close

സ്ത്രീ സൗന്ദര്യം (Feminine beauty)

ചോദ്യങ്ങൾമുഖ സൗന്ദര്യംസ്ത്രീ സൗന്ദര്യം (Feminine beauty)

മുഖക്കുരു പൊട്ടി രൂപപ്പെട്ട പാടുകളും ചിക്കന്‍പോക്‌സിന്റെ പാടുകളും 48 ദിവസം കൊണ്ട് മാറും; വീട്ടിൽ ചെയ്യാവുന്ന ഔഷധക്കൂട്ട് ഇതാ…

എല്ലാവരും പറയുന്ന സൗന്ദര്യപ്രശ്നമാണ് മുഖത്തെ കറുത്ത പാടുകൾ. ചിലർക്ക് മുഖക്കുരു മൂലമാണ് ഇത് വരുന്നത്. മറ്റു ചിലർക്ക് പിഗ്മെന്റേഷൻ പോലുള്ള ചർമ രോഗങ്ങൾ മൂലവും വെയിൽ കൊള്ളുന്നതും ഒക്കെ പാടുകൾക്ക് കാരണമാകും. ഫേഷ്യലോ മറ്റ് ബ്യൂട്ടീ ട്രീറ്റ്മെന്റുകളൊക്കെ ചെയ്താലോ ഇവ നിശ്ശേഷം മാറുക വളരെ ബുദ്ധിമുട്ടാണ്. എന്നാൽ എല്ലാദിവസവും ഇതിനായി വീട്ടിൽ തന്നെ അൽപ്പം സമയം ചിലവഴിക്കാം. ഇതാ മുഖത്തെ പാടുകളും കുരുക്കളും മാറ്റാൻ വീട്ടിൽ ചെയ്യാവുന്ന വഴികൾ.

1. തൈരും മുട്ടയും ചേർന്ന മിശ്രിതം മുഖത്തു പുരട്ടി ഒരു മണിക്കൂറിനുശേഷം കഴുകിക്കളയുക. ഒരാഴ്ച തുടർച്ചയായി ഇങ്ങനെ ചെയ്താല്‍ കറുത്തപാടുകൾ മാറിക്കിട്ടും.

2. മഞ്ഞളും ആര്യവേപ്പിന്റെ ഇലയും അരച്ചുചേർത്ത കൂട്ട് ഒരു മണിക്കൂര്‍ മുഖത്ത് പുരട്ടിയശേഷം കഴുകിക്കളയാം. കറുത്തപാടുകൾക്കൊപ്പം മുഖക്കുരുവും ചുളിവുകളും മാറിക്കിട്ടും.

3 . ഓറഞ്ചുനീരും പനിനീരും തുല്യ അളവില്‍ ചേർത്ത് മുഖത്തു പുരട്ടുന്നത് സ്വാഭാവികമായ ബ്ളീച്ചിന്റെ ഗുണം ചെയ്യും.

4 . കാബേജ് അരച്ചു പേസ്റ്റ് രൂപത്തിലാക്കി മുഖത്തു ഫേഷ്യൽ മാസ്‌ക്കായി ഉപയോഗിക്കാം.

5. ഒരു നുള്ള് ഈസ്റ്റില്‍ കാബേജ് നീരും പനിനീരും ചേര്‍ത്ത് പുരട്ടുന്നത് നല്ലതാണ്.

6. കറ്റാര്‍വാഴയുടെ നീര് പുരട്ടുന്നത് മുഖത്തിന് വെളുത്ത നിറം നൽകും.

7. മഞ്ഞള്‍പൊടിയില്‍ അല്പം നാരങ്ങാനീരു ചേര്‍ത്ത കുഴച്ച മിശ്രിതം അരമണിക്കൂര്‍ മുഖത്തു പുരട്ടിയശേഷം കഴുകിക്കളയാം.

മുഖക്കുരു പൊട്ടി രൂപപ്പെട്ട പാടുകളും ചിക്കന്‍പോക്‌സ് വന്ന പാടുകളും മാറ്റാന്‍ പാരമ്പര്യ ഔഷധക്കൂട്ട് ഇതാ… 

20 ഗ്രാം കറിവേപ്പിലയും 20 ഗ്രാം കസ്തൂരിമഞ്ഞളും 20 ഗ്രാം കസ്‌കസും സമംചേര്‍ത്ത് ഒരു ചെറുനാരങ്ങയും ചേര്‍ത്ത് കറിവേപ്പില ആദ്യം നന്നായി അരച്ചെടുക്കണം. ഇതോടൊപ്പം കസ്തൂരി മഞ്ഞള്‍ പൊടിച്ചതും കസ്‌കസും ചേര്‍ത്ത് ചെറുനാരങ്ങ പിഴിഞ്ഞ് ഒഴിച്ച് നല്ലവണ്ണം കുഴച്ച് രാവിലെ മുഖത്തു തേക്കുക. രണ്ടു മണിക്കൂര്‍ കഴിഞ്ഞു ചൂടുവെള്ളം ഉപയോഗിച്ച് മുഖം കഴുകുക. ഇത് 48 ദിവസം തുടര്‍ച്ചയായി ചെയ്താല്‍ മുഖത്തെ പാടുകള്‍ തീരെ മാഞ്ഞു പോകും.

കാട്ടാവണക്കിന്റെ ഇലയും നല്ല മരുന്നാണ് ഈ ഇല തനിയെ അരച്ചോ ചെറുനാരങ്ങാ നീരു ചേര്‍ത്ത് അരച്ചോ മുഖത്തു പുരട്ടാം. പ്രത്യേകം ശ്രദ്ധിക്കണം. കടലാവണക്ക് അല്ല കാട്ടാവണക്ക്. കാട്ടാവണക്ക് തിരിച്ചറിയാന്‍ എളുപ്പമാര്‍ഗംഉണ്ട്. ഇലയുടെ നിറം ചുവപ്പായിരിക്കും. കായ ചെറുതുമായിരിക്കും. തേച്ചു രണ്ടു മണിക്കൂര്‍ കഴിയുമ്പോള്‍ കഴുകിക്കളയുക. കഴുകിയതിനു ശേഷം മുഖത്ത് വെളിച്ചെണ്ണ പുരട്ടണം. പൗഡര്‍, ക്രീം എന്നവ ഉപയോഗിക്കാന്‍ പാടില്ല.

read more
ദാമ്പത്യം Marriageമുഖ സൗന്ദര്യംവൃക്തിബന്ധങ്ങൾ Relationshipസ്ത്രീ സൗന്ദര്യം (Feminine beauty)

സ്ത്രീ പ്രണയത്തില്‍ വീഴുന്നത് ചെവിയിലൂടെയും പുരുഷന്‍ കണ്ണുകളിലൂടെയും എന്നു പറയുന്നത് എന്ത് കൊണ്ട്?; പെണ്ണിന്റെ കണ്ണിലൂടെ

സ്ത്രീയും പുരുഷനും എങ്ങനെയെല്ലാം വ്യത്യസ്തപ്പെട്ടിരിക്കുന്നു? രൂപത്തിൽ മാത്രമാണോ? അല്ലേയല്ല. എല്ലാം അണുവിലും സ്ത്രീയും പുരുഷനും രണ്ടാണ്. സ്വഭാവത്തിൽ, വികാരത്തിൽ പെരുമാറുന്ന രീതിയിൽ, മാനസിക–ശാരീരികാരോഗ്യത്തിൽ… എല്ലാത്തിലും.

ശാരീരികമായിട്ടുള്ള വ്യത്യാസം തന്നെയാണ് പ്രഥമദൃഷ്ട്യാ സ്ത്രീ–പുരുഷന്മാരെ വേർതിരിക്കുന്നത്. സ്ത്രീെയ പുരുഷനിൽ നിന്ന് വേർതിരിക്കുന്ന ഏറ്റവും വലിയ ഘടകം എന്നത് പുതിയ ജീവന് ജന്മം െകാടുക്കാനുള്ള അവളുടെ കഴിവ് തന്നെയാണ്. അതിന്റെ ആദ്യപടിയാണ് ഒരു പെൺകുട്ടി ഋതുമതിയാകുന്നത്. ഒരു കുഞ്ഞിനെ ഗർഭം ധരിക്കാനും പ്രസവിക്കാനും ഉള്ള കഴിവും സ്ത്രീക്കു മാത്രമാണുള്ളത്.

വികാരങ്ങൾ– എങ്ങനെ വ്യത്യാസം?

സ്വഭാവത്തിലും വികാരപ്രകടനത്തിലും മറ്റും സ്ത്രീയും പുരുഷനും വ്യത്യാസപ്പെട്ടിരിക്കുന്നതിന്റെ പ്രധാന പങ്ക് േഹാർമോണുകൾക്കാണ്. തലച്ചോറിന് ഇതിൽ പ്രധാനമായ പങ്കുണ്ട്. തലച്ചോറിന്റെ ഘടനയിലെ ചില മാറ്റങ്ങൾ സ്വഭാവത്തിലും കഴിവുകളിലും പ്രകടമാകുന്നു. ജൈവപരമായി മാത്രമല്ല സമൂഹത്തിനു തന്നെ ഒരു കാഴ്ചപ്പാട് ഉണ്ട്– സ്ത്രീയും പുരുഷനും എങ്ങനെ െപരുമാറണമെന്ന്.

സ്ത്രീകൾക്കു വൈകാരികത കൂടുതലാണ്. പെട്ടെന്ന് ഇമോഷനൽ ആകും, കരയും. അതുപോലെ തന്നെ വികാരങ്ങൾ പ്രകടിപ്പിക്കുന്നതിലും നിയന്ത്രണമില്ലാത്തവരുമാണ്. പുരുഷന്മാർക്കു പ്രകടിപ്പിക്കൽ കുറവാണ്. പക്ഷേ ദേഷ്യം േപാലുള്ള വികാരങ്ങൾ പുരുഷന്മാരാണ് കൂടുതലും കാണിക്കാറ്. പിരിമുറുക്കം പോലുള്ള സാഹചര്യങ്ങളിൽ സ്ത്രീയും പുരുഷനും കൈകാര്യം െചയ്യുന്ന രീതിയും വേറെയാണ്. പുരുഷന്മാർക്ക് നല്ല മനക്കട്ടിയാണെന്നു പറയും. പക്ഷേ ശരിക്കും അങ്ങനെയായിരിക്കില്ല. സ്ത്രീകൾക്ക് പിരിമുറുക്കം േപാലുള്ളവ അനുഭവപ്പെട്ടാൽ അപ്പോൾ തന്നെ അതു പ്രകടിപ്പിക്കും. അതിനെ പുറന്തള്ളും. എന്നാൽ പുരുഷന്മാർ അതു മൂടിവയ്ക്കും. അത് അവരുെട മനസ്സിന്റെ അടിത്തട്ടിൽ ഉണ്ടാകും. ഇത്തരം വികാരങ്ങളെ നിയന്ത്രിക്കുന്നത് േഹാർമോണുകളാണ് എന്നാണ് വിദഗ്ധർ പറയുന്നത്. പുരുഷഹോർമോണായ ടെസ്റ്റോസ്റ്റിറോണിന്റെ പ്രത്യേകത കാരണമാണ് പുരുഷന്മാർ സ്ത്രീകളെക്കാൾ പരുക്കന്മാ‍രായി, വികാരങ്ങൾ ഒളിപ്പിച്ച് പ്രകടിപ്പിക്കുന്നത്. അതേസമയം സ്ത്രീ േഹാർമോണായ ഈസ്ട്രജനു കുറച്ചുകൂടി ലോലമായ സ്വഭാവമാണ് (Property) ഉള്ളത്. പ്രായമായ പുരുഷന്മാർ പലപ്പോഴും വികാരങ്ങൾ പ്രകടിപ്പിക്കുകയും കരയുകയും െചയ്യുന്നത് നിങ്ങൾ ശ്രദ്ധിച്ചിട്ടുണ്ടോ? അത് അവരുെട ശരീരത്തിലെ ടെസ്റ്റോസ്റ്റിറോൺ അളവു കുറയുന്നതുെകാണ്ടാണ്.

നമ്മുെട കാഴ്ചപാടിൽ സ്ത്രീകൾ വളരെ അടക്കത്തോെട ഒതുക്കത്തോെട പെരുമാറേണ്ടവരാണ്. അത്തരമൊരു നിയമം പലപ്പോഴും കുഞ്ഞുനാളിലെ സ്ത്രീകളിൽ അടിച്ചേൽപിക്കപ്പെടുന്നുണ്ട്. ഒരു പ്രത്യേക ചട്ടക്കൂടിൽ ഒതുങ്ങി വേണം സ്ത്രീകൾ വികാരങ്ങൾ പ്രകടിപ്പിക്കാൻ എന്നാണ് െപാതുവായ ചിന്താഗതി. അതുെകാണ്ടാണ് ഒരു പ്രശ്നം ഉണ്ടായാൽ സ്ത്രീകൾ െപാട്ടിത്തെറിക്കാൻ വിമുഖത കാണിക്കുന്നത്. ഒരാൾ മോശമായി പെരുമാറിയാൽ താൻ എന്തു െചയ്തിട്ടാണ് എന്നോട് അങ്ങനെ മോശമായി പെരുമാറിയത്? എന്റെ പെരുമാറ്റത്തിൽ എന്തെങ്കിലും തെറ്റുണ്ടോ തുടങ്ങിയ നൂറു ചോദ്യങ്ങൾ സ്ത്രീകൾ മനസ്സിൽ േചാദിക്കും. രാവിലെ നടന്ന സംഭവമാണെങ്കിലും അന്നേ ദിവസം സന്ധ്യമയങ്ങിയാലും സ്ത്രീകൾ ആ സംഭവത്തെ മനസ്സിലിട്ട് കൂട്ടിയും കിഴിച്ചും നോക്കും. എന്നാൽ പുരുഷന്മാർ നേരെ തിരിച്ചാണ്. അവർ പറയാനുള്ളവ മറ്റുള്ളവരുെട മുഖത്തു നോക്കി പറയും. എന്തെങ്കിലും തർക്കമുണ്ടെങ്കിൽ അതു തർക്കിച്ചു തീർക്കും.

സ്ത്രീകൾ ഒരു തടവിൽ ആണെന്നു പറയാം. അതു സ്വയം നിർമിച്ചതോ സമൂഹം കൽപിച്ചതോ ആകാം. അവൾ ആ തടവിനുള്ളിൽ നിന്നാണ് പെരുമാറുന്നത്. എന്നാൽ പുരുഷന്മാർക്ക് ആ തടവ് ഇല്ല. പരിമിതി ഇല്ല. ഇതാവാം വികാരങ്ങളുെട വിക്ഷോഭത്തിൽ പുരുഷന്മാർക്കുള്ള സ്വാതന്ത്ര്യം. പലപ്പോഴും സ്ത്രീകൾക്ക് തങ്ങൾ ആഗ്രഹിച്ച കാര്യം പറയാൻ സാധിക്കില്ല. അതു സ്വാതന്ത്ര്യക്കുറവ് കാരണമാണ്.

മൃദുലഭാവങ്ങൾ

സൗമ്യത, സ്നേഹം, സാന്ത്വനം തുടങ്ങിയ മനോഭാവങ്ങളാണ് സ്ത്രീ എന്ന രീതിയിൽ ആദ്യം തന്നെ വരുന്നത്. മിക്ക സ്ത്രീകളും കർക്കശ നിലപാട് സ്വീകരിക്കാത്തതും അടുപ്പമുള്ളവരോട് അറുത്തുമുറിച്ച് നോ പറയാത്തതും സ്ത്രീയുെട അടിസ്ഥാന നിലപാട് സ്നേഹത്തിന്റേതായതുെകാണ്ടാണ്. എന്നാൽ പുരുഷന്മാർക്ക് എല്ലാ വികാരങ്ങളും തുല്യമാണ്.

