close

ചോദ്യങ്ങൾ

ആരോഗ്യംചോദ്യങ്ങൾവൃക്തിബന്ധങ്ങൾ Relationship

മികച്ച പേരന്‍റിംഗിന് ടിപ്സ്

by blogadmin ആരോഗ്യംചോദ്യങ്ങൾവൃക്തിബന്ധങ്ങൾ Relationship on

പേരന്‍റിംഗ് എന്നത് ലളിതമായ സംഗതിയല്ല. മറിച്ച് അതൊരു ഹാർഡ് വർക്കാണ്

മികച്ചൊരു രക്ഷാകർത്താവിനെ രൂപപ്പെടുത്തുന്നത് അവരുടെ പ്രവൃത്തി മാത്രമല്ല അത് നടപ്പിലാക്കാനുള്ള അവരുടെ ശക്തമായ താൽപര്യം കൂടിയാണ്. കുട്ടികളുടെ ക്ഷേമം മുൻനിർത്തി തീരുമാനമെടുക്കാൻ ശ്രമിക്കുന്നവരാണ് മികച്ച പേരന്‍റ് എന്ന് പറയാം.

എല്ലാം തികഞ്ഞ ഒരു രക്ഷാകർത്താവ് നൂറുശതമാനം പെർഫക്റ്റ് ആകണമെന്നില്ല. ഒരു കുട്ടിയും പെർഫക്റ്റല്ല. ഈ ലോകത്ത് എല്ലാം തികഞ്ഞവരായി ആരും തന്നെയില്ല. മനസിൽ പ്രതീക്ഷകൾ സെറ്റ് ചെയ്യുമ്പോൾ ഈയൊരു യാഥാർത്ഥ്യം ഉൾക്കൊണ്ടു വേണം മനസിൽ പ്രതീക്ഷകൾ സെറ്റ് ചെയ്യാൻ. മികച്ച പേരന്‍റിംഗ് എന്നത് പൂർണ്ണത കൈവരിക്കലല്ല. എന്നുവച്ച് അതിനുവേണ്ടി പ്രവർത്തിക്കാതിരിക്കുക എന്നർത്ഥവുമില്ല. രക്ഷാകർത്താക്കൾ സ്വയം ഉയർന്ന നിലവാരം പുലർത്തുക. അതുപോലെ കുട്ടികൾക്ക് മികച്ച റോൾ മോഡലാവുക.

എങ്ങനെ മികച്ചൊരു പേരന്‍റാകാം, അതിനുള്ള ചില വഴികളിതാ:-

മികച്ച പേരന്‍റിംഗ് സ്കില്ലുകൾ:

പരിശീലിക്കുകയെന്നുള്ളതാണ് ആദ്യ ചുവട്. മോശം സ്കില്ലുകൾ ഒഴിവാക്കുക, അവയിൽ പലതും അത്രയെളുപ്പമുള്ളതാകണമെന്നില്ല. മാത്രവുമല്ല അവയെല്ലാം തന്നെ പ്രാവർത്തികമാകണമെന്നുമില്ല. എന്നാൽ അതിൽ ചിലത് ഫോളോ ചെയ്താൽ തന്നെ പേരന്‍റിംഗിന്‍റെ ശരിയായ ദിശയിലേക്കാണ് സഞ്ചരിക്കുന്നതെന്ന് ഉറപ്പുവരുത്താം.

നല്ലൊരു റോൾ മോഡലാവുക

മികച്ച പേരന്‍റാവുമ്പോൾ തന്നെ നിങ്ങൾ ലക്ഷ്യത്തിലേക്ക് സഞ്ചരിച്ച് തുടങ്ങിയെന്ന് തന്നെ പറയാം. നിങ്ങൾ ആഗ്രഹിക്കുന്ന കാര്യം കുട്ടികൾ ചെയ്തിരിക്കണമെന്ന് ശഠിക്കരുത്. മറിച്ച് നിങ്ങളത് ചെയ്ത് കാട്ടികൊടുക്കുക.

മാതാപിതാക്കൾ ചെയ്യുന്നതെന്തും കുഞ്ഞുങ്ങൾ സൂക്ഷ്മതയോടെ ശ്രദ്ധിക്കുന്നുണ്ട്. നിങ്ങളുടെ കുഞ്ഞുങ്ങൾ എന്ത് ചെയ്യണമെന്നാണോ നിങ്ങൾ ആഗ്രഹിക്കുക അത് നിങ്ങൾ ചെയ്ത് കാട്ടികൊടുക്കുക. കുട്ടികളെ സ്നേഹിക്കുക, പ്രവർത്തിയിലൂടെ ബഹുമാനിക്കുക. അവരുടെ മുന്നിൽ പോസിറ്റീവായ മനോഭാവവും സ്വഭാവവും പ്രദർശിപ്പിക്കുക. കുട്ടികളുടെ വികാരങ്ങളെ സഹാനുഭൂതിയോടെ സമീപിക്കുക.

കുട്ടികളെ സ്നേഹിക്കുക പ്രവർത്തിയിലൂടെ കാട്ടി കൊടുക്കുക

കുഞ്ഞുങ്ങളെ വാനോളം അല്ലെങ്കിലും അതിനുമപ്പുറം പരിധികളില്ലാതെ സ്നേഹിക്കുകയെന്നതിൽപ്പരം മറ്റൊന്നുമില്ല സ്നേഹിച്ചതുകൊണ്ട് അവർ വഷളായി പോവുകയുമില്ല. പക്ഷെ അവരോട് സ്നേഹം കാട്ടുന്നത് ഏത് രീതിയിലാണെന്ന കാര്യത്തിൽ തെരഞ്ഞെടുപ്പ് ആവശ്യമാണ് – അതായത് സമ്മാനങ്ങൾ, വസ്തുക്കൾ നൽകി കൊണ്ട്, ഓവർ പ്രൊട്ടക്ഷൻ, സൗമ്യഭാവം, കുറഞ്ഞ പ്രതീക്ഷ എന്നിവയാണവ. യഥാർത്ഥ സ്നേഹത്തിന്‍റെ സ്‌ഥാനത്ത് ഇത്തരം കാര്യങ്ങൾ സ്ഥാനം പിടിച്ചാൽ കുട്ടികൾ വഷളായി പോകും.അവരുടെ കാര്യങ്ങൾ നിത്യവും ഗൗരവപൂർവ്വം ശ്രവിക്കുക, അവരോടൊപ്പം സമയം ചെലവഴിക്കുക, അവരെ ആശ്ലേഷിക്കുക എന്നിവ പോലെ വളരെയെളുപ്പമാണ് അവരെ സ്നേഹിക്കുകയെന്നത്.

അവരോട് ഇത്തരത്തിൽ സ്നേഹം പ്രകടിപ്പിക്കുന്നതിലൂടെ ഓക്സിടോസിൻ പോലെയുള്ള ഫീൽഗുഡ് ഹോർമോണുകൾ രൂപപ്പെടും. ഇത്തരം ന്യൂറോ കെമിക്കലുകൾ രക്ഷാകർത്താക്കളിൽ ശാന്തവും സ്വച്ഛവുമായ മാനസികാവസ്‌ഥ സൃഷ്ടിക്കും. ഒപ്പം ഊഷ്മളമായ മാനസികാവസ്‌ഥയും സംതൃപ്തിയും സൃഷ്ടിക്കപ്പെടും. ഇതിൽ നിന്നും കുഞ്ഞുങ്ങൾ സമ്പൂർണ്ണമായ ശക്തിയാർജ്ജിക്കും.

അനുകമ്പയും ഉറച്ച പോസിറ്റിവിറ്റിയുമുള്ള പേരന്‍റിംഗ്

കുഞ്ഞുങ്ങൾക്ക് പോസീറ്റിവായ അനുഭവങ്ങൾ പകർന്നു നൽകാം. അവർക്ക് അത്തരമനുഭവങ്ങൾ അറിയാനുള്ള അവസരങ്ങൾ നൽകാം. കുട്ടികൾക്കൊപ്പം മാരത്തൺ ഓട്ടത്തിന് പങ്കാളിയാവുക. കുട്ടികളെയും കൂട്ടി പാർക്കിലും മറ്റും പോവുക. നേരമ്പോക്കുകളിലും ഗെയിമുകളിലും അവർക്കൊപ്പം ചേരുക, പൊട്ടിച്ചിരിക്കുക. പ്രശ്നങ്ങൾക്ക് ഒരുമിച്ചിരുന്ന് പരിഹാരം കാണുക.

ഇത്തരം പോസിറ്റീവായ അനുഭവങ്ങൾ കുട്ടിയുടെ മസ്തിഷ്കത്തിൽ ശരിയായ കണക്ഷൻ സൃഷ്ടിക്കുമെന്ന് മാത്രമല്ല മാതാപിതാക്കളെപ്പറ്റിയുള്ള നല്ല ഓർമ്മകൾ അവരുടെ മനസിൽ അവശേഷിപ്പിക്കാൻ സഹായിക്കും.

ശിക്ഷാ നടപടികൾ വേണ്ട

എന്താണ് ശരി എന്താണ് തെറ്റ് എന്നുള്ളത് കുട്ടികളെ പഠിപ്പിക്കുക. നിയമങ്ങൾ നടപ്പിലാക്കുമ്പോൾ പരിധികൾ നിശ്ചയിക്കുന്നതും അവ സ്‌ഥിരതയുള്ളതായിരിക്കുന്നതും കുട്ടികളിൽ അച്ചടക്കബോധം വളർത്താൻ അനിവാര്യങ്ങളാണ്. കുട്ടികളുടെ സ്വഭാവരൂപീകരണത്തിന് മുൻതൂക്കം നൽകുക. അവർ തെറ്റ് ചെയ്‌തതിന് പിന്നിലുള്ള കാരണമറിയുക. എടുത്തു ചാട്ടം ഹൃസ്വമായ ആശ്വാസമെ ഉണ്ടാക്കൂ. ആ സമയത്ത് അത് രക്ഷിതാക്കൾക്ക് ഏറ്റവുമാവശ്യമാകാം.

എന്നാൽ ഇത് കുട്ടികളെ പഠിപ്പിക്കാൻ പറ്റിയ കാര്യമില്ല. ഏത് പ്രശ്നത്തിനും വയലൻസിലൂടെ പരിഹാരം കണ്ടെത്താം എന്ന മാതൃകയാണ് രക്ഷിതാക്കൾ കുട്ടികളെ ശിക്ഷിക്കുന്നതിലൂടെ കാട്ടികൊടുക്കുന്നത്. അത്തരത്തിൽ മാതാപിതാക്കളിൽ നിന്നും കഠിനമായ ശിക്ഷകൾ ഏറ്റുവാങ്ങുന്ന കുട്ടികൾ മറ്റ് കുട്ടികളോട് കലഹിക്കാനും ദേഹോപദ്രവം ഏൽപ്പിക്കാനും സാധ്യതയേറെയാണ്. അതുപോലെ അവർ ഉപയോഗിക്കുന്ന വാക്കുകളും മോശമാകാം.

മാതാപിതാക്കൾ കുഞ്ഞുങ്ങളുടെ സ്വർഗ്ഗമാവുക

ആവശ്യമുള്ളപ്പോൾ ഏത് സമയത്തും മാതാപിതാക്കൾ ഒപ്പമുണ്ടാകുമെന്ന ബോധ്യം കുട്ടികളിൽ സൃഷ്ടിക്കുക. കുട്ടികളെ വ്യക്‌തികളായി അംഗീകരിക്കുകയും പിന്തുണയ്ക്കുകയും ചെയ്യുക. സങ്കടം വരുമ്പോൾ കുട്ടികൾക്ക് ഓടിയെത്താനുള്ള ആശ്വാസ തണലാകണം മാതാപിതാക്കൾ.

കുട്ടികളോട് സംസാരിക്കുക

ആശയവിനിമയത്തിന്‍റെ പ്രാധാന്യം ഭൂരിഭാഗം മാതാപിതാക്കൾക്കും അറിയാവുന്ന ഒന്നാണ്. കുട്ടികളോട് സംസാരിക്കുക. അവർക്ക് പറയാനുള്ള കാര്യങ്ങൾ ക്ഷമയോടെ കേൾക്കുക. കുട്ടികളുമായി തുറന്ന ആശയവിനിമയം സാധ്യമാക്കുന്നതിലൂടെ അവരുമായി മികച്ചയൊരു ബന്ധം സൃഷ്ടിക്കപ്പെടുകയാണ് ചെയ്യുന്നത്. അങ്ങനെയായാൽ എന്ത് പ്രശ്നമുണ്ടായാലും അവർ മാതാപിതാക്കളെ അറിയിക്കാൻ മുതിരും.

എന്നാൽ ആശയവിനിമയത്തിന് ശക്തമായ മറ്റൊരു കാരണം കൂടിയുണ്ട്. അവന്‍റെ /അവളുടെ മസ്തിഷ്കത്തിന്‍റെ വിവിധ ഭാഗങ്ങളുമായി മികച്ച കോർഡിനേഷന് ആശയവിനിമയത്തിലൂടെ മാതാപിതാക്കൾ അവരെ സഹായിക്കുകയാണ് ചെയ്യുന്നത്. ആരോഗ്യമുള്ള ശരീരത്തിന് ശരീരത്തിന്‍റെ വിവിധ ഭാഗങ്ങൾ കോർഡിനേറ്റ് ചെയ്യുകയും പ്രവർത്തിക്കുകയും വേണം.

മസ്തിഷ്കത്തിന്‍റെ വിവിധ ഭാഗങ്ങൾ സംയോജിച്ച് സമാധാനപൂർണ്ണമായി പ്രവർത്തിക്കുന്നു. അതായത് ദേഷ്യം, വെറുപ്പ്, വിദ്വേഷം എന്നീ വികാരങ്ങൾ കുറയുകയും സഹകരണ മനോഭാവത്തോടെയുള്ള സ്വഭാവം പ്രദർശിപ്പിക്കുകയും മികച്ച മാനസികാവസ്‌ഥ രൂപപ്പെടുകയും ചെയ്യുന്നു. അത്തരം അവസ്‌ഥ സംജാതമാകുന്നതിന് മാതാപിതാക്കൾ അവരുമായി മികച്ച ആശയവിനിമയം സൃഷ്ടിക്കുകയാണ് വേണ്ടത്. അവരുടെ വേദനകളെ മനസിലാക്കുക. അവരുടെ പ്രശ്നങ്ങൾക്ക് മാതാപിതാക്കൾ പരിഹാരം കണ്ടെത്തി നൽകണമെന്നില്ല. മാത്രവുമല്ല അതിനുള്ള ഉത്തരങ്ങൾ മാതാപിതാക്കൾ കണ്ടെത്തേണ്ടതുമില്ല. ആശയവിനിമയത്തിലൂടെ അതിനുള്ള പരിഹാരങ്ങൾ അവർ സ്വയം കണ്ടുപിടിച്ചു കൊള്ളും.

സ്വന്തം ബാല്യകാലം പ്രതിഫലിപ്പിക്കുക

സ്വന്തം മാതാപിതാക്കളിൽ നിന്നും വ്യത്യസ്തരാകണമെന്ന് ചിന്തിക്കുന്നവരും പ്രവർത്തിക്കുന്നവരുമാണ് ഭൂരിഭാഗം രക്ഷിതാക്കളും സന്തുഷ്ടി നിറഞ്ഞ ബാല്യകാലമുണ്ടായിരുന്നവർ പോലും സ്വന്തം മാതാപിതാക്കളേക്കാൾ ചില മേഖലകളിൽ വ്യത്യസ്തത പുലർത്താമെന്ന് ആഗ്രഹിക്കുന്നവരാണ്. പക്ഷെ, വായ തുറന്നാൽ തങ്ങളുടെ മാതാപിതാക്കൾ എങ്ങനെയാണോ സംസാരിച്ചിരുന്നത് അപ്രകാരമാവും സ്വന്തം കുട്ടികളോട് ഇത്തരം മാതാപിതാക്കൾ സംസാരിക്കുക. അതായത് സ്വന്തം ബാല്യകാലത്തെ തന്നെയാണ് നാം കുട്ടികളിലും പ്രതിഫലിപ്പിക്കുന്നതെന്ന് സാരം. അതുകൊണ്ട് എവിടെ, ഏതെല്ലാം കാര്യങ്ങളിലാണ് മാറ്റം വരുത്തേണ്ടതെന്നതിനെപ്പറ്റി കുറിപ്പ് എഴുതി വയ്ക്കുക. അതെങ്ങനെയാണ് മാറ്റേണ്ടതെന്നും എഴുതി വയ്ക്കാം. ഇക്കാര്യങ്ങൾ തികഞ്ഞ ആത്മാർത്ഥതയോടെ പരിഷ്ക്കരിക്കാൻ ശ്രമിക്കുന്നതിലൂടെ കാര്യങ്ങൾ എളുപ്പമാകും. തുടക്കത്തിൽ വിജയകരമാകണമെന്നില്ല. ശ്രമം ഉപേക്ഷിക്കരുത്. പരിശ്രമിക്കുക. നിരന്തരമായ പരിശ്രമത്തിലൂടെ കുട്ടികളെ വളർത്തുന്ന രീതികളിൽ കാതലായ മാറ്റം കൊണ്ടുവരാൻ സാധിക്കും.

സ്വന്തം കാര്യത്തിലും ശ്രദ്ധ നൽകാം

സ്വന്തം മാനസികവും ശാരീരികവുമായ ആരോഗ്യ കാര്യത്തിൽ മാതാപിതാക്കൾ ശ്രദ്ധ നൽകണം. ദാമ്പത്യ ജീവിതം ശക്തിപ്പെടുത്താൻ ക്വാളിറ്റി ടൈം വിനിയോഗിക്കാം. മാനസിക സമ്മർദ്ദം അനുഭവിക്കുന്ന രക്ഷിതാക്കൾ പരസ്പരം കലഹിക്കാനുള്ള സാധ്യത കൂടുതലായിരിക്കും. സ്വന്തം കാര്യത്തിന് മാത്രമായുള്ള സമയം ഓരോ രക്ഷിതാവിനും ആവശ്യമാണ്. മനസിനെ റിജുവനേറ്റ് ചെയ്യാൻ സെൽഫ് കെയർ ആവശ്യമാണ്.

വ്യക്‌തമായ കാഴ്ചപ്പാട് ഉണ്ടാവുക

ഏത് രക്ഷിതാവിനേയും പോലെ കുട്ടികൾ മികച്ച വ്യക്‌തികളാവണമെന്നും സഹജീവികളോട് അനുഭാവപൂർവ്വം പെരുമാറണം.

വിദ്യാഭ്യാസ കാര്യങ്ങളിൽ മികവു പുലർത്തണമെന്നും നല്ല ജീവിതം അവർക്ക് ഉണ്ടാകണമെന്നും ആഗ്രഹിക്കുന്നുവെങ്കിൽ അതിനു വേണ്ടി നിങ്ങൾ എത്രസമയം ചെലവഴിക്കുന്നുണ്ട്, പ്രവർത്തിക്കുന്നുണ്ടെന്ന് ചിന്തിക്കുക.

നിങ്ങൾ അവർക്ക് അധീശത്വ മനോഭാവം പുലർത്തുന്നതിന് അവരോട് കാർക്കശ്യ സ്വഭാവത്തോടെ പെരുമാറുന്നുണ്ടോയെന്ന് ചിന്തിക്കുക. കുട്ടികളുടെ കാര്യത്തിൽ വേണ്ട ഇടപെടലുകൾ നടത്തുന്ന വേളയിൽ നിരാശ തോന്നി പിന്മാറുന്നതിന് പകരമായി അവന്‍റെ അവളുടെ മികച്ച വളർച്ചയ്ക്ക് വേണ്ടിയുള്ള അവസരങ്ങളെപ്പറ്റി പഠിച്ച് നെഗറ്റീവായ അനുഭവങ്ങളെ ഇല്ലാതാക്കാം. ഇത്തരത്തിൽ ചെയ്യുന്നതിലൂടെ മികച്ച പേരന്‍റിംഗ് നല്ലൊരു ചുവടു വയ്പാണ് നടത്തുന്നതെന്ന് ഓർക്കുക.

