blogadmin

വിവാഹം കഴിഞ്ഞ് നാളുകളേറെയായിട്ടും കുഞ്ഞിക്കാല്‍ കാണാനാവാതെ വിഷമിക്കുന്ന ദമ്പതിമാര്‍ ശ്രദ്ധിക്കുക. ലൈംഗിക ബന്ധത്തില്‍ നിങ്ങള്‍ സ്വീകരിക്കുന്ന ‘പൊസിഷനും’ ഗര്‍ഭധാരണവും തമ്മില്‍ കാര്യമായ ബന്ധമുണ്ട്.

പുരുഷബീജവും അണ്ഡവും തമ്മില്‍ എളുപ്പം സംയോജിക്കുന്നതിന് പറ്റിയ പൊസിഷനുകള്‍ സ്വീകരിക്കുകയാണ് വേണ്ടത്. പരമ്പരാഗത ശൈലിയിലുള്ള (മിഷനറി പൊസിഷന്‍) ലൈംഗിക ബന്ധമാണ് ഗര്‍ഭധാരണത്തിന് ഏറെ സഹായകമാവുക എന്ന് വിദഗ്ധര്‍ അഭിപ്രായപ്പെടുന്നു. ഈ അവസ്ഥയില്‍ ഗര്‍ഭപാത്രത്തിനോട് അടുത്ത സ്ഥലത്താവും ബീജം നിക്ഷേപിക്കപ്പെടുന്നത്. ഈ അവസ്ഥയില്‍ പുരുഷന്റെ സ്ഥാനം മുകളിലായതിനാല്‍ രേതസ്സ് നഷ്ടപ്പെടാനുള്ള സാധ്യതയും വളരെ കുറവാണ്.

ഇണയെ പിന്നില്‍ നിന്ന് ബന്ധപ്പെടുന്ന രീതിയും (ഡോഗി സ്റ്റൈല്‍) ഗര്‍ഭധാരണത്തിന് സഹായമാകുമെന്ന് വിദഗ്ധര്‍ അഭിപ്രായപ്പെടുന്നു. ഈ അവസ്ഥയില്‍ ഗര്‍ഭാശയ ഗളത്തിലാവും ബീജം നിക്ഷേപിക്കപ്പെടുക. ബന്ധപ്പെട്ട ശേഷവും ഇതേ നിലയില്‍ തുടരുന്നത് രേതസ്സ് പുറത്തേക്കൊഴുകി നഷ്ടപ്പെടാതിരിക്കാന്‍ സഹായമാകുമെന്നും വിദഗ്ധര്‍ ഉപദേശിക്കുന്നു.

രാത്രിയായാല്‍ ഭര്‍ത്താവിന് പല വിധ കാര്യങ്ങളാണ് – ‘കറന്‍റുബില്‍ അടച്ചിട്ടില്ല. ഓഫീസില്‍ മേലുദ്യോഗസ്ഥന്‍ ശരിയല്ല. വീട്ടുചെലവ് ക്രമാതീതമായി കൂടുന്നു. ഹൃദയാഘാതമുണ്ടാകുമോ എന്ന് ആശങ്ക.’ പിന്നെ എങ്ങനെ ലൈംഗിക ജീവിതം കുളമാകാതിരിക്കും?

ഭര്‍ത്താവിന് മാത്രമല്ല, ഭാര്യയ്ക്കും ഉണ്ട് ഈ ‘രാത്രിചിന്തകള്‍’. നിസാര കാര്യങ്ങള്‍ക്കെല്ലാം രാത്രിയില്‍ കിടക്കാറാകുമ്പോഴാണ് ഭാര്യ പരിഹാരം അന്വേഷിക്കുന്നത്. എന്തിനേറെ, സീരിയല്‍ നായികയുടെ ദുര്‍വിധിയോര്‍ത്ത് കണ്ണീര്‍ പൊഴിക്കുന്നതുപോലും ഭര്‍ത്താവ് ഒന്നുഷാറായി വരുന്ന സമയത്താണ്. സെക്സ് വേദനാജനകമാകുവാന്‍ മറ്റെന്തുവേണം?

വിദഗ്ധര്‍ പറയുന്നത് സെക്സ് ചെയ്യുമ്പോള്‍ സെക്സിനെക്കുറിച്ചുപോലും ചിന്തിക്കരുത് എന്നാണ്. ചിലര്‍ സെക്സ് ചെയ്യുമ്പോള്‍ ‘ഇന്ന് വിജയം കാണാനാകുമോ?’ എന്നായിരിക്കും ചിന്ത. വാടിത്തളര്‍ന്ന് ചേമ്പിന്‍‌തണ്ടുപോലെയാകാന്‍ മറ്റെന്തെങ്കിലും വേണോ? അറിയുക – സെക്സ് അബോധമനസിന്‍റെ ഒരു രസകരമായ കളിയാണ്. അതില്‍ അനുഭൂതിയുണ്ടാകുന്നത് മുന്‍‌കൂട്ടി പ്ലാന്‍ ചെയ്തു തയ്യാറാക്കുന്ന പദ്ധതികള്‍ക്കൊടുവിലല്ല. സ്വാഭാവികമായ ഇണചേരലിനൊടുവില്‍ സുഖത്തിന്‍റെ ഏഴാം സ്വര്‍ഗം തനിയെ പൂത്തുവിടരുകയാണ്.

ലൈംഗികബന്ധത്തില്‍ ഏര്‍പ്പെടുന്നതിന് മുമ്പ് ‘ക്ലൈമാക്സി’നെപ്പറ്റി ചിന്തിച്ചാല്‍ കൂടുതല്‍ പേര്‍ക്കും ഗംഭീരമായ ക്ലൈമാക്സില്‍ എത്തിച്ചേരാനാവില്ലെന്നതാണ് സത്യം. അതുകൊണ്ട് സെക്സ് ചെയ്യുന്ന സമയത്ത് ഒന്നും ചിന്തിക്കേണ്ട. പങ്കാളിയുടെ ശരീരത്തോട് ചേരുക. ചുംബനങ്ങല്‍കൊണ്ടും സീല്‍ക്കാരങ്ങള്‍ കൊണ്ടും പുതിയ ലോകത്തെത്തുക. ഇണചേരലിന്‍റെ ആനന്ദവും ഇളംചൂടും അനുഭവിച്ചറിയുക.