തങ്ങൾ തുറന്നു സംസാരിച്ചാൽ േകൾക്കുന്ന ആളുെട മനസ്സിനെ കുറിച്ച് കൂടുതലും ചിന്തിക്കുന്നത് സ്ത്രീകളാണ്. താൻ ഇങ്ങനെ സംസാരിച്ചാൽ േകൾക്കുന്ന വ്യക്തിക്കു വിഷമം ആകുമോ തുടങ്ങിയ ചിന്തകൾ സ്ത്രീകൾക്ക് ഉണ്ടാകും. ഇത്തരം ലോല ചിന്തകൾ പുരുഷന്മാർക്കു െപാതുവെ കുറവാണ്.

ഒരു വിഷയത്തിൽ സന്തോഷമുണ്ടായാൽ അതു പ്രകടിപ്പിക്കുന്ന രീതിയിലും സ്ത്രീയും പുരുഷനും ഒരുപോലെയല്ല. പുരുഷൻ മതിമറന്ന് കൂട്ടുകാരെ െകട്ടിപിടിച്ച്, തുള്ളിച്ചാടുമ്പോൾ, സ്ത്രീകൾ കുറച്ചു കൂടി ഒതുക്കത്തോടെ സന്തോഷം പങ്കുവയ്ക്കും. പുതിയ തലമുറയിൽ അൽപം മാറ്റം വന്നിട്ടുണ്ട് എന്നത് വിസ്മരിക്കുന്നില്ല.

ഒരു സ്ത്രീ പ്രേമത്തിൽ വീഴുക െചവികളിലൂെടയും പുരുഷൻ കണ്ണുകളിലൂെടയും എന്നൊരു െചാല്ല് ഉണ്ട്. ഇതു കുറെയേറെ സത്യമാണ്. പുരുഷന്മാർക്ക് കാഴ്ചയാണ് പ്രധാനം. കാഴ്ചയിലൂെടയുള്ള ആനന്ദമാണ് അവർക്കു വേണ്ടത്. എന്നാൽ സ്ത്രീകൾക്ക് കേൾവിയാണ് പ്രധാനം. േകൾക്കുന്നതിലൂെട ലഭിക്കുന്ന ആനന്ദമാണ് അവരെ ഉല്ലാസവതികളാക്കുന്നത്. ഫോണിലൂെട ഇഷ്ടം അറിഞ്ഞാലും മതി, സ്ത്രീകൾക്ക് സന്തോഷമാണ്. പ്രേമത്തിന്റെ കാര്യത്തിൽ സ്ത്രീകൾ കാൽപനികതയ്ക്കു കൂടുതൽ ഊന്നൽ നൽകുന്നു എന്നു പറയാം. അതേ സമയം പുരുഷന്മാർ നേരിൽ കണ്ടിട്ടേ എന്തും സ്നേഹിക്കൂ, സ്വീകരിക്കൂ. ആത്മീയമായ കാര്യങ്ങളിൽ കൂടുതൽ ആകൃഷ്ടരാകുന്നത് സ്ത്രീകളാണ്. പക്ഷേ പലപ്പോഴും അമ്മ എന്ന റോൾ അവരെ ആ തലത്തിലേക്കുള്ള പൂർണ സമർപ്പണത്തിൽ നിന്ന് പിന്നോട്ടടിക്കുന്നു. ആത്മീയജീവിതത്തിൽ കൂടുതൽ മനസ്സർപ്പിച്ച് ജീവിക്കാൻ പുരുഷന്മാർക്കു കഴിയാറുണ്ട്. ആത്മീയാചാര്യന്മാരിൽ കൂടുതൽ പേരും പുരുഷന്മാരാണ് എന്ന വസ്തുത ഒാർക്കുക.

വാക്കുകൾ നന്നായി

സംസാരത്തിന്റെ കാര്യത്തിൽ കൂടുതൽ വാക്കുകൾ, നന്നായി, നല്ല ശൈലിയിൽ ഉപയോഗിക്കുന്നത് സ്ത്രീകളാണ് എന്നാണ് ഗവേഷകർ പറയുന്നത്. വിഷയങ്ങളെ കുറിച്ച് നന്നായി സംസാരിക്കാനും പറഞ്ഞു ഫലിപ്പിക്കാനും സ്ത്രീകൾക്ക് പ്രത്യേക കഴിവുണ്ട്. ഒരാളെ കാര്യങ്ങൾ പറഞ്ഞു ബോധ്യപ്പെടുത്താൻ സ്ത്രീകൾക്കു പുരുഷന്മാരെക്കാൾ കഴിവുണ്ട്. നല്ല സംസാരശേഷി ആവശ്യമുള്ള െതാഴിലിൽ സ്ത്രീകൾ ശോഭിക്കാറുമുണ്ട്.

പുരുഷന്മാർ െപാതുവെ ഒരു കാര്യം െചയ്യാൻ തീരുമാനിച്ചാൽ അതിന്റെ ഭവിഷ്യത്തുക്കളെ കുറിച്ചോർത്ത് അതിൽ നിന്ന് പിന്മാറില്ല. അവർ ആ കാര്യം പൂർത്തിയാക്കും. ഫലവും അപ്പോൾ തന്നെ അവർക്കു ലഭിക്കണം. സ്ത്രീകൾ അങ്ങനെയല്ല. ഒരു കാര്യം െചയ്യുന്നതിനു മുൻപ് പലയാവർത്തി ആ വിഷയം കീറിമുറിച്ച് പരിശോധിക്കും. വിദൂരഫലങ്ങളെക്കുറിച്ചും ചിന്തിക്കും.

മൾട്ടി ടാസ്കിങ് കഴിവ്

ഒരേ സമയം പല േജാലികൾ െചയ്യുന്ന മൾട്ടി ടാസ്കിങ് എന്ന കഴിവ് സ്ത്രീകൾക്കാണ് കൂടുതൽ. അടുക്കളയിൽ േജാലി െചയ്യുന്ന സമയത്തു തന്നെ ഒരു സ്ത്രീക്കു മക്കളുെട കാര്യം നോക്കാനും വീട് വൃത്തിയാക്കാൻ കഴിയും. എന്നാൽ പുരുഷന്മാർ ഈ കഴിവിൽ അൽപം പിന്നിലാണ്. സ്ത്രീകൾക്കു പലപ്പോഴും മൾട്ടി ടാസ്കിങ് ആസ്വദിച്ചാണ് െചയ്യുന്നത്. പുരുഷന്മാർക്കു ഇതിലെ സന്തോഷം കണ്ടെത്താൻ കഴിയില്ല.

ഭാര്യയായ അല്ലെങ്കിൽ അമ്മയായ സ്ത്രീ വീട്ടുകാര്യങ്ങളെക്കുറിച്ചും മക്കളുെട പഠിത്തത്തെകുറിച്ചും െടൻഷൻ അടിക്കുമ്പോൾ പുരുഷന്മാർ കൂടുതൽ ചിന്തിക്കുക േജാലി സംബന്ധമായ കാര്യങ്ങളെക്കുറിച്ചാവും. പലപ്പോഴും വീട്ടിലെ കാര്യങ്ങൾ ഭംഗിയായി നോക്കിനടത്താൻ സ്ത്രീയുണ്ടല്ലോ എന്നതായിരിക്കും പുരുഷന്റെ ആശ്വാസവും ഉറപ്പും.

വൈകാരിതക കൂടുതൽ

ചില കാര്യങ്ങളിൽ പുരുഷന്മാർക്കു സ്വാർത്ഥത കൂടുതലാണെന്നു പറയാറുണ്ട്. പ്രത്യേകിച്ച് ഔദ്യോഗികമായ കാര്യങ്ങളിൽ. ഒരു സ്ത്രീ, അതു ജീവിതപങ്കാളിയാണെങ്കിൽ കൂടി േജാലി സംബന്ധമായോ മറ്റോ തങ്ങളുെട മുകളിൽ ഉയരുന്നത് പുരുഷന്മാർക്കു സഹിക്കില്ല.

സർഗശേഷിയുെട കാര്യത്തിൽ സ്ത്രീകളും പുരുഷന്മാരും ഒരുപോെല കഴിവുള്ളവരാണ്. പക്ഷേ എഴുത്തിന്റെ കാര്യത്തിൽ സ്ത്രീകൾക്കു പലതരത്തിലുള്ള നിയന്ത്രണങ്ങൾ നേരിടേണ്ടിവരുന്നു. തുറന്ന് എഴുതാൻ കഴിയാതെ വരും. വിവാഹം കഴിഞ്ഞാൽ നിയന്ത്രണങ്ങൾ കൂടും. എന്നാൽ പുരുഷന്മാരെ നിയന്ത്രണങ്ങളൊന്നും ബാധിക്കാറേയില്ല.

‘‘Woman carry their heart on their sleeves’’ എന്നൊരു െചാല്ലുണ്ട്. അതായത് സ്ത്രീകൾ ഹൃദയം കയ്യിൽ െകാണ്ടുനടക്കുന്നു എന്ന്. അതു നൂറു ശതമാനം ശരിയാണ്. സ്ത്രീകൾക്ക് വൈകാരികത വളരെ കൂടുതലാണ്. സ്ത്രീകളുെട ഏറ്റവും വലിയ സമ്പത്തും ഏറ്റവും വലിയ േപാരായ്മയും ഈ വൈകാരികത തന്നെയാണ്. പലപ്പോഴും പലതരത്തിലുള്ള തട്ടിപ്പുകൾക്ക് കൂടുതലും ഇരയാകുന്നത് സ്ത്രീകളാണ്. അതിനു കാരണം അവരുെട വികാരങ്ങളാണ്.

സ്ത്രീകൾ പലപ്പോഴും ഒരു തീരുമാനം എടുക്കാൻ ബുദ്ധിയെക്കാൾ കൂടുതൽ വികാരമായിരിക്കും ഉപയോഗിക്കുക. അതിലൂെട തെറ്റായ തീരുമാനങ്ങളാകും എടുക്കുക. നേരെമറിച്ച് പുരുഷന്മാർ ബുദ്ധി ഉപയോഗിച്ചാണ് കാര്യങ്ങൾ തീരുമാനിക്കുക. ഇന്റലിജൻസും ഇമോഷനും ഒരുമിച്ച് െകാണ്ടുപോകുന്നതിലാണ് വിജയം

എന്തെങ്കിലും പ്രശ്നമുണ്ടായാൽ ആരെങ്കിലും എന്തെങ്കിലും െചയ്താൽ അവരോടുള്ള േദഷ്യവും വൈരാഗ്യവും സ്ത്രീകൾ തുറന്നു പറയും. ഞാൻ കാണിച്ചുതരാം എന്നു പരസ്യമായി വെല്ലുവിളിക്കുകയും െചയ്യും. എതിർഭാഗത്തു നിൽക്കുന്ന വ്യക്തിക്കു കരുതൽ എടുക്കാൻ ഈ വെല്ലുവിളി മതി. എന്നാൽ പുരുഷന്മാർ തങ്ങൾക്കു കിട്ടിയ ‘പണി’ ഒാർത്തുവയ്ക്കും. വൈരാഗ്യവും വിയോജിപ്പും പരസ്യമായി പ്രകടിപ്പിക്കില്ല. സമയം കിട്ടുമ്പോൾ പ്രതികാരം ചെയ്യും.

സുഹൃത് ബന്ധങ്ങൾ

സ്ത്രീകൾക്ക് ധാരാളം സുഹൃത്തുക്കൾ ഉണ്ടാകും. അതേസമയം പുരുഷന്മാർക്ക് എണ്ണത്തിൽ കുറവും. പക്ഷേ സ്ത്രീകളുെട സുഹൃത് ബന്ധങ്ങൾ പലപ്പോഴും ഹ്രസ്വമായിരിക്കും. പുരുഷന്മാരുേടത് അങ്ങനെയല്ല. വളരെക്കാലം നീണ്ടുനിൽക്കുന്ന ആത്മബന്ധമായിരിക്കും. സുഹൃത് ബന്ധങ്ങൾ കൈകാര്യം െചയ്യുന്നതിൽ സ്ത്രീകൾക്ക് സാമൂഹികമായി ചില നിയന്ത്രണങ്ങൾ ഉണ്ടാകും. പ്രത്യേകിച്ച് വിവാഹശേഷം. കൂടുതൽ ഉത്തരവാദിത്തങ്ങൾ വന്നുപെടുമ്പോൾ സൗഹൃദം കാത്തുസൂക്ഷിക്കാൻ സ്ത്രീകൾക്ക് പലപ്പോഴും കഴിയാതെ വരാം. എന്നാൽ സാമൂഹികമായി മാത്രമല്ല മാനസികമായും സ്ത്രീകൾക്ക് ഇത്തരം ബന്ധങ്ങൾ ഗാഢമായി നിലനിർത്താൻ കഴിയാറില്ല. വർഷങ്ങൾക്കുശേഷം സുഹൃത്തിനെ കാണുമ്പോൾ, നീ എന്നെ മറന്നോ, എന്നാലും ഇത്രയും നാൾ വിളിച്ചില്ലല്ലോ എന്നൊക്കെയുള്ള പരിഭവങ്ങളാണ് പരസ്പരം പറയുക. ഇതു സൗഹൃദത്തിലെ സ്നേഹം കുറയ്ക്കും. നേരെമറിച്ച് പുരുഷന്മാർ അങ്ങനെയല്ല. കണ്ടയുടനെ െകട്ടിപിടിച്ച് വിശേഷങ്ങൾ പങ്കുവയ്ക്കും. അവരുെട സൗഹൃദങ്ങൾക്കിടയിൽ പരിഭവങ്ങൾക്കും പരാതികൾക്കും ഇടമില്ല. കാര്യം കാണാനായി കൂട്ടുകൂടുന്നത് കൂടുതലും സ്ത്രീകളാണ് എന്നാണ് പറയാറ്. ഒാരോ സാഹചര്യത്തിൽ പുതിയ സൗഹൃദങ്ങൾ ഉണ്ടാക്കും. സ്ത്രീകൾ വിജയം നേടാനായി നന്നായി പരിശ്രമിക്കും. അവർക്ക് കഠിനാധ്വാനം െചയ്യാനും മടിയില്ല. പക്ഷേ, പുരുഷന്മാർ ഇക്കാര്യത്തിൽ പുറകിലാണ്.

