blogadmin - ആരോഗ്യ അറിവുകൾ

പോഷകങ്ങൾ നമ്മുടെ ശരീരത്തിന് വളരെ പ്രധാനമാണ്. നിർദ്ദിഷ്ട പ്രായത്തിൽ സ്ത്രീകൾക്ക് വ്യത്യസ്ത വിറ്റാമിനുകൾ ആവശ്യമാണ്. പുരുഷന്മാരുമായി താരതമ്യപ്പെടുത്തുമ്പോൾ സ്ത്രീകൾക്ക് കൂടുതൽ പോഷകാഹാരം ആവശ്യമാണ്. ഈ പോഷക ആവശ്യങ്ങൾ ഒരു സ്ത്രീയുടെ ജീവിതത്തിന്റെ വിവിധ ഘട്ടങ്ങളിൽ മാറിക്കൊണ്ടിരിക്കും.

എല്ലാത്തരം പോഷകങ്ങളും അടങ്ങിയ ആരോഗ്യകരവും വൈവിധ്യപൂർണ്ണവുമായ ഭക്ഷണക്രമം ഒരു സ്ത്രീക്ക് വളരെ പ്രധാനമാണ്. ഒരു സ്ത്രീ പ്രായപൂർത്തിയായത് മു‌തൽ ആർത്തവചക്രം, ഗർഭം, ആർത്തവവിരാമം എന്നിങ്ങനെ വിവിധ ഘട്ടങ്ങളിലൂടെ കടന്നുപോകുന്നു.

ഓരോ ഘട്ടത്തിലും സ്ത്രീയുടെ ആരോഗ്യം നിലനിർത്തുന്നതിന് ചില പ്രത്യേക വിറ്റാമിനുകൾ ആവശ്യമാണ്. സ്ത്രീകളുടെ ആരോഗ്യ സംരക്ഷണത്തിന് ആവശ്യമായി വേണ്ട അഞ്ച് വിറ്റാമിനുകൾ ഏതൊക്കെയാണെന്ന് അറിയാം…

വിറ്റാമിൻ ബി 12…

ഇത് വളരെ അത്യാവശ്യമായ വിറ്റാമിനാണ്. ഇത് ഭക്ഷണത്തെ ഗ്ലൂക്കോസാക്കി മാറ്റുകയും ഊർജ്ജം ഉൽപാദിപ്പിക്കുകയും ചെയ്യുന്നു. സ്ത്രീകൾക്ക് ഈ വിറ്റാമിൻ വളരെ കൂടിയ അളവിൽ ലഭിക്കേണ്ടത് അനിവാര്യമാണ്.ഇത് ഉപാപചയ പ്രവർത്തനം വർദ്ധിപ്പിക്കുകയും ആരോഗ്യം സംരക്ഷിക്കുകയും ചെയ്യുന്നു.

ഫോളിക് ആസിഡ്…

ഗർഭ ധാരണം നടത്തിയ സ്ത്രീകൾക്ക് ഫോളിക് ആസിഡ് വളരെ അത്യന്താപേക്ഷിതമാണ്. ഇത് നാഡീരോഗങ്ങൾ, ദീർഘകാല രോഗങ്ങൾ എന്നിവ കുറയ്ക്കുന്നതിന് സഹായിക്കുന്നു. ഫോളിക് ആസിഡ് അമ്മയുടെയും കുഞ്ഞിന്റെയും ആരോഗ്യത്തിന് അനിവാര്യമാണ്.

വിറ്റാമിൻ കെ…

പുരുഷൻമാരെ അപേക്ഷിച്ച് സ്ത്രീകളിൽ ഹൃദ്രോഗങ്ങളും ഇത് മൂലമുളള മരണനിരക്കും വളരെക്കൂടുതലാണ്. വിറ്റാമിൻ കെ ഹൃദയത്തിന്റെയും ഹൃദയ ധമനികളുടെയും ആരോഗ്യം സംരക്ഷിക്കുന്നു. സ്ത്രീകളുടെ ആഹാരക്രമത്തിൽ വിറ്റാമിൻ കെ അടങ്ങിയ ഭക്ഷണങ്ങൾ ഉൾപ്പെടുത്താൻ ശ്രമിക്കുക.

മഗ്നീഷ്യം…

പ്രീമെൻസ്ട്രുവൽ സിൺട്രം തടയുന്നതിന് മഗ്നീഷ്യം വളരെ നല്ലതാണ്. ഇത് വേദന ഒഴിവാക്കുകയും നിങ്ങളുടെ മാനസികാവസ്ഥയെ ഉയർത്തുകയും ചെയ്യുന്നു. സ്ത്രീകൾ ദൈനംദിന ഭക്ഷണത്തിൽ മഗ്നീഷ്യം അടങ്ങിയ ഭക്ഷണങ്ങൾ പരമാവധി ഉൾപ്പെടുത്തുക.

വിറ്റാമിൻ ഡി…

ഏറ്റവും പ്രധാനപ്പെട്ട വിറ്റാമിനുകളിൽ ഒന്നാണ് വിറ്റാമിൻ ഡി. ഇത് നിങ്ങളുടെ രോഗപ്രതിരോധ സംവിധാനത്തെ മെച്ചപ്പെടുത്തുകയും ശാരീരികമായും മാനസികമായും ശക്തരാക്കുകയും ചെയ്യുന്നു. വിറ്റാമിൻ ഡിയുടെ കുറവ് ഹൃദ്രോഗങ്ങൾ, കാൻസർ, പ്രമേഹം, ആസ്ത്മ എന്നിവയുടെ സാധ്യത വർദ്ധിപ്പിക്കും.

ആരോഗ്യം ഓവുലേഷന്‍ചോദ്യങ്ങൾ

അടിവസ്ത്രങ്ങള്‍ കഴുകുമ്പോള്‍ തീര്‍ച്ചയായും ശ്രദ്ധിക്കേണ്ട അഞ്ച് കാര്യങ്ങള്‍

by blogadmin ആരോഗ്യം ഓവുലേഷന്‍ചോദ്യങ്ങൾ on July 9, 2022

സാധാരണ വസ്ത്രങ്ങള്‍ പോലെയല്ല, അടിവസ്ത്രങ്ങള്‍. അവ എപ്പോഴും വൃത്തിയാടെയും ശ്രദ്ധയോടെയും കൈകാര്യം ചെയ്യേണ്ടതുണ്ട്. അതിനാല്‍ത്തന്നെ സാധാരണ മേല്‍വസ്ത്രങ്ങള്‍ കഴുകുന്നത് പോലെയല്ല അവ കഴുകേണ്ടതും. എന്നാല്‍ ഇക്കാര്യങ്ങളെ കുറിച്ചൊന്നും അധികമാരും സൂക്ഷ്മത പുലര്‍ത്താറില്ല എന്നതാണ് സത്യം.

ഇതാ അടിവസ്ത്രങ്ങള്‍ കഴുതുമ്പോള്‍ നിങ്ങള്‍ നിര്‍ബന്ധമായും ശ്രദ്ധിക്കേണ്ട അഞ്ച് കാര്യങ്ങള്‍…

ഒന്ന്…

ഇളം ചൂടുവെള്ളത്തില്‍ അടിവസ്ത്രങ്ങള്‍ കഴുകുന്നവരുണ്ട്. വസ്ത്രം വൃത്തിയാകാനാണ് ഇങ്ങനെ ചെയ്യുന്നത് എന്നാണ് വാദം. എന്നാല്‍ എപ്പോഴും ചൂടുള്ള വെള്ളത്തില്‍ കഴുകുമ്പോള്‍ അടിവസ്ത്രം എളുപ്പത്തില്‍ ഉപയോഗശൂന്യമായിപ്പോകാനുള്ള സാധ്യതകള്‍ കൂടുതലാണ്.

ഏറ്റവും നല്ലത്, തണുത്ത വെള്ളത്തില്‍ തന്നെ അടിവസ്ത്രങ്ങള്‍ അലക്കുന്നതാണ്.

രണ്ട്…

സാധാരണഗതിയില്‍ അലക്കാന്‍ ഉപയോഗിക്കുന്ന വൂള്‍ ഡിറ്റര്‍ജന്റുകളും അടിവസ്ത്രങ്ങള്‍ക്ക് നന്നല്ല. ഇവ അലക്കാന്‍ വീര്യം കുറഞ്ഞ സോപ്പുകള്‍ പ്രത്യേകം സൂക്ഷിക്കാവുന്നതാണ്.

