ഡയറ്റ്

സ്തനവലുപ്പത്തിന് വ്യായാമമോ? വ്യായാമം ചെയ്താൽ ഉള്ള തടി കൂടി പോകില്ലേ എന്നാണ് പൊതുവായ ഒരു ചിന്ത. എന്നാൽ വ്യായാമം പോഷകങ്ങളുടെ ആഗിരണവും സംസ്കരണവും മെച്ചപ്പെടുത്തും. അങ്ങനെ ശരീരത്തിന് പുഷ്ടിയുണ്ടാകും. ശരീരം പുഷ്ടിപ്പെടുത്തുന്ന ഭക്ഷണം കഴിക്കുന്നതിനൊപ്പം വ്യായാമവും ചെയ്യണമെന്നു പറയുന്നത് ഇതുകൊണ്ടാണ്. തന്നെയുമല്ല മനുഷ്യശരീരത്തിനു സ്വാഭാവികമായ ഒരു ഘടനയുണ്ട്. ഉയർന്നും ഒതുങ്ങിയും വളഞ്ഞും ശിൽപസമാനമായ ഘടന. വണ്ണം കൂടുന്നതനുസരിച്ച് ശരീരത്തിലെ ചർമവും പേശികളും കൂടി വലിഞ്ഞുനീളും. കൊഴുപ്പടിഞ്ഞ് വളവുകളില്ലാത്ത നേർരേഖയായി ശരീരം മാറും. ഇത് കൊഴുപ്പു മൂലമുള്ള രോഗങ്ങളുടെ പ്രകടമായ ലക്ഷണമാണ്. എന്നാൽ വ്യായാമം ചെയ്താൽ ശരീരത്തിലെ പേശികളെയെല്ലാം വടിവൊത്തതും മുറുകിയതുമാക്കും. സ്തനപുഷ്ടി കുറഞ്ഞവർ ഭക്ഷണത്തിൽ ശ്രദ്ധിക്കുന്നതോടൊപ്പം നെഞ്ചിലെ പേശികൾക്ക് പ്രത്യേകമായുള്ള വ്യായാമവും ചെയ്യണം. ഭക്ഷണം മാറിടത്തിന്റെ വലുപ്പം (കപ് സൈസ് ) കൂട്ടും. വ്യായാമം മാറിടപേശികളെ ബലവത്തും വികസിച്ചതുമാക്കി സ്തനങ്ങളെ ഉയർന്നതും കാഴ്ചയിൽ വലുപ്പമുള്ളതുമാക്കും.

സ്തനപുഷ്ടിക്കു സഹായിക്കുന്ന ചില വ്യായാമങ്ങളാണ് ചുവടെ.

∙ ട്രൈസെപ് ഡിപ്സ്– പിടിയുള്ള കസേര ഉപയോഗിച്ച് ഇതു ചെയ്യാം. കേസരയിൽ സാധാരണപോലെ ഇരുന്ന് കൈകൾ ഇരുവശത്തും പിടിക്കുക. ഇനി കാലുകൾ മുന്നോട്ടു നീക്കി കസേരയിൽ നിന്നും താഴുക. ഇപ്പോൾ കൈപ്പത്തികൾ മാത്രമാണ് കസേരയിലുള്ളത്. കൈമുട്ടുകൾ ശരീരത്തോടു ചേർന്നിരിക്കുന്നു. വീണ്ടും കസേരയിൽ ഇരിക്കുക. വ്യായാമങ്ങളെല്ലാം ചെയ്യുമ്പോൾ സാവധാനം സമയമെടുത്ത് ചെയ്യുക.

ഈ വ്യായാമം പ്രധാനമായും മുട്ടിനു തൊട്ടുമുകളിലുള്ള ട്രൈസെപ്സ് പേശികൾക്കു വേണ്ടിയാണുള്ളതെങ്കിലും നെഞ്ചിലെ പേശികൾക്കും ആയാസം ലഭിക്കുന്നുണ്ട്.