സ്ത്രീ സ്ത്രീയും പുരുഷൻ പുരുഷനുമാണ്. എന്നാൽ സമാനതകൾ ഇല്ലെന്നും പറയാൻ വയ്യ. ഈ വ്യത്യാസങ്ങളും സമാനതകളും ഇല്ലെങ്കിൽ പിന്നെ ഈ ലോകത്തിന് എന്തു സൗന്ദര്യമാണുള്ളത്?…

 

read more
ആരോഗ്യംചോദ്യങ്ങൾഫാഷൻമുഖ സൗന്ദര്യംമേക്കപ്പ്വായാമങ്ങൾസ്ത്രീ സൗന്ദര്യം (Feminine beauty)

സ്തനങ്ങളുടെ അമിത വലുപ്പം, പതിഞ്ഞ മൂക്ക്, കയ്യുടെ വണ്ണം; സൗന്ദര്യപ്രശ്നങ്ങൾക്ക് പരിഹാരം പ്ലാസ്റ്റിക് സർജറി

സ്വന്തം ശരീരത്തെ കുറിച്ച് ഏറ്റവുമധികം ശ്രദ്ധയും ഉത്കണ്ഠയുമുള്ള കാലഘട്ടമാണ് കൗമാരം. ശരീരത്തിൽ വരുന്ന മാറ്റങ്ങളെ കുറിച്ച് അവർ ആകുലതപ്പെടുന്നതും സ്വാഭാവികമാണ്. ശരീരത്തിലെ െചറിയ പ്രശ്നങ്ങൾ േപാലും കൗമാരക്കാർ ഭീകരമായി കരുതുന്നു. ഇത്തരം പ്രശ്നങ്ങൾക്കും പ്ലാസ്റ്റിക് സർജറി ആവശ്യപ്പെടുന്നവരുെട എണ്ണം വൻതോതിൽ കൂടിവരികയാണ്. പ്രശ്നങ്ങളുമായി പ്ലാസ്റ്റിക് സർജറി വിഭാഗത്തിലെത്തുന്ന ഒാരോ കുട്ടിയേയും വിശദമായി പരിശോധിച്ച്, ആവശ്യമുള്ള മറ്റ് െടസ്റ്റുകൾ നടത്തി, കൗൺസലിങ് നൽകിയ ശേഷമെ ചികിത്സ തുടങ്ങൂ. കാരണം കൗമാരത്തിലെ ഇത്തരം പ്രശ്നങ്ങളിൽ ഗൗരവമായതിനു മാത്രം സർജറി മതിയാകും. പലതും മരുന്നുകളും മറ്റും െകാണ്ട് മാറ്റാം. കൗമാരക്കാർ പരാതിപ്പെടുന്ന പ്രശ്നങ്ങളും അവയുെട പരിഹാരവും മനസ്സിലാക്കാം.

 

മുറിവുകളുെട പാടുകൾ

മുഖത്ത് പണ്ട് ഉണ്ടായ മുറിവിന്റെ പാട് ശല്യപ്പെടുത്തുന്നു എന്ന പരാതിയുമായി വരുന്ന ധാരാളം കുട്ടികളുണ്ട്. കണ്ണാടിയിൽ നോക്കുമ്പോൾ മുഖമല്ല മുറിപ്പാടാണ് കൂടുതൽ കാണുന്നത് എന്നു വരെ േഡാക്ടറോട് പരിഭവം പറയും. സ്കാർ റിവിഷൻ ശസ്ത്രക്രിയയിലൂെട പാടുകൾ മാറ്റാൻ കഴിയും. കാഠിന്യം കൂടിയ മുറിപ്പാടുകൾക്കാണ് ശസ്ത്രക്രിയ ആവശ്യമായിവരുക. ഉദാഹരണത്തിന് തുന്നൽ ഇടാതെ ഉണങ്ങിയ മുറിവ് ആയിരിക്കാം അല്ലെങ്കിൽ ശരിയായ രീതിയിൽ തുന്നിലിടാത്തതുെകാണ്ട് ഉണ്ടായ പാട്. ശസ്ത്രക്രിയ അല്ലാതെയുള്ള മാർഗങ്ങളിലൂെടയും പാടുകൾ മായ്ക്കാം. പാടിന്റെ കാഠിന്യം കുറയ്ക്കാൻ സഹായിക്കുന്ന ക്രീമുകൾ ഉണ്ട്. മുഖത്തിന്റെ നിറം മെച്ചപ്പെടുത്താനും ക്രീമുകൾ ഉണ്ട്. പാടിന്റെ കാഠിന്യം, നിറം എന്നിവ അനുസരിച്ചാണ് ചികിത്സ നിശ്ചയിക്കുന്നത്. പാടുകൾ മായ്ക്കാൻ നമ്മുെട തന്നെ ശരീരത്തിലെ െകാഴുപ്പ് എടുത്ത് കുത്തിവയ്ക്കുന്ന രീതി നിലവിലുണ്ട്. െകാഴുപ്പിൽ അടങ്ങിയിരിക്കുന്ന മൂലകോശങ്ങൾ പാടുകൾ മായ്ക്കാൻ സഹായിക്കും. കുഴിവുള്ള പാടുകൾ നിറയ്ക്കാൻ ഈ കുത്തിവയ്പുകളാണ് േഡാക്ടർമാർ അവലംബിക്കുന്നത്.

മുഖക്കുരു പാട് മാറ്റാൻ

മുഖക്കുരു ധാരാളമായി ഉണ്ടാകുന്നതു കാരണം മുഖം നിറയെ കുഴിവുകൾ ഉള്ള കൗമാരക്കാരുണ്ട്. ഇത്തരം അവസ്ഥകൾക്ക് െഡർമാബറേഷൻ എന്ന രീതിയിലൂടെ പരിഹാരം കാണാം. ത്വക്കിന്റെ പുറംപാളിയാണ് എപ്പിഡെർമിസ്. ഈ പാളിക്കു താഴെയാണ് െഡർമിസ് പാളി സ്ഥിതി െചയ്യുന്നത്. ഈ പാളിയിലാണ് മുഖക്കുരുവിന്റെ പാട് രൂപം െകാള്ളുന്നത്. െഡർമാബറേഷനിൽ എപ്പിഡെർമിസ് നീക്കം െചയ്യും. തുടർന്ന് െഡർമിസ് പാളിയെ നിരയൊത്തതാക്കും (ലെവൽ). ഡെർമിസിന് എപ്പിഡെർമിസിനെ പുനരുജ്ജീവിപ്പിക്കാനുള്ള കഴിവുണ്ട്. അതിനാൽ തന്നെ രണ്ട് മുതൽ മൂന്ന് ആഴ്ച െകാണ്ട് ത്വക്കിന്റെ പുതിയ പാളി രൂപപ്പെടും. ഈ കാലയളവിൽ പ്രത്യേകം ശ്രദ്ധ വേണം. പുറത്തിറങ്ങിയാൽ അധികം വെയിലും െപാടിയും ഏൽക്കാതെ ശ്രദ്ധിക്കണം. െഡർമാബറേഷൻ െചയ്തു കഴിഞ്ഞാൽ ചിലരിൽ പിന്നീടുണ്ടാകുന്ന പാടുകൾക്ക് കാഠിന്യം കൂടാം. അതു കീലോയ്ഡ് ആയി മാറാനും സാധ്യതയുണ്ട്. മാത്രമല്ല അണുബാധയ്ക്കും സാധ്യതയുണ്ട്.

പതിഞ്ഞ മൂക്ക് ശരിയാക്കാം

മുഖസൗന്ദര്യത്തിൽ മൂക്കിനു പ്രത്യേക സ്ഥാനം ഉണ്ട്. പതിഞ്ഞ മൂക്കും വളഞ്ഞ മൂക്കും അഭംഗി തന്നെയാണ്. ഇതു തന്നെയാണ് കൗമാരക്കാരെ ഏറെ അസ്വസ്ഥരാക്കുന്നതും. മൂക്കിന്റെ പാലത്തിനുള്ള (സെപ്റ്റം) വളവും ഒരു പരാതിയായി പറയുന്നവരുണ്ട്. മൂക്കിന്റെ പാലത്തിനു വളവുള്ളവരിൽ മൂക്കടപ്പ്, അലർജി േപാലുള്ള പ്രശ്നങ്ങളും കൂടുതലായി കണ്ടുവരാറുണ്ട്. മൂക്കിന്റെ പ്രശ്നങ്ങൾക്കു െചയ്യുന്ന ശസ്ത്രക്രിയയാണ് റൈനോപ്ലാസ്റ്റി. ചിലർക്ക് മൂക്കിന്റെ മുകളിൽ വളവ് േപാലെ കാണും. ചിലർക്ക് മൂക്കിന്റെ അറ്റത്ത് വളവ് ഉണ്ടാകും.

പരന്ന മൂക്കാണെങ്കിൽ മൂക്കിന്റെ കുട ചെറുതാക്കാനുള്ള ശസ്ത്രക്രിയ െചയ്യും. മൂക്ക് മുഴുവനായി ചെറുതാക്കാൻ മൂക്കിന്റെ തുടക്കത്തിലുള്ള അസ്ഥിയുെട വീതി കുറയ്ക്കും. ശേഷം മൂക്കിന്റെ കുടയുെട വലുപ്പവും. മൂക്കിന്റെയും മുഖത്തിന്റെ ആകൃതിക്കനുസരിച്ചാണ് എത്ര കുറയ്ക്കണം എന്നുള്ള കാര്യങ്ങൾ േഡാക്ടർ തീരുമാനിക്കുന്നത്. അനസ്തീസിയ നൽകി െചയ്യുന്ന ശസ്ത്രക്രിയയാണ് റൈനോപ്ലാസ്റ്റി. പ്രീഅനസ്തറ്റിക് െചക്കപ്പ് നടത്തിയശേഷമേ ശസ്ത്രക്രിയ െചയ്യാറുള്ളൂ. മേജർ ശസ്ത്രക്രിയയിൽ ഉണ്ടാകാവുന്ന സങ്കീർണതകൾ ഇതിലും സംഭവിക്കാം. ചിലർ െചറിയ പ്രശ്നങ്ങൾക്കു േപാലും ശസ്ത്രക്രിയ ആവശ്യപ്പെടാറുണ്ട്. അത്തരക്കാർക്ക് കൗൺസലിങ് നൽകും.

അമിതവണ്ണമുള്ള കൗമാരക്കാരിൽ സാധാരണയായി കാണാറുള്ളതാണ് ഇരട്ടത്താടി. താടിയെല്ലിനു താഴെയായി െകാഴുപ്പടിഞ്ഞു കൂടുന്നതാണ് അവസ്ഥയാണിത്. ലൈപ്പോസക്‌ഷൻ എന്ന െകാഴുപ്പ് വലിച്ചെടുക്കുന്ന ശസ്ത്രക്രിയ വഴി ഈ പ്രശ്നം പരിഹരിക്കാം. ഇതു കൂടാെത െകാഴുപ്പ് ഉരുക്കിക്കളയാൻ സഹായിക്കുന്ന കുത്തിവയ്പുകളും ഉണ്ട്. പിത്തരസ ആസിഡുകളുെട ഗണത്തിൽപെടുന്ന കൈബെല്ല ചർമത്തിനടിയിലേക്കു കുത്തിവച്ചാണ് െകാഴുപ്പ് അലിയിച്ചു കളയുന്നത്.കയ്യുെട വണ്ണം

കൗമാരക്കാരിൽ ചിലർക്ക് ഉടലിനു വണ്ണം കുറവാണെങ്കിലും കൈക്കു വണ്ണം കൂടുതൽ കാണും. െകാഴുപ്പ് അടിഞ്ഞുകൂടുന്നതാണു പ്രശ്നം. െചറിയ അളവിലുള്ള െകാഴുപ്പാണെങ്കിൽ ലൈപ്പോസക്‌ഷൻ വഴി െകാഴുപ്പ് വലിച്ചെടുക്കാം. കൂടുതൽ അളവിൽ ഉണ്ടെങ്കിൽ െകാഴുപ്പ് നീക്കം െചയ്തശേഷം ത്വക്ക് കൂടി നീക്കം െചയ്യേണ്ടിവരും. തുടർന്ന് ത്വക്ക് മുറുക്കും. ലൈപ്പോസക്‌ഷൻ കഴിഞ്ഞാലും കുറച്ചു ത്വക്ക് തൂങ്ങികിടക്കാം. നല്ല ഇലാസ്തികതയുള്ള ത്വക്ക് ആണെങ്കിൽ പതിയെ പൂർവരൂപം പ്രാപിക്കും. ഈ കാലയളവിൽ സ്റ്റോക്കിങ്സ് േപാലുള്ള ഇറുക്കമുള്ള വസ്ത്രങ്ങൾ ധരിക്കുന്നത് ത്വക്ക് മുറുകാൻ സഹായിക്കും. ആറ് മാസ ത്തോളം ഇതു ധരിക്കേണ്ടി വരും. തുടയുെട വണ്ണത്തിനും ലൈപ്പോസക്‌ഷനാണ് െചയ്യാറുള്ളത്.

സ്തനങ്ങളുെട വലുപ്പം

കൗമാരക്കാരായ പെൺകുട്ടികളുെട ആത്മവിശ്വാസത്തെയും സാമൂഹിക ജീവിതത്തെയും വരെ ബാധിക്കുന്ന ഒരു പ്രശ്നമാണ് സ്തനങ്ങളുെട അമിത വലുപ്പം. പലപ്പോഴും ഇതു കാരണം മറ്റുള്ളവരുമായി ഇടപഴകാൻ കുട്ടിക്കു സങ്കോചം അനുഭവപ്പെടാം. സ്തനങ്ങൾക്കു വലുപ്പം കൂടുന്നത് കഴുത്ത് വേദന, പുറംവേദന േപാലുള്ള ശാരീരിക ബുദ്ധിമുട്ടുകളും സൃഷ്ടിക്കാം. ഇത്തരം സാഹചര്യങ്ങളിൽ ബ്രെസ്റ്റ് റിഡക്‌ഷൻ ശസ്ത്രക്രിയയാണ് പരിഹാരം. സ്തനങ്ങളിൽ നിന്ന് അധികമായുള്ള െകാഴുപ്പ്, കലകൾ എന്നിവ എടുത്തു മാറ്റും. ശസ്ത്രക്രിയ െചയ്ത ഭാഗത്ത് രക്തം കെട്ടിനിൽക്കാതിരിക്കാൻ ട്യൂബ് ഇടും. അനസ്തീസിയ നൽകി ചെയ്യുന്ന മേജർ ശസ്ത്രക്രിയയാണിത്. മൂന്നു മുതൽ അഞ്ച് ദിവസം വരെ ആശുപത്രിവാസവും രണ്ടാഴ്ചയോളം വിശ്രമവും വേണം. ശസ്ത്രക്രിയയിൽ മുലപ്പാൽ ഉൽപാദിപ്പിക്കുന്ന ഗ്രന്ഥികളും കലകളും മറ്റും നീക്കം െചയ്യും. ഇതു ഭാവിയിൽ മുലയൂട്ടുന്നതിനു തടസ്സം ഉണ്ടാക്കും.

read more
ആരോഗ്യംഗര്‍ഭധാരണം (Pregnancy)ചോദ്യങ്ങൾവായാമങ്ങൾസ്ത്രീ സൗന്ദര്യം (Feminine beauty)

പ്രസവശേഷം ബെൽറ്റോ തുണിയോ കൊണ്ട് കെട്ടുന്നതുകൊണ്ട് വയർ കുറയുമോ?: വയർ കുറയ്ക്കാൻ ടിപ്സ്

സ്ത്രീകളിൽ പ്രസവത്തിനു ശേ ഷം ശരീരം പൂർവാവസ്ഥയിലെത്താനെടുക്കുന്ന സമയം പലതാണെങ്കിലും പൊതുവേ പറഞ്ഞാൽ ആദ്യത്തെ ആറ് ആഴ്ച വിശ്രമിക്കാനുള്ള സമയമാണ്. കുഞ്ഞിനെ എടുക്കുന്നതു മുതൽ മുലയൂട്ടുന്നതുവരെയുള്ള കാര്യങ്ങളെല്ലാം അമ്മ പഠിച്ചുവരുന്നതേയുള്ളൂ. പ്രസവാനന്തര മാനസിക ബുദ്ധിമുട്ടുകളുടെ സമ്മർദം വേറെയും കാണും. അതുകൊണ്ട് ഈ ഘട്ടത്തിൽ എങ്ങനെ പഴയ രൂപത്തിലേക്ക് എത്തും എന്നു വേവലാതിപ്പെടുകയല്ല വേണ്ടത്. മാനസികമായും ശാരീരികമായും നല്ലവണ്ണം റിലാക്സ് ചെയ്ത് കുഞ്ഞുമായുള്ള നിമിഷങ്ങൾ ആസ്വദിക്കുക.

