കുകളുടെ ഉപയോഗവും ചുണ്ടുകളുടെ നിറം നഷ്ടമാകാന്‍ പ്രധാകാരണമാണ്. ഇതിന് പരിഹാരമായി രാത്രി ഉറങ്ങാന്‍ പോകും മുമ്ബ് പാല്‍പ്പാട, നാരങ്ങാനീര്, ഗ്ലിസറിന്‍ ഇവ സമം ചേര്‍ത്തു ചുണ്ടുകളില്‍ പുരട്ടണം. ഇങ്ങനെ പതിവായി ചെയ്‌താല്‍ ചുണ്ടുകള്‍ക്കു നല്ല നിറം കിട്ടും. പതിവായി നെല്ലിക്കാനീര് പുരട്ടുന്നതും ഗുണം ചെയ്യും.

തക്കാളിനീരും വെളിച്ചെണ്ണയും യോജിപ്പിച്ച്‌ ചുണ്ടില്‍ പുരട്ടിയാല്‍ നിറംമങ്ങല്‍ മാറും. ഗ്ലിസറിനും തേനും നാരങ്ങാനീരും ചേര്‍ത്തു ചുണ്ടില്‍ പുരട്ടി വിരല്‍കൊണ്ട് അമര്‍ത്തിയുഴിഞ്ഞാല്‍ ചുണ്ടിനു നിറവും ഭംഗിയും ഏറും. ഒരു ടീസ്‌പൂണ്‍ ബദാം എണ്ണയും അര ടീസ്‌പൂണ്‍ ആവണക്കെണ്ണയും യോജിപ്പിച്ചു ചുണ്ടില്‍ പുരട്ടിയശേഷം ഉറങ്ങാന്‍ പോവുക. നിറത്തിനു കാര്യമായ മാറ്റം ഉണ്ടാകും.

പോഷകക്കുറവു പരിഹരിക്കാന്‍ നിത്യവും ധാരാളം പച്ചക്കറികള്‍ കഴിക്കുക. വിറ്റാമിന്‍ ‘സി’ അടങ്ങിയ ഓറഞ്ച്, തക്കാളി, നെല്ലിക്ക എന്നിവയും കഴിക്കണം. ചുണ്ടില്‍ അധികം വെയില്‍ കൊള്ളാതിരിക്കാന്‍ ശ്രദ്ധിക്കണം.

മഞ്ഞൾ പ്രയോഗത്തിലൂടെ മുഖകാന്തി വർദ്ധിപ്പിക്കാവുന്ന ചില പൊടികൈകൾ നോക്കാം.താഴെ പറയുന്ന അഞ്ച് ലളിതമായ മാർഗ്ഗങ്ങളും മുഖകാന്തി വർദ്ധിപ്പിക്കുവാനുള്ളതാണ്.

1. കുളിക്കുന്നതിന് അരമണിക്കൂർ മുൻപായി മഞ്ഞൾപൊടിയും, ചെറുപയർ പൊടിയും തുല്യ അളവിലെടുത്ത്, അരച്ചെടുത്ത ആര്യവേപ്പിലയും പാലും ചേർത്ത് മുഖത്തു നല്ല രീതിയിൽ പുരട്ടുക. കുളിക്കുന്നതിനു മുൻപായി ചെറുപയർ പൊടിയും ചൂടുവെള്ളം ഉപയോഗിച്ച് കഴുകികളയുക.

2. പച്ചമഞ്ഞൾ, കാട്ടുമഞ്ഞൾ, കസ്തൂരിമഞ്ഞൾ ഇവയിലേതെങ്കിലും വേപ്പില, രക്ത ചന്ദനം എന്നിവയുമായി സമാസമം കലർത്തി മുഖത്തു പുരട്ടുക. അരമണിക്കൂർ വച്ചശേഷം കഴുകികളയുക.

3. കോഴിമുട്ടയുടെ വെള്ളക്കരുവിൽ മഞ്ഞൾപ്പൊടി ചേർത്ത് മുഖത്തു പുരട്ടുക. മുഖത്തെ ചുളിവുകൾ മാറികിട്ടും.
4. മഞ്ഞളും പാലിന്റെ പാടയും ചേർത്ത് മുഖത്ത് പുരട്ടിയശേഷം ചെറിയ ചൂടുവെള്ളത്തിൽ അരമണിക്കൂറിനുശേഷം കഴുകി കളയുക
5. മഞ്ഞളും, ചെറുപയർ പൊടിച്ചതും, തെച്ചിപ്പൂവും പാലിൽ ചേർത്ത് മുഖത്ത് പുരട്ടുക.

ചര്‍മ്മത്തിന്റെ സ്വഭാവം അറിഞ്ഞു വേണം ചര്‍മ്മസംരക്ഷണം നടത്താന്‍.ഇല്ലെങ്കിൽ പണി പാളും.എണ്ണമയം കൂടുതലുള്ള ചര്‍മ്മമുള്ളവര്‍ എണ്ണയുടെയും പാല്‍പ്പാടയുടെയും ഉപയോഗം പടേ ഒഴിവാക്കണം. ഇല്ലെങ്കില്‍ മുഖക്കുരുവും കാരയും ഉണ്ടാകാനിടയുണ്ട്.

വിണ്ടുകീറിയ ചര്‍മ്മമുള്ളവര്‍ക്ക് മുഖത്ത് എന്ത് തേച്ചാലും നീറ്റലുണ്ടാകും.അതുകൊണ്ട് തന്നെ എല്ലാ ചര്‍മ്മക്കാര്‍ക്കും ഒരേ പോലുള്ള സൗന്ദര്യവര്‍ദ്ധക വസ്‌തുക്കള്‍ ഉപയോഗിക്കാന്‍ കഴിയില്ലെന്ന് ശ്രദ്ധിക്കണം.