ശാസ്ത്രീയമായ വശങ്ങൾ സ്വായത്തമാക്കുക

കുട്ടികളിൽ മികച്ച വ്യക്‌തിത്വം രൂപപ്പെടുത്തിയെടുക്കുന്നതിന് ശാസ്ത്രീയമായ മാർഗ്ഗങ്ങൾ തേടാം. പേരന്‍റിംഗ് ടെക്നിക്കുകൾ, പരിശീലനങ്ങൾ, രീതികൾ എന്നിവയൊക്കെ നിരന്തരമായ ഗവേഷണങ്ങൾക്ക് വിധേയമാക്കപ്പെട്ടതും തൽഫലമായി മികച്ച രീതികൾ രൂപപ്പെടുത്തിയെടുത്തിട്ടുമുള്ളതാണ്.

ഓരോ കുട്ടിയും വ്യത്യസ്തമാണ്. അതിനാൽ അവരെ മികച്ച രീതിയിൽ വളർത്തി കൊണ്ടുവരാൻ വ്യത്യസ്തവും ഫലവത്തായതുമായ പേരന്‍റിംഗ് രീതികൾ ഉണ്ട്. സ്വന്തം കുട്ടിയുടെ സ്വഭാവ-പെരുമാറ്റ രീതികൾക്കനുസൃതമായി അത്തരം പേരന്‍റിംഗ് രീതികൾ കണ്ടെത്താവുന്നതാണ്.

TAGS:

read more
ആരോഗ്യംചോദ്യങ്ങൾദാമ്പത്യം Marriageവൃക്തിബന്ധങ്ങൾ Relationship

മികച്ച വ്യക്തിത്വത്തിന് നല്ല കുടുംബ ബന്ധങ്ങൾ

by blogadmin ആരോഗ്യംചോദ്യങ്ങൾദാമ്പത്യം Marriageവൃക്തിബന്ധങ്ങൾ Relationship on

എന്താണ് ഒരു കുടുംബത്തെ ശക്തമാക്കുന്നത്? നല്ല കുടുംബ ബന്ധം എങ്ങനെ സൃഷ്ടിക്കാം? കുടുംബാംഗങ്ങൾ പരസ്പരം നൽകുന്ന പിന്തുണയും വാത്സല്യവുമാണ് വിജയകരമായ ഒരു കുടുംബം കെട്ടിപ്പടുക്കുന്നത്. എന്നിരുന്നാലും ദൃഢമായ ഒരു ബന്ധത്തിന് പരസ്പരമുള്ള ധാരണയും മനസിലാക്കലും, പ്രിയപ്പെട്ടവരോടുള്ള സ്നേഹം പ്രകടിപ്പിക്കലും ഒരുമിച്ച് നല്ല സമയം ചെലവഴിക്കലുമൊക്കെ അനിവാര്യങ്ങളായ കാര്യങ്ങളാണ്. മറ്റെല്ലാ ബന്ധങ്ങളെയും പോലെ കുടുംബബന്ധങ്ങൾക്കും തുടർച്ചയായ സ്നേഹവും ഇഴയടുപ്പവും ആവശ്യമാണ്. അത് നല്ല കുടുംബ ബന്ധത്തിലൂടെ മാത്രമേ സാധ്യമാകൂ. പരസ്പരം നന്നായി മനസിലാക്കാനും പരസ്പരം ഉൾക്കൊള്ളാനും ഇത് സഹായിക്കും.

കുടുംബത്തോടൊപ്പമുള്ള സമയം

നിങ്ങൾ ഇഷ്ടപ്പെടുന്ന കാര്യങ്ങൾ ചെയ്തു കൊണ്ട് നിങ്ങളുടെ കുടുംബത്തോടൊപ്പം ചെലവഴിക്കുന്ന ഗുണനിലവാരമുള്ള സമയമാണ് ഫാമിലി ബോണ്ടിംഗ് സമയം. കുടുംബാംഗങ്ങൾ ഒരുമിച്ച് ഓരോ ഉത്തരവാദിത്തങ്ങൾ ചെയ്യുക, പിക്നിക്കിന് പോകുക, ഒരുമിച്ച് സിനിമ കാണുക, പരസ്പരം സഹായിക്കുക, ഒരുമിച്ച് ഭക്ഷണം കഴിക്കുക, ഗെയിം കളിക്കുക എന്നിവയൊക്കെ ഇതിലുൾപ്പെടും.

കുടുംബത്തിലെ അംഗങ്ങൾക്ക് പരസ്പരം ഇടപഴകാനും പരസ്പരം അറിയാനും മനസ്സിലാക്കാനും ഐക്യം അനുഭവിക്കാനും ശക്തമായ ഒരു ബന്ധം വളർത്തിയെടുക്കാനും ഇവയെല്ലാം വഴിയൊരുക്കും.

കുടുംബ ബന്ധത്തിന്‍റെ 10 നേട്ടങ്ങൾ

  1. വിദ്യാഭ്യാസപരമായ ഫലങ്ങൾ മെച്ചപ്പെടുന്നു

കുട്ടികളുടെ വിദ്യാഭ്യാസപരവും സാഹിത്യപരവുമായ കാര്യങ്ങളിൽ മാതാപിതാക്കൾ നടത്തുന്ന ഇടപെടലുകൾ നല്ല സ്വാധീനം ചെലുത്തുമെന്ന് പഠനങ്ങൾ തെളിയിച്ചിട്ടുണ്ട്. ഒരുമിച്ച് സമയം ചെലവഴിക്കുക അവരുടെ സ്ക്കൂൾ പ്രവർത്തനങ്ങളിൽ അതീവ താൽപര്യം കാണിക്കുക, ഒരുമിച്ച് ഗൃഹപാഠം ചെയ്യുക തുടങ്ങിയവ നിങ്ങളുടെ കുട്ടികളുടെ അക്കാദമിക് വിജയത്തിൽ സ്വാധീനം ചെലുത്തും.

  1. സാമൂഹിക കഴിവുകൾ വികസിപ്പിക്കും

നല്ല കുടുംബബന്ധങ്ങൾ അത്യാവശ്യമായ സാമൂഹിക കഴിവുകൾ പഠിക്കാൻ കുട്ടികളെ പ്രേരിപ്പിക്കും. മാതാപിതാക്കളെ നിരീക്ഷിച്ചു കൊണ്ട് സാമൂഹിക സാഹചര്യങ്ങളിൽ എങ്ങനെ പെരുമാറണമെന്ന് അവർ പഠിക്കുന്നു.

  1. മൂല്യവത്തായ ബന്ധങ്ങൾ

കുടുംബത്തിന് പുറത്തുള്ള ആളുകളുമായി മൂല്യവത്തായ ബന്ധം സ്‌ഥാപിക്കാൻ കുട്ടികളെ ഹൃദ്യമായ കുടുംബബന്ധം സഹായിക്കും. അത്തരം മൂല്യവത്തായ പാഠങ്ങൾ അവർക്ക് അധ്യാപകരിൽ നിന്നോ സമപ്രായക്കാരിൽ നിന്നോ മുതിർന്നവരിൽ നിന്നോ ആകും ലഭിക്കുക.

  1. ആശയവിനിമയം മെച്ചപ്പെടും

ഒരുമിച്ച് നല്ല സമയം ചെലവഴിക്കുന്നത് പരസ്പരം നന്നായി മനസിലാക്കാനും നിങ്ങളുടെ വികാരങ്ങളും ചിന്തകളും പ്രകടിപ്പിക്കാനും വ്യത്യസ്ത അഭിപ്രായങ്ങളെയും വീക്ഷണങ്ങളെയും സ്വാഗതം ചെയ്യാനും നിങ്ങളെ പ്രാപ്തരാക്കുന്നു. കുട്ടികൾ സജീവ ശ്രോതാക്കളാക്കാനും ഇത് സഹായിക്കും.

  1. ഐക്യം വളർത്തുന്നു

കുടുംബ സമയം (ഫാമിലി ടൈം) കുടുംബാംഗങ്ങളെ ഐക്യത്തോടെ നിലനിർത്തും. ഒരുമിച്ച് സമയം ചെലവഴിക്കുന്ന ഒരു കുടുംബം പരസ്പരം ഇഷ്ടങ്ങളും അനിഷ്ടങ്ങളും മനസിലാക്കുകയും പരസ്പരം വളരാൻ സഹായിക്കുന്ന പ്രവർത്തികളിൽ ഏർപ്പെടുകയും ചെയ്യും. കുട്ടികൾ സ്വന്തം പ്രശ്നങ്ങൾ പരിഹരിക്കാൻ മാതാപിതാക്കളെ സമീപിക്കാൻ ഈ കുടുംബൈക്യം സഹായിക്കും.

  1. വൈരുദ്ധ്യങ്ങൾ പരിഹരിക്കും

കാലാകാലങ്ങളിൽ കുടുംബത്തിനുള്ളിൽ ഉടലെടുക്കാവുന്ന സംഘർഷങ്ങൾ പരിഹരിക്കുന്നതിന് മികച്ച ഫാമിലി ടൈം വഴിയൊരുക്കും. കുടുംബാംഗങ്ങൾ ഒരുമിച്ച് സമയം ചെലവഴിക്കുന്നത് ആരോഗ്യകരമായ ചർച്ചകൾക്കും കുടുംബാംഗങ്ങൾക്കിടയിലുള്ള പ്രശ്നങ്ങൾ പരിഹരിക്കുന്നതിനും സഹായിക്കും.

  1. പെരുമാറ്റം മെച്ചപ്പെടും

ഒരുമിച്ച് നല്ല സമയം ചെലവഴിക്കുന്നത് കുട്ടികളിലെ പെരുമാറ്റ വൈകല്യങ്ങളെ പരിഹരിക്കാൻ സഹായിക്കും. കുടുംബബന്ധത്തിന്‍റെ പ്രാധാന്യത്തെ പരസ്പരം വിലമതിക്കാനും അടുപ്പവും വിശ്വാസവും വളർത്തിയെടുക്കാനും കുടുംബാംഗങ്ങൾക്കിടയിലെ അടുപ്പവും സ്നേഹവും വഹിക്കുന്ന പങ്ക് വളരെ വലുതാണ്.

  1. ആത്മാഭിമാനം

കുട്ടികളിൽ ആത്മാഭിമാനം വളർത്തിയെടുക്കാൻ നല്ല കുടുംബ ബന്ധങ്ങൾ നിർണായക പങ്കാണ് വഹിക്കുന്നത്. മാതാപിതാക്കൾ തമ്മിലുള്ള മോശം ബന്ധം കുട്ടികളെ ആത്മാഭിമാനം കുറഞ്ഞവരാക്കുകയാണ് ചെയ്യുക. ഇത് ക്രമേണ മാനസിക വിഷമത്തിന് കാരണമാകുമെന്ന് പഠനങ്ങൾ തെളിയിച്ചിട്ടുണ്ട്. കുടുംബത്തോടൊപ്പം ഗുണമേന്മയുള്ള സമയം ചെലവഴിക്കുന്നത് തങ്ങൾ അംഗീകരിക്കപ്പെടുന്നുവെന്ന മനോഭാവം വളർത്താനും അതുവഴി തങ്ങളുടെ ആത്മാഭിമാനം വിലമതിക്കപ്പെടുന്നുവെന്ന ധാരണ അവരിലുണ്ടാകും.

  1. ബന്ധങ്ങളെ കൂട്ടിയിണക്കും

നിങ്ങളുടെ കുട്ടികളുമായി വീണ്ടും ബന്ധം സഥാപിക്കാൻ കുടുംബ സമയം നിങ്ങളെ സഹായിക്കുന്നു. ഉദ്യോഗസ്‌ഥരായ മാതാപിതാക്കൾക്ക് കുട്ടികളോടൊപ്പം സമയം ചെലവഴിക്കാൻ എല്ലായ്പ്പോഴും സാധിക്കണമെന്നില്ല. എന്നാലും ലഭിക്കുന്ന വളരെ കുറച്ച് സമയം അവർക്കൊപ്പം വിനിയോഗിക്കുക തന്നെ വേണം. ദിവസത്തിലെ ഷെഡ്യൂൾ ചെയ്ത സമയങ്ങളിലോ വാരാന്ത്യങ്ങളിലോ ഒരുമിച്ച് രസകരമായ പ്രവർത്തികൾ ചെയ്യുന്നത് മാതാപിതാക്കളോട് തുറന്ന ആശയവിനിമയം നടത്താൻ കുട്ടികളെ പ്രേരിപ്പിക്കും. അവരുടെ ജീവിതത്തെക്കുറിച്ചുള്ള കൂടുതൽ വിവരങ്ങൾ പങ്കുവയ്ക്കുന്നതിലൂടെ അവരെ മനസിലാക്കാൻ മാതാപിതാക്കൾക്ക് കഴിയും.

  1. പരസ്പര ബഹുമാനം

കുടുംബത്തിലെ ഓരോ അംഗത്തിനും സ്വയം പ്രകടിപ്പിക്കാനും പരസ്പരം വിലമതിക്കാനും ശക്തമായ ആശയവിനിമയത്തിനും നല്ല കുടുംബബന്ധം വഴിയൊരുക്കും. സ്വന്തം ഉത്തരവാദിത്തങ്ങൾ തിരിച്ചറിയാനും മനസിലാക്കാനും അവ നിർവഹിക്കാനും പരസ്പര ബഹുമാനം വളർത്തിയെടുക്കാം.

TAGS:

read more
ആരോഗ്യംആർത്തവം (Menstruation)ഓവുലേഷന്‍ഗര്‍ഭധാരണം (Pregnancy)ചോദ്യങ്ങൾദാമ്പത്യം Marriageരതിമൂര്‍ച്ഛലൈംഗിക ആരോഗ്യം (Sexual health )വന്ധ്യത

വന്ധ്യത എന്നാലെന്താണ്?

by blogadmin ആരോഗ്യംആർത്തവം (Menstruation)ഓവുലേഷന്‍ഗര്‍ഭധാരണം (Pregnancy)ചോദ്യങ്ങൾദാമ്പത്യം Marriageരതിമൂര്‍ച്ഛലൈംഗിക ആരോഗ്യം (Sexual health )വന്ധ്യത on

മാതൃത്വവും വന്ധ്യതയും ഒരു നാണയത്തിന്റെ രണ്ടുവശങ്ങളാണ്. മറ്റെല്ലാ ആരോഗ്യപ്രശ്നങ്ങള്‍ പോലെ വന്ധ്യതയും ഒരു പരിധിവരെ ചികിത്സിച്ച് ഭേദമാക്കാവുന്ന ഒന്നാണ്. അതിനാല്‍ വന്ധ്യത എന്താണന്നും, വന്ധ്യതയുടെ കാര്യകാരണങ്ങളെക്കുറിച്ചും, ചികിത്സാരീതികളെക്കുറിച്ചും ജനസാമാന്യത്തിന് വ്യക്തമായ ധാരണയുണ്ടാവുന്നത് നല്ലതാണ്.

വിവാഹാനന്തരം ഒരു വര്‍ഷം ഒരു ഗര്‍ഭനിരോധന മാര്‍ഗവും ഉപയോഗിക്കാതെ ഒന്നിച്ച് ജീവിച്ചിട്ടും ഗര്‍ഭിണിയാവാത്ത ദമ്പതികളെയാണ് വന്ധ്യര്‍ എന്ന് വിശേഷിപ്പിക്കുന്നത്. സ്ത്രീക്ക് 35ന് താഴെ പ്രായമാണെങ്കില്‍ ഒരു വര്‍ഷത്തിന് ശേഷവും 35ല്‍ കൂടുതല്‍ ആണെങ്കില്‍ ആറ് മാസത്തിന് ശേഷവും പരിശോധനകള്‍ തുടങ്ങണം.

വന്ധ്യതാചികത്സയില്‍ ആദ്യമായി വേണ്ടത് ദമ്പതികളോട് വിശദമായി സംസാരിച്ച് അവരുടെ പ്രശ്നങ്ങള്‍ മനസിലാക്കുക എന്നതാണ്. സ്ത്രീകളെ സംബന്ധിച്ചാണെങ്കില്‍ അവരുടെ ആര്‍ത്തവത്തെക്കുറിച്ചും, ആര്‍ത്തവ ക്രമക്കേടുകളെക്കുറിച്ചും ചോദിച്ച് മനസിലാക്കണം. സാധാരണ ഒരു സ്ത്രീക്ക് 26-32 ദിവസത്തിനുള്ളിലാണ് ആര്‍ത്തവം വരേണ്ടത്. ഇതില്‍ കൂടുതലോ, കുറവോ ആണോ എന്ന് ചോദിച്ചറിയണം. ആര്‍ത്തവസമയത്ത് കഠിനമായ വയറുവേദന, രക്തപ്പോക്ക് കൂടുതല്‍, കുറവ് ഇവയെകുറിച്ച് വിശദമായി മനസ്സിലാക്കണം. ഇതരരോഗങ്ങള്‍ക്കായി എന്തെങ്കിലും മരുന്നുകള്‍ ഇവര്‍ സ്ഥിരമായി കഴിക്കുന്നുണ്ടോ? ഉദരശസ്ത്രക്രിയക്കോ, പ്രത്യേകിച്ച് അണ്ഡാശയ ശസ്ത്രക്രിയക്ക് വിധേയരായിട്ടുണ്ടോ എന്നൊക്കെ അറിഞ്ഞിരിക്കണം. ആര്‍ത്തവാനന്തരം 10 മുതല്‍ 15 ദിവസം വരെയാണ് ഗര്‍ഭധാരണത്തിന് ഉത്തമമായ സമയം അഥവാ ഫെര്‍ട്ടൈല്‍ പിരീഡ് (ളലൃശേഹല ുലൃശീറ). ഇതേക്കുറിച്ച് ദമ്പതികള്‍ക്ക് ഗ്രാഹ്യമുണ്ടായിരിക്കണം. ആധുനിക ജീവിതരീതികളുടെയും, ആഹാരരീതികളുടെയും അനന്തരഫലമായ അമിതവണ്ണവും, പൊണ്ണത്തടിയും സ്ത്രീകളില്‍ കൂടുതലാണ്. വന്ധ്യതയിലേക്ക് നയിക്കുന്ന മറ്റൊരു സുപ്രധാന ആരോഗ്യപ്രശ്നമാണിത്.

പുരുഷന്റെ പ്രശനങ്ങള്‍ക്കും വന്ധ്യതയില്‍ തുല്യപ്രാധാന്യമാണ്. പുകവലി, മദ്യപാനം തുടങ്ങിയ ലഹരിപദാര്‍ത്ഥങ്ങളുടെ ഉപയോഗം പുരുഷന്‍മാര്‍ വര്‍ജിക്കണം. ലൈംഗിക പ്രശ്നങ്ങളായ ഉത്തേജനക്കുറവ്, സ്ഖലനമില്ലായ്മ, ശ്രീഘ്രസ്ഖലനം ഇവയുണ്ടോ എന്നറിയണം. പ്രാഥമിക അന്വേഷണത്തിന് ശേഷം പരിശോധനാമാര്‍ഗത്തിലേക്ക് തിരിയാം.

സ്ത്രീക്ക് തൈറോയ്ഡ്, പ്രാലാക്റ്റിന്‍ മുതലായ ഹോര്‍മോണുകളുടെ അളവ് പരിശോധനയ്ക്ക് സുപ്രധാന പങ്കുണ്ട്. യോനീമാര്‍ഗമുള്ള (ഠഢട) പരിശോധന ആണ് വന്ധ്യതയില്‍ കൂടുതലായി അവലംബിക്കുന്നത്. ഇത്തരം സ്കാനിങ്ങിലൂടെ ഗര്‍ഭാശയത്തിനോ അണ്ഡാശയത്തിനോ തകരാറുണ്ടോ എന്നും, അണ്ഡവളര്‍ച്ചയും, അണ്ഡവിസര്‍ജനവും ശരിയാണോ (ളീഹഹശരൌഹമൃ ൌറ്യ) എന്ന് മനസ്സിലാക്കാന്‍ സാധിക്കും. അണ്ഡവിസര്‍ജനത്തിന് ശേഷം 24 മണിക്കുറേ അണ്ഡം ജീവനോടെ ഉണ്ടാകൂ. അതിനാലാണ് ആര്‍ത്തവത്തിന്റെ 10-15 ദിവസംവരെ ഗര്‍ഭധാരണത്തിന് ഉത്തമമായ സമയം എന്ന് വിശേഷിപ്പിക്കുന്നത്.

