blogadmin

ഗർഭനിരോധനത്തിനായി സ്ത്രീകൾക്ക് ഗർഭാശയത്തിനുള്ളിൽ നിക്ഷേപിക്കാവുന്ന ‘T’ ആകൃതിയുള്ള ചെറിയ ഉപകരണങ്ങളാണ് ഗർഭാശയവലയം അഥവാ ഐയുഡി (ഇൻട്രാ യൂട്രൈൻ ഡിവൈസ്). ഐയുഡികൾ രണ്ട്‌ തരമുണ്ട്. സാധാരണയായി ചെമ്പോ പ്ലാസ്റ്റിക്കോ വെള്ളിയോ കൊണ്ടാണ് ഇവ നിർമ്മിക്കുന്നത്. ലൂപ്പ് എന്നും അറിയപ്പെടുന്ന ഗർഭാശയവലയം ദീർഘകാലം ഉപയോഗിക്കാവുന്ന ഒന്നാണ്. കോപ്പർ ടി ഉദാഹരണം. ഇതിലെ ചെമ്പ് ഗർഭാശയത്തിലെത്തുന്ന പുരുഷബീജങ്ങളെ നശിപ്പിക്കുന്നു. അതുവഴി അണ്ഡബീജസങ്കലനം നടക്കാനും സിക്താണ്ഡം ഉണ്ടാകാനുമുള്ള സാധ്യത ഇല്ലാതാക്കുന്നു എന്നതാണ് പ്രവർത്തനരീതി. ഗർഭനിരോധന മാർഗങ്ങളിൽ ഒന്നായ ഇത് എടുത്തുമാറ്റിയാൽ ഗർഭം ധരിക്കുവാനുള്ള കഴിവ് തിരിച്ചുകിട്ടുന്ന ജനനനിയന്ത്രണത്തിന്റെ ഏറ്റവും ഫലവത്തായ ഒരു താൽക്കാലിക മാർഗ്ഗം ആണ്. അതിനാൽ ഉടനേ കുട്ടി വേണ്ട എന്നുള്ളവർക്കും, പ്രസവങ്ങൾ തമ്മിലുള്ള ഇടവേള ക്രമീകരിക്കാനും ഇത് ഏറ്റവും ഫലപ്രദമാണ്.

ലൈംഗികപ്രശ്നങ്ങള്‍ ഒരു വ്യക്തിയുടെ ലൈംഗിക ജീവിതത്തിന്റെ പ്രാരംഭദശയില്‍ തന്നെയോ, വളരെക്കാലത്തെ സുഖകരമായ ലൈംഗികാനുഭവങ്ങള്‍ക്ക് ശേഷമോ സംഭവിക്കുന്നതാവാം. പൊടുന്നനയോ സാവധാനമായോ വന്നു ചേരുന്ന ഈ കയ്പേറിയ അനുഭവം ലൈംഗികാനന്ദത്തിലെ വിവിധ ഘട്ടങ്ങളില്‍ അനുഭവഭേദ്യമാവാം. ഇവയുടെ കാരണം ശാരീരികമോ, മാനസികമോ, രണ്ടുംകൂടിയോ ആകാം.

ലൈംഗിക ബലഹീനത അഥവാ ഉദ്ധാരണക്കുറവ് എന്നതുകൊണ്ടു ഉദ്ദേശിക്കുന്നത് ഒരു പുരുഷന്റെ ലിംഗം സംതൃപ്തി നല്‍കുന്ന രീതിയിലോ, യോനി പ്രവേശനത്തിന് യോഗ്യമായ രീതിയിലോ ഉദ്ധരിക്കപ്പെടാത്ത അവസ്ഥയാണ്. നിരവധി പുരുഷന്മാരുടെയും അവരുടെ പങ്കാളികളുടെയും ലൈംഗിക സംതൃപ്തിയെ വിവിധ രീതിയില്‍ ബാധിക്കുന്ന നിരാശയുളവാക്കുന്ന ഒരു അവസ്ഥയാണിത്.

യുവത്വത്തിന്റെ ആരംഭകാലങ്ങളില്‍തന്നെ, ഇരുപതുകളുടെ അവസാനവും മുപ്പതുകളുടെ ഇടയിലുമുള്ള നിരവധി പേര്‍ ഇത്തരം പ്രശ്നങ്ങള്‍ക്ക് പ്രതിവിധി തേടി വരുന്നത് ഇന്ന് ധാരാളമായി കാണാം.

അനവധി പേരില്‍ ശരിയായ ലൈംഗികാനന്ദം ലഭിക്കാത്ത അവസ്ഥ വരികയോ, രതിമൂര്‍ച്ചയുടെ അളവ് കുറയുകയോ, ലൈംഗിക ബന്ധങ്ങള്‍ക്കിടയിലുള്ള സമയം കൂടി വരികയോ ചെയ്യാറുണ്ട്. ഉദ്ധാരണത്തിന് ആവശ്യമായതിലേറെ സമയം വേണ്ടിവരികയും, ശരിയായ ഉദ്ധാരണം ലഭിക്കാതെ ലിംഗം തളര്‍ന്നിരിക്കുന്നതും അതിശക്തമായ പ്രചോദനത്തില്‍ മാത്രം ഉദ്ധരിക്കപ്പെടുന്നതും പലരിലും കാണാറുണ്ട്.

ഒരു പുരുഷനെന്ന നിലയില്‍ ആത്മാഭിമാനത്തിന് മുറിവേല്‍ക്കുന്നതോടൊപ്പം ലൈംഗിക പങ്കാളിയില്‍ നിരാശയും വെറുപ്പും ഉളവാക്കുവാനും ഇത് കാരണമാവുന്നു. യഥാസമയം ചികിത്സ തേടേണ്ട ഏതെങ്കിലും ശാരീരികമോ മാനസികമോ ആയ കാരണങ്ങളാകാം മിക്കപ്പോഴും ഉദ്ധാരണക്കുറവിന് പിന്നില്‍ പ്രവര്‍ത്തിക്കുന്നത്.

അടുത്തകാലം വരെ ഉദ്ധാരണ പ്രശ്നങ്ങള്‍ പുറത്ത് പറയാന്‍ നിഷിദ്ധമായ ഒരു വിഷയമായിരുന്നു. കാലം മാറിയതോടെ ധാരാളം പേര്‍ വിദഗ്ദ ചികിത്സക്കായി എത്തുന്നതുകൊണ്ട് ഡോക്ടര്‍മാര്‍ തന്നെ ഈ പ്രശ്നങ്ങളെക്കുറിച്ച് കൂടുതല്‍ മാനസ്സിലാക്കുവാനും ആവശ്യമായ നിര്‍ദ്ദേശങ്ങളും ചികിത്സകളും നല്‍കുവാനും കൂടുതല്‍ ശ്രദ്ധിച്ചുവരുന്നു.