മൂന്ന് ടേബിള്‍ സ്‌പൂണ്‍ കടലമാവില്‍ ഒരുനുള്ള് മഞ്ഞള്‍പ്പൊടി ചേര്‍ക്കുക. ഇതില്‍ ഒരു ടേബിള്‍ സ്‌പൂണ്‍ പാലൊഴിച്ച്‌ കുഴച്ച്‌ മുഖത്ത് പുരട്ടി ഉണങ്ങുമുമ്ബ് കഴുകി കളയുക.

മുള്‍ട്ടാണിമിട്ടിയും ചന്ദനവും റോസ് വാട്ടറില്‍ മിക്സ് ചെയ്തു മുഖത്ത് പുരട്ടി ഉണങ്ങുമ്ബോള്‍ കഴുകിക്കളയാം. തുളസിയിലയും മഞ്ഞളും അരച്ച്‌ മുഖത്തിട്ടാല്‍ മുഖക്കുരു അപ്രത്യക്ഷമാകും. തക്കാളിനീരും പയറുപൊടിയും ചന്ദനവും ചേര്‍ത്ത മിശ്രിതം മുഖത്തിട്ടു ഉണങ്ങുമ്ബോള്‍ കഴുകികളയാം. തണ്ണിമത്തന്റെ നീര് കൊണ്ട് തുടയ്‌ക്കുന്നത് മുഖത്തിന് തിളക്കം നല്‍കും.

സ്ട്രെയ്റ്റനിങ്ങിനു ശേഷം വന്ന ട്രെൻഡ് ആണ് സ്മൂത്തനിങ്. ഇത് സ്ട്രെയ്റ്റനിങ് പോലെ മുടി വടി പോലെയാക്കുന്നില്ല. റീ ബോണ്ടിങ്ങിന്റെ കുറച്ച് വീര്യം കുറഞ്ഞ രീതിയാണ് സ്മൂത്തനിങ് ഹെയർ ട്രീറ്റ്മെന്റ്. ഇതിലൂടെ മുടിയെ മൃദുവും സിൽക്കിയും ആക്കി മാറ്റാം. മുടി കെട്ടാനും സ്റ്റൈൽ ചെയ്യാനും എളുപ്പം സാധിക്കും. മുടിക്ക് അത്യാവശ്യം വേണ്ട മോയിസ്ചറൈസേഷനും ലഭിക്കുന്നു.മുടിയുടെ ആരോഗ്യം അനുസരിച്ച്  സ്മൂത്തനിങ് ക്രീം ഇടുന്നതാണ് ആദ്യഘട്ടം. ഷാംപൂ ഉപയോഗിച്ച് മുടി കഴുകി 100 ശതമാനം ഡ്രൈ ചെയ്ത ശേഷമാണ് സ്മൂത്തനിങ് ക്രീം മുടിയിൽ പുരട്ടുന്നത്. 20– 30 മിനിറ്റ്  ഈ ക്രീം മുടിയിൽ വയ്ക്കുന്നു.പിന്നെ, മുടി ഷാംപൂ വാഷ് ചെയ്ത് കണ്ടീഷനർ ഇട്ട് അയണിങ് ചെയ്യുന്നു.

മുടിക്ക് അനുസരിച്ചാണ് അയണിങ്. ന്യൂട്രലൈസർ ഇട്ട് 20 മിനിറ്റ് വയ്ക്കുന്നു. പിന്നെ, ഷാംപൂ ഇല്ലാതെ കണ്ടീഷനർ ഇട്ട് 10 മിനിറ്റിനു ശേഷം വാഷ് ചെയ്ത് ഡ്രൈ ചെയ്യുന്നു. ഇതാണ് സ്മൂത്തനിങ്ങിന്റെ രീതി. സ്മൂത്തനിങ് കഴിഞ്ഞ് നാലാം ദിവസമേ തലമുടി കഴുകാവൂ. ബ്യൂട്ടീഷൻ നിർദേശിച്ച ഷാംപൂവും കണ്ടീഷനറും  ഉ പയോഗിച്ച് മാത്രം മുടി കഴുകുക.സ്മൂത്തനിങ് കഴിഞ്ഞ് മൂന്നാഴ്ച കഴിഞ്ഞാൽ തലമുടിയിൽ എണ്ണ തേക്കാം. തലയോട്ടിയിലും മുടിയിഴകളിലുമെല്ലാം എണ്ണ പുരട്ടുന്നത് മുടിയുടെ ആരോഗ്യം കാക്കും. പതിവായി ഉപയോഗിക്കുന്നത് ഏത് എണ്ണയാണോ അതു തന്നെ ഉപയോഗിക്കാം. മാസത്തിൽ ഒരിക്കൽ ബ്യൂട്ടി പാർലറിൽ പോയി ഹെയർ സ്പാ ചെയ്യാം. ഇതു മുടിക്ക് പ്രോട്ടീൻ പരിചരണം നൽകുന്നു.

ആഴ്ചയിൽ ഒന്നോ രണ്ടോ തവണ ഓയിൽ മസാജ് ചെയ്ത് ഷാംപൂ ഇട്ട് മുടി കഴുകുക. ഓയിൽ മസാജ് മുടിക്ക് മോയിസ്ചറൈസിങ് നൽകും. ഒട്ടും മോയിസ്ചറൈസിങ് കൊടുക്കാത്ത മുടിക്ക് അറ്റം പൊട്ടൽ വരാം.സ്മൂത്തനിങ്ങിന്റെ ഫലം 6– 8 മാസം വരെ നിൽക്കും. ഈ സമയം കഴിയുമ്പോൾ പുതിയ മുടി വളരുന്നു. ഒരു തവണ സ്മൂത്തനിങ് ചെയ്ത് എട്ടു മാസം കഴിയാതെ അടുത്ത സ്മൂത്തനിങ് ചെയ്യാൻ പാടില്ല. അങ്ങനെ ചെയ്താൽ മുടികൊഴിച്ചിൽ വരാം.