എന്നാൽ, ആദ്യത്തെ ആറ് ആഴ്ചയിൽ തന്നെ കീഗൽ വ്യായാമങ്ങൾ ചെയ്യാം. മൂത്രാശയത്തിന് അകത്തും ചുറ്റുമുള്ള പേശികളും യോനീഭാഗത്തെയും മലദ്വാരത്തിലെയും പേശികളും ഉൾപ്പെടുന്ന പെൽവിക് ഫ്ളോർ പേശികളെ അയച്ചും മുറുക്കിയും ചെയ്യുന്ന വ്യായാമങ്ങളാണ് കീഗൽ വ്യായാമങ്ങൾ. പ്രസവത്തെ തുടർന്ന് അ യഞ്ഞ പെരിനിയൽ പേശികളെ ശക്തിപ്പെടുത്താൻ ഈ വ്യായാമം സഹായിക്കും. ആദ്യം ഒന്നോ രണ്ടോ സെറ്റ് വച്ച് ദിവസം ഒന്നോ രണ്ടോ തവണ ചെയ്തു തുടങ്ങാം.

പ്രസവശേഷമുള്ള വയർ കുറയ്ക്കാൻ ഭക്ഷണത്തിൽ ശ്രദ്ധിക്കേണ്ടത്?

പ്രസവശേഷം കുഞ്ഞിനു മുലയൂട്ടുക എ ന്നതാണ് ശരീരത്തിന്റെ പ്രഥമവും പ്രധാനവുമായ ജോലി. ഈ സമയത്ത് ഭക്ഷണനിയന്ത്രണത്തിന്റെ ആവശ്യമില്ല. നമ്മുടെ ശരീരത്തിനും കുഞ്ഞിനും വേണ്ടുന്ന പോഷകസമൃദ്ധമായ ആഹാരം കഴിക്കുക. അമിതമായ അ ളവിൽ ആഹാരം കഴിക്കേണ്ടതില്ല. പ കരം വ്യത്യസ്ത നിറങ്ങളിലും തരത്തിലുമുള്ള നല്ല പോഷകമുള്ള വിഭവങ്ങൾ കഴിക്കാം.

ബീൻസ്, വെണ്ടയ്ക്ക, കോളിഫ്ളവർ‌, ബ്രൊക്കോളി പോലുള്ള നാരുകളുള്ള പച്ചക്കറികൾ ധാരാളം ഭക്ഷണത്തിലുൾപ്പെടുത്തണം. ആപ്പിൾ, മാതളം, പേരയ്ക്ക പോലുള്ള പഴങ്ങളിലും ധാരാളം നാരുകളുണ്ട്. കഴിവതും ഈ പഴങ്ങൾ ജ്യൂസടിച്ചു കുടിക്കാതെ പഴമായി തന്നെ കഴിക്കാൻ ശ്രദ്ധിക്കണം. നാരുകൾ ശരീരത്തിൽ ചെല്ലുമ്പോൾ മലബന്ധം കുറയും. കുടലിൽ നല്ല ബാക്ടീരിയകളുടെ എണ്ണം വർധിക്കാൻ ഇടയാകും. ഭാവിയിൽ ഇതു മികച്ച ആരോഗ്യത്തിനും അമിതവണ്ണം വയ്ക്കാതിരിക്കാനും സഹായകമാകും.

വെള്ളം കുടിക്കുന്നത് പ്രധാനമാണ്. സാധാരണ കുടിക്കുന്നതിലുമധികം വെള്ളം കുടിക്കുക. ഏറ്റവും കുറഞ്ഞത് 8 ഗ്ലാസ്സ് വെള്ളമെങ്കിലും കുടിക്കണം.

കുഞ്ഞിനെ മുലയൂട്ടുന്നത് വഴി തന്നെ 300 മുതൽ 500 കാലറി വരെ ദിവസവും ശരീരത്തിൽ നിന്നും ന ഷ്ടമാകും. അതുതന്നെ ഭാരം കുറയ്ക്കാൻ ഒരുപരിധി വരെയൊക്കെ സ ഹായിക്കും. അതോടൊപ്പം നിലവിലുള്ള ശരീരഭാരം കൂടാതിരിക്കാനും ശ്രദ്ധിക്കണം. ഇതിനായി, പോഷകശൂന്യമായ കാലറി കൂടിയ ജങ്ക് ഫൂഡ് ഒഴിവാക്കണം. സംസ്കരിച്ച ഭക്ഷണങ്ങളും ബേക്കറി പലഹാരങ്ങളും ശീതളപാനീയങ്ങളും ഫാസ്റ്റ് ഫൂഡുമെല്ലാം ഇതിലുൾപ്പെടും. പ്രസവരക്ഷ എന്ന പേരിൽ നെയ്യും നെയ്യ് കലർന്ന ഔഷധങ്ങളും അമിതമായി ഭക്ഷണവും ഒക്കെ കഴിക്കുന്നത് ശരീരഭാരം വർധിക്കാനിടയാക്കും.

പ്രസവശേഷം സാധാരണ അളവിൽ പോഷകസമൃദ്ധമായ ഭക്ഷണം കഴിക്കുകയും കുഞ്ഞിനെ മുലയൂട്ടുകയും സ്ഥിരമായി മിതമായി വ്യായാമം ചെയ്യുകയും ചെയ്താൽ തന്നെ 9 മാസം മുതൽ ഒരു വർഷം കൊണ്ടു ഗർഭധാരണത്തിനു മുൻപുള്ള ശരീരഭാരത്തിലേക്കെത്താൻ സാധിക്കും. അതോടൊപ്പം വയറും കുറയും.

പ്രസവശേഷം ബെൽറ്റോ തുണിയോ കൊണ്ട് കെട്ടുന്നതുകൊണ്ട് വയർ കുറയുമോ?

പ്രസവശേഷം ബൈൻഡർ അഥവാ ബെൽറ്റ് (Coreset) കെട്ടുന്നതു വഴി ഉദര പേശികൾക്കും നടുവിനും നല്ലൊരു താങ്ങു ലഭിക്കും. തുണി മുറുക്കിക്കെട്ടുന്നതിനൊക്കെ ബെൽറ്റ് കെട്ടുന്നതിന്റെ അതേ ഫലമാണ് ലഭിക്കുക പക്ഷേ, ഇതു ശരീരഭാരം കുറയാനോ കൊഴുപ്പ് കുറയാനോ സഹായിക്കുന്ന ഒരു മാജിക് റെമഡിയൊന്നുമല്ല. ബെൽറ്റ് കെട്ടുന്നത് സിസേറിയൻ ചെയ്തവരിൽ വേദന കുറയാനും മുറിവ് സുഖമാകാനും സഹായിക്കുമെന്നു ചില പഠനങ്ങളുണ്ട്. എന്നിരുന്നാലും സിസേറിയൻ നടത്തിയവരിൽ ഡോക്ടറോടു ചോദിച്ചശേഷം മാത്രം ബെൽറ്റോ ബൈൻഡറോ ഉപയോഗിക്കുന്നതാകും നല്ലത്.

ബെൽറ്റ് വല്ലാതെ ഇറുകിയാൽ രക്തയോട്ടത്തിനു തടസ്സമുണ്ടായി ആരോഗ്യപ്രശ്നങ്ങൾക്ക് ഇടയാകാം. വിയർപ്പു കെട്ടിനിന്ന് അണുബാധകൾക്കും സാധ്യതയുണ്ട്.

വിവരങ്ങൾക്ക് കടപ്പാട്:

ഡോ. ജാക്വിലിൻ മൈക്കിൾ

ഇന്റർനാഷനൽ ബോർഡ് സർട്ടിഫൈഡ് ലൈഫ്സ്റ്റൈൽ മെഡിസിൻ ഫിസിഷൻ
സിഡ്നി
ഒാസ്ട്രേലിയ

read more
ആരോഗ്യംഗര്‍ഭധാരണം (Pregnancy)ഡയറ്റ്ലൈംഗിക ആരോഗ്യം (Sexual health )വായാമങ്ങൾസ്ത്രീ സൗന്ദര്യം (Feminine beauty)

പ്രസവശേഷം എപ്പോൾ മുതൽ വയർ കുറയാനുള്ള വ്യായാമം ചെയ്തു തുടങ്ങാം?: വണ്ണം കുറയ്ക്കേണ്ടത് ഇങ്ങനെ

സ്ത്രീകളിൽ പ്രസവത്തിനു ശേ ഷം ശരീരം പൂർവാവസ്ഥയിലെത്താനെടുക്കുന്ന സമയം പലതാണെങ്കിലും പൊതുവേ പറഞ്ഞാൽ ആദ്യത്തെ ആറ് ആഴ്ച വിശ്രമിക്കാനുള്ള സമയമാണ്. കുഞ്ഞിനെ എടുക്കുന്നതു മുതൽ മുലയൂട്ടുന്നതുവരെയുള്ള കാര്യങ്ങളെല്ലാം അമ്മ പഠിച്ചുവരുന്നതേയുള്ളൂ. പ്രസവാനന്തര മാനസിക ബുദ്ധിമുട്ടുകളുടെ സമ്മർദം വേറെയും കാണും. അതുകൊണ്ട് ഈ ഘട്ടത്തിൽ എങ്ങനെ പഴയ രൂപത്തിലേക്ക് എത്തും എന്നു വേവലാതിപ്പെടുകയല്ല വേണ്ടത്. മാനസികമായും ശാരീരികമായും നല്ലവണ്ണം റിലാക്സ് ചെയ്ത് കുഞ്ഞുമായുള്ള നിമിഷങ്ങൾ ആസ്വദിക്കുക.

എന്നാൽ, ആദ്യത്തെ ആറ് ആഴ്ചയിൽ തന്നെ കീഗൽ വ്യായാമങ്ങൾ ചെയ്യാം. മൂത്രാശയത്തിന് അകത്തും ചുറ്റുമുള്ള പേശികളും യോനീഭാഗത്തെയും മലദ്വാരത്തിലെയും പേശികളും ഉൾപ്പെടുന്ന പെൽവിക് ഫ്ളോർ പേശികളെ അയച്ചും മുറുക്കിയും ചെയ്യുന്ന വ്യായാമങ്ങളാണ് കീഗൽ വ്യായാമങ്ങൾ. പ്രസവത്തെ തുടർന്ന് അ യഞ്ഞ പെരിനിയൽ പേശികളെ ശക്തിപ്പെടുത്താൻ ഈ വ്യായാമം സഹായിക്കും. ആദ്യം ഒന്നോ രണ്ടോ സെറ്റ് വച്ച് ദിവസം ഒന്നോ രണ്ടോ തവണ ചെയ്തു തുടങ്ങാം.

പ്രസവശേഷമുള്ള വയർ കുറയ്ക്കാൻ ഭക്ഷണത്തിൽ ശ്രദ്ധിക്കേണ്ടത്?

പ്രസവശേഷം കുഞ്ഞിനു മുലയൂട്ടുക എ ന്നതാണ് ശരീരത്തിന്റെ പ്രഥമവും പ്രധാനവുമായ ജോലി. ഈ സമയത്ത് ഭക്ഷണനിയന്ത്രണത്തിന്റെ ആവശ്യമില്ല. നമ്മുടെ ശരീരത്തിനും കുഞ്ഞിനും വേണ്ടുന്ന പോഷകസമൃദ്ധമായ ആഹാരം കഴിക്കുക. അമിതമായ അ ളവിൽ ആഹാരം കഴിക്കേണ്ടതില്ല. പ കരം വ്യത്യസ്ത നിറങ്ങളിലും തരത്തിലുമുള്ള നല്ല പോഷകമുള്ള വിഭവങ്ങൾ കഴിക്കാം.

ബീൻസ്, വെണ്ടയ്ക്ക, കോളിഫ്ളവർ‌, ബ്രൊക്കോളി പോലുള്ള നാരുകളുള്ള പച്ചക്കറികൾ ധാരാളം ഭക്ഷണത്തിലുൾപ്പെടുത്തണം. ആപ്പിൾ, മാതളം, പേരയ്ക്ക പോലുള്ള പഴങ്ങളിലും ധാരാളം നാരുകളുണ്ട്. കഴിവതും ഈ പഴങ്ങൾ ജ്യൂസടിച്ചു കുടിക്കാതെ പഴമായി തന്നെ കഴിക്കാൻ ശ്രദ്ധിക്കണം. നാരുകൾ ശരീരത്തിൽ ചെല്ലുമ്പോൾ മലബന്ധം കുറയും. കുടലിൽ നല്ല ബാക്ടീരിയകളുടെ എണ്ണം വർധിക്കാൻ ഇടയാകും. ഭാവിയിൽ ഇതു മികച്ച ആരോഗ്യത്തിനും അമിതവണ്ണം വയ്ക്കാതിരിക്കാനും സഹായകമാകും.

വെള്ളം കുടിക്കുന്നത് പ്രധാനമാണ്. സാധാരണ കുടിക്കുന്നതിലുമധികം വെള്ളം കുടിക്കുക. ഏറ്റവും കുറഞ്ഞത് 8 ഗ്ലാസ്സ് വെള്ളമെങ്കിലും കുടിക്കണം.

കുഞ്ഞിനെ മുലയൂട്ടുന്നത് വഴി തന്നെ 300 മുതൽ 500 കാലറി വരെ ദിവസവും ശരീരത്തിൽ നിന്നും ന ഷ്ടമാകും. അതുതന്നെ ഭാരം കുറയ്ക്കാൻ ഒരുപരിധി വരെയൊക്കെ സ ഹായിക്കും. അതോടൊപ്പം നിലവിലുള്ള ശരീരഭാരം കൂടാതിരിക്കാനും ശ്രദ്ധിക്കണം. ഇതിനായി, പോഷകശൂന്യമായ കാലറി കൂടിയ ജങ്ക് ഫൂഡ് ഒഴിവാക്കണം. സംസ്കരിച്ച ഭക്ഷണങ്ങളും ബേക്കറി പലഹാരങ്ങളും ശീതളപാനീയങ്ങളും ഫാസ്റ്റ് ഫൂഡുമെല്ലാം ഇതിലുൾപ്പെടും. പ്രസവരക്ഷ എന്ന പേരിൽ നെയ്യും നെയ്യ് കലർന്ന ഔഷധങ്ങളും അമിതമായി ഭക്ഷണവും ഒക്കെ കഴിക്കുന്നത് ശരീരഭാരം വർധിക്കാനിടയാക്കും.

പ്രസവശേഷം സാധാരണ അളവിൽ പോഷകസമൃദ്ധമായ ഭക്ഷണം കഴിക്കുകയും കുഞ്ഞിനെ മുലയൂട്ടുകയും സ്ഥിരമായി മിതമായി വ്യായാമം ചെയ്യുകയും ചെയ്താൽ തന്നെ 9 മാസം മുതൽ ഒരു വർഷം കൊണ്ടു ഗർഭധാരണത്തിനു മുൻപുള്ള ശരീരഭാരത്തിലേക്കെത്താൻ സാധിക്കും. അതോടൊപ്പം വയറും കുറയും.

