blogadmin - ആരോഗ്യ അറിവുകൾ

ചോക്ലേറ്റ് കഴിക്കുന്നതിന്‍റെ ഗുണങ്ങൾ

by blogadmin ആരോഗ്യം ചോദ്യങ്ങൾ on April 25, 2022

ചോക്ലേറ്റ് പൊതുവെ ആരോഗ്യത്തിനും പല്ലിനും നല്ലതല്ല എന്ന ആശങ്ക പലർക്കും ഉണ്ട്. എന്നാൽ ഇത് പൂർണ്ണമായും സത്യമല്ല. ചോക്ലേറ്റ് കഴിക്കുന്നത് കൊണ്ട് നമ്മൾ പോലും അറിയാത്ത നിരവധി ഗുണങ്ങളുണ്ട്.

ആരോഗ്യത്തിന് നല്ലതെന്ന് കരുതപ്പെടുന്ന ഡാർക്ക് ചോക്ലേറ്റിൽ ധാരാളം പോഷകങ്ങൾ അടങ്ങിയിട്ടുണ്ട്. കൊക്കോ കായിൽ നിന്ന് തയ്യാറാക്കുന്ന ചോക്ലേറ്റ് ആന്‍റി ഓക്‌സിഡന്‍റുകളുടെ മികച്ച ഉറവിടമാണ്.

ഡാർക്ക് ചോക്ലേറ്റ് കഴിക്കുന്നത് ആരോഗ്യം മെച്ചപ്പെടുത്തുക മാത്രമല്ല ഹൃദയ സംബന്ധമായ അസുഖങ്ങൾ അകറ്റുകയും ചെയ്യുമെന്ന് പല പഠനങ്ങളിലും തെളിയിക്കപ്പെട്ടിട്ടുണ്ട്. ഡാർക്ക് ചോക്ലേറ്റ് കഴിക്കുന്നതിന്‍റെ ഗുണങ്ങൾ അറിയാം…

ഡാർക്ക് ചോക്ലേറ്റ് ആരോഗ്യവും പോഷകങ്ങളും നിറഞ്ഞതാണ്

ചോക്ലേറ്റിൽ ധാരാളം പോഷകങ്ങൾ അടങ്ങിയിട്ടുണ്ട്. ഏറ്റവും മികച്ച ഗുണനിലവാരമുള്ള ഡാർക്ക് ചോക്ലേറ്റ് മാത്രം വാങ്ങുക എന്നതാണ് ഏറ്റവും പ്രധാനം. ധാരാളം നാരുകൾ ചോക്ലേറ്റിലും കാണപ്പെടുന്നു, മാത്രമല്ല ഇത് പലതരം ലവണങ്ങളുടെ നല്ല ഉറവിടവുമാണ്.

ഡാർക്ക് ചോക്ലേറ്റില്‍ ഫാറ്റി ആസിഡുകൾ നല്ല അളവിൽ കാണപ്പെടുന്നു. തൽക്ഷണം ഊർജ്ജം ലഭിക്കാൻ ഡാർക്ക് ചോക്ലേറ്റ് കഴിക്കുന്നത് ഗുണം ചെയ്യും. കുറഞ്ഞ രക്തസമ്മർദ്ദം ഉണ്ടെങ്കിൽ അത് പരിഹരിക്കാൻ ഡാർക്ക്‌ ചോക്ലേറ്റ് സഹായിക്കും. ഇതിലടങ്ങിയിരിക്കുന്ന നാരുകൾ, ഇരുമ്പ്, മഗ്നീഷ്യം, ചെമ്പ്, മാംഗനീസ് എന്നിവ തൽക്ഷണ ഊർജ്ജം നൽകുന്നതിന് സഹായിക്കുന്നു.

ആന്‍റി ഓക്സിഡന്‍റുകളുടെ മികച്ച ഉറവിടം

പല തരത്തിലുള്ള മികച്ച ഗുണമേന്മയുള്ള ആന്‍റി ഓക്‌സിഡന്‍റുകൾ കൊക്കോയിലും ഡാർക്ക് ചോക്കലേറ്റിലും കാണപ്പെടുന്നു. ഇതിലടങ്ങിയിരിക്കുന്ന ആന്‍റി ഓക്‌സിഡന്‍റുകൾ മറ്റേതൊരു ഭക്ഷണ പദാർഥത്തിലും കാണപ്പെടുന്ന ആന്‍റി ഓക്‌സിഡന്‍റുകളേക്കാൾ മികച്ചതും ഫലപ്രദവുമാണ്.

രക്തയോട്ടം നിയന്ത്രിക്കാനും രക്തസമ്മർദ്ദം കുറയ്ക്കാനും

കൊക്കോയിലും ഡാർക്ക് ചോക്കലേറ്റിലും പല തരത്തിലുള്ള ബയോ- ആക്ടീവ് സംയുക്തങ്ങൾ ധാരാളമായി അടങ്ങിയിരിക്കുന്നു. ഇക്കാരണത്താൽ ധമനികളിലെ രക്തയോട്ടം മികച്ചതാക്കുന്നു. അതേ സമയം കുറഞ്ഞ രക്തസമ്മർദ്ദത്തിന് ഇത് ഒരു പരിധി വരെ വളരെ നല്ല പരിഹാരം ആകുകയും ചെയ്യുന്നു.

ഹൃദ്രോഗ സാധ്യത കുറയ്ക്കുന്നു

ഡാർക്ക് ചോക്ലേറ്റ് കഴിക്കുന്നത് ഹൃദയ സംബന്ധമായ അസുഖങ്ങൾക്കുള്ള സാധ്യത വളരെ കുറയ്ക്കുമെന്ന് പല പഠനങ്ങളും സ്ഥിരീകരിച്ചിട്ടുളളത്. ചോക്ലേറ്റ് കഴിക്കുന്നവർക്ക് ഇത്തരം പ്രശ്‌നങ്ങൾ കുറവാണ്.

തലച്ചോറിന്‍റെ പ്രവർത്തനം മെച്ചപ്പെടുത്താൻ

തലച്ചോറിന്‍റെ പ്രവർത്തനം നല്ല രീതിയിലായിരിക്കാനും ഡാർക്ക് ചോക്ലേറ്റ് ഒരു സഹായക ഘടകമായി പ്രവർത്തിക്കുന്നു. അഞ്ച് ദിവസം തുടർച്ചയായി ഡാർക്ക് ചോക്ലേറ്റ് കഴിക്കുന്നത് തലച്ചോറിന്‍റെ പ്രവർത്തനത്തെ ശക്തിപ്പെടുത്തുമെന്ന് ഒരു പഠനം പറയുന്നു. ഇതിൽ അടങ്ങിയിരിക്കുന്ന കഫീൻ, തിയോബ്രോമിൻ എന്നിവ തലച്ചോറിന്‍റെ പ്രവർത്തനം വർദ്ധിപ്പിക്കാൻ സഹായിക്കുന്നു.

ചർമ്മത്തെ സരംക്ഷിക്കുന്നു

ചോക്ക്ലേറ്റില്‍ അടങ്ങിയിരിക്കുന്ന ബയോ- ആക്ടീവ് സംയുക്തങ്ങൾ സൂര്യപ്രകാശമേറ്റ് ഉണ്ടാകുന്ന സൂര്യാഘാതത്തിൽ നിന്ന് ചർമ്മത്തെ സംരക്ഷിക്കുന്നു. കൊക്കോയിൽ അടങ്ങിയിരിക്കുന്ന ഫ്ളവനോളുകള്‍ക്ക് ചർമ്മത്തിലേക്കുള്ള രക്തയോട്ടം വർദ്ധിപ്പിക്കാനും ചർമ്മത്തിലെ സാന്ദ്രതയും ജലാംശവും മെച്ചപ്പെടുത്താനും കഴിയും.

HDL ഉയർത്തുകയും LDL ഓക്സീകരണത്തിൽ നിന്ന് സംരക്ഷിക്കുന്നു

കൊക്കോ പൗഡർ പുരുഷന്മാരിൽ ഓക്സിഡൈസ്ഡ് മോശം കൊളസ്ട്രോൾ (LDL) ഗണ്യമായി കുറയ്ക്കുന്നു എന്ന് പല പഠനങ്ങളിലും പ്രതിപാദിച്ചിട്ടുണ്ട്. ഉയർന്ന കൊളസ്ട്രോൾ ഉള്ളവരില്‍ HDL വർദ്ധിപ്പിക്കുകയും LDL കുറയ്ക്കുകയും ചെയ്യുന്നു. ഡാർക്ക് ചോക്ലേറ്റില്‍ അടങ്ങിയിരിക്കുന്ന ഘടകങ്ങള്‍ ചില രോഗങ്ങളെ പ്രതിരോധിക്കുന്ന പ്രധാന ഘടകങ്ങളെ മെച്ചപ്പെടുത്തുന്നു. എച്ച്ഡിഎൽ വർദ്ധിപ്പിക്കുകയും ഇൻസുലിൻ സംവേദനക്ഷമത മെച്ചപ്പെടുത്തുകയും ചെയ്യുന്നു കൂടാതെ ഓക്സിഡേറ്റീവ് LDL നില കുറയ്ക്കുകയും ചെയ്യുന്നു.

ആരോഗ്യം ഡയറ്റ്

എനർജി നൽകും 5 ഭക്ഷണങ്ങൾ

by blogadmin ആരോഗ്യം ഡയറ്റ് on April 19, 2022

ആരോഗ്യകരമായ മെറ്റബോളിസം നിലനിർത്തുന്നതിനൊപ്പം നമ്മുടെ ഊർജ്ജ നില വർദ്ധിപ്പിക്കാനും സഹായിക്കുന്ന ഭക്ഷണങ്ങൾ.

ആളുകൾക്ക് തുടർച്ചയായി ക്ഷീണം അനുഭവപ്പെടുന്നത് ഇന്ന് വളരെ സാധാരണമായ ഒരു പ്രശ്നമായി മാറിയിരിക്കുന്നു. ഇക്കാരണത്താൽ, ചെറിയ ജോലികൾ പോലും ചെയ്യാൻ ബുദ്ധിമുട്ടുള്ളതായി മാറുകയും. ഇത് അവരുടെ ഉൽപാദനക്ഷമതയെ നേരിട്ട് ബാധിക്കുകയും ചെയ്യുന്നു. പലപ്പോഴും നമ്മൾ ക്ഷീണത്തെ വാർദ്ധക്യവുമായി നേരിട്ട് ബന്ധപ്പെടുത്തി കാണാൻ തുടങ്ങുന്നു. അതേസമയം പ്രായത്തെ കുറ്റപ്പെടുത്തുന്നത് ശരിയല്ല. കാരണം ക്ഷീണവും ബലഹീനതയും നമ്മുടെ ഭക്ഷണക്രമവുമായി നേരിട്ട് ബന്ധപ്പെട്ടിരിക്കുന്നു. ഇത് നമ്മുടെ ഊർജ്ജ നില കുറയ്ക്കാൻ കാരണമാകുന്നു. അതിനാൽ, ശരീരത്തിന്‍റെ ആവശ്യങ്ങൾ നിറവേറ്റുന്നതിന് ആരോഗ്യകരമായ ഭക്ഷണ ഓപ്ഷനുകൾ സ്വീകരിക്കേണ്ടത് വളരെ പ്രധാനമാണ്. ഇത് നമ്മുടെ ജോലിയിൽ ശ്രദ്ധ വർദ്ധിപ്പിക്കുന്നതിനൊപ്പം നമ്മുടെ ഊർജ്ജ നിലയും വർദ്ധിപ്പിക്കുന്നു. ബൂസ്റ്ററിന്‍റെ സ്ഥാപകനും സിഇഒയുമായ ഝൂമർ സിൻഹയിൽ നിന്ന് ഇതുമായി ബന്ധപ്പെട്ട് ചില കാര്യങ്ങൾ നമുക്ക് അറിയാം.

പച്ചക്കറികളും പഴങ്ങളും

ആരോഗ്യകരമായ മെറ്റബോളിസം നിലനിർത്തുന്നതിനൊപ്പം നമ്മുടെ ഊർജ്ജ നില വർദ്ധിപ്പിക്കാൻ ഏറ്റവും സഹായിക്കുന്നത് പച്ചക്കറികളും പഴങ്ങളും ആണ്. കൂടാതെ, കാർബോഹൈഡ്രേറ്റ്, നല്ല കൊഴുപ്പ് തുടങ്ങിയ മാക്രോ ന്യൂട്രിയന്‍റുകളെ ആരോഗ്യകരമായി നിലനിർത്താനും കഴിയും. ശരീരത്തിന് എനർജി നൽകാനും അതുപോലെ തന്നെ ദിവസം മുഴുവൻ നമ്മെ ഊർജ്ജസ്വലരായി നിലനിർത്താനും സഹായിക്കുന്നു. നാരുകളുടെ നല്ല ഉറവിടമായതിനാൽ പച്ചക്കറികള്‍ ദഹനവ്യവസ്ഥയ്ക്ക് വളരെ നല്ലതായി കണക്കാക്കപ്പെടുന്നു. എന്നാൽ പഴങ്ങളിൽ പഞ്ചസാരയുടെ അളവ് ശ്രദ്ധിക്കേണ്ടതും വളരെ പ്രധാനമാണ്. കാരണം നിങ്ങൾ ദിവസവും പഴങ്ങൾ കൂടുതലായി കഴിക്കുകയാണെങ്കിൽ അത് നിങ്ങളുടെ രക്തത്തിലെ പഞ്ചസാരയുടെ അളവ് വർദ്ധിപ്പിക്കും, ഇത് നിങ്ങളുടെ ഊർജ്ജ നില കുറയ്ക്കും. അതുകൊണ്ട് തന്നെ പ്രമേഹം ഉണ്ടെങ്കിൽ ദിവസവും ഒരു പഴം മാത്രം കഴിക്കുക.

ഇടത്തരം വലിപ്പമുള്ള ആപ്പിളിൽ കാർബോഹൈഡ്രേറ്റും കലോറിയും വളരെ കുറവാണ്. കൂടാതെ ധാരാളം ഫൈബർ, വിറ്റാമിൻ സി, ആന്‍റിഓക്‌സിഡന്‍റുകൾ എന്നിവയും ഇതിൽ അടങ്ങിയിരിക്കുന്നു.

ഒരു കിവിയിൽ 10 ഗ്രാം കാർബോഹൈഡ്രേറ്റും 42 കലോറിയും ഉള്ളതിനാൽ, ഇത് നിങ്ങളുടെ ഭക്ഷണത്തിൽ ഉൾപ്പെടുത്താം. ഇതിൽ ധാരാളം നാരുകൾ, പൊട്ടാസ്യം, വിറ്റാമിൻ സി എന്നിവ അടങ്ങിയിട്ടുണ്ട്, ആരോഗ്യത്തിന് ഗുണം ചെയ്യും.

ഒരു ഇടത്തരം വലിപ്പമുള്ള ഓറഞ്ചിന് ഒരു ദിവസം 70% വിറ്റാമിൻ സി നൽകാൻ കഴിയും. കൂടാതെ, ഇതിൽ ഫോളേറ്റ്, പൊട്ടാസ്യം, വിറ്റാമിൻ സി എന്നിവയുടെ സാന്നിധ്യം ഉള്ളതിനാൽ, ഇത് നിങ്ങളുടെ ആരോഗ്യം നിലനിർത്തുന്നതിനും രക്തസമ്മർദ്ദം നിയന്ത്രണത്തിലാക്കുന്നതിനും സഹായിക്കുന്നു.

