സ്ത്രീ സൗന്ദര്യം (Feminine beauty)

ശരീരത്തിന്റെ ഏത് ഭാഗം വെളുത്തതാണെങ്കിലും കക്ഷത്തിനു മാത്രം നിറമില്ല. ഇഷ്ടമുള്ള സ്ലീവ്‌ലെസ്സ് വസ്ത്രം പോലും ഇടാന്‍ പറ്റാത്ത അവസ്ഥ. നിരവധി പരീക്ഷണങ്ങൾ മാറി മാറി ചെയ്തിട്ടും കക്ഷം കറുത്ത് തന്നെ ഇരിയ്ക്കുന്നു. പലരെയും അലട്ടുന്ന മുഖ്യ പ്രശ്നങ്ങളാണിത്.

പല കാരണങ്ങള്‍ കൊണ്ടും കക്ഷത്തില്‍ കറുപ്പ് നിറം വരാം. ബോഡി സ്‌പ്രേ  ധാരാളം ഉപയോഗിക്കുന്നവരിൽ  കക്ഷത്തില്‍ കറുപ്പ്  വരാനുള്ള സാധ്യത കൂടുതലാണ്. മാത്രമല്ല ഇടയ്ക്കിടക്ക് വാക്‌സിംഗ്, ഷേവിംഗ് എന്നിവ ചെയ്യുന്നവര്‍ക്കും കറുപ്പ് വരാനുള്ള സാധ്യത വളരെ കൂടുതലാണ്. ഇനി കക്ഷത്തിലെ കറുപ്പകറ്റാന്‍ ബ്യൂട്ടി പാര്‍ലറുകള്‍ തോറും കയറി ഇറങ്ങേണ്ട.

പ്രകൃതി ദത്ത മാര്‍ഗ്ഗങ്ങളിലൂടെ തന്നെ കക്ഷത്തിലെ കറുപ്പിനെ ഇല്ലാതാക്കാം. പ്രകൃതി ദത്ത സ്‌ക്രബ്ബ് ആണ് ബേക്കിംഗ് സോഡ. അല്‍പം വെള്ളത്തില്‍ ബേക്കിംഗ് സോഡ കലര്‍ത്തി കക്ഷത്തില്‍ തലോടാവുന്നതാണ്. ഇതാകട്ടെ കക്ഷത്തിലെ കറുപ്പകറ്റി മൃതകോശങ്ങളെ നീക്കുകയും ചെയ്യുന്നു

ബേക്കിംഗ് സോഡയും മഞ്ഞളും അല്‍പം നാരങ്ങ നീരും മിക്‌സ് ചെയ്ത് പേസ്റ്റ് രൂപത്തിലാക്കി കക്ഷത്തില്‍ തേച്ച് പിടിപ്പിക്കാം. ഇത് ഉണങ്ങിക്കഴിഞ്ഞ ശേഷം കഴുകിക്കളയാവുന്നതാണ്.

ബേക്കിംഗ് സോഡയും റോസ് വാട്ടറുമാണ് മറ്റൊരു പരിഹാര മാര്‍ഗ്ഗം. ഇവ രണ്ടും കൂടി പേസ്റ്റ് രൂപത്തിലാക്കി കക്ഷത്തില്‍ തേച്ച് പിടിപ്പിക്കാം. ഇത് ചര്‍മ്മം വെളുക്കാന്‍ സഹായിക്കുന്നുവെന്നു പഠനങ്ങൾ തെളിയിക്കുന്നു.

സൗന്ദര്യസംരക്ഷണത്തിന്റെ കാര്യത്തില്‍ വെല്ലുവിളിയാവുന്ന പ്രതിസന്ധികളെ ഇല്ലാതാക്കാനും ഉരുളക്കിഴങ്ങ് സഹായിക്കുന്നു.കക്ഷത്തിലെ കറുപ്പകറ്റാന്‍ ഏറ്റവും സഹായിക്കുന്ന ഒന്നാണ് ഉരുളക്കിഴങ്ങ് നീര്. ഉരുളക്കിഴങ്ങ് രണ്ടായി മുറിച്ച് കക്ഷത്തില്‍ ഉരസിയാലും ഈ പ്രശ്‌നത്തെ നമുക്ക് ഇല്ലാതാക്കാം. ഉരുളക്കിഴങ്ങ് പലപ്പോഴും ആസ്ട്രിജന്റെ ഫലം ചെയ്യുന്നതാണ്.

