ഒരുപാടു പേരുടെ ഒരു സംശയം ആണ് എന്താണ് gspot അത് സത്യം ആണോ ഒരു മിഥ്യ ആണൊ ? അത് റിയൽ ആണ് എങ്കിൽ അത് എങ്ങനെ കണ്ടെത്താം. സ്ത്രീ സ്വയംഭോഗം gspot ആയീ ഉള്ള ബന്ധം എന്ത് ?ഇതു ഒക്കെ അറിയുവാൻ ഇ വീഡിയോ കാണുക . കണ്ടിട്ട് ഏതു മറ്റുള്ളവക്ക് കൂടി usefull ആണ് എന്നത് തോനുന്നു എങ്കിൽ ഷെയർ ചെയ്യുക
Honeymoon cystitis ആദ്യ ലൈംഗിക ബന്ധത്തോടു അനുബന്ധിച്ചു പലര്ര്കും ഉണ്ടാകുന്ന പനി യൂറിൻ ഇൻഫെക്ഷൻ ഇതിനു ഒക്കെ കാരണം Honeymoon cystitis എന്ന അവസ്ഥ ആണ് നിങ്ങൾ വിവാഹിതിനു തയാർ എടുക്കുന്നവർ ആണ് എങ്കിൽ ഇ വീഡിയോ കാണുന്നത് നല്ലതാണു അല്ലെങ്കിൽ വിവാഹിതിനു ഒരുങ്ങുന്ന കൂട്ടുകാരും ആയീ ഏതു പങ്ക്കുവയ്ക്കുക
ആദ്യ ലൈംഗികബന്ധവും വേദനയും കന്യകാചര്മവും എന്നത് എല്ലാവരും ഏറ്റവും കൺഫ്യൂസിഡ് ആയിട്ടുള്ള ഒരു വിഷയം ആണ് അതിനെ കുറിച്ച് ഒരു വീഡിയോ
ഇ പേജ് വഴിയും വെബ്സൈറ്റ് വഴിയും ചോദ്യങ്ങളിൽ വളരെ വലിയ പങ്കും താഴെകാണുന്ന ചോദ്യങ്ങൾ ആണ്
പ്രസിദ്ധമായ ‘കാമസൂത്ര’മെഴുതിയ വാത്സ്യായനമഹര്‍ഷി പറയുന്നതു വിവാഹം കഴിഞ്ഞ ദമ്പതികള്‍ 10 ദിവസം(പകലും രാത്രിയും) ബ്രമ്ഹചര്യം അനുഷ്ഠിക്കണമെന്നാണ്.അത്രയും സമയം വേണമത്രേ ദമ്പതികള്‍ക്ക് പരസ്പരം മനസ്സിലാക്കി ലൈംഗികബന്ധത്തിനു തയ്യാറാവാന്‍.ആവശ്യമില്ലാത്ത ആശങ്കകളും പേടികളും അകന്ന് ആരോഗ്യകരവും ആസ്വാദ്യകരവുമായ ഒരു ശാരീരികബന്ധത്തിന് അതിനകം കളമൊരുങ്ങിയിരിക്കും.
42 ശതമാനം സ്ത്രീകളില്‍ മാത്രമേ കന്യാചര്‍മം പൊട്ടിയാല്‍ രക്തം വരുകയുള്ളൂ. എല്ലാ സ്ത്രീകള്‍ക്കും ആദ്യസംഭോഗത്തില്‍ കന്യാചര്‍മം പൊട്ടി രക്തം വരണമെന്നില്ല.42% സ്ത്രീകളില്‍ മാത്രമേ കന്യാചര്‍മം പൊട്ടിയാല്‍ രക്തം വരികയുള്ളൂ.ബാക്കി 47% പേരിലും കന്യാചര്‍മം വണരെ ‘ഫ്‌ളെക്‌സിബിള്‍’ ആയിരിക്കും.ബാക്കി 11% പേരില്‍ കന്യാചര്‍മം തീരെ നേര്‍ത്തതോ ദുര്‍ബലമോ ആയിരിക്കും.അത്തരക്കാരില്‍ വിവാഹത്തിനു മുമ്പു തന്നെ, നൃത്തമോ വ്യായമമോ പോലുള്ള ശാരീരികായാസമുള്ള പ്രവൃത്തി സമയത്ത്, ഈ ചര്‍മം പൊട്ടിപ്പോകും.ആദ്യസംഭോഗത്തു പോകുന്ന രക്തത്തിന്റെ അളവും കൃത്യമായി പറയാന്‍ പറ്റില്ല.ചിലപ്പോള്‍ ഒന്നോ രണ്ടോ തുള്ളികളേ കാണൂ.ചിലപ്പോള്‍ അര ടീസ്പൂണ്‍ വരെ കാണും.കന്യാചര്‍മത്തിന്റെ കട്ടി, സ്ത്രീയിലെ വികാരതീവ്രത(സ്‌നിഗ്ത),സംഭോഗത്തില്‍ പുരുഷന്‍ പ്രയോഗിക്കുന്ന ശക്തി -ഇതെല്ലാം രക്തസ്രാവത്തിന്റെ രീതിയെ നിശ്ചയിക്കുന്നു.
സ്ത്രീ മുകളിലും പുരുഷന്‍ താഴെയുമായാല്‍ സ്ത്രീക്ക് രതിമൂര്‍ച്ഛ കൂടുതല്‍ ലഭിക്കും.ലൈംഗികബന്ധത്തില്‍ രണ്ടുപേരുടെയും ഇഷ്ടവും താല്‍പര്യവുമനുസരിച്ച് ഏതു പൊസിഷന്‍ വേണമെങ്കിലും കൈകൊള്ളാം.ഭാര്യമുകളിലും ഭര്‍ത്താവ് താഴെയുമായി ലൈംഗികബന്ധത്തില്‍ ഭാര്യയ്ക്ക് രതിമൂര്‍ച്ഛ ഉണ്ടാകും.ഭര്‍ത്താവ് മുകളിലാകുമ്പോള്‍ അവര്‍ക്ക് ഈ സുഖം കിട്ടുന്നുണ്ടാവില്ല.എന്തായാലും ആദ്യം പറഞ്ഞതു പോലെ പൊസിഷനല്ല,സുഖമാണു പ്രധാനം.
പുരുഷലിംഗത്തിന്റെ വലുപ്പം രണ്ടിഞ്ചായാലും മതി പുരുഷ ലിംഗത്തിന്റെ വലുപ്പത്തിനു പ്രത്യേകിച്ചൊരു പ്രസക്തിയുമില്ല.ലിംഗത്തിന്റെ നീളവും വണ്ണവും പലരില്‍ പലതാകാം.ചെറുവിരല്‍ മുതല്‍ ഒരു കൊച്ചുതലവരെ കടന്നുപോകാന്‍ തക്കവിധ ഈലാസ്തികതവും വികസിക്കുന്നതുമാണു യോനി. അതിനാല്‍ ലിംഗം വതുതായാലും ചെറുതായാലും യോനിയില്‍ പ്രവേശിക്കാന്‍ ബുദ്ധിമുട്ടുണ്ടാവില്ല.ഉദ്ധരിച്ചു നില്‍ക്കുന്ന ലിംഗത്തിന് രണ്ട് ഇഞ്ചോ അതില്‍ കൂടുതല്‍ നീളമുണ്ടെങ്കില്‍ ധാരാളം മതിയെന്നു വൈദ്യശാസ്ത്രം പറയുന്നു.ഉദ്ധരിച്ച അവസ്ഥയില്‍ ഏതു ലിംഗത്തിനും അഞ്ച്-അഞ്ചര ഇഞ്ചു വരെ നീളം വരാം.
ഏതാണ്ട് ആറിഞ്ച് ആഴമുള്ള സ്ത്രീയോനിയുടെ മുകളിലെ രണ്ടിഞ്ചു മാത്രമേ അവര്‍ക്കു കാര്യമായ സുഖം പ്രദാനം ചെയ്യുകയുള്ളൂ, സംഭോഗവേളയില്‍.അതുകൊണ്ടാണു വലുപ്പം രണ്ടിഞ്ചായാലും മതി എന്നു പറയുന്നത്.ശരീരവലുപ്പമനുസരിച്ചു ലിംഗവലിപ്പം കൂടണമെന്നുമില്ല.18-20 വയസ്സോടെ പുരുഷന്റെ ലിംഗം അതിന്റെ പരമാവധി വളര്‍ച്ച പ്രാപിച്ചിരിക്കും.പുരുഷലിംഗത്തിന്റെ വലുപ്പം കൂടിയാല്‍ സ്ത്രീക്കു സംഭോഗസംതൃപ്തി വര്‍ധിക്കും എന്ന ധാരണയും ശരിയല്ല.
രണ്ടു വൃഷണങ്ങളും വേണമെന്നു നിര്‍ബന്ധമില്ല.എല്ലാവരുടെയും വൃഷണങ്ങള്‍ക്കു ഒരേ വലുപ്പമാവില്ല.കേണ്ടതുമില്ല.ഓരോരുത്തര്‍ക്കും ഓരോ വലുപ്പമായിരിക്കും.വൃഷണ/ലിംഗവലുപ്പവും ലൈംഗിക ശേഷിയും തമ്മില്‍ ഒരു ബന്ധവുമില്ല.ആവശ്യത്തിനു ടെസ്‌റ്റോസ്‌റ്റെ റോണും(പുരുഷ ഹോര്‍മോണ്‍)ശുക്ലവും ഉല്‍പാദിപ്പിക്കുന്നുണ്ടെങ്കില്‍ നിങ്ങളുടെ വൃഷണത്തിന് കുഴപ്പമൊന്നുമില്ലെന്നര്‍ഥം.നമ്മുടെയൊക്കെ രണ്ടു വൃഷണവും രണ്ടു ലെവലില്‍ ആയിരിക്കും.പ്രകൃതിതന്നെ അത് അങ്ങനെ സംവിധാനം ചെയ്തിരിക്കുകയാണ്.അപകടമോ, പരിക്കോ ഒക്കെ പറ്റുമ്പോള്‍ ഒന്നെങ്കിലും രക്ഷപ്പെടട്ടെ എന്നു കരുതിയാണിത്.