സ്ട്രോബെറി പ്രമേഹത്തിനുള്ള സൂപ്പർഫുഡായി കണക്കാക്കപ്പെടുന്നു. കാരണം ആന്‍റി ഓക്‌സിഡന്‍റുകളാലും നാരുകളാലും സമ്പുഷ്ടമാണ്.

കൂൺ

ഊർജ്ജത്തിന്‍റെ ശക്തികേന്ദ്രങ്ങൾ എന്ന് കൂണിനെ വിളിച്ചാൽ തെറ്റില്ല. ഇതിൽ ഫോളേറ്റ്, റൈബോഫ്ലേവിൻ, നിയാസിൻ, പാന്റോതെനിക് ആസിഡ് തുടങ്ങിയ ബി വിറ്റാമിനുകൾ അടങ്ങിയിട്ടുണ്ട്, ഇത് നാം കഴിക്കുന്ന ഭക്ഷണത്തിൽ നിന്ന് ശരീരത്തിന് ഊർജ്ജം നൽകാൻ സഹായിക്കുന്നു. കോശങ്ങളുടെ ശക്തികേന്ദ്രങ്ങൾ എന്ന് വിളിക്കപ്പെടുന്ന മൈറ്റോകോൺ‌ഡ്രിയയ്ക്ക് ഇന്ധനം നൽകാനും ചുവന്ന രക്താണുക്കളുടെ ഉത്പാദനത്തിനും ഇത് സഹായിക്കുന്നു. പച്ചക്കറിയായോ സാലഡ് ആയോ സാൻഡ്‌വിച്ചോ ലഘുഭക്ഷണമായോ ഉൾപ്പെടുത്തി നിങ്ങൾക്ക് ആരോഗ്യം നിലനിർത്താം.

ഒരു ബൗൾ റോ കൂണിലെ പോഷകാഹാര മൂല്യം

ഇരുമ്പ് – 0.4 മില്ലിഗ്രാം

കൊഴുപ്പ് – 0.2 ഗ്രാം

കാർബോഹൈഡ്രേറ്റ്സ് – 2.3 ഗ്രാം

ഫൈബർ – 0.7 ഗ്രാം

പ്രോട്ടീൻ – 2.2 ഗ്രാം

പൊട്ടാസ്യം – 223 മില്ലിഗ്രാം

ചെമ്പ് – 0.2 മില്ലിഗ്രാം

മധുരക്കിഴങ്ങ്

ശാരീരിക പ്രവർത്തനങ്ങൾ നിലനിർത്തുന്നതിനുള്ള മികച്ച കാർബോഹൈഡ്രേറ്റുകളുടെ കാര്യത്തിൽ, മധുരക്കിഴങ്ങ് ഉരുളക്കിഴങ്ങിനേക്കാൾ മികച്ചതും ആരോഗ്യകരവുമായ ഓപ്ഷനായി കണക്കാക്കപ്പെടുന്നു. കാരണം രുചി മാത്രമല്ല, നാരുകളും പൊട്ടാസ്യവും ധാരാളം അടങ്ങിയിട്ടുണ്ട്. ഇലക്‌ട്രോലൈറ്റ് ബാലൻസ് നിലനിർത്തുന്നതിനും രക്തസമ്മർദ്ദം കുറയ്ക്കുന്നതിനും പൊട്ടാസ്യം സഹായിക്കുന്നു. സമ്മർദ്ദവും ക്ഷീണവും കുറയ്ക്കുന്നതിലൂടെ നിങ്ങൾക്ക് ആശ്വാസം നൽകും.

ഒരു വലിയ മധുരക്കിഴങ്ങിലെ പോഷകാഹാര മൂല്യം

സോഡിയം – 69 മില്ലിഗ്രാം

കാർബോഹൈഡ്രേറ്റ്സ് – 25 ഗ്രാം

ഫൈബർ – 3.2 ഗ്രാം

പൊട്ടാസ്യം – 438 മില്ലിഗ്രാം

പ്രോട്ടീൻ – 3.6 ഗ്രാം

100 ഗ്രാം മധുരക്കിഴങ്ങിൽ 400 ശതമാനത്തിലധികം വിറ്റാമിൻ എ കാണപ്പെടുന്നു.

മുട്ട

ഒരു മുട്ടയിൽ ഉയർന്ന ഗുണമേന്മയുള്ള പ്രോട്ടീനും ആരോഗ്യകരമായ കൊഴുപ്പും അടങ്ങിയിട്ടുണ്ട്. മുട്ടയിൽ കാണപ്പെടുന്ന നിരവധി വിറ്റാമിനുകളും ധാതുക്കളും ഉണ്ട്. അയേൺ, കോളിൻ, വിറ്റാമിൻ ഡി, ബി-12 എന്നിവ ഉൾപ്പെടുന്നു. മുട്ടയുടെ മഞ്ഞ ഏറ്റവും ഗുണകരവും പോഷകങ്ങൾ നിറഞ്ഞതുമാണ്. അതുകൊണ്ട് ദിവസവും ഒന്നോ രണ്ടോ പുഴുങ്ങിയ മുട്ടകൾ നിർബന്ധമായും കഴിക്കണം. ശരീരത്തിന്‍റെ എല്ലാ ക്ഷീണവും അകറ്റാനും ഇത് പ്രവർത്തിക്കുന്നു.

ഒരു പുഴുങ്ങിയ മുട്ടയിലെ പോഷകാഹാര മൂല്യം

പ്രോട്ടീൻ – ഏകദേശം 12 ഗ്രാം

ഫോസ്ഫറസ് – 90 മില്ലിഗ്രാം

സെലിനിയം – 20 മൈക്രോഗ്രാം

കാർബോഹൈഡ്രേറ്റ്സ് – 0.5 ഗ്രാം

ചീര

ഇരുമ്പ്, മഗ്നീഷ്യം, പൊട്ടാസ്യം എന്നിവയാൽ സമ്പന്നമായ ഒരു പച്ച ഇലക്കറിയാണ് ചീര. ഇരുമ്പ് ഒരു പ്രധാന ധാതുവാണ്. ഇത് ശ്വാസകോശങ്ങളിൽ നിന്ന് ശരീരത്തിന്‍റെ മറ്റ് ഭാഗങ്ങളിലേക്ക് ആരോഗ്യകരമായ രീതിയിൽ ഓക്സിജൻ എത്തിക്കാൻ സഹായിക്കുന്നു. നിങ്ങളുടെ ശരീരത്തിൽ മെച്ചപ്പെട്ട ഊർജ്ജ നിലയും ഏകാഗ്രതയും നിലനിർത്താൻ സഹായിക്കും. ശരീരത്തിൽ ഇരുമ്പിന്‍റെ കുറവുണ്ടാകുമ്പോൾ അതിന്‍റെ പ്രയാസം എന്താണെന്ന് ആളുകൾക്ക് പലപ്പോഴും അറിയാം. അതുകൊണ്ട് തന്നെ ശരീരത്തിലെ ഇരുമ്പ് പൂർണമായി ലഭിക്കാൻ ചീര തീർച്ചയായും ഭക്ഷണത്തിൽ ഉൾപ്പെടുത്തുക.

100 ഗ്രാം ചീരയിലെ പോഷകമൂല്യം

ഇരുമ്പ് – 0.81 ഗ്രാം

മഗ്നീഷ്യം – 24 മില്ലിഗ്രാം

പൊട്ടാസ്യം – 150 മില്ലിഗ്രാം

ഫൈബർ – 2.4 ഗ്രാം

പ്രോട്ടീൻ – 2.5 ഗ്രാം

കാൽസ്യം – 30 മില്ലിഗ്രാം

നിങ്ങളുടെ ശരീരം ശരിയായി പ്രവർത്തിക്കുന്നതിന് നിങ്ങൾ ആവശ്യത്തിന് വെള്ളം കുടിക്കേണ്ടത് പ്രധാനമാണ്. വെള്ളം കലോറിയുടെ രൂപത്തിൽ ഊർജം നൽകുന്നില്ല, മറിച്ച് ശരീരത്തിലെ ഊർജ്ജ ഉൽപാദനത്തിന് സഹായിക്കുന്നു. ദിവസം മുഴുവൻ ധാരാളം വെള്ളം കുടിക്കുക, എന്നാൽ സോഡ, കാപ്പി, മറ്റ് കഫീൻ പാനീയങ്ങൾ എന്നിവ ഒഴിവാക്കുക.

കഫീൻ പാനീയങ്ങൾ ഹ്രസ്വകാല ഊർജ്ജ ബൂസ്റ്ററുകളാണ്. അതുകൊണ്ട് പരമാവധി അതിൽ നിന്ന് അകന്നു നിൽക്കുക.

സംസ്കരിച്ച ഭക്ഷണത്തിന്‍റെ സുലഭമായ ലഭ്യത കാരണം, നിങ്ങൾക്ക് എപ്പോൾ വേണമെങ്കിലും കഴിക്കാം. എന്നാൽ അവയിൽ ധാരാളം പ്രിസർവേറ്റീവുകൾ, ഉപ്പ്, ട്രാൻസ് ഫാറ്റുകൾ, കൃത്രിമ രാസവസ്തുക്കൾ എന്നിവ ചേർത്തിട്ടുണ്ടെന്ന് അറിയുക. ഇത് നിങ്ങളുടെ മെറ്റബോളിസത്തെ ദുർബലമാക്കുകയും ഊർജ്ജ നില കുറയ്ക്കുകയും ചെയ്യുന്നു.

സംസ്‌കരിച്ച ഭക്ഷണം കഴിക്കാൻ തോന്നുമ്പോഴെല്ലാം, ഒരുപിടി ഡ്രൈ ഫ്രൂട്ട്‌സ് കഴിക്കുക., അത് നിങ്ങളുടെ ഊർജനില വർദ്ധിപ്പിക്കാനും വിശപ്പ് ശമിപ്പിക്കാനും പ്രവർത്തിക്കുന്നു.

ആരോഗ്യം ഉദ്ധാരണം ചോദ്യങ്ങൾ ദാമ്പത്യം Marriage രതിമൂര്‍ച്ഛ ലൈംഗിക ആരോഗ്യം (Sexual health )വജൈനിസ്മസ്‌ (Vaginismus )വൃക്തിബന്ധങ്ങൾ Relationship

പുരുഷവികാരങ്ങളുടെ താക്കോല്‍ എവിടെയെന്ന് സ്ത്രീ അറിയണം

by blogadmin ആരോഗ്യം ഉദ്ധാരണം ചോദ്യങ്ങൾ ദാമ്പത്യം Marriage രതിമൂര്‍ച്ഛ ലൈംഗിക ആരോഗ്യം (Sexual health )വജൈനിസ്മസ്‌ (Vaginismus )വൃക്തിബന്ധങ്ങൾ Relationship on April 15, 2022

കിടപ്പറയില്‍ ലാളിക്കപ്പെടാന്‍ ഇഷ്ടമുള്ളവരാണ് പുരുഷന്മാര്‍. അവര്‍ക്ക് എപ്പോഴും വേണ്ടത് ലൈംഗീകസുഖം മാത്രമാണ് എന്നല്ല ഇതിനര്‍ത്ഥം. ലൗഹണി എന്ന ലൈംഗീകോപകരണ സ്ഥാപനവും ലൈംഗീകവിദഗ്ദ്ധ സ്റ്റേസി കോക്സും 2014ല്‍ സംയുക്തമായി നടത്തിയ സര്‍വ്വേയില്‍ നിന്ന് വെളിപ്പെട്ടത് എന്തെന്നാല്‍, കിടപ്പറയില്‍ ബന്ധപ്പെടുന്നതിന് മുന്‍പായി പങ്കാളിയുമായി അര മണിക്കൂറോളം ബാഹ്യകേളികളില്‍ ഏര്‍പ്പെടുവാനാണ് പുരുഷന്മാര്‍ കൂടുതലായും താല്‍പര്യം കാണിക്കുന്നത് എന്നാണ്.

പങ്കാളിയ്ക്കു മുന്നില്‍ അവള്‍ നഗ്നയാകുമ്പോള്‍…..

അതുകൊണ്ട് സ്ത്രീകള്‍ തങ്ങളുടെ അഴകളവുകള്‍ കാണിച്ച് തന്‍റെ പുരുഷനെ എളുപ്പത്തില്‍ വശപ്പെടുത്താം എന്ന് വിചാരിക്കേണ്ട. അതിനായി കുറച്ച് ശ്രമം വേണ്ടിവരുന്നതാണ്. നിങ്ങളുടെ ലൈംഗീകബന്ധത്തിന്‍റെ വിരസതയകറ്റുവാനും ആനന്ദകരമാക്കുവാനുമുള്ള വഴികള്‍ ഇതാ.

അവന്‍റെ തലമുടിച്ചുരുളിലൂടെ കൈയ്യോടിക്കുക

ഇങ്ങനെ ചെയ്യുന്നതിലൂടെ പുരുഷനെ എളുപ്പത്തില്‍ നിങ്ങളുടെ നിയന്ത്രണത്തില്‍ കൊണ്ടുവരുവാന്‍ സാധിക്കുന്നു.നിങ്ങളുടെ കൈവിരലുകള്‍ അവന്‍റെ മുടിച്ചുരുളുകള്‍ക്കിടയിലൂടെ പതുക്കെ തടവിപ്പോകുമ്പോള്‍ അവന്‍ വികാരപരവശനാകുവാനും നിങ്ങളുടെ സ്നേഹത്തില്‍ അലിഞ്ഞുപോകുവാനും തുടങ്ങുന്നു. മുടിയിഴകളാണ് ഒരു പുരുഷന്‍റെ ഏറ്റവും വികാരം ജനിപ്പിക്കുന്ന ഭാഗം.

മുഖത്ത് തലോടുക

മുടിയിഴകള്‍ തഴുകി കഴിഞ്ഞതിനുശേഷം ഇനി അവന്‍റെ മുഖം തലോടുക. മുടിപോലെ തന്നെ പുരുഷനില്‍ വികാരം ജനിപ്പിക്കുന്ന ഭാഗമാണ് മുഖം. നിങ്ങളുടെ കൈവിരലുകള്‍ അവന്‍റെ മുഖത്തും താടിയിലുമെല്ലാം പതുക്കെ തഴുകിനോക്കൂ.

കഴുത്തിലൂടെ ലാളനയേകുക

ആദാമിന്‍റെ ആപ്പിള്‍ എന്ന് വിളിക്കുന്ന കഴുത്തിന്‍റെ മദ്ധ്യഭാഗം പുരുഷന്‍റെ വികാരം പെട്ടെന്ന് ഉണര്‍ത്താന്‍ സഹായിക്കുന്ന ഇടമാണ്. ശരീരപോഷണത്തിനും ലൈംഗീകതൃഷ്ണയ്ക്കും കാരണമാകുന്ന ലാര്‍നിക്സിന്‍റെ തൈറോയ്ഡ് തരുണാസ്ഥി മൂലമാണ് ആദമിന്‍റെ ആപ്പിള്‍ ഉണ്ടാവുന്നത്. ഇപ്പോള്‍ നിങ്ങള്‍ക്ക് മനസ്സിലായിക്കാണുമല്ലോ എവിടെ സ്പര്‍ശിക്കണം എന്നുള്ളത്..