∙ നേരേ നിവർന്നു നിൽക്കുക. ഇനി രണ്ടു കൈയും അഭിവാദ്യം ചെയ്യാനെന്നപോലെ മുന്നോട്ടു കൊണ്ടുവന്ന് കൂപ്പി കൈപ്പത്തികൾ തമ്മിൽ അമർത്തുക. ഈ ലളിതമായ വ്യായാമം പെക്റ്ററൽ പേശികൾക്ക് ഏറെ ഗുണകരമാണ്.

∙ കൈ കൂപ്പി നെറ്റിയിൽ മുട്ടുന്നവിധം ഉയർത്തിപ്പിടിക്കുക. ഇനി കൈപ്പത്തികൾ ചേർത്തമർത്തുക. കൂടുതൽ മികച്ച ഫലത്തിനായി ഒരു സ്പോഞ്ച് ബോൾ കൈക്കുള്ളിൽ വച്ച് അമർത്തുക. ഇത് പെക്റ്ററൽ അപ്പർ മസിലുകളെ വടിവൊത്തതും ദൃഢവുമാക്കും.

∙ കട്ടിലിന്റെ ഒരു വശത്തായി നിവർന്നു കിടക്കുക. ഒരു കൈ താഴേക്ക് ഇടുക. ഉയർത്തുക. ഇത് കുറേ തവണ ചെയ്യുക. ശേഷം ഇടതുവശത്തെ കൈ താഴെയിട്ട് ഉയർത്തി വലത്തേ തോളിൽ മുട്ടിക്കുക. ഏതാനും തവണ ചെയ്തശേഷം മറുവശവും ഇതേപോലെ ചെയ്യുക. കുറച്ചുകൂടി മികച്ച ഫലത്തിന് ഇതേ വ്യായാമം തന്നെ നിറയെ വെള്ളമുള്ള ഒന്നോ രണ്ടോ ലീറ്ററിന്റെ കുപ്പി ഉപയോഗിച്ചും ചെയ്യാം.

∙ വാൾ പുഷ് അപ്. ഭിത്തിക്ക് അഭിമുഖമായി രണ്ടടി മാറി നിൽക്കുക. നെഞ്ചിന്റെ അതേ നിരപ്പിൽ ഭിത്തിയിൽ കൈയ്യമർത്തി ശരീരം മുന്നോട്ടായുക. കാലുകൾ നിൽക്കുന്നിടത്തുനിന്ന് അനക്കരുത്. ഭിത്തിയോട് അടുക്കുന്തോറും കൈകൊണ്ട് പിന്നോട്ടു തള്ളുക. ഇത് മാറിടത്തിനടിയിലുള്ള പേശികളെ ബലവത്താക്കും.

വിവരങ്ങൾക്ക് കടപ്പാട്

സുമേഷ്കുമാർ

റിലീഫ് ഫിസിയോതെറപി സെന്റർ

തൊടുപുഴ

വെളുപ്പിനെ നാലരയ്ക്ക് എഴുന്നേറ്റ് വർക്ഔട്ട് ചെയ്തിട്ടും പേരിനു മാത്രം ഭക്ഷണം കഴിച്ച് ആവോളം പട്ടിണി കിടന്നിട്ടും വണ്ണം കുറയുന്നില്ലേ..? എ​ന്നാൽ ജിമ്മിൽ കാശു കളയുന്നതിനും ഇഷ്ടമുള്ള ഭക്ഷണങ്ങളോടെല്ലാം ഗുഡ്ബൈ പറയുന്നതിനും മുമ്പ് ചില ഭക്ഷണങ്ങൾ ഡയറ്റിൽ ഉൾപ്പെടുത്തി നോക്കൂ. വെറും ദിവസങ്ങൾ കൊണ്ടു തന്നെ മാറ്റം തിരിച്ചറിയാം. അടുക്കളയില്‍ തന്നെ ലഭ്യമാകുന്ന സാധാരണ പച്ചക്കറികളും മറ്റുമാണ് മാജിക് േപാലെ വണ്ണം കുറയാൻ സഹായിക്കുന്നവ. കാണാം ചിലവില്ലാതെ വണ്ണം കുറയ്ക്കാൻ സഹായിക്കുന്ന ആ പത്തു ഭക്ഷണങ്ങൾ ഏതൊക്കെയാണെന്ന്…