പങ്കാളിയില്‍ നിന്നും ലൈംഗികസംബന്ധിയായ അണുബാധ പകരാന്‍ സാധ്യത കൂടുതല്‍ ആര്‍ത്തവത്തെപ്പറ്റിയും ആര്‍ത്തവസമയത്തു പാലിക്കേണ്ട ചിട്ടകളെപ്പറ്റിയുമൊക്കെ ധാരാളം അബദ്ധധാരണകള്‍ നമ്മുടെ സമൂബത്തിലുണ്ട്.ആരോഗ്യമുള്ള ഒരു സ്ത്രീയില്‍ മാസം തോറും സംഭവിക്കുന്ന ഒരു സാധാരണ ശാരീരിക പ്രക്രിയ മാത്രമാണിത്.രക്തസ്രാവം ഉണ്ടെന്നതുകൊണ്ട് അവള്‍ അശുദ്ധയാണ് എന്നുള്ള മാറ്റി നിര്‍ത്തലിന്റെ ആവശ്യമില്ല.പാഡുകള്‍ ഉപയോഗിച്ചും ശരീരം വൃത്തിയായി സൂക്ഷിച്ചും ബാക്കി ദിവസങ്ങളിലെപ്പോലെതന്നെ ഈ ദിവസങ്ങളിലും കഴിയാം.സ്ത്രീക്ക് ആഗ്രഹമുണ്ടെങ്കില്‍ ലൈംഗികബന്ധവുമാകാം.ഭാര്യയ്ക്കും ഭര്‍ത്താവിനും രോഗാണുബാധ ഒന്നുമില്ല എന്ന് ഉറപ്പാക്കിയിട്ടു വേണം ബന്ധപ്പെടാന്‍ എന്നുമാത്രം.ആര്‍ത്തവസമയത്ത് ഗര്‍ഭപാത്രത്തിന്റെ ഉള്ളിലെ ആവരണം നഷ്ടപ്പെടുന്നതിനാല്‍ പങ്കാളിക്ക് എന്തെങ്കിലും ഗുഹ്യഭാഗ അണുബാധ ഉണ്ടെങ്കില്‍ അത് ഈ സമയത്തു വേഗം പകരാം.ആര്‍ത്തവിച്ചിരിക്കുന്ന സ്ത്രീയുമായി ബന്ധപ്പെട്ടാല്‍ പുരുഷനു ടെറ്റനസ് ഉണ്ടാകും എന്ന ധാരണയിലും കഴമ്പില്ല.
ലൈംഗിവികാരങ്ങളും സ്തനവലുപ്പവുമായി യാതൊരു ബന്ധവുമില്ല
സ്തനങ്ങളുടെ വലുപ്പം വ്യക്തിനിഷ്ഠമാണ്.ചിലര്‍ക്കു വലുപ്പം കൂടിയിരിക്കും ;ചിലര്‍ക്കു കുറഞ്ഞിരിക്കും.ചിലരില്‍ ഒരു സ്തനം മറ്റേതിനേക്കാള്‍ ചെറുതായിരിക്കും.ഇതെല്ലാം തികച്ചും സ്വാഭാവികമാണ്.മുലപ്പാലിന്റെ അളവിനോ ലൈംഗികവികാരത്തിന്റെ ഏറ്റക്കുറച്ചിലിനോ സ്തനവലുപ്പവുമായി ബന്ധമൊന്നുമില്ല.പക്ഷേ ഹോര്‍മോണ്‍ പ്രശ്നം മൂലമല്ല,സ്തനവലുപ്പം കുറയുന്നതെങ്കില്‍ ഒരു മരുന്നും ഗുണം ചെയ്യില്ല.വ്യായാമം കൊണ്ടും സ്തനവലുപ്പം കൂട്ടാന്‍ പറ്റില്ല.;പക്ഷേ സ്തനം താങ്ങിനിര്‍ത്തുന്ന പെക്‌ടോറല്‍ പേശികളെ ദൃഢമാക്കി ‘തൂങ്ങല്‍’ ഒഴിവാക്കാം.ഉചിതമായ ബ്രാ ധരിക്കുന്നതും മാറിന്റെ സൗന്ദര്യം നിലനിര്‍ത്താന്‍ സഹായിക്കും.
സ്വയംഭോഗം ചെയ്താല്‍ ലൈംഗികശേഷി പോകും ശരീരം ക്ഷീണിക്കും എന്നൊന്നുമില്ല.സ്വയംഭോഗത്തെ സംബന്ധിച്ചു ധാരാളം അബദ്ധധാരണകള്‍ നിലവിലുണ്ട്.സ്വയംഭോഗം ചെയ്താല്‍ കൈ വിറയ്ക്കും, ശരീരം ക്ഷിണിക്കും, ലൈംഗികശേഷി പോകും എന്നിവ അവയില്‍ ചിലതു മാത്രം.തികച്ചും സ്വാഭാവികവും അപകടരഹിതവമായ ഒരു പ്രവൃത്തി മാത്രമാണ് ഇത്.സ്വയംഭോഗം മൂലം പുരുഷലിംഗം വളഞ്ഞുപോവുകയുമില്ല.
സ്വയംഭോഗത്തില്‍ രതിമൂര്‍ച്ഛ കിട്ടിയെന്നു കരുതി പുരുഷനുമായി ബന്ധപ്പെടുമ്പോള്‍ രതിമൂര്‍ച്ഛ കിട്ടണമെന്നില്ല.
58 മുതല്‍ 82 ശതമാനം വരെ സ്ത്രീകള്‍ സ്വയംഭോഗം ചെയ്യാറുണ്ട് എന്നു കണക്കുകള്‍ പറയുന്നു.സ്വയംഭോഗം ചെയ്തപ്പോള്‍ രതിമൂര്‍ച്ഛ ഉണ്ടായെന്നു കരുതി പുരുഷനുമായി ബന്ധപ്പെടുമ്പോഴും രതിമൂര്‍ച്ഛ ഉണ്ടാകണമെന്നില്ല.ഉണ്ടായിക്കൂടെന്നുമില്ല.പങ്കാളിയുമൊത്ത് ബന്ധപ്പെടുമ്പോള്‍ മറ്റു ചില കാര്യങ്ങളെ കൂടി ആശ്രയിച്ചിരിക്കും രതിമൂര്‍ച്ഛ.പങ്കാളികള്‍ തമ്മിലുള്ള അടുപ്പം, സ്ത്രീയുടെ മൂഡ്,രതിപൂര്‍വലീലകളുടെ ദൈര്‍ഘ്യം എന്നിവ ഉദാഹരണം.എന്നാല്‍ സ്വയംഭോഗം വഴി രതിമൂര്‍ച്ഛ ലഭിച്ചിട്ടുള്ളവരില്‍ ലൈംഗികതയോടുള്ള മടിയും ചമ്മലും കുറയും.
മുംബൈ ജി.എസ് മെഡിക്കല്‍ കോളേജിലെ സെക്ഷ്വല്‍ മെഡിസിന്‍ പ്രഫസര്‍ ഡോ.പ്രകാശ് കോത്താരി പറയുന്നു : രതിമൂര്‍ച്ഛ തുമ്മല്‍ പോലെയാണ്- വിവരിക്കാന്‍ പ്രയാസം.പക്ഷേ അനുഭവിച്ചറിയാം.സാധാരണയായി രതിമൂര്‍ച്ഛസമയത്ത് ഉയര്‍ന്ന തരത്തിലുള്ള ലൈംഗിക ഉന്മാദം നമുക്ക് അനുഭവപ്പെടും.സ്ത്രീകളില്‍ താളാത്മകമായ യോനീസങ്കോജങ്ങളും ആണുങ്ങളില്‍ ശുക്ലസ്ഖലനവും സംഭവിക്കും.ഇതെല്ലാം കഴിയുമ്പോള്‍ പറഞ്ഞറിയിക്കാന്‍ വയ്യാത്ത ഒരാശ്വാസവും തോന്നും.”രതിമൂര്‍ച്ഛയുടെ സമയത്തു ശ്വാസംമുട്ടുന്നതുപോലെയും ശരീരം വിറയ്ക്കുന്നതുപോലെയും തോന്നാം.’അതു സംഭവിച്ചു കഴിഞ്ഞു എന്ന് ഇണയെ അറിയിക്കാനുള്ള മാര്‍ഗങ്ങളാണിവ.ഗുഹ്യഭാഗങ്ങളില്‍ ഉത്തേജിപ്പിച്ചാല്‍ മാത്രമേ തരിമൂര്‍ച്ഛ ഉണ്ടാകൂ എന്നില്ല.ചില സ്ത്രീകളില്‍ സ്തനഭാഗങ്ങളിലെ ഉത്തേജനം മതി രതിമൂര്‍ച്ഛയ്ക്ക്.യോനിയില്ലാത്ത സ്ത്രീകളില്‍ പോലും രതിമൂര്‍ച്ഛയുണ്ടാകും അളരുടെ മറ്റു’സംവേദനക്ഷമമായ ‘ഭാഗങ്ങളില്‍ ഉത്തേജിപ്പിച്ചാല്‍.
വായ്‌നാറ്റവും ശരീരദുര്‍ഗന്ധവും പങ്കാളിയില്‍ വിരക്തിയുണ്ടാക്കാം.
ഗുഹ്യഭാഗം വൃത്തിയായി സൂക്ഷിക്കുന്നിടത്തോളം ഗുഹ്യരോമം പ്രശ്‌നമുണ്ടാക്കണമെന്നില്ല.സ്ത്രീയുടെ ഭഗശിശ്‌നിയെ ഉത്തേജിപ്പിക്കാന്‍ രോമംസഹായിച്ചേക്കാം.പക്ഷേ ശുക്ലവും മറ്റു സ്രവങ്ങളും പറ്റിപ്പിടിക്കാനിടയുണ്ട്.വേണ്ടത്ര വൃത്തിയാക്കിയില്ലെങ്കില്‍ ആ ഭാഗത്തു ബാക്ടീരിയ വളരുകയും ദുര്‍ഗന്ധം ഉണ്ടാക്കുകയും ചെയ്യും. രോമം വൃത്തിയാക്കി വയ്ക്കാന്‍ ബുദ്ധിമുട്ടു തോന്നിയാല്‍ ഷേവ് ചെയ്യുകയോ ട്രിം ചെയ്യുകയോ വേണം.കക്ഷത്തിലുള്ള രോമത്തില്‍ വിയര്‍പ്പ് അടിഞ്ഞുകൂടി ദുര്‍ഗന്ധമുണ്ടാകാന്‍ സാധ്യതയുണ്ട്.പതിവായി കുളിക്കുക, കക്ഷം വൃത്തിയായി കഴുകുക, രൂക്ഷത കുറഞ്ഞ പൗഡര്‍ പുരട്ടുക എന്നിവ വിയര്‍പ്പുനാറ്റം കുറയ്ക്കും.