അവന്‍റെ ചെവികള്‍ കടിക്കുക

ഇതിനോളം വികാരം ജനിപ്പിക്കുന്ന മറ്റൊരു പ്രവൃത്തിയില്ല. പുരുഷന്‍റെ വികാരം ജനിപ്പിക്കുന്നതിന് കാരണമായിട്ടുള്ള പല ഗ്രന്ഥികളും ചെവിയുമായി ബന്ധപ്പെട്ടിരിക്കുന്നു. അവിടെ നിങ്ങള്‍ ചുംബിക്കുകയാണെങ്കില്‍ എളുപ്പത്തില്‍ നിങ്ങളുടെ പുരുഷന്‍റെ വികാരം ഉണരുകയും നിങ്ങള്‍ പറയുന്നതിന് വഴങ്ങിത്തരുകയും ചെയ്യുന്നു.

ഉള്ളംകൈ തലോടുക ഈ ഭാഗം ബാഹ്യകെളികള്‍ക്കായി ചിലപ്പോള്‍ നിങ്ങള്‍ ഉള്‍പ്പെടുത്തിയിട്ടില്ലായിരിക്കാം. അങ്ങിനെയെങ്കില്‍ നിങ്ങള്‍ക്ക് തെറ്റി. ഉള്ളം കൈയ്യില്‍ അറ്റം മുതല്‍ നടുക്ക് വരെ വിരലുകള്‍ കൊണ്ട് പതുക്കെ തലോടുകയാണെങ്കില്‍ അത് എളുപ്പത്തില്‍ പുരുഷനില്‍ വികാരം ജനിപ്പിക്കുന്നു.

പുറം തടവിക്കൊടുക്കുക ഇടുപ്പെല്ലിന് തൊട്ടുമുകളിലുള്ള ഭാഗത്ത് പതുക്കെ തലോടുന്നത് പുരുഷന് വികാരം പെട്ടെന്ന് ഉണരാന്‍ കാരണമാകുന്നു. അവിടെ നിന്ന് മുകളിലേക്ക് പതുക്കെ തടവിക്കൊടുക്കുക.

പൊക്കിള്‍ ചുഴികള്‍ ഈ ഭാഗം അവന്‍റെ വികാരങ്ങളെ ഉണര്‍ത്തുവാനുള്ള ഏറ്റവും നല്ല ഭാഗങ്ങളിലൊന്നാണ്. പതുക്കെ അവന്‍റെ പൊക്കിള്‍ ചുഴിക്ക് ചുറ്റും വിരലുകള്‍ കൊണ്ട് വട്ടം വരച്ച് നോക്കൂ. അവന്‍ വികാരപരവശനാകുന്നത് കാണാം. എന്നാല്‍ ഇത് സൂക്ഷിച്ച് ചെയ്യണം. വിരലുകള്‍ക്ക് ശരിയായ രീതിയില്‍ ചലിപ്പിച്ചില്ലെങ്കില്‍ സുഖത്തിന് പകരം അവന് ഇക്കിളിയാകും ലഭിക്കുക. അത് അവസാനം പൊട്ടിചിരിയിലേക്കാവും വഴിവയ്ക്കുക.

അവന്‍റെ കാല്‍മുട്ടിന്‍റെ ഭാഗത്തേക്ക് പോകൂ അധികം ആരും ശ്രദ്ധ കൊടുക്കാത്ത, പുരുഷന്‍റെ വികാരം എളുപ്പത്തില്‍ ഉണര്‍ത്താവുന്ന ഒരു ഭാഗമാണ് അവന്‍റെ കാല്‍മുട്ടിന്‍റെ പുറകിലുള്ള ഭാഗം. അവിടെ ചുംബിക്കുകയോ ഇക്കിളിയാക്കുകയോ ചെയ്യുക. അവന്‍റെ സിരകളിലൂടെ വികാരം കത്തിജ്വലിച്ച് കയറുന്നത് കാണാം.

കാല്‍പാദങ്ങള്‍ ചുംബിക്കുക കാല്‍പാദങ്ങള്‍ക്ക് അടിയില്‍ സ്പര്‍ശിക്കുന്നത് പോലും വികാരതരംഗങ്ങള്‍ സൃഷ്ടിക്കുന്നു. എന്നാല്‍ അവിടെ തലോടുകയും ചുംബിക്കുകയും ചെയ്യുമ്പോള്‍ കൂടുതല്‍ ശ്രദ്ധിക്കുക. ഇക്കിളിയാകുവാന്‍ വളരെ സാധ്യതയേറിയ ഭാഗമാണ് അവിടെ. അതിനാല്‍ സൂക്ഷിച്ച് ചെയ്യുക.

ആരോഗ്യം ചോദ്യങ്ങൾ ഡയറ്റ്ദാമ്പത്യം Marriage മേക്കപ്പ്

Wedding special: Fitness- കല്ല്യാണത്തിനു മുമ്പ് അറിയേണ്ടത്

by blogadmin ആരോഗ്യം ചോദ്യങ്ങൾ ഡയറ്റ്ദാമ്പത്യം Marriage മേക്കപ്പ് on April 15, 2022

കല്ല്യാണത്തിനു മുമ്പ് പ്രതിശ്രുത വധു അറിഞ്ഞിരിക്കേണ്ട ചില ഫിറ്റ്‌നസ്സ് ടിപ്‌സ്.

“ഹലോ, നമിതയല്ലേ?”

“ഹായ്… രേഷ്‌മാ എന്‍റെ കല്ല്യാണക്കത്തു കിട്ടിയില്ലേ?”

“കിട്ടി… കിട്ടി… ഒരുക്കങ്ങളൊക്കെ എവിടെ വരെയായി? ഇപ്പോഴും സമോസ, ബർഗർ തീറ്റ തന്നെയാണാ? വറപൊരിയും ജങ്ക് ഫുഡുമൊന്നും ഇനി വേണ്ട. ഡയറ്റൊക്കെ ശ്രദ്ധിക്കുന്നില്ലേ? പിന്നെ ബ്യൂട്ടി ട്രീറ്റ്‌മെന്‍റുമൊക്കെ ഇപ്പോഴേ തുടങ്ങിക്കോ…”

“ആ വക കാര്യങ്ങളൊക്കെ അറിയാൻ കൂടിയാണ് ഞാൻ വിളിച്ചത് ചങ്ങാതീ…”

“നീ ടെൻഷനിടിക്കാതെ… അതെല്ലാം പറഞ്ഞു തരാം”

പ്രതിശ്രുത വധുവിനുള്ള ഫിറ്റ്‌നസ്സ് ടിപ്‌സ്…

ഡയറ്റ്

ശരീരം ഫിറ്റ് & ഫൈൻ ആകുന്നതിനു ഭക്ഷണത്തിൽ ചില ചിട്ടകൾ വരുത്താം…

പ്രഭാത ഭക്ഷണം ഒരു കാരണവശാലും ഒഴിവാക്കരുത്. പ്രാതലിന് ഒരു മുട്ട, ബ്രഡ്, ഫ്രഷ് ജ്യൂസ് ഉൾപ്പെടുത്താം. മാത്രമല്ല ബദാം, വാൾനട്ട് തുടങ്ങിയ ഡ്രൈ ഫ്രൂട്ട്‌സും ഭക്ഷണത്തിന്‍റെ ഭാഗമാക്കുക. ഇവയിലടങ്ങിയ പ്രോട്ടീൻ, ഫൈബർ, ഫൈറോ കെമിക്കൽസ് ഹൃദയാരോഗ്യം കാക്കുന്നതിനും ശരീരഭാരം നിയന്ത്രിച്ചു നിർത്തുന്നതിനും സഹായകരമാകും.
ദിവസവും ഭക്ഷണത്തിൽ ഒരു നേരം തൈര് ഉൾപ്പെടുത്തുക. തൈരിൽ അടങ്ങിയ സിങ്ക്, കാത്സ്യം, വിറ്റാമിൻ ബി എന്നിവ ചർമ്മത്തിന് മൃദുത്വം പകരും.
ഇടനേരങ്ങളിൽ സ്‌നാക്‌സിനു പകരം പഴങ്ങൾ മതി.
പനീർ കൊണ്ടുള്ള വിഭവങ്ങൾ ഭക്ഷണത്തിൽ ഉൾപ്പെടുത്തുന്നതും ഗുണം ചെയ്യും. പ്രോട്ടീൻ, കാത്സ്യം സമ്പുഷ്‌ടമായ പനീർ ഉദര സംബന്ധമായ രോഗങ്ങളെ അകറ്റി നിർത്തുമെന്നു മാത്രമല്ല പല്ലുകൾക്ക് ബലവും നൽകും.
നോൺവെജാണോ? എങ്കിൽ ചെറുമീനുകൾ ഭക്ഷണത്തിന്‍റെ ഭാഗമാക്കുക. ഇതിലടങ്ങിയ പ്രോട്ടീൻസ് മുടിയുടെ വളർച്ച ത്വരിതപ്പെടുത്തുമെന്നു മാത്രമല്ല മുടിയ്‌ക്ക് തിളക്കവും നൽകും.
ഇലക്കറികൾ പല നിറത്തിലുള്ള പച്ചക്കറികൾ തുടങ്ങിയവ ഭക്ഷണത്തിൽ ഉൾപ്പെടുത്തണം. പച്ചക്കറികൾ വേവിച്ചു കഴിക്കുക. ആരോഗ്യം മെച്ചപ്പെടുത്തുമെന്നു മാത്രമല്ല മുഖക്കുരു ശല്ല്യം ഇല്ലാതാക്കും. പോഷണം നിറഞ്ഞ കൊഴുപ്പു കുറഞ്ഞ ഭക്ഷണം കഴിക്കുക.

ബ്യൂട്ടി

സുന്ദരിയാവാൻ നേരത്തെ തന്നെ ഒരുക്കങ്ങൾ തുടങ്ങണം.

പതിവായി മുഖത്ത് സിടിഎം അതായത് ക്ലെൻസിംഗ്, ടോണിംഗ്, മോയ്‌സ്‌ചറൈസർ ചെയ്യുക. മൃതകോശങ്ങൾ നീങ്ങി ചർമ്മം സുന്ദരമാകും.
വരണ്ട് നിർജ്‌ജീവമായി തോന്നിക്കുന്ന മുടിയാണോ? എങ്കിൽ നാല് മാസം മുമ്പ് തന്നെ കേശപരിചരണം തുടങ്ങണം. ഡീപ്പ് കണ്ടീഷനിംഗ് ചെയ്യുന്നത് മുടിയുടെ സൗന്ദര്യത്തിനും കരുത്തിനും നല്ലതാണ്. മുടിയുടെ അറ്റം പിളരൽ, താരൻ പോലുള്ള പ്രശ്നങ്ങൾക്ക് ഹെയർ സ്‌പാ നല്ല പരിഹാരമാണ്. ഹോട്ട് ഓയിൽ മസാജ്, ആന്‍റി ഡാൻഡ്രഫ് ട്രീറ്റ്‌മെന്‍റ് ചെയ്യുന്നതും നല്ലതാണ്. ആരോഗ്യമുള്ള മുടി മുഖസൗന്ദര്യത്തിനു മാറ്റു കൂട്ടും.
മുഖം, മുടി പോലെ തന്നെ പ്രധാനമാണ് കൈകാലുകളുടേയും പ്രത്യേകിച്ച് നഖങ്ങളുടേയും പരിചരണം. വിവാഹത്തിനു രണ്ട് മാസം മുമ്പ് തന്നെ പെഡിക്യൂർ, മാനിക്യൂർ ചെയ്യുക. കൈകാലുകളിലെ മൃതകോശങ്ങൾ നീക്കുന്നതിനു ഇത് സഹായകരമാണ്. ഇനി നഖങ്ങൾക്ക് ആകൃതി നൽകി ഭംഗി വരുത്തുക.
ബോഡി പോളിഷിംഗ് ചർമ്മത്തിന്‍റെ പരുപരുപ്പു മാറ്റി മൃദുലമാക്കും. ശരീരത്തിന്‍റെ ക്ഷീണമകറ്റി ഫ്രഷ്‌നസ്സ് നൽകുന്നതിനു ബോഡി സ്‌പാ ഗുണകരമാണ്. ബോഡി മസാജ്, ഹെഡ് മസാജ്, ഫുട് മസാജ്, ഹോട്ട് മസാജ് എന്നിങ്ങനെ സ്‌പാ പലതരത്തിലുണ്ട്. എന്നിരുന്നാലും വധുവിന് ബ്രൈഡൽ സ്‌പാ ചെയ്യുന്നതാവും അനുയോജ്യം. വിവാഹത്തനു മൂന്നു മാസം മുമ്പ് തന്നെ സ്‌പാ ട്രീറ്റ്‌മെന്‍റ് തുടങ്ങുക.
വിവാഹ ദിവസം ചർമ്മത്തിനു ചേരുന്ന വാട്ടർ പ്രൂഫ് മേക്കപ്പ് വേണം അപ്ലൈ ചെയ്യാൻ. ഫ്രഷ്‌നസ്സും സൗന്ദര്യവും നിലനിർത്തുന്നതിനു ഇതു സഹായിക്കും.

സ്‌ട്രെസ്സ്

മനസ്സിൽ പോസിറ്റീവ് ചിന്തകൾക്കിടം നൽകാം, എപ്പോഴും ഹാപ്പിയായിരിക്കുക.
കല്ല്യാണപ്പെണ്ണ് സ്വന്തം അഭിപ്രായം തുറന്നു പറയുക. വിവാഹ ഒരുക്കങ്ങളിൽ വീട്ടുകാരെ സഹായിക്കുക. ബന്ധുക്കളോടും സുഹൃത്തുക്കളോടും മനസ്സു തുറന്നു സംസാരിക്കുക.
രാത്രി ഉറക്കമിളയ്‌ക്കരുത്. ഉറക്കമില്ലായ്‌മയും ടെൻഷനും സൗന്ദര്യത്തെ ബാധിക്കും. സ്‌ട്രെസ്സ് അകറ്റാൻ യോഗയും, വ്യായാമവും ശീലിക്കുക.
ഡാർക്ക് ചോക്ലേറ്റ് ഭക്ഷണത്തിലുൾപ്പെടുത്തുക. ഇത് സ്‌ട്രെസ്സ് കൺട്രോൾ ചെയ്യാൻ ഏറെ സഹായകരമാണ്.