ഉരുളക്കിഴങ്ങ്

ഭാരം കുറയ്ക്കാൻ ആഗ്രഹിക്കുന്നവർക്ക് ഉത്തമമാണത്രേ ഉരുളക്കിഴങ്ങ്. ഉയർന്ന അളവിൽ കാർബോഹൈഡ്രേറ്റ്സും കുറഞ്ഞ അളവില്‍ കലോറിയുമുള്ള ഉരുളക്കിഴങ്ങ് മെറ്റാബോളിസത്തെ സുഗമമാക്കുകയും ഭാരം വർധിക്കുന്നതിനെ തടയുകയും ചെയ്യും. പുഴുങ്ങിയ ഉരുളക്കിഴങ്ങ് ഒരു പ്ലേറ്റ് കഴിച്ചാൽ വയർ നിറയുമെങ്കിലും വെറും 100 കലോറി മാത്രമേ പ്രദാനം ചെയ്യുകയുള്ളു.

ഇഞ്ചി

വണ്ണം കുറയണമെങ്കിൽ വൈകാതെ ഇഞ്ചിയുമായി കൂട്ടുകൂടുന്നതാണ് നല്ലത്. ഒരു കഷ്ണം ഇഞ്ചി തേനിൽ ചേർത്തു കഴിച്ചുകൊണ്ട് ഒരുദിവസം തുടങ്ങാം. ഇതിലടങ്ങിയിരിക്കുന്ന വൊളറ്റൈൽ ഓയിൽ മെറ്റാബോളിസത്തെ ത്വരിതപ്പെടുത്തി വണ്ണം കുറയാൻ സഹായിക്കും. ‌‌

നാരങ്ങാവെള്ളം

മിക്ക അടുക്കളകളിലും സുലഭമമാണ് നാരങ്ങ. കുടവയര്‍ കുറയ്ക്കാൻ നാരങ്ങയ്ക്കുള്ള കഴിവ് പരസ്യമാണ്. നാരങ്ങാജ്യൂസും തേനുമായി ചേർത്ത വെള്ളം കുടിച്ച് ദിവസം തുടങ്ങുന്നത് വണ്ണം കുറയ്ക്കാൻ സഹായിക്കും.

വാട്ടർ മെലൺ

തണ്ണിമത്തനില്‍ ഏറ്റവുമധികം ഉള്ളത് വെള്ളമാണ്. ഭക്ഷണത്തിനു മുമ്പ് തണ്ണിമത്തൻ കഴിക്കുന്നത് അമിത കലോറികളൊന്നും എത്തിപ്പെടാതെ വയർ നിറയ്ക്കും. ഇത് കൂടുതൽ ഭക്ഷണം കഴിക്കണമെന്ന തോന്നല്‍ ഇല്ലാതാക്കുകയും ചെയ്യും.

വെള്ളരിക്ക

കണ്ണിനു മുകളിലെ കറുപ്പകറ്റാനും സലാഡിനിടയിലിടാനും മാത്രമല്ല വണ്ണം കുറയ്ക്കുന്നതിലും വെള്ളരിക്കയ്ക്കു പ്രധാന പങ്കുണ്ട്. തണ്ണിമത്തനിലേതുപോലെ തന്നെ ധാരാളം വെള്ളമടങ്ങിയ പച്ചക്കറിയാമ് വെള്ളരിക്ക. 100ഗ്രാം വെള്ളരിക്കയിലൂടെ വെറും 45 കലോറി മാത്രമേ ശരീരത്തിനു ലഭിക്കൂ.