കിടപ്പറയിലെ വിജയത്തില്‍ സ്ത്രീക്കും പുരുഷനും തുല്യ പങ്കാണുള്ളത്. ആരെങ്കിലും ഒരാള്‍ അല്പം അലസത കാണിച്ചാല്‍ ലൈംഗികബന്ധം കനത്ത പരാജയമാകും. മനസില്‍ സന്തോഷവും സമാധാനവും നിറഞ്ഞ സാഹചര്യത്തിലാണ് സെക്സില്‍ ഏര്‍പ്പെടേണ്ടത്. ചിലപ്പോള്‍ സ്ത്രീകള്‍ ‘ഉണര്‍ന്നു’ വരാന്‍ അല്പം താമസമെടുക്കും. ധൃതി കാണിക്കാതെ പുരുഷന്‍ സാവധാനം തന്‍റെ പങ്കാളിയെ ഉണര്‍ത്തിയെടുക്കണം. സെക്സ് ഒരു വണ്‍‘‌മാന്‍’ ഷോ ആകരുതെന്ന് ചുരുക്കം.

ഒരു മനോഹരമായ സെക്സ് അനുഭവത്തിലേക്ക് സ്ത്രീയെ ആനയിക്കാന്‍ ചില വഴികളുണ്ട്. അത്തരം ചില പൂര്‍വകേളികള്‍ ഇതാ:

സ്ത്രീയുടെ കാര്‍കൂന്തലില്‍ സ്നേഹത്തോടെ തടവുന്നതും ചുംബിക്കുന്നതും അവളെ പുതിയ ഒരു ലോകത്തിലേക്ക് നയിക്കും. ഇണയുടെ തലമുടി സ്വന്തം മുഖത്തേക്ക് വിതറിയിട്ട് പുരുഷന് തന്‍റെ പ്രണയം അറിയിക്കാം. ഇരു കൈകളാലും അവളുടെ കൂന്തല്‍ ഒതുക്കിവെച്ച് നെറ്റിയില്‍ ഒരു ചുംബനം നല്‍കുന്നത് അവളെ ഒരു ലൈംഗിക ബന്ധത്തിന് വേഗം സജ്ജയാക്കും.

സ്ത്രീയുടെ പിന്‍‌കഴുത്ത് വളരെ സെന്‍സിറ്റീവായ ഭാഗമാണ്. അവിടെ ചുണ്ടുകള്‍ അമര്‍ത്തുന്നതും കരങ്ങളാല്‍ തഴുകുന്നതും സ്ത്രീയെ ഉന്‍‌മത്തയാക്കും. പുരുഷന്‍റെ ശ്വാസോച്ഛാസം പിന്‍‌കഴുത്തില്‍ തട്ടുന്നതും അവിടെ ഏല്‍ക്കുന്ന സ്നേഹസ്പര്‍ശനവും അവള്‍ക്കു പ്രിയപ്പെട്ടതാണ്. സ്ത്രീയുടെ കഴുത്തിലെ നനുത്ത രോമങ്ങളില്‍ വികാരപൂര്‍ണമായ ചുംബനങ്ങള്‍ നല്‍കാന്‍ ശ്രദ്ധിക്കുക.

സ്ത്രീയുടെ നഗ്നമായ തോള്‍(ചുമല്‍) പുരുഷന്‍റെ സ്പര്‍ശനം കൊതിക്കുന്നയിടമാണ്. അവിടെ ഉമ്മവയ്ക്കുന്നതും മധുരമായ വാക്കുകള്‍ പറഞ്ഞുകൊണ്ട് മെല്ലെ തടവുന്നതും അവളെ ഉത്തേജിതയാക്കും. പുരുഷന്‍ നാവുപയോഗിച്ച് തോളില്‍ വൃത്തങ്ങള്‍ സൃഷ്ടിക്കുന്നതും സ്ത്രീയെ ആനന്ദിപ്പിക്കും.

സ്ത്രീയുടെ പിന്‍‌ഭാഗത്ത് തന്‍റെ കരങ്ങളാല്‍ ചിത്രം വരയ്ക്കാന്‍ പുരുഷന്‍ മറക്കരുത്. പൂര്‍വകേളികളിലെ ഒരു പ്രധാന കാര്യം കമിഴ്ന്നു കിടക്കുന്ന സ്ത്രീയുടെ പുറം ഭാഗത്ത് മുഖം കൊണ്ടും കരങ്ങള്‍ കൊണ്ടും നടത്തുന്ന തലോടലുകളാണ്. സ്ത്രീ പൂര്‍ണമായും രതിയുടെ സുഖനിമിഷങ്ങള്‍ക്കായി തയ്യാറാകുന്നത് ഈ നിമിഷങ്ങളിലാണ്. കാല്‍‌മുട്ടുകളുടെ ഉള്‍ഭാഗത്ത് നടത്തുന്ന സ്പര്‍ശനങ്ങളും അവളില്‍ ആവേശത്തിരയിളക്കും.

സ്ത്രീയുടെ ഉള്ളം‌കൈകളില്‍ മൃദുവായ സ്പര്‍ശനവും ചുംബനങ്ങളും നല്‍കുക. തന്‍റെ സ്നേഹം വെളിവാക്കാന്‍ പുരുഷന് ലഭിക്കുന്ന അവസരമായാണ് ഇതിനെ കാണേണ്ടത്. മറ്റൊന്ന് അവളുടെ കാല്‍പ്പാദങ്ങളില്‍ നല്‍കുന്ന ചുംബനമാണ്. അപ്പോള്‍ അവളുടെ കണ്ണുകളിലേക്ക് നോക്കുക. അവിടെ ഇണയോടുള്ള സ്നേഹവും വികാരവും നിറഞ്ഞു തുളുമ്പുന്നതു കാണാം.

സ്ത്രീയുടെ കാതുകള്‍ ഏറ്റവും ഉത്തേജിക്കപ്പെടാവുന്ന സ്ഥാനമാണ്. കാതില്‍ മൃദുവായി കടിക്കാന്‍ മറക്കരുത്. പതിയെ ഉമ്മവയ്ക്കുകയും തഴുകുകയുമാകാം. ഒപ്പം അല്‍പ്പം കിന്നാരം മൊഴിയുകയും ചെയ്യാം. തുടയിലും തുടയുടെ ഉള്‍ഭാഗത്തും കരങ്ങളാലും ചുണ്ടുകളാലും സ്പര്‍ശിക്കുന്നത് സ്ത്രീയെ ഉന്‍‌മാദത്തിന്‍റെ പരകോടിയിലെത്തിക്കും. മാറിടത്തിലും ഈ പ്രയോഗങ്ങളാകാം. ഇത്രയും പൂര്‍വകേളികള്‍ക്ക് ശേഷം കാര്യങ്ങളിലേക്ക് കടന്നാല്‍ ലൈംഗികബന്ധം ഏറ്റവും അനുഭൂതിദായകമാകും എന്നതില്‍ സംശയമില്ല.