രോഗലകഷണങ്ങള്‍

ഉദ്ധാരണപ്രശ്നങ്ങളുണ്ടെന്ന് മനസ്സിലാക്കുവാനുള്ള മാര്‍ഗ്ഗം:

• പൂര്‍ണമായ ഉദ്ധാരണം ഇടക്ക് വല്ലപ്പോഴും ലഭിക്കാതിരിക്കുക
• ലൈംഗികബന്ധ സമയം മുഴുവനായും ഉദ്ധാരണം നിലനിര്‍ത്താന്‍ സാധിക്കാതെ വരിക
• ഉദ്ധാരണശേഷി മുഴുവനായും നഷ്ടപ്പെടുക.

പുരുഷ പ്രജനന പ്രക്രിയ

ഒരു പുരുഷന്‍ ലൈംഗികമായി ഉത്തേജിതനാവുമ്പോള്‍ ശരീരത്തിലെ ഞരമ്പുകളുടെ പ്രവര്‍ത്തനം മൂലം ലിംഗാഗ്രം വരെ എത്തുന്ന രകതധമനികളിലേക്ക് സാധാരണാവസ്ഥയേക്കാള്‍ പത്തിരട്ടിയിലധികം ശക്തിയിലും അളവിലും രക്തം ഒഴുകിയെത്തി ധമനികളെ നിറയ്ക്കുകയും ലിംഗോദ്ധാരണം നടക്കുകയും ചെയ്യുന്നു. ഇതിനെത്തുടര്‍ന്ന് ലിംഗോത്തേജനം നിലനില്ക്കുന്നിടത്തോളം രകതചംക്രമണം തുടരുകയും ശകതിപ്പെടുകയും ഉദ്ധാരണം നിലനില്‍ക്കുകയും ചെയ്യുന്നു. സ്ഖലനം സംഭവിച്ചശേഷം അഥവാ ലൈംഗികോത്തേജനം അവസാനിക്കുമ്പോള്‍ മൃദുലമായ ധമനികളില്‍ നിന്നും അധികരകതം തിരിച്ചൊഴുകുകയും ലിംഗം ഉദ്ധരിക്കപ്പെടാത്ത പൂര്‍വ്വാവസ്ഥയിലേക്ക് മാറുകയും ചെയ്യുന്നു.

പുരുഷലൈംഗിക പ്രശ്നങ്ങളില്‍ സാധാരണമായ ശാരീരിക കാരണങ്ങള്‍

• ഉദ്ധാരണത്തിന് കാരണമായ ഞരമ്പുകളുടെ ക്ഷീണാവസ്ഥ (ലിംഗത്തിലെ രക്തധമനികളിലേക്ക് രക്തം ഒഴുകിയെത്താനാവാത്ത അവസ്ഥ)
• ലൈംഗിക രോഗങ്ങള്‍ (ഗുഹ്യ രോഗങ്ങള്‍, മൂത്രാശയ രോഗങ്ങള്‍ മുതലായവ)
• ഉയര്‍ന്ന രക്തസമ്മര്‍ദ്ദം
• പ്രമേഹം (ദീര്‍ഘകാല പ്രമേഹ രോഗികളില്‍ സംഭവിക്കുന്ന ധമനികളുടെ കേടുപാടുകള്‍)
• ലിംഗത്തിലെ രക്തധമനികളിലുണ്ടാവുന്ന സുഷിരങ്ങളിലൂടെയുള്ള രക്തപ്രവാഹം.
• ഹോര്‍മോണ്‍ വ്യതിയാനങ്ങള്‍ (ടെസ്റ്റോസ്റ്റിറോൺ, ആൻഡ്രോജൻ ഹോര്‍മോണുകളുടെ തോതിലുള്ള കുറവ്)
• രക്തപ്രവാഹത്തെ ബാധിക്കുന്ന തരത്തില്‍ ഹൃദയധമനികളുടെ തകരാറുകള്‍
• പ്രോസ്റേറ്റ് ഗ്രന്ഥിയുടെ വീക്കം
• മദ്യപാനം, മറ്റ് ലഹരിപദാര്‍ത്ഥങ്ങളുടെ തുടര്‍ച്ചയായ, അമിതമായ ഉപയോഗം (മദ്യം, മരിജുവാന – കഞ്ചാവ്, ലഹരി വസ്തുക്കള്‍, പുകയില, ഗുഡ്ക്ക തുടങ്ങിയവയുടെ നിരന്തരോപയോഗം ലിംഗാഗ്രത്തിലെ ധമനികളുടെ നാശത്തിനിടയാക്കുന്നു)
• ചില അവശ്യമരുന്നുകളുടെ ഉപയോഗം (വിഷാദരോഗത്തിനും, മാനസികരോഗങ്ങള്‍ക്കും, രക്തസമ്മര്‍ദ്ദത്തിനും, ഉത്തേജനത്തിനും മറ്റുമുള്ള ചില ഔഷധങ്ങളുടെ തുടര്‍ച്ചയായ ഉപയോഗം)
• ജന്മനായുള്ള ചില അപാകതകള്‍

ശാരീരികമല്ലാത്ത കാരണങ്ങള്‍

• വിഷാദരോഗം പോലെയുള്ള മാനസിക പ്രശ്നങ്ങള്‍
• ലൈംഗിക പങ്കാളിയില്‍ നിന്നുമുണ്ടാകുന്ന നെഗറ്റീവ് വികാര വിചാരങ്ങള്‍
• സ്ട്രെസ്സ് – മാനസിക, ശാരീരിക സമ്മർദ്ദം
• അമിത ആകാംക്ഷ, ഉത്കണ്ഠ
• ക്ഷീണിതാവസ്ഥ
• ലൈംഗികതയെക്കുറിച്ചുള്ള പേടിയും, മനസ്സാക്ഷിക്കുത്തും
• മുന്‍പുണ്ടായിട്ടുള്ള വേദനാജനകമായ ലൈംഗികബന്ധത്തിലെ അനുഭവങ്ങള്‍

എപ്പോഴാണ് വിദഗ്ദോപദേശം ആവശ്യമാകുന്നത് ?