വെളുത്തുള്ളി

വണ്ണം കുറയണമെന്ന് ആത്മാർഥമായി ആഗ്രഹിക്കുന്നവര്‍ ആഹാരത്തിൽ വെളുത്തുള്ളിയും ഉൾപ്പെടുത്തുന്നതു നല്ലതാണ്. കുടവയർ കുറയ്ക്കാൻ സഹായിക്കുന്ന വെളുത്തുള്ളി ശരീരത്തിലെ കൊഴുപ്പിനെ വലിച്ചെടുക്കുമെന്നാണ് പഠനങ്ങള്‍ പറയുന്നത്.

ബീൻസ്

ചിലർക്കു ബീൻസ് കഴിക്കുന്നത് ഇഷ്ടമേയല്ല. എന്നാൽ ബീൻ വണ്ണം കുറയ്ക്കുമെന്നു കേട്ടാലോ? നാരുകൾ ധാരാളം അടങ്ങിയിട്ടുള്ള ബീൻസ് ദഹനപ്രക്രിയയെ സുഗമമാക്കുകയും ഇവയിലടങ്ങിയിരിക്കുന്ന പെക്റ്റിൻ ഏറെ നേരത്തേക്ക് വയർ നിറഞ്ഞ അവസ്ഥയുണ്ടാക്കുകയും ചെയ്യും.

മഞ്ഞൾ

അടുക്കളകളിലെ അവിഭാജ്യ ഘടകമായ മഞ്ഞളിനും ശരീരഭാരം കുറയ്ക്കുന്നതിൽ പ്രധാന പങ്കുണ്ട്. മഞ്ഞളിൽ അടങ്ങിയിരിക്കുന്ന സർക്യുമിൻ കൊഴുപ്പിനു കാരണമായ ലെപ്റ്റിനും ഒപ്പം ഇൻസുലിനും കുറയ്ക്കും.

കൂവക്കിഴങ്ങ്

ഭാരം കുറയ്ക്കേണ്ടവർ ഡയറ്റിൽ കൂവക്കിഴങ്ങിനെയും ഉൾപ്പെടുത്താം. ധാരാളം പ്രൊട്ടീൻ അടങ്ങിയ കലോറി തീരെ കുറഞ്ഞ കൂവ വണ്ണം കുറയ്ക്കാൻ ഫലപ്രദമാണ്.

ക്യാരറ്റ്

കലോറിയും കൊഴുപ്പും തീരെ കുറഞ്ഞ ക്യാരറ്റ് മെറ്റാബോളിസം വർധിപ്പിക്കും. ദിനവും ഒരു ഗ്ലാസ് ക്യാരറ്റ് ജ്യൂസ് കഴിക്കുന്നത് കൊഴുപ്പിനെ ഇല്ലാതാക്കുകയും അതുവഴി അമിതഭാരം കുറയുകയും ചെയ്യും.

വണ്ണം കുറയ്ക്കുന്നതിന് വേണ്ടിയാണ് ഇന്ന് ഏറെ പേരും പട്ടിണികിടക്കുന്നതും കഠിനമായ വ്യായാമം ചെയ്യുന്നതും എന്തിന് സര്‍ജറി നടത്തുന്നത് പോലും. സീറോ സൈസ്ഡ് നായികമാർ തരംഗമാകുന്ന, മെലിഞ്ഞതാണ് സൗന്ദര്യം എന്നു വിശ്വസിച്ചു ജീവിക്കുന്നവരുടെ സമൂഹത്തിലാണ് നമ്മൾ ജീവിക്കുന്നത്. ഇത് ഒരു കൂട്ടരുടെ കഥ മാത്രം. മറു ഭാഗത്ത് സാഹചര്യങ്ങള്‍ അല്‍പ്പം വ്യത്യസ്തമാണ്. എന്ത് കഴിച്ചിട്ടും വണ്ണം വയ്ക്കുന്നില്ല എന്ന മനോദു:ഖമാണ് ഈ കൂട്ടരുടെ ഉറക്കം നഷ്ടപ്പെടുത്തുന്നത്. കോലുപോലെ ഇരിക്കുന്നു എന്ന് പറഞ്ഞ് ഇവർ പരാതിപ്പെടുമ്പോൾ ശരിയാണ് അല്‍പ്പം വണ്ണം ഉള്ളതാണ് ഭംഗി എന്ന് മിക്ക ആളുകളും പറയും.