ജീവിതശൈലി, ഹോര്‍മോണ്‍ വ്യതിയാനം, അമിതവണ്ണം തുടങ്ങിയവ കഴുത്തിലെ കറുപ്പിന് കാരണമാകാറുണ്ട്. ചിലപ്പോള്‍ മുഖത്തിന് കൊടുക്കുന്ന പ്രാധാന്യം കഴുത്തിന് കൊടുക്കാത്തതും കാരണമാകാറുണ്ട്. ഇതിന് ചില പരിഹാരമുണ്ട്

1. കറ്റാര്‍വാഴ- ദിവസവും കറ്റാര്‍വാഴ ജെല്‍ കഴുത്തില്‍ തേച്ചു പിടിപ്പിച്ച ശേഷം 10 മിനിറ്റ് കഴിഞ്ഞ് കഴുകി കളഞ്ഞാല്‍ കറുപ്പ് നിറം അകറ്റാം.
2. ബേക്കിങ് സോഡ- 2 ടേബിള്‍ സ്പൂണ്‍ ബേക്കിങ് സോഡയില്‍ വെള്ളം ചേര്‍ത്ത് പേസ്റ്റാക്കി കഴുത്തില്‍ പുരട്ടുക. ഉണങ്ങിയശേഷം വിരലുകള്‍ കൊണ്ടു സ്ക്രബ് ചെയ്തു കളയുക. ശേഷം മോയിസ്ച്യൂറൈസര്‍ പുരട്ടുക.

3. ഉരുളന്‍കിഴങ്ങ്- ഉരുളന്‍കിഴങ്ങിന്റെ നീര് കഴുത്തില്‍ പുരട്ടി ഉണങ്ങിയ ശേഷം ഇളംചൂട് വെള്ളത്തില്‍ കഴുകി കളയുക. ദിവസവും രണ്ടു നേരം ഇങ്ങനെ ചെയ്യുക.

4. തൈര്- രണ്ടു സ്പൂണ്‍ കട്ടിതൈര് എടുത്ത് അതിലേക്ക് ഒരു സ്പൂണ്‍ നാരങ്ങനീര് ചേര്‍ക്കുക. നന്നായി മിക്സ് ചെയ്തശേഷം കഴുത്തില്‍ പുരട്ടുക. 20 മിനിറ്റിനുശേഷം കഴുകി കളയുക. ഇത കറുപ്പ് നിറം നീക്കം ചെയ്യുന്നു.

5. മഞ്ഞള്‍ – തൈരില്‍ മഞ്ഞള്‍ ചേര്‍ക്കുക. ഇത് മിക്സ് ചെയ്ത് കുഴമ്ബുരൂപത്തിലാക്കി കഴുത്തില്‍ പുരട്ടുക. 15 മിനിറ്റിനുശേഷം ഇളം ചൂടുവെള്ളത്തില്‍ കഴുകി കളയുക

എനിക്ക് 22 വയസുണ്ട്. മാസമുറ കൃത്യമല്ലാത്തതാണ് എന്‍റെ പ്രശ്നം. എനിക്ക് വിവാഹാലോചനകള്‍ നടക്കുകയാണ്. എനിക്ക് കുഞ്ഞുങ്ങളുണ്ടാവുമോ? ഭര്‍ത്താവിനെ തൃപ്തിപ്പെടുത്താനൊക്കുമോ?

മേരി, കോട്ടയം.

മാസമുറ കൃത്യമാകുന്നതിന് ഒരു ഗൈനക്കോളജസ്റ്റിനെ കാണുക. നിങ്ങള്‍ വിവാഹിതയാകുന്നതു കൊണ്ടു പ്രശ്നമുണ്ടെന്ന് തോന്നുന്നില്ല.

ഞാന്‍ 25 വയസുള്ള വിവാഹിതയാണ്. വിവാഹം കഴിഞ്ഞിട്ട് മൂന്ന് മാസമായി. ലൈംഗികബന്ധത്തില്‍ ഏര്‍പ്പെടാന്‍ സാധിക്കുന്നില്ല എന്നതാണ് പ്രശ്നം. ലിംഗം വലുതായത് കൊണ്ടാണോ പ്രശ്നം എന്നറിയില്ല. യോനി ചെറുതായാല്‍ ഇങ്ങനെ വരുമോ? എന്താണ് പരിഹാരം?
സ്മിത, .

പ്രശ്നം മാനസികമോ ശാരീരികമോ എന്ന് കണ്ടെത്തണം. സാധാരണ മാനസികമാകാനാണ് സാധ്യത. ലൈംഗിക ബന്ധത്തോടുള്ള ഭയം, ചെറുപ്പത്തില്‍ ഉണ്ടാ‍യിട്ടുളള ലൈംഗിക പീഡനം, ആദ്യ തവണ ബന്ധപ്പെടുമ്പോഴുള്ള വേദന എന്നിവ മൂലം യോനി സങ്കോചിച്ചു പോകാറുണ്ട്. നിങ്ങളുടെ പ്രശ്നം എന്താണെന്ന് കണ്ടെത്തുക.

ഇണകള്‍ ബന്ധപ്പെടുന്നതിന് മുന്‍പ് ഉള്ള് തുറന്ന് സംസാരിക്കുക. ചുംബനവും തലോടലും സ്നേഹപ്രകടനങ്ങളും എല്ലാം ആകുമ്പോള്‍ യോനി വികസിക്കുകയും ലിംഗപ്രവേശനം സാധ്യമാകുകയും ചെയ്യും. ശാ‍രീരിക പ്രശ്നമാണെങ്കില്‍ ജെല്ലിയോ വെളിച്ചെണ്ണയോ യോനിയില്‍ പുരട്ടിയിട്ട് വിരല്‍ കോണ്ടു യോനീകവാടം വലുതാക്കാവുന്നതാണ്. ഇതിന് പങ്കാളിയുടെ പൂര്‍ണ്ണ സഹകരണം ആവശ്യമാണ്.

കരുത്തുള്ള മുടിയ്ക്ക് നല്ല പരിചരണം ആവശ്യമാണ്. മുടി കൊഴിച്ചില്‍, താരന്‍, ഉള്ള് കുറഞ്ഞ മുടി എന്നിങ്ങനെ പല പ്രശ്നങ്ങളാകാം അലട്ടുന്നത്. ഈ പ്രശ്നങ്ങളെല്ലാം അകറ്റാന്‍ ഏറ്റവും മികച്ച പ്രതിവിധിയാണ് കറ്റാര്‍വാഴ. ഇതിനായി കറ്റാര്‍വാഴ ഇങ്ങനെ ഉപയോഗിച്ച്‌ നോക്കൂ.

