blogadmin

ശരീരത്തിനു പുറത്ത് കൃത്രിമാവസ്ഥയിൽ അണ്ഡകോശത്തെ പുരുഷബീജം കൊണ്ട് ബീജസങ്കലനം ചെയ്യിക്കുന്നതിനാണ് ഇൻ‌ വിട്രോ ഫെർട്ടിലൈസേഷൻ (ഐ.വി.എഫ്) അഥവാ കൃത്രിമ ബീജസങ്കലനം എന്നു പറയുന്നത്. വന്ധ്യതാ ചികിത്സയിൽ, മറ്റ് സങ്കേതങ്ങളുടെ സഹായത്തോടെയുള്ള പ്രക്രിയകളെല്ലാം പരാജയപ്പെടുന്ന അവസ്ഥയിൽ കുട്ടികളുണ്ടാവാൻ ഐ.വി.എഫ് ഒരു പ്രധാന ഉപാധിയായി സ്വീകരിക്കപ്പെടുന്നു.[1]

ഈ സാങ്കേതികവിദ്യയിൽ ഹോർമോണുകളുടെ സഹായത്തോടെ സ്ത്രീയുടെ അണ്ഡോൽ‌പ്പാദനത്തെ കൃത്രിമമായി നിയന്ത്രിക്കുകയും, അങ്ങനെ ഉല്പാദിപ്പിക്കുന്ന അണ്ഡകോശങ്ങളെ സ്ത്രീശരീരത്തിൽ നിന്ന് മാറ്റി പ്രത്യേകം പരുവപ്പെടുത്തിയ ഒരു സംവർധക ദ്രവമാധ്യമത്തിൽ നിക്ഷേപിച്ച് അവയെ പുരുഷബീജങ്ങളെക്കൊണ്ട് ബീജസങ്കലനം (fertilization) ചെയ്യിക്കുകയും സിക്താണ്ഡമാക്കുകയും (zygote) ചെയ്യുന്നു. ഈ സിക്തണ്ഡത്തെ പിന്നീട് ഗർഭധാരണം ചെയ്യാൻ തയ്യാറായ സ്ത്രീയുടെ ഗർഭപാത്രത്തിൽ, ഒരു കുഞ്ഞിനെ വളർത്തിയെടുക്കുക എന്ന ഉദ്ദേശ്യത്തോടെ നിക്ഷേപിക്കുകയും ചെയ്യുന്നു.

ഈ സാങ്കേതികവിദ്യയിലൂടെ 1978ൽ പിറന്ന ആദ്യ വ്യക്തിയാണ് ആദ്യത്തെ ടെസ്റ്റ്‌-ട്യൂബ് ശിശുവെന്നറിയപ്പെടുന്ന ലൂയീസ് ബ്രൌൺ). ഈ സാങ്കേതികവിദ്യ വികസിപ്പിച്ചെടുത്തതിനു ബ്രിട്ടിഷ് വൈദ്യനും ശരീരധർമ്മശാസ്ത്രജ്ഞനും ആയ റോബേട്ട് ജി. എഡ്വേഡ്സിനു 2010ൽ വൈദ്യശാസ്ത്രത്തിനുള്ള നോബൽ സമ്മാനം ലഭിക്കുകയുണ്ടായി.

ശ്വാസകോശത്തെ ബാധിക്കുന്ന വെറുമൊരു രോഗം. ഇതായിരുന്നു കോവിഡ‍് മഹാമാരിയുടെ തുടക്ക കാലഘട്ടത്തില്‍ പലരും ഇതിനെ കുറിച്ച് കരുതിയിരുന്നത്. എന്നാല്‍ ശ്വാസകോശത്തെ മാത്രമല്ല ഹൃദയവും നാഡീവ്യൂഹവും അടക്കമുള്ള സകലമാന അവയവങ്ങളെയും കോവിഡ് ഗുരുതരമായി ബാധിക്കാമെന്ന് പിന്നീട് ബോധ്യമായി. ശാരീരികമായ വ്യാധികള്‍ക്ക് പുറമേ മാനസിക പ്രശ്നങ്ങള്‍ക്കും കാരണമാകുന്ന കോവിഡ് നമ്മുടെ സാമൂഹിക, വൈകാരിക ജീവിതങ്ങളെയും ബന്ധങ്ങളെയും തന്നെ പുനര്‍നിര്‍വചിച്ചു കൊണ്ടിരിക്കുകയാണ്. കോവിഡ് മഹാമാരി പങ്കാളികള്‍ക്കിടയിലുള്ള ലൈംഗിക ബന്ധത്തെയും ലൈംഗിക ചോദനകളെയും പ്രതികൂലമായി ബാധിക്കുന്നതായി ആഗോള തലത്തില്‍ നടന്ന പല  പഠനങ്ങളും ചൂണ്ടിക്കാണിക്കുന്നു. അനാരോഗ്യകരമായ ജീവിതശൈലി, ബന്ധത്തിലെ പൊരുത്തകേടുകള്‍,ശാരീരിക അവസ്ഥകള്‍, സമ്മര്‍ദ്ധം, രോഗങ്ങള്‍, മദ്യപാദനം, പുകവലി  തുടങ്ങി പല കാരണങ്ങളാകാം രണ്ടു പേര്‍ക്കിടയിലെ ലൈംഗിക ചോദന കുറയ്ക്കുന്നത്. ഇതില്‍ പല ഘടകങ്ങള്‍ക്കും പ്രത്യക്ഷമായോ പരോക്ഷമായോ കോവിഡ് കാരണമാകാം.