വന്ധ്യത ശാപമല്ല പലപ്പോഴും പരിഹരിക്കാന്‍ കഴിയുന്ന വൈകല്യം മാത്രമാണ്‌. പക്ഷേ ആ തിരിച്ചറിവിന്‌ ലൈംഗികത, ശരീരശാസ്‌ത്രം, മന:ശാസ്‌ത്രം എന്നിവയെക്കുറിച്ചുള്ള ശാസ്‌ത്രീയവിജ്‌ഞാനം അത്യാവശ്യമാണ്‌.
ദാമ്പത്യജീവിതത്തെ വസന്തം നിറയുന്ന പൂങ്കാവനമാക്കുന്നത്‌ കുട്ടികളാണ്‌. ഓമനത്തിങ്കള്‍ കിടാവിനെപ്പോലെയുള്ള ഒരു കുട്ടിക്കായി കൊതിക്കാത്ത ദമ്പതികളില്ല. എന്നാല്‍ വന്ധ്യത ഒരു പേടിസ്വപ്‌നമായി കരിനിഴല്‍ വിരിക്കുന്ന ദമ്പതികളുടെ ജീവിതം ദു:സഹമായിത്തീരുകയാണ്‌.
പരസ്‌പരം പഴിചാരുന്ന ദമ്പതികള്‍…പരിഹസിക്കുന്ന ബന്ധുസമൂഹവും……. അന്ധവിശ്വാസങ്ങളുടെ പുറകേയുള്ള പരക്കംപാച്ചില്‍….. ജീവിതം അര്‍ഥശൂന്യമാകുന്നതില്‍ മനംനൊന്തു കഴിയുന്നവര്‍.
വന്ധ്യത ശാപമല്ലെന്നും പലപ്പോഴും അതു പരിഹരിക്കാന്‍ കഴിയുന്ന വൈകല്യം മാത്രമാണെന്ന തിരിച്ചറിവാണ്‌ വേണ്ടത്‌. ആ തിരിച്ചറിവ്‌, ലൈംഗികത, ശരീരശാസ്‌ത്രം, മന:ശാസ്‌ത്രം, ശരിയായ വന്ധ്യതാ പരിഹാരമാര്‍ഗങ്ങള്‍ എന്നിവയെക്കുറിച്ചുള്ള ശാസ്‌ത്രീയവിജ്‌ഞാനം ആര്‍ജിക്കുന്നതിലൂടെ മാത്രമേ നേടാന്‍ കഴിയൂ.

പോളിസിസ്‌റ്റിക്‌ ഓവറി

ലൈംഗിക ഹോര്‍മോണുകളുടെ അസന്തുലിതാവസ്‌ഥ കാരണം സ്‌ത്രീകളിലും പെ ണ്‍കുട്ടികളിലും ധാരാളമായി കാണപ്പെടുന്ന രോഗാവസ്‌ഥയാണ്‌ പോളിസിസ്‌റ്റിക്‌ ഓവറി ഡിസീസ്‌. പി.സി.ഒ.ഡി. എന്ന ചുരുക്കപ്പേരിലാണ്‌ ഇതറിയപ്പെടുന്നത്‌.
അണ്ഡാശയത്തില്‍ ഒന്നോ അതിലധികമോ ചെറിയ കുമിളകള്‍ കാണുന്ന സ്‌ഥിതിവിശേഷമാണിത്‌. സ്‌ത്രീ വന്ധ്യതയ്‌ക്ക് മുഖ്യകാരണമായിരിക്കുന്ന പി.സി.ഒ.ഡി. ബാധിതരില്‍ ബഹുഭൂരിപക്ഷത്തിലും പുരുഷഹോര്‍മോണിന്റെ അളവും കൂടുതലായിരിക്കും.
ഇത്‌ പ്രധാനമായും ജനിതക കാരണങ്ങളോടും ജീവിതശൈലികളോടും ബന്ധപ്പെട്ട ഒന്നാണ്‌. അമിതഭക്ഷണം, ഫാസ്‌റ്റ്ഫുഡ്‌, കൃത്രിമപാനീയങ്ങള്‍, വ്യായാമക്കുറവ്‌ എന്നിവയെല്ലാം രോഗകാരണമായി വര്‍ത്തിക്കുന്നു.

രോഗലക്ഷണങ്ങള്‍

ക്രമംതെറ്റിയ ആര്‍ത്തവചക്രം, ചിലപ്പോള്‍ മാസങ്ങളോളം ആര്‍ത്തവം ഉണ്ടാകാതിരുന്നശേഷം ഉണ്ടാകുക, ആര്‍ത്തവരക്‌തസ്രാവം നീണ്ടുനില്‌ക്കുക, ആര്‍ത്തവത്തിനു മുന്‍പും ആര്‍ത്തവസമയത്തും വയറിനും നടുവിനും കാലിനും ശക്‌തമായ വേദന, മുഖക്കുരു, ശരീരത്തിനു വണ്ണവും ഭാരവും കൂടുക, അമിത രോമവളര്‍ച്ച, ഗര്‍ഭധാരണു തടസം, ലൈംഗികമരവിപ്പ്‌, വിഷാദം എന്നിവയെല്ലാമാണ്‌ രോഗ ലക്ഷണങ്ങള്‍.