കറ്റാര്‍വാഴയും സവാള നീരും

കരുത്തുറ്റ മുടിയ്ക്ക് ഏറെ ഉത്തമമാണ് സവാള നീര്. ഇതിലെ സള്‍ഫറാണ് ഈ ഗുണം നല്‍കുന്നത്. ഒരു ടീസ്പൂണ്‍ കറ്റാര്‍വാഴ ജെല്ലും രണ്ട് ടീസ്പൂണ്‍ സവാള നീരും നല്ല പോലെ യോജിപ്പിക്കുക. ശേഷം ഇത് മുടിയില്‍ തേച്ച്‌ പിടിപ്പിക്കുക. ഇത് ആഴ്ചയില്‍ രണ്ടോ മൂന്നോ തവണ ഇടാവുന്നതാണ്. മുടി കൊഴിച്ചില്‍ കുറയ്ക്കാനും മുടി ആരോ​ഗ്യത്തോടെ വളരാനും ഈ പാക്ക് ​ഗുണം ചെയ്യും.

കറ്റാര്‍വാഴയും വെളിച്ചെണ്ണയും

വെളിച്ചെണ്ണ മുടിയ്ക്ക് തിളക്കം നല്‍കാനും മൃദുത്വം നല്‍കാനുമെല്ലാം സഹായിക്കുന്നു. രണ്ട് ടീസ്പൂണ്‍ കറ്റാര്‍വാഴ ജെല്ലില്‍ ഒരു ടീസ്പൂണ്‍ വെളിച്ചെണ്ണ യോജിപ്പിച്ച്‌ ശിരോചര്‍മത്തിലും മുടിയുടെ അറ്റംവരെയും പുരട്ടി മസാജ് ചെയ്യുക. മുടിയ്ക്ക് തിളക്കവും മൃദുത്വവും ലഭിക്കാനും മുടി വളരാനും ഈ പാക്ക് സഹായിക്കും.

ഗര്‍ഭനിരോധന മാര്‍ഗങ്ങള്‍ എന്നു പറയുമ്പോള്‍ തന്നെ എല്ലാവരുടെയും മനസില്‍ വരുന്ന കാര്യങ്ങളാണ് ഉറകള്‍, ഗുളികകള്‍, കുത്തിവയ്പ്പ്, കോപ്പര്‍ ടീ തുടങ്ങിയ മാര്‍ഗ്ഗങ്ങള്‍. എന്നാല്‍ ഇവയ്ക്കൊപ്പം ചെലവേറിയതും നിരന്തരം ഉപയോഗിക്കെണ്ടതുമാണ്. എന്നാല്‍ ചിലവ് വളരെ ക്കുറവും അല്‍പ്പം ശ്രദ്ധയുമുണ്ടെങ്കില്‍ നിങ്ങള്‍ക്ക് ലൈംഗികത ആസ്വദിക്കുന്നതോടൊപ്പം ഗര്‍ഭ നിരോധനത്തെ പ്രാവര്‍ത്തികമാക്കുകയും ചെയ്യാവുന്നതാണ്. ഇങ്ങനെ മറ്റൊരു മാര്‍ഗങ്ങളും ഉപയോഗിക്കാതെ ഗര്‍ഭ നിരോധനം സാധ്യമാക്കുന്ന നിരവധി പ്രകൃതിദത്ത മാര്‍ഗങ്ങള്‍ ഏറെക്കാലമായി പ്രചാരത്തിലുണ്ടാ‍യിരുന്നു. ഇതില്‍ ചിലത് പരിചയപ്പെടുത്തുകയാണ് ഇവിടെ.

പ്രകൃതിദത്ത മാര്‍ഗങ്ങള്‍ എന്നാല്‍ മരുന്നുകളൊ മറ്റ് രീതികളൊ ഉപയോഗിക്കാതെ ദമ്പതികള്‍ പരസ്പര സമ്മതൊടെ പ്രയോഗിക്കുന്ന രീതികളാണ്. ക്ഷമയും മനസാന്നിധ്യവും ഇത്തരം രീതികള്‍ക്ക് അത്യാവശ്യമാണ്. പ്രധാനമായും ആറ് മാര്‍ഗങ്ങളാണ് ഉള്ളത്. പിന്‍വലിക്കല്‍ രീതി, മുലയൂട്ടല്‍, വിട്ടുനില്‍ക്കല്‍, താപനില രീതി, ഗര്‍ഭാശയസ്രവം നോക്കി, കലണ്ടര്‍ രീതി തുടങ്ങിയവയാണ് അവ. , ഈ മാര്‍ഗങ്ങള്‍ ചെലവുകുറഞ്ഞതും എളുപ്പവും ശ്രദ്ധയോടെ ഉപയോഗിച്ചാല്‍ വളരെ ഫലപ്രദവും ആണ്. പണ്ട് ഇത്തരം മാര്‍ഗങ്ങള്‍ വ്യാപകമായി ഉപയോഗിച്ചിരുന്നു.

പിന്‍വലിക്കല്‍ രീതിയിലേക്ക് വരാം. ഇപ്പോഴും ലോകത്തെമ്പാടുമുള്ള ആളുകള്‍ ലൈംഗിക ബന്ധത്തില്‍ ഏര്‍പ്പെടുമ്പോള്‍ ഉപയോഗിക്കുന്ന രീതിയാണിത്. യോനിക്കുള്ളില്‍ ശുക്ളവിസര്‍ജനം നടത്താതിരിക്കുക എന്നതാണ് ഈ രീതികൊണ്ട് ഉദ്ദേശിക്കുന്നത്. രതിമൂര്‍ച്ഛയുടെ സമയത്തു ലിംഗം പുറത്തെടുത്ത് ശുക്ളം പുറമേ വിസര്‍ജിക്കുന്നതാണ് ഇതില്‍ ചെയ്യുന്നത്. കൃത്യമായ രീതിയില്‍ പ്രയോഗിക്കാമെങ്കില്‍ വിജയം 96-97 ശതമാനം വരെയാണ് എന്നതിനാല്‍ പലപ്പോഴും ഡോക്ടര്‍മ്മാര്‍ വരെ ഇത് നിര്‍ദ്ദേശിക്കാറുണ്ട്. എന്നാല്‍ വളരെയധികം ആത്മനിയന്ത്രണം ഉള്ളവര്‍ക്ക് മാത്രമെ ഇത് സാധ്യമാകുകയുള്ളു. കൂടാതെ ശീഘ്രസ്ഖലനം ഉള്ളവര്‍ ഇത് പരീക്ഷിക്കാതിരിക്കുന്നതാ‍ണ് നല്ലത്.

