January 2022

പല സ്ത്രീകള്‍ക്കും സെക്‌സ് വേദനാജനകമാകുന്നതിനുള്ള ഒരു പ്രധാന കാരണമാണ് വജൈനിസ്മസ് എന്ന അവസ്ഥ. സ്ത്രീകളിലെ സൈക്കോളജിക്കല്‍ സെക്ഷ്വല്‍ ഡിസ്ഫങ്ഷന്‍ എന്ന് വജൈനിസ്മസിനെ വിശേഷിപ്പിയ്ക്കാം.
സെക്‌സ് സമയത്ത് വജൈനയിലെ മസിലുകള്‍ ചുരുങ്ങുന്നതും ഇതുവഴി സെക്‌സ് വേദനിപ്പിയ്ക്കുന്നതുമായ ഒരു അവസ്ഥയാണിത്. ഇതെക്കുറിച്ചു കൂടുതലറിയൂ,
വജൈനിസ്മസ് ഉള്ളവര്‍ക്കു സെക്‌സ മാത്രമല്ല, ബുദ്ധിമുട്ടാകുന്നത്. ഇതെക്കുറിച്ചുള്ള കൂടുതല്‍ കാര്യങ്ങളെക്കുറിച്ചറിയൂ

ടാമ്പൂണുകള്‍
ആര്‍ത്തവസമയത്ത് ഉപയോഗിയ്ക്കുന്ന ടാമ്പൂണുകള്‍ യോനിയ്ക്കുള്ളിലേയ്ക്കു കടത്തി വയ്ക്കാന്‍ പോലും വജൈനിസ്മസ് ഉള്ളവര്‍ക്ക് ഏറെ വേദനയനുഭവപ്പെടും.

ലൈംഗികബന്ധത്തെ പേടിയോടെ

പല സ്ത്രീകളും ലൈംഗികബന്ധത്തെ പേടിയോടെ കാണുന്ന അവസ്ഥയാണിത്. വിവാഹശേഷം സെക്‌സിനു തയ്യാറാകാത്ത പല സ്ത്രീകളിലുമുള്ള അവസ്ഥയാണ് വജൈനിസ്മസ്.

മസിലുകള്‍ 

ഇത്തരം അവസ്ഥയെങ്കില്‍ സെക്‌സിലേല്‍പ്പെട്ടാല്‍ തന്നെ മസിലുകള്‍ ചുരുങ്ങുന്നതു കൊണ്ട് സെക്‌സ ്ഏറെ വേദനിപ്പിയ്ക്കുന്ന ഒരു അനുഭവമായിരിയ്ക്കും. ഇതുകൊണ്ടുതന്നെ സ്ത്രീകള്‍ സെക്‌സില്‍ നിന്നും മാറി നില്‍ക്കാന്‍ ശ്രമിയ്ക്കുകയും ചെയ്യും.

സെക്‌സ് സംബന്ധമായ ദുരനുഭവങ്ങള്‍

ഇത് കൂടുതലായും ശാരീരികപ്രശ്‌നമെന്നതിനേക്കാള്‍ മാനസിക പ്രശ്‌നമാണ്. മുന്‍പുണ്ടായിട്ടുള്ള സെക്‌സ് സംബന്ധമായ ദുരനുഭവങ്ങള്‍ ഇതിനൊരു കാരണമാകാം. ഉദ്ധാരണക്കുറവിന് കാണാക്കാരണങ്ങള്‍

വജൈനിമസ് വജൈനിമസ് ഉള്ള സ്ത്രീകള്‍ യോനീഭാഗത്തെ പരിശോധനകള്‍ക്കു പോലും ഭയക്കുന്ന അവസ്ഥയാണുള്ളത്.

കൗമാരക്കാര്‍ക്കിടയിലെ പ്രധാന വില്ലനാണ് ഈ മുഖക്കുരു. ജങ്ക് ഫുഡുകളും മാറിവരുന്ന രീതികളും ഒരു പരിധിവരെ മുഖക്കുരു ഉണ്ടാക്കാന്‍ കാരണമാകുന്നു. മുഖക്കുരു കൂടുതല്‍ ഉണ്ടാക്കുന്ന ഭക്ഷണങ്ങള്‍ നിങ്ങള്‍ അറിഞ്ഞിരിക്കണം.