അറിയേണ്ട കാര്യങ്ങള്‍

സ്‌ത്രീകളുടെ ആര്‍ത്തവചക്രം എന്നാല്‍ എന്താണെന്നും ഗര്‍ഭധാരണത്തില്‍ അതിന്റെ പ്രാധാന്യമെന്ത്‌ എന്നൊക്കെയുള്ള ചോദ്യങ്ങള്‍ ആശങ്കയോടെ കൊണ്ടുനടക്കുന്നവരാണ്‌ വിദ്യാസമ്പന്നര്‍പോലും. മികച്ച ലൈംഗികവിദ്യാഭ്യാസം കിട്ടാത്ത നമ്മുടെ സമൂഹത്തില്‍ ഇത്തരം ചോദ്യങ്ങള്‍ക്ക്‌ ഉത്തരം കിട്ടാതെ വിഷമിക്കുന്നവര്‍ ധാരാളം.

ഗര്‍ഭധാരണം എങ്ങനെ?

ആരോഗ്യവതിയായ ഒരു സ്‌ത്രീയുടെ ആര്‍ത്തവചക്രം (Menstural Cycle) സാധാരണഗതിയില്‍ 21 – 35 ദിവസമാണ്‌. 10 -15 ദിവസങ്ങള്‍ക്കുള്ളില്‍ അണ്ഡാശയത്തില്‍നിന്നും അണ്ഡം പുറത്തുവരുന്ന പ്രക്രിയ ആരംഭിക്കും.
ഈ അണ്ഡത്തെ അണ്ഡവാഹിനിക്കുഴലിന്റെ അകത്തുള്ള വിരലാകൃതിയിലുള്ള ഫംബ്രിയ (Fimbria) പൊക്കിയെടുക്കുന്നു. പിന്നീട്‌ അണ്ഡവാഹിനിക്കുഴലിന്റെ ആംപ്യൂലരിമേഖലയില്‍ സ്‌ഥിതിചെയ്യുന്ന ഫിംബ്രിയയില്‍ ഏതാണ്ട്‌ 12- 24 മണിക്കൂര്‍ നേരം അണ്ഡം പുരുഷബീജാണുക്കളുമായി കൂടിച്ചേരാനായി നില്‍ക്കുന്നു.
യോനിയിലേക്ക്‌ ബീജം എത്തിയാലുടന്‍ തന്നെ ചലനശേഷിയുള്ള ബീജാണുക്കളെല്ലാം ഗര്‍ഭാശയമുഖത്ത്‌ എത്തിച്ചേരുകയും ഈ ബീജാണുക്കളെല്ലാം 24-48 മണിക്കൂര്‍വരെ ഗര്‍ഭാശയനാളത്തില്‍ സുരക്ഷിതമായി സൂക്ഷിക്കപ്പെടുന്നു.
അവിടെനിന്നു ക്രമാനുഗതമായി ഗര്‍ഭാശയത്തിലൂടെ അണ്ഡവാഹിനിക്കുഴലിലേക്ക്‌ നീങ്ങുന്ന ബീജാണുക്കള്‍ അവിടെവച്ച്‌ അണ്ഡവുമായി സംയോജിക്കുന്നു. അങ്ങനെ സ്‌ത്രീ-പുരുഷ യുഗ്മകോശങ്ങള്‍ കൂടിച്ചേര്‍ന്ന്‌ സിക്‌താണ്ഡം (Zygote) രൂപം പ്രാപിക്കുന്നു.
ഈ സിക്‌താണ്ഡം 4- 5 ദിവസത്തോളമെടുത്ത്‌ തിരികെ ഗര്‍ഭാശയത്തിലെത്തുകയും പിന്നീട്‌ ബീജാങ്കുരമാകുകയും ഭ്രുണമായി രൂപപ്പെടുകയും ചെയ്യുന്നു. 260 ദിവസത്തെ വളര്‍ച്ച പുര്‍ത്തിയായ ശേഷമാണ്‌ പ്രസവം നടക്കുക.

ഗര്‍ഭം അലസുന്നതെന്ത്‌?

ക്രോസോമുകളുടെ വ്യതിയാനംമൂലമുണ്ടാകുന്ന ജനറ്റിക്‌ ഘടകമാണ്‌ ഗര്‍ഭത്തിന്റെ ആരംഭദിശയിലുള്ള അബോര്‍ഷന്റെ പ്രധാന കാരണം. ഇതുമൂലം സാധാരണയായി എട്ട്‌ ആഴ്‌ചയ്‌ക്കുള്ളില്‍ ഗര്‍ഭം അലസിപ്പോകുന്നു.
എന്‍ഡോക്രൈന്‍ തകരാറുകളാണ്‌ അബോര്‍ഷന്‍ സംഭവിക്കാനുള്ള മറ്റൊരു കാരണം. പോളിസിസ്‌റ്റിക്‌ ഓവറിയുള്ളവരുടെ എല്‍.എച്ച്‌. അളവ്‌ വളരെ കൂടുതല്‍ ആയിരിക്കും. ഇത്‌ അണ്ഡത്തെ ദോഷകരമായി ബാധിക്കാവുന്നതുകൊണ്ട്‌ ഗര്‍ഭം അലസിപ്പോകാവുന്നതാണ്‌.

തുടര്‍ച്ചയായ ഗര്‍ഭഛിദ്രം

ഗര്‍ഭിണികളില്‍ 25 ശതമാനം പേരും ഒരു പ്രാവശ്യം ഗര്‍ഭഛിദ്രം നേരിടുന്നവരാണ്‌.്. എന്നാല്‍ തുടര്‍ച്ചയായുണ്ടാകുന്ന ഗര്‍ഭമലസലിനു പിന്നില്‍ ശാരീരികമായ തകരാറുകള്‍ എന്തെങ്കിലും ഉണ്ടാകും. അത്‌ യഥാവിധി കണ്ടുപിടിച്ച്‌ ചികിത്സിക്കുകയാണെങ്കില്‍ തീര്‍ച്ചയായും ഫലം ഉണ്ടാകും.
ഗര്‍ഭഛിദ്രത്തിന്‌ മറ്റൊരു പ്രധാന കാരണമാണ്‌ അണ്ഡാശയത്തിന്റെയോ ബീജത്തിന്റെയോ വൈകല്യങ്ങള്‍. ഇവ സാധാരണ പരിശോധനയില്‍ കണ്ടെത്താന്‍ പ്രയാസമാണ്‌.
അതിനാല്‍ ആധുനിക ചികിത്സാസൗകര്യങ്ങളുള്ള വന്ധ്യതാ ചികിത്സാകേന്ദ്രങ്ങളില്‍ വിശദമായ പരിശോധനകള്‍ നടത്തി കാരണം കണ്ടെത്തി ഫലപ്രദമായ ചികിത്സിച്ചാല്‍ പിന്നീട്‌ ഗര്‍ഭം ധരിച്ച്‌ പ്രസവിക്കാന്‍ സാധിക്കും.