പ്രസവശേഷം വയർ ചാടുന്നതിനു പിന്നിൽ പേശികൾ തൂങ്ങുന്നതാണ് (ഡയസ്േറ്റസിസ് റെക്ടൈ) എന്നു കണ്ടു. ശരിയാണോ?

 

എല്ലാ സ്ത്രീകളിലും പ്രസവശേഷം വയർ തൂങ്ങുന്നത് ഡയസ്േറ്റസിസ് റെക്ടൈ കൊണ്ടാകണമെന്നില്ല. ലീനിയ ആൽബ എത്രമാത്രം വലിഞ്ഞിട്ടുണ്ട് (Inter Rectus Distance) എന്നതിനെ അടിസ്ഥാനമാക്കിയാണ് ഡയസ്േറ്റസിസ് റെക്ടൈ നിർണയിക്കുന്നത്. വയറിന് രണ്ട് വിരലിലധികം വീതിയുണ്ടെങ്കിൽ ഡയസ്േറ്റസിസ് റെക്ടൈ ആണെന്നു സംശയിക്കാമെന്ന് പൊതുവേ പറയാറുണ്ട്. എങ്കിലും അൾട്രാസോണോഗ്രഫി വഴി ഇന്റർ റെക്ടസ് (റെക്ടസ് പേശികൾ തമ്മിലുള്ള) അകലം അളന്നു നിർണയിക്കുന്നതാണ് ഉത്തമം.

ഉദരഭാഗത്തെ പേശികളെ മുറുക്കിവയ്ക്കുന്ന കോർസെറ്റുകളുടെ ഉ പയോഗം കൊണ്ടും കൃത്യമായ ഫിസിയോതെറപ്പി രീതികളും വഴി ചിലരിൽ ഡയസ്േറ്റസിസ് റെക്ടൈ പരിഹരിക്കാനാകും. പക്ഷേ, ചിലപ്പോൾ ശസ്ത്രക്രിയ തന്നെ വേണ്ടിവരും.

പ്രസവശേഷം ബെൽറ്റോ തുണിയോ കൊണ്ട് കെട്ടുന്നതുകൊണ്ട് വയർ കുറയുമോ?

പ്രസവശേഷം ബൈൻഡർ അഥവാ ബെൽറ്റ് (Coreset) കെട്ടുന്നതു വഴി ഉദര പേശികൾക്കും നടുവിനും നല്ലൊരു താങ്ങു ലഭിക്കും. തുണി മുറുക്കിക്കെട്ടുന്നതിനൊക്കെ ബെൽറ്റ് കെട്ടുന്നതിന്റെ അതേ ഫലമാണ് ലഭിക്കുക പക്ഷേ, ഇതു ശരീരഭാരം കുറയാനോ കൊഴുപ്പ് കുറയാനോ സഹായിക്കുന്ന ഒരു മാജിക് റെമഡിയൊന്നുമല്ല. ബെൽറ്റ് കെട്ടുന്നത് സിസേറിയൻ ചെയ്തവരിൽ വേദന കുറയാനും മുറിവ് സുഖമാകാനും സഹായിക്കുമെന്നു ചില പഠനങ്ങളുണ്ട്. എന്നിരുന്നാലും സിസേറിയൻ നടത്തിയവരിൽ ഡോക്ടറോടു ചോദിച്ചശേഷം മാത്രം ബെൽറ്റോ ബൈൻഡറോ ഉപയോഗിക്കുന്നതാകും നല്ലത്.

ബെൽറ്റ് വല്ലാതെ ഇറുകിയാൽ രക്തയോട്ടത്തിനു തടസ്സമുണ്ടായി ആരോഗ്യപ്രശ്നങ്ങൾക്ക് ഇടയാകാം. വിയർപ്പു കെട്ടിനിന്ന് അണുബാധകൾക്കും സാധ്യതയുണ്ട്.

പ്രസവശേഷം എപ്പോൾ മുതൽ വയർ കുറയാനുള്ള വ്യായാമം ചെയ്തു തുടങ്ങാം?

സാധാരണ പ്രസവമാണെങ്കിൽ രണ്ടാം ദിവസം മുതൽ സമയം കിട്ടുമ്പോൾ അൽപനേരം മെല്ലെ നടക്കാം. ഇതു രക്തയോട്ടം സുഗമമാക്കാനും ഗ്യാസ് കെട്ടിക്കിടന്നു പ്രശ്നങ്ങൾ ഉണ്ടാകാതിരിക്കാനും സഹായിക്കും. സിസേറിയൻ കഴിഞ്ഞവരിൽ ആദ്യ ആഴ്ച കഴിയുമ്പോൾ മെല്ലെയുള്ള നടത്തം ആരംഭിക്കാം.

വയറ് കുറയ്ക്കാനുള്ളതെന്നു വിശേഷിപ്പിക്കുന്ന വ്യായാമങ്ങൾ പ്രസവശേഷം ഉടനെ ചെയ്യാതിരിക്കുകയാണ് നല്ലത്. പ്രത്യേകിച്ച് പ്ലാങ്ക്, സിറ്റ് അപ്പുകൾ പോലുള്ള വ്യായാമങ്ങൾ. ഈ വ്യായാമങ്ങൾ ഡയസ്േറ്റസിസ് റെക്ടൈ പരിഹരിക്കാൻ സഹായിക്കില്ലെന്നു മാത്രമല്ല കൂടുതൽ കുഴപ്പങ്ങളിലേക്കെത്തിക്കുകയേ ഉള്ളൂ. നല്ലൊരു ഫിസിയോതെറപ്പിസ്റ്റിനെ കണ്ട് ഡീപ് കോർ സ്ട്രെങ്തനിങ് വ്യായാമങ്ങൾ ചെയ്യുന്നതാകും ഉചിതം.

ശരീരത്തിൽ അധികമായുള്ള കൊഴുപ്പ് എരിഞ്ഞു തീർന്ന ശേഷമേ ഉദരഭാഗത്തുള്ള കൊഴുപ്പ് എരിഞ്ഞുതുടങ്ങൂ. അതുകൊണ്ട് പൊതുവായ വ്യായാമങ്ങൾ ചെയ്ത് ഭാരം കുറയ്ക്കാൻ ശ്രമിക്കുക. എന്നാൽ, ആദ്യ ആറ് ആഴ്ച ജോഗിങ്ങും ഒാട്ടവും പോലുള്ള കഠിന വ്യായാമങ്ങൾ ചെയ്യാതിരിക്കുന്നതാണ് നല്ലത്. മിതമായ വേഗതയിലുള്ള നടത്തം എല്ലാവർക്കും ചെയ്യാം.

12 ആഴ്ചയ്ക്കു ശേഷം എല്ലാവർക്കും സാധാരണരീതിയിലുള്ള വ്യായാമം ചെയ്യാം. നീന്തലും നൃത്തവും ഒാട്ടവുമൊക്കെ ഭാരം കുറയ്ക്കാൻ സഹായിക്കും. എങ്കിലും മെല്ലെ തുടങ്ങി പതിയെ കൂടുതൽ കഠിനമായവയിലേക്കു പോകുന്നതാകും നല്ലത്.

ശരീരത്തിലെ ലിഗമെന്റുകളും സ ന്ധികളുമെല്ലാം അയഞ്ഞിരിക്കുന്നതുകൊണ്ട് പേശികൾക്കും നടുവിനുമൊന്നും ആയാസമോ പരുക്കോ ഉളുക്കോ ഉണ്ടാകാതെ കരുതലെടുക്കണം. കഠിനമായ വ്യായാമമുറകൾ ഒഴിവാക്കണം. ഡയസ്േറ്റസിസ് റെക്ടൈ പ്രശ്നമുള്ളവർ അമിത ഭാരമുള്ള വസ്തുക്കൾ ഉയർത്തരുത്. ഭാരം എടുക്കേണ്ടി വന്നാൽ തന്നെ ഉദരഭാഗത്ത് ബെൽറ്റ് കെട്ടി ചെയ്യുക.

വിവരങ്ങൾക്ക് കടപ്പാട്:

ഡോ. ജാക്വിലിൻ മൈക്കിൾ

ഇന്റർനാഷനൽ ബോർഡ് സർട്ടിഫൈഡ് ലൈഫ്സ്റ്റൈൽ മെഡിസിൻ ഫിസിഷൻ
സിഡ്നി
ഒാസ്ട്രേലിയ

read more
ആരോഗ്യംചോദ്യങ്ങൾമുഖ സൗന്ദര്യംസ്ത്രീ സൗന്ദര്യം (Feminine beauty)

എന്ത്‌ കൊണ്ടാണ്‌ നമ്മുടെ സ്വകാര്യഭാഗങ്ങൾ കറുത്തിരിക്കുന്നത്‌?

പലരും ചോദിക്കുന്ന ഒരു ചോദ്യം ആണ് ഞാൻ നല്ല വെളുത്തിട്ടാ എന്നാൽ എന്റെ സ്വകാര്യഭാഗങ്ങൾ കളർ കുറവാണു അത് എന്താണ് എന്ന് ഒക്കെ
എന്ത്‌ കൊണ്ടാണ്‌ നമ്മുടെ സ്വകാര്യഭാഗങ്ങൾ കറുത്തിരിക്കുന്നത്‌?
 
• ശരീരത്തിന്റെ മറ്റു ഭാഗങ്ങളെ അപേക്ഷിച്ച്‌ നമ്മുടെ സ്വകാര്യഭാഗങ്ങൾ അൽപം ഇരുണ്ടിരിക്കുന്നത്‌ കണ്ടിട്ടില്ലേ. കുട്ടിക്കാലത്ത് ലൈംഗികാവയവങ്ങള്‍ക്ക് മറ്റുഭാഗങ്ങളിലേതിനു സമാനമായ നിറയമായിരിക്കും. ചെറുപ്രായത്തില്‍ തന്നെ പെൺ കുട്ടികളുടെ മുലക്കണ്ണുകളുടെ നിറം മങ്ങി വരുന്നതും കാണപ്പെടാറുണ്ട്‌. വളരുന്നതനുസരിച്ച് അവ കൂടുതൽ ഇരുണ്ടു വരാറുണ്ട്‌.
• അഡ്രീനൽ, ആൻഡ്രൊജൻ ഗ്രന്ഥികളാണല്ലോ ശരീരരോമങ്ങളുടെയും മുഖത്തെ രോമങ്ങളുടെയും വളർച്ചയ്‌ക്ക്‌ കാരണം. യൗവ്വനാരംഭത്തിൽ ശരീരത്തില്‍ സെക്‌സ് ഹോര്‍മോണുകള്‍ വര്‍ധിച്ചുവരികയും ശരീരത്തിൽ മെലാനിന്റെ ഉല്പാദനം ത്വരിതപ്പെടുകയും ചെയ്യും. മെലാനിന്റെ അളവ്‌ കൂടുതൽ പ്രവർത്തിക്കുക നമ്മുടെ നാഭിപ്രദേശത്തും വൃഷ്ണസഞ്ചി, ലൈംഗീകാവയവമുള്ള ഭാഗത്തുമായിരിക്കും. ഇതിന്റെ ഫലമായി ഈ ഭാഗങ്ങൾ ശരീരത്തിന്റെ മറ്റു ഭാഗങ്ങളിലുള്ളതിനേക്കാൾ അധികം ഇരുണ്ടിരിക്കും.
സ്ത്രീകള്ളിൽ ആര്‍ത്തവം ആരംഭിക്കുമ്പോള്‍ ശരീരത്തില്‍ ഈസ്ട്രജന്റെ അളവ് കൂടും പുരുഷന്മാരിൽ ടെസ്റ്റോസ്റ്റിറോണും. ഇത് മെലാനിന്‍ നിര്‍മ്മിക്കുന്ന ചര്‍മ്മകോശങ്ങളുമായി ബന്ധപ്പെട്ടിരിക്കുന്നു. • തൊലിപ്പുറത്തെ ഉരസലും ഒരു കാരണമാണ്‌. മറ്റു ശരീരഭാഗങ്ങളെ അപേക്ഷിച്ച്‌ സ്വകാര്യഭാഗത്തെ ചർമ്മങ്ങൾ തമ്മിൽ എന്നും ഉരസിക്കൊണ്ടിരിക്കുന്നു. ചർമ്മത്തിന്റെ കനവും ദീർഘകാലമായുള്ള ഉരസലും ചർമ്മം ഇരുണ്ട്‌ പോവാൻ കാരണമാവുന്നുവെന്നും പറയപ്പെടുന്നു.
read more
മുഖ സൗന്ദര്യംസ്ത്രീ സൗന്ദര്യം (Feminine beauty)

സൗന്ദര്യ പ്രശ്‌നം ഏതുമാകട്ടെ, രണ്ട് തുള്ളി കുങ്കുമാദി തൈലം മതി.

മുഖത്തെ ബാധിയ്ക്കുന്ന സൗന്ദര്യ പ്രശ്നങ്ങള്‍ ധാരാളമുണ്ട്. ചിലപ്പോളത് നിറമാകും,അല്ലെങ്കില്‍ മുഖക്കുരുവും കറുത്ത പാടുകളുമാകാം.മുഖത്തെ അയഞ്ഞ ചര്‍മം, ചുളിവുകള്‍, മറ്റ് പാടുകള്‍ തുടങ്ങിയ പല വിധ പ്രശ്നങ്ങളും ഇതില്‍ പെടുന്നു. മുഖ സൗന്ദര്യത്തിന്റെ കാര്യത്തില്‍ ആയുര്‍വേദത്തിന് നല്ലൊരു പങ്കുണ്ട്. ആരോഗ്യ പ്രശ്നങ്ങള്‍ക്കു മാത്രമല്ല, സൗന്ദര്യ പ്രശ്നങ്ങള്‍ക്കും പരിഹാരമാണ് ആയുര്‍വേദം. തികച്ചും ഫലപ്രദമായ, അതേ സമയം യാതൊരു ദോഷങ്ങളും ഇല്ലാത്തവയാണ് ആയുര്‍വേദമെന്നു പറയാം.

അല്‍പനാള്‍ അടുപ്പിച്ചു ചെയ്താല്‍ ഗുണം ലഭിയ്ക്കും. ആയുര്‍വേദത്തില്‍ പറയുന്ന ഒന്നാണ് കുങ്കുമാദി തൈലം. സൗന്ദര്യ സംരക്ഷണത്തിന് ഏറെ ഗുണകരമായ ഒന്നാണിത്. ഒരു പിടി സൗന്ദര്യ പ്രശ്നങ്ങള്‍ക്കുളള നല്ലൊരു പരിഹാരമാണിത്. കുങ്കുമാദി തൈലം ശുദ്ധമായതു നോക്കി വാങ്ങുക. ചുവന്ന നിറത്തില്‍ കൊഴുപ്പോടെയുള്ള ഈ തൈലം രണ്ടോ മൂന്നോ തുള്ളി പുരട്ടിയാല്‍ മതിയാകും. കുങ്കുമാദി തൈലം പുരട്ടുന്നതു കൊണ്ടുള്ള സൗന്ദര്യ ഗുണങ്ങളെക്കുറിച്ചറിയൂ:

 

കുങ്കുമപ്പൂ

പേരു സൂചിപ്പിയ്ക്കുന്ന പോലെ കുങ്കുമപ്പൂവാണ് ഇതിലെ മുഖ്യ ചേരുവ. കുങ്കുമപ്പൂ മാത്രമല്ല, ചന്ദനം, രക്തചന്ദനം, മഞ്ഞള്‍ തുടങ്ങിയ 26 ഓളം ആയുര്‍ വേദ ചേരുവകള്‍ ഇതില്‍ അടങ്ങിയിട്ടുണ്ട്. അതുകൊണ്ടു തന്നെ മുഖത്തെ ഒരു പിടി സൗന്ദര്യ പ്രശ്നങ്ങള്‍ക്കുളള പരിഹാരവുമാണ് ഇത്.