മൂന്ന്…

അടിവസ്ത്രങ്ങള്‍ കഴുകുന്നതിലും ഉണക്കി സൂക്ഷിക്കുന്നതിലുമെല്ലാം നമ്മള്‍ ഇത്രമാത്രം ശ്രദ്ധ പുലര്‍ത്തണമെന്ന് പറയുന്നത്, അത് ഏറ്റവും സ്വകാര്യവും സെന്‍സിറ്റീവുമായ അവയവങ്ങള്‍ക്ക് പുറത്ത് ധരിക്കുന്നതിനാലാണ്. അതായത് ശുചിത്വം വളരെ പ്രധാനമാണ്. ഇതുറപ്പുവരുത്താനായി, അടിവസ്ത്രം അല്‍പനേരം മുക്കിവച്ച ശേഷം മാത്രം അലക്കുക. വസ്ത്രത്തിലെ ചെറിയ ഭാഗങ്ങളില്‍ വരെയുള്ള അഴുക്ക് ഇളകിപ്പോകാനാണ് ഇങ്ങനെ ചെയ്യുന്നത്. നേരിട്ട് എടുത്ത് അലക്കുമ്പോള്‍ ഒരുപക്ഷേ മുഴുവന്‍ അഴുക്കും ഇളകിപ്പോകാത്ത സാഹചര്യമുണ്ടായേക്കാം.

നാല്…

സ്ത്രീകള്‍ ശ്രദ്ധിക്കേണ്ട ഒരു കാര്യം, വാഷിംഗ് മെഷീനില്‍ ബ്രാ അലക്കുമ്പോള്‍ അതിന്റെ ഹുക്കുകള്‍ ഇട്ടുവച്ച ശേഷം വേണം അലക്കാന്‍. അല്ലാത്ത പക്ഷം അത് മറ്റ് വസ്ത്രങ്ങളില്‍ കുടുങ്ങി പ്രശ്‌നമാകാന്‍ സാധ്യതയുണ്ട്.

അതുപോലെ അലക്കുമ്പോള്‍, അത് ഏത് അടിവസ്ത്രവുമാകട്ടെ, ചുരുട്ടിക്കൂട്ടിയ അവസ്ഥയില്‍ തന്നെ എടുത്ത് അലക്കരുത്. ചുരുക്കുണ്ടെങ്കില്‍ അത് കൈ വച്ച് നിവര്‍ത്തി നല്ലരീതിയില്‍ വച്ച ശേഷം വേണം അലക്കാന്‍.

അഞ്ച്…

വാഷിംഗ് മെഷീനില്‍ തന്നെ പകുതിയും ഉണക്കിയെടുക്കുന്നതാണ് ഇപ്പോള്‍ മിക്ക വീടുകളിലേയും രീതി. എന്നാല്‍ അടിവസ്ത്രം ഇങ്ങനെ ചെയ്യാതിരിക്കുകയാണ് ഉത്തമം. രണ്ട് കാര്യങ്ങളാണ് ഇതിലുള്ളത്. ഒന്ന് ഡ്രൈയറിന്റെ ചൂട് വസ്ത്രത്തെ പെട്ടെന്ന് നശിപ്പിക്കും. രണ്ട്, അടിവസ്ത്രങ്ങള്‍ കഴിയുന്നതും വെയിലില്‍ ഇട്ടുതന്നെ ഉണക്കിയെടുക്കാന്‍ ശ്രമിക്കണം. കാരണം, അണുക്കളെ ഇല്ലാതാക്കാനുള്ള നല്ലൊരു പോംവഴിയാണ് വെയിലത്ത് ഉണക്കുന്നത്. സ്വകാര്യഭാഗങ്ങളില്‍ ഫംഗസ് ബാധ വരാറുള്ളവര്‍ തീര്‍ച്ചയായും ഇക്കാര്യം ശ്രദ്ധിക്കണം.

ആരോഗ്യം ചോദ്യങ്ങൾ ദാമ്പത്യം Marriage മേക്കപ്പ്ലൈംഗിക ആരോഗ്യം (Sexual health )സ്ത്രീ സൗന്ദര്യം (Feminine beauty)

സ്തന സൗന്ദര്യം വെല്ലുവിളിയാണോ? ഇക്കാര്യങ്ങൾ അറിഞ്ഞിരുന്നാൽ മതി

by blogadmin ആരോഗ്യം ചോദ്യങ്ങൾ ദാമ്പത്യം Marriage മേക്കപ്പ്ലൈംഗിക ആരോഗ്യം (Sexual health )സ്ത്രീ സൗന്ദര്യം (Feminine beauty) on July 8, 2022

സ്ത്രീകളുടെ അഴകളവുകളിൽ സ്തനങ്ങൾക്ക് വലിയ സ്ഥാനമുണ്ട്. സ്തന സൗന്ദര്യത്തിന് വളരെയേറെ പ്രാധാന്യം നൽകുന്നവരാണ് മലയാളികൾ. അഴകൊത്ത സ്തനങ്ങൾ സ്ത്രീകൾക്ക് ആത്മവിശ്വാസത്തിന്റെ അടയാളം കൂടിയാണ്. അതേസമയം, സ്‌ട്രെച്ച് മാര്‍ക്കുകള്‍, ചാടിയ വയര്‍, അയഞ്ഞുതൂങ്ങിയ മാറിടം എന്നിവയെല്ലാം സ്ത്രീയുടെ ആത്മവിശ്വാസത്തെ കെടുത്തും. അല്പം സമയം കണ്ടെത്തിയാൽ തയ്യാറാണെങ്കില്‍ വ്യായാമത്തിലൂടെ ശരീര സൗന്ദര്യം തിരിച്ചെടുക്കാവുന്നതേയുള്ളൂ. ഇത്തരത്തില്‍ സ്തനസൗന്ദര്യം വീണ്ടെടുക്കുന്നതിനുള്ള ചില മാസ്‌കുകള്‍ പരിചയപ്പെടാം.

രണ്ടുമുട്ടയുടെ മഞ്ഞക്കരു എടുക്കുക. അതിലേക്ക് നന്നായി ഗ്രേറ്റ് ചെയ്ത കുക്കുംബര്‍ ചേര്‍ക്കുക. ഇത് നന്നായി മിക്‌സ് ചെയ്ത ശേഷം പുരട്ടാം. പത്തുമിനിട്ടിന് ശേഷം കഴുകി കളയാം. ആഴ്ചയില്‍ രണ്ടോ മൂന്നോ തവണ ഇത് ആവര്‍ത്തിക്കുക.
ടേബിള്‍ സ്പൂണ്‍ ആല്‍മണ്ട് ഓയിലിലേക്ക് 4-5 ടേബില്‍ സ്പൂണ്‍ ഫ്രഷ് മില്‍ക്ക് ക്രീം ചേര്‍ത്ത് നന്നായി മിക്‌സ് ചെയ്തതിന് ശേഷം പുരട്ടാം. പുരട്ടിയതിന് ശേഷം മുകളില്‍ നിന്ന് താഴേക്ക് എന്ന ക്രമത്തില്‍ വട്ടത്തില്‍ പത്തുമിനിട്ടോളം മസാജ് ചെയ്യുക. തുടര്‍ന്നുള്ള പതിനഞ്ച് മിനിട്ടിന് ശേഷം കഴുകി കളയാം. ആല്‍മണ്ട് ഓയില്‍ ആന്റിഓക്‌സിഡന്റ്‌സ് ധാരാളം അടങ്ങിയിട്ടുള്ളതിനാല്‍ ചര്‍മത്തില്‍ ഈര്‍പ്പം നിലനിര്‍ത്താന്‍ ഇത് സഹായിക്കും.
ഒരു സ്പൂണ്‍ യോഗര്‍ട്ടിലേക്ക്, ഒരു മുഴുവന്‍ മുട്ട ചേര്‍ക്കുക, അതിലേക്ക് ഒരു ടേബിള്‍ സ്പൂണ്‍ ചേര്‍ക്കുക. നന്നായി മിക്‌സ് ചെയ്തതിന് ശേഷം പരുട്ടാം. ചര്‍മം അയഞ്ഞുതൂങ്ങാതിരിക്കുന്നതിനായി ഒരു പഴയ അടിവസ്ത്രം ധരിക്കുക. 20 മിനിട്ടിന് ശേഷം അഞ്ച് മിനിട്ട് മസാജ് നല്‍കി കഴുകി കളയാം.
പഴം ഒരു നാച്വറല്‍ മോയ്ചുറൈസര്‍ ആയാണ് കരുതപ്പെടുന്നത്. പഴത്തില്‍ അയേണ്‍, പൊട്ടാസ്യം, മഗ്നീഷ്യം, ഫോസ്ഫറസ് എന്നിവ അടങ്ങിയിട്ടുണ്ട്. ഒരു സ്പൂണ്‍ യോഗര്‍ട്ടിലേക്ക് പഴം ചേര്‍ത്ത് നന്നായി മിക്‌സ് ചെയ്തിന് ശേഷം പുരട്ടാം. പതനിഞ്ച് മിനിട്ടിന് ശേഷം ഇളം ചൂടുവെള്ളത്തില്‍ കഴുകാം.
ഉരുളക്കിഴങ്ങ് ഒരു നാച്വറല്‍ ബ്ലീച്ചിങ് ഏജന്റാണ്. ഉരുളക്കിഴങ്ങ് പുഴുങ്ങി അതിലേക്ക അല്പം പാല്‍, മുട്ട എന്നിവ ചേര്‍ത്ത് മിക്‌സ് ചെയ്ത് പുരട്ടാം. 20 മിനിട്ടിന് ശേഷം കഴുകിക്കളയാം.