ചുരുക്കം ചില അവസരങ്ങളില്‍ ലൈംഗികോദ്ധാരണം ലഭിക്കാതെ വരുന്നത് സാധാരണമാണ്. രണ്ട് മാസത്തിലധികം ഉദ്ധാരണ പ്രശ്നം നിലനില്‍ക്കുകയാണെങ്കില്‍ അഥവാ തുടര്‍ച്ചയായി ഇത്തരം പ്രശ്നങ്ങള്‍ വരുന്നുണ്ടെങ്കില്‍ ലൈംഗീക രോഗ വിദക്ദ്ധന്റെ ഉപദേശം തേടേണ്ടത് സംതൃപ്തമായ ജീവിതത്തിനത്യാവശ്യമാണ്. മറ്റുള്ളവരുടെ ജീവിതവുമായി പരീക്ഷണം നടത്തുന്ന അല്പജ്ഞാനികളായ “മുറിവൈദ്യന്മാരെയും” എല്ലാ പ്രശ്നത്തിനും പരിഹാരം നല്‍കുന്ന “സര്‍വ്വജ്ഞാനികളായ” കുട്ടരേയുമല്ല ഈ പ്രശ്നങ്ങള്‍ക്ക് സമീപിക്കേണ്ടത്. മറിച്ച് ഇത്തരം കാര്യങ്ങളില്‍ ചികിത്സാനൈപുണ്യം നേടിയിട്ടുള്ള ലൈംഗികരോഗവിദഗ്ധന് നിങ്ങളുടെ പ്രശ്നങ്ങളുടെ അടിസ്ഥാന കാരണങ്ങള്‍ മനസ്സിലാക്കി യഥാര്‍ത്ഥ പ്രതിവിധികള്‍ നിര്‍ദ്ദേശിക്കാനും മരുന്നുകള്‍ നല്‍കുവാനും കഴിയും. ഉദ്ധാരണ പ്രശ്നങ്ങള്‍ പുറത്ത് പറയാന്‍ മടിക്കുന്ന ഒരു വ്യകതിഗത പ്രശ്നമായി നിങ്ങള്‍ക്ക് തോന്നിയേക്കാമെങ്കിലും വിദഗ്ദോപദേശം നേടാന്‍ ഒരിക്കലും മടി കാണിക്കരുത്. 98% പേരിലും ഇത് ചികിത്സിച്ച് ഭേദമാക്കാവുന്നതേയുള്ളു.

സ്ത്രീകളിലെ രതിമൂര്‍ച്ഛ’ എന്നും ഗവേഷകര്‍ക്ക് ഇഷ്ടവിഷയമാണ്. എന്നും എപ്പോഴും പഠനങ്ങള്‍ നടക്കുന്ന വിഷയം. ദിനം‌പ്രതി പുതിയ കണ്ടെത്തലുമായി ഡോക്ടര്‍മാരും ഗവേഷകരും എത്തുന്നു. സ്ത്രീയെ എങ്ങനെ ആനന്ദിപ്പിക്കാമെന്ന കാര്യത്തില്‍ നടക്കുന്ന ഇത്തരം പഠനങ്ങള്‍ക്ക് പുരുഷന്‍‌മാരും എന്നും താല്‍പ്പര്യം കാണിച്ചിട്ടുണ്ട്.

സ്ത്രീകളിലെ രതിമൂര്‍ച്ഛയെ സംബന്ധിച്ച രഹസ്യങ്ങളെക്കുറിച്ച് ഒട്ടേറെ പുസ്തകങ്ങളും വിപണിയിലുണ്ട്. ഇതാ ഈ വിഷയത്തെക്കുറിച്ചുള്ള ചില കാര്യങ്ങള്‍:

1. രതിമൂര്‍ച്ഛ അത്ര എളുപ്പമല്ല. മിക്ക സ്ത്രീകള്‍ക്കും ഭഗശിശ്നികയിലോ ജി സ്പോട്ടിലോ 20 മിനിട്ടോളം ഉദ്ദീപനം ഉണ്ടായാല്‍ മാത്രമേ രതിമൂര്‍ച്ഛ ഉണ്ടാവാറുള്ളു. ഇത് പൂര്‍വ്വ ലീലകള്‍ വഴിയോ സംഭോഗം വഴിയോ ആവാം. എന്നാല്‍ സ്ത്രീകളില്‍ 24 മുതല്‍ 37 വരെ ശതമാനം പേര്‍ക്ക് രതിമൂര്‍ച്ഛ അനുഭവിക്കാന്‍ കഴിയാറില്ല. മരുന്നുകളുടെ ഉപയോഗമോ ദുരുപയോഗമോ, മാനസിക പ്രയാസങ്ങളോ, അമിത മദ്യപാനം, പുകവലി എന്നിവയോ ആര്‍ത്തവ വിരാമമോ ഒക്കെ ഇതിന് കാരണമാകുന്നു.

2. രതിമൂര്‍ച്ഛ സംബന്ധമായ തകരാറുകള്‍ ഉള്ളവര്‍ക്ക് പ്രശ്ന പരിഹാരത്തിനായി ചില കുറുക്കുവഴികള്‍ ഉണ്ട്. ഇതിലൊന്ന്, കോഗ്നിറ്റി ബിഹേവിയറല്‍ തെറാപ്പി എന്ന മന:ശാസ്ത്ര ചികിത്സയാണ്. മറ്റൊന്ന് ടെസ്റ്റോ സ്റ്റെറോണ്‍ ഉപയോഗിച്ചുള്ള ഹോര്‍മോണ്‍ ചികിത്സ.

3. സ്ത്രീകളിലെ രതിമൂര്‍ച്ഛ ഗര്‍ഭധാരണം എളുപ്പമാക്കുന്നു. സന്താനോത്പ്പാദന പ്രക്രിയ എളുപ്പത്തില്‍ നടക്കാനുള്ള ഒരു ശാരീരിക പ്രക്രിയയാണ് രതിമൂര്‍ച്ഛ എന്നാണ് ചില ഗവേഷകര്‍ പറയുന്നത്. രതിമൂര്‍ച്ഛാ സമയത്ത് ഓക്സിടോസിന്‍ എന്ന ഹോര്‍മോണ്‍ കൂടിയ അളവില്‍ ഉണ്ടാവുന്നു. ബീജത്തെ അണ്ഡത്തിലേക്ക് അനുനയിച്ച് കൊണ്ടുപോകാനുള്ള യോനീ നാളത്തിന്‍റെ ശേഷിയെ ഇത് വര്‍ദ്ധിപ്പിക്കുന്നു.