കോവിഡിന് മുന്‍പ് ആഴ്ച മുഴുവന്‍ ജോലി ചെയ്തിരുന്നവര്‍ വാരാന്ത്യങ്ങളില്‍ പങ്കാളിയും കുടുംബവുമായി യാത്ര പോവുകയോ റോമാന്‍റിക് ഡേറ്റ് ആഘോഷിക്കുകയോ ഒക്കെ ചെയ്തിരുന്നു. കോവിഡ് ജോലികളെ വീടുകളിലേക്ക് എത്തിച്ചതോടെ ഇത്തരം പ്രണയപൂര്‍വമായ പുറത്ത് പോകലുകള്‍ നിലച്ചു. ഇതും ലൈംഗിക ചോദനയെ   ബാധിച്ചു. ജീവിതത്തിലെ യാത്രകളും,ആവേശങ്ങളും, സാഹസങ്ങളും, രസങ്ങളുമെല്ലാം നിലച്ചു പോയ അതിദീര്‍ഘ ലോക്ഡൗണ്‍ ഊതിക്കെടുത്തിയത് പല പങ്കാളികളുടെയും ലൈംഗിക താത്പര്യങ്ങളെ കൂടിയാണ്. ഇത്ര മേല്‍ അപ്രവചനീയമായ ഒരു കാലഘട്ടത്തില്‍ പരസ്പര പ്രണയവും ലൈംഗിക ചോദനയുമെല്ലാം നിലനിര്‍ത്താന്‍ പ്രത്യേകമായ ശ്രമം തന്നെ നടത്തേണ്ടതുണ്ട്. ആരോഗ്യകരമായ ജീവിതശൈലി, പോസിറ്റീവായ മനസ്ഥിതി, ആവശ്യത്തിന് വ്യായാമം, മദ്യപാനവും പുകവലിയും ഒഴിവാക്കല്‍ തുടങ്ങിയ കാര്യങ്ങള്‍ ജീവിതത്തെ കൂടുതല്‍ പ്രകാശപൂര്‍ണ്ണമാക്കാനും ബന്ധങ്ങളെ ഊഷ്മളമാക്കാനും സഹായിക്കും. പരസ്പരമുള്ള ആശയവിനിമയവും ഈ സമയത്ത് നിര്‍ണ്ണായകമാണ്. വര്‍ക്ക് ഫ്രം ഹോം ഒക്കെ വന്നതോടെ സകല സമയവും ലാപ്ടോപ്പിലേക്കും കംപ്യൂട്ടറിലേക്കും മൊബൈലിലേക്കും കണ്ണും നട്ടിരിക്കാനുള്ള പ്രവണത നമുക്കിടയില്‍ വര്‍ദ്ധിച്ചിട്ടുണ്ട്.  ലൈംഗിക ചോദന നഷ്ടപ്പെടാതിരിക്കാന്‍ ജീവിതവും ജോലിയും ബാലന്‍സ് ചെയ്യേണ്ടതും അത്യാവശ്യമാണ്.

English summary : Effects of COVID-19 on sexual life

എല്ലാ രംഗത്തും കേരളം ഇന്ത്യയിൽ മുൻപന്തിയിലാണ്. ആരോഗ്യരംഗത്താവട്ടെ പ്രത്യേകിച്ചും. എന്നാൽ സ്ത്രീകളുടെ ആരോഗ്യ വിഷയത്തിലാണ് പ്രശ്നം. ഒരു കുടുംബത്തിന്‍റെ ആരോഗ്യം നന്നായി നിലനിർത്തുന്നതിൽ വളരെ ഊന്നൽ നൽകുന്ന ഒരു സ്ത്രീ തന്‍റെ ആരോഗ്യകാര്യത്തിൽ ഒട്ടും തന്നെ ശ്രദ്ധിക്കാറില്ല.

 

നിങ്ങളുടെ അഭിപ്രായം / ചോദ്യം ഇവിടെ പണക്കുവയ്ക്കുക : https://wa.link/jo2ngq

 

ഏതു രോഗത്തിന്‍റെയും ആരംഭത്തിലെ രോഗ ലക്ഷണങ്ങളെ പാടെ അവഗണിച്ച് പിന്നീടത് ഗുരുതരാവസ്ഥയിലേക്കെത്തുന്നു.തിരിച്ച് ആരോഗ്യത്തിലേക്കെത്തിക്കുവാൻ സമയവും ധനവും അതിലേറെ മറ്റു ബുദ്ധിമുട്ടുകളും ഏറ്റുവാങ്ങേണ്ടി വരുന്നു. തെറ്റായ ഭക്ഷണക്രമങ്ങളും ജീവിത രീതികളും, കുടുംബത്തിലെയും ജോലി സ്ഥലത്തെയും സമ്മർദ്ദങ്ങളും അവഗണിക്കപ്പെടുന്ന സ്വന്തം കാര്യങ്ങളും എല്ലാം ചേർന്ന് സ്ത്രീയുടെ ആരോഗ്യ താളത്തെ ക്രമം തെറ്റിക്കുന്നു.

സ്ത്രീകളുടെ ജീവിതകാലം ഘട്ടങ്ങളായി തരം തിരിച്ചാൽ ബാല്യം, കൗമാരം, യൗവനം, വാർദ്ധക്യം എന്നിങ്ങനെ ആയിരിക്കുമല്ലോ. ആ കാലഘട്ടങ്ങളിൽ അഭിമുഖീകരിക്കേണ്ടുന്ന ഓരോ പ്രശ്നങ്ങളും അവയുടെ പരിഹാരങ്ങളും. അതാണീ ലേഖനം പ്രതിപാദിക്കുന്നത്.

നിങ്ങളുടെ അഭിപ്രായം / ചോദ്യം ഇവിടെ പണക്കുവയ്ക്കുക : https://wa.link/jo2ngq

 

ബാല്യം

ബാല്യത്തിൽ ഓരോ പെൺകുഞ്ഞും വളരെയധികം ശ്രദ്ധിക്കപ്പെടേണ്ടതായുണ്ട്. അമ്മയാവുക എന്ന പ്രകൃതിയുടെ മഹാദൗത്യത്തിന്‍റെ ഒരുക്കങ്ങൾ ഒരു പെൺകുഞ്ഞു ജനിക്കുമ്പോൾ തന്നെ ശരീരത്തിൽ നടക്കുന്നുണ്ട്. ഉറക്കക്കുറവ്, പഠനഭാരം, വേണ്ടത്ര വ്യായാമമില്ലായ്മ, വിശ്രമമില്ലായ്മ, ക്ഷീണം തുടങ്ങിയവയും ഇതിനെയെല്ലാം തുടർന്നുണ്ടാകുന്ന സംഘർഷഭരിതമായ അവസ്ഥയുമെല്ലാം തന്നെ ഇപ്പോഴത്തെ പെൺകുഞ്ഞുങ്ങൾ അഭിമുഖീകരിക്കേണ്ടതായി വരാറുണ്ട്.