പുരുഷനെ സംബന്ധിച്ചിടത്തോളം ശുക്ളപരിശോധനയാണ്  ആണ് മുഖ്യം. 23 ദിവസം ശാരീരിക ബന്ധത്തില്‍ ഏര്‍പ്പെടാതെ വേണം ശുക്ളം പരിശോധിക്കാന്‍. ശുക്ളത്തിലെ ബീജത്തിന്റെ എണ്ണം (ുലൃാ രീൌി) 20 മില്ല്യനിലെങ്കിലും കൂടുതലായിരിക്കണം. അതുപോലെ 50% കൂടുതല്‍ ബീജങ്ങള്‍ക്ക് അതിവേഗ ചലനശക്തി ഉണ്ടായിരിക്കണം. നമ്മുടെ സമൂഹത്തില്‍ ഏകദേശം 2025% ദമ്പതികള്‍ വന്ധ്യതയെന്ന വേദനപേറുന്നു. ഇവരില്‍ 2040% പേരില്‍ സ്ത്രീ വന്ധ്യതയും, 40% പേരില്‍ പുരുഷവന്ധ്യതയും 10% പേരില്‍ രണ്ടുകൂട്ടരുടേയും പ്രശ്നങ്ങളും, 10% പേരില്‍ അകാരണമായ വന്ധ്യതയും കാണപ്പെടുന്നുണ്ട്. വളരെയധികം ശാസ്ത്ര പഠനങ്ങള്‍ക്ക് വിധേയമായി പുരോഗമിച്ച ഈ മേഖലയില്‍ ധാരാളം പരിശോധനാമാര്‍ഗങ്ങളും, നൂതന ചികിത്സാരീതികളും ലഭ്യമാണ്. ഇവ ശരിയായ രീതിയില്‍ തിരഞ്ഞെടുക്കുകയും, പാലിക്കുകയും ചെയ്യുന്നവര്‍ക്ക് വിജയം കൈവരിക്കാന്‍ ഒരു പരിധിവരെ സാധിക്കും എന്ന് ഉറപ്പാണ് .

read more
ആരോഗ്യംഉദ്ധാരണംഓവുലേഷന്‍ഗര്‍ഭധാരണം (Pregnancy)ചോദ്യങ്ങൾതൈറോയ്ഡ്ദാമ്പത്യം Marriageരതിമൂര്‍ച്ഛലൈംഗിക ആരോഗ്യം (Sexual health )വന്ധ്യതസ്ത്രീ സൗന്ദര്യം (Feminine beauty)

Women Contraceptive Methods: എന്താണ് ശരി, എന്താണ് തെറ്റ്

by blogadmin ആരോഗ്യംഉദ്ധാരണംഓവുലേഷന്‍ഗര്‍ഭധാരണം (Pregnancy)ചോദ്യങ്ങൾതൈറോയ്ഡ്ദാമ്പത്യം Marriageരതിമൂര്‍ച്ഛലൈംഗിക ആരോഗ്യം (Sexual health )വന്ധ്യതസ്ത്രീ സൗന്ദര്യം (Feminine beauty) on

ദോഷകരമല്ലാത്ത സ്ത്രീ ഗർഭനിരോധന മാർഗ്ഗങ്ങളേതൊക്കെ എന്ന് മനസിലാക്കാം.

വാട്ട്സ്ആപ് വഴി  e ബുക്കുകൾ വായിക്കുവാൻ https://wa.me/c/447868701592

ചികിത്സയേക്കാൾ നല്ലത് പ്രതിരോധമാണ് എന്ന് നാം പറയാറുണ്ട്. സ്ത്രീ ഗർഭനിരോധന മാർഗ്ഗങ്ങളുടെ കാര്യത്തിലും ഈ വാചകം തികച്ചും യോജിക്കുന്നു. സ്ത്രീ ഗർഭനിരോധന മാർഗ്ഗങ്ങൾ വിപണിയിൽ വളരെക്കാലമായി നിലവിലുണ്ട് എന്നാൽ ഇന്നും ഇന്ത്യയിൽ ഏത് ഗർഭനിരോധന മാർഗ്ഗമാണ് അനുയോജ്യമെന്ന് അറിയാത്ത ദശലക്ഷക്കണക്കിന് സ്ത്രീകൾ ഉണ്ട്. സ്ത്രീകൾക്ക് അനാവശ്യ ഗർഭധാരണം ഒഴിവാക്കാനും കുട്ടികളുടെ പ്രായവ്യത്യാസം നിലനിർത്താനും നിരവധി ഓപ്ഷനുകൾ ഉണ്ട്. ഓറൽ ഗുളികകൾ മുതൽ ഇംപ്ലാന്‍റുകൾ വരെ. എന്നാൽ സാധാരണയായി സ്ത്രീകൾക്ക് ഇവയിൽ നിന്ന് ശരിയായ ഓപ്ഷൻ തിരഞ്ഞെടുക്കാൻ കഴിയില്ല. മിക്ക സ്ത്രീകളും പരസ്യങ്ങളുടെയോ സുഹൃത്തുക്കളുടെയോ ബന്ധുക്കളുടെയോ ഉപദേശപ്രകാരം ഗർഭനിരോധന മാർഗ്ഗങ്ങൾ ഉപയോഗിക്കാൻ തുടങ്ങുന്നു, എന്നാൽ വിവരങ്ങളുടെ അഭാവവും തെറ്റായ ഓപ്ഷൻ തിരഞ്ഞെടുക്കുന്നതും സ്ത്രീകൾക്ക് വലിയ പ്രശ്‌നത്തിന് കാരണമാകുന്നു.

മൂൽചന്ദ് ഹോസ്പിറ്റലിലെ സീനിയർ ഗൈനക്കോളജിസ്റ്റ് ഡോ. മീത വർമയുടെ അഭിപ്രായത്തിൽ, “ഗർഭനിരോധനത്തെക്കുറിച്ച് സ്ത്രീകൾക്ക് അറിയാം, എന്നാൽ ഇന്ത്യൻ സമൂഹത്തിൽ നിരവധി തെറ്റിദ്ധാരണകൾ ഉണ്ട്, ഇത് സ്ത്രീകളെ ബുദ്ധിമുട്ടിക്കുന്നു. ഇന്ത്യയിൽ, കുട്ടികളെ പ്രകൃതിയുടെ വരദാനമായി കണക്കാക്കി കുടുംബാസൂത്രണം എന്ന ആശയം ഇപ്പോഴും നിർത്തലാക്കപ്പെടുന്നു. ഗർഭനിരോധന മാർഗ്ഗങ്ങൾ ഉപയോഗിക്കുന്നത് അവരുടെ പ്രത്യുത്പാദനക്ഷമതയെയും ജനിക്കാനിരിക്കുന്ന കുട്ടിയുടെ വളർച്ചയെയും തെറ്റായി ബാധിക്കുമെന്ന സംശയം പല സ്ത്രീകൾക്കുമുണ്ട്. സമാനമായ മറ്റ് പല മിഥ്യകളും സ്ത്രീകളുടെ മനസ്സിൽ അവശേഷിക്കുന്നു, എന്നാൽ ഇന്നത്തെ കാലത്ത് ഡോക്ടറുടെ ഉപദേശത്തോടെ ശരിയായ ഗർഭനിരോധന മാർഗ്ഗം ഉപയോഗിക്കേണ്ടത് ആവശ്യമാണ്.

മിക്ക ദമ്പതികളും വിനോദത്തിനാണ് കൂടുതൽ മുൻഗണന നൽകുന്നതെന്നും അതിനാലാണ് ഗർഭനിരോധന ഉറകളോ മറ്റേതെങ്കിലും തരത്തിലുള്ള ഗർഭനിരോധന മാർഗ്ഗങ്ങളോ ഉപയോഗിക്കാൻ മടിക്കുന്നതെന്നും എന്നാൽ ഗർഭച്ഛിദ്രം നടത്താൻ മടിക്കാറില്ലെന്നും ഡോ. മിത പറയുന്നു. എന്നാൽ ഗർഭച്ഛിദ്രം പരിഹാരമല്ലെന്ന് അവർ മറക്കുന്നു കാരണം ആവർത്തിച്ചുള്ള ഗർഭച്ഛിദ്രം ഗർഭാശയത്തെ ദോഷകരമായി ബാധിക്കുന്നു, ഇത് പിന്നീട് വലിയ പ്രശ്നമായി മാറുന്നു. അതിനാൽ, യുവാക്കളും നവദമ്പതികളും ഗർഭച്ഛിദ്രം ഒരു എളുപ്പവഴിയായി കണക്കാക്കുന്നുവെങ്കിൽ അത് തെറ്റാണ്. നിലവിൽ സ്ത്രീകളുടെ ഗർഭനിരോധന വിപണിയിൽ 2 തരം ഗർഭനിരോധന മാർഗ്ഗങ്ങൾ ലഭ്യമാണ്.

  • ഹോർമോൺ അടിസ്ഥാനമാക്കിയുള്ള ഗർഭനിരോധന മാർഗ്ഗങ്ങൾ.
  • നോൺ ഹോർമോൺ ഗർഭനിരോധന മാർഗ്ഗങ്ങൾ.

ഹോർമോൺ അടിസ്ഥാനമാക്കിയുള്ള ഗർഭനിരോധന മാർഗ്ഗങ്ങൾ: ഇത്തരത്തിലുള്ള ഗർഭനിരോധന മാർഗ്ഗങ്ങളാണ് ഏറ്റവും കൂടുതൽ ഉള്ളത്. ശരീരത്തിനുള്ളിലെ ഹോർമോൺ മാറ്റങ്ങളിലൂടെ അനാവശ്യ ഗർഭധാരണം തടയാൻ ഉപയോഗിക്കുന്ന ഗർഭനിരോധന മാർഗ്ഗങ്ങളാണ് ഇവ. 35 വയസ്സിന് താഴെയുള്ള ആരോഗ്യമുള്ള ഏതൊരു സ്ത്രീക്കും കുറച്ചുകാലത്തേക്ക് ഒരു കുട്ടി ഉണ്ടാകാൻ ആഗ്രഹമില്ല എങ്കിൽ ഒരു ഡോക്ടറുടെ ഉപദേശത്തോടെ ഇവ ഉപയോഗിക്കാം. എന്നാൽ ഹൃദയം, കരൾ രോഗങ്ങളാൽ ബുദ്ധിമുട്ടുകയോ ആസ്ത്മ, രക്തസമ്മർദ്ദം എന്നീ പ്രശ്നങ്ങൾ ഉണ്ടെങ്കിൽ ഹോർമോൺ അടിസ്ഥാനമാക്കിയുള്ള ഗർഭനിരോധന മാർഗ്ഗങ്ങൾ അവർക്ക് അനുയോജ്യമല്ല. ഇതുകൂടാതെ, പുകവലിക്കുന്നതോ മദ്യം കഴിക്കുന്നതോ അമിതഭാരമുള്ളതോ ആയ സ്ത്രീകളും അത്തരം ഗർഭനിരോധന മാർഗ്ഗങ്ങൾ ഒഴിവാക്കണം. ഗർഭനിരോധന ഉറകളും വിപണിയിൽ ലഭ്യമാണ്.

ഓറൽ ഗുളികകൾ

ഏറ്റവും സാധാരണയായി ഉപയോഗിക്കുന്ന ഒരു രീതിയാണിത്. മാസത്തിൽ 21 ദിവസം കഴിക്കണം. ഇത് ഉപയോഗിക്കാൻ വളരെ എളുപ്പമാണ്. കൂടാതെ ഈ പ്രതിവിധി വില കുറഞ്ഞതുമാണ്. എന്നാൽ ഒരു ഡോക്ടറുടെ ഉപദേശം കൂടാതെ ഗുളികകൾ കഴിക്കരുത് കാരണം അവ എല്ലാവർക്കും അനുയോജ്യമല്ല. അവ ശരിയായി ഉപയോഗിച്ചാൽ മാത്രമേ സംരക്ഷണം ലഭിക്കുകയുള്ളൂ. എന്നാൽ മിക്ക സ്ത്രീകൾക്കും ശരിയായ ഗുളികകൾ തിരഞ്ഞെടുക്കാൻ കഴിയുന്നില്ല ഇത് അനാവശ്യ ഗർഭധാരണത്തിന് കാരണമാകുന്നു. പല സ്ത്രീകളിലും ഓറൽ ഗുളികകൾ ശരീരഭാരം വർദ്ധിപ്പിക്കുന്നതിനും ഛർദ്ദിക്കുന്നതിനും കാരണമാകുന്നു. ഓറൽ ഗുളികകൾ കൂടാതെ കൂടുതൽ ഫലപ്രദവും സുരക്ഷിതവുമായ മിനി ഗുളികകളും വിപണിയിൽ ലഭ്യമാണ്. മുലയൂട്ടുന്ന അമ്മയ്ക്കും ഉപയോഗിക്കാവുന്ന പ്രോജസ്റ്ററോണിന്‍റെയും മറ്റ് ഹോർമോണുകളുടെയും സംയോജനമാണ് മിനി ഗുളികകൾ.

എമർജൻസി ഗുളികകൾ

ഇത്തരത്തിലുള്ള ഗർഭനിരോധന ഗുളികകൾ ഓറൽ ഗുളികകൾക്ക് പൂരകമാണ്. ഒരു സ്ത്രീ ഓറൽ ഗുളികകൾ കഴിക്കാൻ മറക്കുകയും സുരക്ഷിതമല്ലാത്ത ലൈംഗിക ബന്ധത്തിൽ ഏർപ്പെടുകയും ചെയ്താൽ, അനാവശ്യ ഗർഭധാരണം ഒഴിവാക്കാൻ 72 മണിക്കൂറിനുള്ളിൽ അവൾക്ക് അത് കഴിക്കാം. അതുകൊണ്ടാണ് ഇതിനെ മോണിംഗ് ഗുളിക എന്നും വിളിക്കുന്നത്. എന്നാൽ ഈ നടപടി പോലും സുരക്ഷയുടെ പൂർണ്ണമായ ഉറപ്പ് നൽകുന്നില്ല. അതുകൊണ്ട് അത്യാവശ്യത്തിന് മാത്രം ഉപയോഗിക്കുക, ശീലമാക്കരുത്. തുടർച്ചയായ ഉപയോഗത്തിലൂടെ ഇത് ആരോഗ്യപ്രശ്നമായി മാറും.

ഹോർമോൺ കുത്തിവയ്പ്പ്

ഇത് വളരെ ഫലപ്രദമായ പ്രതിവിധിയാണ്. ദിവസവും ഗുളിക കഴിക്കാൻ ആഗ്രഹിക്കാത്ത സ്ത്രീകൾക്ക് ഇത് ഉപയോഗിക്കാം. ഇതിൽ, സ്ത്രീക്ക് പ്രൊജസ്ട്രോണിന്‍റെ കുത്തിവയ്പ്പ് നൽകുന്നു. ഈ കുത്തിവയ്പ്പ് ഗർഭാശയത്തിന്‍റെ ഭിത്തിയിലെ മ്യൂക്കസ് കട്ടിയാക്കുകയും ബീജം പ്രവേശിക്കുന്നത് തടയുകയും അണ്ഡോത്പാദനം തടയുകയും ചെയ്യുന്നു. ഈ കുത്തിവയ്പ്പ് എടുത്ത് 24 മണിക്കൂറിനുള്ളിൽ അതിന്‍റെ പ്രഭാവം ആരംഭിക്കുന്നു. ഇത് 10 മുതൽ 13 ആഴ്ച വരെ സംരക്ഷണം നൽകുന്നു, അതിനുശേഷം കുത്തിവയ്പ്പ് വീണ്ടും എടുക്കണം. ചില സ്ത്രീകൾക്ക് ഇത് മൂലം ശരീരഭാരം കൂടുകയും അവരുടെ ആർത്തവം ക്രമരഹിതമാകുകയും ചെയ്യും.

ഇംപ്ലാന്‍റ്

ഈ പ്രക്രിയയിൽ, വളരെ കനം കുറഞ്ഞ ഒരു പ്ലാസ്റ്റിക് ഇപ്ലാന്‍റ് ഭുജത്തിന് താഴെയായി ഘടിപ്പിച്ചിരിക്കുന്നു. ഇതിലൂടെ ശരീരം പ്രൊജസ്ട്രോൺ പുറത്തുവിടുന്നു അങ്ങനെ അണ്ഡോത്പാദനത്തെ തടയുന്നു. ഇത് ഗർഭപാത്രത്തിൽ അടങ്ങിയിരിക്കുന്ന മ്യൂക്കസിന്‍റെ സ്വഭാവം മാറ്റി ഗർഭധാരണത്തെ തടയുന്നു. ഏറ്റവും സുരക്ഷിതമായ ഓപ്ഷനായി ഇംപ്ലാന്‍റ് കണക്കാക്കപ്പെടുന്നു. ഈ ഇംപ്ലാന്‍റ് 3 മുതൽ 5 വർഷം വരെ ഗർഭാവസ്ഥയിൽ നിന്ന് സംരക്ഷിക്കുന്നു. എന്നാൽ ഇത് ഇന്ത്യയിൽ ഇതുവരെ ലഭ്യമായിട്ടില്ല.

നോൺ-ഹോർമോൺ ഗർഭനിരോധന മാർഗ്ഗങ്ങൾ: ഏതെങ്കിലും തരത്തിലുള്ള ഹോർമോണുകൾ ശരീരത്തിൽ പ്രവേശിക്കാൻ അനുവദിക്കാത്ത ഗർഭനിരോധന മാർഗ്ഗങ്ങളാണ് ഇവ. ഹൃദയം, കരൾ, ആസ്ത്മ അല്ലെങ്കിൽ രക്തസമ്മർദ്ദം എന്നിവയുമായി ബന്ധപ്പെട്ട പ്രശ്നങ്ങൾ ഉള്ള സ്ത്രീകൾക്ക് ഇവ ഫലപ്രദമാണ്. എന്നാൽ ഹോർമോൺ അല്ലാത്ത ഗർഭനിരോധന മാർഗ്ഗങ്ങൾ ഉപയോഗിക്കുന്നതിന് മുമ്പ് വൈദ്യോപദേശം വളരെ പ്രധാനമാണ്. സ്ത്രീകളുടെ ഗർഭനിരോധന മാർഗ്ഗങ്ങളുടെ ഈ വിഭാഗത്തിലും നിരവധി ഓപ്ഷനുകൾ ലഭ്യമാണ്.

സ്ത്രീ കോണ്ടം

ഗർഭനിരോധന മാർഗ്ഗങ്ങളുടെ വിഭാഗത്തിൽ സ്ത്രീകൾക്ക് കോണ്ടം ഒരു പുതിയ കാര്യമാണ്. ലൂബ്രിക്കേറ്റഡ് പോളിത്തീൻ ഷീറ്റ് കൊണ്ടാണ് ഈ കോണ്ടം നിർമ്മിച്ചിരിക്കുന്നത്. ഇന്ത്യയിലെ സ്ത്രീകൾക്കായി നിർമ്മിച്ച ഈ കോണ്ടം അടുത്തിടെ വിപണിയിൽ എത്തിയിരുന്നു. പുരുഷ കോണ്ടം പോലെ ഇത് ഒരു തവണ മാത്രമേ ഉപയോഗിക്കാൻ കഴിയൂ. ലൈംഗികവേളയിൽ അതിന്‍റെ സ്ഥാനം ശരിയാണെങ്കിൽ, ഗർഭധാരണം തടയുന്നതിന് ഇവ പൂർണ്ണമായും ഫലപ്രദമാണ്. ഗർഭധാരണം തടയുന്നതിനു പുറമേ, എച്ച്ഐവി പോലുള്ള രോഗങ്ങളിൽ നിന്നും സംരക്ഷിക്കുന്നു. എന്നാൽ ഇത് ചെലവേറിയ ഓപ്ഷനാണ്. സ്ത്രീകളുടെ കോണ്ടത്തിന് വിപണിയിൽ 80 രൂപ വരെയാണ്. അതിനാൽ ഡോക്ടർമാർ പുരുഷ കോണ്ടം ശുപാർശ ചെയ്യുന്നു, കാരണം ഇത് വില കുറഞ്ഞ ഓപ്ഷനാണ്.