1.ചോക്ലേറ്റ്- ചോക്ലേറ്റില്‍ പാലും, ശുദ്ധീകരിച്ച പഞ്ചസാരയും, കഫീനും അടങ്ങിയിരിക്കുന്നു. ഇവയെല്ലാം മുഖക്കുരുവിന് കാരണമാകുന്ന ഘടകങ്ങളാണ്. എന്നാല്‍ കുറഞ്ഞ അളവില്‍ ചോക്കലേറ്റ് ഉപയോഗിക്കുന്നത് പ്രശ്‌നമല്ല. കൊഴുപ്പ് അമിതമായി ശരീരത്തിലെത്തുന്നത് മുഖക്കുരുവിന് കാരണമാകും. രക്തസമ്മര്‍ദ്ദം വര്‍ധിപ്പിക്കാനും ഹോര്‍മോണ്‍ വ്യതിയാനത്തിനും കൊഴുപ്പ് ഇടയാക്കും.

കൊഴുപ്പ് അമിതമാകുന്നത് മൂലം രക്തയോട്ടം സാവധാനമാകുന്നതിനാല്‍ ഓക്‌സിജനും, മറ്റ് പോഷകങ്ങളും ശരീരഭാഗങ്ങളിലെത്തുന്നത് തടസ്സപ്പെടും.

ഫ്രഞ്ച് ഫ്രൈ- കൊഴുപ്പും, പശയുമുള്ള ഫ്രഞ്ച് ഫ്രൈ പോലുള്ള വിഭവങ്ങള്‍ ശുദ്ധീകരിച്ച കാര്‍ബോഹൈഡ്രേറ്റ് അടങ്ങിയവയാണ്. ഇവ ചര്‍മ്മത്തില്‍ കുരുക്കളുണ്ടാകാനിടയാക്കും. പാലുത്പന്നങ്ങള്‍ ധാരാളം കഴിക്കുന്നത് മുഖക്കുരുവിന് കാരണമാകും എന്ന് കരുതപ്പെടുന്നു.

പാല്‍- മുഖക്കുരുവിന് പ്രധാന കാരണമാകുന്ന ഹോര്‍മോണുകള്‍ ഏറെ അടങ്ങിയതാണ് പാലും പാലുത്പന്നങ്ങളും. സമ്മര്‍ദ്ധമുണ്ടാക്കുന്ന ഹോര്‍മോണുകള്‍ വൃക്കയില്‍ ഉത്പാദിപ്പിക്കപ്പെടാന്‍ കാരണമാകുന്നതാണ് കഫീന്‍. ഇത് ചര്‍മ്മത്തിന് ദോഷകരമാണ്. ഉറക്കം കുറയാനും ഇത് കാരണമാകും.

നിങ്ങള്‍ക്ക് മുഖക്കുരുവിന്റെ തുടക്കം കാണുന്നുണ്ടെങ്കില്‍ ആവശ്യത്തിന് ഉറങ്ങുന്നത് ശീലമാക്കുക. പഞ്ചസാര ചേര്‍ത്ത സോഡയും മറ്റ് പാക്ക് ചെയ്ത പാനീയങ്ങളും കഫീന്‍ അടങ്ങിയവയാണ്. ഇവ ചര്‍മ്മത്തിന് ദോഷകരമാണ്. മദ്യം കഴിക്കുമ്പോള്‍ ശരീരത്തിലെ ജലാംശം നഷ്ടപ്പെടും. ഇത് വഴി ചര്‍മ്മത്തിന് വരള്‍ച്ചയുണ്ടാവുകയും അത് മുഖക്കുരു ഉണ്ടാകാന്‍ കാരണമാവുകയും ചെയ്യും.