8-9 വയസ്സാവുമ്പോഴേക്കും ആർത്തവ കാലമാകുന്നതും അതിനെ തുടർന്നുണ്ടാകുന്ന ശാരീരിക അസ്വസ്ഥതകളും മാനസിക പിരിമുറുക്കങ്ങളും ബാല്യത്തിന്‍റെ ദൈർഘ്യം പെൺകുഞ്ഞുങ്ങളിൽ കുറയ്ക്കുന്നു. ഇതെല്ലാം അവരുടെ ശാരീരിക മാനസിക സം തുലനത്തെ സാരമായി ബാധിക്കുന്നു. നാം ആരും തന്നെ ഇതിനേക്കുറിച്ച് ബോധവാന്മാരാകുന്നില്ലെങ്കിലും ആർത്തവത്തുടക്കവും സമൂഹവും കുടുംബപരിസ്ഥിതികളിലെ അനാവശ്യ വേലിക്കെട്ടുകളും കുട്ടികളുടെ മാനസികാവസ്ഥയ്ക്ക് അവരറിയാതെ എന്തൊക്കെയോ ആഘാതമേൽപ്പിക്കുമ്പോൾ പിന്നീടത് ശരീരത്തെയും ബാധിക്കുന്നു.

മാധ്യമങ്ങളേൽപ്പിക്കുന്ന പല മിഥ്യാധാരണകളും കുഞ്ഞുങ്ങളുടെ ആരോഗ്യത്തെ നശിപ്പിക്കുക തന്നെയാണ് ചെയ്യുന്നത്. കുറച്ചുമുമ്പ് വരെ കാലത്തിന്‍റെ നന്മകൾ പെൺകുഞ്ഞുങ്ങളുടെ ബാല്യത്തിന് വല്ലാത്തൊരു ഗൗരവവും സംഘർഷവും നൽകിയിരുന്നില്ല.

ചിട്ടയോടെയുള്ള ജീവിതശൈലി, രുചിക്ക് മാത്രമല്ല ഭക്ഷണം ആരോഗ്യത്തിനുമാണെന്നുമുള്ള അവബോധത്തോടെ നല്ല ഭക്ഷണക്രമം, മിതമായ വ്യായാമമുറകൾ, മതാപിതാക്കളുടെ പരിചരണവും സ്നേഹമസൃണമായ ശാസനകളും കുഞ്ഞുങ്ങളുടെ പ്രത്യേകിച്ച് പെൺകുഞ്ഞുങ്ങളുടെ ബാല്യത്തിന് നിറമേകും. ഓരോന്നും വിശദമായി നോക്കാം.

നിങ്ങളുടെ അഭിപ്രായം / ചോദ്യം ഇവിടെ പണക്കുവയ്ക്കുക : https://wa.link/jo2ngq

ജീവിതശൈലി

ചിട്ടയോടുള്ള ജീവിതശൈലിയിൽ രാത്രി വൈകിയുള്ള ഉറക്കവും പകലുറക്കവും ഉപേക്ഷിക്കണം. അല്ലെങ്കിൽ ആരോഗ്യപ്രശ്നങ്ങൾ ക്ഷണിച്ചുവരുത്തും. പഠനത്തിന്‍റെ അധികഭാരവും അനാവശ്യ പിരിമുറുക്കവും ഒഴിവാക്കാനായി ചിട്ടയോടെയുള്ള പഠനക്രമങ്ങൾ ശീലിക്കണം. ധ്യാനം കുട്ടിക്കാലത്ത് പരിശീലിക്കുന്നത് അനാവശ്യ കാര്യങ്ങളിൽ അനുഭവിക്കുന്ന സംഘർഷങ്ങളെ ഒഴിവാക്കാനും അനാവശ്യവും അധികവുമായ ചിന്തകളെ കയ്യിലൊതുക്കാനും ഏകാഗ്രത, ഓർമ്മശക്‌തി ഇവയെല്ലാം കൂട്ടാനും വളരെയധികം സഹായിക്കും.

നിങ്ങളുടെ അഭിപ്രായം / ചോദ്യം ഇവിടെ പണക്കുവയ്ക്കുക : https://wa.link/jo2ngq

ഭക്ഷണക്രമം

പോഷകങ്ങൾ നിറഞ്ഞ ആഹാരക്രമം കുഞ്ഞുങ്ങളെ പരിശീലിപ്പിക്കണം. എല്ലാത്തരം പച്ചക്കറികൾ, പഴവർഗ്ഗങ്ങൾ, പശുവിൻ നെയ്, വെണ്ണ, മോര്, ഇലക്കറികൾ, പയറുവർഗ്ഗങ്ങൾ എന്നിവ നിത്യേന മാറി മാറി ഭക്ഷണത്തിൽ ഉൾപ്പെടുത്തണം. മൈദ ചേർന്ന ബ്രഡ്, ബിസ്ക്കറ്റുകൾ, എണ്ണയിൽ വറുത്തുപൊരിച്ച ബേക്കറി വിഭവങ്ങൾ എന്നിവ ഒഴിവാക്കണം.

മത്സ്യം, മാംസം, മുട്ട എന്നിവ ദഹിക്കാൻ കൂടുതൽ സമയം എടുക്കുന്നത് ബുദ്ധിപരമായ കാര്യങ്ങൾക്ക് സഹായിക്കുന്ന തലച്ചോറിലേക്കുള്ള രക്‌തപ്രവാഹത്തെ കുറയ്ക്കുന്നതിനാൽ അളവ് കുറയ്ക്കുകയോ ഉപേക്ഷിക്കുകയോ ചെയ്യുന്നതാവും ആരോഗ്യത്തിന് നന്നാവുക. കൂടാതെ ഇവയിൽ നാരുകളുടെ അഭാവമുള്ളതിനാൽ ദഹനവ്യവസ്ഥയ്ക്ക് ഗുണത്തേക്കാളേറെ ദോഷം ചെയ്യും.