ഗർഭാശയ ഗർഭനിരോധന ഉപകരണം

ഈ ഉപകരണം കോപ്പർ ടീ അല്ലെങ്കിൽ മൾട്ടിലോഡ് ഉപകരണം എന്നാണ് അറിയപ്പെടുന്നത്. ഒരു ചെമ്പ് വയർ ഉപയോഗിച്ച് ഗർഭപാത്രത്തിൽ ഘടിപ്പിക്കുന്ന ഒരു തരം വഴക്കമുള്ള പ്ലാസ്റ്റിക് ഉപകരണമാണിത്. ഒരു ഡോക്ടറുടെ സഹായത്തോടെയാണ് ഇത് ഘടിപ്പിക്കുന്നത്.. ഇത് 98% വരെ സംരക്ഷണം നൽകുന്നു. 3 അല്ലെങ്കിൽ 5 വർഷത്തേക്ക് ഇൻസ്റ്റാൾ ചെയ്യാം. സർക്കാർ ആരോഗ്യ കേന്ദ്രങ്ങളിൽ ഇത് സൗജന്യമായി ലഭിക്കും എന്നാൽ വിപണിയിൽ ഇതിന് 375 മുതൽ 500 രൂപ വരെയാണ് വില. ഇതുമൂലം ആർത്തവരക്തം കൂടുന്നതും കാലിൽ വേദനയുണ്ടാകുന്നതും സാധാരണമാണ്. ചെമ്പിനോട് അലർജിയുള്ളവർക്ക് ഇതിന്‍റെ ഉപയോഗം ദോഷം ചെയ്യും.

ബീജനാശിനി ജെല്ലി

ഇത്തരം ഗർഭനിരോധന മാർഗ്ഗങ്ങളും വളരെ നല്ല ഓപ്ഷനുകളായി കണക്കാക്കപ്പെടുന്നു. സ്ത്രീകൾക്ക് കോണ്ടം അല്ലെങ്കിൽ ഏതെങ്കിലും തരത്തിലുള്ള ഉപകരണങ്ങൾ ഉപയോഗിക്കാൻ താൽപ്പര്യമില്ലെങ്കിൽ, ജെല്ലി അടിസ്ഥാനമാക്കിയുള്ള ഗർഭനിരോധന മാർഗ്ഗങ്ങൾ ഉപയോഗിക്കാം. സെക്‌സിന് തൊട്ടുമുമ്പ് ഇത് യോനിയിൽ പുരട്ടണം. ഇതിലടങ്ങിയിരിക്കുന്ന ‘നോനോക്സിനോൾ 9’ എന്ന രാസവസ്തു ബീജത്തെ സ്പർശിക്കുമ്പോൾ തന്നെ നശിപ്പിക്കും. ചില പുരുഷ കോണ്ടങ്ങളിൽ ബീജനാശിനിയും അടങ്ങിയിട്ടുണ്ട്. ഈ പ്രതിവിധി വളരെ ഫലപ്രദമാണ് എന്നാൽ ചില സ്ത്രീകൾക്ക് അലർജിയുണ്ട് അത് ശ്രദ്ധിക്കേണ്ടത് പ്രധാനമാണ്.സ്ത്രീകൾ ഡോക്ടറുടെ ഉപദേശം തേടാതെ ഗർഭനിരോധന മാർഗ്ഗങ്ങൾ ഉപയോഗിക്കുന്നു എന്നാൽ വിവരങ്ങളുടെ അഭാവം പിന്നീട് പ്രശ്‌നത്തിന് കാരണമാകുന്നു

TAGS:

COMMENT
read more
ആരോഗ്യംചോദ്യങ്ങൾഡയറ്റ്സ്ത്രീ സൗന്ദര്യം (Feminine beauty)

ശരീരഭാരം നിയന്ത്രിക്കാൻ മാർഗ്ഗങ്ങൾ

by blogadmin ആരോഗ്യംചോദ്യങ്ങൾഡയറ്റ്സ്ത്രീ സൗന്ദര്യം (Feminine beauty) on

ശരീരഭാരം വർദ്ധിക്കുന്നത് മിക്കവരേയും അലട്ടുന്ന ഒരു പ്രധാന പ്രശ്നമാണ്. ശരീരഭാരം കുറയ്ക്കാനുള്ള ഏറ്റവും വേഗതയേറിയ മാർഗ്ഗം കഴിക്കുന്നതിനേക്കാൾ കൂടുതൽ കലോറി എരിച്ചു കളയുക എന്നതാണ്. അതിനാദ്യം വേണ്ടത് എന്താണ് കഴിക്കുന്നതെന്ന് സ്വയം നിരീക്ഷിക്കുകയെന്നതാണ്. മികച്ചൊരു ഭക്ഷണശീലം സ്വീകരിക്കാൻ അത് ഓരോരുത്തരേയും പ്രാപ്തമാക്കും.

വീട്ടിൽ എങ്ങനെ വേഗത്തിൽ ശരീരഭാരം കുറയ്ക്കാമെന്നതിന് ചില കാര്യങ്ങൾ ശ്രദ്ധിക്കേണ്ടതുണ്ട്.

ഭക്ഷണരീതി

ശരീരഭാരം നിയന്ത്രിക്കുന്നതിന് ഭക്ഷണം ഒഴിവാക്കരുതെന്നത് പ്രധാനമാണ്. ഒരു ദിവസം നാല് തവണ കഴിക്കേണ്ടതുണ്ട്. രാവിലെ, ഉച്ചയ്ക്ക്, വൈകുന്നേരം 4 മണി, രാത്രി 8 മണി എന്നീ ക്രമത്തിൽ. ശരീരത്തിൽ പോഷകങ്ങൾ സ്വാംശീകരിക്കപ്പെടുന്നതിന് ഈ രീതി പ്രധാനമാണ്. ശരീരഭാരം കുറയ്ക്കുന്നതിന് ഡയറ്റിൽ നിന്നും പഞ്ചസാര, കൊഴുപ്പ് എന്നിവ പാടെ ഒഴിവാക്കാം. ദിവസത്തിൽ നിർദ്ദിഷ്ട ഭക്ഷണങ്ങൾ കഴിക്കുക.

പൂർണ്ണമായും പഞ്ചസാര ഒഴിവാക്കാൻ കഴിയുന്നില്ലെങ്കിൽ പഞ്ചസാരയുടെ അളവ് ഗണ്യമായി കുറച്ചു കൊണ്ടുവരാം. ഒന്നോർക്കുക, നാം കഴിക്കുന്ന ഒട്ടുമുക്കാൽ മധുരപലഹാരങ്ങളിലും പഞ്ചസാര നല്ലയളവിൽ അടങ്ങിയിട്ടുണ്ട്. ഇവ കഴിക്കുമ്പോൾ ശരീരത്തിൽ പഞ്ചസാരയുടെ അളവ് വർദ്ധിക്കും. ഒപ്പം ശരീരഭാരം വർദ്ധിക്കുകയും ചെയ്യും. പഞ്ചസാര ഒഴിവാക്കാൻ സാധ്യമല്ലെങ്കിൽ ഉപയോഗിക്കുന്ന അളവ് ഗണ്യമായി കുറയ്ക്കാം.

രാവിലെ ഊർജ്ജം വൈകുന്നേരം ലഘുഭക്ഷണം

വ്യായാമത്തിന് മുമ്പായി ചെറിയൊരു പ്രോട്ടീൻ ബാർ കഴിക്കുന്നത് ഉചിതമായിരിക്കും. വ്യായാമത്തിനു ശേഷം മിനറൽ സോൾട്ട് നിറഞ്ഞ വെള്ളമോ മറ്റ് ആരോഗ്യദായക പാനീയമോ കുടിക്കുന്നത് ശരീരത്തിലെ ജലനഷ്ടത്തെ ലഘൂകരിക്കും. സ്വന്തം ലക്ഷ്യങ്ങൾക്കനുസൃതമായി വ്യക്തിഗത ഡയറ്റ് പ്ലാൻ ചെയ്യാൻ ഒരു ന്യൂട്രിഷ്യനിസ്റ്റിന്‍റെ സഹായം തേടാം.

ജങ്ക്ഫുഡ് ഉപേക്ഷിക്കുക

ശരീരഭാരം കുറയ്ക്കണമെന്ന തീവ്രമായ ആഗ്രഹം ഉണ്ട്, എന്നാൽ ചില പലഹാരങ്ങൾ/ ജങ്ക്ഫുഡ് കഴിക്കാതിരിക്കാനും പറ്റുന്നില്ല. ഇങ്ങനെയുള്ള സാഹചര്യത്തിൽ ഒരു കാര്യം ഓർക്കുക. ജങ്ക്ഫുഡ് കഴിക്കുന്നത് കുറയ്ക്കുമ്പോൾ നിങ്ങൾ ഓരോ ദിവസവും കഴിക്കുന്ന കലോറിയുടെ അളവ് ഗണ്യമായി കുറയുകയാണ്. ജങ്ക്ഫുഡിന് യാതൊരു പോഷകമൂല്യവുമില്ലെന്ന് മനസിലാക്കുക. കഴിക്കാൻ രുചികരമാണെങ്കിലും അവ ശരീരത്തിന് ദോഷമെ ചെയ്യൂ. ജങ്ക്ഫുഡ് കഴിക്കണമെന്നുണ്ടെങ്കിൽ കഴിക്കുന്ന അളവ് ക്രമേണ കുറച്ച് കൊണ്ടുവരിക. തുടർന്ന് അവ കഴിക്കുന്നത് തീർത്തും ഒഴിവാക്കിയാൽ മതി. എന്നിട്ടും ജങ്ക്ഫുഡിനോടുള്ള താൽപര്യം കുറയുന്നില്ലെങ്കിൽ കലോറി അളവ് നിയന്ത്രിച്ചു കൊണ്ട് ഉള്ള ചേരുവകൾ വച്ച് അത് വീട്ടിൽ തയ്യാറാക്കി കഴിക്കാം.

കൃത്രിമ പാനീയങ്ങൾക്ക് പകരം വെള്ളം ധാരാളം കുടിക്കാം

വെള്ളം പ്രകൃത്യാ കലോറി ഫ്രീ ആയിട്ടുള്ള പാനീയമാണ്. ദാഹം തോന്നുമ്പോഴൊക്കെ വെള്ളം ധാരാളമായി കുടിക്കാം. ഉയർന്ന അളവിൽ കലോറിയും പഞ്ചസാരയുമടങ്ങിയ പാനീയങ്ങൾക്ക് പകരമായി വെള്ളം കുടിക്കുക.

നിത്യവും 10 മിനിറ്റ് കായികാഭ്യാസം

പ്രഭാത ഭക്ഷണത്തിന് മുമ്പായി വീട്ടിൽ 10 മിനിറ്റ് നേരം കായികാഭ്യാസം നടത്താം. അതിനായി ആധുനിക ഉപകരണങ്ങളൊന്നും ആവശ്യമില്ല. 500 മില്ലി ലിറ്ററിന്‍റെ ചെറിയ 2 കുപ്പികളിൽ വെള്ളം നിറച്ച് ഇരു കൈകളിലുമെടുത്ത് വശങ്ങളിലേക്ക് വൃത്താകൃതിയിൽ ചലിപ്പിക്കുക. കൈകൾ മുന്നോട്ടും വശങ്ങളിലേക്കും നീട്ടുക. അതുപോലെ കൈകൾ ഉയർത്തി പിടിക്കാം. ചെറിയ വോക്കിംഗ് എക്സർസൈസും ഈ 10 മിനിറ്റിൽ ഉൾപ്പെടുത്താം. ഇത്രയും ചെയ്യുന്നത് ദിവസത്തിന്‍റെ നല്ലൊരു തുടക്കത്തിന് സഹായിക്കും. ഇതൊരു ശീലമാക്കുക. കാർഡിയോയേക്കാൾ പേശികളുടെ ശക്തി വർദ്ധിപ്പിക്കാൻ ഇത് സഹായിക്കും. സമയമുള്ളവർ 10 മിനിറ്റിന് അധികമായി വ്യായാമങ്ങൾ ചെയ്യാം.

വൈകുന്നേരം 20 മിനിറ്റ് നടത്തം

പുറത്തായാലും വീട്ടിലെ ട്രെഡ്മില്ലിലായാലും 20 മിനിറ്റ് നേരം നടക്കുന്നത് ഗുണകരമാണ്. ഒരു ദിവസം 20 മിനിറ്റ് നേരം ഓടുന്നതു കൊണ്ട് കാര്യമായ ഗുണം ലഭിക്കില്ല. എന്നാൽ ആഴ്ചയിലുടനീളം ഇക്കാര്യത്തിൽ സ്‌ഥിരത പുലർത്തിയാൽ ഫലങ്ങൾ തീർച്ചയായും കണ്ടു തുടങ്ങും. ഹൃദയമിടിപ്പ് വർദ്ധിപ്പിക്കുന്ന ഏതൊരു വർക്കൗട്ടും കൊഴുപ്പ് കത്തിച്ചു കളയും. അതൊടൊപ്പം ആരോഗ്യകരമായ ഡയറ്റും കൂടിയാകുന്നതോടെ ശരീരഭാരം എളുപ്പത്തിൽ കുറഞ്ഞു കിട്ടും.

നിത്യവും രാവിലെ യോഗ ചെയ്യുക

പ്രഭാതത്തിലെ സ്വഛസുന്ദരമായ അന്തരീക്ഷം യോഗ ചെയ്യാൻ അത്യു ത്തമമാണ്. രാവിലെ യോഗ ചെയ്യുന്നത് ശരീരത്തിനും മനസിനും നവോന്മേഷം പകരും. ശരീരം ഊർജ്ജസ്വലമാകും. അതും അതിരാവിലെയാണെങ്കിൽ അതിന്‍റെ ഗുണം പറഞ്ഞറിയിക്കുന്നതിലും അപ്പുറമായിരിക്കും.

അതിരാവിലെയുള്ള യോഗ മെറ്റബോളിസത്തെ ബൂസ്റ്റ് ചെയ്യും. കൊഴുപ്പിനെ അലിയിച്ച് കളയാനും പോഷകങ്ങൾ ശരീരത്തിലുടനീളം എത്താനും ഇത് സഹായിക്കും. ആസന മുറകൾ പരിശീലിക്കുന്നതിലൂടെ ശരീരത്തിലെ എക്സ്ട്രാ കൊഴുപ്പ് ഇല്ലാതാകും.

കാർഡിയോ എക്സർസൈസ്

ശരീരഭാരം നിയന്ത്രിക്കാൻ കാർഡിയോ ചെയ്യുന്നത് ഏറ്റവും ഫലവത്താണ്. മാത്രവുമല്ല പുറത്ത് അത് അനായാസം ചെയ്യാം. സൈക്കിളിംഗ്, നീന്തൽ, ഓട്ടം, സ്കിപ്പിംഗ്, ജംമ്പിംഗ് ജാക്സ് എന്നിവയാണ് ചില കാർഡിയോ എക്സർസൈസുകൾ. ഹൃദയമിടിപ്പ് വർദ്ധിപ്പിക്കുന്നതിന് സഹായകമായ വ്യായാമങ്ങൾ വീട്ടിലും ചെയ്യാവുന്നതാണ്. വീട്ടിൽ ചെയ്യാവുന്നതിൽ ഒന്നാണ് സ്കിപ്പിംഗ്. ശരീരത്തിന് ഷെയ്പ് ലഭിക്കാനും ശരീരഭാഗങ്ങൾ ഉറച്ചതാകാനും ഇത് സഹായിക്കും.

സ്കൂൾ, കോളേജ്, ജോലി സ്‌ഥലം, മാർക്കറ്റ് എന്നിവിടങ്ങളിലേക്ക് നടന്നു പോവുക

നടക്കാവുന്ന ദൂരമാണെങ്കിൽ ഇത്തരമിടങ്ങളിലേക്ക് നടന്നു പോവുക. അൽപം അകലെയാണെങ്കിൽ സൈക്കിളിലാവാം സവാരി. ഇത്തരത്തിൽ സൈക്കിൾ ചവിട്ടുന്നത് പല തരത്തിൽ ഗുണം ചെയ്യും. വ്യായാമത്തിനായി അധിക സമയം പാഴാക്കേണ്ടിയും വരില്ല. മാത്രവുമല്ല ഇത് ദൈനംദിന ദിനചര്യകളോട് എളുപ്പത്തിൽ യോജിക്കുകയും ചെയ്യുന്നു. ഗതാഗത ചെലവ് ഉണ്ടാവുകയുമില്ല.

സമീകൃതാഹാരം

മോശം ഭക്ഷണം ഇല്ലാതാക്കുക കഠിനമാണ്. എന്നാൽ ഇതിനെ അതിജീവിച്ചാൽ നിങ്ങൾ ശരീരഭാരം കുറയ്ക്കുന്നതിൽ പാതി വിജയിച്ചുവെന്ന് തന്നെ പറയാം. ഉയർന്ന ഫൈബർ ഉത്പന്നങ്ങളായ ഓട്സ്, ബ്രൗൺ റൈസ് എന്നിവയുടെ ചെറിയ സർവിംഗുകൾ പോലും വയർ നിറയ്ക്കും. ഇൻസുലിൻ അളവ് വർദ്ധിക്കാതിരിക്കുകയും ചെയ്യും. ഭക്ഷണത്തിൽ വേണ്ടയളവിൽ കൊഴുപ്പും പ്രോട്ടീനും ഉൾപ്പെടുത്തുക.

ഗ്രീൻ ടീ കുടിക്കുക

ഗ്രീൻ ടീ ഏറ്റവും മികച്ച പാനീയങ്ങളിൽ ഒന്നാണ്. ഗ്രീൻ ടീയിൽ അടങ്ങിയിരിക്കുന്ന ആന്‍റി ഓക്സിഡന്‍റുകളുടെ വൻതോതിലുള്ള ശ്രേണി കൊഴുപ്പിനെ കത്തിച്ച് കളയാനും മെറ്റബോളിസം നിരക്ക് വർദ്ധിപ്പിക്കാനും ഉത്തമമാണ്. ഗ്രീൻ ടീയിൽ കലോറി കുറഞ്ഞ അളവിലെ ഉള്ളൂ. പ്രഭാത ഭക്ഷണത്തിനും ഉച്ചഭക്ഷണത്തിനും തൊട്ടുപിന്നാലെ ഗ്രീൻ ടീ കുടിക്കാം.

വെ പ്രോട്ടീനുകൾ ഉപയോഗിക്കുക

വെ പ്രോട്ടീൻ കഴിക്കുന്നത് ശീലമാക്കിയാൽ കൂടുതൽ സംതൃപ്തി നൽകുകയും കൂടുതൽ നേരം വയർ നിറഞ്ഞ ഫീൽ സൃഷ്ടിക്കുകയും ചെയ്യും. ഇടവേളകളിലുള്ള അനാരോഗ്യകരമായ ലഘുഭക്ഷണശീലങ്ങൾ ഒഴിവാക്കാൻ ഇത് സഹായിക്കും. ശരീരഭാരം കുറയ്ക്കാനും കൊഴുപ്പ് കുറയ്ക്കാനും ഇത് ഉത്തമമാണ്.

നിത്യവും നാരങ്ങാവെള്ളം തേൻ ചേർത്ത് കഴിക്കുക

ഈയൊരു കോമ്പിനേഷന്‍റെ ഗുണങ്ങൾ ഏറെയാണ്. എല്ലാ ദിവസവും രാവിലെ എഴുന്നേറ്റയുടൻ ഇളം ചൂടുവെള്ളം നിറച്ച ഒരു ഗ്ലാസിൽ പകുതി നാരങ്ങയുടെ നീരും തേനും ചേർത്ത് കുടിക്കുക. ശരീരഭാരം നിയന്ത്രിക്കാൻ ഫലപ്രദമായ രീതിയാണിത്. മെറ്റബോളിസം വർദ്ധിപ്പിക്കുന്നു.

പഴങ്ങൾ കഴിക്കുക, ജ്യൂസായിട്ടല്ല

പഴങ്ങൾ ജ്യൂസായി കഴിക്കുന്നത് ആരോഗ്യപ്രദമാണെങ്കിലും അത് ലോ കലോറി പാനീയമാകണമെന്നില്ല. 8 ഔൺസ് ഓറഞ്ച് ജ്യൂസിൽ 110 കലോറിയിലധികം അടങ്ങിയിരിക്കുന്നു. അത് 2 ഓറഞ്ചിന് തുല്യമാണ്. ഒരു വ്യക്‌തി പൊതുവെ ഒരു ഓറഞ്ചിൽ കൂടുതൽ ഒരു ദിവസം കഴിക്കുകയില്ല. പഴങ്ങൾ ജ്യൂസായി കഴിക്കുന്നതിന് പകരമായി പഴങ്ങളുടെ രൂപത്തിൽ അവ കഴിക്കാം.