കൈമുട്ടിലെ കറുപ്പകറ്റാന്‍ ഏറ്റവും സുരക്ഷിതവും ഫലപ്രദവുമായ മാര്‍ഗ്ഗമാണ് ഉരുളക്കിഴങ്ങ്. ഉരുളക്കിഴങ്ങ് നീര് കൈമുട്ടില്‍ തേച്ച് പിടിപ്പിച്ച് ഇത് 15 മിനിട്ടിനു ശേഷം കഴുകിക്കളയാവുന്നതാണ്.മുഖത്തുണ്ടാവുന്ന കറുത്ത കുത്തുകള്‍ക്കും പുള്ളികള്‍ക്കും പരിഹാരമാണ് ഉരുളക്കിഴങ്ങ്. ഉരുളക്കിഴങ്ങ് അരച്ച് മുഖത്ത് പുരട്ടുക. നല്ലതു പോലെ മസ്സാജ് ചെയ്ത ശേഷം അഞ്ച് മിനിട്ട് കഴിഞ്ഞ് ശുദ്ധമായ വെള്ളത്തില്‍ കഴുകിക്കളയാവുന്നതാണ്.

കണ്ണിനടിയിലെ കറുത്ത പാടുകളാണ് മറ്റൊന്ന്. ഇത് പലരുടേയും ഉറക്കം കെടുത്തുന്ന പ്രശ്‌നങ്ങളില്‍ മുന്നിലാണ്. അതുകൊണ്ട് തന്നെ അതിനെ ഇല്ലാതാക്കാന്‍ ഉരുളക്കിഴങ്ങ് നീര് അല്‍പം പഞ്ഞിയില്‍ മുക്കി കണ്ണിനു താഴെ വെച്ചാല്‍ മതി. ചര്‍മ്മത്തിലെ ചുളിവാണ് പലപ്പോഴും വാര്‍ദ്ധക്യത്തിന്റെ ലക്ഷണങ്ങളില്‍ വലുത് .ദിവസവും ചര്‍മ്മത്തില്‍ ഉരുളക്കിഴങ്ങ് പുരട്ടിയാല്‍ ചര്‍മ്മത്തിന്റെ ചുളിവകറ്റാന്‍ കഴിയുന്നു.

ഒരു സ്പൂണ്‍ ഒലിവ് ഓയിലും ഒരു മുട്ടയുടെ വെള്ളയും മിശ്രിതമാക്കുക. ഇതു മുടിയില്‍ പുരട്ടി നന്നായി മസാജ് ചെയ്ത ശേഷം വീര്യം കുറഞ്ഞ ഷാംപൂ അല്ലെങ്കില്‍ താളി ഉപയോഗിച്ച് കഴുകിക്കളയുക.

അതിനു ശേഷം അല്‍പം ഓട്‌സ്, രണ്ടു സ്പൂണ്‍ തേങ്ങാപ്പാല്‍, രണ്ടു സ്പൂണ്‍ കറ്റാര്‍വാഴയുടെ നീര്, ഒരു സ്പൂണ്‍ ഉലുവാപ്പൊടി, അര സ്പൂണ്‍ കറുത്ത എള്ള്, ഒരു സ്പൂണ്‍ ഉണക്കനെല്ലിക്ക പൊടിച്ചത് ഇവ ചേര്‍ത്തരച്ച് മുടിയിലും ശിരോചര്‍മത്തിലും നന്നായി തേച്ചുപിടിപ്പിക്കുക.

അഞ്ചു മിനിറ്റ് ആവി കൊള്ളിച്ചതിനു ശേഷം ഇരുപതു മിനിറ്റ് വിശ്രമിക്കാം. ഇനി ഷാംപൂ ഉപയോഗിച്ച് നന്നായി വൃത്തിയാക്കുക. മുടിക്കു മൃദുത്വവും ആരോഗ്യവും കൈവരുന്നത് അറിയാന്‍ കഴിയും.