രാത്രി വൈകിയുള്ള ആഹാരവും പ്രധാനഭക്ഷണ സമയങ്ങൾക്കിടക്ക് പിന്നെയും ഭക്ഷണം കൊടുക്കുന്നതോ, ശീലിപ്പിക്കുന്നതോ നല്ലതല്ല. ചായ, കാപ്പി എന്നിവയുടെ ഉപയോഗമോ അമിതോപയോഗമോ ശീലിപ്പിക്കുന്നതിനേക്കാൾ ഗ്രീൻടീ പരിശീലിപ്പിക്കുന്നതാവും നന്നാവുക. സാധാരണ ഉപ്പിനുപകരം ഇന്തുപ്പ് പാചകത്തിനുപയോഗിക്കുന്നത് ആരോഗ്യനിലവാരത്തെ ഇനിയും മെച്ചപ്പെടുത്തും.

നിങ്ങളുടെ അഭിപ്രായം / ചോദ്യം ഇവിടെ പണക്കുവയ്ക്കുക : https://wa.link/jo2ngq

വ്യായാമം

മിതമായ വ്യായാമമുറകൾ എന്നുദ്ദേശിച്ചത് ലഘുവായ പ്രാണായാമങ്ങൾ ഉൾപ്പെട്ട ശ്വസനപ്രക്രിയകളും ലളിതമായ യോഗാസനങ്ങളുമാണ്. സൂര്യനമസ്ക്കാരം, വജ്രാസനം തുടങ്ങിയവയും കുഞ്ഞുങ്ങൾക്ക് പരിശീലിക്കാവുന്ന ലളിതവും മനോഹരവുമായ യോഗാസനങ്ങളാണ്. എന്നാൽ ആർത്തവ കാലഘട്ടത്തിൽ എല്ലാത്തരത്തിലുള്ള വ്യായാമമുറകളും എണ്ണതേച്ചുകുളിയും ഒഴിവാക്കണ്ടേതാണ്.

കാഴ്ചപ്പാട്

മാതാപിതാക്കൾ വാത്സല്യവും സ്നേഹവും അവർക്ക് നൽകുന്നതോടൊപ്പം മൂല്യാധിഷ്ഠിതമായ ഒരു ജീവിതകാഴ്ചപ്പാടിന്‍റെ ആവശ്യകത കുഞ്ഞുങ്ങളെ ബോദ്ധ്യപ്പെടുത്തുകയും വേണം. ഇന്‍റർനെറ്റിന്‍റെയും കമ്പ്യൂട്ടർ ഗെയിംസ്, ടിവി തുടങ്ങിയവയുടെയും അമിതോപയോഗം കുഞ്ഞുങ്ങളുടെ സർഗ്ഗശേഷിയേയും ഭാവനാശേഷിയേയും നശിപ്പിക്കും. കൂടാതെ ധീഷണാ വൈകല്യങ്ങൾക്കും ഓർമ്മക്കുറവിനും കാരണമാകും. പകരം ഓടിക്കളിച്ചു വളരാൻ കുഞ്ഞുങ്ങളെ അനുവദിച്ചേ തീരു.

ആർത്തവ സമയത്തല്ലാത്ത ദിവസങ്ങളിൽ ശരീരത്തിൽ എണ്ണതേച്ചു കുളി ശീലിപ്പിക്കണം. നല്ലനിറം ലഭിക്കാൻ മാത്രമല്ല ശരീരത്തിന്‍റെ ആകാരവടിവിനും സ്നിഗ്ദ്ധതക്കും ഇത് ആവശ്യമാണ്. ഒരു വയസ്സ് വരെ ലാക്ഷാദി വെളിച്ചെണ്ണ, ഏലാദി വെളിച്ചെണ്ണ ഇവ ഉപയോഗിച്ച് തേച്ചുകുളിക്കുന്നത് നല്ലതാവും.

നിങ്ങളുടെ അഭിപ്രായം / ചോദ്യം ഇവിടെ പണക്കുവയ്ക്കുക : https://wa.link/jo2ngq

കൗമാരം

ഹോർമോൺ പ്രവർത്തനങ്ങൾ കൂടുതലായി നടക്കുന്ന സമയമായതിനാൽ ഏറ്റവും വേഗത്തിൽ ശാരീരികമായും മാനസികമായും മാറ്റങ്ങൾ വരുത്തുന്ന പ്രായമാണ് കൗമാരം. പഠനരംഗം വളരെയധികം മത്സരബുദ്ധിയോടെ കാണുന്ന ഈ കാലത്തു തന്നെയാണ് പെട്ടെന്നുണ്ടാകുന്ന ശാരീരിക വളർച്ചയും പ്രായപൂർത്തിയാകലും സംഭവിക്കുന്നത്.

ഈസ്ട്രജന്‍റെയും പ്രൊജസ്ട്രോണിന്‍റെയും തോത് കുറയ്ക്കുന്നത് കൊണ്ട് ചെറിയ രീതിയിൽ വിഷാദമുണ്ടാകാൻ ഇടയാക്കും. ഗർഭാശയ പേശികൾ ആർത്തവ സമയത്ത് സങ്കോചവികാസങ്ങളിലൂടെയാണ് ആർത്തവ രക്‌തത്തെ പുറന്തള്ളിക്കളയുന്നത്. പേശികളുടെ ഈ പ്രവർത്തനങ്ങൾ ശരിയായി നടന്നില്ലെങ്കിലാണ് ആർത്തവ സമയത്ത് കഠിനവേദന അനുഭവിക്കേണ്ടി വരുന്നത്. ഇത് ആർത്തവം തുടങ്ങുമ്പോഴുള്ള കാരണമാണ്. എന്നാൽ കുറച്ചുകൂടി പ്രായം കഴിഞ്ഞവരിൽ കാണുന്ന വേദന ഗർഭാശയത്തിലോ അനുബന്ധാവയങ്ങളിലോ ഉള്ള വിവിധരോഗങ്ങളാണ്. അതിനും കൃത്യമായി വൈദ്യസഹായം തേടുകയും വേണം.