ഒരാഴ്ച കൊണ്ട് എങ്ങനെ ശരീരഭാരം കുറയ്ക്കാം

ഒരു ഡയറ്റ് പ്ലാൻ

ഡയറ്റ് ചാർട്ട് തയ്യാറാക്കുമ്പോൾ അത് സന്തുലിതവും ശരീരത്തിനാവശ്യമായ എല്ലാ പോഷകങ്ങൾ ലഭിക്കുന്നതും ആയിരിക്കണം. ഡയറ്റിൽ ഇനി പറയുന്നവ ഉൾപ്പെടുത്തേണ്ടത് പ്രധാനമാണ്.

കാർബോഹൈഡ്രേറ്റ്സ്

ശരീരത്തിന്‍റെ പ്രാഥമിക ഈർജ്ജസ്രോതസാണ് കാർബോ ഹൈഡ്രേറ്റുകൾ. ശരിയായ കാർബോ ഹൈഡ്രേറ്റ് തെരഞ്ഞെടുക്കണം. ബ്രഡ്, ബിസ്ക്കറ്റ്, വെളുത്ത അരി, ഗോതമ്പ് പൊടി എന്നിവയിൽ പഞ്ചസാര കൂടുതലായതിനാൽ അവ അനാരോഗ്യകരമാണ്. അതിന് പകരമായി കോംപ്ലക്സ് കാർബോ ഹൈഡ്രറ്റുകൾ തെരഞ്ഞെടുക്കാം. നാരുകളും പോഷകങ്ങളും കൂടുതൽ അടങ്ങിയതാവണം. ഉദാ: ബ്രൗൺ റൈസ്, റാഗി, ഓട്സ് എന്നിവ കോംപ്ലക്സ് കാർബോ ഹൈഡ്രേറ്റുകളുടെ മികച്ച സ്രോതസുകളാണ്.

പ്രോട്ടീനുകൾ

ശരിയായ ആരോഗ്യത്തിന് പ്രോട്ടീനുകൾ ഏറ്റവുമാവശ്യമാണ്. കോശങ്ങൾ, മസിലുകൾ, കാർട്ടിലേജ്, ചർമ്മം എന്നിവയുടെ രൂപീകരണത്തിനും രക്‌തയോട്ടം വർദ്ധിപ്പിക്കാനും പ്രോട്ടീനുകൾ ആവശ്യമാണ്. പ്രോട്ടീൻ ഡയറ്റ് പിന്തുടരുന്നത് ശരീരഭാരം കുറയ്ക്കുന്നതിനും മസിൽ ഗ്രോത്ത് മെച്ചപ്പെടുത്തുന്നതിനും കലോറിയും കൊഴുപ്പും എരിച്ചു കളയുന്നതിനും ഉത്തമമാണ്. പരിപ്പിനങ്ങൾ, പനീർ, കടല, പാൽ, പച്ചക്കറികൾ, മുട്ട, മുളപ്പിച്ച ധാന്യങ്ങൾ എന്നിവ മികച്ച പ്രോട്ടീൻ സ്രോതസുകളാണ്. ഓരോ ഭക്ഷണത്തിലും പ്രോട്ടീനിന്‍റെ ഒരു സർവിംഗ് ഉൾപ്പെടുത്താം.

കൊഴുപ്പുകൾ

ഡയറ്റിൽ കൊഴുപ്പിനെ ചൊല്ലി നെഗറ്റീവായ ധാരണയുണ്ടെങ്കിലും ശരീരത്തിന് ഇത് അത്യാന്താപേക്ഷിതമാണ്. ഹെൽത്തി ഫാറ്റുകളായ പോളിസാച്ചുറേറ്റഡ്, മോണോസാച്ചുറേറ്റഡ്, ഒമേഗ -3 ഫാറ്റി ആസിഡുകൾ എന്നിവ ഡയറ്റിൽ അഞ്ചിലൊന്നു ഭാഗം അളവിൽ ഉൾപ്പെടുത്തിയിരിക്കണം. ഒലീവ് ഓയിൽ, തവിടെണ്ണ, കടുകെണ്ണ, സോയാബീൻ, എള്ള്, സൂര്യകാന്തി, നിലക്കടല എണ്ണ എന്നിവ നിയന്ത്രിത അളവിൽ ഉൾപ്പെടുത്തുന്നതിലൂടെ ശരീരത്തിന് ആവശ്യമായ കൊഴുപ്പ് ലഭ്യമാകും. ഒപ്പം ചെറിയ അളവിൽ വെണ്ണയും നെയ്യും ഉൾപ്പെടുത്താം. എന്നാൽ വറുത്ത് പൊരിച്ച ഭക്ഷണങ്ങളിൽ അധിക അളവിൽ ട്രാൻസ് ഫാറ്റുകൾ ഉള്ളതിനാൽ അവ ഒഴിവാക്കിയെ പറ്റൂ.

വിറ്റാമിനുകൾ ധാതുക്കൾ

വിറ്റാമിൻ എ, ഇ, ബി12, ഡി, കാത്സ്യം, അയൺ എന്നിവ ശരീരത്തിന്‍റെ മെറ്റബോളിസത്തിനും മസിൽ പ്രവർത്തനങ്ങൾക്കും എല്ലിന്‍റെ ആരോഗ്യത്തിനും കോശ നിർമ്മാണത്തിനും ഏറ്റവുമാവശ്യമാണ്. നട്സ്, ഓയിൽ സീഡുകൾ, പഴങ്ങൾ, പച്ച ഇലവർഗ്ഗങ്ങൾ, മാംസം, മത്സ്യം എന്നിവയിൽ നിന്നാണ് പോഷകങ്ങളും ധാതുക്കളും ലഭിക്കുക. അതിനാൽ 100 ഗ്രാം പച്ചക്കറിയിനങ്ങളും 100 ഗ്രാം പഴങ്ങളും നിത്യവും കഴിച്ചിരിക്കണം.

ഒരാഴ്ച കൊണ്ട് പഴങ്ങൾ- പച്ചക്കറി ഡയറ്റിലൂടെ എങ്ങനെ ശരീരഭാരം കുറയ്ക്കാം

4 ആഴ്ചയ്ക്കുള്ള ഫുഡ് പ്ലാനാണിത്. ആഴ്ചയിൽ ഏതെങ്കിലും നാല് ദിവസങ്ങളിൽ ഇത് പ്രാവർത്തികമാക്കാം.

ഒന്നാം ദിവസം: ഇഷ്ടമുള്ളത്ര പഴങ്ങൾ കഴിച്ചു കൊണ്ട് ദിവസത്തിന് ആരംഭം കുറിക്കാം. അവ എത്രമാത്രം എപ്പോൾ കഴിക്കണമെന്നതിന് കൃത്യമായ നിർദ്ദേശങ്ങളൊന്നുമില്ല. ഉയർന്ന അളവിൽ ഫൈബറുകൾ ഉള്ള തണ്ണിമത്തൻ, മസ്ക്മെലൺ എന്നിവ നിയന്ത്രിയ അളവിൽ കഴിക്കാം. ഡയറ്റിൽ ആപ്പിൾ, ഓറഞ്ച്, പപ്പായ എന്നിവ ഉൾപ്പെടുത്താം. 8 മുതൽ 12 ഗ്ലാസ് വെള്ളം നിർബന്ധമായും കുടിച്ചിരിക്കണം. പകൽ സമയത്ത് ഏതെങ്കിലും നേരത്ത് വിശപ്പ് തോന്നുമ്പോൾ പഴങ്ങൾ കഴിക്കാം.

ഒന്നാം ദിവസം പച്ചക്കറികൾ പൂർണ്ണമായും ഒഴിവാക്കണം. ഒപ്പം വാഴപ്പഴം ഒഴിവാക്കുക. ആദ്യ ദിവസം ഇതെ ഡയറ്റിൽ തുടരുന്നതിനാൽ ദിവസം മുഴുവനും ഊർജ്ജസ്വലതയനുഭവപ്പെടും.

രണ്ടാം ദിവസം: ആദ്യ ദിവസത്തേതിൽ നിന്നും വ്യത്യസ്തമാണ്. രണ്ടാം ദിനത്തിലെ ഭക്ഷണക്രമം. ഈ ദിവസം പച്ചക്കറികൾ മാത്രമെ കഴിക്കാൻ പാടുള്ളൂ. അസംസ്കൃതമായിട്ടും അല്ലാതെയുമാണ് പച്ചക്കറികൾ കഴിക്കേണ്ടത്. പച്ചക്കറികൾ തയ്യാറാക്കുന്നതിന് എണ്ണ ഉപയോഗിക്കേണ്ടതില്ല. വിശക്കുമ്പോൾ ദിവസത്തിൽ ഏത് സമയത്തും പച്ചക്കറികൾ കഴിക്കാം. ആവശ്യമെങ്കിൽ ഒലീവ് ഓയിലോ വെണ്ണയോ സ്വാദിനായി ഉപയോഗിക്കാം. ഉരുളക്കിഴങ്ങ്, കാരറ്റ്, ബീൻസ്, കടല, ബ്രോക്കോളി, കുക്കുംബർ, വെണ്ടയ്ക്ക, ചീര, സെലറി എന്നിവ ഉൾപ്പെടുത്താം.

മൂന്നാം ദിവസം: പഴങ്ങളും പച്ചക്കറികളും സംയോജിപ്പിച്ച് കഴിക്കാം. കഴിഞ്ഞ രണ്ട് ദിവസം കഴിച്ച ഭക്ഷണത്തിന് സമാനമായിരിക്കണം ഈ ദിവസത്തെ ഭക്ഷണ ക്രമം. എന്നാൽ ഉരുളക്കിഴങ്ങ്, വാഴപ്പഴം പാടെ ഒഴിവാക്കാം. ആഴ്ചയുടെ പകുതിയോടെ ശരീരം പുതിയ ഭക്ഷണക്രമത്തോട് പൊരുത്തപ്പെടാൻ തുടങ്ങും. ഒപ്പം 8-12 ഗ്ലാസ് വെള്ളം കുടിക്കണം. പഴങ്ങൾ – പച്ചക്കറി ചേർന്നുള്ള ഡയറ്റ് ശരീരത്തിന് ഉയർന്ന അളവിൽ നാരുകളുടെയും പ്രോട്ടീനുകളുടെയും ഗുണങ്ങൾ നൽകും.

നാലാം ദിവസം: കഴിഞ്ഞ മൂന്ന് ദിവസങ്ങളിൽ ഒഴിവാക്കിയ വാഴപ്പഴം കഴിക്കാം. 6- 8 വാഴപ്പഴം കഴിക്കാം. ദിവസത്തെ പ്രധാന ഭക്ഷണമായും ലഘുഭക്ഷണമായും ഇത് കഴിക്കാം. ഒപ്പം പ്രാതൽ, ഉച്ചഭക്ഷണം, അത്താഴം എന്നീ പ്രധാന ഭക്ഷണത്തിനൊപ്പം ഒരു വലിയ ഗ്ലാസ് പാലും കുടിച്ചിരിക്കണം. വാഴപ്പഴത്തിൽ ധാരാളമായുള്ള പെക്റ്റിനുകൾ എന്ന പോഷകം ദഹനത്തെ സഹായിക്കുന്നു. ഒപ്പം ശരീരത്തിന് വേഗത്തിൽ ഊർജ്ജം നൽകുന്നു. മാത്രവുമല്ല വാഴപ്പഴത്തിൽ ധാരാളം പൊട്ടാസ്യം അടങ്ങിയിട്ടുണ്ട്. പൊട്ടാസ്യത്തിന്‍റെയും കാത്സ്യത്തിന്‍റെയും മികച്ച ഉറവിടമാണ് പാൽ. നാലാം ദിവസം വാഴപ്പഴമൊഴിച്ച് മറ്റ് പഴങ്ങളൊന്നും കഴിക്കാൻ പാടില്ല. വാഴപ്പഴം, പാൽ എന്നിവയ്ക്ക് പുറമെ അത്തിപ്പഴവും സോയപാലും ഉപയോഗിക്കാം.

TAGS:

read more
ആരോഗ്യംചോദ്യങ്ങൾസ്ത്രീ സൗന്ദര്യം (Feminine beauty)

Health tips: മോണയിൽ രക്തസ്രാവമുണ്ടോ?

by blogadmin ആരോഗ്യംചോദ്യങ്ങൾസ്ത്രീ സൗന്ദര്യം (Feminine beauty) on

ബ്രഷിംഗ് സമയത്ത് നിങ്ങളുടെ മോണയിൽ രക്തസ്രാവം ഉണ്ടെങ്കിൽ ഈ പ്രശ്നം അവഗണിക്കരുത്. മോണയുടെ ഈ പ്രശ്‌നത്തെ സാധാരണമെന്നു കരുതി നമ്മൾ ശ്രദ്ധിക്കാറില്ല, എന്നാൽ അവഗണിക്കുന്നത് അപകടകരമാണ്.

ഇത് പയോറിയ എന്ന അവസ്ഥ ആകാം. ചിലപ്പോൾ ഈ പ്രശ്നം വളരെയധികം വർദ്ധിക്കുകയും അത് അൾസറിന്‍റെ രൂപമെടുക്കുകയും ചെയ്യുന്നു. അത്തരമൊരു സാഹചര്യത്തിൽ കൃത്യസമയത്ത് ചികിത്സ ആരംഭിക്കുന്നതാണ് നല്ലത്. ഈ പ്രശ്നം പ്രാരംഭ ഘട്ടത്തിൽ ആണെങ്കിൽ ഈ എളുപ്പത്തിലുള്ള വീട്ടുവൈദ്യങ്ങൾ സ്വീകരിച്ച് നിങ്ങൾക്ക് ഈ പ്രശ്നത്തിൽ നിന്ന് ആശ്വാസം ലഭിക്കും.

  1. ഗ്രാമ്പൂ ഓയിൽ ഒരു പ്രതിവിധി

ഗ്രാമ്പൂ ഓയിൽ ഒരു ഔഷധമാണ്. ഇത് പല്ലിനും മോണയ്ക്കും ഏറെ ഗുണം ചെയ്യും. ബ്രഷ് ചെയ്യുമ്പോഴോ എന്തെങ്കിലും കഴിക്കുമ്പോഴോ നിങ്ങളുടെ മോണയിൽ രക്തസ്രാവം ഉണ്ടായാൽ ഗ്രാമ്പൂ ഓയിൽ നിങ്ങൾക്ക് വളരെ ഗുണം ചെയ്യും. ഗ്രാമ്പൂ ഓയിലിൽ ഒരു ചെറിയ പഞ്ഞി മുക്കി മോണയിലും പല്ലിലും പുരട്ടുക. കുറച്ചു നേരം ഇങ്ങനെ വയ്ക്കുക. അതിനുശേഷം ചെറുചൂടുള്ള വെള്ളത്തിൽ വായ വൃത്തിയാക്കുക. വേണമെങ്കിൽ ഒന്നോ രണ്ടോ ഗ്രാമ്പൂ സ്ഥിരമായി ചവയ്ക്കുകയും ചെയ്യാം. ഇത് മോണയിലെ രക്തസ്രാവം നിർത്തും. ഇതോടൊപ്പം വീക്കം എന്ന പ്രശ്നവും ഇല്ലാതാകും. ഗ്രാമ്പൂ ഉപയോഗിച്ചാൽ വായിലെ ദുർഗന്ധവും മാറും.

  1. കടുകെണ്ണ ഉപ്പ് കലർത്തി മസ്സാജ് ചെയ്യുക

ഒരു സ്പൂൺ കടുകെണ്ണയിൽ ഒരു നുള്ള് ഉപ്പ് കലർത്തി പല്ലിലും മോണയിലും മസാജ് ചെയ്യുക. ഇങ്ങനെ ചെയ്താൽ മോണയിലെ വീക്കം മാറും. മോണയിൽ രക്തസ്രാവം ഉണ്ടെങ്കിൽ പോലും ഈ പ്രതിവിധി നിങ്ങൾക്ക് ഗുണം ചെയ്യും.

3.വിറ്റാമിൻ സി

ഭക്ഷണത്തിൽ കൂടുതൽ വിറ്റാമിൻ സി ഉപയോഗിക്കുക. വിറ്റമിൻ സി അണുബാധ അനുവദിക്കുന്നില്ല, അൾസർ സാധ്യത കുറയ്ക്കുന്നു. അസംസ്‌കൃത പച്ചക്കറികൾ കഴിക്കുന്നതും സിട്രസ് പഴങ്ങൾ കഴിക്കുന്നതും പല്ലുകളെ ശക്തിപ്പെടുത്തുകയും മോണകളെ ആരോഗ്യകരമാക്കുകയും ചെയ്യുന്നു.

  1. ആലം

മോണയിൽ നിന്ന് രക്തസ്രാവം ഉണ്ടാകുകയും പല്ലിൽ ഇടയ്ക്കിടെ വേദന ഉണ്ടാകുകയും ചെയ്യുന്നുവെങ്കിൽ, ആലം വെള്ളത്തിൽ കഴുകുന്നത് നിങ്ങൾക്ക് ഗുണം ചെയ്യും. രക്തസ്രവം നിർത്താനുള്ള കഴിവ് ആലത്തിന് ഉണ്ട്. ഇതുകൂടാതെ, ഇതിന്‍റെ ആന്‍റി ബാക്ടീരിയൽ ഗുണവും അണുബാധയ്ക്കുള്ള സാധ്യത കുറയ്ക്കുന്നു.

  1. ഉപ്പു വെള്ളവും ഗുണം ചെയ്യും

മോണയുടെ ആരോഗ്യത്തിനും ഉപ്പു വെള്ളം സഹായകമാണ്. ദിവസവും ഒരു നേരം ഉപ്പു വെള്ളത്തിൽ വായ കഴുകുന്നത് ഗുണം ചെയ്യും. ഇത് വേദന കുറയ്ക്കാൻ മാത്രമല്ല, അണുബാധയ്ക്കുള്ള സാധ്യത കുറയ്ക്കാനും സഹായിക്കും.

ഇവയെല്ലാം വീട്ടുവൈദ്യങ്ങൾ ആണെങ്കിലും പാർശ്വഫലങ്ങൾ ഒന്നുമില്ല. എന്നിട്ടും പ്രശ്നം കുറയുന്നില്ലെങ്കിൽ ഒരു ഡോക്ടറെ സമീപിക്കുക.

TAGS:

read more
ആരോഗ്യംആർത്തവം (Menstruation)ഓവുലേഷന്‍ചോദ്യങ്ങൾഫാഷൻലൈംഗിക ആരോഗ്യം (Sexual health )

പാന്‍റി ലൈനറുകളുടെ ഉപയോഗം

by blogadmin ആരോഗ്യംആർത്തവം (Menstruation)ഓവുലേഷന്‍ചോദ്യങ്ങൾഫാഷൻലൈംഗിക ആരോഗ്യം (Sexual health ) on

ഡിസ്ചാർജ് ആഗിരണം ചെയ്യാൻ അടിവസ്ത്രത്തിന്‍റെ ഉള്ളിൽ വെയ്ക്കുന്ന നേർത്ത പാഡുകളാണ് പാന്‍റി ലൈനറുകൾ.

യോനിയിൽ നിന്നുള്ള ഡിസ്ചാർജ് ഒരു സാധാരണ സംഭവമാണ്. ദിവസം മുഴുവൻ അടിവസ്ത്രങ്ങൾ വരണ്ടതും വൃത്തിയുള്ളതും ആയി സൂക്ഷിക്കുന്നതിനു പാന്‍റി ലൈനറുകൾ ഉപയോഗിക്കുന്നു. അവ നിങ്ങളുടെ സാനിറ്ററി പാഡുകളുമായി സാമ്യമുള്ളതാണ്, പക്ഷേ അവ സാനിറ്ററി പാഡുകളേക്കാൾ വളരെ കനംകുറഞ്ഞതാണ്. പാന്‍റീസ് വരണ്ടതാക്കാൻ ഉപയോഗിക്കുന്നതാണ്. യോനിയിൽ നിന്ന് സ്രവങ്ങൾ ഉണ്ടാകാൻ സാധ്യതയുള്ള ദിവസങ്ങളിൽ ഇത് ഉപയോഗിക്കാവുന്നതാണ്. യോനി വൃത്തിയുള്ളതായി നിലനിർത്താൻ ഇതിലൂടെ സഹായിക്കും.