വേനലില്‍ മുടിയിലെ എണ്ണമയം വര്‍ധിക്കും. ഇത് അന്തരീക്ഷത്തിലെ പൊടിപടലങ്ങളുമായി കലര്‍ന്ന് മുടിയിലെ താരന്‍ ശല്യം കൂടാന്‍ ഇടയുണ്ട്. മുടിയിലെ എണ്ണമയം കുറച്ച് ആരോഗ്യം വര്‍ധിപ്പിക്കാന്‍ കഴിയും.നാലു സ്പൂണ്‍ ലാവണ്ടര്‍ ഓയില്‍, ഒരു ടീസ്പൂണ്‍ വിനാഗിരി, ഒരു ടീസ്പൂണ്‍ വെള്ളം ഇവ നന്നായി മിക്‌സ് ചെയ്തതിനു ശേഷം മുടിയില്‍ മസാജ് ചെയ്യുക.

അര മണിക്കൂറിനു ശേഷം ചെറുചൂടുവെള്ളം കൊണ്ട് കഴുകാം. ഇത് ആഴ്ചയില്‍ ഒരിക്കല്‍ ആവര്‍ത്തിച്ചാല്‍ അമിതമായ എണ്ണമയം മൂലം മുടിയിലെ താരന്‍ വര്‍ധിക്കുന്നത് ഒഴിവാക്കാം.

നമ്മുടെയല്ലാം മുഖത്ത് അടിഞ്ഞ് കൂടുന്ന അഴുക്കുകള്‍ മാറ്റാന്‍ ഇനി സോപ്പും,മറ്റും ഉപയോഗിക്കണ്ട.പകരം ആവി പിടിച്ചാല്‍ മതിയാകും.മുഖത്ത് ആവിപിടിക്കല്‍ തന്നെയാണ് മുഖചര്‍മ്മത്തിന് ഏറ്റവും നല്ലത്. ആവി പിടിക്കുന്നതിലൂടെ മുഖത്തെ രക്തചംക്രമണം വര്‍ധിക്കുകയും ഇതുവഴി ഫേഷ്യല്‍ ടിഷ്യൂവിലേക്ക് ധാരാളം ഓക്സിജനും ന്യൂട്രിയന്‍സും കടക്കുകയും ചെയ്യും. ഇത് മുഖത്തിന്റെ തിളക്കം വര്‍ധിപ്പിക്കും.

ആവി പിടിക്കുമ്പോള്‍ മുഖം വിയര്‍ക്കുന്നു. ഇതിലൂടെ മുഖത്ത് അടിഞ്ഞുകൂടുന്ന അഴുക്കും മറ്റു പൊടിപടലങ്ങളുമെല്ലാം നീങ്ങും. ഫേസ് മാസ്‌കോ ക്ലെന്‍സിങ് മില്‍ക്കോ ഉപയോഗിച്ചാല്‍ പോലും നീങ്ങാത്ത അഴുക്കുകള്‍ ആവിപിടിക്കുന്നതിലൂടെ ഇല്ലാതാകും. ആവി പിടിക്കുന്നതു വഴി മുഖോപരിതത്തിലെ നിര്‍ജീവമായ തൊലി ഇല്ലാതാകുകയും തിളക്കമുള്ള ചര്‍മ്മം പ്രധാനം ചെയ്യുകയും ചെയ്യും.

കൂടാതെ മുഖത്തെ കറുത്തതും വെളുത്തതുമായുള്ള എല്ലാ പാടുകളും ഇല്ലാതാകും. മുഖക്കുരു അകലാനായി ആവിപിടിച്ചതിനു ശേഷം ഒരു മുപ്പതുമിനിട്ടു കഴിഞ്ഞാല്‍ ഐസ്‌ക്യൂബ് മുഖത്തും പുരട്ടാം. ആവിപിടിക്കുമ്പോഴുള്ള ചൂടുവഴി മുഖക്കുരുവിലെ പസ് പുറത്തേക്കു വരികയും എസ്‌ക്യെൂബ് വയ്ക്കുന്നതുവഴി പുതിയ മുഖക്കുരുക്കള്‍ വരാതിരിക്കുകയും ചെയ്യും.