വായ്‌നാറ്റം (ഹാലിറ്റോസിസ്)സ്ത്രീയും പുരുഷനും അടുത്തിടപെഴകുമ്പോള്‍ ഒരുപാട് പ്രശ്നങ്ങള് ഉണ്ടാക്കാം.പല കാരണങ്ങള്‍ കൊണ്ടും വായ്‌നാറ്റമുണ്ടാകാം. ശ്വസനാളത്തിലെ രോഗാണുബാധ, പല്ലിലെയോ മോണയിലെയോ അണുബാധ, കരള്‍ പ്രശ്നങ്ങള്, പുകവലി. പ്രമേഹം, മലബന്ധം, മൂക്കില്‍രോഗാണുബാധയോ വളര്‍ച്ചയോ, സൈനസൈറ്റിസ്, തുടങ്ങിയവ.നന്നായി പല്ലു തേച്ചില്ലെങ്കിലും നാറ്റമുണ്ടാകാം.ഉള്ളി കഴിച്ചാലും പ്രശ്‌നമാകാം.വേണമെങ്കില്‍ ഡോക്ടറെ കണ്ടും ശരീരശുദ്ധിയില്‍ ശ്രദ്ധിച്ചും വായ്‌നാറ്റത്തെ അകറ്റിനിര്‍ത്താം.
26 വയസ്സുള്ള അവിവാഹിതയാണ് ഞാന്‍. എന്റെ വിവാഹം ഉടനെയുണ്ടാവും. എനിക്ക് ആര്‍ത്തവസമയത്ത് അതികഠിനമായ വേദനയുണ്ട്. എന്തുകൊണ്ടാണിത്? ഗുളികകള്‍ കഴിച്ചു മടുത്തു. പരിഹാരം എന്താണ്?
ദേവിക, പെരിന്തല്‍മണ്ണ
ആര്‍ത്തവസമയത്ത് അടിവയറ്റില്‍ അസ്വസ്ഥതയും ചെറിയ വേദനയും അനുഭവിച്ചിട്ടില്ലാത്തവര്‍ വിരളമാണ്. ചിലരില്‍ അടിവയറ്റിനും നടുവിനും വേദന, ഇതോടൊപ്പം തുടയുടെ ഉള്‍ഭാഗത്തു വേദന, ഛര്‍ദ്ദി, തലവേദന, തലചുറ്റി വീഴുക തുടങ്ങിയ പ്രശ്‌നങ്ങളും ഉണ്ടാവുന്നു. ചിലര്‍ക്ക് ആ സമയത്ത് ശബ്ദം, മണം എന്നിവ പോലും അസഹ്യമായി തോന്നാം. ആദ്യദിവസങ്ങളില്‍ മൂന്നോ നാലോ മണിക്കൂര്‍ വരെ നീണ്ടുനില്‍ക്കുന്ന വേദനയാണ് സര്‍വസാധാരണം. ചിലര്‍ക്ക് ഒന്നോ രണ്ടോ ദിവസം വേദന നീണ്ടുനില്ക്കാം. ഇനിയൊരു കൂട്ടരില്‍ മാസമുറയുടെ 14-ാം ദിവസം തുടങ്ങി അടുത്ത മാസമുറ തുടങ്ങുന്നതുവരെ വേദന നീണ്ടുനില്ക്കാം.
ഇതൊരു രോഗമല്ല
ശരീരത്തിലെ മറ്റു പേശികളെ പോലെ തന്നെ സങ്കോചിക്കാനും വികസിക്കാനുമുള്ള കഴിവ് ഗര്‍ഭപാത്രത്തിനുണ്ട്. ആര്‍ത്തവ രക്തം പുറത്തേക്ക് തള്ളാനായി ഗര്‍ഭപാത്രം സങ്കോചിക്കുന്നു. വേദന ഉണ്ടാവാനുള്ള ഒരു പ്രധാന കാരണവും ഇതാണ്. ഗര്‍ഭപാത്രത്തിന്റെ ഉള്ളിലെ ആവരണവും, രക്തവും പുറത്തേക്ക് തള്ളപ്പെടുമ്പോള്‍ ഉണ്ടാവുന്ന രാസപ്രവര്‍ത്തനങ്ങളും വേദനയ്ക്കു കളമൊരുക്കുന്നു. ഇതൊരു രോഗമേയല്ല. ജൈവപരമായ ഒരു പ്രതിഭാസമായി മാത്രമേ ഇതിനെ കാണേണ്ടതുള്ളൂ. ഓരോ മാസവും ഉണ്ടാവുന്ന രാസപ്രവര്‍ത്തനങ്ങളുടെ ഏറ്റക്കുറച്ചിലുകള്‍ അനുസരിച്ച് വേദനയുടെ തീവ്രത മാറും. അതുകൊണ്ടുതന്നെ എല്ലാ മാസവും ഒരേപോലെ വേദന ഉണ്ടാവണമെന്നില്ല.
ആര്‍ത്തവം തുടങ്ങുന്ന കാലത്തു മിക്ക പെണ്‍കുട്ടികളും അനുഭവിക്കുന്ന വേദന ഇത്തരത്തില്‍ പെട്ടതാകാം. പക്ഷേ എല്ലാ സ്ത്രീകളുടേയും കൗമാരക്കാരുടേയും കാര്യം അങ്ങനെയല്ല. പ്രത്യേകിച്ച് ആദ്യവര്‍ഷങ്ങളില്‍ വേദന ഇല്ലാതിരുന്നവരില്‍ പിന്നീട് വേദന തുടങ്ങിയാല്‍ ഗൗരവമായി എടുക്കേണ്ടതാണ്.
പ്രത്യുല്‍പ്പാദനപരമായ സങ്കീര്‍ണ്ണതകള്‍ സൃഷ്ടിക്കുന്ന ഒരു രോഗമാണ് എന്‍ഡോമെട്രിയോസിസ് . ഗര്‍ഭപാത്രത്തിനേയും അണ്ഡാശയത്തിനേയും ബാധിക്കുന്ന ഈ രോഗം 10-15 ശതമാനം വരെ കൗമാരക്കാരില്‍ കണ്ടുവരുന്നു. ആദ്യലക്ഷണം ആര്‍ത്തവസമയത്തെ അതികഠിനമായ വേദനയാണ്. സ്‌കാനിങ് വഴി രോഗം കണ്ടുപിടിക്കാം.
ഗര്‍ഭാശയത്തിലും, അണ്ഡാശയങ്ങളിലും അണ്ഡവാഹിനി കുഴലിലും, ചുറ്റുമുള്ള പ്രദേശത്തും അണുബാധ മൂലമുണ്ടാകുന്ന പെല്‍വിക് ഇന്‍ഫെക്ഷന്‍ വേദനയ്ക്കു കാരണമായ മറ്റൊരു രോഗാവസ്ഥയാണ്. ആര്‍ത്തവ ശുചിത്വമില്ലായ്മ, ലൈംഗിക ശുചിത്വക്കുറവ്, സുരക്ഷിതമല്ലാത്ത ലൈംഗിക ബന്ധം തുടങ്ങി ഈ രോഗത്തിന്റെ കാരണങ്ങള്‍ പലതാണ്. ആര്‍ത്തവ സമയത്ത് അടിവയറ്റിലുണ്ടാവുന്ന അമിതവേദനയും മറ്റു ആര്‍ത്തവ ക്രമക്കേടുകളും ഈ രോഗത്തിന്റെ ലക്ഷണമാണ്. ചികിത്സിച്ചുമാറ്റാന്‍ പ്രയാസമുള്ള ഈ രോഗം, തുടക്കത്തില്‍ കണ്ടുപിടിച്ചാല്‍ കുറച്ചെങ്കിലും പ്രതീക്ഷയ്ക്കു വക നല്കുന്നു. ഗര്‍ഭപാത്രത്തിലുണ്ടാവുന്ന ചില തരം മുഴകള്‍, ജന്മനായുണ്ടാവുന്ന ഗര്‍ഭപാത്ര തകരാറുകള്‍, ഘടനയിലുണ്ടാവുന്ന മാറ്റങ്ങള്‍ എന്നിവയെല്ലാം അതിശക്തമായ വയറുവേദനയുടെ കാരണങ്ങളാണ്.
ചികിത്സകള്‍
മറ്റു കാരണങ്ങള്‍ കൂടാതെയുള്ള വയറുവേദന ലഘുവായ ചികിത്സയിലൂടെ മാറ്റാനാവും. ഗുളികകള്‍, ഭക്ഷണക്രമീകരണം, യോഗ, നടത്തം, സൈക്ലിങ്, നീന്തല്‍ തുടങ്ങിയ വ്യായാമങ്ങളും ഇതിന് ഫലം ചെയ്യും. വേദന സംഹാര ഗുളികകള്‍ വലിയൊരളവുവരെ സഹായകമാവുമെങ്കിലും, സ്ഥിരമായ ഉപയോഗം ദൂരവ്യാപകമായ മറ്റു ശാരീരിക പ്രശ്നങ്ങള് സൃഷ്ടിക്കുമെന്ന് പഠനങ്ങള്‍ സൂചിപ്പിക്കുന്നു. കരളിന്റെയും വൃക്കയുടേയും പ്രവര്‍ത്തനങ്ങളെ സാരമായി ബാധിക്കാന്‍ സാധ്യതയുമുണ്ട്. മാത്രമല്ല അള്‍സര്‍, അസിഡിറ്റി തുടങ്ങിയവയ്ക്കും ഈ ഗുളികകള്‍ കാരണമാവാം. ഡോക്ടറുടെ നിര്‍ദ്ദേശപ്രകാരം മാത്രമേ വേദന സംഹാരികള്‍ ഉപയോഗിക്കാവൂ.
ഭക്ഷണക്രമീകരണം വേദനയില്‍നിന്ന് മുക്തിനേടാന്‍ നല്ലൊരു മാര്‍ഗ്ഗമാണ്. കൊഴുപ്പുകലര്‍ന്ന ആഹാരം, വറുത്തതും പൊരിച്ചതും, ഫാസ്റ്റ് ഫുഡ് എന്നിവ ഒഴിവാക്കി പച്ചക്കറി, പഴങ്ങള്‍, മുളപ്പിച്ച ധാന്യങ്ങള്‍ (പയറ്, കടല മുതലായവ), ചെറുമത്സ്യങ്ങള്‍ എന്നിവ ധാരാളം കഴിക്കുന്നതും നല്ലതാണ്.