മസാലകള്‍ ധാരാളമായി അടങ്ങിയ ഭക്ഷണങ്ങള്‍ നിലവിലുള്ള മുഖക്കുരു വഷളാകാന്‍ ഇടയാക്കും. മസാലകള്‍ ശരീരത്തിന്റെ താപനില ഉയര്‍ത്തുകയും, അതുമുലം ചര്‍മ്മത്തിന് ചൂട് കൂടുകയും ചെയ്യും. ഇത് മുഖക്കുരുവിന് ഇടവരുത്തും.

ഉദരസംബന്ധമായ എന്ത് പ്രശ്‌നങ്ങള്‍ക്കും നമ്മള്‍ ജീരകത്തെ ആശ്രയിക്കാറുണ്ട്. പണ്ടുകാലം മുതല്‍ ജീരകത്തിന്റെ മേന്മയെക്കുറിച്ച്‌ നാം കേള്‍ക്കാറുണ്ട്. എന്നാല്‍ ദഹനപ്രശ്നങ്ങള്‍ക്കോ, വയറുവേദനയ്ക്കോ മാത്രമല്ല സൗന്ദര്യസംരക്ഷണത്തിനും ജീരകം വളരെയധികം ഉപകാരപ്രദമാണ്. നെല്ലിക്ക, തേന്‍, വെളിച്ചെണ്ണ തുടങ്ങി നിരവധി പ്രകൃതിദത്തമായ ഉത്പന്നങ്ങള്‍ സൗന്ദര്യസംരക്ഷണത്തിനായി നമ്മള്‍ ഉപയോഗിക്കാറുണ്ട്. എന്നാല്‍ ജീരകം സൗന്ദര്യ സംരക്ഷണത്തിന് എത്രത്തോളം പ്രയോജനമാകും എന്ന് നമുക്ക് അറിയില്ല. കൃത്രിമമായ പദാര്‍ത്ഥങ്ങള്‍ കലര്‍ന്നിട്ടില്ല എന്നതാണ് ഇവയുടെയെല്ലാം പ്രത്യേകത. അതേ സവിശേഷത തന്നെയാണ് ജീരകത്തെയും സൗന്ദര്യസംരക്ഷണത്തിനായി ഉപയോഗിക്കാന്‍ പ്രേരിപ്പിക്കുന്നത്.

മുടിക്കും തൊലിയുടെ സംരക്ഷണത്തിനുമാണ് ജീരകം ഏറെ സഹായകമാകുന്നത്. രക്തം ശുദ്ധിയാക്കാനുള്ള ജീരകത്തിന്റെ കഴിവ് തൊലിക്ക് മാറ്റ് കൂട്ടുന്നതിനും അതോടൊപ്പം മുഖക്കുരു കുറയ്ക്കുന്നതിനും സഹായകമാകുന്നു. ശരീരത്തില്‍ വിഷാംശത്തെ പുറന്തള്ളാന്‍ ജീരകത്തിനാവുന്നു, ഇതും ചര്‍മ്മത്തെ ആരോഗ്യവും തിളക്കമുള്ളതുമാക്കാന്‍ ഉപകരിക്കുന്നു. സൗന്ദര്യസംരക്ഷണത്തിനായി ജീരകം കൊണ്ട് ചെയ്യാവുന്ന മൂന്ന് പൊടിക്കൈകള്‍ കൂടി പരീക്ഷിച്ചുനോക്കാം.

• ഒരു പിടി ജീരകം അല്‍പം വെള്ളത്തില്‍ ചേര്‍ത്ത് നന്നായി തിളപ്പിക്കുക. ചൂടാറിയ ശേഷം ഇതിലേക്ക് നാലോ അഞ്ചോ തുള്ളി ‘ഫെണല്‍ എസ്സന്‍ഷ്യല്‍ ഓയില്‍’ ചേര്‍ക്കുക. ശേഷം നന്നായി അരിച്ച്‌, ഈ മിശ്രിതം പഞ്ഞിയില്‍ മുക്കി മുഖത്ത് തേച്ചുപിടിപ്പിക്കുക. മുഖം വൃത്തിയാകാനും മുഖത്തെ ചര്‍മ്മത്തിന്റെ സ്വഭാവം മെച്ചപ്പെടാനുമാണ് ഇത് ഉപകരിക്കുക.