ഹെൽത്ത് – അറിഞ്ഞൊരുങ്ങാം…

സ്‌ഥിരമായി കണ്ണട ധരിക്കാറുണ്ടോ? വിവാഹവേളയിൽ കണ്ണട ധരിക്കുന്നത് മേക്കപ്പിന്‍റെ മാറ്റു കുറയ്‌ക്കുമെന്നതിനാൽ ഈ അവസരത്തിൽ കണ്ണട ഒഴിവാക്കാം. ലേസർ സർജറി ചെയ്യുകയോ കണ്ണുകളിൽ കോണ്ടാക്‌ട് ലെൻസ് അണിയുകയോ ചെയ്യാം. ഡോക്‌ടറുടെ ഉപദേശമാരായാൻ മടിക്കണ്ട.
സ്‌റ്റൈലിഷ്, ഫാഷനബിൾ പാദരക്ഷകൾ അണിയുന്നതിൽ തെറ്റില്ല. എന്നാൽ ഹീൽ ഉള്ള ചെരിപ്പുകൾ കഴിവതും ഒഴിവാക്കാം. നടുവേദനയ്‌ക്കും, കാലിൽ നീരുണ്ടാവുന്നതിനും ഇതിടവരുത്തും. ഈ അവസരത്തിൽ കംഫർട്ടബിൾ ചെരിപ്പ് അണിയുന്നതാവും ഉചിതം.
വിവാഹത്തിനു ഒരാഴ്‌ച മാത്രം ബാക്കിയുള്ളപ്പോഴാവും പലരും മൂക്കു കുത്തുക. എന്നാൽ ഒരു മാസം മൂക്കു കുത്തുന്നതാണ് ഉചിതം. കാരണം പഴുപ്പോ നീരോ മറ്റു തരത്തിലുള്ള അസ്വസ്‌ഥതകൾ ഒഴിവാക്കാനാവും.
ദന്ത ചികിത്സ നടത്തി കേടുപാടുള്ള പല്ലുകൾ ശരിയാക്കിടെുക്കുക.

വിവാഹ ദിവസം മനസ്സു തുറന്നു ചിരിക്കാമല്ലോ?

TAGS:beauty, beauty tips, beauty tips for bride,fitness,fitness tips,fitness tips for bride,marriage,wedding

ആരോഗ്യം ചോദ്യങ്ങൾ

എന്താണ് ലാക്ടോസ് ഇൻടോളറൻസ്?

by blogadmin ആരോഗ്യം ചോദ്യങ്ങൾ on April 15, 2022

ലാക്ടോസ് ഇൻടോളറൻസ് ഒരു രോഗമല്ലെങ്കിലും അസ്വസ്ഥതകള്‍ ഉണ്ടാക്കാം, പരിഹാരം ഇതാ.

പാൽ, തൈര്, പാലുൽപ്പന്നങ്ങൾ ആരോഗ്യത്തിന് വളരെ നല്ലതാണ്. ഇതൊക്കെയാണെങ്കിലും പാലോ മറ്റ് പാലുൽപ്പന്നങ്ങളോ അനുയോജ്യമല്ലാത്ത ദശലക്ഷക്കണക്കിന് ആളുകൾ ലോകത്തിലുണ്ട്. പാൽ അവർ അലർജിയാണെന്ന് പറയാറുണ്ട്. മെഡിക്കൽ ഭാഷയിൽ ഇതിനെ ലാക്ടോസ് ഇൻടോളറൻസ് എന്ന് വിളിക്കുന്നു. ഇത്തരം ഭക്ഷണം ചിലർക്ക് ദഹിക്കില്ല.

എന്താണ് ലാക്ടോസ്

പാലിൽ ലാക്ടോസ് എന്ന പഞ്ചസാര അടങ്ങിയിട്ടുണ്ട്. ലാക്ടോസ് ഇൻടോളറൻസ് ഒരു രോഗമല്ലെങ്കിലും ഇത് അസുഖകരവും അസഹനീയവുമാണ്. പഞ്ചസാര അബ്സോർബ് ചെയ്യാൻ ശരീരത്തെ സഹായിക്കുന്ന ‘ലാക്ടേസ്’ എന്ന എൻസൈം നമ്മുടെ ശരീരത്തിൽ ഉണ്ട്. ഈ എൻസൈം ചെറുകുടലിൽ ഉണ്ട് എന്നാൽ ചില ആളുകൾക്ക് ഇത് ഉണ്ടാകില്ല അല്ലെങ്കിൽ വളരെ കുറവായിരിക്കും. ലാക്ടേസ് കുറവുള്ളവർക്ക് പാലുൽപ്പന്നങ്ങളോ പാലിൽ നിന്ന് ഉണ്ടാക്കുന്ന രുചികരമായ നാടൻ മധുരപലഹാരങ്ങൾ പോലും ദഹിപ്പിക്കാൻ കഴിയാതെ വരുന്നു.

കുറഞ്ഞ ലാക്ടേസ് കൊണ്ട് എന്ത് സംഭവിക്കുന്നു

ലാക്ടേസ് എൻസൈം, കുറയുമ്പോൾ അതുമായി ബന്ധപ്പെട്ട ഭക്ഷണങ്ങളിലെ പഞ്ചസാരയ്ക്ക് ചെറുകുടലിൽ വെച്ച് വിഘടിക്കാൻ കഴിയില്ല. ഇത് വൻകുടലിലേക്ക് ഇറങ്ങി, അവിടെ ബാക്ടീരിയകളുമായി ചേർന്ന് പുളിക്കുകയും ഇത് ഗ്യാസ്, വയറിളക്കം, ഛർദ്ദി, ഓക്കാനം എന്നിവയ്ക്ക് കാരണമാകുകയും ചെയ്യുന്നു.

ആർക്കൊക്കെ ലാക്ടോസ് ഇൻടോളറൻസ് ഉണ്ടാകാം

ഈ അവസ്ഥ ലോകമെമ്പാടുമുള്ള ദശലക്ഷക്കണക്കിന് ആളുകളിൽ, പ്രത്യേകിച്ച് മുതിർന്നവരിൽ കണ്ടുവരുന്നു. ഏകദേശം 40% ആളുകളിലും ലാക്ടേസ് എൻസൈം ഉൽപ്പാദനം കുറവാണ്. ഇത് ജനിതകപരമായോ മറ്റ് ചില കാരണങ്ങൾ മൂലമോ ആകാം.

ലക്ഷണങ്ങൾ

വയറിളക്കം, ഓക്കാനം, ഛർദ്ദി, വയറുവേദന, മലബന്ധം, ഗ്യാസ്.

രോഗനിർണയം

ഏതാനും ആഴ്ച പാലുൽപ്പന്നങ്ങൾ കഴിക്കുന്നത് നിർത്തി സ്വയം പരീക്ഷിക്കുക. മേല്പറഞ്ഞ ലക്ഷണങ്ങൾ അവസാനിച്ചാൽ, വീണ്ടും പാലുൽപ്പന്നങ്ങൾ കഴിച്ച് നോക്കുക. ആവശ്യാനുസരണം ഡോക്ടറുടെ ഉപദേശം തേടുക. ലക്ഷണങ്ങളെ ആശ്രയിച്ച് ഭക്ഷണത്തിൽ പാലുൽപ്പന്നങ്ങൾ കുറച്ച് ദിവസത്തേക്ക് നിർത്താൻ ഡോക്ടർ നിങ്ങളെ ഉപദേശിച്ചേക്കാം. ഇതുകൂടാതെ, ഇനിപ്പറയുന്ന പരിശോധനകളും നിർദ്ദേശിക്കാവുന്നതാണ്.

ഹൈഡ്രജൻ ബ്രീത്ത് ടെസ്റ്റ് – ഉയർന്ന അളവിൽ ലാക്ടോസ് അടങ്ങിയ പാനീയം കുടിക്കാൻ നിങ്ങളോട് ആവശ്യപ്പെടും. കുറച്ച് സമയത്തിന് ശേഷം, നിങ്ങളുടെ ശ്വസനത്തിലെ ഹൈഡ്രജന്‍റെ അളവ് അളക്കും. പുറത്തുവിടുന്ന ശ്വാസത്തിൽ ഹൈഡ്രജന്‍റെ അളവ് കൂടുതലാണെങ്കിൽ, നിങ്ങൾക്ക് ലാക്ടോസ് അസഹിഷ്ണുത ഉണ്ടെന്നാണ് അർത്ഥമാക്കുന്നത്.

ലാക്ടോസ് ടോളറൻസ് ടെസ്റ്റ് – ഉയർന്ന അളവിലുള്ള ലാക്ടോസ് പാനീയം കുടിച്ച് രണ്ട് മണിക്കൂറിന് ശേഷം നിങ്ങളുടെ രക്തപരിശോധന നടത്തും, രക്തത്തിലെ ഗ്ലൂക്കോസിന്‍റെ അളവിൽ വർദ്ധനവ് ഇല്ലെങ്കിൽ, നിങ്ങൾ ലാക്ടോസ് ദഹിക്കുന്നില്ലെന്നും നിങ്ങൾക്ക് ലാക്ടോസ് ഇൻടോളറൻസ് ഉണ്ടെന്നും അർത്ഥമാക്കുന്നു.

ചികിത്സ

ലാക്ടോസ് ഇൻടോളറൻസ് ചില അടിസ്ഥാന കാരണങ്ങളാൽ ആണെങ്കിൽ മാസങ്ങളെടുത്താലും ചികിത്സ ചെയ്ത് അത് സുഖപ്പെടുത്താന്‍ കഴിയും. പാലിന്‍റെയും മറ്റ് പാലുൽപ്പന്നങ്ങളുടെയും ഉപയോഗം കുറയ്ക്കുന്നതിലൂടെ ഇൻടോളറൻസ് നിയന്ത്രിക്കാനാകും. ലാക്ടേസ് എൻസൈം പൗഡർ പാലിൽ കലർത്തി കുടിക്കാം

ഓട്ടിസം ബാധിച്ച കുട്ടികൾക്കായി ഡോക്ടർമാർ ഗ്ലൂട്ടൻ ഫ്രീ (ഗോതമ്പ് ഇല്ലാതെ), കസീൻ ഫ്രീ (ഡയറി ഫ്രീ, കസീൻ എന്നത് പാലുൽപ്പന്നങ്ങളിൽ അടങ്ങിയിരിക്കുന്ന പ്രോട്ടീനിനെ സൂചിപ്പിക്കുന്നു) ഭക്ഷണം നിർദ്ദേശിക്കുന്നു. ഗ്ലൂട്ടൻ, കസീൻ എന്നിവ ആമാശയത്തിലെ വീക്കം വർദ്ധിപ്പിക്കുന്നു. ഇത് തലച്ചോറിനെ ബാധിക്കുകയും ഓട്ടിസത്തിന്‍റെ ലക്ഷണങ്ങൾ വഷളാക്കുകയും ചെയ്യും.

ലാക്ടോസ് രഹിത പാലുകൾ ഇന്ന് ലഭ്യമാണ്

സോയ പാൽ, അരി പാൽ, ബദാം പാൽ, തേങ്ങാപ്പാൽ, കശുവണ്ടിപ്പാൽ, ചണ വിത്ത് പാൽ, ഓട്സ് പാൽ, ആട്ടിന്‍ പാൽ, നിലക്കടല പാൽ, ഹാസൽ നട്ട് പാൽ ഇവയൊക്കെ ഉപയോഗിക്കാം.. ഇതിൽ ചില പാൽ ഉപയോഗിച്ച് തൈര്, ചീസ്, മധുര പലഹാരങ്ങൾ എന്നിവയും ഉണ്ടാക്കാം. ഡയറി മിൽക്കിന് പകരമായി സോയ മിൽക്ക് ആണ് കൂടുതല്‍ പ്രചാരത്തിലുള്ളത്.

ഇ പോസ്റ്റിനെക്കുറിച്ചുള്ള നിങ്ങളുടെ കൂടുതൽ അഭിപ്രായങ്ങൾ പങ്ക്കുവയ്ക്കാം

ആരോഗ്യം ചോദ്യങ്ങൾ വൃക്തിബന്ധങ്ങൾ Relationship

Teenage പെൺകുട്ടികളുടെ ആരോഗ്യപ്രശ്നങ്ങൾ

by blogadmin ആരോഗ്യം ചോദ്യങ്ങൾ വൃക്തിബന്ധങ്ങൾ Relationship on April 15, 2022

അച്‌ഛനമ്മമാർ ക്ഷമയോടെ കൗമാരപ്രായത്തിലെ കുട്ടികൾക്ക് ആവശ്യമായ പിന്തുണയും നിർദ്ദേശവും നല്‌കണം.

കൗമാരപ്രായം വളർച്ചയുടെയും മാറ്റങ്ങളുടെയും കാലഘട്ടമാണ്. ഒരു കൊച്ചു പെൺകുട്ടി വളർന്ന് പക്വതയെത്തിയ ഒരു സ്‌ത്രീയായിത്തീരുന്നതിനിടയിലുള്ള ശാരീരികവും മാനസികവുമായ മാറ്റങ്ങൾ കൗമാരപ്രായത്തിന്‍റെ പ്രത്യേകതയാണ്. കൗമാരപ്രായത്തിൽ പെൺകുട്ടികൾക്ക് സാധാരണയായി ഉണ്ടാവാറുളള ചില ആരോഗ്യപ്രശ്നങ്ങളുണ്ട്. അവയെക്കുറിച്ച് പെൺകുട്ടികളും മാതാപിതാക്കളും മനസ്സിലാക്കേണ്ടതാണ്.

ആർത്തവ പ്രശ്നങ്ങൾ

പുതിയ ഭക്ഷണ ശീലങ്ങളും ആധുനിക ജീവിതശൈലിയും കൊണ്ട് ഇപ്പോൾ ആദ്യാർത്തവം 8 മുതൽ 10 വയസ്സിനുള്ളിൽ വരുന്നതായി കാണപ്പെടുന്നു. അതിനുശേഷം എല്ലാ മാസവും ആർത്തവം ഉണ്ടാവേണ്ടതാണ്. പക്ഷേ ക്രമം തെറ്റിയ ആർത്തവം, വയറു വേദനയോടുകൂടിയ ആർത്തവം, അമിത രക്‌തസ്രാവം എന്നീ ആരോഗ്യ പ്രശ്നങ്ങൾ ചിലപ്പോൾ ഉണ്ടാവാം. ഹോർമോണുകളുടെ സന്തുലനം തെറ്റുമ്പോൾ ആർത്തവം വരാൻ വൈകുക, മാസത്തിൽ രണ്ടു തവണ ആർത്തവമുണ്ടാകുക, ആർത്തവമില്ലാതെ രണ്ടുമൂന്നു മാസങ്ങൾക്കു ശേഷം ആർത്തവമുണ്ടാകുക എന്നിങ്ങനെ പല പ്രശ്നങ്ങളും ഉണ്ടാവാറുണ്ട്. ചിലപ്പോൾ ഗർഭപാത്രത്തിന്‍റെയോ അണ്ഡാശയങ്ങളുടെയോ യോനിയുടെയോ വൈകല്യങ്ങളും രോഗങ്ങളും കൊണ്ട് ആർത്തവ ക്രമക്കേടുകൾ ഉണ്ടാവാം. ഇത്തരം ആരോഗ്യ പ്രശ്നങ്ങൾക്ക് ഡോക്‌ടറെ കാണിച്ച് ചികിത്സ തുടങ്ങേണ്ടതാണ്.

ആർത്തവ രക്‌തസ്രാവം കൂടുതലാണെങ്കിൽ രക്‌തക്കുറവ് ഉണ്ടാവാം. കൗമാര പ്രായക്കാരികൾ ഇരുമ്പിന്‍റെ അംശം ധാരാളമടങ്ങിയ ഭക്ഷണങ്ങളും (ഉദാ: പാവയ്‌ക്ക, ഇലക്കറികൾ, നെല്ലിക്ക) എല്ലാവിധ പോഷകങ്ങളുമടങ്ങിയ സന്തുലിതാഹാരവും കഴിക്കാൻ ശ്രമിക്കുക. പൊണ്ണത്തടി ഉണ്ടാവാതെ നോക്കണം. ലളിതമായ വ്യായാമങ്ങൾ ചെയ്യുന്നത് നല്ലതാണ്.