ഗർഭാശയ മുഴകളോ ഗർഭശയത്തിലെയും അണ്ഡവാഹിനിക്കുഴലിലെയും നീർക്കെട്ടോ അണ്ഡാശയമുഴകളോ മൂലമുണ്ടാകുന്ന ഇത്തരം വേദനകൾ ഉണ്ടാകാതിരിക്കാൻ കൗമാര കാലഘട്ടത്തിൽ തന്നെ ശ്രദ്ധിച്ചാൽ മതിയാവും. കൗമാരപ്രായക്കാരിൽ വ്യായാമത്തിന്‍റെ അഭാവം, മലമൂത്രാദി ശാരീരികവേഗങ്ങളെ ശരിയായി പുറംന്തള്ളാതിരിക്കൽ, വറുത്തതും ദഹിക്കാൻ പ്രയാസമുള്ളതും അധികം തണുപ്പിച്ചതും തൈര് പഞ്ചസാര തുടങ്ങിയവയുടെ അമിതോപയോഗവും ഗർഭാശയത്തിൽ തീവ്രവേദന ഉണ്ടാകാനിടയുള്ള വേദനാകാരികളായ ഘടകങ്ങളുടെ ഉൽപാദനം കൂടും.

ആർത്തവ വേദനയും അധിക രക്‌തസ്രാവവും ആർത്തവ വേദനയ്ക്കൊപ്പം അമിതമായി രക്‌തസ്രാവമുണ്ടാകുന്നവർക്ക് ഇതിനു രണ്ടിനും ചേർന്നുള്ള ഔഷധങ്ങൾ വൈദ്യ നിർദ്ദേശപ്രകാരം കഴിക്കണം. ആയുർവ്വേദ മരുന്നുകൾ ഏതും എങ്ങനെയും കഴിക്കാം എന്ന മലയാളികളുടെ അജ്‌ഞത ഒരിക്കലും ഗുണകരമാവില്ല. ആവശ്യം വേണ്ടുന്ന സ്കാനിംഗ്, ഹോർമോൺ ടെസ്റ്റുകൾ തുടങ്ങിയ വിദഗ്ദ്ധ പരിശോധനകൾ വൈദ്യ നിർദ്ദേശപ്രകാരം നടത്തി രോഗനിർണയത്തിനു ശേഷം അവസ്ഥാനുസരേണ വൈദ്യന്‍റെ നിർദ്ദേശപ്രകാരം ഉപയോഗിക്കണം.

അനുഭവസ്ഥരിൽ നിന്നുള്ള കേട്ടറിവുകൾ സ്വയം ഉപയോഗിക്കുന്നത് പിന്നീട് അപകടമായേക്കും. ഉദാഹരണമായി കൂടിക്കൂടി വരുന്ന ഗർഭാശയ അണ്ഡാശയ മുഴകളിൽ അനിയന്ത്രിത വളർച്ചയുള്ള മുഴകൾ ജീവാപയം തന്നെ ഉണ്ടാക്കിയേക്കും. വൃക്കകൾ, മൂത്രനാളികൾ, വൻകുടൽ തുടങ്ങിയ അവയവങ്ങളുടെ മേൽ സമ്മർദ്ദമേൽപിച്ച് അവയുടെ പ്രവർത്തനങ്ങളേയും താളം തെറ്റിച്ചേക്കാം. ഗർഭാശയ പേശികളെയും ഘടനാപരവും പ്രവർത്തനപരവുമായ കർമ്മങ്ങളെ സ്വാധീനിക്കാനും കഴിയുന്ന മരുന്നുകൾ രോഗതീവ്രതയനുസരിച്ച് പൂർണ്ണമായി മാറ്റാൻ കഴിയുന്നവ ആയുർവ്വേദ ഔഷധ സമൂഹത്തിലുണ്ട്.

ദീർഘകാലാനുബന്ധിയായ ഗർഭാശയ മുഴകൾ, അണ്ഡാശയ മുഴകൾ, എന്‍റോമെട്രിയോസിസ്, അഡിനോമയോസിസ്, പെൽവിക് ഇൻഫ്ളമേറ്ററി ഡിസീസ്, അമിത രോമവളർച്ച, മുഖക്കുരു, അമിതവണ്ണം, ഉയർന്ന ഇൻസുലിൻ പ്രതിരോധം, വന്ധ്യത തുടങ്ങിയവയെല്ലാം തന്നെ ആയുർവ്വേദ ശാസ്ത്രത്തിൽ പ്രത്യേകം ചിട്ടപ്പെടുത്തിയ ചികിത്സാപദ്ധതികളിലൂടെ പൂർണ്ണമായി മാറ്റിയെടുക്കാൻ കഴിയും.

പഞ്ചകർമ്മ ചികിത്സകളിൽ പ്രധാനമായ ഉദരവസ്തി, വിരേചനം തുടങ്ങിയ ചികിത്സാമുറകൾ രോഗം മാറ്റുക മാത്രമല്ല ഇനിയൊരിക്കലും വരാതിരിക്കാനും സഹായിക്കും.

സ്ത്രീസംബന്ധരോഗങ്ങൾ നിലവിൽ സാധാരണ കാണപ്പെടുന്നവയായി വേറെയും ഉണ്ട് വെള്ളപോക്ക്, ആർത്തവം തുടങ്ങുന്നതിനു മുന്നോടിയായി ശാരീരികവും മാനസികവുമായി അനുഭവപ്പെടുന്ന വൈഷമ്യങ്ങൾ, ഒപ്പം തലവേദന, തലകറക്കം, സന്ധിവേദന, ആർത്തവ വിരാമം, ഗർഭാശയ അണ്ഡാശയ അർബുദം, ഗർഭപാത്രം ഇറങ്ങിവരുന്നത് തുടങ്ങിയ സ്ത്രീസംബന്ധ രോഗങ്ങൾ എല്ലാം തന്നെ ശരിയായി രോഗ നിർണ്ണയം നടത്തി ചികിത്സിച്ചു മാറ്റാവുന്നവ തന്നെയാണ്.

നിങ്ങളുടെ അഭിപ്രായം / ചോദ്യം ഇവിടെ പണക്കുവയ്ക്കുക : https://wa.link/jo2ngq

യൗവനം

മുമ്പ് കൗമാരകാലത്ത് പ്രതിപാദിച്ചത് ഈ കാലഘട്ടത്തിലും ബാധകമാണ്. വ്യത്യസ്തമായി ധന്വന്തരം തൈലം ഈ കാലഘട്ടത്തിൽ ശരീരത്തിൽ തേച്ച് കുളിക്കുന്നത് നല്ലതാണ്. മനസ്സിനും സുഖം പകരും.