ആരോഗ്യം ചോദ്യങ്ങൾ സ്ത്രീ സൗന്ദര്യം (Feminine beauty)

ഗുഹ്യരോമങ്ങള്‍ നീക്കുന്നത് കൊണ്ട് ലൈംഗീക ആസ്വാദനം മെച്ചപ്പെടുമോ?

by blogadmin ആരോഗ്യം ചോദ്യങ്ങൾ സ്ത്രീ സൗന്ദര്യം (Feminine beauty) on July 8, 2022

ചോദ്യം : ഗുഹ്യഭാഗത്തെ രോമങ്ങള്‍ നീക്കുന്നത് കൊണ്ട് ലൈംഗീക ആസ്വാദനം മെച്ചമാകുമോ ?

ഉത്തരം : ഗുഹ്യഭാഗത്തെ രോമങ്ങള്‍ നീക്കുന്നത് കൊണ്ട് ലൈംഗീക ആസ്വാദനം മെച്ചമാകുമോ എന്നത് പലര്‍ക്കും ഉള്ള സംശയമാണ്. ഇതില്‍ പൊതുവായ ഒരു ഉത്തരം സാധ്യമല്ല എന്നതാണ് യാഥാര്‍ത്ഥ്യം. വ്യക്തികളുടെ ഇഷ്ടാനിഷ്ടങ്ങള്‍ക്ക് അനുസൃതമായി ഇക്കാര്യത്തില്‍ തീരുമാനം എടുക്കുന്നതാകും ഉചിതം. എന്നാല്‍ രോമങ്ങള്‍ നീക്കാന്‍ തീരുമാനിച്ചാല്‍ ശ്രദ്ധിക്കേണ്ട ചിലവയും ഉണ്ട്.
ലൈംഗീക ഭാഗങ്ങളില്‍ ധാരാളം രോമങ്ങള്‍ ഉള്ളതാണ് ചിലര്‍ക്ക് ഇഷ്ടം. എന്നാല്‍ മിക്കവര്‍ക്കും ഇഷ്ടം രോമങ്ങള്‍ നീക്കുന്നതാണ്. രോമങ്ങള്‍ ത്വക്കിന് ഒരു സുരക്ഷാ വലയം ആണ്. ഇത് നിരന്തരം ഷേവ് ചെയ്തു നീക്കുന്നത് നന്നല്ല. ആവശ്യമെങ്കില്‍ ട്രിമ്മര്‍ ഉപയോഗിച്ച് രോമനഗല്‍ ട്രിം ചെയ്ത് കളയുകയാണ് കൂടുതല്‍ നല്ലത്. ഇനി രോമങ്ങള്‍ ഷേവ് ചെയ്തുനീക്കാന്‍ തന്നെ തീരുമാനിച്ചാല്‍ തന്നെ അതിനായി ഒരു വട്ടം മാത്രം ഉപയോഗിച്ച് പിന്നെ ഉപേക്ഷിക്കുന്ന തരത്തിലുള്ള ഡിസ്പോസിബിള്‍ ഷേവിംഗ് സെറ്റുകള്‍ ഉപയോഗിക്കുക. ഒരു വട്ടം ഉപയോഗിച്ച് പത്തു പതിനഞ്ചു ദിവസങ്ങള്‍ക്കു ശേഷം അതേ സെറ്റുകള്‍ തന്നെ വീണ്ടും ഉപയോഗിച്ചാല്‍ ഇന്‍ഫെക്ഷന്‍ വരാനുള്ള സാധ്യത ഉണ്ട്. അതിനാല്‍ അത് ഒഴിവാക്കുക.

ആരോഗ്യം ചോദ്യങ്ങൾ ദാമ്പത്യം Marriage

സ്ത്രീപുരുഷ ലൈംഗികബന്ധം നന്നാകണമെങ്കിൽ

by blogadmin ആരോഗ്യം ചോദ്യങ്ങൾ ദാമ്പത്യം Marriage on July 8, 2022

ചിലർ എല്ലാ ദിവസവും ബന്ധപ്പെടുന്നു, ചിലർക്കാകട്ടെ, ആഴ്ചയിൽ ഒന്നോ രണ്ടോ തവണയിൽ കൂടുതൽ സാധിച്ചെന്നും വരില്ല. ഇതിലും ടെൻഷൻ അടിക്കേണ്ട കാര്യമില്ല. വിശപ്പും സെക്സും ഒരുപോലെയാണ്. ചിലർക്ക് വിശപ്പ് കൂടുതലായിരിക്കും അവർ കൂടുതൽ കഴിക്കും. വിശപ്പു കുറവുള്ളവരാകട്ടെ, കുറച്ചേ കഴിക്കൂ.

ആരോഗ്യം, ഇണകൾ തമ്മിലുള്ള ബന്ധം, സ്വകാര്യത, ഒഴിവുസമയം തുടങ്ങി പല ഘട്ടങ്ങളെ ആശ്രയിച്ചായിരിക്കും ലൈംഗികമായ ആഗ്രഹം അഥവാ ചോദന . അതിനാൽത്തന്നെ ഇതു സംബന്ധിച്ച് മറ്റുള്ളവരുമായി താരതമ്യം നടത്താതിരിക്കുന്നതാകും നല്ലത്. ഒരു ശാരീരികാഭ്യസത്തെ വിലയിരുത്തുന്നതുപോലെ ഒരിക്കലും സെക്സിനെ വിലയിരുത്തരുത്. സെക്സ് നന്നാകണമെങ്കിൽ ഇണയുടെ ഇഷ്ടനിഷ്ടങ്ങളേയും വികാരങ്ങളേയും മനസ്സിലാക്കി പ്രവർത്തിക്കണം.

പല പുസ്തകങ്ങളും വിവിധ തരത്തിലുള്ള രതിമാർഗങ്ങളെക്കുറിച്ച് വിവരിക്കുന്നുണ്ട്. പക്ഷേ പുസ്തകജ്ഞാനത്തെക്കാളും മറ്റുള്ളവരുടെ അനുഭവത്തെക്കാളും പരീക്ഷണങ്ങളെക്കാളും പ്രയോജനപ്പെടുന്നത് ഇണയുടെ ഇഷ്ടാനിഷ്ടങ്ങളും ആവശ്യങ്ങളും അനുസരിച്ച് പെരുമാറുന്നതാണ്. നിലചിത്രങ്ങളും മറ്റുംകണ്ട് അതുപോലെ കിടക്കറയിൽ അനുകരിക്കാൻ ശ്രമിക്കാതിരിക്കുന്നതാകും നല്ലത്. ജീവിതത്തിൽ ഇങ്ങനെയൊന്നും നടക്കില്ല. എങ്ങനെ ചെയ്യുന്നു എന്നതാണ് പ്രധാനം.

ആരോഗ്യം ഓവുലേഷന്‍ചോദ്യങ്ങൾ ഡയറ്റ്വായാമങ്ങൾ

ആർത്തവത്തിൽ ക്രമക്കേടുകൾ, ക്ഷീണം… വണ്ണം കൂടുന്നു’: ഈ ലക്ഷണങ്ങൾ നൽകുന്ന സൂചന: ഡോക്ടർ പറയുന്നു

by blogadmin ആരോഗ്യം ഓവുലേഷന്‍ചോദ്യങ്ങൾ ഡയറ്റ്വായാമങ്ങൾ on July 8, 2022

Q എനിക്ക് 43 വയസ്സ്. ഉദ്യോഗസ്ഥയാണ്. കുറച്ചുനാളായി അമിതമായ ക്ഷീണം അനുഭവപ്പെടുന്നു. ജോലി ചെയ്യാൻ ഉത്സാഹം തോന്നുന്നില്ല. കൂടുതലായി ഭക്ഷണം കഴിക്കുന്നില്ലെങ്കിലും ശരീരഭാരം വർധിക്കുന്നതായാണ് കാണുന്നത്. ആർത്തവത്തിൽ ചില ക്രമക്കേടുകളും ഉണ്ട്. ഇത് എന്തു കൊണ്ടാണ്?

സിൻസി, കട്ടപ്പന

A നിങ്ങളുടെ അമിതക്ഷീണവും ശരീരഭാരവർധനവും ആർത്തവക്രമക്കേടുകളും എല്ലാം നോക്കുമ്പോൾ നിങ്ങൾക്കു െെതറോയ്ഡ് ഹോർമോണുകളുടെ കുറവോ, ഇൻസുലിൻ ഹോർമോണുകൾ നന്നായി പ്രവർത്തിക്കാത്ത, മെറ്റബോളിക് സിൻഡ്രോമോ ഉണ്ടോ എന്നു എന്ന് സംശയിക്കേണ്ടി വരും.