• മുഖത്തെ തൊലിയില്‍ അഴുക്ക് അടിഞ്ഞുകൂടുന്നത് തടയാന്‍ നമ്മള്‍ ആവി പിടിക്കാറുണ്ട്. സമാനമായ രീതിയില്‍ ജീരകം ചേര്‍ത്ത് തിളപ്പിച്ച വെള്ളത്തിലും ആവി കൊള്ളാം. ജീരകം ചേര്‍ക്കുമ്ബോള്‍ സാധാരണ ആവി പിടിക്കുന്നതിനെക്കാള്‍ ഗുണങ്ങള്‍ ലഭിച്ചേക്കാം.

• മുടിയുടെ ആരോഗ്യത്തിനായും ജീരകം ഉപയോഗിക്കാമെന്ന് ആദ്യം സൂചിപ്പിച്ചില്ലേ, ഇതിനായി രണ്ട് കപ്പ് വെള്ളം ചൂടാക്കുക. ഇതിലേക്ക് അല്‍പം ജീരകപ്പൊടി ചേര്‍ക്കുക. നന്നായി യോജിപ്പിച്ച ശേഷം ചൂടാറാന്‍ വയ്ക്കാം. കീടാതെ മുടി ഷാമ്ബൂവും കണ്ടീഷ്ണറും ഉപയോഗിച്ച്‌ കഴുകിയതിന് ശേഷം അവസാനവട്ട കഴുകലിനായി ഈ മിശ്രിതം ഉപയോഗിക്കാം. മുടിയുടെ അളവിന് അനുസരിച്ച്‌ എടുക്കുന്ന വെള്ളത്തിന്റെയും ജീരകപ്പൊടിയുടെയും അളവും കൂട്ടുകയോ കുറയ്ക്കുകയോ ചെയ്യാം.

കെമിക്കല്‍ ബ്ലീച്ചുകള്‍ നിങ്ങളുടെ മുഖം ചുളിക്കും. മുഖക്കുരു ഉള്ളവര്‍ ഒരിക്കലും കെമിക്കല്‍ ബ്ലീച്ച് ഇടാന്‍ പാടില്ല. ബ്ലീച്ചുകള്‍ നിങ്ങള്‍ക്ക് വീട്ടില്‍ തന്നെ ഉണ്ടാക്കാം. കെമിക്കല്‍ ഇല്ലാതെ എങ്ങനെ ഗോള്‍ഡന്‍ ബ്ലീച്ച് ഉണ്ടാക്കാമെന്ന് നോക്കാം.

ആദ്യം വാളന്‍ പുളി കുറച്ച് എടുക്കുക. അതിലേക്ക് രണ്ട് ടീസ്പൂണ്‍ വെള്ളം ചേര്‍ത്ത് പത്ത് മിനിട്ട് വെച്ച് നന്നായി അലിയിക്കാം. വാളന്‍ പുളി സ്‌കിന്‍ സോഫ്റ്റാകുന്നതിന് സഹായിക്കുന്ന ഒന്നാണ്. വാളന്‍പുളിയുടെ പള്‍പ് ഒരു സ്പൂണ്‍ എടുത്ത് മറ്റൊരു ബൗളിലാക്കി അതിലേക്ക് ഒരു സ്പൂണ്‍ തൈര് ചേര്‍ക്കാം. അതിലേക്ക് ഒരുടീസ്പൂണ്‍ നാരങ്ങാനീരും, അര ടീസ്പൂണ്‍ കസ്തൂരി മഞ്ഞളും ചേര്‍ക്കാം.

നന്നായി യോജിപ്പിച്ച് ഒരു ടീസ്പൂണ്‍ തേനും ചേര്‍ക്കാം. മുഖം തിളങ്ങാന്‍ തേന്‍ സഹായിക്കും. നന്നായി യോജിപ്പിച്ച് കുഴമ്പ് രൂപത്തിലാക്കാം. ഇതാണ് നിങ്ങളുടെ കെമിക്കല്‍ ഇല്ലാത്ത ഗോള്‍ഡന്‍ ബ്ലീച്ച്.