ആർത്തവ സമയത്ത് ജനനേന്ദ്രിയത്തിന്‍റെ ശുചിത്വം പാലിക്കാൻ ശ്രദ്ധിക്കണം. സാനിട്ടറി പാഡുകൾ കൂടുതൽ നേരം വെയ്‌ക്കാതെ ഇടയ്‌ക്കിടെ മാറ്റുക. സാനിട്ടറി പാഡുകൾ മാറ്റാൻ വൈകിയാൽ യോനിയിൽ ഫംഗസ് അണുബാധ കൊണ്ട് ചൊറിച്ചിലും വെളളപോക്കും ഉണ്ടാവാനിടയുണ്ട്. രോഗാണുബാധ കൊണ്ട് പഴുപ്പും വരാനിടയുണ്ട്.

വിളർച്ച

കൗമാരപ്രായത്തിൽ ഉണ്ടാവാനിടയുളള ഒരു ആരോഗ്യ പ്രശ്നമാണ് വിളർച്ച. വളരുന്ന പ്രായത്തിൽ ഭക്ഷണത്തിൽ നിന്ന് ഊർജ്‌ജവും പോഷകാംശങ്ങളും ലഭിക്കേണ്ടതാണ്. പക്ഷേ പുതിയ തലമുറയിലെ കുട്ടികൾ ഭക്ഷണകാര്യത്തിൽ അനാസ്‌ഥ കാണിക്കുന്നു. രാവിലെ കോളേജിലേക്ക് തിരക്കിട്ടോടുമ്പോൾ ബ്രേക്‌ഫാസ്‌റ്റ് ശരിയായി കഴിക്കാൻ സമയം കിട്ടില്ല. ഉച്ചയ്‌ക്ക് കഴിയ്‌ക്കാൻ ലഞ്ച് ബോക്‌സിൽ കൊണ്ടു പോകുന്ന ഭക്ഷണം ശരീരാവശ്യത്തിനു വേണ്ടത്രയുണ്ടാവില്ല. ചിലപ്പോൾ കൂട്ടുകാരോടൊപ്പം കാന്‍റീനിൽ നിന്ന് ജങ്ക് ഫുഡുകളും ഫാസ്‌റ്റ് ഫുഡുകളും കഴിച്ച് വിശപ്പടക്കുന്നു. തടികൂടുന്നു എന്നു കരുതി അത്താഴം പകുതി മാത്രം കഴിക്കുന്നു. ചോക്ലേറ്റും ഐസ്‌ക്രീമും വളരെ പ്രിയപ്പെട്ടതായതു കൊണ്ട് കഴിക്കാൻ മടി കാണിക്കില്ല. ഇതാണല്ലോ ഇന്നത്തെ കൗമാരപ്രായക്കാരികളുടെ ഭക്ഷണരീതി.

ശരീരത്തിനാവശ്യമായ പോഷകങ്ങളടങ്ങിയ സന്തുലിതാഹാരം കഴിക്കാതെ വരുമ്പോൾ സ്വാഭാവികമായും ക്ഷീണം, വിളർച്ച, തലചുറ്റൽ, തൂക്കക്കുറവ്, വിശപ്പില്ലായ്മ എന്നീ പ്രശ്നങ്ങളുണ്ടാവും. രക്‌തത്തിലെ ഹീമോഗ്ലോബിൻ കുറയുന്നതുകൊണ്ടുളള വിളർച്ചയ്‌ക്കു കാരണം ഭക്ഷണത്തിൽ ഇരുമ്പിന്‍റെ അംശം കുറയുന്നതാണ്. ബികോംപ്ലക്‌സ് വിഭാഗത്തിൽപ്പെട്ട വിറ്റാമിനുകൾ ഭക്ഷണത്തിൽ നിന്നും ലഭിക്കാതിരിക്കുമ്പോൾ മറ്റൊരുതരം അനീമിയ ഉണ്ടാവുന്നു. അതുപോലെ വിറ്റാമിൻ സി, ഡി, കാത്സ്യം മുതലായവ ഭക്ഷണത്തിൽ നിന്ന് കിട്ടാതെ വരുമ്പോൾ പലതരം രോഗങ്ങൾ ഉണ്ടാവാനിടയുണ്ട്. അതുകൊണ്ട് കൗമാരപ്രായക്കാരികൾ പ്രോട്ടീൻ, കാർബോ ഹൈഡ്രേറ്റുകൾ, വിറ്റാമിനുകൾ, ധാതുക്കൾ, കാത്സ്യം എന്നിവയെല്ലാം അടങ്ങുന്ന സന്തുലിതാഹാരം ദിവസേന കഴിക്കേണ്ടതാവശ്യമാണ്. ഇലക്കറികൾ, പച്ചക്കറികൾ, പഴങ്ങൾ, ധാന്യങ്ങൾ, പയറുവർഗ്ഗങ്ങൾ, പാൽ, പാലുല്‌പന്നങ്ങൾ എന്നിവയെല്ലാം ഭക്ഷണത്തിൽ ഉൾപ്പെടുത്തണം.

മുഖക്കുരു

കൗമാരപ്രായത്തിലുളള പെൺകുട്ടികളെ ഏറ്റവുമധികം വിഷമിപ്പിക്കുന്ന ഒരു പ്രശ്നമാണ് മുഖക്കുരു. മുഖക്കുരു നിറഞ്ഞ മുഖമുളള പെൺകുട്ടിക്ക് കൂട്ടുകാരുടെ ഇടയിൽ പെരുമാറുമ്പോൾ അപകർഷതാബോധവും തോന്നാം. എളുപ്പത്തിൽ ചികിത്സിച്ചു മാറ്റാവുന്ന ഒന്നാണ് മുഖക്കുരു എന്നു മനസ്സിലാക്കണം. ചർമ്മത്തിന് എണ്ണമയം നല്‌കുന്ന ഗ്രന്ഥികളുടെ (സെബേഷ്യസ് ഗ്രന്ഥികൾ) പ്രവർത്തനത്തിൽ വരുന്ന തകരാറും ഹോർമോണുകളുടെ വ്യത്യാസവും ഭക്ഷണത്തിലെ ക്രമക്കേടുകളുമെല്ലാം മുഖക്കുരുവിനു കാരണമാവാം. എണ്ണയും അഴുക്കും കൊണ്ട് മുഖചർമ്മത്തിലെ സുഷിരങ്ങൾ അടയുമ്പോൾ സെബേഷ്യസ് ഗ്രന്ഥികൾ ഉണ്ടാക്കുന്ന ദ്രവം അതിനുളളിൽത്തന്നെ കെട്ടിക്കിടക്കുന്നതുകൊണ്ടും ചിലപ്പോൾ ഹോർമോണുകളുടെ കാരണത്താൽ കൂടുതൽ ദ്രവം ഉല്‌പാദിപ്പിക്കപ്പെടുന്നതു കൊണ്ടും മുഖക്കുരു ഉണ്ടാവുന്നു. അതിനു പുറമേ എണ്ണയിൽ വറുത്തുപൊരിച്ച പലഹാരങ്ങൾ, മധുര പലഹാരങ്ങൾ, ചോക്ലേറ്റ് എന്നിവയുടെ അമിതമായ ഉപയോഗം കൊണ്ട് മുഖക്കുരു വർദ്ധിക്കാം. ആർത്തവത്തിനു തൊട്ടുമുമ്പുള്ള ദിവസങ്ങളിലും ആർത്തവശേഷവും ഹോർമോൺ വ്യതിയാനങ്ങളുടെ കാരണത്താൽ മുഖക്കുരു ഉണ്ടാവാം.

മുഖചർമ്മം വൃത്തിയായി സൂക്ഷിച്ചാൽ മുഖക്കുരു ഉണ്ടാകുന്നത് കുറെയൊക്കെ തടയാൻ കഴിയും. ഫേസ് വാഷോ മൃദുവായ ഗ്ലിസറിൻ സോപ്പോ ഉപയോഗിച്ച് മുഖം വൃത്തിയായി കഴുകണം. കോളേജിൽ നിന്നു വന്ന ശേഷവും ഉറങ്ങുന്നതിനു മുമ്പും മുഖം കഴുകാൻ മറക്കാതിരിക്കുക.

സന്തുലിതാഹാരം

കഴിക്കണം. ധാരാളം വെള്ളം കുടിക്കുക. മധുരപലഹാരങ്ങൾ, എണ്ണപ്പലഹാരങ്ങൾ, നെയ്യ്, വെണ്ണ, ചോക്ലേറ്റ് എന്നിവയുടെ ഉപയോഗം കുറയ്‌ക്കണം. മുഖത്ത് അനാവശ്യമായി ക്രീമുകളും സൗന്ദര്യവർദ്ധക വസ്‌തുക്കളും പുരട്ടാതിരിക്കുക. മുടിയിൽ എണ്ണമയം കൂടിയാൽ മുഖക്കുരു വരാനിടയുണ്ട്. മുഖക്കുരു ഉണ്ടായാൽ വിരൽകൊണ്ട് ഇടയ്‌ക്കിടെ തൊടാനോ ഞെക്കാനോ കുത്തിപ്പൊട്ടിക്കാനോ പാടില്ല. അങ്ങനെ ചെയ്‌താൽ പഴുപ്പുവരും. ചർമ്മരോഗ വിദഗ്‌ദ്ധനായ ഡോക്‌ടറെ കാണിച്ച് ചികിത്സ തുടങ്ങുന്നതാണു നല്ലത്.

മുടി കൊഴിച്ചിൽ

കേശസംരക്ഷണത്തിൽ ശ്രദ്ധിക്കാതിരുന്നാൽ മുടികൊഴിച്ചിൽ ഉണ്ടാവും. അതിനു പുറമേ പോഷകാഹാരക്കുറവ്, തലയോട്ടിയിലെ ചർമ്മരോഗങ്ങളും താരനും ഹോർമോൺ തകരാറുകൾ, ചിലരോഗങ്ങൾ, മാനസിക സംഘർഷം എന്നിവ കൊണ്ടും മുടി കൂടുതലായി കൊഴിയാറുണ്ട്.

ആഴ്‌ചയിലൊന്നോ രണ്ടോ തവണ മുടിയിൽ എണ്ണ തേയ്‌ക്കുന്നതിൽ തെറ്റില്ല. പക്ഷേ കൂടുതൽ എണ്ണമയമുണ്ടായാൽ തല വിയർക്കുമ്പോൾ അഴുക്കും രോഗാണുക്കളും മുടിയിൽ അടിഞ്ഞുകൂടി മുടി കൊഴിയാനും ചർമ്മരോഗങ്ങൾ വരാനും സാദ്ധ്യതയുണ്ട്. അതുകൊണ്ട് കൃത്യമായി ഷാംപൂ ചെയ്‌ത് മുടി വൃത്തിയാക്കണം.

നിങ്ങളുടെ മുടിയുടെ സ്വഭാവത്തിന് അനുയോജ്യമായ വീര്യം കുറഞ്ഞ ഷാംപൂ ആഴ്‌ചയിലൊരിക്കൽ മാത്രം ഉപയോഗിക്കുക. ഷാംപൂ നന്നായി കഴുകിക്കളയണം. കണ്ടീഷണർ ഉപയോഗിക്കുന്നുണ്ടെങ്കിൽ അത് മുടിയിൽ മാത്രം പുരട്ടുക. കൂടുതൽ പ്രാവശ്യം ഷാംപൂ ചെയ്യുന്നതും ശക്‌തികൂടിയ ഷാംപൂ ഉപയോഗിക്കുന്നതും മുടികൊഴിയാനിടയാക്കും. മുടി ചീകുന്നതും ചുരുട്ടുന്നതും (റോളേഴ്‌സ് ഉപയോഗിച്ച്) മറ്റും നനഞ്ഞ മുടിയാണെങ്കിൽ ചെയ്യരുത്. മുടിപൊട്ടാനും കൊഴിയാനുമിടയുണ്ട്. മുടി ചീകുന്ന ബ്രഷും ചീർപ്പും ഇടയ്‌ക്കിടെ കഴുകി വൃത്തിയാക്കി ഉണക്കണം. മറ്റുള്ളവരുടെ ചീർപ്പും ബ്രഷും ഉപയോഗിക്കുന്നത് ശരിയല്ല. ചർമ്മരോഗങ്ങൾ പകരാനിടയുണ്ട്. മുടികൊഴിച്ചിൽ കൂടുകയാണെങ്കിൽ ചർമ്മരോഗവിദഗ്‌ദ്ധനെ കാണിക്കേണ്ടതാണ്.

മാനസിക പ്രശ്നങ്ങൾ

പെൺകുട്ടികൾ ഏറ്റവുമധികം മാനസികസംഘർഷം അനുഭവിക്കുന്നത് കൗമാരപ്രായത്തിലാണ്. മുഖസൗന്ദര്യം, ശരീരത്തിന്‍റെ വണ്ണം, മുടി എന്നിവയെക്കുറിച്ചെല്ലാം വേവലാതിപ്പെടുന്നത് സ്വാഭാവികമാണ്. കൂട്ടുകാരുടെ ഗ്രൂപ്പിൽ ഇടം നേടാനും സ്വന്തമായ വ്യക്‌തിത്വം നില നിർത്താനുമുള്ള ശ്രമം, സ്വാതന്ത്യ്രത്തോടുള്ള താല്‌പര്യം, അച്‌ഛനമ്മമാരുടെ ഉപദേശം ശ്രദ്ധിക്കാതിരിക്കുക, അനാവശ്യമായ കോപം, ഉൽകണ്ഠ, അപകർഷതാബോധം എന്നിങ്ങനെ ഒട്ടേറെ മാനസികമായ മാറ്റങ്ങൾ ഈ പ്രായത്തിൽ കാണാറുണ്ട്.

കൗമാരപ്രണയങ്ങളും പ്രണയത്തകർച്ചകളും പഠനകാര്യത്തിലുള്ള പ്രശ്നങ്ങളും ആരോഗ്യപ്രശ്നങ്ങളുമെല്ലാം കൗമാരപ്രായത്തിന്‍റെ പ്രത്യേകതകളാണ്. എടുത്തുചാട്ടവും അനുസരണക്കേടും ദേഷ്യവും വിവരമില്ലായ്‌മയുമെല്ലാം ഈ കാലഘട്ടത്തിന്‍റെ പ്രത്യേകതയാണെന്നു മനസിലാക്കി അച്‌ഛനമ്മമാർ ക്ഷമയോടെ കുട്ടികൾക്ക് ആവശ്യമായ പിന്തുണയും നിർദ്ദേശവും നല്‌കണം.