മാസമുറ സമയത്ത് വയറുവേദന സാധാരണയാണ്. കാരണം, ഗർഭപാത്രത്തിനകത്തുള്ള ഒരു ആവരണം എല്ലാ മാസവും ഇളകി പോയിക്കഴിഞ്ഞു പുതിയത് വരാനുള്ള തയ്യാറെടുപ്പാണ് മാസമുറ എന്നത്. ഈ പ്രവർത്തനത്തിൽ ഗർഭപാത്രം ചുരുളുകയും വികസിക്കുകയും ചെയ്യുന്നു. എന്നാൽ അമിതമായി വളരെ ശക്തയായി ഗർഭപാത്രം ഈ നിലയിൽ പ്രവർത്തിക്കുമ്പോൾ സമീപത്തുള്ള രക്തക്കുഴലുകൾ അടഞ്ഞുപോകുന്നതിന്റെ ഭാഗമായി മസിലുകളിലേക്കുള്ള ഓക്സിൻ സപ്ലേ ഇല്ലാതാകുന്നതാണ് വയറുവേദനയുടെ കാരണം.ഇത് സ്വാഭാവികമായ ആർത്തവ സമയത്തുള്ള വേദനയുടെ കാര്യമാണ്.
മറ്റ് കാരണങ്ങൾ…
എൻഡോമെട്രിയോസിസ്…
ഗർഭപാത്രത്തിനകത്തെ ആവരണം അതിന് പുറത്തും, അണ്ഡാശയങ്ങളുടെ പുറത്തും കുടലിന് പുറത്തും മറ്റ് കോശങ്ങളിലും പറ്റിപിടിച്ച് വളർന്നിരിക്കുന്ന അവസ്ഥയാണിത്. ഹോർമോൺ തകരാർ, അമിതവണ്ണം പോലുള്ളവ എൻഡോമെട്രിയോസിസിന് കാരണമാകാറുണ്ട്. മാസമുറ സമയത്തുള്ള വയറുവേദന ഏറ്റവും കഠിനമായി ഇവർക്ക് അനുഭവപ്പെടുന്നു.
2. ഗർഭാശയമുഖം( Cervix) ;ചുരുങ്ങി അടഞ്ഞിരിക്കുന്നത് മാസമുറയുടെ വേദന കൂടാൻ മറ്റൊരു കാരണമാണ്. ഇത് സാധാരണ ഒരു പ്രസവം കഴിയുമ്പോൾ മാറുന്നതായി കണ്ട് വരുന്നു.
3. ഗർഭാശയമുഴകൾ…
മുഴകൾ ഗർഭപാത്രത്തിൽ അധികമായി വളരുന്ന സാഹചര്യത്തിൽ അമിതമായി വയറുവേദന ഉണ്ടാകാം.
പരിഹാരം…
TRANSFAT, MILK PRODUCTS, EGG, REFINED FOODS, WHEAT ഇവ പൂർണമായും ഒഴിവാക്കുക. പകരം പയർവർഗങ്ങൾ, പച്ചക്കറികൾ, ഇലക്കറികൾ, നട്സ്, എന്നിവ കഴിക്കാവുന്നതാണ്. ദിവസവും ക്യത്യമായി വ്യായാമം ചെയ്യാൻ സമയം മാറ്റിവയ്ക്കുക.
വയറുവേദന കുറയ്ക്കാൻ ചെയ്യേണ്ടത്….
1.വയറു മുറുകി കിടക്കുന്ന ഇറുകിയ വസ്ത്രങ്ങള്‍ ഒഴിവാക്കുക.
2. ഭക്ഷണം സമയാസമയങ്ങളില്‍ കഴിക്കുക. വയറ് കാലിയായി കിടന്നാല്‍ ഗര്‍ഭപാത്രം ചുരുങ്ങുന്നത് വര്‍ധിക്കുകയും,അസഹ്യമായ വേദന ഉണ്ടാവുകയും ചെയ്യും.
3.ചുടുവെള്ളത്തില്‍ കുളിക്കുക.
4.ഉലുവയിട്ട് തിളപ്പിച്ച വെള്ളം കുടിക്കുക.
5. അധികം എരിവും പുളിയും മസാലയുമില്ലാത്ത ഭക്ഷണം കഴിക്കുക.
6. ധാരാളം വെള്ളം കുടിക്കുക.
ആർത്തവസമയത്ത് അടിവയറ്റിൽ ഒരല്പം പോലും വേദനയും മറ്റ് അസ്വസ്ഥതകളും അനുഭവിക്കാത്തവർ നമുക്കിടയിൽ ഉണ്ടോ എന്ന് സംശയമാണ്. നടുവേദന, വയറുവേദന, കാലുകൾക്കുണ്ടാകുന്ന മരവിപ്പും കട്ടുകഴപ്പും, തലവേദന, സ്തനങ്ങള്‍ക്ക് വേദന, ഛർദ്ദി, വിഷാദം, ദേഷ്യം തുടങ്ങിയ എന്തെല്ലാം വിഷമഘട്ടങ്ങളിലൂടെയാണ് ആർത്തവസമയത്ത് ഓരോ സ്ത്രീകളും കടന്നു പോകുന്നത്. സ്ത്രീകളെ സംബന്ധിച്ചിടത്തോളം ഏറ്റവും പ്രയാസമേറിയ സമയമാണിത്.
ആർത്തവ സമയത്തുണ്ടാകുന്ന ഓരോ ശരീരവേദനയുടെയും കാഠിന്യം പലരിലും പല തരത്തിലായിരിക്കും. വേദന സഹിക്കാൻ പറ്റാത്ത അവസരങ്ങളിൽ മിക്ക സ്ത്രീകളും വേദന സംഹാരികളിലാണ് അഭയം തേടുക. ആർത്തവ വേദന കുറയ്ക്കാൻ പലരും മരുന്ന് കഴിക്കുന്നത് ഡോക്ടറുടെ നിർദ്ദേശം കൂടാതെയാണ്. ഇത് ഭാവിയിൽ കടുത്ത ആരോഗ്യ പ്രശ്നങ്ങൾ ഉണ്ടാക്കാൻ സാധ്യത ഉണ്ട്.
വേദന കുറയ്ക്കാനുള്ള ചില ഗുളികകൾ സ്ഥിരമായി കഴിക്കുമ്പോൾ കരളിന്റെയും വൃക്കയുടേയും പ്രവർത്തനങ്ങൾ തകരാറിലാകാൻ സാധ്യത കൂടുതലാണ്. കൂടാതെ, ഇത്തരം വേദന സംഹാരികൾ കഴിക്കുമ്പോൾ അള്‍സര്‍, അസിഡിറ്റി തുടങ്ങിയ രോഗാവസ്ഥകൾക്കും സാധ്യതയുണ്ട്. അതുകൊണ്ട് ആർത്തവ വേദനയ്ക്ക് മരുന്ന് കഴിക്കേണ്ട സാഹചര്യം ഉണ്ടെങ്കിൽ ഒരു ഡോക്ടറുടെ നിർദ്ദേശപ്രകാരം മാത്രം അത് ചെയ്യുക.
ആർത്തവ വേദനയ്ക്ക് കാരണം
ഗർഭപാത്രത്തിലെ പേശികൾ ചുരുങ്ങുമ്പോഴാണ് ആർത്തവ വേദനയുണ്ടാകുന്നത്. ആർത്തവ രക്തം പുറത്തള്ളാനായി ഗർഭപാത്രം സങ്കോചിക്കുന്നതാണ് ആർത്തവ വേദനയ്ക്ക് പ്രധാന കാരണം. മാത്രമല്ല രക്തത്തോടൊപ്പം ഗർഭപാത്രത്തിലെ ആവരണം കൂടി പുറത്തേക്ക് പോകുമ്പോൾ സംഭവിക്കുന്ന ശാരീരിക വ്യതിയാനങ്ങളും ആർത്തവ വേദനയ്ക്ക് കാരണമാകുന്നു. ഓരോ മാസവും ഉണ്ടാകുന്ന വേദനയുടെ തീവ്രത ശരീരത്തിൽ സംഭവിക്കുന്ന വ്യതിയാനങ്ങളുടെ ഏറ്റക്കുറച്ചിലുകളെ കൂടി ആശ്രയിച്ചിരിക്കും.
ആർത്തവ വേദന തടയാൻ മരുന്ന് കഴിക്കുന്നവർ മനസ്സിലാക്കേണ്ട പ്രധാന കാര്യം ആർത്തവ വേദന ഒരു രോഗമല്ല എന്നതാണ്. ഏല്ലാ മാസവും മുടങ്ങാതെ ഉണ്ടാകുന്ന ഒരു ശാരീരിക അവസ്ഥയായി മാത്രം ഇതിനെ കണ്ടാൽ മതി. ആർത്തവ ദിനങ്ങളിൽ ഉണ്ടാകുന്ന അമിത വേദനയ്ക്ക് മരുന്ന് കഴിക്കാതെ തന്നെ പരിഹാരങ്ങളുണ്ട്.
ഭക്ഷണ ക്രമീകരണം, വ്യായാമങ്ങൾ, യോഗ തുടങ്ങിയ കാര്യങ്ങൾ ശീലമാക്കുന്നതോടെ സാധാരണ രീതിയിൽ ഉണ്ടാകാറുള്ള ആർത്തവ വേദന ലഘൂകരിക്കാം.
ഈ കാര്യങ്ങൾ ശ്രദ്ധിക്കാം
പ്രശസ്ത ന്യൂട്രീഷനിസ്റ്റ് റുജുത ദിവേക്കർ തന്റെ ഇൻസ്റ്റാഗ്രാമിൽ ആർത്തവ വേദന അകറ്റാൻ സഹായിക്കുന്ന ചില പൊടികൈകൾ പങ്കു വെച്ചിരുന്നു.
1. മിക്ക സ്ത്രീകൾക്കും തങ്ങളുടെ ആർത്തവം തുടങ്ങാൻ സാധ്യതയുള്ള ദിവസം അറിയാമല്ലോ. നിങ്ങളുടെ ആർത്തവം ആരംഭിക്കുന്നതിന് ഒരാഴ്ച മുമ്പേ കുതിർത്ത ഉണക്കമുന്തിരിയും കുങ്കുമപ്പൂവും കഴിക്കുക.