ആവി പിടിക്കുമ്പോള്‍ ശ്രദ്ധിക്കേണ്ട കാര്യങ്ങള്‍

ഫേഷ്യല്‍ സ്റ്റീമറില്‍ ആവി പിടിക്കുന്നതിന് ചൂട് 43 ഡിഗ്രി സെല്‍ഷ്യസ് ആണ്. ഫേഷ്യല്‍ സ്റ്റീമര്‍ ഇല്ലാത്ത സാഹചര്യത്തില്‍ വലിയ വട്ടമില്ലാത്ത പാത്രത്തില്‍ വെള്ളം തിളപ്പിച്ച് ആവികൊള്ളാം. മുഖം ഒരു തുണികൊണ്ടു മറച്ച് ആവി പുറത്തു പോവാതിരിക്കാന്‍ ശ്രദ്ധിക്കണം. ആവി പിടിക്കുന്നതിനു മുമ്പായി മുഖം വൃത്തിയായി കഴുകണം. മുഖത്തെ മേയ്ക്കപ്പ് പൂര്‍ണമായും നീക്കിയെങ്കില്‍ മാത്രമേ അഴുക്കുകളും പൂര്‍ണമായും നീങ്ങുകയുള്ളു.

ആര്യവേപ്പിന്റെ ഇല, തുളസി, നാരകത്തിന്റെ ഇല തുടങ്ങിയവ ആവിപിടിക്കുന്ന വെള്ളത്തില്‍ ഇടുന്നത് നല്ലതാണ്.ആവി പിടിക്കുന്ന വസ്തുവില്‍ നിന്നായി നിശ്ചിത അകലം പാലിക്കാന്‍ ശ്രദ്ധിക്കണം. അല്ലാത്ത പക്ഷം മുഖം പൊള്ളാനിടയുണ്ട്. അഞ്ചു മുതല്‍ പത്തു മിനുട്ടു വരെയാണ് ആവി പിടിക്കേണ്ട ശരിയായ സമയം. എന്തെങ്കിലും അസ്വസ്ഥത തോന്നുമ്പോള്‍ മുഖത്തു നിന്നും അല്‍പസമയത്തേക്ക് ടവല്‍ മാറ്റി നല്ല വായു കൊള്ളിക്കാം.

മാസത്തില്‍ രണ്ടുപ്രാവശ്യം മാത്രം ആവികൊള്ളുക. അമിതമായാല്‍ ചര്‍മം വരളുകയും വിണ്ടുകീറുകയും ചെയ്യും. ചൂട് അമിതമാകാതിരിക്കാനും ശ്രദ്ധിക്കണം. ഇതും മുഖചര്‍മ്മത്തെ ദോഷകരമായി ബാധിക്കും.

മുടി കൊഴിച്ചില്‍ ഇന്ന് പെണ്‍കുട്ടികള്‍ നേരിടുന്ന പ്രധാന പ്രശ്‌നമാണ്. പുരുഷന്മാര്‍ കഷണ്ടി ട്രെന്റാക്കുന്നതു പോലെ പെണ്‍കുട്ടികള്‍ക്ക് അത് സാധ്യമല്ല. മുടി കൊഴിയുന്ന പ്രശ്‌നം പരിഹരിക്കാന്‍ പല എണ്ണകളും ഉപയോഗിച്ച് നിങ്ങള്‍ തളര്‍ന്നോ?

അതൊന്നും നിങ്ങള്‍ക്ക് ഫലം ചെയ്തില്ലെങ്കില്‍ നിര്‍ത്തിക്കോളൂ.. നിങ്ങള്‍ ഇഷ്ടപ്പെടുന്ന ആഹാര പദാര്‍ത്ഥങ്ങള്‍ നിങ്ങളെ സഹായിക്കും.

ഈ പറയുന്ന ഒന്‍പത് ഭക്ഷണങ്ങളെകുറിച്ച് നിങ്ങള്‍ അറിഞ്ഞിരിക്കണം. പോഷക ഗുണങ്ങള്‍ ധാരാളം അടങ്ങിയ ഈ ഭക്ഷണങ്ങള്‍ നിങ്ങളുടെ മുടികൊഴിച്ചില്‍ മാറ്റുകയും മുടിയെ ആരോഗ്യമുള്ളതാക്കുകയും ചെയ്യും.