TAGS:health,health problems,health tips,teenage,teenage girl,teenage girl and health problems

ആരോഗ്യം വൃക്തിബന്ധങ്ങൾ Relationship

മുലയൂട്ടൽ സ്ത്രീക്കു ലഭിച്ച വരദാനം

by blogadmin ആരോഗ്യം വൃക്തിബന്ധങ്ങൾ Relationship on April 12, 2022

സ്ത്രീകളുടെ ഉത്തരവാദിത്വങ്ങൾ വീടുകളിൽ മാത്രം ഒതുങ്ങാതെ പൊതുജീവിതത്തിലേക്കും നീങ്ങിക്കൊണ്ടിരിക്കുകയാണ്. മാതൃത്വത്തിന്‍റെ കർത്തവ്യം പൂർണ്ണമായും നിറവേറ്റുന്നതിൽ നിന്നും ഇതവരെ തടസ്സപ്പെടുത്തുന്നു. മുലയൂട്ടലും അത്തരമൊരു കർത്തവ്യമാണ്. മുലയൂട്ടുന്നതു കൊണ്ട് പല ഗുണങ്ങളുണ്ടെന്നുള്ള കാര്യം വിദ്യാസമ്പന്നരായ സ്ത്രീകൾക്ക് അറിവുള്ള കാര്യമാണ്. മുലപ്പാൽ കുടിക്കുന്ന കുഞ്ഞുങ്ങൾക്ക് ശ്വാസകോശ- ഉദരസംബന്ധമായ പലരോഗങ്ങളും വരാനുള്ള സാധ്യത കുറയുന്നു. അമ്മയ്ക്കും കുഞ്ഞിനുമിടയിലുള്ള സ്നേഹവും അടുപ്പവും വർദ്ധിക്കാനിത് ഇടവരുത്തുന്നു.

മുലയൂട്ടന്നതു കൊണ്ടുള്ള പ്രയോജനങ്ങൾ

കുഞ്ഞിനു മാത്രമല്ല അമ്മയ്ക്കും ഇത് പ്രയോജന പ്രദമാണ്. മുലയൂട്ടുന്ന അമ്മമാർക്ക് സ്തനാർബ്ബുദം വരാനുള്ള സാധ്യത കുറയും. ഗർഭിണിയാകുന്നതോടെ അമ്മയുടെ തൂക്കം കൂടുന്നു. ഗർഭാശയം അതിന്‍റെ സ്ഥാനത്തുനിന്ന് അല്പം താഴേക്ക് വരുന്നു. മുലയൂട്ടുന്നതു കൊണ്ട് അമ്മമാരുടെ തൂക്കം നല്ല രീതിയിൽ കുറയുന്നു. അതുകൂടാതെ ഗർഭാശയം പൂർവ്വസ്‌ഥിതിയാല്‍ ആവുകയും ചെയ്യുന്നു.

ചർമ്മത്തിലുണ്ടാകുന്ന അസുഖങ്ങളും മറ്റു പലതരത്തിലുള്ള അലർജികളും മുലപ്പാൽ കുടിച്ചു വളരുന്ന കുഞ്ഞുങ്ങൾക്കു കുറവായിരിക്കും. എന്നാൽ ഇന്നത്തെ ആധുനിക വനിതകൾ മുലയൂട്ടുന്നതിനെ സംബന്ധിച്ച് ചില തെറ്റിദ്ധാരണകൾ വച്ചു പുലർത്തുന്നവരാണ്.

മുലയൂട്ടുന്നതു കൊണ്ട് സ്തനഭംഗി കുറയുകയും ഫിഗർ നഷ്ടപ്പെടുകയും ചെയ്യുമെന്നാണ് സ്ത്രീകൾ ധരിച്ചു വച്ചിരിക്കുന്നത്. എന്നാലിത് തികച്ചും തെറ്റാണ്. മുലയൂട്ടുന്നതുകൊണ്ട് ഇങ്ങനെയൊന്നും സംഭവിക്കാറില്ല. അങ്ങനെയാണെങ്കിൽ ഒരിക്കലും പ്രസവിക്കാത്ത സ്ത്രീകളുടെയും ആജീവനാന്തം അവിവാഹിതരായി കഴിയുന്ന സ്ത്രീകളുടെയും സ്തനങ്ങൾ അയഞ്ഞു തൂങ്ങാറില്ലേ. ഇതൊരു പ്രകൃതി നിയമമാണ്. വയസ്സാകുന്തോറും സൗന്ദര്യത്തിൽ കാര്യമായ മാറ്റം സംഭവിക്കാറുണ്ട്.

സ്തനാർബുദം ഉണ്ടാവുന്നില്ല

മുലയൂട്ടുന്നതു കൊണ്ട് സ്തനാർബുദം ഉണ്ടാവാനുള്ള സാധ്യത കുറയുന്നു. മുലയൂട്ടുന്നതു കൊണ്ട് ശരീരം തടിക്കാനിടയുണ്ടെന്നും ക്ഷീണമുണ്ടാകുമെന്നും രോഗങ്ങളുണ്ടാവാനുള്ള സാധ്യതയുണ്ടെന്നും അമ്മമാർ തെറ്റിദ്ധരിക്കാറുണ്ട്. എന്നാൽ മുലയൂട്ടുന്നതു കൊണ്ട് ശരീരം മെലിയുന്നുവെന്നതാണ് യാഥാർത്ഥ്യം.

ഗർഭകാലത്ത് അമ്മയുടെ തൂക്കം ഏകദേശം 10 കിലോഗ്രാം കൂടുന്നു. വയർ, തുട, നെഞ്ച്, അരക്കെട്ട് എന്നീ ഭാഗങ്ങളിൽ കൊഴുപ്പ് അടിഞ്ഞു കൂടുന്നു. മുലയൂട്ടുന്നതു കൊണ്ട് അധികമുള്ള കൊഴുപ്പ് എരിച്ചു കളയാൻ സാധിക്കുന്നു. കൂടാതെ ശരീരം സ്ലിമ്മായും ചുറുചുറുക്കുള്ളതായും മാറുന്നു.

പാശ്ചാത്യ സ്വാധീനം

കുഞ്ഞുങ്ങളെ പരിചരിച്ച് ലാളിച്ച് വളർത്തുന്നതിനുള്ള പൂർണ്ണ ചുമതല ഇന്ത്യൻ സ്ത്രീകൾ ഏറ്റെടുക്കുന്നു. അമ്മയ്ക്കും കുഞ്ഞിനുമിടയിലുള്ള സ്നേഹം ഊട്ടി വളർത്തുന്നതിനും ഊഷ്മളമായ ബന്ധം സൃഷ്ടിക്കുന്നതിനും ഇത് സഹായിക്കുന്നു.

എന്നാൽ സമൂഹത്തിലെ ഉന്നത ശ്രേണിയിലുള്ള സ്ത്രീകൾ പാശ്ചാത്യലോകത്തെ അനുകരിക്കുക മാത്രമല്ല, കുഞ്ഞുങ്ങളെ പോറ്റി വളർത്തുന്നതിലും മുലയൂട്ടുന്നതിലും മടി കാണിക്കുന്നവരാണ്. ഉദ്യോഗസ്ഥരായ സ്ത്രീകൾ മുലയൂട്ടുന്നതിൽ അല്പം ബുദ്ധിമുട്ട് അനുഭവിക്കുന്നവരാണ്. മുലയൂട്ടുന്നതുകൊണ്ട് മറ്റു ജോലികളിൽ ഏർപ്പെടാനും അവർക്കു ബുദ്ധിമുട്ടാവുന്നു. മൂന്നുനാലു മണിക്കൂറിനു ശേഷം വീണ്ടും കുഞ്ഞിന് പാല് കൊടുക്കേണ്ടി വരുന്നു. നവജാത ശിശുക്കൾക്കാണെങ്കിൽ ഓരോ മണിക്കൂർ ഇടവിട്ട് പാല് കൊടുക്കേണ്ടി വരുന്നു. എന്നാൽ വീട്ടിലുള്ളിടത്തോളം സമയം കുഞ്ഞിനെ മുലയൂട്ടുന്നതു നല്ലതാണ്.

വിപണിയിൽ ലഭിക്കുന്ന മിൽക്ക് പൗഡറുകൾക്ക് മുലപ്പാലിനെ തോല്പിക്കാൻ ആവുകയില്ല. മിൽക്ക് പൗഡർ ഉപയോഗിക്കുന്നതുകൊണ്ട് പല കുട്ടികൾക്കും ലാക്ടോസ് ഇൻറർലറേൻസ് തുടങ്ങിയ ഉദരസംബന്ധമായ പ്രശ്നങ്ങളുണ്ടാവാനുള്ള സാധ്യത കൂടുന്നു.

സാമൂഹികവും സംഘടനാപരവുമായി സ്ത്രീകൾ പല പ്രവർത്തനങ്ങളിൽ ഏർപ്പെട്ടു പ്രവർത്തിക്കുന്നവരാണ്. വീട്ടിലെയും പുറത്തെയും ടെൻഷൻ ഒരുപോലെ അനുഭവിക്കുന്നവരാണ് അവർ. ഇന്നത്തെ ഈ യാന്ത്രികയുഗത്തിൽ ജീവിക്കുന്ന സ്ത്രീക്ക് കുടുംബത്തോടും ഭർത്താവിനോടും കുഞ്ഞുങ്ങളോടും ചില ഉത്തരവാദിത്വങ്ങളുണ്ട്.

ആരോഗ്യം

സ്ത്രീകളിലെ രക്‌തക്കുറവിനുള്ള കാരണങ്ങള്‍

by blogadmin ആരോഗ്യം on April 8, 2022

സ്ത്രീകളിൽ ഏറ്റവുമധികം കാണപ്പെടുന്ന ഒരു ആരോഗ്യപ്രശ്നമാണ് രക്‌തക്കുറവ് അഥവാ അനീമിയ കൊണ്ടുള്ള ക്ഷീണം.

ഡോക്ടറെ സമീപിക്കുന്ന സ്ത്രീ രോഗികളിൽ പലരുടെയും പ്രശ്നം ക്ഷീണവും ശക്തിക്കുറവുമാണ്. വീട്ടമ്മമാരായാലും ജോലിക്കു പോകുന്ന സ്ത്രീകളായാലും ക്ഷീണത്തിനു പല കാരണങ്ങളുണ്ടാവാം. പ്രാതൽ കഴിക്കാതിരിക്കുക, ഉറക്കക്കുറവ്, രാത്രി ഏറെനേരം ജോലിയെടുക്കുക, ഓഫീസിലെയും വീട്ടിലെയും ജോലിത്തിരക്കുകൾ, മാനസിക പ്രശ്നങ്ങൾ എന്നിങ്ങനെ പല പ്രശ്നങ്ങൾ കൊണ്ട് ക്ഷീണമുണ്ടാവാം. പക്ഷേ ഭാരതീയ സ്ത്രീകളിൽ ഏറ്റവുമധികം കാണപ്പെടുന്ന ഒരു ആരോഗ്യപ്രശ്നമാണ് രക്‌തക്കുറവ് (വിളർച്ച) അഥവാ അനീമിയ (Anemia) കൊണ്ടുള്ള ക്ഷീണം. വിരശല്യം മുതൽ കാൻസർ വരെ ഇതിനു കാരണമാവാമെന്നതിനാൽ ഇത് അവഗണിക്കാതെ ഡോക്ടറെ കാണിച്ച് ചികിത്സ തുടങ്ങേണ്ടതാണ്.

വിളർച്ച എന്തുകൊണ്ട്?

ശരീരത്തിൽ രക്തത്തിന്‍റെ അളവ് കുറയുന്നതാണ് വിളർച്ച. ശ്വസിക്കുമ്പോൾ രക്തത്തിൽ കലരുന്ന പ്രാണവായു (ഓക്സിജൻ) ശരീരത്തിന്‍റെ വിവിധ ഭാഗങ്ങളിലെ കോശങ്ങളിലെത്തിക്കാൻ സഹായിക്കുന്നത് രക്തത്തിലെ ചുവന്ന രക്താണുക്കളിൽ (Red Blood Corpuscles- RBC) അടങ്ങിയ ഹീമോഗ്ലോബിൻ (Haemoglobin) ആണ്. ചുവന്ന രക്താണുക്കൾ കുറയുമ്പോൾ ഹീമോഗ്ലോബിന്‍റെ അളവും ഹീമോഗ്ലോബിന് ഓക്സിജൻ വഹിക്കാനുള്ള കഴിവും (Oxygen Carrying Capacity) കുറയുന്നതുകൊണ്ടാണ് വിളർച്ച ഉണ്ടാകുന്നത്. വിളർച്ച എത്രയുണ്ടെന്ന് ഏകദേശം മനസ്സിലാക്കുന്നത് ഹീമോഗ്ലോബിന്‍റെ തോത് അളന്നിട്ടാണ്. പൊതുവെ സാധാരണ സ്ത്രീകൾക്ക് 12.3 മുതൽ 15.3 ഗ്രാം/ ഡെസിലിറ്റർ ഹീമോഗ്ലോബിൻ ഉണ്ടാവണം. 10-11.9 gm/dl ആയാൽ ലഘുവായ രക്തക്കുറവും (Mild Anemia) 7-9.9 gm/dl ആയാൽ അല്പം കൂടി ഗൗരവമുള്ള രക്തക്കുറവും (Moderate Anemia) 7 ഗ്രാമിൽ കുറഞ്ഞാൽ ഗൗരവമേറിയ രക്തക്കുറവും (Severe Anemia) എന്നു കണക്കാക്കാം.

ഹീമോഗ്ലോബിന്‍റെ പ്രധാന ഘടകം ഇരുമ്പാണ്. അതുകൊണ്ട് ശരീരത്തിൽ ഇരുമ്പിന്‍റെ അംശം കുറയുന്നതു കൊണ്ട് വിളർച്ചയുണ്ടാവാം. കൗമാരപ്രായത്തിലുള്ള പെൺകുട്ടികൾക്കും ഗർഭിണികൾക്കും മുലയൂട്ടുന്ന അമ്മമാർക്കും പുരുഷന്മാരേക്കാളധികം ഇരുമ്പിന്‍റെ അംശം ആവശ്യമുള്ളതിനാൽ ഇരുമ്പുസത്തടങ്ങിയ ഭക്ഷണപദാർത്ഥങ്ങൾ കഴിക്കേണ്ടതാണ്.

വിളർച്ചയുണ്ടാക്കുന്ന കാരണങ്ങൾ

എല്ലിനുള്ളിലെ മൃദുവായ ഭാഗമായ മജ്ജയിൽ നിന്നാണ് (Bone Marrow) ചുവന്ന രക്താണുക്കൾ ഉല്പാദിപ്പിക്കപ്പെടുന്നത്. വൃക്കയിൽ നിന്നുണ്ടാവുന്ന എറിത്രോപോയിറ്റിൻ (erythropoietin) എന്ന ഹോർമോൺ ഈ ഉല്പാദനപ്രക്രിയയെ പ്രേരിപ്പിക്കുന്നു. ഭക്ഷണത്തിൽ നിന്നും ഇരുമ്പിന്‍റെ അംശം പോലെ വിവിധ വിറ്റാമിനുകളും പ്രോട്ടീനും ലഭിക്കേണ്ടത് ഇതിനാവശ്യമാണ്. ചുവന്ന രക്താണുക്കളും ഹീമോഗ്ലോബിനും ഉണ്ടാകുന്ന പ്രക്രിയയിൽ എന്തെങ്കിലും തടസ്സം കൊണ്ട് ഉല്പാദനം കുറയുക, ചുവന്ന രക്താണുക്കൾ അമിതമായി നശിച്ചു പോവുക, വർദ്ധിച്ച രക്തസ്രാവം, പോഷകാഹാരക്കുറവ് എന്നിങ്ങനെ പല കാരണങ്ങൾ കൊണ്ട് വിളർച്ചയുണ്ടാവുന്നു. വിളർച്ച ഏതുതരത്തിലാണ് എന്നതനുസരിച്ച് ലക്ഷണങ്ങളും ചികിത്സയും വ്യത്യസ്തമായിരിക്കും.