നോയിഡയിലെ മദർഹുഡ് ഹോസ്പിറ്റലിലെ സീനിയർ കൺസൾട്ടന്‍റ് ഒബ്‌സ്റ്റട്രീഷ്യൻ ആന്‍റ് ഗൈനക്കോളജിസ്റ്റ് ഡോ. മഞ്ജു ഗുപ്ത പാന്‍റി ലൈനറുകളെ കുറിച്ച് പറയുന്നത് കേൾക്കു.

എന്താണ് പാന്‍റി ലൈനേഴ്സ്?

യോനിയിൽ നിന്നുള്ള ഡിസ്ചാർജ് അല്ലെങ്കിൽ നേരിയ ആർത്തവപ്രവാഹം ആഗിരണം ചെയ്യാൻ അടിവസ്ത്രത്തിന്‍റെ ഉള്ളിൽ ധരിക്കുന്ന പാഡുകളാണ് പാന്‍റി ലൈനറുകൾ. പാന്‍റി ലൈനറുകൾ നേർത്ത പാഡുകളാണ്. ചെറിയ, പോർട്ടബിൾ പാന്‍റി ലൈനറുകൾ മുതൽ വലിയ സംരക്ഷിത പാന്‍റി ലൈനറുകൾ വരെ ലഭ്യമാണ്. യോനിയിൽ നിന്നുള്ള ഡിസ്ചാർജും ആർത്തവ പ്രവാഹവും കുറയ്ക്കാൻ പാകത്തിന് രൂപകൽപ്പന ചെയ്‌തിരിക്കുന്നു. പാന്‍റി ലൈനറുകൾ വിവിധ വലുപ്പത്തിലും ഓപ്ഷനുകളിലും ലഭ്യമാണ്. പശ വെച്ച് ഒട്ടിക്കുന്ന ഡിസ്പോസിബിൾ പാന്‍റി ലൈനറുകൾ ആണ് കൂടുതൽ പ്രചാരം.

പുനരുപയോഗിക്കാവുന്ന കോട്ടൺ പാന്‍റി ലൈനറുകളും ഉണ്ട്. വിവിധ നിറങ്ങൾ, മെറ്റീരിയലുകൾ, ഡിസൈനുകൾ, ആഗിരണം ചെയ്യാനുള്ള കഴിവ് ഇങ്ങനെ വ്യത്യസ്തമായി ഇവ വരുന്നു. അവ വീണ്ടും ഉപയോഗിക്കാനും കഴുകാനും കഴിയും. പുനരുപയോഗിക്കാവുന്ന പാന്‍റി ലൈനറുകൾ പിടിക്കാൻ ഡ്രൈപ്പറി ചിറകുകൾ അറ്റത്ത് ബന്ധിപ്പിച്ചിരിക്കുന്നു.

പാന്‍റി ലൈനറുകൾ എന്തിനുവേണ്ടിയാണ്?

ആർത്തവത്തിന്‍റെ തുടക്കത്തിലും അവസാനത്തിലും കാണുന്ന യോനി ഡിസ്ചാർജ്, നേരിയ ആർത്തവപ്രവാഹം, പോസ്റ്റ്- സെക്ഷ്വൽ ഡിസ്ചാർജ് എന്നിവ ആഗിരണം ചെയ്യുന്നതിനാണ് പാന്‍റി ലൈനറുകൾ രൂപകൽപ്പന ചെയ്തിരിക്കുന്നത്. കൂടുതൽ സംരക്ഷണത്തിനായി, കോട്ടൺ, പാഡുകൾ, ആർത്തവ കപ്പുകൾ എന്നിവയ്‌ക്കൊപ്പം പാന്‍റി ലൈനറുകൾ ധരിക്കാം. ചില ആളുകൾക്ക് പാന്‍റി ലൈനറുകൾ പാഡുകളേക്കാൾ സൗകര്യപ്രദവുമാണ്. പല കാരണങ്ങളാൽ ആർത്തവചക്രസമയത്ത് യോനിയിൽ ഡിസ്ചാർജ് സംഭവിക്കുന്നു, യോനിയിലെ ലൂബ്രിക്കേഷൻ, അണ്ഡോത്പാദനം, ലൈംഗിക ഉത്തേജനം മുതലായവമൂലം ഇത് സാധാരണമാണ്. അടിവസ്ത്രം നനയാതെ മലിനമാകാതിരിക്കാനും പാന്‍റി ലൈനർ ധരിക്കുന്നത് ഗുണം ചെയ്യും.

പാന്‍റി ലൈനറുകളുടെ പ്രയോജനങ്ങൾ:

  • മൂത്രം പോക്ക്, യോനിയിൽ നിന്നുള്ള ഡിസ്ചാർജ്, ആകസ്മികമായ ആർത്തവം എന്നിവയിൽ നിന്ന് പാന്‍റി ലൈനറുകൾ പതിവായി സംരക്ഷണം നൽകുന്നു.
  • ആർത്തവത്തിനു ശേഷവും നേരിയ രക്തസ്രാവമുണ്ടായാൽ പാന്‍റി ലൈനറുകൾ ഗുണം ചെയ്യും.
  • അടിവസ്ത്രങ്ങൾ വൃത്തിയായി സൂക്ഷിക്കാൻ പാന്‍റി ലൈനറുകൾ സഹായിക്കും.
  • പ്രസവശേഷം നേരിയ രക്തസ്രാവത്തിന് പാന്‍റി ലൈനറുകൾ ഉപയോഗപ്രദമാകും. ഇത് കുഞ്ഞ് ജനിച്ച് ഏതാനും ആഴ്ചകളോ മാസങ്ങളോ നീണ്ടുനിൽക്കും.

പാന്‍റിലൈനറുമായി ബന്ധപ്പെട്ട ചില പ്രധാന നിർദ്ദേശങ്ങൾ

  • കനത്ത രക്ത സ്രവം ഉള്ളപ്പോൾ പാന്‍റി ലൈനറുകൾ ഉപയോഗിക്കരുത്, ഇവ ആർത്തവത്തിന് മുമ്പോ ശേഷമോ ധരിക്കാം.
  • ചിലർക്ക് പാന്‍റി ലൈനറുകൾ മൂലം, ചുവപ്പ്, ചൊറിച്ചിൽ എന്നിവ ഉണ്ടാകാം.
  • സുഗന്ധമുള്ള അടിവസ്ത്രങ്ങളിലെ രാസവസ്തുക്കൾ യോനിക്ക് ചുറ്റുമുള്ള മൃദുവായ ടിഷ്യൂകളെ നശിപ്പിക്കും.
  • സിന്തറ്റിക് നാരുകൾ കൊണ്ട് നിർമ്മിച്ച അടിവസ്ത്രങ്ങളും ആന്‍റി- ട്രാൻസിറ്റ് ലെയറുകളുള്ള പാന്‍റി ലൈനറുകളുടെ പതിവ് ഉപയോഗവും പ്രത്യുൽപാദന അവയവങ്ങളിലേക്കുള്ള വായുവിന്‍റെ ചലനത്തെ നിയന്ത്രിക്കുകയും വിയർപ്പ് ബാഷ്പീകരിക്കപ്പെടുന്നത് തടയുകയും ചെയ്യുന്നു. വായു സഞ്ചാരം തടയുകയും ചെയ്യുന്നു.

പാന്‍റി ലൈനറുകൾ ഉപയോഗിക്കുന്നതിനുള്ള ലളിതമായ മാർഗ്ഗനിർദ്ദേശങ്ങൾ

  • അടിവസ്ത്രങ്ങൾക്കുള്ളിൽ പാന്‍റി ലൈനറുകൾ ധരിക്കാം, അവയിൽ ഒരു പശ ഉണ്ടായിരിക്കും.
  • അടിവസ്ത്രത്തിന്‍റെ ഉള്ളിൽ പാന്‍റിലൈനർ ലംബമായി ആണ് ഉപയോഗിക്കേണ്ടത്.
  • പാന്‍റി ലൈനർ നനഞ്ഞാൽ, അത് ഉടൻ മാറ്റണം.
  • രാത്രിയിൽ പാന്‍റി ലൈനറുകൾ ഉപയോഗിക്കരുത്. അണുബാധയുടെ സാധ്യത കുറയ്ക്കുന്നതിന് അവ കഴിയുന്നത്ര തവണ മാറ്റണം.
  • സുഗന്ധമുള്ള പാന്‍റിലൈനറുകൾ ഉപയോഗിക്കുന്നത് ഒഴിവാക്കുക, കാരണം അവ ചൊറിച്ചിലും അസ്വസ്ഥതയും ഉണ്ടാക്കുന്നു.
  • സുഗന്ധമുള്ളവയ്ക്ക് പകരം ഓർഗാനിക് കോട്ടൺ പാന്‍റിലൈനറുകൾ ഉപയോഗിക്കുക.
read more
ആരോഗ്യംചോദ്യങ്ങൾസ്ത്രീ സൗന്ദര്യം (Feminine beauty)

കണ്ണിനു വേണം കരുതൽ

by blogadmin ആരോഗ്യംചോദ്യങ്ങൾസ്ത്രീ സൗന്ദര്യം (Feminine beauty) on

ഡിജിറ്റൽ യുഗത്തിൽ കണ്ണുകളുടെ സുരക്ഷ വളരെ പ്രധാനമാണ്.

നമ്മുടെ ഇക്കാലത്തെ ജീവിതശൈലിയുടെ ഭാഗമാണ് സ്മാർട്ട് ഗാഡ്‌ജെറ്റുകൾ‌.. അവ സൗകര്യപ്രദമാണ്, ഏറ്റവും ഉപയോഗപ്രദവുമാണ്… പക്ഷേ അതേ ഗാഡ്ജറ്റ്കൾ നമ്മുടെ കണ്ണുകളെ മോശമായി ബാധിക്കുകയും ചെയ്യുന്നു . അത്തരമൊരു സാഹചര്യത്തിൽ, നേത്രസംരക്ഷണത്തെക്കുറിച്ച് ശരിയായ വിവരങ്ങൾ ലഭിക്കുന്നത് വളരെ പ്രധാനമാണ്…

ഡിജിറ്റൈസേഷന്‍റെ ഈ കാലഘട്ടത്തിൽ കുട്ടികളെ പോലും ഗാഡ്ജറ്റുകൾ ഉപയോഗിക്കുന്നതില്‍ നിന്നും തടയുക പ്രയാസമാണ്. കമ്പ്യൂട്ടറുകൾ, സ്മാർട്ട്‌ഫോണുകൾ, ടാബ്‌ലെറ്റുകൾ, ലാപ്‌ടോപ്പുകൾ, ടെലിവിഷനുകൾ എന്നിവ പോലുള്ള ഡിജിറ്റൽ ഉപകരണങ്ങൾ ഇപ്പോൾ ആളുകളുടെ ആവശ്യം മാത്രമല്ല, ആളുകൾ അവയുടെ അടിമകളുമായി തീർന്നിരിക്കുന്നു. ഈ ശീലങ്ങളുടെ വില നമ്മുടെ കണ്ണുകൾ നൽകണം. ഈ ഗാഡ്‌ജെറ്റുകളും ഉപകരണങ്ങളും കാരണം കണ്ണുകൾ‌ തളരുന്നു, അസുഖം ബാധിക്കുന്നു അത്തരം പ്രശ്നങ്ങൾ ഒഴിവാക്കാൻ, ചില മാർഗങ്ങൾ ഇതാ.

പതിവ് പരിശോധന: നിങ്ങൾ കമ്പ്യൂട്ടറിൽ തുടർച്ചയായി ജോലി ചെയ്യുന്ന ആൾ ആണെങ്കിൽ, വർഷത്തിൽ ഒരിക്കൽ നേത്രരോഗവിദഗ്ദ്ധന്‍റെ അടുത്ത് പോവുക. കണ്ണുകൾക്കു പതിവായി ചുവപ്പും ചൊറിച്ചിലുമാണെങ്കിൽ, കണ്ണുകൾ പരിശോധിക്കേണ്ടതുണ്ടെന്ന് മനസ്സിലാക്കുക.

തിളക്കം കുറയ്ക്കുക: സിസ്റ്റത്തിന്‍റെ മോണിറ്ററിൽ ആന്‍റിഗ്ലെയർ സ്ക്രീൻ ഇൻസ്റ്റാൾ ചെയ്യുക. കഴിയുമെങ്കിൽ, നിങ്ങൾക്ക് ചുറ്റുമുള്ള ചുവരുകളിൽ ഇരുണ്ട നിറങ്ങൾ ആക്കുക. ഇത് കണ്ണുകൾക്ക് ആശ്വാസം നൽകും

ഇടവേള എടുക്കുക: കമ്പ്യൂട്ടറിൽ തുടർച്ചയായി പ്രവർത്തിക്കുന്നത് കണ്ണുകൾക്ക് നാശം വരുത്തുന്നു. കമ്പ്യൂട്ടർ സ്‌ക്രീനിൽ ദീർഘനേരം ഉറ്റുനോക്കുന്നത് ശരിയല്ല. ഓരോ ഒരു മണിക്കൂറിലും കുറച്ച് മിനിറ്റ് ഇടവേള എടുക്കുക.

പ്രൊട്ടക്റ്റീവ് ലെൻസുകളുടെ ഉപയോഗം: ശരിയായ ലെൻസ് ഉപയോഗിച്ച് കണ്ണുകളെ സംരക്ഷിക്കാൻ കഴിയും. കണ്ണിലെ ഈർപ്പം സംരക്ഷിക്കാൻ കോൺടാക്റ്റ് ലെൻസുകൾ ഉപയോഗിക്കാം.. കമ്പ്യൂട്ടറിൽ തുടർച്ചയായി നോക്കി പ്രവർത്തിക്കുമ്പോൾ കണ്ണിന്‍റെ ഈർപ്പം ഇല്ലാതാകും. അത്തരമൊരു സാഹചര്യത്തിൽ, ശരിയായ ലെൻസ് തിരഞ്ഞെടുക്കുന്നത് വളരെ പ്രധാനമാണ്. കമ്പ്യൂട്ടറിന്‍റെയും സ്മാർട്ട്‌ഫോണിന്‍റെയും സ്‌ക്രീനിൽ നിന്ന് പുറപ്പെടുന്ന നീല വെളിച്ചത്തിൽ നിന്ന് ഈ ലെൻസുകൾ കണ്ണുകളെ സംരക്ഷിക്കുന്നു.

കണ്ണുകൾക്ക് വ്യായാമം: നിങ്ങളുടെ കൈപ്പത്തി ചൂടാകുന്നതുവരെ കൂട്ടി തടവുക. ഇതിനുശേഷം, അവ കണ്ണിൽ വയ്ക്കുക. കണ്ണുകൾക്ക് ആശ്വാസം ലഭിക്കും. കമ്പ്യൂട്ടറിൽ തുടർച്ചയായി പ്രവർത്തിക്കാനും പാർശ്വ ഫലങ്ങളിൽ നിന്ന് കണ്ണുകളെ സംരക്ഷിക്കാനും നിങ്ങൾക്ക് 20-20-20 നിയമങ്ങൾ പാലിക്കാം. അതായത് കമ്പ്യൂട്ടർ സ്ക്രീനിൽ നിന്ന് ഓരോ 20 മിനിറ്റിലും 20 സെക്കൻഡ് നേരം കണ്ണുകൾക്ക് മോചനം നൽകുക., കമ്പ്യൂട്ടറും കണ്ണും തമ്മിലുള്ള ദൂരം കുറഞ്ഞത് 20 ഇഞ്ചെങ്കിലും നിലനിർത്തുക.

ശരിയായ വെളിച്ചം: വളരെയധികം വെളിച്ചം കണ്ണുകളിൽ ബുദ്ധിമുട്ട് ഉണ്ടാക്കുന്നു. അത്തരമൊരു സാഹചര്യത്തിൽ, വളരെ കൂടിയ വെളിച്ചമുള്ള സ്ഥലത്ത് കമ്പ്യൂട്ടറിൽ ജോലി ചെയ്യരുത്. ഫ്ലോർ ലാമ്പിന്‍റെ വെളിച്ചം കമ്പ്യൂട്ടറിൽ പ്രവർത്തിക്കാൻ അനുയോജ്യമാണ്.

കണ്ണ് കഴുകൽ: ദിവസത്തിൽ പല തവണ കണ്ണുകൾ കഴുകുന്നതിലൂടെ, നിങ്ങൾക്ക് അവ വൃത്തിയാക്കാമെന്നു മാത്രമല്ല ഫ്രഷ്‌നെസ്സ് നിലനിർത്താനും കഴിയും. ചെറിയ ഇടവേളകളിൽ വെള്ളം കുടിക്കുന്നതും കണ്ണുകൾക്ക് ഗുണം ചെയ്യും. കമ്പ്യൂട്ടറിൽ തുടർച്ചയായി ജോലി ചെയ്യുന്നത് കൺ തടങ്ങളിൽ വീക്കം ഉണ്ടാക്കുന്നു. വെള്ളം കുടിക്കുന്നതിലൂടെ, നിങ്ങൾക്ക് ഈ പ്രശ്‌നത്തിൽ നിന്ന് ഒരുപരിധി വരെ മോചനം ലഭിക്കും.

ശരിയായ പോസ്ചർ‌: കമ്പ്യൂട്ടറിൽ‌ പ്രവർ‌ത്തിക്കുമ്പോൾ‌, നിങ്ങൾ‌ ഇരിക്കുന്ന പോസ്ചർ വളരെ പ്രധാനമാണ്. നിങ്ങളുടെ ജോലിസ്ഥലത്തിന്‍റെ ഘടനയും ഇരിപ്പിടവും കണ്ണുകളെ ബാധിക്കുന്നു. ജോലി ചെയ്യുമ്പോൾ, കമ്പ്യൂട്ടറിൽ നിന്ന് നിങ്ങളുടെ കണ്ണുകളുടെ ദൂരം ഏകദേശം 20 മുതൽ 24 ഇഞ്ച് വരെ ആകുന്നതാണ് നല്ലത്…

ആരോഗ്യകരമായ ഭക്ഷണക്രമം: ബാലൻസ് ഡയറ്റ് വഴി വിറ്റാമിൻ എ, സി, ഇ എന്നിവയുടെ കുറവ് മറികടക്കാൻ കഴിയും. ഈ വിറ്റാമിനുകളെല്ലാം കണ്ണിന്‍റെ ആരോഗ്യത്തിന് ആവശ്യമാണ്. പഴങ്ങൾ, പച്ചക്കറികൾ കഴിക്കുക. തക്കാളി, ചീര, പച്ച ഇലക്കറികൾ എന്നിവ ഒഴിവാക്കരുത്. കണ്ണിന്‍റെ ആരോഗ്യത്തിനായി മത്സ്യം കഴിക്കാനും ഡോക്ടർമാർ ശുപാർശ ചെയ്യുന്നു. ഇത് ഒമേഗ -3 നൽകുന്നു, കണ്ണുകൾക്ക് നല്ലതാണ്.

read more
ആരോഗ്യംഗര്‍ഭധാരണം (Pregnancy)ചോദ്യങ്ങൾദാമ്പത്യം Marriageലൈംഗിക ആരോഗ്യം (Sexual health )വായാമങ്ങൾ

ലൈംഗികത മോഹിക്കുന്ന സ്ത്രീകൾ സ്വഭാവദൂഷ്യം ഉള്ളവരോ?

by blogadmin ആരോഗ്യംഗര്‍ഭധാരണം (Pregnancy)ചോദ്യങ്ങൾദാമ്പത്യം Marriageലൈംഗിക ആരോഗ്യം (Sexual health )വായാമങ്ങൾ on

പ്രണയത്തിന്റെ പൂർണ്ണത ഒരിക്കലും ലൈംഗികതയിൽ അല്ല. പക്ഷെ വിശപ്പും ദാഹവും പോലെ മനുഷ്യന്റെ അടിസ്ഥാന വികാരം തന്നെയാണ് ലൈംഗിക തൃഷ്ണയും. രതിമൂർച്ഛ ഒരിക്കൽ പോലും അനുഭവിക്കാത്ത സ്ത്രീകൾ ഈ നാട്ടിൽ ഉണ്ടെന്ന് പറഞ്ഞാൽ നിങ്ങൾ വിശ്വസിക്കുമോ? സ്വന്തം ലൈംഗികതയും താത്പര്യങ്ങളും കണ്ടെത്തുന്നതിന് മുൻപേ, അതിന് തക്ക ലോകപരിചയം സിദ്ധിക്കുന്നതിന് മുൻപേ വിവാഹക്കമ്പോളത്തിൽ കാഴ്ചയ്ക്കായി വയ്ക്കാൻ വിധിക്കപ്പെട്ട സ്ത്രീകൾ നിറയെ ഉള്ള നാടാണ് കേരളം.