ഇത് മുഖത്ത് ഇടുന്നതിനുമുന്‍പ് ചൂടുവെള്ളം കൊണ്ട് മുഖം സ്റ്റീം ചെയ്യണം. ഒരു തുണി ചൂടുവെള്ളത്തില്‍ മുക്കി മുഖം തുടച്ചാലും മതിയാകും. എന്നിട്ട് നിങ്ങള്‍ക്ക് ഈ ബ്ലീച്ച് പുരട്ടാം.

ശരീരത്തില്‍ വാക്‌സിന്‍ ചെയ്യുന്നതുപോലെ മുഖത്ത് സൂക്ഷിച്ചേ പലരും വാക്‌സിന്‍ ചെയ്യാറുള്ളൂ. മുഖത്തുണ്ടാക്കുന്ന പാര്‍ശ്വഫലം എന്താകുമെന്നുള്ള ഭയം എല്ലാവരിലുമുണ്ട്. ചിലര്‍ക്ക് മുഖത്ത് നല്ല രോമ വളര്‍ച്ച കാണാം. രോമം ഇല്ലാതായാല്‍ മുഖം ഒന്നു ക്ലീനാകും. ബ്യൂട്ടി പാര്‍ലറില്‍ പോയി കെമിക്കല്‍ അടങ്ങിയ പായ്ക്കുകള്‍ പരീക്ഷിക്കേണ്ട കാര്യമില്ല.

നിങ്ങള്‍ക്ക് വീട്ടില്‍ നിന്നു തന്നെ ചെയ്യാവുന്ന കാര്യമേയുള്ളൂ. ചില വഴികള്‍ പറഞ്ഞുതരാം.

1. പഞ്ചസാര- രണ്ട് ടീസ്പൂണ്‍
   ശുദ്ധജലം- 10 സ്പൂണ്‍
   നാരങ്ങാ നീര്- രണ്ട് സ്പൂണ്‍

ചെറിയൊരു പാത്രത്തില്‍ വെള്ളമെടുത്തു അതില്‍ പഞ്ചസാര ലയിപ്പിക്കുക. ഇതിലേയ്ക്ക് നാരങ്ങാ നീരു യോജിപ്പിക്കാം. ഇനി ഈ കൂട്ടു മുഖത്തു രോമം ഉണ്ടാകുന്ന ഡയറക്ഷനിലേക്ക് തിരുമ്മി പിടിപ്പിക്കുക. നന്നായി തേയ്ച്ച ശേഷം 20 മിനിറ്റ് അനക്കാതെ വയ്ക്കാം. പച്ച വെള്ളത്തില്‍ മുഖം നന്നായി ഉരുമ്മി ഇതു കഴുകി കളയാം. ഇത് ആഴ്ചയില്‍ രണ്ടു തവണ ചെയ്യണം.

2.പരിപ്പ് രാത്രിയില്‍ വെള്ളത്തില്‍ ഇട്ടു വച്ചിരുന്നാല്‍ പിറ്റേ ദിവസത്തേയ്ക്ക് പെട്ടെന്ന് പെയ്സ്റ്റ് ആക്കാന്‍ കഴിയും. ഉരുളക്കിഴങ്ങു നന്നായി അരച്ചു പെയ്സ്റ്റ് ആക്കുക. ഒപ്പം തന്നെ പരിപ്പും പെയ്സ്റ്റ്ആക്കുക. ഇതു രണ്ടും ചേര്‍ത്ത ശേഷം നാരങ്ങാ നീരും തേനും ചേര്‍ത്തു യോജിപ്പിക്കുക. ഈ പെയ്സ്റ്റ് പുരട്ടാം, മുകളില്‍ തുണി ഇടുക.. കൂട്ടു ഉണങ്ങാന്‍ അനുവദിക്കണം. തുണി മെല്ലെ വലിച്ചെടുക്കാം. ഈ കൂട്ടു ശരീരത്തിലെ അനാവശ്യ രോമങ്ങള്‍ കളയും.