വിളർച്ചയുണ്ടാക്കാനിടയുള്ള സന്ദർഭങ്ങളും പ്രധാന കാരണങ്ങളും താഴെപ്പറയുന്നവയാണ്.

ആർത്തവ രക്‌തസ്രാവം

സ്ത്രീകൾക്ക് സാധാരണയായി 60 മി.ലി മുതൽ 90 മി.ലി വരെ രക്തം ആർത്തവ സമയത്ത് ശരീരത്തിൽ നിന്നും നഷ്ടപ്പെടുന്നു. അമിത രക്‌തസ്രാവം, ക്രമം തെറ്റിയ ആർത്തവം, മാസത്തിൽ രണ്ടു പ്രാവശ്യം വരുന്ന ആർത്തവം എന്നിവ കൊണ്ട് വിളർച്ചയുണ്ടാകുന്നതിനാൽ ഡോക്ടറെ കാണിക്കേണ്ടതാണ്. ആർത്തവരക്തം പോകുന്നതിന്‍റെ അളവ് ഏകദേശം മനസ്സിലായാൽ രക്തസ്രാവം കൂടുതലോ കുറവോ എന്നു നിർണ്ണയിക്കാം. ആർത്തവം നടക്കുമ്പോൾ എത്ര ദിവസം രക്തം പോകുന്നു, എത്ര പാഡുകൾ മാറ്റേണ്ടി വരുന്നു എന്നു തുടങ്ങിയ വിവരങ്ങൾ കുറിച്ചു വച്ച് ഡോക്ടറോടു പറയണം. രണ്ടോ മൂന്നോ ദിവസം നീണ്ടു നിൽക്കുന്ന ആർത്തവം, അല്പമായി രക്തം പോകുന്നത് ആറേഴു ദിവസം നീണ്ടു നില്ക്കുന്ന ആർത്തവം, ഒരു ദിവസം ഏകദേശം 4 പാഡ് മാറ്റുക എന്നിവ സാധാരണയാണെന്നു പറയാം. പക്ഷേ ആർത്തവരക്തം കൂടുതലായി പോവുക, മൂന്നു ദിവസത്തിലധികം നീണ്ടു നില്ക്കുന്ന അമിത രക്തസ്രാവം, കൂടുതൽ പ്രാവശ്യം പാഡ് മാറ്റേണ്ടി വരിക എന്നിവയെല്ലാം വർദ്ധിച്ച രക്തസ്രാവത്തിന്‍റെ സൂചനയായതിനാൽ ഡോക്ടറെ കാണിച്ചു ചികിത്സ തുടങ്ങണം.

ഗർഭാവസ്‌ഥ

ഗർഭിണികളിൽ 50 ശതമാനം പേരിൽ വിളർച്ച കാണപ്പെടുന്നു. ഗർഭസ്‌ഥ ശിശുവിന് അമ്മയുടെ ശരീരത്തിൽ നിന്നാണു രക്തം ലഭിക്കുന്നത്. അതിനാൽ ഗർഭിണിയുടെ ശരീരത്തിൽ രക്തകോശങ്ങളുടെ ഉല്പാദനം വർദ്ധിക്കുന്നു. പോഷകാഹാരക്കുറവു കൊണ്ടോ മറ്റു കാരണം കൊണ്ടോ ഗർഭിണിയുടെ ശരീരത്തിൽ വേണ്ടത്ര ചുവന്ന രക്താണുക്കൾ ഉല്പാദിപ്പിക്കപ്പെടുന്നില്ലെങ്കിൽ വിളർച്ച ഉണ്ടാവാം. ഗർഭാവസ്‌ഥയിൽ രണ്ടുതരത്തിലുള്ള വിളർച്ചയുണ്ടാവുന്നു. ഗർഭാവസ്‌ഥയുടെ രണ്ടാം പകുതിയിൽ സാധാരണയായി അല്പം വിളർച്ച പതിവാണ് ഇതിനെ Physiological Anemia പറയും. പക്ഷേ ഇതിൽ 10 ഗ്രാം വരെ മാത്രമേ ഹീമോഗ്ലോബിൻ കുറയാറുള്ളു. 10 ഗ്രാമത്തിലധികം കുറഞ്ഞാൽ അതിനെ Pathological Anemia എന്നു പറയും. ഇതിനു ചികിത്സ വേണ്ടി വരും. ഗർഭാവസ്‌ഥയിൽ ഹീമോഗ്ലോബിൻ 8-10 ഗ്രാം വരെയായാൽ ലഘുവായ വിളർച്ച, 7-8 ഗ്രാം ആയാൽ അല്പം ഗൗരവമുള്ള വിളർച്ച, 7 ഗ്രാമിൽ കുറഞ്ഞാൽ ഗൗരവം കൂടിയ വിളർച്ച?എന്നിങ്ങനെ തരം തിരിക്കാറുണ്ട്.

പ്രസവം

പ്രസവസമയത്ത് സങ്കീർണ്ണതകളുണ്ടായാൽ വിളർച്ചയുണ്ടാവാം. ഗർഭാവസ്‌ഥയിലോ പ്രസവസമയത്തോ വർദ്ധിച്ച രക്തസ്രാവം, ഗർഭഛിദ്രം, ഗുരുതരമായ അണുബാധ, മാസം തികയാതെയുള്ള പ്രസവം, ഇരട്ട പ്രസവം, മറുപിള്ളയിലുണ്ടാകുന്ന പ്രശ്നങ്ങൾ എന്നിവ വിളർച്ചയുണ്ടാക്കാം. ഗർഭപാത്രത്തിനു വെളിയിൽ പ്രത്യേകിച്ചും അണ്ഡവാഹിനിക്കുഴലിൽ ഗർഭധാരണം (Eetopic Pragnancy) നടന്നാൽ അതുപൊട്ടി വയറ്റിനുള്ളിൽ ആന്തരിക രക്‌തസ്രാവം ഉണ്ടാവുകയും അത്യധികമായ വിളർച്ചയും ഷോക്ക് എന്ന ഗുരുതരാവസ്‌ഥയും ഉണ്ടായി രോഗി മരിക്കുന്ന അവസ്‌ഥയിലെത്തുകയും ചെയ്യാറുണ്ട്.

ഗർഭാശയ രോഗങ്ങൾ

ഗർഭപാത്ര മുഴകൾ (Fibroids), എൻഡോമെട്രിയോസിസ് തുടങ്ങിയ ഗർഭാശയ രോഗങ്ങൾ കൊണ്ട് വേദനയോടു കൂടിയ അമിത രക്തസ്രാവം ഉണ്ടാവാം. ഗർഭാശയത്തിനുള്ളിലോ ഗർഭാശയഗളത്തിലോ അർബുദമുണ്ടായാൽ ലൈംഗികബന്ധത്തിലേർപ്പെടുമ്പോൾ രക്‌തസ്രാവം, ഇടക്കിടെ വേദനയില്ലാതെ രക്‌തസ്രാവം എന്നിവ ഉണ്ടായി വിളർച്ചയുണ്ടാവാനിടയുണ്ട്.

ശരീരത്തിൽ നിന്നും രക്തം നഷ്ടപ്പെടുക

ദീർഘകാലം നീണ്ടുനില്ക്കുന്ന മൂലക്കുരു, വയറ്റിനുള്ളിൽ (ആമാശയത്തിലോ കുടലിലോ) ഉണ്ടാവുന്ന വ്രണങ്ങൾ എന്നിവ രക്തസ്രാവമുണ്ടാക്കാം. വാഹനാപകടങ്ങൾ, വയറ്റിലെ വ്രണം പൊട്ടൽ, അണ്ഡവാഹിനിക്കുഴലിൽ ഗർഭധാരണം നടന്നത് പൊട്ടൽ, ഗുരുതരമായ അണുബാധ (Speticemia) എന്നീ കാരണങ്ങൾ കൊണ്ട് വയറ്റിനുള്ളിൽ ആന്തരിക രക്തസ്രാവം ഉണ്ടായാൽ രോഗിയുടെ അവസ്‌ഥ ഗുരുതരമാവാനോ മരിച്ചു പോവാനോ സാദ്ധ്യതയുണ്ട്. ശരീരത്തിൽ നിന്നും രക്തം നഷ്ടപ്പെടുന്നത് വിളർച്ചയുടെ പ്രധാന കാരണമാണ്.

പോഷകാഹാരക്കുറവ്

കൗമാരപ്രായത്തിലെ പെൺകുട്ടികൾ, ഗർഭിണികൾ, മുലയൂട്ടുന്ന അമ്മമാർ എന്നിവരിൽ പോഷകാഹാരക്കുറവു കൊണ്ടുള്ള വിളർച്ച (Nutritional Anemia) കൂടുതലായി കാണപ്പെടുന്നു. ഇത് പൊതുവെ രണ്ടുതരത്തിലാണ്.

ഇരുമ്പിന്‍റെ അംശം കുറയുന്നതു കൊണ്ടുള്ള വിളർച്ച (Iron Deficiency Anemia) ഇന്ത്യയിലെ 90 ശതമാനം സ്ത്രീകളിൽ ഇതുണ്ടാവുന്നു. വിറ്റാമിൻ ബി 12, ഫോളിക് ആസിഡ് എന്നീ ജീവകങ്ങളുടെ തനിച്ചോ കൂട്ടായോ ഉള്ള അഭാവം കൊണ്ട് വിളർച്ച (Megaloblastic Anemia) ഉണ്ടാവാം.

അതിനു പുറമേ വിറ്റാമിൻ ബി6, സി, പ്രോട്ടീൻ എന്നിവയുടെ കുറവും വിളർച്ചയുണ്ടാക്കാറുണ്ട്. ഈ വിറ്റാമിനുകളും ഇരുമ്പിന്‍റെ അംശവും ഭക്ഷണത്തിൽ നിന്നു ലഭിക്കാതിരിക്കുമ്പോഴും ശരീരത്തിലേക്ക് ആഗിരണം ചെയ്യാതിരിക്കുമ്പോഴും (ആമാശയത്തിന്‍റെയോ കുടലിന്‍റെയോ അസുഖങ്ങൾ, ശസ്ത്രക്രിയ കൊണ്ട് ആമാശയമോ കുടലോ നീക്കം ചെയ്ത അവസ്‌ഥ എന്നിവ കൊണ്ട്) വിളർച്ചയുണ്ടാവാനിടയുണ്ട്.

മജ്ജയെ ബാധിക്കുന്ന രോഗങ്ങൾ

മജ്ജയെ രോഗം ബാധിച്ചാൽ ചുവന്ന രക്താണുക്കളുടെ ഉല്പാദനം കുറയുകയോ അവ കൂടുതലായി നശിക്കുകയോ ചെയ്യും. മജ്ജയെ ബാധിക്കുന്ന എപ്ലാസ്റ്റിക് അനീമിയ (Aplastic Anemia) ഉണ്ടാവാൻ പല കാരണങ്ങളുണ്ട്. ചിലതരം മരുന്നുകൾ, വൈറസ് രോഗങ്ങൾ, രക്താർബ്ബുദം (Leukaemia), മൾട്ടിപ്പിൾ മയലോമയും (Multiple myeloma), ലിംഫോമ (Lymphoma) പോലുള്ള അർബ്ബുദങ്ങൾ, പ്രതിരോധശക്‌തി കുറയ്ക്കുന്ന രോഗങ്ങൾ (Auto Immune) തുടങ്ങിയവ. ഇതിന്‍റെ ഫലമായി രക്‌താണുക്കൾ വളരെയധികം കുറയുക, രക്തസ്രാവം, ഗൗരവമേറിയ അണുബാധ എന്നിവ ഉണ്ടാവാം.

മറ്റു കാരണങ്ങൾ

ചിലതരം മരുന്നുകൾ (ആസ്പിരിൻ, ഇൻഡോമെത്തസിൻ മുതലായവ) ഭക്ഷണത്തിലും അന്തരീക്ഷത്തിലുമുള്ള വിഷ പദാർത്ഥങ്ങൾ, കീടനാശിനികൾ, റേഡിയേഷൻ എന്നിങ്ങനെ പല കാരണങ്ങൾ കൊണ്ട് രക്‌താണുക്കളുടെ ഉല്പാദനം കുറഞ്ഞ് വിളർച്ചയുണ്ടാവാം.

രോഗപ്രതിരോധ വ്യവസ്‌ഥയെ ബാധിക്കുന്ന രോഗങ്ങൾ

എയ്ഡ്സ്, അർബ്ബുദം, ഓട്ടോ ഇമ്മ്യൂൺ രോഗങ്ങൾ, ഗൗരവമേറിയ അണുബാധ തുടങ്ങിയ രോഗങ്ങൾ കൊണ്ട് വിളർച്ചയുണ്ടാവാം.

ഹീമോലിറ്റിക് അനീമിയ

ഇത്തരം അനീമിയ ഉണ്ടായാൽ ഉല്പാദിപ്പിക്കപ്പെടുന്നതിനേക്കാളധികം കൂടുതൽ ചുവന്ന രക്താണുക്കൾ നശിപ്പിക്കപ്പെടുന്നു. പാരമ്പര്യമായി ഉണ്ടാവുന്ന തുടങ്ങിയ രോഗങ്ങൾ കൊണ്ടും ചുവന്ന രക്താണുക്കൾ നശിച്ച് വിളർച്ചയുണ്ടാവാം.

ദീർഘകാല രോഗങ്ങൾ

വൃക്കയുടെ പ്രവർത്തനം സ്തംഭിക്കുക (Kidney Faliure), വൃക്കയെ ബാധിക്കുന്ന ദീർഘകാല രോഗങ്ങൾ, കരളിന്‍റെ പ്രവർത്തനം സ്തംഭിക്കുക (Liver Faliure), എയ്ഡ്സ്, അർബ്ബുദം, ക്ഷയം, മലമ്പനി, സന്ധിരോഗങ്ങൾ എന്നിവ കൊണ്ടും വിരശല്യം (ഉദാ: ഹുക്ക് വേം) കൊണ്ടും കാൻസറിന്‍റെ മരുന്നുകൾ, റേഡിയേഷൻ എന്നിവ കൊണ്ടും വിളർച്ചയുണ്ടാവാം.

TAGS:Anemia, anemia in wome,n anemia reasons, symptoms of anemia, treatment of anemia

ആരോഗ്യം ദാമ്പത്യം Marriage മുഖ സൗന്ദര്യം മേക്കപ്പ്സ്ത്രീ സൗന്ദര്യം (Feminine beauty)

വെയിൽ ആരോഗ്യത്തിന് ഉത്തമം

by blogadmin ആരോഗ്യം ദാമ്പത്യം Marriage മുഖ സൗന്ദര്യം മേക്കപ്പ്സ്ത്രീ സൗന്ദര്യം (Feminine beauty) on April 8, 2022

എന്തൊരു വെയിലാണ് എന്ന് വേനൽക്കാലത്ത് മിക്കവാറും പെൺകുട്ടികൾ ആവലാതിപ്പെടാറുണ്ട്. ഭക്ഷണത്തിനും വെള്ളത്തിനും ശരീരത്തൽ എത്രത്തോളം പ്രാധാന്യമുണ്ടോ അത്ര തന്നെ സൂര്യകിരണങ്ങൾക്കും ഉണ്ട് എന്ന വസ്തുത മറന്നു കൊണ്ടുള്ളതാണ് ഈ പ്രസ്താവന. സൂര്യനില്ലാത്ത ലോകത്തെക്കുറിച്ച് സങ്കൽപ്പിക്കാൻ പോലും പ്രയാസമല്ലേ. പണ്ടൊക്കെ പെൺകുട്ടികളാണ് വെയിൽ ഏൽക്കാതിരിക്കുവാൻ കൂടുതൽ ശ്രദ്ധിച്ചിരുന്നുവെങ്കിൽ ഇന്ന് ആൺകുട്ടികളും ഇക്കാര്യത്തിൽ ഒട്ടും പുറകിലല്ല.