വിവാഹത്തിനുശേഷം ഒരുവര്‍ഷത്തോളം തുടര്‍ച്ചയായ ലൈംഗികബന്ധത്തിനുശേഷവും ഗര്‍ഭം ധരിക്കുന്നില്ലെങ്കില്‍ മാത്രം ഡോക്‌ടറെ കണ്ടാല്‍ മതി. എന്നാല്‍ സ്‌ത്രീ-പുരുഷന്മാരുടെ പ്രായത്തിനനുസരിച്ച്‌ ഈ കാലയളവ്‌ മാറും.

25 വയസുകഴിഞ്ഞ സ്‌ത്രീകള്‍ ഗര്‍ഭം ധരിക്കുന്നില്ലെങ്കില്‍ ആറ്‌ മാസത്തിനുശേഷം വേണ്ട പരിശോധനകള്‍ നടത്തണം. 35 വയസ്‌ കഴിഞ്ഞ സ്‌ത്രീകള്‍ ഈ പരിശോധന മൂന്നുമാസത്തിനുശേഷം നടത്തുന്നത്‌ നല്ലതാണ്‌.

40 വയസ്‌ കഴിഞ്ഞ പുരുഷന്മാര്‍, ആറ്‌ മാസത്തിനുശേഷവും ഭാര്യമാര്‍ ഗര്‍ഭം ധരിക്കുന്നില്ലെങ്കില്‍ ആവശ്യമായ പരിശോധനകള്‍ നടത്തണം. വളരെ പ്രായംകുറഞ്ഞ സ്‌ത്രീകള്‍ കൂടുതല്‍ കാലം കാത്തിരിക്കുന്നതില്‍ കുഴപ്പമില്ല.

ഇ പേജ് വഴിയും വെബ്സൈറ്റ് വഴിയും ചോദ്യങ്ങളിൽ വളരെ വലിയ പങ്കും താഴെകാണുന്ന ചോദ്യങ്ങൾ ആണ്

പ്രസിദ്ധമായ ‘കാമസൂത്ര’മെഴുതിയ വാത്സ്യായനമഹര്‍ഷി പറയുന്നതു വിവാഹം കഴിഞ്ഞ ദമ്പതികള്‍ 10 ദിവസം(പകലും രാത്രിയും) ബ്രമ്ഹചര്യം അനുഷ്ഠിക്കണമെന്നാണ്.അത്രയും സമയം വേണമത്രേ ദമ്പതികള്‍ക്ക് പരസ്പരം മനസ്സിലാക്കി ലൈംഗികബന്ധത്തിനു തയ്യാറാവാന്‍.ആവശ്യമില്ലാത്ത ആശങ്കകളും പേടികളും അകന്ന് ആരോഗ്യകരവും ആസ്വാദ്യകരവുമായ ഒരു ശാരീരികബന്ധത്തിന് അതിനകം കളമൊരുങ്ങിയിരിക്കും.

42 ശതമാനം സ്ത്രീകളില്‍ മാത്രമേ കന്യാചര്‍മം പൊട്ടിയാല്‍ രക്തം വരുകയുള്ളൂ. എല്ലാ സ്ത്രീകള്‍ക്കും ആദ്യസംഭോഗത്തില്‍ കന്യാചര്‍മം പൊട്ടി രക്തം വരണമെന്നില്ല.42% സ്ത്രീകളില്‍ മാത്രമേ കന്യാചര്‍മം പൊട്ടിയാല്‍ രക്തം വരികയുള്ളൂ.ബാക്കി 47% പേരിലും കന്യാചര്‍മം വണരെ ‘ഫ്‌ളെക്‌സിബിള്‍’ ആയിരിക്കും.ബാക്കി 11% പേരില്‍ കന്യാചര്‍മം തീരെ നേര്‍ത്തതോ ദുര്‍ബലമോ ആയിരിക്കും.അത്തരക്കാരില്‍ വിവാഹത്തിനു മുമ്പു തന്നെ, നൃത്തമോ വ്യായമമോ പോലുള്ള ശാരീരികായാസമുള്ള പ്രവൃത്തി സമയത്ത്, ഈ ചര്‍മം പൊട്ടിപ്പോകും.ആദ്യസംഭോഗത്തു പോകുന്ന രക്തത്തിന്റെ അളവും കൃത്യമായി പറയാന്‍ പറ്റില്ല.ചിലപ്പോള്‍ ഒന്നോ രണ്ടോ തുള്ളികളേ കാണൂ.ചിലപ്പോള്‍ അര ടീസ്പൂണ്‍ വരെ കാണും.കന്യാചര്‍മത്തിന്റെ കട്ടി, സ്ത്രീയിലെ വികാരതീവ്രത(സ്‌നിഗ്ത),സംഭോഗത്തില്‍ പുരുഷന്‍ പ്രയോഗിക്കുന്ന ശക്തി -ഇതെല്ലാം രക്തസ്രാവത്തിന്റെ രീതിയെ നിശ്ചയിക്കുന്നു.