അസുഖങ്ങളൊന്നുമില്ലെങ്കില്‍ നമുക്ക് ലഭിക്കാവുന്ന വലിയ സൗഭാഗ്യമാണ് മെലിഞ്ഞ ശരീരം എന്നതാണ് വാസ്തവം. എന്നാല്‍ ഉയരത്തിനനുസരിച്ച് ശരീരഭാരമില്ലെങ്കില്‍ ആകാരഭംഗിയെ മാത്രമല്ല ആത്മവിശ്വാസത്തെയും അത് ബാധിക്കും. വണ്ണം കുറക്കുന്നതിനേക്കാള്‍ അല്‍പ്പം ശ്രമകരമാണ് വണ്ണം വെയ്ക്കുന്നത്. എങ്കിലും ജീവിതശൈലിയും ഭക്ഷണക്രമവും പരിഷ്‌കരിച്ചാല്‍ അനായാസം ആര്‍ക്കും ‘ഐഡിയല്‍ വെയ്റ്റ്’ നേടാന്‍ സാധിക്കും.അതിനുള്ള ചില ആയൂര്‍വേദ പ്രതിവിധികള്‍ ഏതെന്ന് നോക്കാം.

ബ്രെയിൻ ഫുഡ് മാത്രമല്ല ബ്രേക്ക് ഫാസ്റ്റ് നമ്മുടെ ശരീര ഭാരത്തിന്റെ സന്തുലിതാവസ്ഥയ്ക്ക് ബ്രേക്കഫാസ്റ്റ് വളരെ പ്രധാനമാണ്. പ്രഭാത ഭക്ഷണം തീര്‍ച്ചയായും ഒരു ശീലമാക്കണം ഒരു ദിവസത്തെ ഊര്‍ജ്ജം മുഴുവന്‍ ലഭിക്കുന്നത് പ്രാതലിലൂടെയാണ്. മാത്രമല്ല ആഹാരത്തിന് കൃത്യമായ സമയം പാലിക്കണം.

ഉലുവ ഒരു പിടിയെടുത്ത് ദിവസവും രാത്രി ശുദ്ധവെള്ളത്തില്‍ ഇട്ട് വയ്്ക്കുക പിറ്റേദിവസം അത് എടുത്ത് ഞെരിടിപ്പിഴിഞ്ഞ് ആ വെള്ളം കുടിക്കുക ഇങ്ങനെ ഒരു മാസക്കാലം കൂടിക്കുന്നത് ശരീരം വണ്ണം വെയ്ക്കാന്‍ സഹായിക്കും.

ശരീരം പുഷ്ടിപ്പെടുവാന്‍ ബ്രഹ്മി നെയ്യില്‍ വറുത്ത് പാലു കൂട്ടി പതിവായി സേവിക്കുക.

ശരീരം പുഷ്ടിപ്പെടാന്‍ തുല്യഅളവില്‍ അമുക്കുരുവും ഉണക്ക മുന്തിരിയും നന്നായി ചതയ്ക്കുക. ഇതില്‍ നിന്നും രണ്ടു സ്പൂണ്‍ വീതം ഒരു ഗ്ലാസ് പശുവിന്‍ പാലില്‍ ചേര്‍ത്ത് നന്നായി തിളപ്പിച്ച് പതിവായി രാത്രി ഭക്ഷണത്തിനുശേഷം കുടിക്കുക.

ബദാം പരിപ്പ് പൊടിച്ചിട്ടു പാല്‍ കാച്ചി കഴിക്കുക.

ഇന്തുപ്പും വെണ്ണയും ചേര്‍ത്ത് രാത്രി ആഹാരം കഴിക്കുകയാണെങ്കില്‍ കുട്ടികള്‍ നന്നായി തടി വെയ്ക്കും

വിഷ്ണു ക്രാന്തി ചതച്ചിട്ടു പാല്‍ കാച്ചി കഴിക്കുന്നത് നല്ലതാണ്.