ചിലരില്‍ രതിമൂര്‍ച്ഛയ്ക്കു മുമ്പുള്ള ലിംഗസ്രവത്തില്‍ ചിലപ്പോള്‍ പുരുഷബീജം കാണാവുന്നതാണ് എന്നതിനാല്‍ നൂറുശതമാനം വിജയമാകാന്‍ സാധിക്കില്ല എന്നത് ഒരു പോരായ്മയാണ്. വളരെ പെട്ടന്ന് ഈ രീതിയിലേക്ക് മാറുന്നത് ലൈംഗികസംതൃപ്തിയില്‍ ഒരല്‍പം കുറവുണ്ടാക്കുമെങ്കിലും പിന്നീട് ഇതുമായി പൊരുത്തപ്പെടാന്‍ സാധിക്കും. മറ്റ് ഉപാധികള്‍ ഇല്ലാതെ വന്നാല്‍ ഇതിനെ അത്യാവശ്യം ഉപാധിയായി ഉപയോഗിക്കാം.

നന്നായി മുലയൂട്ടുന്നത് ഫലപ്രദമായ മറ്റൊരു ഉപാധിയാണ്. എന്നാല്‍ ഇത് ഒരുതവണ പ്രസവിച്ചവരിലാണ് പ്രായൊഗികമാവുക. കുഞ്ഞുങ്ങള്‍ക്ക് മുലയൂട്ടുന്ന കാലഘട്ടത്തില്‍ അണ്ഡവളര്‍ച്ചയ്ക്കും അണ്ഡവിസര്‍ജനത്തിനും സഹായകമായ ഹോര്‍മോണുകള്‍ കുറവായിരിക്കുമെന്നതിനാല്‍ അണ്ഡവിസര്‍ജനം ഇല്ലാതിരിക്കുകയും ഗര്‍ഭധാരണം കുറയുകയും ചെയ്യുന്നു. പകല്‍ ചുരുങ്ങിയത് ഓരോ നാലുമണിക്കൂര്‍ ഇടവിട്ടും രാത്രിയാണെങ്കില്‍ ഓരോ ആറുമണിക്കൂര്‍ ഇടവിട്ടും മുലയൂട്ടിയാല്‍ മാത്രമേ ഇതിനു വിജയസാധ്യതയുള്ളൂ. പേരിനു മാത്രം മുലയൂട്ടല്‍ നടത്തുന്നവര്‍ പരാജയപ്പെടാന്‍ സാധ്യത ഏറെയാണ്.

ആര്‍ത്തവദിവസങ്ങള്‍ നോക്കി പ്രത്യുത്പാദനശേഷി കുറവുള്ള ദിവസങ്ങളില്‍ ബന്ധം പുലര്‍ത്തുന്ന രീതിയായ കലണ്ടര്‍ രീതി മറ്റൊരു സാധ്യമായ പരീക്ഷണമാണ്. ഒരു കലണ്ടറില്‍ മാസമുറ തുടങ്ങുന്ന ദിവസം അടയാളപ്പെടുത്തുക. രണ്ടു മാസമുറകള്‍ തമ്മിലുള്ള ദിവസം രേഖപ്പെടുത്തുക. ഇങ്ങനെ 6-8 മാസം വരെ എടുത്തതിനുശേഷം ഏറ്റവും കുറഞ്ഞ മാസമുറയുടെ ദിവസത്തില്‍ നിന്നും 18 ദിനം കുറയ്ക്കുക. (30 ദിവസം ഉണ്ടെങ്കില്‍ 30-18=12) അതായത് പ്രത്യുല്‍പാദനം നടക്കാന്‍ ഏറ്റുവും സാധ്യത കൂടിയ ദിവസത്തിന്റെ തുടക്കം മാസമുറ തുടങ്ങി പന്ത്രണ്ടാം ദിനത്തില്‍ ആരംഭിക്കുന്നു.

ഗര്‍ഭധാരണ സാധ്യതയുടെ അവസാനദിനം ഏറ്റവും നീണ്ട മാസമുറയുടെ ദിനങ്ങളില്‍ നിന്ന് 11 ദിനം കുറയ്ക്കുക. അതായത് ഗര്‍ഭധാരണസാധ്യതയുടെ അവസാനദിവസം എന്നതു മാസമുറ തുടങ്ങി പത്തൊമ്പതാം ദിനത്തിലാണ്. യോനിയിലൂടെ വരുന്ന സ്രവത്തിന്റെ അളവും സ്വഭാവവും നോക്കി അണ്ഡവിസര്‍ജനദിനം ഏകദേശം കണക്കാക്കാന്‍ കഴിയും. സെര്‍വിക്കല്‍ മ്യൂക്കസ് മെതേഡ് എന്നാണ് ഇത് അറിയപ്പെടുന്നത്.

ഒരു ആര്‍ത്തവചക്രത്തില്‍ ആദ്യ ദിവസങ്ങളില്‍ രക്തം ഉണ്ടാകുന്നു. രക്തസ്രാവം നിന്നതിനുശേഷം കുറച്ചുദിവസം ഒരു വിധത്തിലുള്ള സ്രവവും ഉണ്ടാവില്ല. അണ്ഡവളര്‍ച്ച ഉണ്ടാവുന്നതോടെ യോനിയില്‍ നിന്നും ചെറിയ തോതില്‍ സ്രവം ഉണ്ടാവുന്നു. ഓവുലേഷന്‍ എന്ന അണ്ഡവിസര്‍ജനത്തോടെ ഈ സ്രവത്തിന്റെ അളവും അതിന്റെ കട്ടിയും (ഇലാസ്റ്റിസിറ്റി) കൂടുന്നു. ഈ ദിവസങ്ങളാണ് ഏറ്റവും ഗര്‍ഭധാരണ സാധ്യതയുള്ളത്. തുടര്‍ന്ന് മ്യൂക്കസിന്റെ കട്ടി കുറയുന്നതോടെ ഗര്‍ഭധാരണ സാധ്യത കുറയുന്നത് തിരിച്ചറിയാനാകും.