4. സ്വയംഭോഗം നല്ലതാണ്. കാരണം, സ്വയംഭോഗത്തിനൊടുവില്‍ എന്തായാലും രതിമൂര്‍ച്ഛയില്‍ എത്തിച്ചേരുമല്ലോ! ഒരുതരത്തില്‍ സ്വയംഭോഗം ആരോഗ്യത്തിന് ഗുണകരമാണെന്നാണ് ചില ഗവേഷണങ്ങളുടെ സൂചന. ആര്‍ത്തവ സംബന്ധമായ കൊളുത്തിപ്പിടിത്തം, മറ്റ് ശാരീരിക വേദനകള്‍ എന്നിവ കുറയ്ക്കാന്‍ രതിമൂര്‍ച്ഛയ്ക്ക് കഴിയും. അതേ പോലെ തന്നെ മാനസിക പിരിമുറുക്കങ്ങള്‍ ഒഴിവാക്കാനും അതിനു സാധിക്കും.

5. രതിമൂര്‍ച്ഛ രോഗങ്ങള്‍ മാറ്റാന്‍ ഉതകും. പ്രാചീന ഗ്രീസിലേതു മുതല്‍ ഫ്രോയിഡിന്‍റേതു വരെയുള്ള കാലത്ത് ഹിസ്റ്റീരിയ പോലുള്ള രോഗങ്ങള്‍ മാറ്റാനായി ഡോക്‍ടര്‍മാര്‍ സ്ത്രീയില്‍ രതിമൂര്‍ച്ഛ ഉണ്ടാക്കുകയും അങ്ങനെ രോഗം മാറ്റാനുള്ള പുതിയ വഴി നിര്‍ദ്ദേശിക്കുകയും ചെയ്തിരുന്നു. 1800കളുടെ ഒടുവില്‍ മുതല്‍ വൈബ്രേറ്റര്‍ എന്ന ഉപകരണം ഉപയോഗിച്ചായിരുന്നു ഇങ്ങനെ കൃത്രിമമായ രതിമൂര്‍ച്ഛ ഉണ്ടാക്കിയിരുന്നത്. ഇപ്പോള്‍ ഫലപ്രദമായ ആധുനിക ഉപകരണങ്ങള്‍ വിപണിയിലുണ്ട്.

ജോണ്‍ ഹോപ്‌കിന്‍സ് യൂണിവേഴ്‌സിറ്റി പ്രസ് പുറത്തിറക്കിയ ‘രതിമൂര്‍ച്ഛയുടെ ശാസ്ത്രം’ എന്ന പുസ്തകത്തില്‍ ന്യൂറോ ശാസ്ത്രകാരന്‍ ബാരി ആര്‍ കോമിസാരുഖ്, ആന്തരിക ഗ്രന്ഥി വിദഗ്ധന്‍ കാര്‍ലോസ് ബെയര്‍ ഫ്ലോറസ്, സെക്സ് ഗവേഷകന്‍ ബെവെര്‍ലി വിപ്പിള്‍ എന്നിവര്‍ സ്ത്രീകളിലെ രതിമൂര്‍ച്ഛയെക്കുറിച്ചുള്ള ഒട്ടേറെ പഠനരഹസ്യങ്ങള്‍ വെളിപ്പെടുത്തിയിട്ടുണ്ട്.

സെക്സ് അനുഭൂതി ദായകമാണ് ആനയാണ് ചേനയാണ് എന്നൊക്കെ സ്ഥിരമായി പറയാറുണ്ടല്ലോ. എന്നാല്‍ ഈ പറയുന്നതൊക്കെ ‘വെറും കള്ളത്തരം’ എന്ന് ചിലര്‍ക്ക് ചിലപ്പോള്‍ തോന്നും. ഏതു സാഹചര്യങ്ങളിലാണെന്നറിയുമോ? സെക്സ് വേദനാജനകവും വിരസവും തീര്‍ത്തും യാന്ത്രികവുമാകുമ്പോള്‍. ഏകപക്ഷീയമായ സെക്സ് അനുഭവിക്കേണ്ടിവരുമ്പോള്‍. ഇങ്ങനെയാണ് സെക്സെങ്കില്‍ അത് വേണ്ടേ വേണ്ടെന്നു പറയുന്ന അവസ്ഥയിലേക്ക് പങ്കാളി മാറും.

ആലോചിച്ചു നോക്കൂ – 120 കിലോ ശരീരഭാരമുള്ള ഭര്‍ത്താവ്. അത്രയ്ക്കൊന്നും ശരീരശേഷിയില്ലാത്ത ഭാര്യ. തന്‍റെ ഭാരം മുഴുവന്‍ ഭാര്യയുടെ ശരീരത്തില്‍ താങ്ങിയുള്ള ഒരു പൊസിഷന്‍. ആ ഭാര്യയ്ക്ക് ശ്വാസം മുട്ടിയാല്‍, സെക്സ് അവര്‍ക്കൊരു പേടി സ്വപ്നമായാല്‍ കുറ്റം പറയാനുണ്ടോ? ‘പുരുഷന്‍ മുകളിലുള്ള പൊസിഷന്‍’ വേണമെന്ന് ആഗ്രഹിക്കുന്നവര്‍ ഭാര്യയുടെ ശരീരത്തിന് അമിതഭാരം താങ്ങേണ്ടിവരുന്ന അവസ്ഥ ഒഴിവാക്കണം. കാലുകളിലോ ഇരു കൈകളും കുത്തിയോ ഉള്ള രീതിയില്‍ സുഗമമായ ലിംഗപ്രവേശം സാധ്യമാണ്.

ഇനി മറ്റൊന്ന്, കേളീസമയത്തുള്ള ആക്രമണമാണ്. പല്ലുകൊണ്ടും നഖം കൊണ്ടും പങ്കാളിയെ മുറിവേല്‍പ്പിക്കുന്ന ചിലരുണ്ട്. ഭാര്യയുടെ സ്തനം കടിച്ചുമുറിക്കുന്നതില്‍ ആനന്ദം കണ്ടെത്തുന്നവരുണ്ട്. ഇതൊക്കെ സെക്സിനെ വേദനാജനകമാക്കും. മാനസികമായ ആഘാതവും ഇതുണ്ടാക്കും. ഇത്തരം സാഡിസങ്ങള്‍ കിടപ്പറയില്‍ ഒഴിവാക്കിയില്ലെങ്കില്‍ ദാമ്പത്യം തകരാന്‍ മറ്റ് കാരണങ്ങളൊന്നും വേണ്ട. (ചെറിയ മുറിപ്പെടുത്തലുകള്‍ സന്തോഷമുണര്‍ത്തുന്നവയാണ്. സുഖമുള്ള നോവെന്നൊക്കെ പറയാറില്ലേ? അത് അതിരുകടക്കുമ്പോഴാണ് പ്രശ്നമാകുന്നത്).