സ്ത്രീ മുകളിലും പുരുഷന്‍ താഴെയുമായാല്‍ സ്ത്രീക്ക് രതിമൂര്‍ച്ഛ കൂടുതല്‍ ലഭിക്കും.ലൈംഗികബന്ധത്തില്‍ രണ്ടുപേരുടെയും ഇഷ്ടവും താല്‍പര്യവുമനുസരിച്ച് ഏതു പൊസിഷന്‍ വേണമെങ്കിലും കൈകൊള്ളാം.ഭാര്യമുകളിലും ഭര്‍ത്താവ് താഴെയുമായി ലൈംഗികബന്ധത്തില്‍ ഭാര്യയ്ക്ക് രതിമൂര്‍ച്ഛ ഉണ്ടാകും.ഭര്‍ത്താവ് മുകളിലാകുമ്പോള്‍ അവര്‍ക്ക് ഈ സുഖം കിട്ടുന്നുണ്ടാവില്ല.എന്തായാലും ആദ്യം പറഞ്ഞതു പോലെ പൊസിഷനല്ല,സുഖമാണു പ്രധാനം.

പുരുഷലിംഗത്തിന്റെ വലുപ്പം രണ്ടിഞ്ചായാലും മതി പുരുഷ ലിംഗത്തിന്റെ വലുപ്പത്തിനു പ്രത്യേകിച്ചൊരു പ്രസക്തിയുമില്ല.ലിംഗത്തിന്റെ നീളവും വണ്ണവും പലരില്‍ പലതാകാം.ചെറുവിരല്‍ മുതല്‍ ഒരു കൊച്ചുതലവരെ കടന്നുപോകാന്‍ തക്കവിധ ഈലാസ്തികതവും വികസിക്കുന്നതുമാണു യോനി. അതിനാല്‍ ലിംഗം വതുതായാലും ചെറുതായാലും യോനിയില്‍ പ്രവേശിക്കാന്‍ ബുദ്ധിമുട്ടുണ്ടാവില്ല.ഉദ്ധരിച്ചു നില്‍ക്കുന്ന ലിംഗത്തിന് രണ്ട് ഇഞ്ചോ അതില്‍ കൂടുതല്‍ നീളമുണ്ടെങ്കില്‍ ധാരാളം മതിയെന്നു വൈദ്യശാസ്ത്രം പറയുന്നു.ഉദ്ധരിച്ച അവസ്ഥയില്‍ ഏതു ലിംഗത്തിനും അഞ്ച്-അഞ്ചര ഇഞ്ചു വരെ നീളം വരാം.

ഏതാണ്ട് ആറിഞ്ച് ആഴമുള്ള സ്ത്രീയോനിയുടെ മുകളിലെ രണ്ടിഞ്ചു മാത്രമേ അവര്‍ക്കു കാര്യമായ സുഖം പ്രദാനം ചെയ്യുകയുള്ളൂ, സംഭോഗവേളയില്‍.അതുകൊണ്ടാണു വലുപ്പം രണ്ടിഞ്ചായാലും മതി എന്നു പറയുന്നത്.ശരീരവലുപ്പമനുസരിച്ചു ലിംഗവലിപ്പം കൂടണമെന്നുമില്ല.18-20 വയസ്സോടെ പുരുഷന്റെ ലിംഗം അതിന്റെ പരമാവധി വളര്‍ച്ച പ്രാപിച്ചിരിക്കും.പുരുഷലിംഗത്തിന്റെ വലുപ്പം കൂടിയാല്‍ സ്ത്രീക്കു സംഭോഗസംതൃപ്തി വര്‍ധിക്കും എന്ന ധാരണയും ശരിയല്ല.

രണ്ടു വൃഷണങ്ങളും വേണമെന്നു നിര്‍ബന്ധമില്ല.എല്ലാവരുടെയും വൃഷണങ്ങള്‍ക്കു ഒരേ വലുപ്പമാവില്ല.കേണ്ടതുമില്ല.ഓരോരുത്തര്‍ക്കും ഓരോ വലുപ്പമായിരിക്കും.വൃഷണ/ലിംഗവലുപ്പവും ലൈംഗിക ശേഷിയും തമ്മില്‍ ഒരു ബന്ധവുമില്ല.ആവശ്യത്തിനു ടെസ്‌റ്റോസ്‌റ്റെ റോണും(പുരുഷ ഹോര്‍മോണ്‍)ശുക്ലവും ഉല്‍പാദിപ്പിക്കുന്നുണ്ടെങ്കില്‍ നിങ്ങളുടെ വൃഷണത്തിന് കുഴപ്പമൊന്നുമില്ലെന്നര്‍ഥം.നമ്മുടെയൊക്കെ രണ്ടു വൃഷണവും രണ്ടു ലെവലില്‍ ആയിരിക്കും.പ്രകൃതിതന്നെ അത് അങ്ങനെ സംവിധാനം ചെയ്തിരിക്കുകയാണ്.അപകടമോ, പരിക്കോ ഒക്കെ പറ്റുമ്പോള്‍ ഒന്നെങ്കിലും രക്ഷപ്പെടട്ടെ എന്നു കരുതിയാണിത്.