നിലക്കടല പച്ചയ്ക്ക് തോട് പൊളിച്ചു കഴിക്കുന്നത് വളരെ നല്ലതാണ്

ഭക്ഷണത്തില്‍ പയര്‍വര്‍ഗ്ഗങ്ങള്‍, വെണ്ണ എന്നിവ ഉള്‍പ്പെടുത്തുന്നത് നിറയെ പച്ചക്കറിയും, ഇലകളും പഴവര്‍ഗ്ഗങ്ങളും ഉള്‍പ്പെടുത്തണം

ആഹാരത്തിനോടൊപ്പം മിതമായ വ്യായമവും മെലിഞ്ഞവര്‍ക്ക് ആവശ്യമാണ്. എന്നാല്‍ മാത്രമേ ദഹനം നടക്കുകയും അമിതമായി ശരീരഭാരം കൂടാതെയും ഇരിക്കുകയുള്ളു.

തൈറോയ്ഡ്, പ്രമേഹം എന്നിവ മൂലവും ശരീരം മെലിഞ്ഞ് പോകുന്നതിന് കാരണമാകുന്നു. അതിനാല്‍ രണ്ട് മാസത്തില്‍ ഒരിക്കലെങ്കിലും ചെക്കപ്പ് നടത്തുന്നത് ന്ന്നായിരിക്കും.

ഭക്ഷണം ‘റിച്ച്’ ആക്കൂ

വണ്ണം കൂട്ടാന്‍ സഹായിക്കുന്ന ചിലതരം ഭക്ഷണങ്ങളുണ്ട്. അവയെ നമുക്ക് അനാവശ്യ കൊഴുപ്പില്ലാത്ത റിച്ച് ഭക്ഷണം എന്നു പറയാം. കൊഴുപ്പ് നീക്കാത്ത പാലുല്‍പ്പന്നങ്ങള്‍, ഇറച്ചി, ചോറ് തുടങ്ങിയവ തടി കൂടുവാന്‍ സഹായിക്കും. ഐസ്‌ക്രീം, ചോക്ലേറ്റ്, കേക്ക്, വറുത്ത സ്‌നാക്‌സ്, ചീസ് ചേര്‍ത്ത ഭക്ഷണസാധനങ്ങള്‍ എന്നിവ ധാരാളമായി കഴിക്കുന്നത് ആരോഗ്യത്തിന് നല്ലതല്ലെങ്കിലും തടി കൂഡട്ടാൻ സഹായിക്കുന്നവയാണ്. കൊഴുപ്പു കളയാത്ത പാല്‍, പഴച്ചാറുകള്‍, ചോറ് എന്നിവയും വണ്ണം വയ്ക്കാന്‍ സഹായിക്കും. നെയ്യ് ചേര്‍ത്ത് ചോറുണ്ണുന്നത് വണ്ണം വയ്ക്കാനുള്ള നല്ലൊരു മാര്‍ഗമാണ്.

ഇറച്ചിയില്‍ തന്നെ ചുവന്ന ഇറച്ചികള്‍ വണ്ണം കൂട്ടുന്നതില്‍ മുഖ്യപങ്കു വഹിയ്ക്കുന്നവയാണ്.