ശരീരത്തിലെ െെതറോയ്ഡ് ഹോർമോണിന്റെ ഉൽപാദനം കുറയുന്ന രോഗത്തെ െെഹപ്പോതൈറോയ്ഡിസം എന്നു പറയുന്നു. ഈ രോഗം വളരെ നിശ്ശബ്ദമായാണ് വരുന്നത്. അതുകൊണ്ട് ആരംഭത്തിൽ എല്ലാ ലക്ഷണങ്ങളും കാണുകയില്ല.

ആദ്യമായി ജോലി ചെയ്യുന്നതിന് ഉത്സാഹം കുറയും. ക്ഷീണം കൂടുതലായി അനുഭവപ്പെടും. വിശപ്പു കുറയും. ആഹാരം കഴിക്കുന്നതു കുറഞ്ഞുവരികയും ചെയ്യും. ആഹാരം കുറച്ചു കഴിച്ചാലും ശരീരഭാരം ചെറിയ തോതിൽ വർധിക്കും.. അതു ശരീരത്തിൽ പിത്തവെള്ളം കെട്ടിനിൽക്കുന്നതുകൊണ്ടാകാം.

ഇതു കൂടാതെ ആർത്തവത്തിൽ ക്രമക്കേടുകളും അമിത രക്തസ്രാവവും ഉണ്ടാകാം. ഉറക്കം കൂടുതലും അസഹ്യമായ തണുപ്പും അനുഭവപ്പെടും. വിശപ്പു കുറയും. കൂടാെത മലശോധനയും കുറയും.

ഈ രോഗം രക്തത്തിലെ ടി4, ടിഎസ്എച്ച് പരിശോധിച്ചാൽ കണ്ടുപിടിക്കാൻ സാധിക്കും. കണ്ടുപിടിച്ചാൽ ദിവസവും ഒരു ഗുളിക കഴിച്ചാൽ തന്നെ പൂർണമായി നിയന്ത്രിക്കാനാകും.

ശരീരത്തിന്റെ ഇൻസുലിൻ ഹോർമോൺ നന്നായി പ്രവർത്തിക്കാതിരുന്നാൽ ഉണ്ടാകുന്ന ഇൻസുലിൻ റസിസ്റ്റൻസ് സിൻഡ്രോം അഥവാ മെറ്റബോളിക് സിൻഡ്രോം എന്ന രോഗവും നിങ്ങൾ പറയുന്ന രോഗലക്ഷണങ്ങൾ പ്രകടമാക്കാം.

ഈ രോഗികൾക്ക് വണ്ണം കൂടുതൽ കാണും. പിന്നെ മുഖത്തും നെഞ്ചിലും വയറിലും അമിതരോമങ്ങൾ കാണാം. മുഖക്കുരുവും കൂടുതലായി കാണാം. ആർത്തവക്രമക്കേടുകൾ ഒരു പ്രധാന ലക്ഷണമാണ്. ഈ രോഗം ഉള്ളവർക്ക് പോളിസിസ്റ്റിക് ഒാവറി സിൻഡ്രോം എന്ന രോഗം കാണാനും സാധ്യതയുണ്ട്.

ഈ രോഗം കണ്ടുപിടിക്കുന്നതിന് രക്തത്തിലെ പഞ്ചസാര, പുരുഷഹോർമോണുകളുെട അളവു പരിശോധന, അടിവയറിന്റെ അൾട്രാസൗണ്ട് പരിശോധന തുടങ്ങിയവ വേണ്ടിവരും.

രോഗം സ്ഥിരീകരിച്ചാൽ ജീവിത െെശലിയിൽ മാറ്റങ്ങൾ വരുത്തുകയും മെറ്റ്ഫോമിൻ തുടങ്ങിയ മരുന്നുകൾ ഉപയോഗിക്കുകയും ചെയ്താൽ രോഗശമനം ഉണ്ടാകും.ഏതായാലും നിങ്ങൾ ഉടനെ തന്നെ ഒരു ഫിസിഷ്യനെ കണ്ട് ഈ രോഗങ്ങളുണ്ടോ എന്നു പരിശോധന നടത്തേണ്ടതാണ്.

ആരോഗ്യം ഗര്‍ഭധാരണം (Pregnancy)രതിമൂര്‍ച്ഛ ലൈംഗിക ആരോഗ്യം (Sexual health )വജൈനിസ്മസ്‌ (Vaginismus )വണ്ണം വയ്ക്കുവാൻ വൃക്തിബന്ധങ്ങൾ Relationship

മൈഗ്രേയ്ൻ മാറ്റാൻ സെക്സിന് സാധിക്കുമോ, എങ്ങനെ?

by blogadmin ആരോഗ്യം ഗര്‍ഭധാരണം (Pregnancy)രതിമൂര്‍ച്ഛ ലൈംഗിക ആരോഗ്യം (Sexual health )വജൈനിസ്മസ്‌ (Vaginismus )വണ്ണം വയ്ക്കുവാൻ വൃക്തിബന്ധങ്ങൾ Relationship on July 8, 2022

മനു വയസ്സ് 28. ഒരു ഐടി കമ്പനിയിൽ സീനിയർ എൻജിനീയറാണ്. ഭാര്യ പ്രമുഖ ബാങ്കിൽ ഓഫീസറായി ജോലി നോക്കുന്നു. മൂന്നു വയസ്സുള്ള ഒരു കുഞ്ഞുണ്ട്. ദാമ്പത്യ ജീവിതത്തിൽ ലൈംഗികത അത്ര വലിയ ഘടകമല്ലെന്നു ചിന്തിക്കുന്നയാളാണു ഭാര്യ. അതുകൊണ്ടു തന്നെ വളരെ അപൂർവമായി മാത്രമുള്ള ലൈംഗികബന്ധമേ അവർക്കിടയിലുള്ളൂ. നേരേ വിപരീതമാണ് മനുവിന്റെ സ്വഭാവം. ഭാര്യയിൽ നിന്നും താന്‍ ആഗ്രഹിക്കുന്ന തരത്തിലുള്ള പെരുമാറ്റം ഉണ്ടാകാതെ വരുന്നതു ദാമ്പത്യ ജീവിതത്തിൽ വിള്ളൽ വീഴ്ത്താൻ തുടങ്ങിയെന്ന് അയാൾക്കു മനസ്സിലായി.

ഇത് ഒറ്റപ്പെട്ട സംഭവമല്ല. വിവാഹമോചനക്കേസുകളിൽ മുപ്പതു ശതമാനത്തിനും കാരണം ദമ്പതികളുടെ ലൈംഗിക ജീവിതത്തിലെ പൊരുത്തക്കേടുകളാണ്. സന്താനലബ്ധിയിൽ കവിഞ്ഞ പ്രാധാന്യം പല കാരണങ്ങൾ കൊണ്ടും ദമ്പതികൾക്കിടയിലെ ലൈംഗികജീവിതത്തിനുണ്ട്. ഭാര്യയ്ക്കും ഭർത്താവിനുമിടിയിലുള്ള അനുരാഗത്തിന്റെയും പരസ്പരമുള്ള ഇഴയടുപ്പത്തിന്റെയും ജീവിതസംതൃപ്തിയുടെയും സന്തോഷത്തിന്റെയും കൂടി പ്രതീകമാണ് അവർക്കിടയിലെ ലൈംഗികത. ശാരീരികവും മാനസികവും ബൗദ്ധികവും സാമൂഹികവുമായ ഒട്ടേറെ ഗുണങ്ങൾ ആരോഗ്യകരമായ ലൈംഗികത നമുക്കു സമ്മാനിക്കുന്നുണ്ട്. ദമ്പതികൾക്കിടയിൽ പരസ്പരവിശ്വാസം വളരുന്നതിനും ആരോഗ്യകരമായ ലൈംഗികത സഹായിക്കുന്നു. ഇവ ശരിയായ അർത്ഥത്തിൽ മനസ്സിലാക്കിയാൽ വൈകാരികമായ ഇഴയടുപ്പം ദമ്പതികൾക്കു ലഭിക്കും.

ലൈംഗിക കാഴ്ചപ്പാടുകൾ

സ്കൂൾ–കോളജ് കാലഘട്ടം ഹോസ്റ്റലിൽ താമസിച്ചാണ് അമൽ പഠിച്ചത്. പഠനശേഷം ക്യാംപസ് പ്ലേസ്മെന്റിലൂടെ ഒരു മാധ്യമസ്ഥാപനത്തിൽ ജോലിയിൽ പ്രവേശിക്കുകയും ചെയ്തു. ഇതിനിടയിലാണ് വീട്ടുകാർ ആലോചിച്ചുറപ്പിച്ച വിവാഹം നടക്കുന്നത്. ഭാര്യ ദീപ ഡിഗ്രി കഴിഞ്ഞിട്ടേയുള്ളൂ.