ഈ സമയത്ത് സ്ത്രീകളിൽ ആർത്തവം എന്ന പ്രക്രിയ നടക്കുന്ന സമയമാണ്. സ്ത്രീ ശരീരത്തിലും മനസ്സിലും ഹോർമോൺ വ്യതിയാനങ്ങൾ സൃഷ്ടിച്ചേക്കും. കൂടാതെ യൗവന കാലഘട്ടത്തിലാണ് ഒരു സ്ത്രീ അമ്മയാകാൻ ഒരുങ്ങുന്നത്. ആയുർവേദ ശാസ്ത്രം ഈ കാലഘട്ടത്തെ വളരെ പ്രധാനമായി കാണുകയും മുന്നൊരുക്കങ്ങൾക്കായി ഒരുപാടറിവുകൾ പകർന്നു വച്ചിട്ടുണ്ട്. ഒപ്പം ഗർഭിണിയാവുമ്പോഴും പ്രസവ ശേഷമുള്ള സമയവും എങ്ങനെയൊക്കെ ശരീരം സംരക്ഷിക്കണമെന്ന് ആയുർവ്വേദം നമ്മെ പഠിപ്പിക്കുന്നു.

ഗർഭകാലഘട്ടം കൂടുതൽ വെല്ലുവിളിയും സങ്കീർണതയും നിറഞ്ഞതാണെങ്കിലും അത് സ്വാഭാവിക പ്രക്രിയ ആണെന്നും അതിനെ സ്വാഭാവികതയോടെ തന്നെ കൈകാര്യം ചെയ്യാനാവുമെന്നും ആയുർവ്വേദ ശാസ്ത്രത്തില്‍ വിശദമായി പ്രതിപാദിച്ചിട്ടുണ്ട്. ഗർഭിണിയാവാൻ ഉള്ള തയ്യാറെടുപ്പുകൾ, ഗർഭിണി ചര്യ, പ്രസവാനന്തര ചര്യകൾ തുടങ്ങി ദീർഘ വിശദീകരണങ്ങൾ വൈദ്യ നിർദ്ദേശപ്രകാരം പ്രയോജനപ്പെടുത്താവുന്നതാണ്.

ഇലക്കറികൾ, കഞ്ഞിപ്പുല്ല് കുറുക്കിയത്, മോര് തുടങ്ങിയവ ധാരാളമായി ഭക്ഷണത്തിൽ ഉൾപ്പെടുത്തണം. ഫ്ളാക്സീഡ്, പീനട്ട്സ്, കറുവപ്പട്ടയിട്ടു തിളപ്പിച്ച വെള്ളം, ബദാം, ഉണങ്ങിയ പയറുവർഗ്ഗങ്ങൾ, ഈത്തപ്പഴം തുടങ്ങിയവയെല്ലാം ആർത്തവ വിരാമ സമയത്തും ആർത്തവ കാലത്തും ഭക്ഷണത്തിൽ ഉൾപ്പെടുത്തണം.

വാർദ്ധക്യം

ഈ സമയത്തു പോഷകആഹാരം മിതമായി കഴിക്കണം ആർത്തവ വിരാമത്തോടനുബന്ധിച്ച് ശരീരത്തിൽ തേച്ചുകുളിക്കാൻ ക്ഷീര ബലതൈലമോ സഹചരാദി തൈലമോ ആവാം. ശാരീരകമായും മാനസികമായും സ്ത്രീ എത്രമാത്രം വെല്ലുവിളികൾ നേരിടുന്നുണ്ടെന്ന് സ്വയം മറന്നാണ് അവൾ ഒരു കുടുംബത്തിന്‍റെ ഏറ്റവും പ്രധാന കണ്ണിയായി നിലനിൽക്കുന്നത്. കുറച്ചു കൂടി കൂടുതൽ പരിഗണനയും സ്നേഹ വും സംരക്ഷണവും അവളർഹിക്കുന്നുവെന്നും അത് പകർന്നുകൊടുക്കേണ്ടത് ഓരോ കുടുംബത്തിലെയും മറ്റംഗങ്ങൾ കൂടിയാണെന്നും നാം എല്ലാവരും ഓർത്തിരിക്കേണ്ടതു മാത്രമല്ല നടപ്പാക്കേണ്ടത് തന്നെയാണ്.

ഉറച്ച ശരീരവും എഴുന്നുനിൽക്കുന്ന പേശികളുമുള്ള യൗവനയുക്തനായ പുരുഷൻ, അഴകളവുകളിൽ മാദകത്വം പുലർത്തുന്ന സുന്ദരി, സെക്സിനെയും അതിന്റെ ആസ്വാദനത്തെയും കുറിച്ചുളള്ള ഏതു വ്യാഖ്യാനങ്ങളിലും ചിത്രീകരിക്കപ്പെടുന്നത് ഈ രൂപങ്ങളാണ്. യൗവനവും കരുത്തുമാണ് ഏതു കാലത്തും ലൈംഗികതയുടെ അടിസ്ഥാനയോഗ്യതകൾ. പ്രായമേറുന്തോറും കുറഞ്ഞുവരുന്ന ഒന്നായി ലൈംഗികതയെ മിക്കവരും കാണുന്നു എന്നതിന്റെ ഉദാഹരണങ്ങളാണ് അവ. പക്ഷേ, യാഥാർഥ്യം അതാണോ? തീർച്ചയായും അല്ല എന്നാണു മിക്കവാറും എല്ലാ ലൈംഗികഗവേഷകരുടെയും ഉത്തരം. എന്നതുമാത്രമല്ല, പ്രായമേറുന്തോറും പഴകിയ വീഞ്ഞുപോലെ രുചിയും ഗുണവും ഏറുന്നതാണ് യഥാർഥത്തിൽ സെക്സ് എന്നതാണ് ആധുനിക വീക്ഷണം.