1. ചീര
ഭക്ഷണത്തില്‍ പ്രധാനമായും ഉള്‍പ്പെടുത്തേണ്ട ഒന്നാണ് ചീര. വീട്ടുവളപ്പില്‍ വളര്‍ത്തുന്ന ചീരയാണെങ്കില്‍ വളരെ നല്ലത്. വീട്ടിലെ മുത്തശ്ശിമാര്‍ പറയുന്ന കേള്‍ക്കാറില്ലേ..ചീര കണ്ണിനും ആരോഗ്യത്തിനും ഉത്തമമാണെന്ന്. മുടിയെയും ചീര സംരക്ഷിക്കും. ധാരാളം ഇരുമ്പും, വൈറ്റമിന്‍ എ,സി യും പ്രോട്ടീനും അടങ്ങിയിട്ടുണ്ട്. ചീര ഒമേഗ-3 ആസിഡും, പൊട്ടാസിയം, കാത്സ്യം എന്നിവയും ഉല്‍പാദിപ്പിക്കുന്നു.

2.മുട്ട
മുട്ട മുടികൊഴിച്ചിലിന് ഉത്തമമാണ്. പ്രോട്ടീന്‍, വൈറ്റമിന്‍ ബി12,ഇരുമ്പ്, സിങ്ക് എന്നിവ അടങ്ങിയിരിക്കുന്നു. ഡയറി പദാര്‍ത്ഥങ്ങളില്‍ ബയോട്ടിന്‍ അടങ്ങിയിട്ടുണ്ട്. ഇത് മുടികൊഴിച്ചില്‍ തടയും.

3.വാള്‍നട്ട്
നിങ്ങളുടെ ഡയറ്റില്‍ വാള്‍നട്ട് ഉള്‍പ്പെടുത്തുക. ബയോട്ടിന്‍, ബി വൈറ്റമിന്‍സ്, മെഗ്നീഷ്യം, പ്രോട്ടീന്‍ എന്നിവ അടങ്ങിയിരിക്കുന്നു. ഇത് നിങ്ങളുടെ മുടിക്ക് ശക്തി നല്‍കുന്നു.

4.പേരക്ക
വൈറ്റമിന്‍ സിയുടെ കലവറയാണ് പേരക്ക. പേരയുടെ ഇല തിളപ്പിച്ച വെള്ളം ഉപയോഗിച്ച് തല കഴുകുന്നത് നല്ലതാണെന്ന് പൊതുവെ പറയാറുണ്ട്. പേരക്ക കഴിക്കുന്നതും മുടിക്ക് നല്ലതാണ്.

5.തുവര
പയര്‍ വര്‍ഗത്തില്‍ ഏറ്റവും പോഷക ഗുണമുള്ള ഒന്നാണ് തുവര. പ്രോട്ടീന്‍, അയേണ്‍, സിങ്ക്, ബയോട്ടിന്‍ എന്നിവ ഇതില്‍ അടങ്ങിയിരിക്കുന്നു. ഇതില്‍ അടങ്ങിയിരിക്കുന്ന ഫോളിക് ആസിഡ് രക്തം നല്ല രീതിയില്‍ വിതരണം ചെയ്യാന്‍ സഹായിക്കും. നല്ല ഓക്‌സിജനും വഴിയൊരുക്കുന്നു. ഇത് മുടി പൊട്ടിപോകുന്നത് തടയുന്നു.

6.ബാര്‍ലി
വൈറ്റമിന്‍ ഇ ധാരാളം അടങ്ങിയ ബാര്‍ലിയും മുടിയെ ചികിത്സിക്കും.

7.ചണവിത്ത്
ഒമേഗ-3 ഫാറ്റി ആസിഡ് അടങ്ങിയ ചണവിത്ത് താരനും മുടികൊഴിച്ചിലിനും നല്ലതാണ്.

8.ചിക്കന്‍
പൂര്‍ണ്ണ വെജിറ്റേറിയന്‍ ആകുന്നത് നല്ലതല്ല. ഇടയ്ക്ക് മത്സ്യവും ചിക്കനും ഉള്‍പ്പെടുത്താവുന്നതാണ്.