രാത്രി ദീപയ്ക്ക് അമലിന്റെ മുറിയിലേക്കു പോകാൻ മടിയാണ്. അമ്മയുടെ കൂടെ അടുക്കളയിൽ ചുറ്റിപ്പറ്റി നിൽക്കും. കഴുകിയ പാത്രങ്ങളൊക്കെ വീണ്ടും കഴുകും. അവസാനം അമൽ ഉറങ്ങിക്കഴിഞ്ഞാൽ മാത്രമേ മുറിയിലേക്കു പോവുകയുള്ളൂ. കുറേനാൾ തുടർന്നപ്പോൾ അമ്മയ്ക്കു സംശയമായി. അങ്ങനെയാണ് ഒരു കൗൺസലിങ്ങിനായി പോയത്.

ഹോസ്റ്റൽ കാലഘട്ടത്തിൽ കൂട്ടുകാരിൽ നിന്നും ലൈംഗികതയെക്കുറിച്ചു വികലമായ കാഴ്ചപ്പാടാണ് അമലിനു ലഭിച്ചത്. താൻ കണ്ട തരം താണ നീലച്ചിത്രങ്ങളിലെ നായികയെപ്പോലെ ഭാര്യ പെരുമാറണമെന്നു വാശിപിടിച്ചപ്പോൾ ലൈംഗികത ദീപയ്ക്കു പേടിസ്വപ്നമായി മാറി. പങ്കാളിയുടെ താൽപര്യം മനസ്സിലാക്കാതെയുള്ള സ്വാർഥത നിറഞ്ഞ ഇത്തരത്തിലുള്ള പെരുമാറ്റം ദമ്പതികൾക്കിടയിലുള്ള ബന്ധത്തിലെ ഊഷ്മളത തകർക്കുന്നതിനിടയാക്കും. മാത്രമല്ല ലൈംഗികതയിലൂടെ ലഭിക്കേണ്ട ശാരീരികവും മാനസികവുമായ ഗുണങ്ങൾ ലഭിക്കാതെ പോവുകയും ചെയ്യാം.

വ്യായാമം മുതൽ ഉറക്കം വരെ

പഠനങ്ങൾ തെളിയിക്കുന്നതു ശരീരത്തിലെ കൊഴുപ്പു കുറയ്ക്കുന്നതിനു ലൈംഗികത സഹായകരമെന്നാണ്. മികച്ചൊരു വ്യായാമം കൂടിയാണ് സെക്സ്. പുരുഷന്മാരിൽ ശരാശരി 100 കാലറിയും സ്ത്രികളിൽ ശരാശരി 60 കാലയും കൊഴുപ്പ് കത്തിച്ചുകളയുന്നതിന് ഒരു ലൈംഗികവേഴ്ച സഹായിക്കും. തുടർച്ചയായി സംതൃപ്തകമായ ലൈംഗികബന്ധങ്ങളിൽ ഏർപ്പെടുന്ന വ്യക്തികളിൽ ഇമ്യൂണോഗ്ലോബുലിൻ എ എന്ന ആന്റിബോഡിയുടെ അളവു കൂടിയിരിക്കുന്നതായി പെൻസിൽവാനിയയിലുള്ള വിൽക്സ് യൂണിവേഴ്സിറ്റിയിലെ ഗവേഷകരുടെ പഠനങ്ങൾ തെളിയിച്ചിട്ടുണ്ട്. അസുഖങ്ങളെ അതിജീവിക്കുന്നതിനും ജലദോഷം, ഫ്ലൂ എന്നിവയെ നേരിടുന്നതിനും ലൈംഗിക ഇടപെടൽ സഹായകരമത്രേ. നന്നായി ഉറങ്ങുന്നതിനും രോഗപ്രതിരോധശേഷി വർധിപ്പിക്കുന്നതിനും ആരോഗ്യകരമായ ലൈംഗികത സഹായിക്കും.

ലൈംഗിക ഉത്തേജനം സംഭവിക്കുമ്പോഴും ഉമ്മ വയ്ക്കുമ്പോഴും കെട്ടിപ്പിടിക്കുമ്പോഴും ഓക്സിടോസിൻ എന്ന ഹോർമോൺ ശരീരത്തിൽ ഉൽപാദിപ്പിക്കപ്പെടുന്നുണ്ട്. ‘ലൗ ഹോർമോൺ’ എന്നറിയപ്പെടുന്ന ഓക്സിടോസിൻ ശാന്തമായി ഉറങ്ങുന്നതിനു വളരെയധികം സഹായിക്കും. ഇതുകൊണ്ടാണു നല്ല ഒരു ലൈംഗികബന്ധത്തിനു ശേഷം ദമ്പതികൾക്കു നന്നായി ഉറങ്ങുവാൻ കഴിയുന്നത്. ഓക്സിടോസിൻ മറ്റു പല തരത്തിലും നമ്മുടെ ശരീരത്തിനു പ്രയോജനപ്രദമാണ്. പുരുഷന്മാരിലും സ്ത്രീകളിലും ഹൃദയസംബന്ധിയായ പ്രശ്നങ്ങൾ കുറയ്ക്കുന്നതിനും ശാരീരികവേദനകൾ നിയന്ത്രിക്കുന്നതിനും ഇവ സഹായകമാണ്.

മൈഗ്രെയ്ൻ മാറ്റാനുള്ള മരുന്ന്

സതേൺ ഇല്ലിനോയിസ് യൂണിവേഴ്സിറ്റിയിലെ മൈഗ്രെയിൻ ക്ലിനിക്കിലെ ഗവേഷകർ നടത്തിയ പഠനം വെളിപ്പെടുത്തിയത് മൈഗ്രെയ്ൻ മൂലം കടുത്ത തലവേദന അനുഭവപ്പെട്ടിരുന്ന സ്ത്രീകളിൽ പകുതിപ്പേർക്കും രതിമൂർച്ഛയുടെ പാരമ്യതയിൽ തലവേദനയ്ക്കു സ്വാസ്ഥ്യം ലഭിച്ചുവെന്നാണ്. മാത്രമല്ല, ആരോഗ്യകരമായ ലൈംഗിക ബന്ധം തുടരുന്നവരിൽ മൈഗ്രെയിൻ തലവേദനയുടെ ആവർത്തനം കുറയുന്നതായും നിരീക്ഷണമുണ്ട്.

തുടരെ ലൈംഗികബന്ധത്തിലേർപ്പെടുന്ന സ്ത്രീകളിൽ ആർത്തവസമയ വേദനയുടെ ദൈർഘ്യം കുറയുന്നതായി കണ്ടുവരാറുണ്ട് ആരോഗ്യകരമായ ലൈംഗികബന്ധവും ഉത്തേജനവും പുരുഷന്മാരിൽ പ്രോസ്‌റ്റേറ്റ് കാൻസറിനുള്ള സാധ്യത കുറയ്ക്കുന്നു.

മാനസികാരോഗ്യസംരക്ഷണത്തിനും വൈകാരികമായ ബാലൻസ് സൂക്ഷിക്കുന്നതിനും പങ്കാളികളുമായുള്ള ലൈംഗികബന്ധം സഹായിക്കും. ജോലിയിലെയും ബിസിനസിലെയും മാനസികസമ്മർദ്ദം, കരിയറിലെ പ്രശ്നങ്ങൾ, വ്യക്തിജീവിതത്തിലെ പൊരുത്തക്കേടുകൾ എന്നിവയൊക്കെ നേരിടാൻ സംതൃപ്തമായ ലൈംഗിക ജീവിതം വ്യക്തികൾക്കു കരുത്തു പകരും. ലൈംഗികതയുടെ സമയത്തെ ശ്വസനക്രമം വയർ കുറയ്ക്കുന്നതിനും മികച്ച ബോഡി ഷെയ്പ് നിലനിർത്തുന്നതിനും സാഹയകമാണ്.

ആത്മവിശ്വാസം വർധിപ്പിക്കും.

നിങ്ങളുടെ പങ്കാളിക്കു മുൻപിൽ ഓരോരുത്തരുടെയും സ്വീകാര്യതയുടെ പ്രതീകമാണ് സംതൃപ്തകരമായ ലെഗികത. ഇതു വ്യക്തികളുടെ ആത്മവിശ്വാസവും ആത്മാഭിമാനവും വർധിപ്പിക്കും. എത്ര സുന്ദരിയോ സുന്ദരനോ ആണെങ്കിൽ കൂടി പങ്കാളി തിരിഞ്ഞുനോക്കുന്നില്ലെങ്കില്‍ അത് ആത്മാഭിമാനത്തെ മുറിപ്പെടുത്തുവാനിടയുണ്ട്.

എണ്ണത്തിലല്ല കാര്യം

ആഴ്ചയിൽ രണ്ടു തവണയോ പത്തു തവണയോ ബന്ധപ്പെട്ടു എന്നുള്ളതിലല്ല കാര്യം. പങ്കാളികൾക്കിടിയുള്ള ലൈംഗികബന്ധം എത്രമാത്രം ഹൃദ്യവും അടുപ്പം നിറഞ്ഞതും സന്തോഷപ്രദവും സംതൃപ്തവുമായിരുന്നുവെന്നുള്ള താണ്. ഭാര്യയെയും ഭർത്താവിനെയും പരസ്പരം ബന്ധിപ്പിക്കുന്ന ഒരു പാലമായി ലൈംഗികത മാറണം.