 

പേജിലെ പുതിയ അപ്ഡേറ്റ്സ് whatsapp വഴി ലഭിക്കുവാൻ. https://api.whatsapp.com/send?phone=447868701592&text=subscribe

 

സ്ത്രീകളിലെ ലൈംഗിക പൂർണത

പരിമിതമായ അറിവും പ്രായോഗിക പരിചയക്കുറവും ലജ്ജയുമൊക്കെ വെടിഞ്ഞ് ഒരു വ്യക്തി ലൈംഗിക പക്വത നേടുന്നത് ഏതാണ്ട് മധ്യവയസിലെത്തുന്നതോടെയാണ്. പുരുഷന്മാരെക്കാൾ നമ്മുടെ നാട്ടിലെ സ്ത്രീകളുടെ കാര്യത്തിൽ ഈ പ്രസ്താവന കൂടുതൽ വസ്തുനിഷ്ഠമാകുന്നു. മിക്ക സ്ത്രീകളിലും ലൈംഗികതാൽപര്യം അതിന്റെ പ്രായോഗികമായ പൂർണതയിലേക്ക് കടക്കുന്നത് 40കളിലാണ്. ഗർഭം, പ്രസവം, മുലയൂട്ടൽ തുടങ്ങിയ ചുമതലകൾ മാത്രമല്ല, ലജ്ജ, ഭയം, അജ്ഞത തുടങ്ങി നിരവധി കാര്യങ്ങൾ അവരുടെ യൗവന ലൈംഗിക താൽപര്യങ്ങളെ ബാധിക്കുന്നു. അവയെ മറികടക്കാൻ കഴിയുന്നത് മധ്യവയസോടെയാണ്.

പ്രായത്തിൽ കൈവരുന്ന പക്വതയും ആത്മവിശ്വാസവും നാൽപതു കഴിഞ്ഞ് പുരുഷനു ലൈംഗികതയിൽ മുതൽക്കൂട്ടാണ്. ജീവിക്കാൻ വേണ്ടിയുള്ള പരക്കംപാച്ചിൽ ഒന്നു കുറഞ്ഞ്, കുടുംബജീവിതത്തിൽ കൂടുതൽ മുഴുകുന്ന മധ്യവയസുകാരന് ലൈംഗികതയെ കൂടുതൽ മെച്ചപ്പെട്ട തലത്തിലേക്ക് ഉയർത്താനും ലൈംഗികാനന്ദത്തിന്റെ ഉന്നതതലങ്ങളിലേക്ക് കൊണ്ടുപോകാനും സാധിക്കും.

പ്രായം കൂടുന്തോറും പലരിലും ലൈംഗികതാൽപര്യക്കുറവോ, വിരക്തിയോ അനുഭവപ്പെടുന്നത് മിക്കപ്പോഴും അനാവശ്യമായ ആശങ്കകളുടെ അടിസ്ഥാനത്തിലാണ്.

ആശങ്ക വേണ്ട

പലരും കരുതുന്നതുപോലെ ലജ്ജിക്കേണ്ടതോ പാപബോധത്തോടെ സമീപിക്കേണ്ടതോ ആയ ഒന്നല്ല സെക്സ്. ഒരവകാശമായും പരസ്പരം ബന്ധം ഉറപ്പിച്ചു നിർത്താനുള്ള ഒരു നല്ല ഉപാധിയുമായി വേണം പങ്കാളികൾ അതിനെ കാണാൻ പ്രായം എത്ര ആയാലും. യൗവനം കഴിയുന്നതോടെ സ്ത്രീകളിൽ വലിയൊരു വിഭാഗവും സ്വന്തം ശരീരസൗന്ദര്യത്തെക്കുറിച്ചും തന്റെ ലൈംഗികാകർഷണീയതയിലും ആശങ്കാകുലരാകാറുണ്ട്. ചില പുരുഷന്മാർക്ക്. പ്രായം കൂടി ഇനി പഴയതുപോലെ ആവില്ല എന്ന തോന്നൽ ഒന്നുകൊണ്ടു മാത്രം ചിലപ്പോൾ ഉദ്ധാരണശേഷിക്കുറവ് ഉണ്ടായി എന്നുവരാം. പ്രായമായി, എന്റെ ലൈംഗികജീവിതം അവസാനിച്ചു എന്നു ചിന്തിക്കുന്നതാണ് ലൈംഗിക ആസ്വാദനത്തിലെ ഏറ്റവും വലിയ തടസം.

ആർത്തവവിരാമം വന്ന സ്ത്രീകളിൽ ലൈംഗിക താൽപര്യങ്ങൾ സജീവമായി നിൽക്കുന്നതിന് തടസമായി ഒന്നുമില്ല. പക്ഷേ, ഏതാണ്ട് 20 മുതൽ 50 ശതമാനത്തോളം പേരിലും മനോജന്യ ലൈംഗികത്തകരാറുകൾ നിലനിൽക്കുന്നുവെന്നു ചില ഗവേഷണങ്ങൾ സൂചിപ്പിക്കുന്നു.

നമ്മുടെ സമൂഹത്തിൽ പ്രായമേറിയ പുരുഷന്റെ ലൈംഗികതാൽപര്യങ്ങൾ താരതമ്യേന സംരക്ഷിക്കപ്പെടുന്നുണ്ട്. ഉദ്ധാരണസഹായികളായ പുതിയ മരുന്നുകളുടെ ആവിർഭാവത്തോടെ മുമ്പില്ലാത്തവിധം ലൈംഗികജീവിതം മെച്ചപ്പെടുന്നുണ്ട്. പക്ഷേ, പലപ്പോഴും മാതൃത്വത്തെക്കുറിച്ചുള്ള ചുമതലാബോധത്തിൽ വട്ടംചുറ്റുന്ന സ്ത്രീയുടെ ആഗ്രഹങ്ങൾക്ക് അറിഞ്ഞോ അറിയാതെയോ കടിഞ്ഞാൺ വീഴുന്നു, കൊച്ചുമക്കളെ താലോലിക്കുന്ന അപ്പൂപ്പനും അമ്മൂമ്മയ്ക്കും പോലും ആഹ്ലാദകരമായ ലൈംഗികജീവിതം തുടരാൻ കഴിയുമെന്നുതന്നെയാണ് മനശാസ്ത്രവിദഗ്ധരും സെക്സോളജിസ്റ്റുകളും ഇന്ന് ഉറപ്പുപറയുന്നത്.