ചര്‍മത്തിന് നിറം

ചര്‍മത്തിന് നിറം ലഭിയ്ക്കാനുള്ള നല്ലൊരു വഴിയാണ് കുങ്കുമാദി തൈലം പുരട്ടുന്നത്. ഇതിലെ മഞ്ഞള്‍, ചന്ദനം, കുങ്കുമപ്പൂ തുടങ്ങിയവ നിറം ലഭിയ്ക്കാനുളള എളുപ്പ വഴിയാണ്. ഇവ ചേരുമ്പോള്‍ ചര്‍മത്തിന് സൗന്ദര്യ ഗുണങ്ങള്‍ വര്‍ദ്ധിയ്ക്കും. രാത്രിയില്‍ കിടക്കുന്നതിന് മുമ്പ് ഒരല്‍പം തൈലം മുഖത്ത് പുരട്ടുക. കുറച്ചു നാള്‍ ഇത് തുടര്‍ന്നാല്‍ നല്ല ഫലം കിട്ടും.

സണ്‍ടാന്‍

വെയിലേറ്റ് മങ്ങിയ ചര്‍മ്മത്തിന്റെ സംരക്ഷണത്തിനുള്ള എളുപ്പ വഴി കൂടിയാണ് കുങ്കുമാദി തൈലം. ഇത് അടുപ്പിച്ചു പുരട്ടുന്നത് ഇത്തരം പ്രശ്നങ്ങള്‍ക്കുള്ള നല്ലൊരു പ്രതിവിധിയാണ്. സ്വാഭാവിക ബ്ലീച്ച് ഗുണം നല്‍കുന്ന തികച്ചും പ്രകൃതിദത്ത ചേരുവകള്‍ അടങ്ങിയ ഒന്നാണിത്.

 

കണ്ണിനടിയിലെ കറുപ്പ്

കണ്ണിനടിയിലെ കറുപ്പകററാനുള്ള നല്ലൊരു മരുന്നു കൂടിയാണ് കുങ്കുമാദി തൈലം. ഇത് കണ്‍തടത്തിലെ രക്തപ്രവാഹം വര്‍ദ്ധിപ്പിയ്ക്കും. കണ്ണിനടിയില്‍ പുരട്ടാന്‍ തികച്ചും സുരക്ഷിതമായ ഒന്നു കൂടിയാണിത്. രാത്രിയിലാണ് ഇതിന്റെ ഫലം കൂടുതല്‍ ലഭിക്കുക എന്നതിനാല്‍ കിടക്കുന്നതിന് മുമ്പ് രണ്ട് തുള്ളി തൈലമെടുത്ത് കണ്ണിനടിയില്‍ പുരട്ടി കിടന്നുറങ്ങാം.

ചര്‍മത്തിന് പ്രായക്കുറവ്

ചര്‍മത്തിന് പ്രായക്കുറവു തോന്നിയ്ക്കാനുള്ള നല്ലൊരു വഴിയാണ് കുങ്കുമാദി തൈലം മുഖത്തു പുരട്ടുന്നത്. ഇതിലെ ഫൈറ്റോ കോംപൗണ്ടുകളാണ് ഇതിനായി സഹായിക്കുന്നത്. ഇത് ചര്‍മത്തിന് ചെറുപ്പം തോന്നിപ്പിയ്ക്കാനും ചര്‍മത്തിന്റെ ആരോഗ്യത്തിനും ഗുണം ചെയ്യും.നല്ലൊരു ആന്റിഏജിംഗ് ലോഷന്‍ എന്ന ഗണത്തില്‍ ഇതിനെ പെടുത്താം.

ബ്ലാക് ഹെഡ്സ്, മുഖക്കുരു

മുഖത്തെ ബ്ലാക് ഹെഡ്സ്, മുഖക്കുരു തുടങ്ങിയവയ്ക്കുള്ള നല്ലൊരു പരിഹാരം കൂടിയാണ് കുങ്കുമാദി തൈലം. ഇവയ്ക്ക് ഹീലിംഗ്, അതായത് മുറിവുണക്കാനുള്ള കഴിവുണ്ട്. ഇതാണ് ഇത്തരം ഗുണങ്ങള്‍ നല്‍കുന്നത്. ഇതിലെ പ്രധാന ചേരുവയായ കുങ്കമമാണ് ഇതിനു സഹായിക്കുന്നത്. കുങ്കുമത്തിനൊപ്പം മഞ്ഞളും ഗുണകരം തന്നെയാണ്. തുടര്‍ച്ചയായുള്ള ഉപയോഗം മികച്ച ഫലം നല്‍കും.

മഞ്ഞള്‍

കുങ്കുമാദി തൈലത്തിലെ മഞ്ഞളിന് ആന്റി ഇന്‍ഫ്‌ലമേറ്ററി ഗുണങ്ങളുണ്ട്. കൂടാതെ ബാക്ടീരിയകള്‍ക്കെതിരായി പ്രവര്‍ത്തിയ്ക്കുന്ന ഒരു ചേരുവ കൂടിയാണിത്. ഈ രണ്ടു ഗുണങ്ങളും ചര്‍മത്തിലെ മുറിവുകളും പൊള്ളലുകളുമെല്ലാം ഉണക്കാന്‍ ഏറെ നല്ലതാണ്. നല്ലൊരു ഹെര്‍ബല്‍ ആന്റിസെപ്റ്റികായി ഇതുപയോഗിയ്ക്കാം. ഇതു കൊണ്ടുള്ള മസാജ് രക്തപ്രവാഹം വര്‍ദ്ധിപ്പിയ്ക്കുന്നതും ചര്‍മത്തിലെ മുറിവുകളും മുറിവുകളുടെ പാടുകളുമെല്ലാം ഉണങ്ങാനും സഹായിക്കുന്നു.

 

ചര്‍മത്തിന് തിളക്കം

രക്തപ്രവാഹം വര്‍ദ്ധിപ്പിയ്ക്കുന്നതു കൊണ്ടു തന്നെ ചര്‍മത്തിന് തിളക്കം ലഭിയ്ക്കാനും ഇത് ഏറെ നല്ലതാണ്. ചര്‍മത്തിന് ഈര്‍പ്പം നല്‍കുന്നതിലൂടെയും ഇതുവഴി വരണ്ട ചര്‍മം ഒഴിവാക്കുന്നതിലൂടെയും ചര്‍മത്തിന്റെ തിളക്കം വര്‍ദ്ധിയ്ക്കും.

ഫേസ് മസാജിംഗ് ഓയില്‍

കുങ്കുമാദി തൈലം നല്ലൊരു ഫേസ് മസാജിംഗ് ഓയിലാണ്. മുഖത്തിനു നിറവും മാര്‍ദ്ദവവും നല്‍കാനും ചുളിവുകള്‍ ഒഴിവാക്കാനും ചര്‍മം അയഞ്ഞു തൂങ്ങുന്നതു തടയാനുമുള്ള നല്ലൊരു എണ്ണയാണിത്. ഇത് രണ്ടോ മൂന്നോ തുളളി കയ്യിലെടുത്ത് മുഖത്തു പുരട്ടി പതുക്കെ 10-20 മിനിറ്റു നേരം മസാജ് ചെയ്യാം. രാത്രിയിലാണ് ഇതു മുഖത്തു പുരട്ടേണ്ടത്. രാത്രി മുഴുവന്‍ മുഖത്ത് ഇത് പുരട്ടി രാവിലെ കഴുകുന്നതാണ് നല്ലത്. മുഖത്ത് ഇതു പുരട്ടുന്നതിനു മുന്‍പ് ഇളംചൂടുവെള്ളത്തില്‍ മുഖം കഴുകി തുടച്ച ശേഷം പുരട്ടുക.

കുങ്കുമാദി തൈലം അടുപ്പിച്ച് അല്‍പനാള്‍ പുരട്ടിയാല്‍ മാത്രമേ ഗുണം ലഭിയ്ക്കൂ. ഇത് അടുപ്പിച്ച് അല്‍പനാള്‍ ചെയ്താല്‍ തീര്‍ച്ചയായും ഗുണം പ്രതീക്ഷിയ്ക്കാം. വ്യാജ ഉല്‍പന്നങ്ങളല്ലാതെ ശുദ്ധമായതു നോക്കി വാങ്ങുക. അല്‍പം വില കൂടുതലാണെങ്കിലും കൊഴുപ്പുള്ള ഓയിലായതു കൊണ്ടു തന്നെ അല്‍പം മാത്രം ഉപയോഗിച്ചാല്‍ മാതിയാകും. സാധാരണ ഗതിയില്‍ ചെറിയൊരു കുപ്പി തന്നെ രണ്ടോ മൂന്നോ മാസത്തേയ്ക്കു ധാരളമാണ്. മറ്റ് കൃത്രിമ സൗന്ദര്യ വര്‍ദ്ധക വസ്തുക്കളേക്കാള്‍ ഗുണം നല്‍കും, ദോഷം വരികയുമില്ല.

read more
ആരോഗ്യംചോദ്യങ്ങൾമുഖ സൗന്ദര്യംമുടി വളരാൻമേക്കപ്പ്സ്ത്രീ സൗന്ദര്യം (Feminine beauty)

നാടന്‍ വഴികളിലൂടെ നാടന്‍ സൗന്ദര്യം…..

 

സൗന്ദര്യം ആഗ്രഹിയ്ക്കാത്തവരുണ്ടാകില്ല. പുരുഷന്മാരേക്കാള്‍ സ്ത്രീകളാണ് സൗന്ദര്യ സംരക്ഷണത്തില്‍ ഒരു പിടി മുന്നിട്ടു നില്‍ക്കുന്നതെന്നാണ് വെപ്പ്. എന്നാല്‍ സൗന്ദര്യസംരക്ഷണ കാര്യത്തില്‍ മുന്നിട്ടു നില്‍ക്കുന്ന, സൗന്ദര്യത്തെക്കുറിച്ച് ഏറെ ചിന്തിയ്ക്കുന്ന പുരുഷ പ്രജകളും കുറവല്ല. സൗന്ദര്യമെന്നത് പ്രകൃതിദത്ത വഴികളിലൂടെ നേടുന്നതാണ് ഏററവും നല്ലത്. കൃത്രിമക്കൂട്ടുകള്‍ ചര്‍മത്തെ ഒരു വിധത്തില്‍ അല്ലെങ്കില്‍ മറ്റൊരു വിധത്തില്‍ കേടു വരുത്തുകയേയുള്ളൂ. അടുക്കളയില്‍ നിന്നും തൊടിയില്‍ നിന്നുമെല്ലാം തന്നെ നാടന്‍ സൗന്ദര്യ വസ്തുക്കള്‍ ലഭ്യമാണ്. ശരീരത്തിന് യാതൊരു ദോഷവും വരുത്താത്ത വിധത്തിലുള്ളവ. ഇത് പൂര്‍ണ ഗുണം നല്‍കുകയും ചെയ്യുന്ന ഒന്നാണ്. നാടന്‍ കൂട്ടുകളിലൂടെ നാടന്‍ ഭംഗി വര്‍ദ്ധിപ്പിയ്ക്കാന്‍ ചില വഴികള്‍ പ്രയോഗിച്ചു നോക്കൂ. ദോഷം വരില്ലെന്നുറപ്പ്. ചര്‍മം നന്നാകും.

​ശുദ്ധമായ വെളിച്ചെണ്ണ

ശുദ്ധമായ വെളിച്ചെണ്ണ മുഖസൗന്ദര്യത്തിനായി ഉപയോഗിക്കാവുന്നതാണ്. വെളിച്ചെണ്ണയിലടങ്ങിയിരിക്കുന്ന ആന്റി മൈക്രോബിയൽ സവിശേഷത, ത്വക്കിലെ മാലിന്യങ്ങൾ നീക്കം ചെയ്യാൻ ഏറെ സഹായിക്കും. നന്നായി മുഖം കഴുകിയ ശേഷം വെള്ളം പൂർണ്ണമായും മുഖത്ത് നിന്ന് തുടച്ച് മാറ്റുക. ഒരല്പം ശുദ്ധമായ വെളിച്ചെണ്ണ മുഖത്തും കഴുത്തിലും തേക്കാം. ശേഷം ഒരു മിനിറ്റ് വരെ നന്നായി മസ്സാജ് ചെയ്ത് കൊടുക്കാം. അതിനു ശേഷം ചൂടുവെള്ളത്തിൽ മുക്കിയ ഒരു ടവ്വൽ മുഖത്തോട് ചേർത്ത് വെക്കുക. മുഖത്തിന്റെ എല്ലാ ഭാഗവും ടവ്വൽ കവർ ചെയ്യുന്നുണ്ട് എന്ന് ഉറപ്പ് വരുത്തണം. ഇങ്ങനെ ചെയ്യുന്നതിലൂടെ മുഖത്തെ സുഷിരങ്ങൾ തുറക്കും. ഒരു മിനിട്ട് മുതൽ രണ്ട് മിനിട്ട് വരെ ടവ്വൽ ഇങ്ങനെ മുഖത്ത് വെക്കുക. അതിനു ശേഷം മുഖത്തെ എണ്ണ ഒരു ഉണങ്ങിയ തുണി ഉപയോഗിച്ച് തുടച്ച് നീക്കുകയോ കഴുകി കളയുകയോ ചെയ്യാം. ദിവസേന ഇങ്ങനെ ചെയ്യുമ്പോൾ മുഖ ചർമ്മം കൂടുതൽ തിളക്കമുള്ളതാകും. അതോടൊപ്പം ചർമ്മം മൃദുലമാകുകയും ചെയ്യും.

കസ്തൂരിമഞ്ഞൾ

മുഖകാന്തി വർദ്ധിപ്പിക്കാൻ സഹായിക്കുന്ന വീട്ടിൽ തന്നെ വസ്തുക്കളിൽ മാറ്റി നിർത്താനാവാത്ത ഒന്നാണ് കസ്തൂരിമഞ്ഞൾ. ചർമ്മത്തിന്റെ നിറം വർദ്ധിപ്പിക്കാൻ കസ്തൂരിമഞ്ഞൾ കഴിഞ്ഞേയുള്ളൂ മറ്റെന്തും. മുഖക്കുരു മൂലമുണ്ടാകുന്ന പാടുകൾ കളയാനും കസ്തൂരിമഞ്ഞൾ തന്നെ ബെസ്റ്റ്. ഒരല്പം കസ്തൂരിമഞ്ഞൾ പാലിലോ തേനിലോ ചാലിച്ച ശേഷം മുഖത്ത് തേച്ച് പിടിപ്പിക്കാം. പത്ത് മിനിട്ടിനു ശേഷം ഇത് കഴുകിക്കളയാം.