വിവാഹത്തിന് ശേഷമുള്ള ‘അച്ചടക്കമുള്ള പ്രണയം’ ആസ്വദിക്കുന്നതിന് മുൻപേ ഗർഭധാരണം. ശരീരത്തിനും മനസ്സിനും സംഭവിക്കുന്ന മാറ്റങ്ങൾ ഉൾകൊള്ളാൻ കഴിയാതെ നിരാശയിൽ ആഴുന്ന സ്ത്രീകൾ വരെ ധാരാളമാണ്. ഈ സമയത്ത് തന്റെ ജീവിത പങ്കാളിയുടെ പിന്തുണയും ഇല്ലെങ്കിലോ? പ്രസവത്തിന് മുൻപും ശേഷവും ഉള്ള ദാമ്പത്യ ജീവിതത്തെ കുറിച്ചാണ് ഇനി പറയാനുള്ളത്.

25 വയസ്സ്‌കാരിയായ, പേര് വെളിപ്പെടുത്താൻ ആഗ്രഹിക്കാത്ത ഒരമ്മയുടെ തുറന്നു പറച്ചിൽ ഇങ്ങനെയാണ്…. “വിവാഹത്തിന് ശേഷം എനിക്ക് ഭർത്താവ് എന്ന മനുഷ്യനോട് മാനസികമായി ഒരു അടുപ്പം രൂപപ്പെടാൻ മാസങ്ങൾ എടുത്തു. വീട്ടുകാർ നിശ്ചയിച്ച് ഉറപ്പിച്ച വിവാഹം ആയിരുന്നു. പരസ്പരം മനസ്സിലാക്കി പ്രണയിച്ച് വന്നപ്പോഴേക്ക് ഞാൻ ഗർഭിണിയായി. അത്ര നാൾ ലൈംഗിക ബന്ധം എന്ന് കേൾക്കുമ്പോൾ എനിക്ക് തല പെരുക്കുമായിരുന്നു. കടുത്ത വേദന തന്നെയായിരുന്നു.

പെനിട്രേറ്റ് ചെയ്യുന്നു – എന്ന കാര്യം ആലോചിക്കുമ്പോൾ തന്നെ എനിക്ക് ഭയമാകും. അതിനൊപ്പം ഭർത്താവിന്റെ ആസക്തിയോടെ ഉള്ള ധൃതിയും. പ്രസവകാലത്തും ഇതേ രീതി തുടർന്നിരുന്നു. ഈ പ്രക്രിയയാണോ ആളുകൾ പുകഴ്ത്തുന്ന ലൈംഗിക സുഖം?! എന്ന് ഞാൻ സത്യമായും അമ്പരന്നിരുന്നു. ഗർഭകാലത്താണ് ഞാനും ഭർത്താവും തമ്മിൽ മാനസികമായി ഒരു ഇഴയടുപ്പം രൂപപ്പെട്ടത്.

ഞങ്ങൾ തമ്മിൽ കടുത്ത പ്രണയത്തിൽ ആയിക്കഴിഞ്ഞിരുന്നു. അതിസുന്ദരമായ ദിനങ്ങൾ ആയിരുന്നു അത്. എന്നാൽ കുഞ്ഞ് ജനിച്ചതോടെ കാര്യങ്ങൾ മാറി മറിഞ്ഞു. ഒൻപതാം മാസം മുതൽ എന്റെ കഴുത്തിന് ചുറ്റും കൺതടങ്ങളിലും മറ്റും കറുത്ത അടയാളങ്ങൾ വരാൻ തുടങ്ങിയിരുന്നു. ശരീരം അമിതമായി തടിച്ചു. മുടിയെല്ലാം കൊഴിഞ്ഞുപോയി.

കുഞ്ഞ് പിറന്ന് ആദ്യത്തെ ഏതാനും ആഴ്ചകൾ ഞാൻ അകാരണമായി വിതുമ്പി കരയുകയായിരുന്നു. ഭർത്താവ് ആഴ്ചയിൽ ഒരിക്കൽ മാത്രമേ എന്റെ വീട്ടിൽ വന്നിരുന്നുള്ളൂ. അദ്ദേഹം ഇപ്പോഴും കൂടെ വേണം എന്ന് തോന്നുന്നത് ഒരു അതിമോഹം ആണെന്ന് സ്വയം പറഞ്ഞ് പഠിപ്പിക്കാൻ ശ്രമിച്ചു. പക്ഷെ അദ്ദേഹം വന്നാലും ഞാൻ കിടക്കുന്ന മുറിയിലേക്ക് വരുന്നത് അപൂർവം മാത്രം.

കുഞ്ഞിനെ കാണാൻ തിരക്ക് പിടിച്ച്, കുഞ്ഞിന്റെ പേര് വിളിച്ചുകൊണ്ടാണ് വരവ് തന്നെ. രാത്രിയായാൽ ‘കുഞ്ഞ് കരഞ്ഞാൽ അവന്റെ ഉറക്കം പോകും’ എന്ന് പറഞ്ഞ് എന്റെ അമ്മ അദ്ദേഹത്തിന് മറ്റൊരു മുറിയിൽ കിടക്കാൻ സംവിധാനം ചെയ്തു. കുഞ്ഞിനെ കുറിച്ചല്ലാതെ എന്നോട് സംസാരിക്കാതെയായി. കുഞ്ഞിന്റെ സുഖവിവരം മാത്രം തിരക്കിക്കൊണ്ടിരുന്നു. എന്റെ നിർത്താതെയുള്ള പരിഭവം പറച്ചിലും വഴക്കും കേട്ട് സഹികെട്ട് അദ്ദേഹത്തിന് എന്നോട് ഉണ്ടായിരുന്ന അടുപ്പവും നഷ്ടപ്പെടുന്നതായി തോന്നി. തൊണ്ണൂറ് കഴിഞ്ഞ് ഭർത്താവിന്റെ വീട്ടിൽ തിരിച്ചെത്തിയതോടെയാണ് എന്റെ മനസ്സും പരിതഃസ്ഥിതിയും പഴയപോലെ ആകാൻ തുടങ്ങിയത്. എന്നാൽ പ്രശ്നങ്ങൾ അവിടം കൊണ്ടും കഴിഞ്ഞില്ല.

സ്വാഭാവിക പ്രസവം ആയിരുന്നു. പ്രസവ ശേഷം എനിക്ക് തീക്ഷ്ണമായ ലൈംഗിക തൃഷ്ണ രൂപപ്പെട്ട് വന്നു. അത്ര സുഖകരമായ ഒരു അനുഭൂതിയായി ലൈംഗികത മാറി. അപൂർവമായി രതിമൂർച്ഛയും സംഭവിച്ചു. പക്ഷെ ഭർത്താവിന് പഴയ പോലെ എന്റെ ശരീരത്തോട് ആകർഷണമില്ല എന്ന് ഞാൻ മനസ്സിലാക്കി തുടങ്ങിയത് വളരെ വൈകിയാണ്. കാരണം അദ്ദേഹം ആസ്വദിച്ചിരുന്ന ഒതുങ്ങിയ അരക്കെട്ടും ഉയർന്ന സ്തനങ്ങളും ഇടതൂർന്ന മുടിയും ഒന്നും ഇന്നില്ല.

അമിതവണ്ണമുള്ള ഒരു മാംസപിണ്ഡം! ഉറക്കമില്ലാതെ കറുത്ത കൺതടങ്ങൾ.. ദേഹം ആസകലം കറുത്ത പാട്.. മനസ്സ് കൈവിട്ട് പോയ നാളുകളാണ് അത്. അടുത്തടുത്ത ദിവസങ്ങളിൽ ആവർത്തിച്ച് ലൈംഗികത ആവശ്യപ്പെടുമ്പോൾ അദ്ദേഹത്തിന് എന്നോട് കാമമല്ല വെറുപ്പാണ് തോന്നി തുടങ്ങിയത്. ലൈംഗികത മോഹിക്കുന്ന സ്ത്രീകൾ സ്വഭാവദൂഷ്യം ഉള്ളവരും അതേ സ്വഭാവമുള്ള ആണുങ്ങൾ പുരുഷത്വത്തിന്റെ നിറകുടങ്ങളും ആണല്ലോ..

പിന്നെ യാന്ത്രികമാണ് ജീവിതം. വല്ലപ്പോഴും വഴിപാട് പോലെ കാമം തീർക്കും. എനിക്കും തൃപ്തിയില്ല; അദ്ദേഹത്തിനും ഇല്ല. പിന്നെ കുടുംബം ആണല്ലോ വലുത്. കുഞ്ഞിന്റെ ജീവിതം ആണല്ലോ വിലപ്പെട്ടത്. ഞാൻ ഇനിയും പ്രസവിക്കും. ഇനി പഴയ എന്നിലേക്ക് ഒരു തിരിച്ച് പോക്ക് സാധ്യമേ അല്ല.” പറഞ്ഞു നിർത്തുമ്പോൾ ഒരു നെടുവീർപ്പോടെ എല്ലാം കേൾക്കാൻ മാത്രേ മറ്റേതൊരു സ്ത്രീക്കും കഴിയൂ.

ജീവിതത്തിന്റെ നേർക്കാഴ്ച

കേരളത്തിലെ ഒരു ശരാശരി വീട്ടമ്മയുടെ വിവാഹാനന്തര ജീവിതം ഇങ്ങനെയൊക്കെ തന്നെയാണ്. ആഗ്രഹിക്കാത്തപ്പോൾ വിവാഹം, ഭയക്കുമ്പോൾ ലൈംഗികത, കാത്തിരിക്കുമ്പോൾ അവഗണന, പിന്നീട് മോഹിക്കുമ്പോൾ വെറുപ്പ്. വിവാഹത്തിന് ശേഷം കുഞ്ഞുങ്ങൾ ഉണ്ടാകുന്നതിന് മുൻപ് തങ്ങളുടേത് മാത്രമായി കുറച്ച് കാലം ആസ്വദിച്ചിട്ടുള്ള ദമ്പതിമാർ സാക്ഷ്യപ്പെടുത്തുന്ന ഒരു വസ്തുതയുണ്ട്: ദാമ്പത്യം പ്രസവാനന്തരം പഴയ പടിയല്ല.

തങ്ങളുടെ സ്വകാര്യതയിലേക്ക് പുതിയൊരാൾ കടന്നുവരുമ്പോൾ ദാമ്പത്യത്തിൽ തീർച്ചയായും ചില താളപ്പിഴകൾ സംഭവിക്കും. അതിനെ എങ്ങനെ മറികടന്ന് പുതിയൊരു നോർമൽസിയിലേക്ക് എത്താം എന്ന വിഷയത്തിൽ ഗർഭകാലത്ത് തന്നെ ദമ്പതിമാർ കൗൺസിലിംഗ് സ്വീകരിക്കേണ്ടതാണ്.

സാമൂഹ്യ പ്രവർത്തകയും കൗൺസിലിങ് വിദഗ്ധയുമായ നീതു പോളി ഈ വിഷയത്തെ കുറിച്ച് പറയുന്നത് ഇങ്ങനെ: “ഗർഭധാരണം, പ്രസവം തുടങ്ങിയവ സംബന്ധിച്ച് വെറും ശാരീരിക പ്രക്രിയകൾ മാത്രമല്ല. കാലാകാലങ്ങളായി ഇതിന്റെ ശാരീരിക വശങ്ങൾ മാത്രമാണ് നമ്മുടെ സമൂഹം ചർച്ച ചെയ്യുന്നത്. എന്നാൽ മാനസികമായി വളരെയധികം ബുദ്ധിമുട്ടുകൾ നിറഞ്ഞ കാലഘട്ടമാണ് സ്ത്രീകൾക്ക് ഗർഭകാലവും പ്രസവാനന്തര ദിനങ്ങളും.

സ്ത്രീയുടെ ശരീരത്തിൽ കുരുക്കുന്നത് സ്വന്തം ജീവന്റെ അംശമാണ് എന്ന് അവളുടെ പങ്കാളി മനസ്സിലാക്കി കൂടെ നിൽക്കേണ്ട സമയമാണ് അത്. അത്ര നാൾ പ്രണയം കൊണ്ട് തന്നെ മൂടിയ പങ്കാളി പെട്ടെന്ന് ഒരു ദിവസം മുതൽ കുഞ്ഞിനെ മാത്രം ലാളിക്കുന്നത് കാണുമ്പോൾ ഒരു സ്ത്രീക്ക് സ്വാഭാവികമായും വിഷമമായേക്കാം. അതിസൂക്ഷ്മമായി കൈകാര്യം ചെയ്യേണ്ട ഒന്നാണ് പ്രസവം കഴിഞ്ഞ ഒരു സ്ത്രീയുടെ മനസ്സ്.

അവളുടെ ശരീരത്തിനും മനസ്സിനും സംഭവിച്ച മാറ്റങ്ങൾ മനസ്സിലാക്കി അവളോടൊപ്പം നിൽക്കൽ ആണ് ഒരു പങ്കാളിക്ക് അക്കാലത്തു അവൾക്കായി ചെയ്യാവുന്ന ഏറ്റവും വലിയ കാര്യം. കുറഞ്ഞ പക്ഷം അവളുടെ വാക്കുകൾ കേൾക്കാനുള്ള ക്ഷമയും സമയവും എങ്കിലും പങ്കാളി കണ്ടെത്തേണ്ടതുണ്ട്. ഇല്ലെങ്കിൽ തുടർന്നുള്ള ജീവിതം തന്നെ ഇരുട്ടിൽ ആയേക്കും. ആശ്ചര്യം എന്ന് പറയട്ടെ, പെറ്റ് കിടക്കുന്ന പെണ്ണിന്റെ മുറിയിലേക്ക് പോലും അവളുടെ പുരുഷൻ പ്രവേശിക്കരുത് എന്ന് നിഷ്‌കർഷിക്കുന്ന നാടാണ് നമ്മുടേത്.”

പ്രസവാനന്തര ലൈംഗികത!

പ്രസവശേഷം എത്ര നാൾക്കുള്ളിൽ ലൈംഗിക ബന്ധത്തിൽ ഏർപ്പെടാം എന്ന ചോദ്യം നിരവധി പേർ, നിരവധി തവണ ഗൂഗിളിൽ തന്നെ അന്വേഷിച്ചിട്ടുണ്ട്. അതിന് ഒരൊറ്റ ഉത്തരമേ ഉള്ളൂ: മാനസികമായി സ്ത്രീ തയ്യാറെടുത്ത് കഴിയുമ്പോൾ. ചിലർക്ക് പ്രസവം മൂലമുണ്ടായ വേദന വല്ലാത്ത ട്രോമയാണ് സമ്മാനിക്കുക. മറ്റ് ചിലർക്ക് ആകട്ടെ, ലാളിക്കപ്പെടാനുള്ള അതിയായ മോഹവും. ഇതെല്ലാം മനസ്സിലാക്കി അവളുടെ താത്പര്യങ്ങൾക്ക് അനുസരിച്ച് പ്രവർത്തിക്കേണ്ടത് ഈ സമയത്ത് പങ്കാളിയുടെ ഉത്തരവാദിത്വം തന്നെയാണ്.

പ്രസവശേഷം ചില സ്ത്രീകൾക്ക് ലൈംഗികത ബന്ധം മടുത്ത് പോകാം. ചിലർക്ക് അതിയായ തൃഷ്ണയും തോന്നാം. ഇത് എന്ത് തന്നെയായാലും അമിതമായാൽ ഒരു കൗൺസിലിംഗ് വിദഗ്ധന്റെ സഹായം തേടി പിന്തുണ നൽകേണ്ടവരാണ് പങ്കാളികൾ. എന്നിരുന്നാലും പ്രസവാനന്തരം ആറ് മുതൽ പന്ത്രണ്ട് ആഴ്ചകൾ വരെയെങ്കിലും വിശ്രമിക്കാം എന്ന് ഡോക്ടർമാർ അഭിപ്രായപ്പെടുന്നു.

കുഞ്ഞിന്റെ സമയം കുഞ്ഞിന്

പ്രസവാനന്തരം കുഞ്ഞിനെ ചുറ്റിപ്പറ്റിയാണ് സാധാരണ സ്ത്രീകളുടെ ജീവിതം. എന്നാൽ അതിൽ നിന്നും കുറച്ച് സമയമെങ്കിലും മാറി, അവൾക്ക് അവളുടേതായ കാര്യങ്ങൾക്ക് ചെലവഴിക്കാൻ ഉള്ള സാഹചര്യം ഒരുക്കേണ്ടത് കുടുംബം തന്നെയാണ്. കുഞ്ഞിനോടുള്ള അമിത വാത്സല്യത്തിൽ അമ്മയുടെ സുഖവിവരങ്ങൾ തിരക്കാൻ തന്നെ മറക്കുന്ന ബന്ധുക്കൾ ഉള്ള നാടാണ് നമ്മുടേത്. പങ്കാളിയും അങ്ങനെയായാലോ? അതുകൊണ്ട് കുഞ്ഞിന്റെ സമയം കുഞ്ഞിന് ഭാര്യക്കുള്ള സമയം ഭാര്യക്ക്.

ചുരുക്കി പറഞ്ഞാൽ, ഗർഭധാരണവും പ്രസവവും ഒരു കപ്പിളിന്റെ ദാമ്പത്യ ജീവിതത്തിൽ വലിയ അഴിച്ചുപണികൾ തന്നെയാണ് നടത്തുന്നത്. അത് തരണം ചെയ്യാനും പിന്നീട് വന്നുചേരുന്ന പുതിയ ജീവിതരീതിയിൽ നൂറ് ശതമാനം ആത്മാർത്ഥത ഉറപ്പ് വരുത്താനും ദമ്പതിമാർ തന്നെ മുൻകൈ എടുക്കേണ്ടതുണ്ട്. പ്രസവാനന്തരം സ്ത്രീക്ക് രൂപപ്പെടുന്ന അപകർഷതാ ബോധത്തെ മറികടക്കാൻ പങ്കാളിയുടെ സ്നേഹ സാമീപ്യങ്ങൾ തന്നെ ആവശ്യമാണ്.

അതുകൊണ്ട് വിവാഹശേഷം സമയമെടുത്ത് തമ്മിൽ ഒരു ബോണ്ട് രൂപപ്പെടിത്തിയ ശേഷം മാത്രം പ്ലാൻ ചെയ്ത്, ആവശ്യമെന്ന് തോന്നിയാൽ മാത്രം ഗർഭം ധരിക്കുകയും, പിന്നീട് ഉണ്ടാകുന്ന വലിയ മാനസിക, ശാരീരിക പ്രതിസന്ധികളെ ദമ്പതിമാർ ഒരേ മനസ്സോടെ സ്നേഹം കൊണ്ട് മറികടക്കുകയും ചെയ്യേണ്ടത് ആവശ്യമാണ്. ഇക്കാര്യങ്ങൾ മനസിലാക്കി പെരുമാറാൻ ഭർത്താക്കന്മാരും കുടുംബാംഗങ്ങളും തയ്യാറാകുന്ന പക്ഷം സ്ത്രീകളുടെ പ്രസവാനന്തര ജീവിതം മനോഹരമാകും.

read more
ആരോഗ്യംചോദ്യങ്ങൾലൈംഗിക ആരോഗ്യം (Sexual health )വൃക്തിബന്ധങ്ങൾ Relationship

45 കഴിഞ്ഞ സ്ത്രീക്ക് ലൈംഗികത പാടില്ലേ?

by blogadmin ആരോഗ്യംചോദ്യങ്ങൾലൈംഗിക ആരോഗ്യം (Sexual health )വൃക്തിബന്ധങ്ങൾ Relationship on

പ്രായമെത്തുമ്പോൾ സ്ത്രീകളിൽ ലൈംഗിക താൽപ്പര്യം ഇല്ലാതാകുമെന്നത് വെറും കെട്ടു കഥയാണ്. ആർത്തവ വിരാമത്തോടെ സ്ത്രീകളിൽ സെക്സിലെ ആവേശം അവസാനിക്കുമെന്നത് തെറ്റിദ്ധാരണയാണ്

ഇന്ത്യൻ സ്ത്രീകളുടെ സെക്സ് പലതരം വിലക്കുകൾ നിർമ്മിതമാണ്. ഇന്ത്യൻ സാഹചര്യത്തിൽ സ്ത്രീകൾ സെക്സിൻ്റെ കാര്യത്തിൽ അധികം അഭിപ്രായങ്ങൾ തുറന്നു പറയാത്തവരുമാണ്. നമ്മുടെ നാട്ടിൽ ലൈംഗികത ഉയർന്നൊരു പരിധിവരെ പുരുഷൻ്റെ മാത്രം താൽപ്പര്യങ്ങൾക്ക് അനുസരിച്ചാണ്.