9.ക്യാരറ്റ് ജ്യൂസ്
കണ്ണിനും മുടിക്കും തൊലിക്കും ഏറ്റവും ഉത്തമമായ ഒന്നാണ് ക്യാരറ്റ് ജ്യൂസ്. ദിവസവും ഒരു ക്ലാസ് ക്യാരറ്റ് ജ്യൂസ് കഴിക്കുന്നതും നല്ലതാണ്.

മുപ്പത് വയസിനു ശേഷവും മനസ്സ് ചെറുപ്പമായി നിലനിര്‍ത്താം പക്ഷേ ചര്‍മ്മത്തിനുണ്ടാകുന്ന മാറ്റങ്ങള്‍ സ്വീകരിച്ചല്ലെ പറ്റൂ. മുപ്പത് വയസു കഴിഞ്ഞാല്‍ പലരെയും അലട്ടുന്ന പ്രശ്‌നമാണ് വരണ്ട സ്‌കിന്‍, ചുളിവുകള്‍ തുടങ്ങിയ മാറ്റങ്ങള്‍. ഇതിന് ശേഷമായിരിക്കും ചര്‍മ്മസംരക്ഷണത്തെ കുറിച്ച് ചിന്തിച്ചു തുടങ്ങുന്നത് തന്നെ. മുപ്പതുകളിലെ ചര്‍മ്മ സംരക്ഷണം ഗൗരവമായി തന്നെ എടുക്കാം, ഇതിനായി ചില നിര്‍ദ്ദേശങ്ങള്‍ താഴെ പറയുന്നു.

ഫെയ്‌സ് സിറം

മുപ്പതിനു ശേഷം ഫെയ്‌സ് സിറം തീര്‍ച്ചയായും ഉപയോഗിക്കണം. ഓരോരുത്തരുടെയും സ്‌കിന്‍ടൈപ്പിനു ചേര്‍ന്ന സിറമായിരിക്കണം തെരഞ്ഞെടുക്കേണ്ടത്. ഇത് മുഖം മൃദുവാകുന്നതിന് സഹായിക്കും മാത്രമല്ല നിറം വര്‍ധിക്കുന്നതിനും മുഖത്തെ ഡ്രൈനസ് മാറ്റുന്നതിനും ഇത് സഹായിക്കും.

മോയ്‌സ്ചറൈസര്‍

മുപ്പതുകളില്‍ ചര്‍മ്മം കൂടുതല്‍ വരണ്ടതാകുന്നു, അതുകൊണ്ട് നിങ്ങള്‍ക്കു ചേര്‍ന്ന മോയ്‌സ്ച്ചറൈസര്‍ എപ്പോഴും ഉപയോഗിക്കുക.

സണ്‍സ്‌ക്രീന്‍ ലോഷന്‍

സണ്‍സ്‌ക്രീന്‍ ക്രീമിന്റെ ഉപയോഗമാണ് മറ്റൊന്ന്. മുപ്പതിനു ശേഷം സ്‌കിന്‍ കൂടുതല്‍ സെന്‍സിറ്റീവ് ആകുന്നു. സൂര്യാഘാതം പോലുള്ളവ സംഭവിക്കാന്‍ സാധ്യത കൂടുതലാണ്. അത് കൊണ്ട് പുറത്തിറങ്ങുമ്പോള്‍ സണ്‍സ്‌ക്രീന്‍ ലോഷന്‍ ഉപയോഗിക്കാന്‍ മറക്കണ്ട.

ഐ ക്രീം

ഈ സമയമുണ്ടാകുന്ന മറ്റൊരു പ്രശ്‌നമാണ് കണ്ണിന് ചുറ്റുമുണ്ടാകുന്ന കറുത്ത പാടുകളും ചുളിവുകളും. ഇത് തടയാണ് ഐ ക്രീം ഉപയോഗിക്കാം. എന്നാല്‍ കണ്ണിന് ചുറ്റും മറ്റ് ക്രീമുകള്‍ ഉപയോഗിക്കുന്നത് നല്ലതല്ല. കണ്ണിന് ചുറ്റുമുള്ള കറുക്ക പാടുകള്‍ നീക്കം ചെയ്യാന്‍ വെള്ളരിക്കയും ഉപയോഗിക്കാവുന്നതാണ്.