അലോപ്പതി പറയുന്നത്

അലോപ്പതിയിലെ മരുന്നുകളൊന്നും തന്നെ പാർശ്വഫലങ്ങളില്ലാതെ വണ്ണം കൂട്ടില്ല. എന്തുകൊണ്ടാണ് വണ്ണം വയ്ക്കാത്തത് എന്നു കണ്ടുപിടിക്കുകയാണ് അലോപ്പതി ചെയ്യുന്നത്. പാരമ്പര്യം, പോഷകാഹാരക്കുറവ്, സമയത്ത് ആഹാരം കഴിക്കാതിരിക്കുക, ഉറക്കകുറവ്, മറ്റസുഖങ്ങള്‍ എന്നിവയാണ് ശരീരം മെലിയുന്നതിന്‍റെ പ്രധാന കാരണങ്ങള്‍. തോളെല്ല് പൊങ്ങിനില്‍ക്കുന്നത് സൗന്ദര്യത്തിന് മാറ്റുകൂട്ടുമെന്ന ധാരണയിലാണ് ഇപ്പോഴത്തെ പെണ്‍കുട്ടികള്‍. ശരീരം മെലിയുന്നതിനേക്കാള്‍ ശ്രദ്ധിക്കേണ്ടത് ശരീരത്തിന്‍റെ തൂക്കം കുറയുന്നുണ്ടോ എന്നതാണ്. വിപണിയില്‍ ലഭിക്കുന്ന ഒരു മരുന്നും വണ്ണം കൂട്ടാന്‍ സഹായിക്കില്ലെന്ന്‌ അറിയുക. മാത്രമല്ല, പാര്‍ശ്വഫലങ്ങള്‍ ഉണ്ടാക്കാനും സാധ്യതയുണ്ട്‌.

വ്യക്തികളുടെ ശരീരത്തില്‍ എത്ര കലോറി ആവശ്യമാണ്‌, എന്തൊക്കെ ആഹാരം കഴിക്കണം എന്നൊക്കെ തീരുമാനിക്കുന്നത് അവരുടെ ജോലിയുടെ സ്വഭാവമനുസരിച്ചാണ്‌. ശരീരത്തില്‍ നിന്ന്‌ നഷ്‌ടപ്പെടുന്ന ഊര്‍ജ്‌ജം തിരികെ ലഭിക്കാന്‍ മാത്രം ആഹാരം കഴിച്ചാല്‍ മതിയാകും. ആവശ്യത്തിന്‌ മാത്രം ആഹാരം കഴിക്കുക. ശരീരം മെലിഞ്ഞതാണെങ്കിലും അസുഖങ്ങള്‍ ഒന്നുമില്ലെന്ന്‌ ഉറപ്പ്‌ വരുത്തുക. അമിതാഹാരത്തിലൂടെയാണ്‌ പ്രധാനമായും അമിത വണ്ണം ഉണ്ടാകുന്നത്. ഇപ്പോഴുള്ള ആഹാരരീതിയും, ജീവിത ശൈലിയും, വ്യായാമക്കുറവും ശരീരം തടിവയ്‌ക്കാന്‍ കാരണമാകുന്നു.

വറുത്തതും പൊരിച്ചതുമായ ആഹാരങ്ങള്‍, ഫാസ്‌റ്റ് ഫുഡ്‌, അമിതമായ മസാലകളുടെ ഉപയോഗം എന്നിവ കുറയ്‌ക്കുക. ഇവയെല്ലാം നിയന്ത്രിച്ചിട്ടും വണ്ണം കുറയുന്നില്ല എങ്കില്‍ ശരീരത്തിലെ കൊഴുപ്പ് നീക്കം ചെയ്യുന്ന ശസ്‌ത്രക്രിയ ചെയ്യാവുന്നതാണ്‌. കലോറി കൂറഞ്ഞ പഴങ്ങളും, പച്ചക്കറികളും, ആവിയില്‍ വേവിച്ച ആഹാരങ്ങളും ഭക്ഷണത്തില്‍ ഉള്‍പ്പെടുത്താം. തടി വയ്‌ക്കും എന്ന്‌ പേടിച്ച്‌ ആഹാരം വേണ്ട എന്നു വയ്‌ക്കുന്നത്‌ അബദ്ധമാണ്‌. ആഹാരം പൂര്‍ണ്ണമായും ഒഴിവാക്കി പട്ടിണി കിടക്കാന്‍ ശ്രമിക്കരുത്‌. അതു മറ്റു പല രോഗങ്ങളിലേക്കുമുള്ള വഴിവയ്ക്കും.അരി ആഹാരം വേണ്ട എന്നു വയ്‌ക്കരുത്‌. മിതമായ രീതിയില്‍ ഉപയോഗിക്കാം.