3.മുട്ടയുടെ വെള്ള ഒരു പാത്രത്തിലേയ്‌ക്കെടുക്കുക. ഇതിലേയ്ക്ക് ചോളപ്പൊടിയും പഞ്ചസാരയും ചേര്‍ക്കാം. ഇതു നന്നായി മിക്‌സ് ചെയ്ത ശേഷം മുഖത്തു തേയ്ച്ചു പിടിപ്പിക്കുക. 25 മിനിട്ടിനു ശേഷം ഇത് മുഖത്തു നിന്നു മെല്ലെ വലിച്ചെടുക്കാം.

4.രണ്ടും നന്നായി യോജിപ്പിച്ചു പെയ്സ്റ്റ് രൂപത്തിലാക്കിയ ശേഷം മുഖത്തു രോമം വളരുന്ന ദിശയിലേക്കു തേയ്ച്ചു കൊടുക്കുക. പിന്നീട് നന്നായി വട്ടത്തില്‍ മുഖം ഉരുമ്മുക. ഒരു 20 മിനിറ്റ് കൂട്ടു മുഖത്തിരിക്കട്ടെ. ഉണങ്ങിയ ശേഷം വെള്ളം ഉപയോഗിച്ചു കൂട്ടു കഴുകി കളയുക. ഇതു ആഴ്ചയില്‍ രണ്ടു തവണ ചെയ്യാം.

5.ഒരുപാത്രത്തില്‍ പഞ്ചസാര, നാരങ്ങാ നീര്, തേന്‍ എന്നിവ എടുത്തു നന്നായി യോജിപ്പിക്കുക, മൂന്നു മിനിറ്റു ഈ കൂട്ട് ഒന്നു ചൂടാക്കുക, കൂട്ടു കട്ടിയായി ഇരിക്കുകയാണെങ്കില്‍ കുറച്ചു വെള്ളം ചേര്‍ത്ത് നേര്‍പ്പിച്ചെടുക്കാം. ഇതു തണുക്കാന്‍ അനുവദിക്കുക. ഇത് ഉപയോഗിക്കേണ്ട ഭാഗത്തു നന്നായി വൃത്തിയാക്കിയ ശേഷം മൈദ തൂവുക. ഇതിലേക്ക് ഈ കൂട്ട് പുരട്ടാം. മുടി വളരുന്ന ദിശയിലേക്കു വേണം ഇതു പുരട്ടാന്‍. ശേഷം കോട്ടണ്‍ തുണി ഉപയോഗിച്ചു നന്നായി പൊതിഞ്ഞു വയ്ക്കാം. ഉണങ്ങിയ ശേഷം കൂട്ടു ഇട്ടിരിക്കുന്നതിന്റെ എതിര്‍ ദിശയിലേക്ക് കോട്ടണ്‍ വലിച്ചെടുക്കുക.

നിങ്ങളുടെ ചര്‍മ്മ എന്നും എനര്‍ജിയായി ഇരിക്കണം. അതിനു നിങ്ങള്‍ തന്നെ ബൂസ്റ്റ് ചെയ്യണം. ചര്‍മ്മ തളരാതെ സൂക്ഷിക്കേണ്ടത് നിങ്ങളാണ്. അതിനുവേണം മികച്ച ഫെയ്‌സ് മിസ്റ്റ്. ഇത് വെറും ക്രീമല്ല. ചര്‍മം ഹൈഡ്രേറ്റ് ചെയ്യാനും ഫ്രഷ് ആക്കാനും നല്ലൊരു മാര്‍ഗമാണിത്. ഓഫീസില്‍ ഇരുന്നോ യാത്രക്കിടയിലോ മുഖത്ത് 2 തവണ സ്‌പ്രേ ചെയ്താല്‍ മാത്രം മതി.

വിപണിയില്‍ നിന്നു കെമിക്കലുകള്‍ നിറഞ്ഞ ഫെയ്‌സ് മിസ്റ്റ് വാങ്ങേണ്ടതില്ല. നിങ്ങള്‍ക്ക് വീട്ടില്‍ നിന്നുതന്നെ ഇത് തയ്യാറാക്കാം.