പുരുഷന്മാരിൽ ടെസ്‌റ്റോസ്റ്റിറോൺ എന്ന ഹോർമോണിന്റെ അളവു സ്ത്രീകളെ അപേക്ഷിച്ച് 20 ഇരട്ടി കൂടുതലായതിനാൽ ലൈംഗിക സംതൃപ്തി അവർക്കു വളരെയധികം പ്രാധാന്യമർഹിക്കുന്നതാണ്. മറിച്ച് വൈകാരിക ബന്ധത്തിനായിരിക്കും സ്ത്രീകൾ കൂടുതൽ പ്രാധാന്യം നൽകുക. പങ്കാളിയുമായി കൂടുതൽ നേരം സംസാരിച്ചിരിക്കുവാനും പരിലാളനങ്ങളിലേർപ്പെടാനുമൊക്കെ അവർ ആഗ്രഹിക്കുന്നു. ലൈംഗികബന്ധം പൂർത്തിയായാൽ പിന്നെ തിരിഞ്ഞു കിടക്കുന്ന പുരുഷന്മാരുണ്ട്. പല സ്ത്രീകളും ഇത് ഇഷ്ടപ്പെടുന്നില്ല. തന്നെ കെട്ടിപ്പിടിച്ചു തന്നോടു സംസാരിക്കുവാനും തന്നെ ചുംബിക്കുവാനുമൊക്കെയായിരിക്കും സ്ത്രീ ഈ ഘട്ടത്തിൽ മിക്കപ്പോഴും ആഗ്രഹിക്കുക.

പങ്കാളിയെ ഒഴിവാക്കി സ്വയംഭോഗത്തിൽ സംതൃപ്തി കണ്ടെത്തുന്നത് കുടുംബജീവിതത്തിലെ വൈകാരികമായ അടുപ്പം നഷ്ടപ്പെടുത്തുന്നതിനും വിവാഹജീവിതം താളപ്പിഴകളിലേക്കു കടക്കുന്നതിനും ഇടയാക്കുന്നു. ലൈംഗികതയെക്കുറിച്ചു കൂടുതൽ മനസ്സിലാക്കാനും തിരിച്ചറിയാനും ശ്രമിക്കുകയാണെങ്കിൽ നിങ്ങളുടെ ദാമ്പത്യജീവിതവും കൂടുതൽ ഹൃദ്യമായിത്തീരും, തീർച്ച.

നല്ല ലൈംഗിക ജീവിതത്തിന് ടിപ്സ്

∙ പങ്കാളികള്‍ പരസ്പരം ഉള്ളുതുറന്നു സംസാരിക്കുന്നതു വൈകാരിക അടുപ്പം കൂട്ടും. ലൈംഗികത മെച്ചപ്പെടുത്തും.

∙ പങ്കാളിയുടെ ശരീരത്തെക്കുറിച്ചോ ശരീരത്തിലെ പാടുകളെക്കുറിച്ചോ മോശം കമന്റുകൾ പറയരുത്.

∙ ലൈംഗിക ബന്ധത്തിനു മുൻപ് അമിതമായി ഭക്ഷണം കഴിക്കരുത്.

∙ ലൈംഗികബന്ധത്തിനു മുൻപുള്ള പൂർവലീലകൾക്ക് (ഫോർപ്ലേ) വേണ്ടത്ര പ്രാധാന്യം നൽകണം.

∙ വേണ്ടത്ര വൃത്തിയും ശുചിത്വവും ലൈംഗികത മെച്ചപ്പെടുത്തും. പെർഫ്യും ഉപയോഗിക്കുന്നത് നല്ലത്. പക്ഷേ, പങ്കാളിയുടെ താൽപര്യത്തിനു ചേരുന്ന സുഗന്ധമാകണം.

∙പങ്കാളിയുടെ രതിമൂർച്ഛയ്ക്കു പരിഗണന കൊടുക്കാൻ മറക്കരുത്.

ആരോഗ്യം ആർത്തവം (Menstruation)ഓവുലേഷന്‍ഗര്‍ഭധാരണം (Pregnancy)ചോദ്യങ്ങൾ ദാമ്പത്യം Marriage രതിമൂര്‍ച്ഛ ലൈംഗിക ആരോഗ്യം (Sexual health )വന്ധ്യത

Fibroids: കാരണം, ലക്ഷണം, ചികിത്സ

by blogadmin ആരോഗ്യം ആർത്തവം (Menstruation)ഓവുലേഷന്‍ഗര്‍ഭധാരണം (Pregnancy)ചോദ്യങ്ങൾ ദാമ്പത്യം Marriage രതിമൂര്‍ച്ഛ ലൈംഗിക ആരോഗ്യം (Sexual health )വന്ധ്യത on May 1, 2022

ഹോർമോൺ വ്യതിയാനങ്ങളാണ് ഫൈബ്രോയിഡുകൾക്ക് കാരണമാകുന്നത്.

ഗർഭാശയത്തിലും അണ്ഡാശയത്തിലും സ്‌തനങ്ങളിലും ഉണ്ടാകുന്ന അപകടകാരിയല്ലാത്ത മുഴകളാണ് ഫൈബ്രോയിഡുകൾ (Fibroids). മൃദുവായ മസിലുകളോ കോശങ്ങളോ ക്രമം വിട്ട് വളരുന്നതാണ് ഇവ. മുപ്പത് വയസ്സിനും അമ്പത് വയസ്സിനും ഇടയിൽ പ്രായമുള്ള സ്‌ത്രീകളിലാണ് ഫൈബ്രോയിഡുകൾ കൂടുതൽ കണ്ടു വരുന്നത്. പയറുമണി മുതൽ ചെറിയ തണ്ണിമത്തന്‍റെ വരെയത്ര വലുപ്പം വയ്‌ക്കാവുന്നവയാണ് ഫൈബ്രോയിഡുകൾ. ഫൈബ്രോയിഡുകളിൽ ഭൂരിഭാഗവും അപകടകാരികളല്ലാത്ത നോൺ ക്യാൻസറസ് സെല്ലുകളാണ്.

ഗർഭാശയത്തിൽ ഫൈബ്രോയിഡുകളായും അണ്ഡായശയത്തിൽ സിസ്‌റ്റുകളായും രൂപപ്പെടുന്ന മുഴകൾ ദൈനംദിന ജീവിതത്തെ ബാധിക്കുന്നില്ലെങ്കിൽ ആശങ്കപ്പെടേണ്ടതില്ല. അമിത ഭാരമുള്ള സ്‌ത്രീകളിൽ ഫൈബ്രോയിഡുകൾ ഉണ്ടാകാനുള്ള സാധ്യത കൂടുതലാണ്. പാരമ്പര്യമായും ചിലർക്ക് ഇതുണ്ടാകാറുണ്ട്. ഹോർമോൺ വ്യതിയാനങ്ങളാണ് ഫൈബ്രോയിഡുകൾക്ക് കാരണമാകുന്നത്.

പലതരം ഫൈബ്രോയിഡുകൾ

കട്ടി കൂടിയ ടിഷ്യൂകളാണ് ഫൈബ്രോയിഡുകൾ. എന്നാൽ ദ്രാവകം നിറഞ്ഞ കോശങ്ങളെയാണ് സിസ്‌റ്റ് എന്ന് വിളിക്കുന്നത്. ഗർഭാശയത്തിൽ പലതരം ഫൈബ്രോയിഡുകൾ വളരാറുണ്ട്. ഇവയെ ഇൻട്രാമ്യൂറൽ, സബ്‌സെറോസൽ, സബ്മ്യൂകോസൽ, സെർവിക്കൽ ഫൈബ്രോയിഡുകൾ എന്ന് വേർതിരിക്കാം. ഗർഭാശയ ഭിത്തിയുടെ പുറത്ത് വളരുന്ന ഇൻട്രാമ്യൂറൽ ഫൈബ്രോയിഡുകൾ ആണ് വലുപ്പം കൂടാൻ സാധ്യതയുള്ള മുഴ.

ലക്ഷണങ്ങൾ

പലതിനും യാതൊരു ലക്ഷണങ്ങളും പുറമേയ്‌ക്ക് ഉണ്ടാവില്ല. മാസമുറ ക്രമം തെറ്റുക, കടുത്ത രക്‌തസ്രാവം, മാസമുറ രക്‌തം കട്ടയായി കാണപ്പെടുക, കൂടെ കൂടെ മൂത്രമൊഴിക്കാനുള്ള പ്രവണത, മലബന്ധം, അരക്കെട്ടിന്‍റെ വണ്ണം വർദ്ധിക്കുക, വന്ധ്യത, വയറു വേദന, പുറം വേദന, കാൽ വേദന, വിളർച്ച ഇങ്ങനെ സാധാരണ സ്‌ത്രീകളിലൊക്കെ കാണാപ്പെടാവുന്ന സാമാന്യ അവസ്‌ഥകൾ മാത്രമാണ് ഫൈബ്രോയിഡുകളുടെയും ലക്ഷണം.