​തൈര്

തൈര് മുഖത്തിന് നല്ലൊന്നാന്തരം ബ്ലീച്ചിംഗ് ഇഫക്ടു നല്‍കുന്ന ഒന്നാണ്. ഇതിലെ ലാക്ടിക് ആസിഡാണ് ഈ ഗുണം നല്‍കുന്നത്. നല്ല നിറം നല്‍കാന്‍ ഏറെ ഗുണകരമാണ് ഇത്. യാതൊരു പാര്‍ശ്വഫലവുമില്ലാതെ ചര്‍മം വെളുപ്പിയ്ക്കാനുള്ള പ്രധാനപ്പെട്ട വഴിയാണിത്.തൈര് ചര്‍മത്തിന് ഈര്‍പ്പം നല്‍കുവാന്‍ ഏറെ നല്ലതാണ്. ഇതിലെ വൈറ്റമിന്‍ ബി5, ബി2, ബി12 എന്നിവ ഫ്രീ റാഡിക്കലുകളില്‍ നിന്നും ചര്‍മത്തെ സംരക്ഷിയ്ക്കാന്‍ സഹായിക്കുന്നു. ഇത് പ്രായക്കുറവ് തോന്നിപ്പിയ്ക്കാന്‍ സഹായിക്കുകയും ചെയ്യുന്നു. ഈര്‍പ്പക്കുറവ്, വരണ്ട മുഖം ചുളിവു വീഴാനും മുഖത്തിനു പ്രായം തോന്നിപ്പിയ്ക്കുവാനും കാരണമാകുന്ന ഒന്നാണ്. ഇതിനുള്ള നല്ലൊരു പ്രതിവിധി കൂടിയാണ് തൈര്. ഇത് മുഖത്തിന് നല്ലൊരു മോയിസ്ചറൈസര്‍ ഗുണം നല്‍കുന്ന ഒന്നാണ്.തൈര് മാത്രമായി മുഖത്തു പുരട്ടാം. ഇതില്‍ മഞ്ഞള്‍പ്പൊടി, കടലമാവ് തുടങ്ങിയ കൂട്ടുകള്‍ ചേര്‍ത്തും ഉപയോഗിയ്ക്കാം.

കറ്റാര്‍ വാഴ

മുറ്റത്തെ കറ്റാര്‍ വാഴ സൗന്ദര്യസംരക്ഷണത്തില്‍ വഹിയ്ക്കുന്ന പങ്ക് ചില്ലറയല്ല. ആന്റി ഓക്‌സിഡന്റുകളും വൈറ്റമിനുകളുമെല്ലാം തന്നെ കലര്‍ന്ന ഇത് തികച്ചും സ്വാഭാവിക രീതിയിലെ സൗന്ദര്യ സംരക്ഷണത്തിന് പറ്റിയ മരുന്നാണ്. കറ്റാര്‍ വാഴ ഈ ഗുണങ്ങള്‍ നല്‍കുന്നതിന്റെ കാരണവും അതാണ്. ചർമത്തിലെ ചുളിവുകൾ നീക്കാൻ ഇത് ഏറെ നല്ലതുമാണ്. ചർമത്തിലെ കൊളാജൻ ഉൽപാദനത്തിന് സഹായിക്കുന്ന ഒന്നാണിത്. ഇതാണ് ചുളിവുകൾ നീക്കാൻ സഹായിക്കുന്നത്. ചുളിവുകളാണ് ചർമത്തിന് പ്രായക്കൂടുതൽ നൽകുന്ന പ്രധാന കാരണങ്ങളിലൊന്ന്. നല്ലൊന്നാന്തരം ആൻറി ഏജിംഗ് ക്രീമാണിത്.ഇതു തനിയെ മുഖത്തു പുരട്ടാം. തേന്‍ ചേര്‍ത്തും പുരട്ടാം.

​നാരങ്ങാനീരും തേനും

നാരങ്ങാനീരും തേനും സൗന്ദര്യസംരക്ഷണത്തിന് പറ്റിയ മികച്ച വഴിയാണ്. ഇതു രണ്ടും കലര്‍ത്തി മുഖത്തു പുരട്ടാം. ചര്‍മത്തിന് നിറം, ഈര്‍പ്പം എന്നിവ ലഭിയ്ക്കും. രണ്ട് ടീസ്പൂൺ തേനിൽ ഒരു ടീസ്പൂൺ നാരങ്ങാനീര് ചേർത്ത് നന്നായി യോജിപ്പിക്കുക. അല്‍പം കഴിഞ്ഞ്‌ഈ മിശ്രിതം മുഖത്തും കഴുത്തിലും നന്നായി തേച്ച് പിടിപ്പിക്കാം. ചെറു ചൂടുവെള്ളത്തിൽ ഇത് കഴുകി കളയാം. ഇത് ദിവസവും ചെയ്യുക.നിറം വയ്ക്കാനും ചുളിവു മാറാനും ചര്‍മത്തില്‍ ഈര്‍പ്പം നല്‍കാനുമെല്ലാം ഇതേറെ നല്ലതാണ്.

read more
ആരോഗ്യംചോദ്യങ്ങൾഫാഷൻമുഖ സൗന്ദര്യംമേക്കപ്പ്സ്ത്രീ സൗന്ദര്യം (Feminine beauty)

പ്രകൃതി തരും സൗന്ദര്യം

പ്രകൃതി തരും സൗന്ദര്യം മറക്കാതെ ഓർക്കേണ്ട കാര്യങ്ങൾ ഇതാണ്

ശരീരത്തിന്റെയും മനസിന്റെയും സുഖത്തിനും ആരോഗ്യത്തിനും സ്വസ്ഥതയ്‌ക്കുമുള്ള മാർഗങ്ങളാണ് ആയുർവേദം പറയുന്നത്. സൗന്ദര്യവും യുവത്വവും സ്വന്തമാക്കാനുള്ള വഴികളും പ്രകൃതിയിൽ തന്നെയുണ്ട്. ആരോഗ്യമുള്ള ശരീരം എപ്പോഴും അഴകിന്റെ മുഖമുദ്ര‌യാണ്. നല്ല നിറം, മിനുസമുള്ള ചർമ്മം, തിളങ്ങുന്ന നെറ്റി, ഊർജസ്വലമായ കണ്ണുകൾ, ഇടതൂർന്ന മുടി ഇവയെല്ലാം പണ്ടുമുതലേ സൗന്ദര്യത്തിന്റെ ഏകകങ്ങളായിട്ടാണ് കണക്കാക്കപ്പെടുന്നത്.സൗന്ദര്യമെന്നാൽ നല്ല ആരോഗ്യമെന്ന് കൂടിയാണ് വിലയിരുത്തേണ്ടത്. നല്ല ആരോഗ്യമുള്ള ശരീരത്തിൽ പ്രായത്തിന്റെ പരിണാമങ്ങൾ സാവകാശം മാത്രമേ പ്രത്യക്ഷപ്പെടുകയുള്ളൂ. സൗന്ദര്യം കാക്കാൻ ആരോഗ്യസംരക്ഷണത്തിലും ശ്രദ്ധവേണം. പോഷകാഹാരം, വ്യായാമം, വിശ്രമം എന്നിവ കൂടുതലോ കുറവോ ആകാതെ നോക്കണം. ധാരാളം വെള്ളം കുടിക്കണം. ശുചിത്വത്തിലും കരുതൽ വേണം.അമിതാഹാരം, കുറഞ്ഞ ആഹാരം, അമിത വ്യായാമം, വ്യായാമമില്ലായ്‌മ, അമിത വിശ്രമം, വിശ്രമമില്ലാതിരിക്കുക ഇവയെല്ലാം ശരീരഭംഗി കുറയ്‌ക്കും. സൗന്ദര്യസംരക്ഷണമെന്നാൽ ശരീരത്തിലെ ഓരോ അവയവത്തിന്റെയും ശരിയായ പരിചരണവും സംരക്ഷണവുമാണ്. മുഖത്തിന്റെയും മുടിയുടെയും കാര്യത്തിൽ മാത്രമാണ് മിക്കവരുടെയും കരുതൽ. മുഖം തൊട്ടു പാദം വരെയുള്ള അവയവങ്ങളുടെ കാര്യത്തിലും ചർമ്മപരിചരണത്തിലും ശ്രദ്ധിച്ചാൽ മാത്രമേ സൗന്ദര്യസംരക്ഷണം പൂ‌ർണമാവൂ.

തിളങ്ങും മുഖകാന്തി

മുഖചർമ്മം വളരെ മൃദുവാണ്. അതിനാൽ സംരക്ഷണത്തിൽ ഏറെ ശ്രദ്ധിക്കണം. വീര്യം കൂടിയ സോപ്പ് ഉപയോഗിച്ച് മുഖം കഴുകരുത്. തണുത്ത വെള്ളത്തിൽ കഴുകി ശുചിയാക്കുക. ആഴ്‌ചയിലൊരിക്കൽ ആവി പിടിപ്പിക്കുന്നത് മുഖത്തെ അമിതമായ എണ്ണമയം നീക്കും. മുഖത്തിലിടുന്ന ലേപനങ്ങൾ കഴുകി കളയാൻ ജലാംശം മുഴുവൻ പോയി ഉണങ്ങി വരളും വരെ കാത്തിരിക്കരുത്. ഉണങ്ങാൻ തുടങ്ങുമ്പോൾ ലേപനങ്ങൾ കഴുകിക്കളയുക. ലേപനം കഴുകിയ ഉടനെ മുഖത്ത് വെയിൽ കൊള്ളരുത്. ലേപനങ്ങൾ അപ്പോഴത്തെ ആവശ്യത്തിന് മാത്രം അരച്ചെടുത്ത് ഉപയോഗിക്കുന്നതാണ് നല്ലത്. നിത്യവും നസ്യം ചെയ്യുന്നത് മുഖത്തിന്റെ സൗന്ദര്യവും തിളക്കവും കൂട്ടുന്നു. നസ്യം ചെയ്യാനുള്ള അണുതൈലം ആയുർവേദ മരുന്നു കടകളിൽ ലഭിക്കും. നസ്യം തനിയെ ചെയ്യാം. മലർന്നു കിടന്നിട്ട് അണുതൈലം ഓരോ തുള്ളിവീതം ഓരോ മൂക്കിലും ഒഴിച്ച് ഉള്ളിലേക്ക് വലിക്കുക. മൂക്കിന്റെ വശങ്ങൾ മെല്ലെ തിരുമ്മുക. വായിലേക്ക് വരുന്ന കഫം തുപ്പിക്കളയണം. രാവിലെ കുളിക്കുന്നതിന് മുമ്പ് വേണം നസ്യം ചെയ്യാൻ. രോഗങ്ങളുള്ള സമയത്ത് നസ്യം ചെയ്യരുത്. നസ്യം കഴിഞ്ഞയുടൻ മുഖത്ത് ലേപനങ്ങൾ പുരട്ടരുത്.

മുഖകാന്തി ലഭിക്കാൻ

*രക്തചന്ദനം, പാച്ചോറ്റിത്തൊലി, പൂവത്ത് ഇവ കുറച്ചെടുത്ത് അല്‌പം വെള്ളം തൊട്ട് അരച്ചെടുക്കുക. കുഴമ്പാക്കി മുഖത്ത് പുരട്ടുക. ജലാംശം വറ്റിത്തുടങ്ങുമ്പോൾ മുഖം തണുത്ത വെള്ളത്തിൽ കഴുകി മൃദുവായി തുടച്ചുണക്കുക.

*മഞ്ഞൾ, രക്തചന്ദനം, മരമഞ്ഞൾ, ഇരട്ടിമധുരം ഇവ ഒരേ അളവിലെടുത്ത് പൊടിച്ച് സൂക്ഷിക്കുക. ഇതിൽ നിന്ന് ഓരോന്നും അല്‌പമെടുത്ത് പാലിൽ പുഴുങ്ങി ലേപനമാക്കി മുഖത്ത് പുരട്ടുക. ഉണങ്ങിത്തുടങ്ങുമ്പോൾ മുഖം വൃത്തിയായി കഴുകുക.

* ദിവസവും കുളിക്കുംമുമ്പ് മുഖം വെളിച്ചെണ്ണ തേച്ച് തടവുക. മുഖം മിനുസമാകും.

* ഉണക്കമുന്തിരി ഏഴെണ്ണമെടുത്ത് തണുത്ത വെള്ളത്തിലിട്ട് വയ്‌ക്കുക. കുതിർന്നു കഴിയുമ്പോൾ വെള്ളമൂറ്റിക്കളഞ്ഞ് മുന്തിരിയെടുത്ത് ഒരു ടീസ്‌പൂൺ ചെറുനാരങ്ങാനീരിൽ അരച്ചുകുഴമ്പാക്കുക. മുഖത്ത് പുരട്ടി പതിനഞ്ച് മിനിട്ട് കഴിഞ്ഞ് കഴുകിക്കളയുക.

* തുളസിയില പിഴിഞ്ഞെടുത്ത നീരും ചെറുതേനും ഒരു ടേ.സ്‌പൂൺ വീതമെടുത്ത് രാവിലെ വെറും വയറ്റിൽ സേവിക്കുക. മുഖം തുടുത്ത് തിളങ്ങും.

മുഖക്കുരുവിന്റെ പാട് മാറ്റാൻ

* രക്തചന്ദനം വെള്ളരിക്കാ നീരിൽ തൊട്ടരച്ചത് മുഖത്തെ കറുത്ത പാടുകളിൽ പുരട്ടുക. അര മണിക്കൂറിന് ശേഷം ശുദ്ധജലത്തിൽ കഴുകിക്കളയുക.

* പേരാലിന്റെ തളിരില അരച്ച് കുഴമ്പാക്കി മുഖത്ത് പുരട്ടുക. അരമണിക്കൂറിന് ശേഷം കഴുകിക്കളയുക.

* ആര്യവേപ്പിന്റെ ഇല മൂന്നെണ്ണവും ഒരിഞ്ച് കഷണം പച്ചമഞ്ഞളും അരച്ചു കുഴമ്പാക്കി മുഖത്ത് പുരട്ടുക.

* നാല്‌പാമരാദി വെളിച്ചെണ്ണ അരടീസ്‌പൂൺ മുഖത്ത് തേച്ച് തിരുമ്മുക. പത്ത് മിനിട്ട് കഴിഞ്ഞ് ചെറുപയർ പൊടിയും തണുത്തവെള്ളവും ഉപയോഗിച്ച് കഴുകിക്കളയുക.

ചർമ്മകാന്തിക്ക്

* അല്‌പം പച്ചമഞ്ഞൾ എടുത്ത് തൊലി ചുരണ്ടിക്കളഞ്ഞ് വൃത്തിയാക്കി അരച്ചെടുക്കുക. ഇത്കുളിക്കുന്നതിനു മുമ്പ് ശരീരത്ത് തേച്ച് പിടിപ്പിക്കുക. അരമണിക്കൂറിന് ശേഷം ഈഞ്ചയും പയറുപൊടിയും തേച്ച് കഴുകിക്കളയുക. ആഴ്‌ചയിലൊരിക്കൽ ഇത് ചെയ്‌താൽ ശരീരത്തിന് ചർമ്മകാന്തിയേറും.

* ശരീരത്തിലെ അനാവശ്യരോമവളർച്ച തടയാനും ഇത് ഫലപ്രദമാണ്. രോമങ്ങൾ കൂടുതലായി വളരുന്ന ഭാഗത്ത് മഞ്ഞളരച്ചു പുരട്ടി അരമണിക്കൂറിന് ശേഷം കഴുകുക.

* ബദാം എണ്ണ ശരീരമാസകലം തേച്ച് പിടിപ്പിച്ച് രണ്ടുമണിക്കൂറിന് ശേഷം ചെറുപയർ പൊടി തേച്ച് കുളിക്കുക.

* വെളിച്ചെണ്ണ ചെറുചൂടോടെ ദേഹത്ത് തേച്ച് പിടിപ്പിക്കുക. അതിനുശേഷം ശരീരമാസകലം മഞ്ഞൾപ്പൊടി തേയ്‌ക്കുക. അരമണിക്കൂറിന് ശേഷം ചെറുപയർ പൊടി തേച്ച് വൃത്തിയായി കുളിക്കുക.