2. മുളപ്പിച്ചതോ വേവിച്ചതോ ആയ പയറ് വർഗ്ഗങ്ങൾ ആഹാരക്രമത്തിൽ ശീലമാക്കാം.
3. മധുരക്കിഴങ്ങ് ഉൾപ്പടെയുള്ള കിഴങ്ങ് വർഗ്ഗങ്ങൾ, പച്ചക്കായ തുടങ്ങിയവ ആഴ്ചയിൽ രണ്ടു തവണ എങ്കിലും കഴിക്കുക.
4. വ്യായാമം മുടക്കരുത്. ആഴ്ചയിൽ 150 മിനിട്ടെങ്കിലും വ്യായാമത്തിനായി മാറ്റി വെക്കുക.
ആർത്തവ വേദന കുറയ്ക്കാൻ എളുപ്പവഴികൾ
നിങ്ങളുടെ ഭക്ഷണശൈലി ക്രമീകരിക്കുന്നത് ആർത്തവ വേദന കുറയ്ക്കാൻ ഏറെ സഹായിക്കും. ജങ്ക് ഫുഡ്, വറുത്തതും പൊരിച്ചതുമായ ഭക്ഷണങ്ങൾ, കൊഴുപ്പ് കൂടിയ ഭക്ഷണങ്ങൾ തുടങ്ങിയവ കഴിവതും ഒഴിവാക്കുക. പകരം ചെറുമത്സ്യങ്ങൾ, മുളപ്പിച്ച പയറുവർഗ്ഗങ്ങൾ, പഴങ്ങൾ, പച്ചക്കറികൾ എന്നിവ ധാരാളമായി ഭക്ഷണത്തിൽ ഉൾപ്പെടുത്തുക.
ആർത്തവ വേദന കുറയ്ക്കാൻ വീട്ടിൽ തന്നെ ചെയ്യാവുന്ന മാർഗ്ഗങ്ങൾ നോക്കൂ…
അലോവേരയും തേനും: കറ്റാർ വാഴയുടെ നീര് തേനിൽ ചേർത്ത് കഴിക്കുന്നത് ആർത്തവ വേദന കുറയ്ക്കാൻ സഹായിക്കും.
ക്യാരറ്റ്: കാഴ്ചശക്തി വർധിപ്പിക്കാൻ മാത്രമല്ല ക്യാരറ്റ്, ആർത്തവ വേദന ലഘൂകരിക്കാനും ഈ പച്ചക്കറിക്ക് കഴിയും. ആർത്തവ സമയത്ത് ക്യാരറ്റ് ജ്യൂസ് ധാരാളമായി കുടിക്കാൻ ഗൈനക്കോളജിസ്റ്റുകൾ പോലും നിർദ്ദേശിക്കാറുണ്ട്.
തുളസി/പുതിനയില: തുളസിയിലയോ പുതിനയിലയോ ഇട്ട് വെള്ളം തിളപ്പിച്ച ശേഷം കുടിക്കാം. അതല്ലെങ്കിൽ തുലാസിയോ പുതിനയിലയോ ഉപയോഗിച്ച് ഉണ്ടാക്കിയ ചായ കുടിക്കുന്നതും ആർത്തവ വേദന കുറയ്ക്കാൻ സഹായിക്കും.
പപ്പായ: പപ്പായ ആർത്തവ വേദന കുറയ്ക്കാൻ സഹായിക്കും. ആർത്തവം ആരംഭിക്കുന്നതിനു മുമ്പായി ധാരാളം പപ്പായ കഴിക്കുക. ഈ പഴവർഗ്ഗത്തിൽ അടങ്ങിയിരിക്കുന്ന പപ്പൈൻ എന്ന എൻസൈം ആർത്തവ വേദന ലഘൂകരിക്കാൻ സഹായിക്കും. മാത്രമല്ല, ആർത്തവ രക്തം പുറത്തേയ്ക്ക് പോകുന്നത് എളുപ്പത്തിലാക്കാനും പപ്പായയ്ക്ക് കഴിയും.
Read More: അറിയാതെ പോകരുത് പപ്പായയുടെ ഈ അമൂല്യ ഗുണങ്ങൾ
നാരങ്ങാ വിഭാഗത്തിൽ പെട്ട പഴങ്ങൾ: ഇത്തരം പഴങ്ങൾ കഴിക്കുമ്പോൾ ശരീരത്തിലെ അയണിന്റെ അളവ് കൂടുന്നു. ഇത് ആർത്തവ വേദന കുറയ്ക്കും. അതുകൊണ്ട് നാരങ്ങാ വിഭാഗത്തിൽ പെട്ട പഴങ്ങൾ ധാരാളമായി കഴിക്കുകയോ അവയുടെ ജ്യൂസ് കുടിക്കുകയോ ചെയ്യാം.
ഏലക്ക, ജാതിക്ക തുടങ്ങിയവ: കറുവപ്പട്ട, കുരുമുളക്, ജാതിക്ക, ഏലക്ക തുടങ്ങിയവ ഭക്ഷണത്തിൽ ഉൾപ്പെടുത്തുന്നത് ആർത്തവ കാലത്തെ വയറുവേദന കുറയ്ക്കാൻ നല്ലതാണ്.
പാൽ: ആർത്തവ സമയത്തുണ്ടാകുന്ന വേദനയും മറ്റ് അസ്വസ്ഥതകളും മാറ്റാൻ നല്ല ചൂട് പാലിൽ അല്പം നെയ്യ് ചേര്‍ത്ത് കഴിക്കുക. അതല്ലെങ്കിൽ, രാവിലെ ഒരു ഗ്ലാസ് പാൽ കുടിക്കുന്നതും വേദന കുറയ്ക്കാൻ ഉത്തമമാണ്.
ഹോട്ട് വാട്ടർ ബാഗ്: ചൂട് വെള്ളം നിറച്ച ബാഗ് അടിവയറ്റിൽ വെച്ച് കൊടുക്കുക. ഇത് വയറുവേദനയ്ക്ക് ആശ്വാസം നൽകും.
ഇഞ്ചിച്ചായ: ഇച്ഛിച്ചായയിൽ തേൻ ചേർത്ത് കുടിക്കുന്നത് വയറുവേദന കുറയ്ക്കാൻ സഹായിക്കും. തിളച്ച ഇഞ്ചിച്ചായയിൽ ഒരു തുണി മുക്കി പിഴിഞ്ഞ ശേഷം അടിവയറ്റിൽ വെച്ച് കൊടുക്കുന്നതും വേദന കുറയ്ക്കാൻ സഹായിക്കും.
പെരുംജീരകം: പെരുംജീരകം ഇട്ട് തിളപ്പിച്ച വെള്ളം ഇടക്കിടക്ക് കുടിക്കുന്നത് ആർത്തവ വേദന കുറയ്ക്കാൻ സഹായിക്കും.
ഉലുവ/എള്ള്: വേദനയ്ക്ക് താത്കാലിക ശമനം കിട്ടാൻ ഉലുവ കൊണ്ടുള്ള കഷായം ഉത്തമമാണ്. ഒരു പിടി ഉലുവ എടുത്ത് മൂന്ന് ഗ്ലാസ് വെള്ളത്തിൽ തിളപ്പിക്കുക. നന്നായി തിളപ്പിച്ച് ഇത് മുക്കാൽ ഗ്ലാസ് ആക്കി വറ്റിക്കുക. ഈ കഷായം കുടിക്കുന്നത് വേദനയ്ക്ക് ആശ്വാസം നൽകും. എള്ള് ഉപയോഗിച്ചും ഇങ്ങനെ കഷായം ഉണ്ടാക്കി കുടിക്കാം.
കര്‍പ്പൂരവള്ളി: വേദന കുറയ്ക്കാൻ കര്‍പ്പൂരവള്ളിക്ക് പ്രത്യേക കഴിവുണ്ട്. ആർത്തവം ആരംഭിക്കുമ്പോൾ വയറിനു ചുറ്റും കര്‍പ്പൂര തൈലം പുരട്ടുന്നത്‌ വേദന ശമിപ്പിക്കാൻ സഹായിക്കും.
ചുക്ക്: ആർത്തവ ദിനങ്ങളിലെ അസ്വസ്ഥതകൾ പരിഹരിക്കാൻ ചുക്കുപൊടിക്ക് കഴിയും. ആർത്തവം തുടങ്ങുന്നതിനു രണ്ട് ദിവസം മുമ്പ് മുതൽ ആർത്തവം ആരംഭിച്ച് മൂന്നാം ദിവസം വരെ ചുക്കുപൊടി സേവിക്കാം. ഈ ശിവസങ്ങളിൽ മൂന്ന് നേരം 500 mg എന്ന അളവിൽ ചുക്കുപൊടി കഴിക്കുന്നത് ആർത്തവകാലത്തെ പ്രശ്നങ്ങൾ പരിഹരിക്കാൻ സഹായിക്കും.
Copper T ചെയ്യുന്ന mechanism എന്തൊക്കെയാണെന്ന് ആദ്യം പറയാം .
ഗർഭനിരോധനത്തിനായി സ്ത്രീകൾക്ക് ഗർഭാശയത്തിനുള്ളിൽ നിക്ഷേപിക്കാവുന്ന ‘T’ ആകൃതിയുള്ള ചെറിയ ഉപകരണങ്ങളാണ് ഗർഭാശയവലയം അഥവാ ഐയുഡി (ഇൻട്രാ യൂട്രൈൻ ഡിവൈസ്). ഐയുഡികൾ രണ്ട് തരമുണ്ട്. സാധാരണയായി ചെമ്പോ പ്ലാസ്റ്റിക്കോ വെള്ളിയോ കൊണ്ടാണ് ഇവ നിർമ്മിക്കുന്നത്. ലൂപ്പ് എന്നും അറിയപ്പെടുന്ന ഗർഭാശയവലയം ദീർഘകാലം ഉപയോഗിക്കാവുന്ന ഒന്നാണ്. കോപ്പർ ടി ഉദാഹരണം. ഇതിലെ ചെമ്പ് ഗർഭാശയത്തിലെത്തുന്ന പുരുഷബീജങ്ങളെ നശിപ്പിക്കുന്നു. അതുവഴി അണ്ഡബീജസങ്കലനം നടക്കാനും സിക്താണ്ഡം ഉണ്ടാകാനുമുള്ള സാധ്യത ഇല്ലാതാക്കുന്നു എന്നതാണ് പ്രവർത്തനരീതി. ഗർഭനിരോധന മാർഗങ്ങളിൽ ഒന്നായ ഇത് എടുത്തുമാറ്റിയാൽ ഗർഭം ധരിക്കുവാനുള്ള കഴിവ് തിരിച്ചുകിട്ടുന്ന ജനനനിയന്ത്രണത്തിന്റെ ഏറ്റവും ഫലവത്തായ ഒരു താൽക്കാലിക മാർഗ്ഗം ആണ്. അതിനാൽ ഉടനേ കുട്ടി വേണ്ട എന്നുള്ളവർക്കും, പ്രസവങ്ങൾ തമ്മിലുള്ള ഇടവേള ക്രമീകരിക്കാനും ഇത് ഏറ്റവും ഫലപ്രദമാണ്.