പങ്കാളിയില്‍ നിന്നും ലൈംഗികസംബന്ധിയായ അണുബാധ പകരാന്‍ സാധ്യത കൂടുതല്‍ ആര്‍ത്തവത്തെപ്പറ്റിയും ആര്‍ത്തവസമയത്തു പാലിക്കേണ്ട ചിട്ടകളെപ്പറ്റിയുമൊക്കെ ധാരാളം അബദ്ധധാരണകള്‍ നമ്മുടെ സമൂബത്തിലുണ്ട്.ആരോഗ്യമുള്ള ഒരു സ്ത്രീയില്‍ മാസം തോറും സംഭവിക്കുന്ന ഒരു സാധാരണ ശാരീരിക പ്രക്രിയ മാത്രമാണിത്.രക്തസ്രാവം ഉണ്ടെന്നതുകൊണ്ട് അവള്‍ അശുദ്ധയാണ് എന്നുള്ള മാറ്റി നിര്‍ത്തലിന്റെ ആവശ്യമില്ല.പാഡുകള്‍ ഉപയോഗിച്ചും ശരീരം വൃത്തിയായി സൂക്ഷിച്ചും ബാക്കി ദിവസങ്ങളിലെപ്പോലെതന്നെ ഈ ദിവസങ്ങളിലും കഴിയാം.സ്ത്രീക്ക് ആഗ്രഹമുണ്ടെങ്കില്‍ ലൈംഗികബന്ധവുമാകാം.ഭാര്യയ്ക്കും ഭര്‍ത്താവിനും രോഗാണുബാധ ഒന്നുമില്ല എന്ന് ഉറപ്പാക്കിയിട്ടു വേണം ബന്ധപ്പെടാന്‍ എന്നുമാത്രം.ആര്‍ത്തവസമയത്ത് ഗര്‍ഭപാത്രത്തിന്റെ ഉള്ളിലെ ആവരണം നഷ്ടപ്പെടുന്നതിനാല്‍ പങ്കാളിക്ക് എന്തെങ്കിലും ഗുഹ്യഭാഗ അണുബാധ ഉണ്ടെങ്കില്‍ അത് ഈ സമയത്തു വേഗം പകരാം.ആര്‍ത്തവിച്ചിരിക്കുന്ന സ്ത്രീയുമായി ബന്ധപ്പെട്ടാല്‍ പുരുഷനു ടെറ്റനസ് ഉണ്ടാകും എന്ന ധാരണയിലും കഴമ്പില്ല.

ലൈംഗിവികാരങ്ങളും സ്തനവലുപ്പവുമായി യാതൊരു ബന്ധവുമില്ല

സ്തനങ്ങളുടെ വലുപ്പം വ്യക്തിനിഷ്ഠമാണ്.ചിലര്‍ക്കു വലുപ്പം കൂടിയിരിക്കും ;ചിലര്‍ക്കു കുറഞ്ഞിരിക്കും.ചിലരില്‍ ഒരു സ്തനം മറ്റേതിനേക്കാള്‍ ചെറുതായിരിക്കും.ഇതെല്ലാം തികച്ചും സ്വാഭാവികമാണ്.മുലപ്പാലിന്റെ അളവിനോ ലൈംഗികവികാരത്തിന്റെ ഏറ്റക്കുറച്ചിലിനോ സ്തനവലുപ്പവുമായി ബന്ധമൊന്നുമില്ല.പക്ഷേ ഹോര്‍മോണ്‍ പ്രശ്‌നം മൂലമല്ല,സ്തനവലുപ്പം കുറയുന്നതെങ്കില്‍ ഒരു മരുന്നും ഗുണം ചെയ്യില്ല.വ്യായാമം കൊണ്ടും സ്തനവലുപ്പം കൂട്ടാന്‍ പറ്റില്ല.;പക്ഷേ സ്തനം താങ്ങിനിര്‍ത്തുന്ന പെക്‌ടോറല്‍ പേശികളെ ദൃഢമാക്കി ‘തൂങ്ങല്‍’ ഒഴിവാക്കാം.ഉചിതമായ ബ്രാ ധരിക്കുന്നതും മാറിന്റെ സൗന്ദര്യം നിലനിര്‍ത്താന്‍ സഹായിക്കും.

സ്വയംഭോഗം ചെയ്താല്‍ ലൈംഗികശേഷി പോകും ശരീരം ക്ഷീണിക്കും എന്നൊന്നുമില്ല.സ്വയംഭോഗത്തെ സംബന്ധിച്ചു ധാരാളം അബദ്ധധാരണകള്‍ നിലവിലുണ്ട്.സ്വയംഭോഗം ചെയ്താല്‍ കൈ വിറയ്ക്കും, ശരീരം ക്ഷിണിക്കും, ലൈംഗികശേഷി പോകും എന്നിവ അവയില്‍ ചിലതു മാത്രം.തികച്ചും സ്വാഭാവികവും അപകടരഹിതവമായ ഒരു പ്രവൃത്തി മാത്രമാണ് ഇത്.സ്വയംഭോഗം മൂലം പുരുഷലിംഗം വളഞ്ഞുപോവുകയുമില്ല.

സ്വയംഭോഗത്തില്‍ രതിമൂര്‍ച്ഛ കിട്ടിയെന്നു കരുതി പുരുഷനുമായി ബന്ധപ്പെടുമ്പോള്‍ രതിമൂര്‍ച്ഛ കിട്ടണമെന്നില്ല.

58 മുതല്‍ 82 ശതമാനം വരെ സ്ത്രീകള്‍ സ്വയംഭോഗം ചെയ്യാറുണ്ട് എന്നു കണക്കുകള്‍ പറയുന്നു.സ്വയംഭോഗം ചെയ്തപ്പോള്‍ രതിമൂര്‍ച്ഛ ഉണ്ടായെന്നു കരുതി പുരുഷനുമായി ബന്ധപ്പെടുമ്പോഴും രതിമൂര്‍ച്ഛ ഉണ്ടാകണമെന്നില്ല.ഉണ്ടായിക്കൂടെന്നുമില്ല.പങ്കാളിയുമൊത്ത് ബന്ധപ്പെടുമ്പോള്‍ മറ്റു ചില കാര്യങ്ങളെ കൂടി ആശ്രയിച്ചിരിക്കും രതിമൂര്‍ച്ഛ.പങ്കാളികള്‍ തമ്മിലുള്ള അടുപ്പം, സ്ത്രീയുടെ മൂഡ്,രതിപൂര്‍വലീലകളുടെ ദൈര്‍ഘ്യം എന്നിവ ഉദാഹരണം.എന്നാല്‍ സ്വയംഭോഗം വഴി രതിമൂര്‍ച്ഛ ലഭിച്ചിട്ടുള്ളവരില്‍ ലൈംഗികതയോടുള്ള മടിയും ചമ്മലും കുറയും.