ഫേഷ്യല്‍ ഓയില്‍ മസ്സാജ്

മാസത്തില്‍ രണ്ട് തവണയെങ്കിലും ഫേഷ്യല്‍ ഓയില്‍ ഉപയോഗിച്ച് മുഖം മസ്സാജ് ചെയ്യണം. ഇത് സ്‌കിന്‍ ഹൈഡ്രേറ്റ് ചെയ്ത് തിളക്കം വര്‍ധിപ്പിക്കുന്നതിന് സഹായിക്കും.

ഫെയ്‌സ് സ്‌ക്രബ്

ഫെയ്‌സ് വാഷിനൊപ്പം തന്നെ പ്രധാനപ്പെട്ടതാണ് സ്‌ക്രബും. ആഴ്ച്ചയില്‍ രണ്ട് തവണ ഇത് ഉപയോഗിച്ച് മുഖം കഴുകാം. ഡെഡ് സ്‌കിന്‍ നീക്കം ചെയ്യുന്നതിനും ബ്ലഡ് സര്‍ക്കുലേഷന്‍ വര്‍ധിക്കുന്നതിനും സ്‌ക്രബ് ഉപയോഗിച്ചുള്ള ഫേസ് മസ്സാജ് സഹായിക്കും.

നൈറ്റ് ക്രീം

രാത്രി കിടക്കുന്നതിന് മുമ്പ് നൈറ്റ് ക്രീം ഉപയോഗിക്കാന്‍ മറക്കരുത്. മറ്റെല്ലാം പോലെ തന്നെ സ്‌കിന്‍ടൈപ്പിനു ചേര്‍ന്ന ക്രീം വേണം തെരഞ്ഞെടുക്കാന്‍.

ശ്രദ്ധിക്കേണ്ട മറ്റൊന്നാണ് മേക്കപ്പ് റിമൂവര്‍, വീര്യം കുറഞ്ഞ റിമൂവര്‍ മാത്രം ഉപയോഗിക്കുക. അല്ലെങ്കില്‍ മുഖത്ത് എളുപ്പത്തില്‍ ചുളിവുകള്‍ വീഴാന്‍ സാധ്യതയുണ്ട്

നിങ്ങളുടെ ലൈംഗിക അവയവങ്ങള്‍ ശരീരത്തിന്റെ മറ്റുഭാഗങ്ങളെ അപേക്ഷിച്ച് ഇരുണ്ടിരിക്കുന്നത് എന്താണെന്ന് നിങ്ങള്‍ ആലോചിച്ചിട്ടുണ്ടോ? ലിംഗം, മുലക്കണ്ണുകള്‍, മുലക്കണ്ണിന് ചുറ്റുമുള്ള ചര്‍മ്മം, യോനിയുടെ ചില ഭാഗങ്ങള്‍ എന്നിവ സ്‌കിന്നിന്റെ നിറത്തേക്കാള്‍ കൂടുതല്‍ ഇരുണ്ടിരിക്കും. എന്തായിരിക്കും ഇതിന് കാരണം?

യൗവ്വനാരംഭത്തിലാണ് ഇത് സംഭവിക്കുന്നതെന്നാണ് വിദഗ്ധര്‍ പറയുന്നത്. ശരീരത്തില്‍ സെക്‌സ് ഹോര്‍മോണുകള്‍ വര്‍ധിച്ചുവരുമ്പോള്‍ ശരീരം മെലാനിന്റെ ഉല്പാദനം ത്വരിതപ്പെടും. മുടിയുടെയും സ്‌കിന്നിന്റെയും നിറത്തിന് കാരണമാകുന്ന അമിനോ ആസിഡാണ് മെലാനിന്‍.
ഇതിന്റെ ഫലമായാണ് മേല്‍പ്പറഞ്ഞ ഭാഗങ്ങള്‍ ഇരുണ്ട് കാണപ്പെടുന്നത്. ഇത് സാധാരണ സംഭവമാണെങ്കിലും പ്രായമായശേഷവും ഈ ഭാഗങ്ങള്‍ കൂടുതല്‍ ഇരുണ്ട് വരുന്നുണ്ടെങ്കില്‍ അത് ഗുരുതരമായ രോഗങ്ങളുടെ ലക്ഷണമാകാമെന്ന് വിദഗ്ധര്‍ മുന്നറിയിപ്പു നല്‍കുന്നു.