വെയിൽ കൊണ്ടാൽ ശരീരകാന്തി പോകുമെന്നുള്ള തരത്തിലുള്ള ചിന്ത ചെറുപ്പകാലം തൊട്ടേ തുടങ്ങുന്നു എന്നാണ് മനഃശാസ്ത്രജ്ഞന്മാർ കണക്കാക്കുന്നത്. വെയിലേറ്റ് കരുവാളിക്കുന്ന ചർമ്മം എങ്ങനെ സംരക്ഷിക്കാം എന്നായിരിക്കും പരസ്യങ്ങളിലെല്ലാം പ്രമേയം. പ്രത്യേകതരം ക്രീം പുരട്ടിയില്ലെങ്കിൽ മുഖകാന്തിയെ ഇത് രൂക്ഷമായി ബാധിക്കും. സമൂഹത്തിന് അസ്വീകാര്യമായ കറുത്ത നിറത്തിൽ നിന്നും മോചനം നേടൂ…. എന്നൊക്കെയുള്ള പരസ്യ വാചകങ്ങൾ സ്ത്രീകളെ സ്വാധീനിക്കാതിരിക്കുന്നത് എങ്ങനെ? കറുത്തു കരുവാളിച്ച നിറത്തിന് എതിരെയുള്ള സമൂഹത്തിന്‍റെ ഈ എതിർപ്പ് തള്ളിക്കളയാവുന്നതല്ല. അതുകൊണ്ട് വിപണിയിൽ ഇറങ്ങുന്ന ഈ പ്രത്യേകതരം ക്രീമുകൾ ചൂടപ്പം പോലെ വിറ്റഴിയുകയും ചെയ്യും.

സൂര്യ കിരണങ്ങൾ നമ്മുടെ ആരോഗ്യത്തിനു ഗുണകരം ആണെന്നാണ് വിദഗ്ദ്ധരുടെ അഭിപ്രായം. സൂര്യപ്രകാശം ഒരു തരത്തിൽ ഔഷധത്തിന് തുല്യമാണ്. ഇവ കൊണ്ട് താഴെ പറയുന്ന പ്രയോജനങ്ങളും ഉണ്ട്.

സൂര്യപ്രകാശം ചർമ്മത്തിലുണ്ടാകുന്ന പ്രത്യേകതരം പൂപ്പലുകളേയും ബാക്ടീരിയകളേയും നശിപ്പിക്കും.
ഇത് ശരീരത്തിന്‍റെ രോഗ പ്രതിരോധശേഷി വർദ്ധിപ്പിക്കും.
ഇത് ശ്വേത രക്താണുക്കളുടെ പ്രവർത്തനക്ഷമത വർദ്ധിപ്പിക്കുന്നു.
ത്വക്കിൽ അടങ്ങിയിരിക്കുന്ന എർജെസ്ട്രോൾ എന്ന പദാർത്ഥത്തെ സൂര്യന്‍റെ അൾട്രാ വയലറ്റ് രശ്മികൾ വിറ്റാമിൻ ഡി ആക്കി മാറ്റുന്നു. ഇതാണ് നമ്മുടെ എല്ലുകൾക്ക് ബലം നൽകുന്നത്.

വെയിൽ പേടി രോഗങ്ങളെ വിളിച്ചു വരുത്തും

സൂര്യകിരണങ്ങളെ പൂർണ്ണമായി ഒഴിവാക്കാനായി വീടിന്‍റെ വാതിലുകളും ജനാലകളും കൊട്ടിയടച്ച് ഏതെങ്കിലുമൊരു കോണിൽ ഒതുങ്ങിക്കൂടുന്നത് രോഗങ്ങളെ വിളിച്ചു വരുത്തുന്നതിന് തുല്യമാണ്. എറണാകുളത്ത് താമസിക്കുന്ന ശശികലയ്ക്ക് സംഭവിച്ചതിപ്രകാരമാണ്, ശശികല താമസിക്കുന്ന ഫ്ളാറ്റിൽ സൂര്യപ്രകാശം തീരെ കടന്നു ചെല്ലില്ലായിരുന്നു. അല്പം വെയിലടിച്ചാൽ പോലും ചർമ്മം പൊള്ളുമെന്നും ചുളിവുകളുണ്ടാകുമെന്നുമാണ് സുഹൃത്തുക്കളിൽ നിന്നും പരസ്യങ്ങളിലൂടെയും അവർ മനസിലാക്കിയത്.

ഇതൊക്കെ പോരാഞ്ഞ് വീട്ടിലെ വാതിലുകളും ജനാലകളും അടച്ചിരിക്കുകയും പതിവാണ് താനും. അവൾ കോളേജിൽ പോകുന്നതു നിർത്തി കറസ്പോണ്ടൻസായി പഠിക്കുവാൻ തുടങ്ങി. വീട്ടുകാർ അവളെ ഒരുപാട് ഉപദേശിച്ചിട്ടും ഒരു പ്രയോജനവും ഉണ്ടായില്ല. താമസിയാതെ ശശികല സന്ധിവേദനയും ത്വക്കിനെ ബാധിക്കുന്ന പലതരം രോഗങ്ങളും കൊണ്ട് വലയാൻ തുടങ്ങി. അങ്ങനെ വെയിലിനെ ഭയന്നു ജീവിച്ച ശശികലയുടെ ജീവിതം തീരാരോഗങ്ങളുടെ വിളനിലമായി മാറി. ഡോക്ടർമാരുടെ സേവനം തേടിയ ശശികലയ്ക്ക് അവരിൽ നിന്നും കിട്ടിയ ഒരു ഉപദേശം നന്നായി വെയിൽ കൊള്ളണമെന്നായിരുന്നു.

ഇ പോസ്റ്റിനെക്കുറിച്ചുള്ള നിങ്ങളുടെ കൂടുതൽ അഭിപ്രായങ്ങൾ പങ്ക്കുവയ്ക്കാം
https://wa.me/message/D2WXHKNFEE2BH1

ആരോഗ്യം ചോദ്യങ്ങൾ ദാമ്പത്യം Marriage ലൈംഗിക ആരോഗ്യം (Sexual health )

വന്ധ്യതാ ചികിത്സ

by blogadmin ആരോഗ്യം ചോദ്യങ്ങൾ ദാമ്പത്യം Marriage ലൈംഗിക ആരോഗ്യം (Sexual health ) on April 6, 2022

വന്ധ്യത നേരിടുന്നവരുടെ എണ്ണം വർദ്ധിച്ചു കൊണ്ടിരിക്കുകയാണ്. ഇന്ത്യയിൽ വിവാഹിതരായ 10 നും 15 ശതമാനത്തിനും ഇടയിൽ ദമ്പതികൾ വന്ധ്യത പ്രശ്നം നേരിടുന്നവരാണ്. ഇന്ത്യയിൽ തന്നെ 30 മില്യൺ ആളുകളാണ് വന്ധ്യതയ്ക്ക് ചികിത്സ തേടുന്നു എന്നാണ് കണക്കുകൾ പറയുന്നത്. നഗരങ്ങളിൽ ഈ കണക്കുകൾ വളരെ കൂടുതലാണ്. 6 പേരിൽ ഒരാളെങ്കിലും വന്ധ്യത ചികിത്സ തേടുന്നവരാണ് നഗരങ്ങളിൽ ഉള്ളത്. വന്ധ്യതയുമായി ബന്ധപ്പെട്ടുള്ള എല്ലാ പ്രശ്നങ്ങൾക്കും ഫലവത്തായ ചികിത്സയുണ്ട്. വന്ധ്യതയ്ക്കുള്ള കാരണം, ചികിത്സ ഇവയെപറ്റി കൂടുതൽ വിവരങ്ങൾ അറിയാം..

എന്താണ് വന്ധ്യത (ഇൻഫർട്ടിലിറ്റി)

പ്രത്യുല്പാദന വ്യവസ്‌ഥയുമായി ബന്ധപ്പെട്ടുള്ള ഒരു അവസ്‌ഥയാണ് വന്ധ്യത എന്നാണ് ലോകാരോഗ്യ സംഘടന കണക്കാക്കുന്നത്. ഒരു വർഷമായി ഒരുമിച്ച് താമസിക്കുകയും ഗർഭധാരണത്തിന് ശ്രമിച്ചിട്ട് ഗർഭധാരണം നടക്കാതെയും വരുന്ന അവസ്‌ഥയാണ് വന്ധ്യത. വന്ധ്യത സ്ത്രീകളിൽ മാത്രമല്ല സംഭവിക്കുന്നത് പുരുഷന്മാരിലും ഉണ്ടാകാം.

ഫലോപിയൻ ട്യൂബിൽ ബ്ലോക്ക് ഉണ്ടാവുക, അണ്ഡോൽപ്പാദനം നടക്കാതെ വരിക, ആരോഗ്യമുള്ള അണ്ഡങ്ങൾ ഉണ്ടാകാതിരിക്കുക, തൈറോയിഡ് പ്രശ്നം, പിസിഒഡി അല്ലെങ്കിൽ പോളിസിസ്റ്റിക് ഒവേറിയൻ സിൻഡ്രോം എന്നിവയാണ് പൊതുവെ സ്ത്രീകളിൽ ഉണ്ടാവുന്ന വന്ധ്യതയ്ക്കുള്ള പ്രധാന കാരണങ്ങൾ. അതുപോലെ സ്പേം കൗണ്ട് കുറയുക, ബീജത്തിലെ മറ്റു പ്രശ്നങ്ങൾ എന്നീ പുരുഷന്മാരിൽ ഉണ്ടാകുന്ന പ്രശ്നങ്ങൾ ഗർഭധാരണത്തിന് തടസമുണ്ടാക്കാം. എന്നാൽ മേൽപ്പറഞ്ഞ പ്രശ്നങ്ങൾ ഉള്ളവർ നിരാശരാവുന്നതിന് പകരം വന്ധ്യത ചികിത്സ നടത്തി പ്രശ്നത്തിനുള്ള പരിഹാരം തേടുകയാണ് വേണ്ടത്.

എന്താണ് കാരണം

ആർത്തവ ചക്രം സാധാരണ നിലയിലാക്കുക: ആർത്തവ ക്രമക്കേടുകൾ സാധാരണ നിലയിൽ ആക്കുകയാണ് ഡോക്ടർമാർ ഏറ്റവും ആദ്യം ചെയ്യുക. ഹോർമോണുകൾ സന്തുലിതമാക്കി ഗർഭധാരണത്തിനുള്ള തടസ്സം നീക്കുകയാണ് ചെയ്യുന്നത്. ഒപ്പം ഓവുലേഷൻ പീരിയഡ് ശരിയായ നിലയിലാക്കാൻ ഇത് എളുപ്പമാക്കും. വ്യായാമം ചെയ്യുന്നത് വഴിയും ആരോഗ്യകരമായ ഭക്ഷണ ശീലങ്ങളിലൂടെയും മരുന്നുകളിലൂടെയും ഇത് സാധാരണ നിലയിലാക്കാൻ കഴിയും.

ഹോർമോൺ സന്തുലിതമാക്കുക: ഗർഭധാരണത്തിന് എഫ്എസ്എച്ച് (ഓവറികളിൽ അണ്ഡോൽപ്പാദനത്തിന് സഹായിക്കുന്ന ഹോർമോൺ) എന്ന ഹോർമോൺ സ്ത്രീകളിൽ ഏറ്റവും ആവശ്യമാണ്. ഇത് ഈസ്ട്രജൻ ഹോർമോണിന്‍റെ ഉത്പാദനത്തെ വർദ്ധിപ്പിക്കും. അതോടെ ഓവുലേഷൻ നടന്ന് അനായാസം ഗർഭധാരണം സാധ്യമാക്കും.

അണ്ഡങ്ങളുടെ ആരോഗ്യം: എന്നാൽ ചില കേസുകളിൽ അണ്ഡങ്ങൾ പക്വതയാർജ്ജിച്ച് അണ്ഡവിസർജ്ജനം നടക്കാതെ വരാം. അതോടെ ഗർഭധാരണത്തിന് ഈ സാഹചര്യം തടസ്സം സൃഷ്ടിക്കും. ഇത് മരുന്നിലൂടെ പരിഹരിച്ച് ഓവുലേഷൻ നടത്തി ഗർഭധാരണം സാധ്യമാക്കുന്നു. കൃത്യസമയത്ത് തന്നെ ഡോക്ടറെ കണ്ട് ചികിത്സ നടത്തുക എന്നത് വളരെ പ്രധാനമാണ്.

അടഞ്ഞ ട്യൂബ് തുറക്കുക: രണ്ട് ഫലോപിയൻ ട്യൂബുകളും അടഞ്ഞതാണെങ്കിലോ അല്ലെങ്കിൽ ഏതെങ്കിലുമൊന്ന് അടഞ്ഞു പോയിട്ടുണ്ടെങ്കിലോ ലാപ്രോസ്കോപ്പി, ഹിസ്റ്ററോ സ്കോപ്പി എന്നിവ വഴി അതിനെ ഓപ്പൺ ചെയ്യുന്നു. സിസ്റ്റിന്‍റെ പ്രശ്നമുണ്ടെങ്കിലും ഗർഭധാരണം നടക്കാതെ വരാം. ഇത് സർജറിയിലൂടെ നീക്കം ചെയ്ത് ഗർഭധാരണം സാധ്യമാക്കുന്നു.

ഇൻ വിട്രോ ഫെർട്ടിലൈസേഷൻ

സ്ത്രീയുടെ അണ്ഡവും പുരുഷ ബീജവും ലാബിൽ ഫെർട്ടിലൈസ് ചെയ്‌ത് സ്ത്രീയുടെ യൂട്ടറസിൽ നിക്ഷേപിക്കുന്നതാണ് ഇൻ വിട്രോ ഫെർട്ടിലൈസേഷൻ (ഐവിഎഫ്). ഈ പ്രക്രിയ സാധ്യമാക്കുന്നതിന് മുന്നോടിയായി പൂർണ്ണമായ വൈദ്യ പരിശോധന, മരുന്നുകൾ, ഇൻജക്ഷൻ എന്നിവ വേണ്ടി വരാം. യാതൊരു ബുദ്ധിമുട്ടും ഉണ്ടാകാതെ ആദ്യശ്രമത്തിൽ തന്നെ ഇത് സഫലമാകാനാണ് അങ്ങനെ ചെയ്യുന്നത്. ഇതിനൊക്കെ പുറമെ അമ്മ ആകാൻ തയ്യാറെടുക്കുന്നവർ സ്വന്തം ജീവിതശൈലിയിൽ മാറ്റം വരുത്തേണ്ടതും സന്തോഷത്തോടെ ഇരിക്കുക എന്നതും വളരെ പ്രധാനമാണ്.