ഒന്നാമതായി, കോപ്പർ spermicidal ആണ്. അതായത് ഗർഭാശയത്തിലെത്തുന്ന പുരുഷബീജത്തെ അത് രാസപ്രവർത്തനത്തിലൂടെ കൊല്ലുന്നു.
Bodyക്കു പുറത്തുള്ള എന്ത് വസ്തുവിനോടും body ഒരുതരം allergy reaction ഉണ്ടാക്കും . കോപ്പർ ടിയും അത് ചെയ്യുന്നു. അങ്ങനെ ഉണ്ടാകുന്ന reactionന്റെ ഭാഗമായി ഗർഭാശയസ്‌തരം കൂടുതൽ വഴുവഴുപ്പുള്ള കട്ടിയുള്ള ദ്രാവകം ഉണ്ടാക്കുന്നു . (Mucus from glands of uterus) .
ഇതിന്റെ കൂടെ ധാരാളം ശ്വേതരക്താണുക്കളും ഗർഭാശയത്തിന്റെ സങ്കോചം കൂട്ടുന്ന prostaglandins ( പുരുഷബീജത്തിന്റെ ചലനശേഷി വളരെയധികം കുറക്കുകയും ചെയ്യുക എന്ന പ്രവർത്തനവും ഇവയ്ക്കുണ്ട്) എന്ന പദാർത്ഥങ്ങളും ഉണ്ടാക്കുന്നു .
Foreign body reactionൽ പങ്കെടുത്തു foreign bodyയെ തിന്നു തീർക്കുക കൂടിയാണ് ശ്വേതരക്താണുക്കളുടെ ധർമം . അങ്ങനെ സ്ത്രീശരീരത്തിൽ എത്തുന്ന പുരുഷബീജങ്ങളെ കൊന്നൊടുക്കുക , അവയുടെ ചലനം കുറച്ചു , ഗർഭധാരണം നടക്കുന്ന സ്‌ഥലത്തു ,അതായത് fallopian tubesൽ എത്താനുള്ള സാഹചര്യം അനുവദിക്കാതിരിക്കുക എന്നിവയാണ് copper t യുടെ actions . Copper t യിലെ copper 2+ അയോണുകളാണ് ഈ പ്രവർത്തനങ്ങൾക്കു കാരണം.
Copper t ഇടാൻ ആധുനികവൈദ്യശാസ്ത്രം നിഷ്കർഷിച്ചിരിക്കുന്ന സമയം ആർത്തവം അസാനിച്ച ശേഷമുള്ള ആദ്യദിവസങ്ങളിൽ ആണ് . അതായത് ഗർഭം ഇല്ലെന്നു ഉറപ്പിക്കൽ ആണ് ഇവിടെ ചെയ്യുന്നത് (ആ സമയത്ത് കോപ്പർ ടി ഇടാൻ കുറച്ചുകൂടെ എളുപ്പവുമാണ്, വേദന കുറയും എന്നീ കാരണങ്ങൾ കൂടെയുണ്ട്). കോപ്പർ ടിയുടെ ചരട്/ത്രെഡ് ചെക്ക് ചെയ്യാൻ ആദ്യ മാസങ്ങളിൽ ഡോക്ടർ/നേഴ്‌സ് പറഞ്ഞപോലെ കൃത്യമായും ചെക്ക് അപ്പിനെത്തണം. എങ്ങനെ ചെക്ക് ചെയ്യണം എന്ന് ചോദിച്ചറിയണം.
കോപ്പർ ടി ഇട്ടിട്ടും ഗർഭിണി ആവുന്നുണ്ടല്ലോ എന്ന് തോക്കിക്കേറി വെടിവെക്കുന്നൊരോട് ഇതാണുത്തരം . ഒരു ഗർഭനിരോധനമാർഗവും 100% സുരക്ഷിതമല്ല.
ഇനി മറ്റൊരു അസാധാരണപ്രവർത്തനം ഉണ്ട് copper Tക്കു . ബീജസങ്കലനം നടന്നു അഞ്ചുദിവസത്തിനുള്ളിൽ copper T ഇടുകയാണെങ്കിൽ ഉണ്ടായ ഭ്രൂണത്തിന് ഗർഭാശയഭിത്തിയിൽ പറ്റിപ്പിടിച്ചുവളരാൻ കഴിയാതെ വരുന്നു. Emergency contraception ആയി ഉപയോഗിക്കാം എന്നർത്ഥം. ബീജസങ്കലനം നടന്ന്‌ അഞ്ചു മുതൽ ഏഴുവരെയുള്ള ദിവസങ്ങളിലാണ് ഈ സിക്ത്താണ്ഡപറ്റിപ്പിടിക്കൽ നടക്കുന്നത് .
Copper T ക്കും പരാജയം സംഭവിക്കാം മറ്റേതു ഗർഭനിരോധനരീതിയും പോലെ .
കോപ്പർ ടി ഇട്ട ശേഷം ഒന്നോ രണ്ടോ ആർത്തവങ്ങളിൽ കൂടുതൽ രക്തസ്രാവവും വേദനയും ഉണ്ടായേക്കാം . ഡോക്ടർ മറന്നെങ്കിൽ അതിനുള്ള മരുന്ന് നിങ്ങൾ പ്രത്യേകം ചോദിച്ചുവാങ്ങുക.
ലൈംഗികരോഗങ്ങൾക്കു സാധ്യത കൂടിയവർ, ഒന്നിലധികം പുരുഷപങ്കാളികൾ ഉള്ള സ്ത്രീകൾ, ഒന്നിലധികം പങ്കാളികൾ ഉള്ള പുരുഷന്മാരുമായി ഇണചേരേണ്ടിവരുന്ന സ്ത്രീകൾ എന്നിവർ copper T ഉപയോഗിക്കാതിരിക്കുക . )
(3,5,10 വർഷങ്ങൾ വരെ ഉപയോഗിക്കാവുന്ന കോപ്പർ ടികൾ ഉണ്ട്)
ഉള്ളതിൽ വെച്ചേറ്റവും സുരക്ഷിതമായ ഈയൊരു ഗർഭനിരോധനമാർഗത്തെ വളച്ചൊടിച്ചു ചില മതങ്ങളുടെ താല്പര്യങ്ങൾ സംരക്ഷിക്കരുതെന്നു ഞാൻ അഭ്യർത്ഥിക്കുന്നു .
ചില നല്ല ചോദ്യങ്ങൾ.. ഉത്തരങ്ങൾ ഇതാണ്.
1) കോപ്പർ ടി ഇട്ട സ്ത്രീയുമായി ബന്ധപ്പെടുമ്പോൾ പുരുഷപങ്കാളിക്ക് കോപ്പർ ടി തട്ടി വേദന ഉണ്ടാകുമോ?
ഇല്ലാ. Noooooooo.
2)കോപ്പർ ടി ഉപയോഗിച്ചാൽ പിന്നീട് ആവശ്യമെങ്കിൽ ഗർഭം ധരിക്കാമോ.
Yes. കോപ്പർ ടി ഊരുന്നതുമുതൽ ഗർഭത്തിനു സ്വാഭാവികമായ ചാൻസ് തിരികെ കിട്ടുന്നു. കോപ്പർ ടി ഉപയോഗിക്കാവുന്ന വ്യക്തി/good candidate ആണോ എന്നത് മാത്രമാണ് പ്രശ്നം. ഉപയോഗിച്ച് നോക്കിയാലെ മനസ്സിലാവൂ. Good candidate അല്ലെങ്കിൽ, remove ചെയ്യാൻ ഡോക്ടർ നിർദേശിക്കും. കോപ്പർ ടി ഇട്ടശേഷമുള്ള ആദ്യത്തെ രണ്ടുമൂന്നു ആർത്തവചക്രങ്ങളിൽ ഡോക്ടറുടെ സേവനം ലഭ്യമാക്കണമെന്ന് പറയാൻ കാരണം ഇതുംകൂടെയാണ്.
3) ഇൻസെർട്ട് ചെയ്താൽ സെക്സ് ചെയ്യുന്നതിന് എത്ര നാൾ കാക്കണം.
ഇട്ടു കഴിഞ്ഞ് അടുത്ത നിമിഷം മുതൽ ഗർഭനിരോധനം സാധ്യമാവുന്നു.
4) കുട്ടിക്ക് 11 മാസമായി. ഇനി കോപ്പർ ടി എപ്പോൾ ഇടാം?
പ്രസവത്തിൽ മറുപിള്ള പുറന്തള്ളിയ ശേഷം വരെ ഇടാമെങ്കിലും, അണുബാധയുടെ സാധ്യത പരിഗണിച്ചു ബ്ലീഡിങ്ങും യോനീസ്രവവും നിന്ന ശേഷമാണ് കോപ്പർ ടി സാധാരണ ഇടുന്നത്. അതേ പോലെ അബോർഷൻ കഴിഞ്ഞ് സ്രവങ്ങൾ നിന്നിട്ട്. പത്തുമിനിട്ടിനുള്ളിൽ ഇടുന്നത് കൂടുതൽ ഫലപ്രദം.
5) PHസെന്ററിൽ നടക്കുമോ? എത്ര സമയം വേണം? ബൈ സ്റ്റാൻഡർ വേണമോ?.