വേറെ ചിലരുണ്ട്, ചുംബനം എന്ന കല അവര്‍ക്ക് തീരെ പരിചയമില്ലെന്നു തോന്നും. പങ്കാളിയെ ചുംബിച്ചുണര്‍ത്താനൊന്നും മിനക്കെടാതെ നേരെ മുഖ്യകര്‍മത്തിലേക്ക് കടക്കുകയാണ്. ചുണ്ടിലും മുഖത്തും കഴുത്തിലും മാറിലുമൊക്കെ ചുംബനം കൊതിച്ചു കിടക്കുമ്പോഴായിരിക്കും അതൊന്നുമില്ലാതെ ഒരു ആക്രമണം. ആദ്യപരിലാളനകളില്ലാതെ ഒരു ലിംഗപ്രവേശത്തിന് യോനി തയ്യാറാകില്ലെന്നറിയുക. സെക്സ് ഇരുവര്‍ക്കും മടുക്കാന്‍ മറ്റു കാരണങ്ങളൊന്നും വേണ്ട.

ഇനിയൊരു കൂട്ടര്‍ക്ക് ദിവസവും പരീക്ഷണമാണ്. ദിവസവും ഓരോ പൊസിഷന്‍, ഓരോ രീതി. അതൊക്കെ നല്ലതുതന്നെ. നല്ല വെറൈറ്റി ഫീല്‍ ചെയ്യും. പക്ഷേ, പങ്കാളിയുടെ താല്‍പ്പര്യം കൂടി പരിഗണിക്കണമെന്നുമാത്രം. ആദ്യരാത്രിയില്‍ തന്നെ ‘വദനസുരതം’ വേണമെന്നൊക്കെ പറഞ്ഞാല്‍ ആ ദാമ്പത്യത്തിന് അതോടെ ഫുള്‍സ്റ്റോപ് വീണു എന്നു പറയാം. പങ്കാളിയുമായി ചര്‍ച്ച ചെയ്ത് തീരുമാനിക്കുന്ന പൊസിഷനുകളും രീതികളും പ്രയോഗിക്കുക. അമിത പരീക്ഷണം ആപത്ത് എന്ന് എപ്പോഴും ഓര്‍ക്കുക.

പങ്കാളിയുടെ സുഖത്തിനാണ് സ്വന്തം സുഖത്തേക്കാള്‍ പ്രധാന്യം നല്‍കേണ്ടത് എന്നത് സെക്സിലെ ആദ്യപാഠങ്ങളില്‍ ഒന്നാണ്. സ്ഖലനം കഴിഞ്ഞാലുടനെ ‘ഞാനീ നാട്ടുകാരനല്ല’ എന്നഭാവത്തില്‍ തിരിഞ്ഞുകിടന്നുറങ്ങുന്ന ഭര്‍ത്താവിനെ ഭാര്യ പിന്നെ കിടപ്പറയില്‍ എങ്ങനെ സ്നേഹിക്കും? സെക്സിന് രസകരമായ ഒരു ആരംഭമുണ്ടെങ്കില്‍ അതിന് ആനന്ദത്തില്‍ ആറാടിക്കുന്ന ഒരു പരിസമാപ്തിയും വേണം. സ്വന്തം കാര്യം സിന്ദാബാദ് എന്ന നയം തീരെ ഉചിതമല്ല എന്നര്‍ത്ഥം. രണ്ടുപേര്‍ക്കും തൃപ്തിയാകുന്ന ഒരു പരിസമാപ്തി ഉണ്ടാകുമ്പോഴാണ് സെക്സ് വിജയകരമാകുന്നത്.

സെക്സിലേര്‍പ്പെടുമ്പോള്‍ പരസ്പരം പരമാവധി സ്നേഹം നല്‍കുക, ലാളന നല്‍കുക. കുടുംബപ്രശ്നങ്ങളൊക്കെ പറഞ്ഞുകൊണ്ട് ലൈംഗികബന്ധത്തില്‍ ഏര്‍പ്പെട്ടാല്‍ അത് അനുഭൂതിയുണ്ടാക്കില്ലെന്ന് മാത്രമല്ല ലൈംഗികവിരക്തി ക്ഷണിച്ചുവരുത്തുകയും ചെയ്യും. ചുംബിക്കുക, ശരീരങ്ങള്‍ പരസ്പരം ലാളിക്കുക, സ്പര്‍ശനങ്ങളിലൂടെ ഇരുവരും ഉണരുക, കേളീരസം അനുഭവിക്കുക.

There are lots of ways to help make your first time more comfortable and pain-free.

ഹണിമൂണിന് തേന്‍‌മധുരമാണെന്നാണ് പൊതുവെ പറയാറ്‌. എന്നാല്‍ പല യുവമിഥുനങ്ങള്‍ക്കും അത് അങ്ങനെയല്ല എന്നത് വസ്തുതയാണ്. വിവാഹം കഴിഞ്ഞ് മാസങ്ങള്‍ കഴിഞ്ഞിട്ടും ലൈംഗികബന്ധത്തില്‍ ഏര്‍പ്പെടാന്‍ കഴിയാത്ത എത്രയോ പേര്‍ വ്യസനം ഉള്ളിലൊതുക്കി കഴിയുന്നു. സെക്സ് വേദനാജനകമായി മാറുന്നതാണ് ഇവരുടെ പ്രശ്നം.

ആദ്യമായി ലൈംഗികബന്ധത്തില്‍ ഏര്‍പ്പെടുമ്പോള്‍ കന്യാചര്‍മ്മം പൊട്ടുന്നതുമായി ബന്ധപ്പെട്ട കുഴപ്പങ്ങളാണ് വേദനയുളവാകാന്‍ കാരണം. പലവിധ സ്വപ്നങ്ങളുമായി വിവാഹജീവിതത്തിലേക്ക് കടക്കുന്നവര്‍ക്ക് ഈ വേദന താങ്ങാനായെന്ന് വരില്ല. കട്ടിയുള്ള കന്യാചര്‍മ്മമുള്ള പെണ്‍കുട്ടികള്‍ക്കാണ് വേദനമൂലം ലൈംഗികബന്ധം പേടിസ്വപ്‌നമായി മാറുന്നത്. കന്യാചര്‍മ്മത്തിന് ഏറെ കട്ടിയുള്ളതാണെങ്കില്‍ ലൈംഗികബന്ധത്തിലേര്‍പ്പെടുന്ന സമയത്ത് വേദനയും അസ്വസ്ഥതയും ഉണ്ടാവുക സ്വാഭാവികമാണ്.