ഗർഭ കാലയളവിൽ ചിലർക്ക് മാസം തികയാതെ പ്രസവിക്കുക, ഗർഭം അലസൽ, പ്രസവ വൈഷമ്യങ്ങൾ എന്നിവ ഉണ്ടാകാൻ ഒരു കാരണം ഫൈബ്രോയിഡുകളാണ്. ഗർഭാശയത്തിൽ ഫൈബ്രോയിഡ് ഉണ്ടെങ്കിൽ ഭ്രൂണത്തിന് ഗർഭാശയ ഭിത്തിയിൽ പറ്റിപ്പിടിക്കാൻ കഴിയാതെ വരാം. ഇത് വന്ധ്യതയ്‌ക്കും കാരണമാണ്. മേൽപ്പറഞ്ഞ പ്രശ്നങ്ങളുമായി മറ്റേതെങ്കിലും രോഗവുമായോ ബന്ധപ്പെട്ട് ഡോക്‌ടറെ കാണുമ്പോഴാണ് മിക്കവരും ഫൈബ്രോയിഡ് ഉണ്ടെന്ന് അറിയുക.

രോഗിക്ക് ഫൈബ്രോയിഡോ, ഗ്രോത്തോ ഉണ്ടെന്ന് സംശയം തോന്നിയാൽ ഡോക്‌ടർ അൾട്രാസൗണ്ട്, സ്‌കാൻ നിർദ്ദേശിക്കാറുണ്ട്. മുഴയുടെ വലുപ്പം, അപകടകാരിയോ അല്ലയോ തുടങ്ങിയ കാര്യങ്ങൾ കണക്കിലെടുത്താണ് ഭാവി ചികിത്സ നിശ്ചയിക്കുന്നത്. ആർത്തവ വിരാമം അടുക്കുന്തോറും മുഴയുടെ വലുപ്പം കുറഞ്ഞു വരാൻ സാധ്യതയുണ്ട്.

ചികിത്സ

ഫൈബ്രോയിഡ് ജീവിതചര്യകളെ ബാധിക്കുന്നത്ര വലുപ്പം വച്ചിട്ടുണ്ടെങ്കിൽ സർജറി ചെയ്‌ത് നീക്കാവുന്നതാണ്. ഫൈബ്രോയിഡ് വളരെ വലുതാണെങ്കിൽ ഗർഭാശയം നീക്കൽ (hysterectomy) ചെയ്യാവുന്നതാണ്. രോഗിക്ക് അതികഠിനമായ രക്‌തസ്രാവമുണ്ടെങ്കിലും (മണിക്കൂറിൽ മൂന്ന് പാഡ് മാറ്റേണ്ടി വരിക) ഡോക്‌ടർ ഇങ്ങനെ ചെയ്യാൻ നിർദ്ദേശിച്ചേക്കാം. ഗർഭവതി ആവണമെന്ന് ആഗ്രഹിക്കുന്നവർക്ക് മയോമക്‌ടോമി (myomectomy) ആണ് ചെയ്യുക. ഫൈബ്രോയിഡ് മാത്രം നീക്കുന്ന ശസ്‌ത്രക്രിയയാണിത്.

എൻഡോമെട്രിയൽ എംബ്ലേഷൻ, ന്യൂട്രീൽ ആർട്ടറി എംബ്ലേഷൻ തുടങ്ങിയ ശസ്‌ത്രക്രിയാ രീതികളും രോഗിയുടെ ആവശ്യകതയനുസരിച്ച് വിനിയോഗിക്കാറുണ്ട്. മരുന്നുകൾ ഉപയോഗിച്ചും ഫൈബ്രോയിഡ് ചികിത്സിക്കാറുണ്ട്. സ്‌ത്രീയുടെ ഉൽപാദനക്ഷമമായ കാലയളവിൽ ഈസ്‌ട്രജൻ, പ്രൊജസ്‌ട്രോൺ ഹോർമോൺ നില ഉയർന്ന അളവിലായിരിക്കും. സ്‌ത്രീ ഹോർമോണായ ഈസ്‌ട്രജൻ വർദ്ധിക്കുമ്പോഴാണ് ഫൈബ്രോയിഡുകൾ ഉണ്ടാകാൻ സാധ്യതയേറുന്നത്. ഈസ്‌ട്രജൻ ഉൽപാദനം കുറയ്‌ക്കാനുള്ള ഇൻജക്ഷൻ നൽകുന്നതാണ് ഒരു ചികിത്സ. ഗോണാഡോട്രോപ്പിൻ റിലീസ്‌ഡ് ഹോർമോൺ ഉപയോഗിച്ചുള്ള ഈ ട്രീറ്റ്‌മെന്‍റ് ചെയ്യുമ്പോൾ ഫൈബ്രോയിഡ് ചുരുങ്ങുന്നു. വയറു വേദന, അമിത രക്‌തസ്രാവം തുടങ്ങിയവ ഉള്ള രോഗികൾക്ക് ഈ ചികിത്സ അനുയോജ്യമാണ്. മാസമുറ താൽക്കാലികമായി തടയുന്നുണ്ടെങ്കിലും ഇതൊരു ഗർഭ നിരോധന മാർഗ്ഗമല്ല.

മാസമുറ വരുന്നതിന് നാല് ദിവസം മുമ്പ് ട്രാൻസ്‌ഗെമിക് ആസിഡ് അടങ്ങിയ ഗുളികകൾ കൊടുക്കും. രക്‌തസ്രാവത്തിന്‍റെ അളവു കുറയ്‌ക്കുന്ന ഈ മരുന്ന് പൊതുവേ മൂന്നുമാസത്തേക്കാണ് പ്രയോഗിക്കാറ്.

മാസമുറ സമയത്ത് ആന്‍റി ഇൻഫ്‌ളമേറ്ററി മരുന്നുകൾ കൊടുക്കുന്നതാണ് മറ്റൊരു രീതി. ഇബുപ്രോഫിൻ അടങ്ങിയ ആന്‍റി ഇൻഫ്‌ളമേറ്ററി മരുന്നുകൾ വേദന സംഹാരികളാണ്. മാത്രമല്ല രക്‌തസ്രാവത്തിന് പ്രേരണ നൽകുന്ന പ്രൊസ്‌റ്റ ഗ്ലാഡിൻ ഹോർമോണിന്‍റെ ഉൽപാദനം കുറയ്‌ക്കുന്നു.

സ്‌തനങ്ങളിലെ മുഴ

സ്‌തനങ്ങളിൽ ഒരു മുഴ കാണുന്നത് വളരെ ആശങ്കകരമായ ഒരു കാര്യം തന്നെയാണെന്ന് തോന്നും. ഏത് തരം മുഴകളാണെങ്കിലും കണ്ടാൽ ഉടൻ വൈദ്യസഹായം തേടുക തന്നെ വേണം. എന്നാൽ എല്ലാ മുഴകളും ക്യാൻസറസ് അല്ല എന്ന് മനസ്സിലാക്കുക. പല സ്‌ത്രീകളിലും കാണുന്ന ക്യാൻസറസ് അല്ലാത്ത മുഴയാണ് ഫൈബ്രോയിഡിനോമ (fibro adenoma). തെന്നി നീങ്ങുന്നതോ വേദനിക്കുന്നതോ വേദനയില്ലാത്തതോ ആയ ഏതു മുഴകളും പരിശോധനയിലൂടെ അപകടകാരിയല്ലെന്ന് ഉറപ്പാക്കണം. മാമോഗ്രാം (mammogram), അൾട്രാസൗണ്ട് (ultrasound), സ്‌കാനിംഗ് (scanning) തുടങ്ങിയ പരിശോധന അനിവാര്യമാണ്.

മുഴകൾ ഉണ്ടെന്ന് മനസിലായാൽ അവ അപകടകാരിയല്ലെന്ന് ഉറപ്പാക്കാൻ എഫ്‌എൻഎസി (needle test) നിർദ്ദേശിക്കാറുണ്ട്. മുഴകളിൽ നിന്നുള്ള സ്രവം കുത്തിയെടുത്ത് ബയോപ്‌സി പരിശോധന നടത്തി മുഴ മാലിഗ്നന്‍റ് അല്ലെന്ന് ഉറപ്പാക്കണം.

മുഴ കൊണ്ട് പ്രത്യേകിച്ച് പ്രയാസങ്ങൾ ഇല്ലെങ്കിൽ ഇടയ്‌ക്കിടയ്‌ക്ക് മെഡിക്കൽ ഫോളോഅപ്പ് ചെയ്‌താൽ മതിയാകും. സ്‌തനങ്ങളുടെ ആകൃതിക്ക് വ്യത്യാസമോ വേദനയോ മറ്റോ ഉണ്ടെങ്കിൽ മുഴ സർജറി ചെയ്‌ത് നീക്കാവുന്നതാണ്.