സെക്സിനു വിരാമം ഇല്ല

ആർത്തവവിരാമത്തോടെ സ്ത്രീയുടെ പ്രത്യുൽപാദനശേഷി അവസാനിക്കും. സ്ത്രീ ഹോർമോൺ ആയ ഈസ്ട്രജന്റെ ഉൽപാദനം നിലയ്ക്കും. എന്നാൽ മിക്കവരും കരുതുന്നതുപോലെ ആർത്തവവിരാമത്തോടെ ലൈംഗികജീവിതം അവസാനിക്കുകയല്ല പുതിയൊരു തലത്തിൽ അതു തുടരുകയോ മെച്ചപ്പെടുകയോ ആണു ചെയ്യുന്നത്. കാരണം, സ്ത്രീഹോർമോണിന്റെ ഉൽപാദനം നിലച്ചാലും സ്ത്രീശരീരത്തിലെ ടെസ്റ്റോസ്റ്റിറോൺ എന്ന പുരുഷഹോർമോണിന്റെ ഉൽപാദനം കുറയുന്നില്ല. ഹോർമോൺ സന്തുലനത്തിലെ ഈസ്ട്രജൻ മേൽക്കോയ്മ ടെസ്റ്റോസ്റ്റിറോണിനു വഴി മാറുന്നു എന്നതുമാത്രം. ടെസ്റ്റോസ്റ്റിറോണിന്റെ മേൽക്കോയ്മ മൂലം സ്ത്രീയിൽ ലൈംഗികതാൽപര്യവും ആഗ്രഹവും കുറയുകയല്ല, മെച്ചപ്പെടുകയാണു ചെയ്യുക. ഈ ഘട്ടത്തിൽ സ്ത്രീ കൂടുതൽ ലൈംഗിക സജീവത പ്രകടിപ്പിക്കുന്നതായി മനസിലാക്കുന്ന പങ്കാളികളും അപൂർവമല്ല. എങ്കിലും ആർത്തവവിരാമം ചില സ്ത്രീകളിൽ വികാരത്തെ മന്ദീഭവിപ്പിക്കുന്നുവെന്നുള്ള പൊതുപരാതിയുടെ അടിസ്ഥാനം എന്താണ്? സത്യത്തിൽ ശാരീരകാരണങ്ങളെക്കാൾ മാനസികകാരണങ്ങളാണ് അതിനു പിന്നിൽ. സ്വന്തം ശരീരത്തെ യുവതികളുടേതായി താരതമ്യം ചെയ്യുമ്പോഴുള്ള നിരാശ, വാർധക്യത്തിലേക്ക് എത്തിയെന്ന തോന്നൽ, നല്ല സെക്സ്, യൗനവകാലത്തു മാത്രമുള്ളതെന്ന തെറ്റിദ്ധാരണ, ശാരീരികമായ അസ്വസ്ഥതകൾ കൂടുമെന്ന ഭയം ഇവയൊക്കെയാണ് മാനസിക കാരണങ്ങൾ.

പുരുഷനു വിരാമം എങ്ങനെ?

സ്ത്രീക്കു സംഭവിക്കുന്ന ആർത്തവവിരാമത്തിനു സമാനമായ അവസ്ഥ പുരുഷനിലും സംഭവിക്കുന്നുണ്ട്. ആൻഡ്രോപോസ് എന്നാണ് ഈ അവസ്ഥയെ വിളിക്കുന്നത്. ഏതാണ്ട് 40 വയസു മുതൽ പുരുഷനിൽ ടെസ്റ്റോസ്റ്റിറോൺ എന്ന പുരുഷഹോർമോണിന്റെ ഉൽപാദനത്തിൽ നേരിയ കുറവു കണ്ടുതുടങ്ങും. ഏതാണ്ട് 60 വയസിലെത്തുമ്പോൾ മാത്രമേ ഹോർമോൺ അളവു കാര്യമായി കുറഞ്ഞു ആൻഡ്രോപോസ് എന്ന അവസ്ഥയുണ്ടാകൂ. സ്ത്രീകളിലെന്നപോലെ അമിതവിയർപ്പ്, വിഷാദം തുടങ്ങിയ ലക്ഷണങ്ങൾ പുരുഷനിലും ഈ സമയത്തു കാണാം. ലക്ഷണങ്ങൾ കണ്ടു തുടങ്ങുന്നത് ലൈംഗിക താൽപര്യത്തിൽ കുറവു സംഭവിക്കുന്നതിലൂടെയാണ്. സ്ത്രീ പ്രകടിപ്പിക്കുന്ന ലൈംഗിക താൽപര്യ സംജ്ഞകൾ അയാൾ കണ്ടില്ലെന്നു നടിക്കുന്നു. ഈ വിരക്തിയുടെ പ്രകടനം ദമ്പതികൾ തമ്മിലുള്ള ബന്ധത്തിന്റെ ഊഷ്മളത കുറയ്ക്കുകയും ചെയ്യും.

പക്ഷേ, 40 വയസിനു ശേഷം 20 വർഷം കൊണ്ടു സംഭവിക്കുന്ന ഈ മാറ്റം ലൈംഗിക സംതൃപ്തിയിൽ പുരുഷന് അതീവ ഗൗരവമുള്ളതല്ല. കാരണം, പുകവലി, കടുത്ത പിരിമുറുക്കം, അമിത മദ്യപാനം തുടങ്ങിയവ പുരുഷ ലൈംഗികതയിൽ ചെലുത്തുന്ന പ്രതികൂല സ്വാധീനത്തെക്കാൾ കുറവാണു ടെസ്റ്റോസ്റ്റിറോൺ വരുത്തുന്നത്. പ്രോസ്റ്റേറ്റ് തകരാറുകളും രക്താതിമർദവും പോലും പുരുഷനിൽ ഹോർമോൺ വ്യതിയാനത്തെക്കാൾ കൂടുതൽ ലൈംഗികതയെ സ്വാധീനിക്കും. ഹോർമോൺ റിപ്ലേസ്മെന്റ് തെറപ്പികൊണ്ട് പരിഹരിക്കാൻ കഴിയുന്ന പ്രശ്നവുമാണിത്.

English Summary : Sexual health in middle ages