കന്യാചര്‍മ്മം പൊട്ടിക്കഴിഞ്ഞാല്‍ ഈ ബുദ്ധിമുട്ടുകള്‍ ക്രമേണ മാറും. എന്നാല്‍ ആദ്യ ലൈംഗികബന്ധത്തെ ശരീരം എങ്ങനെ സ്വീകരിക്കുന്നു എന്നതും വിഷയമാണ്. ചില പെണ്‍കുട്ടികള്‍ക്ക് മൂത്രത്തില്‍ അണുബാധയുണ്ടാകാനുള്ള സാധ്യതയുണ്ട്. മൂത്രാശയത്തിലുണ്ടാകുന്ന സമ്മര്‍ദ്ദം ഇതിന് കാരണമാണ്. ഇത് ഹണിമൂണ്‍ പൈലിറ്റിസ്(Honeymoon pyelitis) എന്നോ ഹണിമൂണ്‍ സിസ്റ്റിറ്റിസ്‌(Honeymoon Cystitis) എന്നോ ഒക്കെ ഇതറിയപ്പെടുന്നു.

നടുവു വേദനയും പനിയുമൊക്കെ ഉണ്ടാകാം. ഈ അസ്വസ്ഥതകള്‍ തനിയെ മാറുന്നതാണ്. അങ്ങനെ മാറിയില്ലെങ്കില്‍ ഡോക്ടറെ സമീപിക്കുന്നതാണ് ഉത്തമം. കാരണം അണുബാധ ചികിത്സിക്കാതെ വച്ചുകൊണ്ടിരുന്നാല്‍ അത് മൂത്രാശയത്തെയും വൃക്കയെയും ഗുരുതരമായി ബാധിച്ചേക്കാം.

ആദ്യകാല ലൈംഗികബന്ധം വേദനാജനകമാകാതിരിക്കാന്‍ പൂര്‍വകേളികള്‍ കൂടുതല്‍ ആസ്വാദ്യമാക്കുന്നത് നന്നായിരിക്കും. സ്ത്രീയുടെ പ്രചോദനസ്ഥാനങ്ങളെ കൂടുതല്‍ ഉത്തേജിപ്പിക്കുന്നത് വേദനയില്‍ നിന്നുള്ള മോചനത്തിന് കാരണമാകും. ലൈംഗിക ആവേശത്തിലേക്ക് മനസിനെ എത്തിക്കുക എന്നതാണ് പ്രധാനം. ക്രമേണ വേദനയെ മറികടന്ന് രതിയുടെ ആനന്ദം ഉള്ളില്‍ നിറയും.

ഈ കാലം കുറച്ചു പ്രശ്നമാണ്. വല്ലാത്തൊരു കാലം എന്നുതന്നെ പറയാം. പുരുഷന്‍‌മാര്‍ മാത്രമല്ല, സ്ത്രീകളും ജോലിഭാരം കൊണ്ട് ബുദ്ധിമുട്ടുകയാണ്. ഐ ടി കമ്പനികളിലും മറ്റും ദിവസം 12ലധികം മണിക്കൂറുകള്‍ വരെ സ്ത്രീകള്‍ക്ക് ജോലിചെയ്യേണ്ടിവരുന്ന അവസ്ഥ. എന്തായാലും പുതിയ തലമുറയില്‍ ദാമ്പത്യജീവിതം തകരുന്നതിന്‍റെ ശതമാനക്കണക്കുകള്‍ വളരെക്കൂടുതലാണ്. അതിനൊരു കാരണമായി പറഞ്ഞുകേള്‍ക്കുന്നത് സ്ത്രീകള്‍ക്ക് ലൈംഗികകാര്യങ്ങളിലുണ്ടാകുന്ന താല്‍‌പ്പര്യമില്ലായ്മയാണ് എന്നാണ്.

ലൈംഗികജീവിതത്തിലെ അസ്വാരസ്യങ്ങള്‍ക്ക് പരസ്പരം പഴിചാരി രക്ഷപ്പെടുന്നതുകൊണ്ട് കാര്യമില്ല. ഏതുപ്രശ്നത്തിനും പരിഹാരമാണ് വേണ്ടത്. സ്ത്രീകളില്‍ ഉണ്ടാകുന്ന ലൈംഗിക മരവിപ്പ് ഒരു രോഗമല്ല എന്നതാണ് പ്രധാന വസ്തുത. അത് കൂടുതലായും മാനസികമാണ്. ജോലിഭാരം കൊണ്ടോ മറ്റോ ഉണ്ടാകുന്ന അമിതമായ ഉത്കണ്ഠ, ടെന്‍ഷന്‍, ആശങ്കകള്‍, പിരിമുറുക്കങ്ങള്‍ ഇവയാണ് സെക്സ് ഒരു പരാജയമായി മാറാന്‍ കാരണം. ശാരീരികമായ ചില പ്രശ്നങ്ങളും ഇതിന് കാരണമാകാറുണ്ട്.

കിടപ്പറയില്‍ പുരുഷനോട് മുഖം തിരിച്ച് കിടന്നുറങ്ങുന്ന പങ്കാളിയെ കുറ്റം പറയുന്നതിലല്ല, ഈ പ്രശ്നം പരിഹരിക്കുന്നതിനാണ് ഉത്സാഹം കാണിക്കേണ്ടത്. സ്ത്രീകളിലെ ലൈംഗികമരവിപ്പിന് ആയുര്‍വേദത്തില്‍ ചില പരിഹാരക്രിയകളുണ്ട്.

ഒരു സ്പൂള്‍ നെയ്യില്‍ കുറച്ച് പഞ്ചസാര കുഴച്ച് കഴിക്കുന്നത് ലൈംഗിക മരവിപ്പ് മാറുന്നതിന് നല്ലതാണ്. ചെറുനാരങ്ങാനീര് ലൈംഗിക ഉണര്‍വുണ്ടാക്കുന്നതാണ്. പൂവമ്പഴം കഴിക്കുന്നതും ബദാം പരിപ്പ് കഴിക്കുന്നതും നല്ലതാണ്. പിന്നെ ഒരു പ്രത്യേക പായസം ദിവസേന കഴിക്കാം. അതുണ്ടാക്കുന്നത് ഈസിയാണ്. നല്ലതുപോലെ തൊലികളഞ്ഞ ഉഴുന്നുപരിപ്പെടുക്കുക. നെയ്യ് ചേര്‍ത്ത് വറുക്കുക. അത് പൊടിച്ച് പാലില്‍ കുറുക്കി പഞ്ചസാരയും ചേര്‍ത്താല്‍ പായസമായി. ഇത് പതിവായി കഴിക്കുന്നതോടെ ലൈംഗികമായ ഉണര്‍വ് ലഭിക്കും.