മുംബൈ ജി.എസ് മെഡിക്കല്‍ കോളേജിലെ സെക്ഷ്വല്‍ മെഡിസിന്‍ പ്രഫസര്‍ ഡോ.പ്രകാശ് കോത്താരി പറയുന്നു : രതിമൂര്‍ച്ഛ തുമ്മല്‍ പോലെയാണ്- വിവരിക്കാന്‍ പ്രയാസം.പക്ഷേ അനുഭവിച്ചറിയാം.സാധാരണയായി രതിമൂര്‍ച്ഛസമയത്ത് ഉയര്‍ന്ന തരത്തിലുള്ള ലൈംഗിക ഉന്മാദം നമുക്ക് അനുഭവപ്പെടും.സ്ത്രീകളില്‍ താളാത്മകമായ യോനീസങ്കോജങ്ങളും ആണുങ്ങളില്‍ ശുക്ലസ്ഖലനവും സംഭവിക്കും.ഇതെല്ലാം കഴിയുമ്പോള്‍ പറഞ്ഞറിയിക്കാന്‍ വയ്യാത്ത ഒരാശ്വാസവും തോന്നും.”രതിമൂര്‍ച്ഛയുടെ സമയത്തു ശ്വാസംമുട്ടുന്നതുപോലെയും ശരീരം വിറയ്ക്കുന്നതുപോലെയും തോന്നാം.’അതു സംഭവിച്ചു കഴിഞ്ഞു എന്ന് ഇണയെ അറിയിക്കാനുള്ള മാര്‍ഗങ്ങളാണിവ.ഗുഹ്യഭാഗങ്ങളില്‍ ഉത്തേജിപ്പിച്ചാല്‍ മാത്രമേ തരിമൂര്‍ച്ഛ ഉണ്ടാകൂ എന്നില്ല.ചില സ്ത്രീകളില്‍ സ്തനഭാഗങ്ങളിലെ ഉത്തേജനം മതി രതിമൂര്‍ച്ഛയ്ക്ക്.യോനിയില്ലാത്ത സ്ത്രീകളില്‍ പോലും രതിമൂര്‍ച്ഛയുണ്ടാകും അളരുടെ മറ്റു’സംവേദനക്ഷമമായ ‘ഭാഗങ്ങളില്‍ ഉത്തേജിപ്പിച്ചാല്‍.

വായ്‌നാറ്റവും ശരീരദുര്‍ഗന്ധവും പങ്കാളിയില്‍ വിരക്തിയുണ്ടാക്കാം.

ഗുഹ്യഭാഗം വൃത്തിയായി സൂക്ഷിക്കുന്നിടത്തോളം ഗുഹ്യരോമം പ്രശ്‌നമുണ്ടാക്കണമെന്നില്ല.സ്ത്രീയുടെ ഭഗശിശ്‌നിയെ ഉത്തേജിപ്പിക്കാന്‍ രോമംസഹായിച്ചേക്കാം.പക്ഷേ ശുക്ലവും മറ്റു സ്രവങ്ങളും പറ്റിപ്പിടിക്കാനിടയുണ്ട്.വേണ്ടത്ര വൃത്തിയാക്കിയില്ലെങ്കില്‍ ആ ഭാഗത്തു ബാക്ടീരിയ വളരുകയും ദുര്‍ഗന്ധം ഉണ്ടാക്കുകയും ചെയ്യും. രോമം വൃത്തിയാക്കി വയ്ക്കാന്‍ ബുദ്ധിമുട്ടു തോന്നിയാല്‍ ഷേവ് ചെയ്യുകയോ ട്രിം ചെയ്യുകയോ വേണം.കക്ഷത്തിലുള്ള രോമത്തില്‍ വിയര്‍പ്പ് അടിഞ്ഞുകൂടി ദുര്‍ഗന്ധമുണ്ടാകാന്‍ സാധ്യതയുണ്ട്.പതിവായി കുളിക്കുക, കക്ഷം വൃത്തിയായി കഴുകുക, രൂക്ഷത കുറഞ്ഞ പൗഡര്‍ പുരട്ടുക എന്നിവ വിയര്‍പ്പുനാറ്റം കുറയ്ക്കും.

വായ്‌നാറ്റം (ഹാലിറ്റോസിസ്)സ്ത്രീയും പുരുഷനും അടുത്തിടപെഴകുമ്പോള്‍ ഒരുപാട് പ്രശ്‌നങ്ങള്‍ ഉണ്ടാക്കാം.പല കാരണങ്ങള്‍ കൊണ്ടും വായ്‌നാറ്റമുണ്ടാകാം. ശ്വസനാളത്തിലെ രോഗാണുബാധ, പല്ലിലെയോ മോണയിലെയോ അണുബാധ, കരള്‍ പ്രശ്‌നങ്ങള്‍, പുകവലി. പ്രമേഹം, മലബന്ധം, മൂക്കില്‍രോഗാണുബാധയോ വളര്‍ച്ചയോ, സൈനസൈറ്റിസ്, തുടങ്ങിയവ.നന്നായി പല്ലു തേച്ചില്ലെങ്കിലും നാറ്റമുണ്ടാകാം.ഉള്ളി കഴിച്ചാലും പ്രശ്‌നമാകാം.വേണമെങ്കില്‍ ഡോക്ടറെ കണ്ടും ശരീരശുദ്ധിയില്‍ ശ്രദ്ധിച്ചും വായ്‌നാറ്റത്തെ അകറ്റിനിര്‍ത്താം.