‘ശരീരത്തില്‍ പഞ്ചസാരയുടെ അളവ് വര്‍ധിക്കുമ്പോഴും പ്രമേഹം വരുമ്പോഴും ശരീരത്തിന്റെ ചില ഭാഗങ്ങള്‍ കൂടുതല്‍ ഇരുണ്ടുവരാം’ കൊളംബിയ യൂണിവേഴ്‌സിറ്റി മെഡിക്കല്‍ സെന്ററിലെ ചര്‍മ്മരോഗ വിദഗ്ധയായ ലിന്‍സെ ബോര്‍ഡോണ്‍ പറയുന്നു.

കുട്ടിക്കാലത്ത് ലൈംഗികാവയവങ്ങള്‍ക്ക് മറ്റുഭാഗങ്ങളിലേതിനു സമാനമായ നിറയമായിരിക്കും. പെണ്‍കുട്ടികള്‍ ചെറുപ്രായത്തില്‍ മുലക്കണ്ണുകളുടെ നിറം മങ്ങിയതായിരിക്കും. എന്നാല്‍ അവര്‍ വളരുന്നതനുസരിച്ച് മുലക്കണ്ണുകള്‍ ഇരുണ്ടുവരുമെന്നും ബോര്‍ഡോണ്‍ പറയുന്നു.
ആണ്‍കുട്ടികളുടെ കാര്യത്തിലും ഇതുതന്നെയാണ് സ്ഥിതി. എന്നാല്‍ സ്ത്രീകള്‍ ആര്‍ത്തവം ആരംഭിക്കുമ്പോള്‍ ശരീരത്തില്‍ ഈസ്ട്രജന്റെ അളവ് കൂടും. പുരുഷന്മാരിലാണെങ്കില്‍ ടെസ്റ്റോസ്റ്റിറോണ്‍ കൂടും.ഇത് മെലാനിന്‍ നിര്‍മ്മിക്കുന്ന ചര്‍മ്മകോശങ്ങളെ നിയന്ത്രിക്കുമെന്ന് ന്യൂയോര്‍ക്കിലെ സിനൈ മെഡിക്കല്‍ സെന്ററിലെ ചര്‍മ്മരോഗവിദഗ്ധനായ ഡോ. കാമറോണ്‍ റോഖ്‌സാര്‍ പറയുന്നു.

മെലനോസൈറ്റുകള്‍ കളര്‍ ഉല്പാദിപ്പിക്കുന്നത് ഈ ഹോര്‍മോണുകള്‍ നിയന്ത്രിക്കുമെന്നും അദ്ദേഹം പറയുന്നു. സ്ത്രീകളില്‍ മുതിര്‍ന്നശേഷവും ഹോര്‍മോണുകള്‍ കളര്‍ നിയന്ത്രിക്കും. സ്ത്രീകള്‍ ഗര്‍ഭിണിയായിരിക്കുമ്പോള്‍ ഈസ്‌ട്രോജന്റെ അളവ് വന്‍തോതില്‍ വര്‍ധിക്കും. ഹോര്‍മോണിലുണ്ടാവുന്ന ഈ വര്‍ധനവ് സ്ത്രീകളുടെ മുഖത്ത് നിറവ്യത്യാസമുണ്ടാകാനും ഇടയാക്കും.

ഗര്‍ഭാവസ്ഥയില്‍ വയറിന്റെ ഭാഗത്തും ഇരുണ്ടുവരുമെന്ന് ഡോ.റോഖ്‌സാര്‍ പറയുന്നു. ഇറുകിയ അടിവസ്ത്രങ്ങള്‍ ധരിക്കുന്ന പുരുഷന്മാരുടെ ലിംഗം കൂടുതല്‍ ഇരുണ്ടവരുമെന്നും വിദഗ്ധര്‍ പറയുന്നു.