ജാതിക്ക സ്ത്രീകളിലെ ലൈംഗിക മരവിപ്പിന് ഒരു നല്ല ഔഷധമാണ്. ജാതിക്ക പൊടിച്ച് നെയ്യിലരച്ച് വേണം സേവിക്കാന്‍. കുങ്കുമം, പിച്ചകമൊട്ട് ഇവയും ഈ രീതിയില്‍ ഉപയോഗിക്കാം. ചന്ദനം, രാമച്ചം ഇവ തുല്യ അളവില്‍ തേനില്‍ അരച്ച് രണ്ടുനേരം വീതം ആഹാരശേഷം ഉപയോഗിക്കുന്നത് സ്ത്രീകളെ ലൈംഗികമായി ഉണര്‍ത്തും. ക്ഷീരബല ഉപയോഗിക്കുന്നതും കിടപ്പറയില്‍ സ്ത്രീയെ മഹാറാണിയാക്കും.

പുരുഷബീജവും അണ്ഡവും തമ്മില്‍ എളുപ്പം സംയോജിക്കുന്നതിന് പറ്റിയ പൊസിഷനുകള്‍ സ്വീകരിക്കുകയാണ് വേണ്ടത്. പരമ്പരാഗത ശൈലിയിലുള്ള (മിഷനറി പൊസിഷന്‍) ലൈംഗിക ബന്ധമാണ് ഗര്‍ഭധാരണത്തിന് ഏറെ സഹായകമാവുക എന്ന് വിദഗ്ധര്‍ അഭിപ്രായപ്പെടുന്നു. ഈ അവസ്ഥയില്‍ ഗര്‍ഭപാത്രത്തിനോട് അടുത്ത സ്ഥലത്താവും ബീജം നിക്ഷേപിക്കപ്പെടുന്നത്. ഈ അവസ്ഥയില്‍ പുരുഷന്റെ സ്ഥാനം മുകളിലായതിനാല്‍ രേതസ്സ് നഷ്ടപ്പെടാനുള്ള സാധ്യതയും വളരെ കുറവാണ്.

ഇണയെ പിന്നില്‍ നിന്ന് ബന്ധപ്പെടുന്ന രീതിയും (ഡോഗി സ്റ്റൈല്‍) ഗര്‍ഭധാരണത്തിന് സഹായമാകുമെന്ന് വിദഗ്ധര്‍ അഭിപ്രായപ്പെടുന്നു. ഈ അവസ്ഥയില്‍ ഗര്‍ഭാശയ ഗളത്തിലാവും ബീജം നിക്ഷേപിക്കപ്പെടുക. ബന്ധപ്പെട്ട ശേഷവും ഇതേ നിലയില്‍ തുടരുന്നത് രേതസ്സ് പുറത്തേക്കൊഴുകി നഷ്ടപ്പെടാതിരിക്കാന്‍ സഹായമാകുമെന്നും വിദഗ്ധര്‍ ഉപദേശിക്കുന്നു.

രാത്രിയായാല്‍ ഭര്‍ത്താവിന് പല വിധ കാര്യങ്ങളാണ് – ‘കറന്‍റുബില്‍ അടച്ചിട്ടില്ല. ഓഫീസില്‍ മേലുദ്യോഗസ്ഥന്‍ ശരിയല്ല. വീട്ടുചെലവ് ക്രമാതീതമായി കൂടുന്നു. ഹൃദയാഘാതമുണ്ടാകുമോ എന്ന് ആശങ്ക.’ പിന്നെ എങ്ങനെ ലൈംഗിക ജീവിതം കുളമാകാതിരിക്കും?

ഭര്‍ത്താവിന് മാത്രമല്ല, ഭാര്യയ്ക്കും ഉണ്ട് ഈ ‘രാത്രിചിന്തകള്‍’. നിസാര കാര്യങ്ങള്‍ക്കെല്ലാം രാത്രിയില്‍ കിടക്കാറാകുമ്പോഴാണ് ഭാര്യ പരിഹാരം അന്വേഷിക്കുന്നത്. എന്തിനേറെ, സീരിയല്‍ നായികയുടെ ദുര്‍വിധിയോര്‍ത്ത് കണ്ണീര്‍ പൊഴിക്കുന്നതുപോലും ഭര്‍ത്താവ് ഒന്നുഷാറായി വരുന്ന സമയത്താണ്. സെക്സ് വേദനാജനകമാകുവാന്‍ മറ്റെന്തുവേണം?

വിദഗ്ധര്‍ പറയുന്നത് സെക്സ് ചെയ്യുമ്പോള്‍ സെക്സിനെക്കുറിച്ചുപോലും ചിന്തിക്കരുത് എന്നാണ്. ചിലര്‍ സെക്സ് ചെയ്യുമ്പോള്‍ ‘ഇന്ന് വിജയം കാണാനാകുമോ?’ എന്നായിരിക്കും ചിന്ത. വാടിത്തളര്‍ന്ന് ചേമ്പിന്‍‌തണ്ടുപോലെയാകാന്‍ മറ്റെന്തെങ്കിലും വേണോ? അറിയുക – സെക്സ് അബോധമനസിന്‍റെ ഒരു രസകരമായ കളിയാണ്. അതില്‍ അനുഭൂതിയുണ്ടാകുന്നത് മുന്‍‌കൂട്ടി പ്ലാന്‍ ചെയ്തു തയ്യാറാക്കുന്ന പദ്ധതികള്‍ക്കൊടുവിലല്ല. സ്വാഭാവികമായ ഇണചേരലിനൊടുവില്‍ സുഖത്തിന്‍റെ ഏഴാം സ്വര്‍ഗം തനിയെ പൂത്തുവിടരുകയാണ്.

ലൈംഗികബന്ധത്തില്‍ ഏര്‍പ്പെടുന്നതിന് മുമ്പ് ‘ക്ലൈമാക്സി’നെപ്പറ്റി ചിന്തിച്ചാല്‍ കൂടുതല്‍ പേര്‍ക്കും ഗംഭീരമായ ക്ലൈമാക്സില്‍ എത്തിച്ചേരാനാവില്ലെന്നതാണ് സത്യം. അതുകൊണ്ട് സെക്സ് ചെയ്യുന്ന സമയത്ത് ഒന്നും ചിന്തിക്കേണ്ട. പങ്കാളിയുടെ ശരീരത്തോട് ചേരുക. ചുംബനങ്ങല്‍കൊണ്ടും സീല്‍ക്കാരങ്ങള്‍ കൊണ്ടും പുതിയ ലോകത്തെത്തുക. ഇണചേരലിന്‍റെ ആനന്ദവും ഇളംചൂടും അനുഭവിച്ചറിയുക.