 

പുരുഷനെ സന്തോഷിപ്പിക്കുന്നതിനുള്ള ഉപാധിയായി മാത്രം ഒരു സ്ത്രീ പരിണമിക്കപ്പെടുമ്പോൾ അവിടെ അവൾക്ക് ലൈംഗിക സ്വാതന്ത്ര്യം നിഷേധിക്കപ്പെടുകകൂടിയാണ് ചെയ്യുന്നത്. സ്ത്രീയും പുരുഷനും പരസ്പരം അറിഞ്ഞുള്ള കൂടിച്ചേരലിലൂടെ മാത്രമേ യഥാർത്ഥ ലൈംഗികത സാധ്യമാകുകയുള്ളൂ.

പ്രായമെത്തുമ്പോൾ സ്ത്രീകളിൽ ലൈംഗിക താൽപ്പര്യം ഇല്ലാതാകുമെന്നത് വെറും കെട്ടു കഥയാണ്. ആർത്തവ വിരാമത്തോടെ സ്ത്രീകളിൽ സെക്സിലെ ആവേശം അവസാനിക്കുമെന്നത് തെറ്റിദ്ധാരണയാണ്. അതിനാൽ തന്നെ തന്നേക്കാൾ പ്രായത്തിൽ കുറവുള്ള സ്ത്രീകളെ വിവാഹം കഴിക്കണമെന്നും സമൂഹം പുരുഷന്മാരോട് നിർദേശിക്കുന്നത് തെറ്റായ പ്രവണതയാണെന്നും, സമൂഹത്തിൻ്റെ ഇത്തരത്തിലുള്ള പൊതുബോധം ഇല്ലാതാവണമെന്നും എഴുത്തുകാരിയും യുവഡോക്‌ടറുമായ വീണ ജെ.എസ് കുറിക്കുന്നു.

heterosexual വിവാഹങ്ങളിൽ പെണ്ണിന്റെ വയസ്സ് ആണിനേക്കാൾ കൂടുമ്പോൾ പലർക്കും സഹിക്കാൻ കഴിയാതെ പൊട്ടുന്ന അശ്ലീലകുരുവിന്റെ പേരാണ് സംസ്കാരം. 45 വയസായാൽ നശിക്കുന്ന സ്ത്രീത്വം എന്താണാവോ. എല്ലാത്തിലുമുപരി ഈ സ്ത്രീത്വം എന്നത് എന്താണ്? ഹാരിയുടെ പോസ്റ്റിൽ ഉള്ള അയാളുടെ അഭിപ്രായം വെച്ച്, പുരുഷൻ ആഗ്രഹിക്കുന്ന എന്തൊക്കെയോ കാര്യങ്ങൾ ഒരു പ്രത്യേകപ്രായത്തിൽ സ്ത്രീക്ക് നിന്നു പോകും, അതാണ് സ്ത്രീത്വം. ഇത്രയും കാലത്തെ ജീവിതത്തിൽ നിന്നും ആ നഷ്ട്ടമാകൽ ലൈംഗികതയെന്നു നമ്മളിൽ പലരും ഊഹിക്കുകയും ചെയ്യും. എന്നാൽ ഈ ലൈംഗികത എങ്ങനെയൊക്കെയാണ് നഷ്ടമാകുന്നത് എന്നറിയാമോ? എണ്ണമിട്ട് തന്നെ പറയാം.

1 ലൈംഗികത പാപമാണെന്നുള്ള തരത്തിൽ കുട്ടികളെ വളർത്തൽ.

കുട്ടികൾ സ്വാഭാവികമായി തങ്ങളുടെ ലൈംഗികഅവയവങ്ങൾ നീരിക്ഷിച്ചു തൊട്ടുകളിക്കുമ്പോൾ “ഇച്ഛിച്ചി” എന്നും പറഞ്ഞ് ഇടപെടുന്നത് വളർച്ചാകാലഘട്ടത്തിലെ ആദ്യ മോറൽ പോലീസ് അറസ്റ്റ് ! അവിടെ തുടങ്ങുന്നതാണ് “അമർച്ച ചെയ്യപ്പെടുന്ന ലൈംഗികത”.മറ്റൊരു തരത്തിൽ പറഞ്ഞാൽ അവിടെ ഉരുവാകുന്നതാണ് “വികലമായ ലൈംഗികത”. ഇതേ കാരണം തന്നെയാണ് സൈക്കോളജിക്കൽ vaginismusന്റെ (മാനസിക കാരണങ്ങളാൽ ഉണ്ടാകുന്ന യോനീ സങ്കോചം. മാനസികകാരണങ്ങൾ ആണ് ഏറ്റവും കൂടുതൽ ഉള്ളത്.) പലകാരണങ്ങളിൽ ഒന്ന്.

ഭാവിയിൽ ഒരുപാട് നാളുകളിലേക്ക് ലൈംഗികബന്ധം വെറുക്കപ്പെട്ടതാവാൻ, എന്തിന് ഒരു ഗൈനെക്കോളജി പരിശോധനയ്ക്ക് ശാന്തമായി കിടക്കാൻ പോലും സ്ത്രീകൾ വിമുഖരാവാൻ ഇതുമാവാം കാരണം. പലരും ആദ്യപ്രസവത്തിനു ശേഷം മാത്രം ലൈംഗിക കാര്യങ്ങളിൽ താല്പര്യമെടുക്കുന്നതും ഇത്തരത്തിൽ പലവിധം സങ്കീർണമാനസികവ്യാപാരങ്ങളിലൂടെ കടന്ന് പോയശേഷം മാത്രമാവും.

എന്നാൽ ഈ അമർച്ച അല്ലെങ്കിൽ വികലതയെ പുരുഷനു കുറേക്കൂടെ മറികടക്കാൻ പറ്റുമെന്നു തോന്നിയിട്ടുണ്ട്. ലൈംഗികകാര്യങ്ങളിൽ താനാണ് മുൻകൈ എടുക്കേണ്ടത് എന്നൊരു ബോധം അല്ലെങ്കിൽ ആത്മവിശ്വാസം പുരുഷനു സമൂഹം പ്രത്യക്ഷമായും പരോക്ഷമായും കൊടുക്കുന്നുണ്ട്. “ചേട്ടൻ എനിക്കൊട്ടും സുഖം തരുന്നില്ല” എന്ന് പറയുന്നിടത്തുവെച്ചു ഇണയായ പെണ്ണ് സമൂഹസങ്കൽപ്പത്തിലെ “വേശ്യ” ആണെന്ന് ചേട്ടന്മാർ വിചാരിക്കുന്നതിന്റെ കാരണം മറ്റൊന്നുമല്ല. പെണ്ണ് മുൻകൈ എടുത്തു ചെയ്യുന്ന, പെണ്ണ് മുകളിൽ കയറിയിരുന്നു അവൾക്കിഷ്ടമുള്ള രീതിയിൽ ലൈംഗികത നിയന്ത്രിക്കുന്ന രീതിയിൽ എത്ര ആൺജീവിതങ്ങൾ പിടഞ്ഞു ചാവുമെന്നു വരെ കണ്ടറിയണം. പക്ഷെ അത്തരമൊരു പരീക്ഷണം നമ്മുടെ സമൂഹത്തിൽ നടക്കില്ലല്ലോ

2 വ്യക്തിശുചിത്വം.

പ്ലസ് ടു കഴിഞ്ഞയുടൻ/ പതിനെട്ടു പൂർത്തിയായ ഉടനെ ഷമയുടെ(സങ്കല്പികനാമം) വിവാഹം കഴിഞ്ഞു. ഞാൻ MBBS രണ്ടാം വർഷം എത്തുമ്പോഴാണ് ഒരു ദിവസം കരഞ്ഞുകൊണ്ട് അവൾ ഫോൺ ചെയ്യുന്നത്. തന്നേക്കാൾ പതിനഞ്ചു വയസ്സ് മൂത്ത ഭർത്താവ് മിക്കവാറും രാത്രികളിൽ ഓറൽ സെക്സ് ചെയ്യിക്കും. “മൂത്രത്തിന്റെയും മറ്റും ദുർഗന്ധം സഹിക്കാൻ വയ്യെടി” എന്നും പറഞ്ഞാണ് അവൾ കരഞ്ഞത്.

ഒട്ടും അതിശയോക്തിയില്ലാതെ ഇക്കാര്യങ്ങൾ വായിക്കണം. (പോസ്റ്റിനു റീച് കൂട്ടാൻ സെക്സ് മാത്രം എഴുതുന്നു എന്ന് ഒരു ഡോക്ടർ തന്നെ മെസ്സേജ് അയച്ചത് കൊണ്ടാണ് ഇങ്ങനെ പറഞ്ഞത്). ഒടുക്കം അവൾ എത്തിയ രീതി ഇതാണ്, ശ്വാസം എടുക്കാതെ പെട്ടെന്ന് പെട്ടെന്ന് ഘട്ടംഘട്ടമായി ചെയ്യുക, വായയിൽ വൃത്തികെട്ട ടേസ്റ്റ് വരാതിരിക്കാൻ നാരങ്ങാവെള്ളം കുടിച്ചു വെള്ളമിറക്കാതെതന്നെ ഓറൽ സെക്സ് ചെയ്യുക. കുറച്ചെങ്കിലും എളുപ്പമായിത്രേ . വൃത്തിയുടെ കാര്യം പറഞ്ഞ ശേഷം അയാൾ അവൾക്കു അടിവസ്ത്രം പോലും വാങ്ങാൻ കാശുകൊടുക്കാത്ത ലെവെലിലേക്കു വളർന്നു. ജീവിതസാഹചര്യങ്ങൾ കൊണ്ട് അവളിന്നും ഇതേ അവസ്ഥയിൽ തുടരുന്നു. ഇത്തരം ലൈംഗികജീവിതങ്ങളിൽ എങ്ങനെയാണു ഒരുദിവസത്തിനപ്പുറത്തേക്ക് സ്ത്രീലൈംഗികത വളരുക? മൂത്രവും വിയർപ്പും മാത്രമല്ല വായ്നാറ്റം പോലും ദാമ്പത്യജീവിതങ്ങളിൽ അറപ്പുണ്ടാക്കുന്നുണ്ട്. സ്ത്രീകൾക്ക് അഭിപ്രായപ്രകടനത്തിനുപോലും സാധ്യതയില്ലാത്തിടത്തു എന്ത് ചെയ്യാൻ കഴിയും?

ഉഭയകക്ഷിസമ്മതപ്രകാരമല്ലാത്ത ഓറൽ anal സെക്സ് ഇന്നും നിയമവിരുദ്ധമാണെന്ന് മറക്കരുത്. വിവാഹത്തിൽ റേപ്പ് നടന്നാൽ ഇന്ത്യൻ നിയമം ഇടപെടില്ലെങ്കിലും സമ്മതപ്രകാരം അല്ലാതെ oral anal സെക്സ് ചെയ്യുന്നത് കുറ്റകരമായി തുടരുന്നു.

3 കുഞ്ഞുങ്ങളെ ഉണ്ടാക്കാൻ വേണ്ടി മാത്രം സെക്സ് ചെയ്യണം എന്ന മതംവിശ്വാസങ്ങൾ മുറുകെ പിടിക്കുന്നത് സ്ത്രീകളാണ് .

ആൺകുട്ടികൾ ഫുട്ബോളും ക്രിക്കറ്റുമായി ലോകത്തേക്കിറങ്ങുമ്പോൾ കൊന്തയും വിളക്കും നിസ്കാരങ്ങളും മാത്രമാകുന്ന സ്ത്രീജീവിതങ്ങൾ ലൈംഗികതയെ സന്താനോല്പാദനത്തിനു മാത്രമായി കാണുന്നു. ഇതിൽനിന്നൊരല്പം മാറി സഞ്ചരിക്കുന്നവളുമാരെ “പരപൂരവെടികൾ” ആയി സമൂഹം വിലയിരുത്തുന്നു.

4 ഹോർമോണൽ പ്രശ്നങ്ങൾ.

ആർത്തവവിരാമത്തോടെ ലൈംഗികത നിൽക്കും എന്നാണ് പലരും വിചാരിക്കുന്നത്. സ്ത്രീകൾക്ക് ലൈംഗിക വിരക്തി ഉണ്ടാവുന്നു എന്ന് പറയുന്നത് വെറുതെയാണ്. നാല്പത്തഞ്ചു വയസ്സിൽ ഗർഭപാത്രം നീക്കം ചെയ്യുമ്പോൾ വളരെ സ്വാഭാവികമായി അണ്ഡാശയങ്ങളും നീക്കം ചെയ്തേക്കൂ, ഭാവിയിൽ അഥവാ പ്രശ്നം വന്നാൽ ഇനി വീണ്ടും ഓപ്പറേഷൻ വേണ്ടല്ലോ എന്ന രീതിയിലേക്ക് ആളുകളുടെ ബോധം പോയിരിക്കുന്നു ! അപകടമാണിത്. സ്വാഭാവികചോദനയായ ലൈംഗികത നിലനിർത്തുക തന്നെ വേണം.അതിൽ പ്രധാനമാണ് അണ്ഡാശയങ്ങൾ. ആർത്തവവിരാമത്തോടെ ലൈംഗികവിരക്തിയുണ്ടെന്നു പറയുന്നതിലും സത്യം എന്താണെന്നറിയാമോ? ആർത്തവവിരാമത്തോടെ ലൈംഗികഅവയവങ്ങളിൽ ലൂബ്രിക്കേഷൻ ഉണ്ടാവുന്നില്ല, അതിനാൽ ബന്ധം വേദനയുണ്ടാക്കുന്നു. പലതരം ചികിത്സാരീതികൾ ഉണ്ടെങ്കിലും ഇക്കാര്യം തുറന്നു പറഞ്ഞ് കടന്നുവരാൻ സ്ത്രീകൾ തയ്യാറല്ല, ചികിത്സകർ ബോധവൽക്കരണം നടത്തുന്നുമില്ല. കാരണം ഇവിടെ വിഷയം ലൈംഗികതയാണ്. തൊട്ടാൽ പൊട്ടുന്ന വിഷയമാണ്. അമ്മമാർ ചുരിദാർ ഇടുന്നതുപോലും സമ്മതിക്കാത്ത ആൺമക്കളെ ഞാൻ നേരിട്ട് കണ്ടിട്ടുണ്ട്. അപ്പോഴാണ് ലൈംഗികത നിലനിർത്താൻ ചികിത്സക്ക് പോകുന്ന അമ്മ ! എപ്പോ താഴെ തള്ളിയിട്ടു എന്ന് ചോദിച്ചാൽ മതി.

5 ലൈംഗികരീതികൾ പൊസിഷനുകൾ.
എല്ലാ ദിവസവും മിഷനറി പൊസിഷൻ മാത്രം ചെയ്തു ചേട്ടന്റെ മുട്ടിനു തഴമ്പ് വരും, ഒരേ രീതി മടുപ്പുളവാക്കും എന്നല്ലാതെ വേറെ ഗുണമൊന്നുമില്ല. ആശയവിനിമയത്തിൽ രണ്ടുപേരുടെയും പരസ്പരസ്നേഹവും ബഹുമാനവും ഉണ്ടെങ്കിൽ എല്ലാം ഓക്കെ ആവും.

6 ലൈംഗികത മാത്രമല്ല ഒന്നിച്ചുള്ള ജീവിതം എന്നത് അവസാനമായി ചേർക്കുന്നു. നിയമപരമായി ലൈംഗികതയിൽ മാത്രം അധിഷ്ടിതമാണ് വിവാഹം. എന്നാൽ ഇണകളുടെ മാനസികസ്നേഹം ബഹുമാനം എന്നിവയില്ലാതെ ജീവിതം മുന്നോട്ടു പോകില്ല. ആണിന് പെണ്ണിനേക്കാൾ എത്ര പ്രായം കൂടിയിട്ടും, നേരെ തിരിച്ചായാലും പരസ്പരം സ്നേഹവും ബഹുമാനവും ഇല്ലെങ്കിൽ കാര്യമില്ല. ഫലം? നിങ്ങളും കുടുംബവും സമൂഹവും പരാജയപ്പെട്ടുകൊണ്ടേയിരിക്കും.

മറ്റൊരുകാര്യം ചേർത്ത് പറയാനുള്ളത് ഇതാണ്. വനിതകൾക്കാണ് പുരുഷന്മാരേക്കാൾ കൂടുതൽ ജീവിതദൈർഘ്യം. അപ്പോൾ വയസ്സിൽ മൂത്ത സ്ത്രീകളെ വിവാഹം ചെയ്താൽ ഒന്നിച്ചു ചാവുകയും ചെയ്യാം. ഭർത്താവ് മരിക്കുമ്പോൾ വിധവ അന്യപുരുഷനെ തേടിപ്പോകുമോ, മാറ്റൊരാൾ സംരക്ഷിക്കേണ്ടിവരില്ലേ എന്ന ചോദ്യങ്ങളെല്ലാം ഒഴിവാക്കാം

കൂടുതൽ അലങ്കാരമില്ലാതെ പറഞ്ഞാൽ as Dr Dev Raj says സ്ത്രീ അടങ്ങിയൊതുങ്ങി കഴിയണമെങ്കിൽ, വരച്ച വരയിൽ നിൽക്കണമെങ്കിൽ, പ്രായത്തിൽ ഇളയതാവണം. ഒരു 5 – 6 വയസ്സെങ്കിലും. അതുപോലെ നല്ല പ്രായവ്യതസമുണ്ടെങ്കിൽ പുരുഷന്റെ അൻപതുകളിലും സ്ത്രീയുടെ ശരീരം ഏറെക്കുറെ ചെറുപ്പമായി തന്നെ ഇരിക്കും. അത്രയേ ഉള്ളൂ

പ്രായം തന്നെക്കാൾ മുതിർന്ന യുവതിയെ പ്രണയിച്ച യുവാവ് വിവാഹത്തിനായി രജിസ്റ്റർ ഓഫീസിൽ സമീപിച്ചപ്പോൾ അവിടെ ഉള്ള സബ് രജിസ്റ്റർ ഓഫീസർ ന്റെ ഒരു ഉപദേശം ” മോനെ നിനക്ക് ഇപ്പോൾ ഇങ്ങനെ ഒക്കെ തോന്നും ഈ പെണ്ണുങ്ങൾക്ക് ഒരു 45 വയസ്സ് കഴിഞ്ഞാൽ അവരുടെ സ്ത്രീത്വം നശിക്കും.. പിന്നെ നീ ദുഖിക്കേണ്ടി വരും… ”
അല്ല അദ്ദേഹം ഉദ്ദേശിച്ചത് എന്തു സ്ത്രീത്വത്തെയാണ്?? അങ്ങനെങ്കിൽ 45 കഴിഞ്ഞ സ്ത്രീകളൊക്കെ പാഴ് വസ്തുക്കൾ ആണോ?? അവരുടെ മാനസിക വൈകാര്യതകൾക്കു ഈ സമൂഹത്തിൽ സ്ഥാനമില്ല എന്നാണോ?? ഈ സ്ത്രീകൾ എന്നത് കൊണ്ട് അദ്ദേഹം ഉദ്ദേശിക്കുന്നത് sex ചെയ്യാനും കുഞ്ഞുങ്ങളെ ഉത്പാദിപ്പിക്കാനും വേണ്ടിയുള്ള ഉപകരണങ്ങൾ മാത്രമാണ് എന്നാണോ??
എന്തായാലും ഒന്നുറപ്പാണ് അയാൾ അങ്ങനെ പറയുമ്പോൾ അതെ കാഴ്ചപ്പാടിലുള്ള ഒരു സുഹൃത്ത് വലയം അയാൾക്കുണ്ടാകും അപ്പോൾ പുറമെ മാന്യത നടിക്കുന്ന പല ആണുങ്ങളുടെയും കാഴചപ്പാട് ഇപ്പോഴും നൂറ്റാണ്ടുകൾക്കു പിന്നിലാണെന്ന് സാരം..

read more