* ചെറുപയർ പൊടിയും അരച്ച മഞ്ഞളും കുറച്ചെടുത്ത് ചെറുനാരങ്ങാനീര് ചേർത്ത് ദേഹത്ത് പുരട്ടി ഒരു മണിക്കൂർ കഴിഞ്ഞ് ഇഞ്ച കൊണ്ട് ദേഹം തേച്ച് കുളിക്കുക.

* കുങ്കുമാദി തൈലം തേച്ച് ഒരു മണിക്കൂറിന് ശേഷം ചെറുപയർപൊടി തേച്ചി കുളിക്കുക.

* ത്വക്കിലെ വരകളും അടയാളങ്ങളും അകറ്റാൻ ചന്ദനമരച്ച് വെണ്ണ ചേർത്ത് പുരട്ടണം.

ശരീരദുർഗന്ധം അകറ്റാൻ

* തുളസിയിലയും രാമച്ചവും ഇട്ട് തിളപ്പിച്ചാറിയ വെള്ളത്തിൽ കുളിക്കുക. ശരീരത്തിന് സുഗന്ധമുണ്ടാകും.

* ചന്ദനം അരച്ച് പേസ്റ്റാക്കി ശരീരത്ത് തേച്ച് കുളിക്കുക.

* കുളിക്കുന്ന വെള്ളത്തിൽ അല്‌പം രാമച്ചം ഇട്ട് തിളപ്പിച്ചാറിയ ശേഷം ചന്ദനം അരച്ചത് അ‌ല്‌പം ചേർത്തിളക്കുക. ഈ വെള്ളത്തിൽ കുളിക്കുക.

* ഒരു ടേ.സ്‌പൂൺ കസ്‌തൂരി മഞ്ഞൾ ചന്ദനം അരച്ചത് ഇവ ശരീരത്ത് പുരട്ടി ഒരു മണിക്കൂറിന് ശേഷം കുളിക്കുക. വിയർപ്പ് നാറ്റം അകലം.

ചൂട് കുരുമാറാൻ

* നെന്മേനി, വാകപ്പൊട തേച്ച് കുളിക്കുക. തേയ്‌ക്കാൻ ഇഞ്ച ഉപയോഗിക്കുക. ചൂട് കുരു അകലും.

* നാല്‌പാമരപ്പട്ട ചതച്ചിട്ട വെള്ളം കൊണ്ട് കുളിക്കുന്നത് ചർമ്മരോഗങ്ങളെ അകറ്റും.

പാലുണ്ണി മാറാൻ

ഇരട്ടിമധുരം തേനിൽ അരച്ച് പാലുണ്ണിയിൽ പുരട്ടുക. ജലാംശം വറ്റുമ്പോൾ ഇതാവർത്തിക്കണം.

ചുണങ്ങ് മാറാൻ

* ചന്ദനം ചെറുനാരങ്ങാ നീരിൽ അരച്ചതും അല്‌പം പൊൻകാരവും ചേർത്ത് കുഴച്ച് ചുണങ്ങിൽ പുരട്ടുക.

* ചെറുനാരങ്ങാനീരും ഉപ്പും ചേർത്ത് കുഴച്ച് ചുണങ്ങുള്ള ഭാഗത്ത് പുരട്ടുക.

കഴുത്തിലെ കറുപ്പ് മാറാൻ

* കഴുത്തിലെ കറുപ്പ് നിറം മാറാൻ അല്‌പം ചെറുനാരങ്ങാനീരും കല്ലുപ്പ് പൊടിച്ചതും മിശ്രിതമാക്കി പുരുട്ടുക.

* ഉലുവ അരച്ച് തൈരിൽ ചേർത്ത് പുരട്ടുക.

* പഴുത്ത പപ്പായയുടെ നീരും അല്‌പം ഇന്തുപ്പും പച്ചക്കർപ്പൂരവും ചേർത്ത് കഴുത്തിൽ പുരട്ടുക

കൈമുട്ടിലെ കറുപ്പ് മാറാൻ

* രക്തചന്ദനം, രാമച്ചം എന്നിവ പനിനീരിൽ അരച്ച് കൈമുട്ടുകളിൽ പുരട്ടുക. കൈമുട്ടുകളിലെ കറുപ്പ് നിറം മാറും.

* ചെറുനാരങ്ങാനീരും കല്ലുപ്പും പൊടിച്ചതും മിശ്രിതമാക്കി പുരട്ടുക.

അമിതവണ്ണം പോകാൻ

* വെണ്ണമാറ്റിയ മോരിൽ ത്രിഫലപ്പൊടി കലർത്തി കുടിക്കുക. തിപ്പലി വേരരച്ച് കഴിക്കുക. ഇവ വയറ്റിലെ കൊഴുപ്പ് അലിയിച്ച് കളയും.

* ഉപ്പിട്ട ചൂട് വെള്ളത്തിൽ ടവൽ മുക്കിപ്പിഴിഞ്ഞ് വയറിൽ ആവി പിടിപ്പിക്കുക. വയറിലെ കൊഴുപ്പ് അലിയിച്ചു കളയാൻ ഇത് സഹായിക്കും.

* മുതിര, എള്ള്, വെളുത്തുള്ളി, ആവണക്കിൻ വേര് ഇവ ഇട്ട് തിളപ്പിച്ച വെള്ളം കുടിക്കുക. വയർ കുറയും.

* നിത്യവും രാവിലെ വെറുംവയറ്റിൽ അരഗ്ലാസ് വെള്ളത്തിൽ ഒരു ടീ.സ്‌പൂൺ തേൻ ചേർത്ത് കുടിക്കുക.

* ബ്രഹ്മി ഇടിച്ച് പിഴിഞ്ഞ നീര് ഒരു ടീസ്‌പൂൺ സമം തേനും ചേർത്ത് രാവിലെ വെറും വയറ്റിൽ കഴിക്കുക.

* ഒരു നുള്ള് ചുക്കുപൊടി നല്ലെണ്ണയിൽ ചാലിച്ച് രാവിലെ വെറും വയറ്റിൽ കഴിക്കുക.

ഇടതൂർന്ന മുടിയ്‌ക്ക്
മുടിയിൽ തേയ്‌ക്കാനായി എണ്ണ കാച്ചുമ്പോൾ ഒന്നോ രണ്ടോ മാസത്തേക്ക് മാത്രം തയ്യാറാക്കി വയ്‌ക്കുക. ഒന്നോ രണ്ടോ വർഷത്തേയ്‌ക്കായാൽ ഈർപ്പം ചേർന്ന് നീരിറക്കമുണ്ടാകും.

മുടി കൊഴിച്ചിൽ മാറാൻ

  • * ബ്രഹ്മി, കയ്യോന്നി, കറ്റാർവാഴ, നിലനാരകം, നെല്ലിക്ക ഇവയും അഞ്ജനക്കല്ലും ചേർത്ത് എണ്ണ കാച്ചി തേയ്ക്കുന്നത് മുടി ഇടതൂർന്ന് കറുത്ത നിറത്തിൽ വളരാൻ സഹായിക്കും. ജലദോഷം ഇടയ്ക്കിടെ ഉണ്ടാകുന്നവർക്ക് ഈ എണ്ണ അനുയോജ്യമല്ല. അത്തരക്കാർ അല്പം തുളസിയിലനീരുകൂടി ചേർത്ത് എണ്ണ കാച്ചി തേയ്‌ക്കാം.

* കറ്റാർവാഴപ്പോള, മൈലാഞ്ചിയില, കയ്യോന്നിയില, കുരുനീക്കിയ പച്ചനെല്ലിക, കറിവേപ്പില ഇവയെടുത്ത് അരച്ച് കുഴമ്പാക്കി തലയിൽ തേച്ചുപിടിപ്പിക്കുക. അര മണിക്കൂറിന് ശേഷം കഴുകികളയുക. ആഴ്‌ചയിൽ മൂന്നുതവണ ഇത് ചെയ്യണം.

അകാലനര മാറാൻ

* കുറച്ച് പച്ചനെല്ലിക്കയെടുത്ത് കുരുമാറ്റിയിട്ട് അരച്ചെടുക്കുക. ഈ മിശ്രിതത്തിൽ ഏതാനും ചെമ്പരത്തിപ്പൂവ് അരച്ചതും കൂടി ചേർത്ത് തലയിൽ തേച്ച് പിടിപ്പിക്കുക.

* അല്‌പം മൈലാഞ്ചിയില എടുത്ത് കഴുകി വൃത്തിയാക്കി വെള്ളം തൊട്ട് അരച്ചെടുക്കുക. ഈ മിശ്രിതം തണലിൽ വച്ച് ഉണക്കിയെടുക്കണം. ഈർപ്പം മാറ്റി പൂപ്പൽ കയറാതെ സൂക്ഷിക്കുക. ഇതിൽ നിന്നും അല്‌പം എടുത്ത് ദിവസവും ഒരു ടീ.സ്‌പൂൺ വെളിച്ചെണ്ണയിൽ ചാലിച്ച് തലയിൽ തേച്ച് പിടിപ്പിക്കുക. അരമണിക്കൂറിന് ശേഷം ചെമ്പരത്തിപ്പൂവും ഇലയും അരച്ചുണ്ടാക്കുന്ന താളി ഉപയോഗിച്ച് തലമുടി വൃത്തിയായി കഴുകുക. ആഴ്‌ചയിൽ മൂന്ന് തവണ ചെയ്യണം.

* ചെറുപ്പത്തിലെ നര ബാധിക്കുന്നവർ നരസിംഹരസായനം കഴിക്കുക. കയ്യോന്നി നീരോ നെല്ലിക്ക നീരോ ദിവസവും ഒരു ടേ.സ്‌പൂൺ വീതം കഴിക്കുക. പുളി അധികമുള്ള ആഹാരം ഒഴിവാക്കണം. ചൂട് വെള്ളത്തിൽ തല കുളിക്കരുത്.

താരൻ അകറ്റാനും മുടിക്കായ മാറാനും

* വെളുത്തുള്ളി ചതച്ചരച്ച് നല്ലെണ്ണയിൽ കുഴച്ച് അല്‌പനേരം വച്ചിരുന്ന ശേഷം മുടിയിൽ പുരട്ടുക.

* കയ്യോന്നി നീരിൽ കുരുമുളക് ചതച്ചതും കൃഷ്‌ണതുളസിയിലയുമിട്ട് വെളിച്ചെണ്ണ കാച്ചി മുടിയിൽ തേയ്‌ക്കുക.

* ചെമ്പരത്തിപ്പൂവും കൃ‌ഷ്‌ണതുളസിയിലയും ഇട്ട് കാച്ചിയ എണ്ണ തേയ്‌ക്കുക.

പാദങ്ങൾ മനോഹരമാക്കാൻ* പാദങ്ങളുടെ വിണ്ടുകീറൽ അകറ്റാൻ കാലിന്റെ അടിവശം കല്ലിൽ ഉരച്ച് കഴുകണം. പ്യൂമിക് സ്റ്റോൺ കൊണ്ട് ഉരച്ച് കഴുകിയാലും മതി. ആര്യവേപ്പിലയും പച്ചമഞ്ഞളും അരച്ച് കാൽ വിണ്ടുകീറുന്ന ഭാഗത്ത് പുരട്ടുക. ഒരു മണിക്കൂറിന് ശേഷം കഴുകിക്കളയണം. പാദം മുഴുവനുമായി വെളിച്ചെണ്ണ പുരട്ടി മൃദുവായി തടവുക.

കറിവേപ്പിലയും പച്ചമഞ്ഞളും തൈരിൽ അരച്ചത് പാദങ്ങൾ വിണ്ടുകീറിയ ഭാഗത്ത് പുരട്ടി അരമണിക്കൂർ കഴിഞ്ഞുകഴുകിക്കളയുക. വിണ്ടുകീറൽ മാറും.

read more
ആരോഗ്യംചോദ്യങ്ങൾമേക്കപ്പ്സ്ത്രീ സൗന്ദര്യം (Feminine beauty)

തൻ്റെ സൗന്ദര്യം മറ്റുള്ളവരെ ശ്രെധിക്കണം സ്‌ത്രീകള്‍ക്ക് തോന്നാന്‍ കാരണം!

സൗന്ദര്യം മറ്റുള്ളവരെ കാണിക്കണമെന്ന് സ്‌ത്രീകള്‍ക്ക് തോന്നാന്‍ കാരണം!  നന്നായി അണിഞ്ഞൊരുങ്ങാനും ആകര്‍ഷകമായ വസ്‌ത്രങ്ങള്‍ ധരിക്കാനും പുരുഷനേക്കാള്‍ താല്‍പര്യം കാണിക്കുന്നത് സ്‌ത്രീകളാണ്.

 

തന്റെ സൗന്ദര്യം മറ്റുള്ളവരെ കാണിക്കണമെന്ന് സ്‌ത്രീകള്‍ക്ക് തോന്നാന്‍ എന്താണ് കാരണം? ഈ ചോദ്യത്തിന് കൃത്യമായ ഉത്തരം ഇതുവരെ ആരും നല്‍കിയിട്ടില്ല. എന്നാല്‍ അടുത്തകാലത്തായി നടത്തിയ ചില പഠനങ്ങള്‍ സൂചിപ്പിക്കുന്നത്, ഇതിന് ഹോര്‍മോണില്‍ അധിഷ്‌ഠിതമായ മനശാസ്‌ത്രപരമായ കാരണങ്ങളാണെന്നാണ്. വൃക്കയുടെ തൊട്ടടുത്തുള്ള അഡ്രിനല്‍ ഗ്രന്ഥികളില്‍നിന്ന് പുറപ്പെടുന്ന ഹോര്‍മോണുകള്‍ സ്‌ത്രീകളില്‍ കൗമാരകാലത്ത് തന്നെ ശാരീരികമായും മാനിസകമായും പല മാറ്റങ്ങളുമുണ്ടാക്കുന്നുണ്ട്.

ശരീരവടിവില്‍ വരുന്ന മാറ്റങ്ങള്‍, ഉയരം കൂടുന്നത്, ലൈംഗികഅവയവങ്ങളുടെ വളര്‍ച്ച എന്നിവയൊക്കെ ഹോര്‍മോണ്‍ മൂലമുള്ള ശാരീരിക മാറ്റങ്ങളാണ്. ഹോര്‍മോണ്‍ ഉല്‍പാദനത്തോടെ മാനസികമായ മാറ്റങ്ങളും പെണ്‍കുട്ടികളില്‍ സംഭവിക്കും. വൈകാരികമായ മാറ്റങ്ങളാണ് ഇതില്‍ ഏറ്റവും പ്രധാനം. ഇതിന്റെ ഭാഗമായാണ് എവിടെയും ശ്രദ്ധിക്കപ്പെടണമെന്ന ചിന്ത പെണ്‍കുട്ടികളില്‍ ഉടലെടുക്കുന്നത്.

 

ഇതിനുവേണ്ടി നന്നായി അണിഞ്ഞൊരുങ്ങി, ആകര്‍ഷകമായ വസ്‌ത്രങ്ങള്‍ ധരിക്കാനും സ്‌ത്രീകള്‍ ശ്രദ്ധിക്കും. സൗന്ദര്യത്തിന്റെ പേരിലുള്ള അധിക്ഷേപം സ്‌ത്രീകള്‍ക്ക് സഹിക്കാനാകാത്തതാകുന്നതും ഇത്തരം മാനസികചിന്തകള്‍ കാരണമാണ്.

read more