ആര്‍ത്തവചക്രത്തില്‍ ഓരോഘട്ടത്തിലും ഹോര്‍മോണ്‍ ഉല്‍പാദനത്തിലെ വ്യത്യാസങ്ങള്‍ മൂലം ശരീരത്തിലെ ടെംപറേച്ചര്‍ വ്യതിയാനം ഉണ്ടാകും. ഓവുലേഷന്‍ ആകുമ്പോള്‍ പ്രൊജസ്റ്ററോണ്‍ എന്ന ഹോര്‍മോണ്‍ ഉണ്ടാകുന്നതിനാല്‍ ആര്‍ത്തവത്തിന്റെ മധ്യഭാഗം മുതല്‍, ശരീര ഊഷ്മാവ് ഒരു ഡിഗ്രിഫാരന്‍ഹീറ്റു വരെ വര്‍ധിക്കുന്നു. ഒരു ഡിജിറ്റല്‍ തെര്‍മോമീറ്റര്‍ ഇതിനായി ഉപയോഗിക്കാം. വിശ്രമിച്ചിരിക്കുമ്പോള്‍ വേണം താപനില അളക്കാന്‍. ദിവസവും ഒരേ സമയത്തും ഒരേ സ്ഥാനത്തുവെച്ചും വേണം താപനില അളക്കാന്‍. ഇതിനെ തുടര്‍ച്ചയായി ഒരു ചാര്‍ട്ടില്‍ രേഖപ്പെടുത്തുന്നു.

മാസമുറയുടെ ആദ്യഘട്ടത്തില്‍ ശരീരതാപനില കുറവായിരിക്കും. അണ്ഡവിസര്‍ജനമെന്ന ഓവുലേഷന്‍ നടക്കുന്നതോടെ ശരീരതാപനില കൂടും. തുടര്‍ന്ന് അടുത്ത ആര്‍ത്തവാരംഭത്തിനു തൊട്ടുമുമ്പ് താപനില കുറയും. അണ്ഡവിസര്‍ജനം നടന്ന് മൂന്നോ നാലോ ദിവസത്തിനുശേഷമുള്ള സമയം സുരക്ഷിതദിനങ്ങളായിരിക്കും. അതുവരെ മറ്റ് ഗര്‍ഭനിരോധനമാര്‍ഗങ്ങള്‍ സ്വീകരിക്കണം.

ലൈംഗികതയില്‍ നിന്നും വിട്ടുനില്‍ക്കല്‍– ഇതിനെ ഒരു ഗര്‍ഭനിരോധന മാര്‍ഗമായി കാണാം. ലൈംഗികബന്ധം ചെയ്യാതിരിക്കുക എന്നതാണ് ഇതിന്റെ സാധാരണ തത്വം. ബാഹ്യകേളികളില്‍ മുഴുകുകയും എന്നാല്‍ ഗര്‍ഭനിരോധനം സാധ്യമാക്കുന്നു എന്നതാണിതിന്റെ ഗുണം. ചില പ്രത്യേക അവസരങ്ങളില്‍ വളരെയധികം പ്രയോജനപ്രദമായ മാര്‍ഗമാണിത്.

സ്‌നേഹപ്രകടനത്തിന്റെ വ്യത്യസ്‌ത തലങ്ങളിലേക്ക്‌ ഇറങ്ങിച്ചെല്ലാനാണ്‌ ലൈംഗികതയില്‍ ശ്രമിക്കേണ്ടത്‌. പുരുഷന്‍ മുകളിലും സ്‌ത്രീ താഴെയുമായുള്ള സാധാരണ രീതിമാത്രം തുടരുന്നത്‌ കാലക്രമേണ സെക്‌സിനോട്‌ വിരക്‌തി തോന്നാനിടവരും.

എന്നും ഒരുപോലെ ഒഴുകുന്ന പുഴ സുന്ദരമാണ്‌. എന്നാല്‍ സെക്‌സില്‍ ആ ഒഴുക്കിന്‌ സൗന്ദര്യം അല്‍പം കുറഞ്ഞേക്കാം. വൈവിധ്യങ്ങളാണ്‌ ലൈംഗികാസ്വാദനത്തിന്റെ അടിത്തറ. ഭാരതീയ ശില്‍പകലകളിലും കാമസൂത്രയിലും ലൈംഗികതയിലെ വൈവിധ്യങ്ങള്‍ പ്രകടമാണ്‌. ഒരേ രീതിയിലുള്ള സെക്‌സ് ദമ്പതിമാര്‍ക്കിടയില്‍ മടുപ്പ്‌ ഉളവാക്കും.

സ്‌നേഹപ്രകടനത്തിന്റെ വ്യത്യസ്‌ത തലങ്ങളിലേക്ക്‌ ഇറങ്ങിച്ചെല്ലാനാണ്‌ ലൈംഗികതയില്‍ ശ്രമിക്കേണ്ടത്‌. പുരുഷന്‍ മുകളിലും സ്‌ത്രീ താഴെയുമായുള്ള സാധാരണ രീതിമാത്രം തുടരുന്നത്‌ കാലക്രമേണ സെക്‌സിനോട്‌ വിരക്‌തി തോന്നാനിടവരും.

‘സെക്‌സു മടുത്തു’, ‘എനിക്ക്‌ ഇപ്പോള്‍ സെക്‌സ് ആസ്വദിക്കാന്‍ കഴിയുന്നില്ല’, ‘ഭാര്യയ്‌ക്ക് സെക്‌സിനോട്‌ താല്‍പര്യമില്ല’ എന്നിങ്ങനെയുള്ള പരാതികളുമായി മനഃശാസ്‌ത്രജ്‌ഞനെ കാണുന്നവര്‍ നിരവധിയാണ്‌. ഇത്തരം പ്രശ്‌നങ്ങളിലേക്ക്‌ ദമ്പതിമാരെ നയിക്കുന്നതിന്‌ ഒരു പ്രധാന കാരണം സെക്‌സിലുള്ള ആവര്‍ത്തനമാണ്‌.

സെക്‌സ് ആവര്‍ത്തനവിരസമാകുമ്പോള്‍ ലൈംഗിതയിലൂടെയുള്ള സംതൃപ്‌തി കുറയുന്നു. സെക്‌സിനോടുള്ള താല്‍പര്യം നഷ്‌ടമാകുന്നു. പ്രത്യേകിച്ച്‌ പ്രായമേറുന്തോറും. പങ്കാളികള്‍ക്ക്‌ ഇരുവര്‍ക്കും ആസ്വദിക്കാവുന്ന രീതികള്‍ സ്വയം കണ്ടെത്തിയാല്‍ സെക്‌സ് കൂടുതല്‍ ആഹ്‌ളാദകരമാക്കാം.
ആശയവിനിമയം പ്രധാനം

പെട്ടെന്ന്‌ ഒരു ദിവസം സെക്‌സി ല്‍ പരീക്ഷണത്തിന്‌ മുതിരുന്നത്‌ ശരിയല്ല. അത്‌ ഏകപക്ഷീയമാകാനും പാടില്ല. പങ്കാളികള്‍ ഇരുവരും പരീക്ഷണങ്ങള്‍ക്ക്‌ ഒരുപോലെ മനസുകൊണ്ടും ശരീരംകൊണ്ടും ഒരുങ്ങണം. അതിനായി മനസു തുറന്നുള്ള ആശയവിനിമയം വേണം.