കിടപ്പറയിലെ വിജയത്തില്‍ സ്ത്രീക്കും പുരുഷനും തുല്യ പങ്കാണുള്ളത്. ആരെങ്കിലും ഒരാള്‍ അല്പം അലസത കാണിച്ചാല്‍ ലൈംഗികബന്ധം കനത്ത പരാജയമാകും. മനസില്‍ സന്തോഷവും സമാധാനവും നിറഞ്ഞ സാഹചര്യത്തിലാണ് സെക്സില്‍ ഏര്‍പ്പെടേണ്ടത്. ചിലപ്പോള്‍ സ്ത്രീകള്‍ ‘ഉണര്‍ന്നു’ വരാന്‍ അല്പം താമസമെടുക്കും. ധൃതി കാണിക്കാതെ പുരുഷന്‍ സാവധാനം തന്‍റെ പങ്കാളിയെ ഉണര്‍ത്തിയെടുക്കണം. സെക്സ് ഒരു വണ്‍‘‌മാന്‍’ ഷോ ആകരുതെന്ന് ചുരുക്കം.

ഒരു മനോഹരമായ സെക്സ് അനുഭവത്തിലേക്ക് സ്ത്രീയെ ആനയിക്കാന്‍ ചില വഴികളുണ്ട്. അത്തരം ചില പൂര്‍വകേളികള്‍ ഇതാ:

സ്ത്രീയുടെ കാര്‍കൂന്തലില്‍ സ്നേഹത്തോടെ തടവുന്നതും ചുംബിക്കുന്നതും അവളെ പുതിയ ഒരു ലോകത്തിലേക്ക് നയിക്കും. ഇണയുടെ തലമുടി സ്വന്തം മുഖത്തേക്ക് വിതറിയിട്ട് പുരുഷന് തന്‍റെ പ്രണയം അറിയിക്കാം. ഇരു കൈകളാലും അവളുടെ കൂന്തല്‍ ഒതുക്കിവെച്ച് നെറ്റിയില്‍ ഒരു ചുംബനം നല്‍കുന്നത് അവളെ ഒരു ലൈംഗിക ബന്ധത്തിന് വേഗം സജ്ജയാക്കും.

സ്ത്രീയുടെ പിന്‍‌കഴുത്ത് വളരെ സെന്‍സിറ്റീവായ ഭാഗമാണ്. അവിടെ ചുണ്ടുകള്‍ അമര്‍ത്തുന്നതും കരങ്ങളാല്‍ തഴുകുന്നതും സ്ത്രീയെ ഉന്‍‌മത്തയാക്കും. പുരുഷന്‍റെ ശ്വാസോച്ഛാസം പിന്‍‌കഴുത്തില്‍ തട്ടുന്നതും അവിടെ ഏല്‍ക്കുന്ന സ്നേഹസ്പര്‍ശനവും അവള്‍ക്കു പ്രിയപ്പെട്ടതാണ്. സ്ത്രീയുടെ കഴുത്തിലെ നനുത്ത രോമങ്ങളില്‍ വികാരപൂര്‍ണമായ ചുംബനങ്ങള്‍ നല്‍കാന്‍ ശ്രദ്ധിക്കുക.

സ്ത്രീയുടെ നഗ്നമായ തോള്‍(ചുമല്‍) പുരുഷന്‍റെ സ്പര്‍ശനം കൊതിക്കുന്നയിടമാണ്. അവിടെ ഉമ്മവയ്ക്കുന്നതും മധുരമായ വാക്കുകള്‍ പറഞ്ഞുകൊണ്ട് മെല്ലെ തടവുന്നതും അവളെ ഉത്തേജിതയാക്കും. പുരുഷന്‍ നാവുപയോഗിച്ച് തോളില്‍ വൃത്തങ്ങള്‍ സൃഷ്ടിക്കുന്നതും സ്ത്രീയെ ആനന്ദിപ്പിക്കും.

സ്ത്രീയുടെ പിന്‍‌ഭാഗത്ത് തന്‍റെ കരങ്ങളാല്‍ ചിത്രം വരയ്ക്കാന്‍ പുരുഷന്‍ മറക്കരുത്. പൂര്‍വകേളികളിലെ ഒരു പ്രധാന കാര്യം കമിഴ്ന്നു കിടക്കുന്ന സ്ത്രീയുടെ പുറം ഭാഗത്ത് മുഖം കൊണ്ടും കരങ്ങള്‍ കൊണ്ടും നടത്തുന്ന തലോടലുകളാണ്. സ്ത്രീ പൂര്‍ണമായും രതിയുടെ സുഖനിമിഷങ്ങള്‍ക്കായി തയ്യാറാകുന്നത് ഈ നിമിഷങ്ങളിലാണ്. കാല്‍‌മുട്ടുകളുടെ ഉള്‍ഭാഗത്ത് നടത്തുന്ന സ്പര്‍ശനങ്ങളും അവളില്‍ ആവേശത്തിരയിളക്കും.

സ്ത്രീയുടെ ഉള്ളം‌കൈകളില്‍ മൃദുവായ സ്പര്‍ശനവും ചുംബനങ്ങളും നല്‍കുക. തന്‍റെ സ്നേഹം വെളിവാക്കാന്‍ പുരുഷന് ലഭിക്കുന്ന അവസരമായാണ് ഇതിനെ കാണേണ്ടത്. മറ്റൊന്ന് അവളുടെ കാല്‍പ്പാദങ്ങളില്‍ നല്‍കുന്ന ചുംബനമാണ്. അപ്പോള്‍ അവളുടെ കണ്ണുകളിലേക്ക് നോക്കുക. അവിടെ ഇണയോടുള്ള സ്നേഹവും വികാരവും നിറഞ്ഞു തുളുമ്പുന്നതു കാണാം.

സ്ത്രീയുടെ കാതുകള്‍ ഏറ്റവും ഉത്തേജിക്കപ്പെടാവുന്ന സ്ഥാനമാണ്. കാതില്‍ മൃദുവായി കടിക്കാന്‍ മറക്കരുത്. പതിയെ ഉമ്മവയ്ക്കുകയും തഴുകുകയുമാകാം. ഒപ്പം അല്‍പ്പം കിന്നാരം മൊഴിയുകയും ചെയ്യാം. തുടയിലും തുടയുടെ ഉള്‍ഭാഗത്തും കരങ്ങളാലും ചുണ്ടുകളാലും സ്പര്‍ശിക്കുന്നത് സ്ത്രീയെ ഉന്‍‌മാദത്തിന്‍റെ പരകോടിയിലെത്തിക്കും. മാറിടത്തിലും ഈ പ്രയോഗങ്ങളാകാം. ഇത്രയും പൂര്‍വകേളികള്‍ക്ക് ശേഷം കാര്യങ്ങളിലേക്ക് കടന്നാല്‍ ലൈംഗികബന്ധം ഏറ്റവും അനുഭൂതിദായകമാകും എന്നതില്‍ സംശയമില്ല.