കോക്കനട്ട് ആന്‍ഡ് അലോ മിസ്റ്റ്

ചര്‍മത്തിന്റെ യുവത്വം നിലനിര്‍ത്താന്‍ സഹായിക്കുന്ന സൈറ്റോകൈനിന്‍ തേങ്ങാവെള്ളത്തില്‍ ധാരാളം അടങ്ങിയിട്ടുണ്ട്. എല്ലാത്തരം ചര്‍മത്തിനും യോജിച്ചതാണ് അലോവേര. തുല്യ അളവില്‍ തേങ്ങാവെള്ളവും അലോവേര ജെല്ലും ഒരു ടേബിള്‍ സ്പൂണ്‍ ആല്‍മണ്ട് ഓയിലും ചേര്‍ത്ത് നന്നായി മിക്‌സ് ചെയ്യുക. ഇത് സ്‌പ്രേയിങ് ബോട്ടിലേക്കു മാറ്റി ഉപയോഗിക്കാം

കുക്കുംബര്‍ മിസ്റ്റ്

ചര്‍മത്തിന് ഫ്രഷ്‌നസ് നല്‍കുന്നതില്‍ പ്രസിദ്ധമാണ് വെള്ളരിക്ക. ഒരു വെള്ളരിക്ക തൊലി കളഞ്ഞ് അല്‍പം വെള്ളം ചേര്‍ത്ത് അരച്ചെടുക്കുക. ഇതിലേക്ക് അര ടീസ്പൂണ്‍ നാരങ്ങാ നീരും ഒരു ടീസ്പൂണ്‍ ആലോവേര ജെല്ലും ആവശ്യത്തിന് റോസ് വാട്ടറും ചേര്‍ത്ത് നന്നായി യോജിപ്പിക്കുക.വരണ്ട ചര്‍മമുള്ളവര്‍ക്ക് നാരങ്ങാ നീര് ഒഴിവാക്കാം. വെള്ളരിക്ക ജ്യൂസ് മാത്രമായി ഉപയോഗിക്കുന്നതും ഫലം നല്‍കും.

ഗ്രീന്‍ ടീ ഫേഷ്യല്‍ മിസ്റ്റ്

ഒരു ഗ്ലാസ് ഗ്രീന്‍ ടീയിലേക്ക് ഒരു വൈറ്റമിന്‍ ഇ ക്യാപ്‌സ്യൂളോ 4 ടേബിള്‍ സ്പൂണ്‍ വൈറ്റമിന്‍ ഇ ഓയിലോ ചേര്‍ത്താല്‍ ഗ്രീന്‍ ടീ ഫേഷ്യല്‍ മിസ്റ്റ് റെഡി.

ബീറ്റ്‌റൂട്ട് മിസ്റ്റ്

ഒരു ചെറിയ ബീറ്റ്‌റൂട്ട് അല്‍പം വെള്ളം ചേര്‍ത്ത് ജ്യൂസാക്കി എടുക്കുക. ഇതിലേക്ക് ഒരു ചെറിയ വെള്ളരിക്കയുടെ പകുതി ജ്യൂസാക്കി ചേര്‍ക്കുക. ആവശ്യത്തിന് റോസ് വാട്ടറും ചേര്‍ത്ത് നന്നായി യോജിപ്പിച്ച് ഉപയോഗിക്കാം.

റോസ് വാട്ടര്‍ മിസ്റ്റ്

വളരെ എളുപ്പത്തില്‍ തയാറാക്കാവുന്ന മിസ്റ്റാണിത്. ഒരു ചെറിയ ബോട്ടില്‍ റോസ് വാട്ടറിലേക്ക് ഒരു വൈറ്റമിന്‍ ഇ ക്യാപ്‌സ്യൂള്‍ ചേര്‍ത്ത് യോജിപ്പിക്കുക. റോസിന്റെ ഇതളുകള്‍ ഉണ്ടെങ്കില്‍ ചെറുതായി അരിഞ്ഞ് ഇതിനൊപ്പം ചേര്‍ക്കാം.