‘നമുക്ക്‌ മറ്റൊരു രീതി നോക്കിയാലോ’ എന്ന ആശയം പങ്കാളികള്‍ പരസ്‌പരം പങ്കുവയ്‌ക്കണം. സെക്‌സില്‍ പരീക്ഷണങ്ങള്‍ക്ക്‌ കൃത്യമായ ചട്ടക്കൂടില്ല.

ആസ്വദിക്കാനാവുന്ന ഏതു രീതിയും പരീക്ഷിക്കാവുന്നതാണ്‌. എന്നാല്‍ പുരുഷനെപ്പോലെ ഏതു രീതിയും ആസ്വദിക്കാന്‍ സ്‌ത്രീക്കാവും എന്നുകരുതാനും പാടില്ല. സ്‌ത്രീയുടെ താല്‍പര്യത്തിന്‌ പ്രാധാന്യം നല്‍കണം. സ്‌ത്രീ പങ്കാളിക്ക്‌ താല്‍പര്യമില്ലാത്ത രീതികള്‍ക്ക്‌ നിര്‍ബന്ധിക്കരുത്‌.

ഇത്‌ ഗുണത്തേക്കാളേറെ ദോഷമാണ്‌. അവിടെയാണ്‌ ആശയവിനിമയത്തിന്റെ പങ്ക്‌. സെക്‌സിലെ ഇഷ്‌ടാനിഷ്‌ടങ്ങള്‍ ചോദിച്ചറിയണം.

ദാമ്പത്യജീവിതത്തിന്റെ ആദ്യകാലങ്ങളില്‍ ഇഷ്‌ടമില്ലാതിരുന്നതും താല്‍പര്യമില്ലാത്തതുമായ കാര്യങ്ങള്‍ പില്‍ക്കാലങ്ങളില്‍ പരസ്‌പര സ്‌നേഹത്തിന്റെ ഫലമായും ലൈംഗിക കാര്യങ്ങളെക്കുറിച്ച്‌ കൂടുതല്‍ അറിവ്‌ നേടുന്നതിന്റെ ഫലമായും മാറിയെന്ന്‌ വരും.
പരസ്‌പരം അറിയുക

സ്‌ത്രീ പങ്കാളിക്ക്‌ പുരുഷ പങ്കാളിയെ അപേക്ഷിച്ച്‌ സെക്‌സില്‍ വേണ്ടത്ര അറിവുണ്ടായിരിക്കണമെന്നില്ല. വിദ്യാസമ്പന്നയാണെങ്കിലും സെക്‌സിനെക്കുറിച്ച്‌ ഭയവും ആശങ്കകളുമായിരിക്കും മനസുനിറയെ. വിവാഹത്തെക്കുറിച്ച്‌ ചിന്തിക്കുമ്പോള്‍ത്തന്നെ സെക്‌സിനെക്കുറിച്ചുള്ള ആധിയാവും പെണ്‍കുട്ടികളുടെ മനസില്‍ നിറയുക.

അതിനാല്‍ പങ്കാളികള്‍ ഇരുവരും പരസ്‌പരം നന്നായി മനസിലാക്കിയതിനു ശേഷം സെക്‌സിന്റെ ഉള്ളറകളിലേക്ക്‌ കടക്കാന്‍ ശ്രമിക്കണം.

സെക്‌സ് ഒരു തുറന്ന പുസ്‌തമാക്കണം. സെക്‌സിനെക്കുറിച്ച്‌ എന്തും പറയാനുള്ള മാനസിക അടുപ്പം ഉണ്ടാക്കിയെടുക്കണം. മനസും ശരീരവും പരസ്‌പരം അറിഞ്ഞാല്‍ മാത്രമേ പങ്കാളികള്‍ക്കിടയില്‍ ലൈംഗിക അടുപ്പം കൂടുതല്‍ ദൃഢമാവുകയുള്ളൂ.

ദമ്പതിമാര്‍ തങ്ങളുടേതായ ഒരു ഭാഷ രൂപപ്പെടുത്തിയെടുക്കുന്നത്‌ നല്ലതാണ്‌. ചില ശാരീരിക സൂചനകളിലൂടെ ആശയവിനിമയം നടത്താന്‍ കഴിയണം.

സ്വകാര്യ നിമിഷങ്ങളില്‍ ലൈംഗിക താല്‍പര്യങ്ങളെക്കുറിച്ചുള്ള താല്‍പര്യങ്ങള്‍ കൈമാറാം. കിടപ്പറയില്‍ ആവശ്യങ്ങള്‍ ആദ്യമായി അവതരിപ്പിക്കുന്നതിനേക്കാള്‍ നേരത്തേ തയാറായി എത്തുന്നതാണ്‌ നല്ലത്‌.
പരീക്ഷണങ്ങള്‍ ഒരുമിച്ച്‌

പുരുഷന്‍ മാത്രം പരീക്ഷണങ്ങള്‍ക്ക്‌ മുതിരാന്‍ പാടില്ല. കിടപ്പറയില്‍ ലൈംഗികതയുടെ പുത്തന്‍ മേച്ചില്‍പ്പുറങ്ങള്‍ തേടുന്നത്‌ പങ്കാളികള്‍ ഒരുമിച്ചായിരിക്കണം. പരീക്ഷണങ്ങളുടെ ഓരോ ഘട്ടത്തിലും പരസ്‌പരം ആസ്വാദനത്തിന്റെ ആഴം ചോദിച്ചറിയാനും ശ്രമിക്കണം.

ഇതിനായി അശ്ലീല പുസ്‌തകങ്ങളുടെയും നീലച്ചിത്രങ്ങളുടെയും സഹായം തേടാതിരിക്കാന്‍ ശ്രദ്ധിക്കണം. നീലച്ചിത്രങ്ങളില്‍ കാണുന്ന രീതികള്‍ ശാസ്‌ത്രയമല്ല. അത്‌ അനുകരിക്കുന്നത്‌ അപകടകരവുമാണ്‌.