എല്ലാ പ്രാഥമിക ആരോഗ്യകേന്ദ്രങ്ങളിലും സേവനം ലഭ്യമാക്കാൻ ട്രെയിനിങ് ലഭിച്ച സ്റ്റാഫ് ഉണ്ട്. വളരെ ചുരുങ്ങിയ സമയം മതി കോപ്പർ ടി നിക്ഷേപിക്കാൻ. ക്ലീൻ ചെയ്യാനും ഇടാനും മിനിട്ടുകൾ.
6) വേദന ഉണ്ടാവുമോ ?
ചെറിയ വേദന പ്രതീക്ഷിക്കുക. Periods കഴിഞ്ഞ അടുത്ത ദിവസങ്ങളിൽ വേദന കുറവാണ്. ഗർഭാശയഗളത്തിന്റെ പേശികൾ ഉപകരണം കൊണ്ട് പിടിക്കുമ്പോൾ ഒരു ചെറിയ വേദന ഉണ്ടാകാം. കോപ്പർ ഇട്ടു കഴിയുമ്പോൾ ആ വേദന പൂർണമായും മാറും. അടുത്ത periods ചിലപ്പോൾ സാധാരണയിൽ കവിഞ്ഞു വേദന കാണാം. Pain killers എടുക്കാവുന്നതാണ്. രക്തസ്രാവം കൂടുതലാണെങ്കിൽ അതിന്റെ മരുന്നും ഡോക്ടർ നിർദേശിക്കും.
7) കോപ്പർ ടി ഉപയോഗിച്ചാൽ അഥവാ ഉണ്ടാവുന്ന ഗർഭം ട്യൂബിൽ ആകുമോ?
ട്യൂബിൽ അല്ലെങ്കിൽ ectopic ഗർഭം എന്ന റിസ്ക് കോപ്പർ ടി ഉപയോഗിക്കുന്നവരിലും ഇല്ലാത്തവരിലും ഒരേപോലെയാണ് കാണുന്നത് എന്ന് പുതിയ പഠനങ്ങൾ തെളിയിക്കുന്നു. . എന്നാൽ കോപ്പർ ടി ഗർഭാശയഗർഭത്തെ ഫലപ്രദമായി തടയുന്നത് കാരണം, പരാജയം നടക്കുകയാണെങ്കിൽ ആ ഗർഭം ectopic ആവുകയാണ് ചെയ്യുന്നത്. അല്ലാതെ, ഭയക്കുന്നപോലെ കോപ്പർ ടി കാരണമല്ല ട്യൂബിൽ ഗർഭം ഉണ്ടാവുന്നത്.
8) വിവാഹിതരായവർക്ക് മാത്രമാണോ കോപ്പർ ടി.
പ്രസവം കഴിഞ്ഞ സ്ത്രീകളിൽ ആണ് കൂടുതൽ സേഫ് എന്നായിരുന്നു ആദ്യകാല ധാരണകൾ. എന്നാൽ ഗർഭധാരണത്തെ മുൻനിർത്തി പ്രസവിക്കാത്തവർക്കും സുരക്ഷിതമാണെന്ന് പുതിയപഠനങ്ങൾ പറയുന്നുണ്ട്. സമൂഹസദാചാരത്തെ മുൻനിർത്തി ഡോക്ടർമാർ ഇതിൽ വ്യത്യസ്ത അഭിപ്രായങ്ങൾ കാണിച്ചേക്കാം. തിരുത്തലുകൾ ഉണ്ടാകേണ്ടതുണ്ട്.
9) കോപ്പർ ടി ഇട്ടാൽ മെലിയുമോ?
ഇല്ലാ.
എന്തുകൊണ്ട് ഇങ്ങനെയൊരു സംശയം? കാരണം, പലപ്പോഴും പ്രസവശേഷം മൂന്നാം മാസമൊക്കെയാണ് കോപ്പർ ഇടാറുള്ളത്. അപ്പോഴേക്കും വിവിധഅശാസ്ത്രീയഭക്ഷണരീതികൾ കൊണ്ട് സ്ത്രീശരീരം തടിച്ചുകാണും. മൂന്ന് മാസം ആകുമ്പോഴേക്കും പഴയ ഭാരിച്ച ജോലികൾ, കുട്ടിയെ നോക്കൽ, മുലയൂട്ടുന്നതുകൊണ്ട് രാത്രി ഉറക്കം ഇല്ലാതാകൽ എന്നിവ കാരണം സ്ത്രീശരീരം ക്ഷീണിക്കും. ഇതിനെയാണ് കോപ്പർ ടി ഇട്ടതുമായി ബന്ധിപ്പിച്ചുപോകുന്നത്.
ലൈംഗികപ്രശ്നങ്ങള്‍ ഒരു വ്യക്തിയുടെ ലൈംഗിക ജീവിതത്തിന്റെ പ്രാരംഭദശയില്‍ തന്നെയോ, വളരെക്കാലത്തെ സുഖകരമായ ലൈംഗികാനുഭവങ്ങള്‍ക്ക് ശേഷമോ സംഭവിക്കുന്നതാവാം. പൊടുന്നനയോ സാവധാനമായോ വന്നു ചേരുന്ന ഈ കയ്പേറിയ അനുഭവം ലൈംഗികാനന്ദത്തിലെ വിവിധ ഘട്ടങ്ങളില്‍ അനുഭവഭേദ്യമാവാം. ഇവയുടെ കാരണം ശാരീരികമോ, മാനസികമോ, രണ്ടുംകൂടിയോ ആകാം.
ലൈംഗിക ബലഹീനത അഥവാ ഉദ്ധാരണക്കുറവ് എന്നതുകൊണ്ടു ഉദ്ദേശിക്കുന്നത് ഒരു പുരുഷന്റെ ലിംഗം സംതൃപ്തി നല്‍കുന്ന രീതിയിലോ, യോനി പ്രവേശനത്തിന് യോഗ്യമായ രീതിയിലോ ഉദ്ധരിക്കപ്പെടാത്ത അവസ്ഥയാണ്. നിരവധി പുരുഷന്മാരുടെയും അവരുടെ പങ്കാളികളുടെയും ലൈംഗിക സംതൃപ്തിയെ വിവിധ രീതിയില്‍ ബാധിക്കുന്ന നിരാശയുളവാക്കുന്ന ഒരു അവസ്ഥയാണിത്.
യുവത്വത്തിന്റെ ആരംഭകാലങ്ങളില്‍തന്നെ, ഇരുപതുകളുടെ അവസാനവും മുപ്പതുകളുടെ ഇടയിലുമുള്ള നിരവധി പേര്‍ ഇത്തരം പ്രശ്നങ്ങള്‍ക്ക് പ്രതിവിധി തേടി വരുന്നത് ഇന്ന് ധാരാളമായി കാണാം.
അനവധി പേരില്‍ ശരിയായ ലൈംഗികാനന്ദം ലഭിക്കാത്ത അവസ്ഥ വരികയോ, രതിമൂര്‍ച്ചയുടെ അളവ് കുറയുകയോ, ലൈംഗിക ബന്ധങ്ങള്‍ക്കിടയിലുള്ള സമയം കൂടി വരികയോ ചെയ്യാറുണ്ട്. ഉദ്ധാരണത്തിന് ആവശ്യമായതിലേറെ സമയം വേണ്ടിവരികയും, ശരിയായ ഉദ്ധാരണം ലഭിക്കാതെ ലിംഗം തളര്‍ന്നിരിക്കുന്നതും അതിശക്തമായ പ്രചോദനത്തില്‍ മാത്രം ഉദ്ധരിക്കപ്പെടുന്നതും പലരിലും കാണാറുണ്ട്.
ഒരു പുരുഷനെന്ന നിലയില്‍ ആത്മാഭിമാനത്തിന് മുറിവേല്‍ക്കുന്നതോടൊപ്പം ലൈംഗിക പങ്കാളിയില്‍ നിരാശയും വെറുപ്പും ഉളവാക്കുവാനും ഇത് കാരണമാവുന്നു. യഥാസമയം ചികിത്സ തേടേണ്ട ഏതെങ്കിലും ശാരീരികമോ മാനസികമോ ആയ കാരണങ്ങളാകാം മിക്കപ്പോഴും ഉദ്ധാരണക്കുറവിന് പിന്നില്‍ പ്രവര്‍ത്തിക്കുന്നത്.
അടുത്തകാലം വരെ ഉദ്ധാരണ പ്രശ്നങ്ങള് പുറത്ത് പറയാന്‍ നിഷിദ്ധമായ ഒരു വിഷയമായിരുന്നു. കാലം മാറിയതോടെ ധാരാളം പേര്‍ വിദഗ്ദ ചികിത്സക്കായി എത്തുന്നതുകൊണ്ട് ഡോക്ടര്മാര് തന്നെ ഈ പ്രശ്നങ്ങളെക്കുറിച്ച് കൂടുതല്‍ മാനസ്സിലാക്കുവാനും ആവശ്യമായ നിര്‍ദ്ദേശങ്ങളും ചികിത്സകളും നല്‍കുവാനും കൂടുതല്‍ ശ്രദ്ധിച്ചുവരുന്നു.
രോഗലകഷണങ്ങള്‍
ഉദ്ധാരണപ്രശ്നങ്ങളുണ്ടെന്ന് മനസ്സിലാക്കുവാനുള്ള മാര്‍ഗ്ഗം:
പുരുഷ പ്രജനന പ്രക്രിയ
ഒരു പുരുഷന്‍ ലൈംഗികമായി ഉത്തേജിതനാവുമ്പോള്‍ ശരീരത്തിലെ ഞരമ്പുകളുടെ പ്രവര്‍ത്തനം മൂലം ലിംഗാഗ്രം വരെ എത്തുന്ന രകതധമനികളിലേക്ക് സാധാരണാവസ്ഥയേക്കാള്‍ പത്തിരട്ടിയിലധികം ശക്തിയിലും അളവിലും രക്തം ഒഴുകിയെത്തി ധമനികളെ നിറയ്ക്കുകയും ലിംഗോദ്ധാരണം നടക്കുകയും ചെയ്യുന്നു. ഇതിനെത്തുടര്‍ന്ന് ലിംഗോത്തേജനം നിലനില്ക്കുന്നിടത്തോളം രകതചംക്രമണം തുടരുകയും ശകതിപ്പെടുകയും ഉദ്ധാരണം നിലനില്‍ക്കുകയും ചെയ്യുന്നു. സ്ഖലനം സംഭവിച്ചശേഷം അഥവാ ലൈംഗികോത്തേജനം അവസാനിക്കുമ്പോള്‍ മൃദുലമായ ധമനികളില്‍ നിന്നും അധികരകതം തിരിച്ചൊഴുകുകയും ലിംഗം ഉദ്ധരിക്കപ്പെടാത്ത പൂര്‍വ്വാവസ്ഥയിലേക്ക് മാറുകയും ചെയ്യുന്നു.