പങ്കാളിക്ക്‌ തൃപ്‌തി ലഭിക്കുന്നില്ലെന്ന്‌ അറിഞ്ഞാല്‍ പിന്നീട്‌ ആ രീതി തുടരാതിരിക്കണം. യാതൊരു കാരണവശാലും അപകടകരമായ ലൈംഗികരീതികള്‍ പാടില്ല. ഏറ്റവും ലളിതവും സുന്ദരവുമായ രീതികള്‍ പങ്കാളികള്‍ക്ക്‌ സ്വയം കണ്ടെത്താവുന്നതേയുള്ളൂ.
പൂര്‍വലാളനകളില്‍ തുടങ്ങാം

പൂര്‍വലാളനകളാണ്‌ ലൈംഗികതയിലേക്കുള്ള വാതില്‍. പങ്കാളികള്‍ പരസ്‌പരം ആലിംഗനം ചെയ്യുകയും ചുംബിക്കുകയും ശരീരഭാഗങ്ങള്‍ തഴുകുകയും പൂര്‍വലാളനകളില്‍ സാധാരണമാണ്‌. എന്നാല്‍ ലൈംഗിക പരീക്ഷണങ്ങള്‍ ഈ പടിവാതുക്ക ല്‍ മുതല്‍ തുടങ്ങാം.

ലൈംഗികത ഉണര്‍ത്തുന്ന വസ്‌ത്രധാരണ രീതി, വശ്യമായ പെര്‍ഫ്യൂമിന്റെ ഉപയോഗം ഇങ്ങനെ അന്നുവരെ കാണാത്ത ലോകത്തേക്ക്‌ പങ്കാളിലെ കൂട്ടിക്കൊണ്ടുപോകുന്ന പരീക്ഷണങ്ങളാകാം. എന്നാല്‍ യാതൊരു മുന്നറിയിപ്പും കൂടാതെ പൂര്‍വലാളനകള്‍ക്ക്‌ കാത്തുനില്‍ക്കാതെ നേരെ ലൈംഗികതയിലേക്ക്‌ കടക്കുന്നത്‌ സ്‌ത്രീക്ക്‌ വേദനജനകമായിരിക്കും.

പൂര്‍വലാളനകളില്‍ കാല്‍പനിക ഭാവങ്ങള്‍ നെയ്‌തെടുത്താല്‍ സെക്‌സ് ആദ്യം മുതല്‍ ആസ്വാദ്യകരമാക്കാം.
പീഡനമാകാതിരിക്കണം

ലൈംഗിക പരീക്ഷണങ്ങള്‍ പങ്കാളിക്ക്‌ പീഡനമാകാതിരിക്കാന്‍ പ്രത്യേകം ശ്രദ്ധിക്കണം. പല വിവാഹമോചന കേസുകളിലും പുരുഷന്റെ തന്നിഷ്‌ടപ്രകാരമുള്ള ലൈംഗിക പരീക്ഷണങ്ങളാണ്‌ വില്ലനാകുന്നത്‌. അതിനാല്‍ ലൈംഗികതയില്‍ പുതുമ തേടുന്നവര്‍ ശ്രദ്ധയോടെ വേണം സമീപിക്കാന്‍.

സെക്‌സ് ആസ്വാദ്യകരമാക്കാന്‍ ശാസ്‌ത്രീയമായി തയാറാക്കിയ പുസ്‌തകങ്ങളുടെ സഹായം തേടുന്നതുകൊണ്ട്‌ തെറ്റില്ല. സുഹൃത്തുക്കളില്‍ നിന്നുമുള്ള അറിവിന്റെ അടിസ്‌ഥാനത്തിലുള്ള രീതികള്‍ പരീക്ഷിക്കരുത്‌. ഓരോരുത്തര്‍ക്കും പരിമിതികളുണ്ട്‌. എല്ലാ രീതികളും എല്ലാവര്‍ക്കും ഒരുപോലെ ആസ്വദിക്കാനാവില്ല.
സ്‌ഥലം മാറി പരീക്ഷണം

ബെഡ്‌റൂമില്‍ വച്ചു മാത്രമേ സെക്‌സ് പാടുള്ളൂ എന്നില്ല. സെക്‌സ് ബഡ്‌റൂമിന്‌ പുറത്ത്‌ പാടില്ലെന്ന്‌ ശഠിക്കുന്ന സ്‌ത്രീകളുമുണ്ട്‌. എന്നാല്‍ സ്വകാര്യതയുണ്ടെങ്കില്‍ വീടിന്റെ ഏതുഭാഗത്തുവച്ചും സെക്‌സ് ചെയ്യാവുന്നതാണ്‌.

മറ്റാരുടെയും സാന്നിധ്യമില്ലാതെയുള്ള സാഹചര്യങ്ങളില്‍ ബാഹ്യലീലകളോ, രതിക്രീയകളോ ചെയ്യുന്നതില്‍ തെറ്റില്ല. അടുക്കളയിലോ ബാത്ത്‌റൂമിലോ അല്ലെങ്കില്‍ മറ്റെന്തെങ്കിലും പ്രവര്‍ത്തിയെടുക്കുന്നതിനിടയിലോ ദമ്പതികള്‍ക്ക്‌ സെക്‌സ് ആകാവുന്നതാണ്‌.

ചിലര്‍ രാത്രി മാത്രമേ സെക്‌സിലേര്‍പ്പെടാറുള്ളൂ. പകല്‍ സെക്‌സിനോട്‌ ‘നോ’ പറയുന്നവരുണ്ട്‌. എന്നാല്‍ സെക്‌സിന്‌ സമയവ്യത്യാസമില്ല. രാത്രിയില്‍ മാത്രം സെക്‌സ് ശീലമുള്ളവര്‍ പകല്‍ സെക്‌സിന്‌ സമയവും സന്ദര്‍ഭവും കണ്ടെത്താന്‍ ശ്രമിക്കുന്നത്‌ സെക്‌സ് കൂടുതല്‍ ആസ്വാദ്യകരമാക്കാന്‍ സഹായിക്കും.

സ്‌നേഹവും പരസ്‌പര ധാരണയുമുള്ള ദമ്പതികള്‍ക്ക്‌ സെക്‌സ് എപ്പോള്‍ വേണമെങ്കിലും ആസ്വദിക്കാവുന്നതാണ്‌.

ഇണയെ പരമാവധി ഉണര്‍ത്തുന്ന താല്‍പര്യവും പങ്കാളിയുടെ സുഖത്തിനുവേണ്ടി സര്‍വതും സമര്‍പ്പിക്കാനുള്ള സന്നദ്ധതയുമായിരിക്കണം ദമ്പതികളുടെ സെക്‌സില്‍ മുന്നിട്ടു നില്‍ക്കുന്നത്‌.