പുരുഷലൈംഗിക പ്രശ്നങ്ങളില്‍ സാധാരണമായ ശാരീരിക കാരണങ്ങള്‍
ശാരീരികമല്ലാത്ത കാരണങ്ങള്‍
എപ്പോഴാണ് വിദഗ്ദോപദേശം ആവശ്യമാകുന്നത് ?
ചുരുക്കം ചില അവസരങ്ങളില്‍ ലൈംഗികോദ്ധാരണം ലഭിക്കാതെ വരുന്നത് സാധാരണമാണ്. രണ്ട് മാസത്തിലധികം ഉദ്ധാരണ പ്രശ്നം നിലനില്‍ക്കുകയാണെങ്കില്‍ അഥവാ തുടര്‍ച്ചയായി ഇത്തരം പ്രശ്നങ്ങള് വരുന്നുണ്ടെങ്കില്‍ ലൈംഗീക രോഗ വിദക്ദ്ധന്റെ ഉപദേശം തേടേണ്ടത് സംതൃപ്തമായ ജീവിതത്തിനത്യാവശ്യമാണ്. മറ്റുള്ളവരുടെ ജീവിതവുമായി പരീക്ഷണം നടത്തുന്ന അല്പജ്ഞാനികളായ “മുറിവൈദ്യന്മാരെയും” എല്ലാ പ്രശ്നത്തിനും പരിഹാരം നല്‍കുന്ന “സര്‍വ്വജ്ഞാനികളായ” കുട്ടരേയുമല്ല ഈ പ്രശ്നങ്ങള്‍ക്ക് സമീപിക്കേണ്ടത്. മറിച്ച് ഇത്തരം കാര്യങ്ങളില്‍ ചികിത്സാനൈപുണ്യം നേടിയിട്ടുള്ള ലൈംഗികരോഗവിദഗ്ധന് നിങ്ങളുടെ പ്രശ്നങ്ങളുടെ അടിസ്ഥാന കാരണങ്ങള്‍ മനസ്സിലാക്കി യഥാര്‍ത്ഥ പ്രതിവിധികള്‍ നിര്‍ദ്ദേശിക്കാനും മരുന്നുകള്‍ നല്‍കുവാനും കഴിയും. ഉദ്ധാരണ പ്രശ്നങ്ങള് പുറത്ത് പറയാന്‍ മടിക്കുന്ന ഒരു വ്യകതിഗത പ്രശ്നമായി നിങ്ങള്‍ക്ക് തോന്നിയേക്കാമെങ്കിലും വിദഗ്ദോപദേശം നേടാന്‍ ഒരിക്കലും മടി കാണിക്കരുത്. 98% പേരിലും ഇത് ചികിത്സിച്ച് ഭേദമാക്കാവുന്നതേയുള്ളു.
സ്ത്രീകളിലെ രതിമൂര്‍ച്ഛ’ എന്നും ഗവേഷകര്‍ക്ക് ഇഷ്ടവിഷയമാണ്. എന്നും എപ്പോഴും പഠനങ്ങള്‍ നടക്കുന്ന വിഷയം. ദിനം‌പ്രതി പുതിയ കണ്ടെത്തലുമായി ഡോക്ടര്‍മാരും ഗവേഷകരും എത്തുന്നു. സ്ത്രീയെ എങ്ങനെ ആനന്ദിപ്പിക്കാമെന്ന കാര്യത്തില്‍ നടക്കുന്ന ഇത്തരം പഠനങ്ങള്‍ക്ക് പുരുഷന്‍‌മാരും എന്നും താല്‍പ്പര്യം കാണിച്ചിട്ടുണ്ട്.
സ്ത്രീകളിലെ രതിമൂര്‍ച്ഛയെ സംബന്ധിച്ച രഹസ്യങ്ങളെക്കുറിച്ച് ഒട്ടേറെ പുസ്തകങ്ങളും വിപണിയിലുണ്ട്. ഇതാ ഈ വിഷയത്തെക്കുറിച്ചുള്ള ചില കാര്യങ്ങള്‍:
1. രതിമൂര്‍ച്ഛ അത്ര എളുപ്പമല്ല. മിക്ക സ്ത്രീകള്‍ക്കും ഭഗശിശ്നികയിലോ ജി സ്പോട്ടിലോ 20 മിനിട്ടോളം ഉദ്ദീപനം ഉണ്ടായാല്‍ മാത്രമേ രതിമൂര്‍ച്ഛ ഉണ്ടാവാറുള്ളു. ഇത് പൂര്‍വ്വ ലീലകള്‍ വഴിയോ സംഭോഗം വഴിയോ ആവാം. എന്നാല്‍ സ്ത്രീകളില്‍ 24 മുതല്‍ 37 വരെ ശതമാനം പേര്‍ക്ക് രതിമൂര്‍ച്ഛ അനുഭവിക്കാന്‍ കഴിയാറില്ല. മരുന്നുകളുടെ ഉപയോഗമോ ദുരുപയോഗമോ, മാനസിക പ്രയാസങ്ങളോ, അമിത മദ്യപാനം, പുകവലി എന്നിവയോ ആര്‍ത്തവ വിരാമമോ ഒക്കെ ഇതിന് കാരണമാകുന്നു.
2. രതിമൂര്‍ച്ഛ സംബന്ധമായ തകരാറുകള്‍ ഉള്ളവര്‍ക്ക് പ്രശ്ന പരിഹാരത്തിനായി ചില കുറുക്കുവഴികള്‍ ഉണ്ട്. ഇതിലൊന്ന്, കോഗ്നിറ്റി ബിഹേവിയറല്‍ തെറാപ്പി എന്ന മന:ശാസ്ത്ര ചികിത്സയാണ്. മറ്റൊന്ന് ടെസ്റ്റോ സ്റ്റെറോണ്‍ ഉപയോഗിച്ചുള്ള ഹോര്‍മോണ്‍ ചികിത്സ.
3. സ്ത്രീകളിലെ രതിമൂര്‍ച്ഛ ഗര്‍ഭധാരണം എളുപ്പമാക്കുന്നു. സന്താനോത്പ്പാദന പ്രക്രിയ എളുപ്പത്തില്‍ നടക്കാനുള്ള ഒരു ശാരീരിക പ്രക്രിയയാണ് രതിമൂര്‍ച്ഛ എന്നാണ് ചില ഗവേഷകര്‍ പറയുന്നത്. രതിമൂര്‍ച്ഛാ സമയത്ത് ഓക്സിടോസിന്‍ എന്ന ഹോര്‍മോണ്‍ കൂടിയ അളവില്‍ ഉണ്ടാവുന്നു. ബീജത്തെ അണ്ഡത്തിലേക്ക് അനുനയിച്ച് കൊണ്ടുപോകാനുള്ള യോനീ നാളത്തിന്‍റെ ശേഷിയെ ഇത് വര്‍ദ്ധിപ്പിക്കുന്നു.
4. സ്വയംഭോഗം നല്ലതാണ്. കാരണം, സ്വയംഭോഗത്തിനൊടുവില്‍ എന്തായാലും രതിമൂര്‍ച്ഛയില്‍ എത്തിച്ചേരുമല്ലോ! ഒരുതരത്തില്‍ സ്വയംഭോഗം ആരോഗ്യത്തിന് ഗുണകരമാണെന്നാണ് ചില ഗവേഷണങ്ങളുടെ സൂചന. ആര്‍ത്തവ സംബന്ധമായ കൊളുത്തിപ്പിടിത്തം, മറ്റ് ശാരീരിക വേദനകള്‍ എന്നിവ കുറയ്ക്കാന്‍ രതിമൂര്‍ച്ഛയ്ക്ക് കഴിയും. അതേ പോലെ തന്നെ മാനസിക പിരിമുറുക്കങ്ങള്‍ ഒഴിവാക്കാനും അതിനു സാധിക്കും.
5. രതിമൂര്‍ച്ഛ രോഗങ്ങള്‍ മാറ്റാന്‍ ഉതകും. പ്രാചീന ഗ്രീസിലേതു മുതല്‍ ഫ്രോയിഡിന്‍റേതു വരെയുള്ള കാലത്ത് ഹിസ്റ്റീരിയ പോലുള്ള രോഗങ്ങള്‍ മാറ്റാനായി ഡോക്ടര്മാര് സ്ത്രീയില്‍ രതിമൂര്‍ച്ഛ ഉണ്ടാക്കുകയും അങ്ങനെ രോഗം മാറ്റാനുള്ള പുതിയ വഴി നിര്‍ദ്ദേശിക്കുകയും ചെയ്തിരുന്നു. 1800കളുടെ ഒടുവില്‍ മുതല്‍ വൈബ്രേറ്റര്‍ എന്ന ഉപകരണം ഉപയോഗിച്ചായിരുന്നു ഇങ്ങനെ കൃത്രിമമായ രതിമൂര്‍ച്ഛ ഉണ്ടാക്കിയിരുന്നത്. ഇപ്പോള്‍ ഫലപ്രദമായ ആധുനിക ഉപകരണങ്ങള്‍ വിപണിയിലുണ്ട്.
ജോണ്‍ ഹോപ്‌കിന്‍സ് യൂണിവേഴ്‌സിറ്റി പ്രസ് പുറത്തിറക്കിയ ‘രതിമൂര്‍ച്ഛയുടെ ശാസ്ത്രം’ എന്ന പുസ്തകത്തില്‍ ന്യൂറോ ശാസ്ത്രകാരന്‍ ബാരി ആര്‍ കോമിസാരുഖ്, ആന്തരിക ഗ്രന്ഥി വിദഗ്ധന്‍ കാര്‍ലോസ് ബെയര്‍ ഫ്ലോറസ്, സെക്സ് ഗവേഷകന്‍ ബെവെര്‍ലി വിപ്പിള്‍ എന്നിവര്‍ സ്ത്രീകളിലെ രതിമൂര്‍ച്ഛയെക്കുറിച്ചുള്ള ഒട്ടേറെ പഠനരഹസ്യങ്ങള്‍ വെളിപ്പെടുത്തിയിട്ടുണ്ട്.