സ്‌തനങ്ങളിൽ എന്തു കൊണ്ടാണ് ഇത്തരം മുഴകൾ ഉണ്ടാവുന്നത് എന്നതിനെക്കുറിച്ച് ഇപ്പോഴും വ്യക്‌തമായ ഉത്തരങ്ങളില്ല. ഈസ്‌ട്രജൻ ഹോർമോൺ തന്നെയാണ് ഇവിടെയും പ്രതിസ്‌ഥാനത്തുള്ളത്. ആർത്തവം വൈകിക്കാനുള്ള ഗുളികകൾ, ഗർഭനിരോധന ഗുളികകൾ എന്നിവ വളരെ ചെറുപ്പത്തിൽ ദീർഘനാൾ കഴിക്കുന്നത് ഒരു കാരണമായേക്കാം എന്ന് പറയപ്പെടുന്നു.

ഫൈബ്രോയിഡിന് മുൻകരുതൽ

അമിതഭാരം വരാതെ നോക്കുകയാണ് ഫൈബ്രോയിഡ് തടയാനുള്ള പ്രധാന മാർഗം. ഉയരത്തിനനുസരിച്ച് ശരീരഭാരം നിലനിർത്തുക, ശരീരത്തിനും അരക്കെട്ടിനും വണ്ണം കൂടുമ്പോൾ ശരീരത്തിൽ ഈസ്‌ട്രജൻ ഉൽപാദനം കൂടുതലാണെന്ന് മനസിലാക്കണം. പതിവായി വ്യായാമം ചെയ്‌താൽ ഫൈബ്രോയിഡ് ചുരുങ്ങും. നടത്തം, യോഗ, വയറു ചുരുങ്ങാനുള്ള വ്യായാമം ഇവയെല്ലാം ഫലപ്രദമാണ്.

ഫൈബ്രോയിഡ് ഹിസ്‌റ്ററി ഉള്ളവർ കൃത്യമായ ഇടവേളകളിൽ ഡോക്‌ടറെ കാണുന്നത് നന്നായിരിക്കും. ഒരു മെൻസ്‌ട്രൽ ചാർട്ട് തയ്യാറാക്കി സൂക്ഷിക്കുക. പിന്നീട് ഡോക്‌ടറെ കാണുമ്പോൾ നിഗമനം എളുപ്പമാകും.

അന്തരീക്ഷ മലീനികരണത്തിലൂടെയും

അന്തരീക്ഷ മാലിന്യങ്ങൾ കൊണ്ടും ശരീരത്തിൽ ഈസ്‌ട്രജൻ ഉൽപാദനം കൂടിയേക്കാമെന്നാണ് ശാസ്‌ത്രജ്‌ഞർ പറയുന്നത്. ശ്വസനത്തിലൂടെയും ഭക്ഷണത്തിലൂടെയും ചർമ്മത്തിലൂടെയും ശരീരത്തിൽ പ്രവേശിക്കുന്ന ടോക്‌സിനുകൾ ഈസ്‌ട്രജൻ തുല്യമായ ചില അജ്‌ഞാത ഹോർമോണുകൾ (hormones) ശരീരത്തിൽ ഉൽപാദിപ്പിക്കുമത്രേ. ഈ പ്രക്രിയ നിയന്ത്രിക്കാൻ കഴിഞ്ഞാൽ ഫൈബ്രോയിഡ്, സിസ്‌റ്റ് പ്രശ്നങ്ങളും കുറയും. പ്ലാസ്‌റ്റിക് കുപ്പിയുടെ ഉപയോഗം കുറയ്‌ക്കുക, പ്രകൃതിദത്തമായ ഡിറ്റർജന്‍റുകൾ ഉപയോഗിക്കുക, ധാരാളം വെള്ളം കുടിക്കുക, ദിവസത്തിൽ ഒരു നേരം മാത്രം മലവിസർജ്‌ജനം ശീലിക്കുക, കരളിന്‍റെ പ്രവർത്തന ക്ഷമത വർദ്ധിപ്പിക്കുക തുടങ്ങിയ കാര്യങ്ങൾ ശ്രദ്ധിക്കുന്നത് നന്നായിരിക്കും. ഫൈബ്രോയിഡ് പ്രശ്നങ്ങളുള്ളവർ സന്തുലിതമായ ജീവിതശൈലി നിലനിർത്തുക തന്നെ വേണം.

ചോദ്യങ്ങൾ സ്ത്രീ സൗന്ദര്യം (Feminine beauty)

കണ്ണുകളുടെ ചില സാധരണ പ്രശ്നങ്ങള്‍ക്കുള്ള മറുപടി നല്കുന്നു: കണ്ണുകൾ അറിയാൻ

by blogadmin ചോദ്യങ്ങൾ സ്ത്രീ സൗന്ദര്യം (Feminine beauty) on April 29, 2022

കണ്ണുകൾ അമ്യൂല്യമാണ്. അവ നിധി പോലെ സൂക്ഷിക്കേണ്ടതുണ്ട്. കണ്ണുകളുടെ ആരോഗ്യവും പരിചരണവും നേത്ര സംബന്ധമായ പ്രശ്നങ്ങൾ എന്നിവയ്‌ക്ക് മറുപടി നൽകുകയാണ് ഡോ.സഞ്‌ജയ്…

കോണ്ടാക്‌റ്റ് ലെൻസ് പതിവായി ധരിക്കുന്നതു കണ്ണുകൾക്ക് ദോഷം ചെയ്യുമോ?

6-8 മണിക്കൂറിലധികം സമയം കോണ്ടാക്‌റ്റ് ലെൻസ് ധരിക്കുന്നത് കണ്ണുകളുടെ ആരോഗ്യത്തിനു ഹിതകരമല്ല. ഇതു ധരിക്കുന്നതു മൂലം കണ്ണുകൾക്കാവശ്യമായ ഓക്‌സിജൻ ലഭിക്കാതാവും. അതിനാൽ തുടർച്ചയായി ഉപയോഗിക്കുന്നതിനു പകരം ഇടയ്‌ക്ക് ഒരു ബ്രേക്ക് നൽകി ഉപയോഗിക്കുന്നതാണ് അഭികാമ്യം.

കണ്ണുകൾ പരിശോധിക്കേണ്ടത് എപ്പോഴൊക്കെയാണ്?

ഒരു വയസ്സു മുതൽ ഐ ചെക്ക് അപ്പ് തുടങ്ങാം എന്ന അഭിപ്രായമാണെന്‍റേത്. കണ്ണുകളെ ബാധിക്കുന്ന രോഗങ്ങൾ തിരിച്ചറിയുന്നതിന് ഈ ചെക്ക് അപ്പ് അനിവാര്യമാണ്. അടുത്ത ചെക്ക് അപ്പ് കുട്ടി സ്‌കൂളിൽ പോവുന്നതിനു മുമ്പാവാം. മുതിർന്നവർ വർഷത്തിൽ ഒരു തവണയെങ്കിലും ചെക്ക് അപ്പ് നടത്തേണ്ടത് അനിവാര്യമാണ്. കണ്ണുകൾക്ക് കൃത്യമായ പരിശോധന നടത്തണം.

എന്‍റെ കണ്ണുകൾക്ക് എഎംഡി പ്രോബ്ലമാണെന്ന് ഒപ്‌റ്റീഷ്യൻ പറഞ്ഞു. എന്താണ് എഎംഡി?

എഎംഡിയുടെ പൂർണ്ണരൂപം ഏജ് റിലേറ്റഡ് മാക്യൂലർ ഡീജനറേഷൻ എന്നാണ്. മാക്യൂല ദുർബലമാവുന്ന അവസ്‌ഥയാണിത്. റെറ്റിനയുടെ ഒരു ചെറിയ ഭാഗമാണ് മാക്യൂല. ഇത് കണ്മുന്നിലുള്ള വസ്‌തുക്കൾ തെളിമയോടെ കാണുന്നതിനു സഹായിക്കുന്നുണ്ട്. കണ്ണിനു മങ്ങൽ, കണ്ണിനു ചുറ്റും കരിവാളിപ്പ്, വസ്‌തുക്കൾ അവ്യക്‌തമായി കാണുക എന്നിവ എഎംഡിയുടെ ലക്ഷണങ്ങളാണ്. ഇത്ര മാത്രമല്ല, ചിലപ്പോൾ മുന്നിലുള്ള വസ്‌തുക്കൾ തീരെ കാണാൻ സാധിക്കാതെ വന്നേക്കാം. എഎംഡി പ്രോബ്ലം അലട്ടുന്നവർക്ക് പലപ്പോഴും വശങ്ങളിലും മുകളിലും താഴെയുമുള്ള വസ്‌തുക്കൾ കാണാമെങ്കിലും നേർമുന്നിലുള്ളവ കാണാൻ സാധിച്ചുവെന്ന് വരില്ല.

എനിക്ക് അസ്‌റ്റിഗ്മാറ്റിസമാണ് (ഒരു നേത്രരോഗം). ഇതെങ്ങനെ ഒഴിവാക്കാനാവും?

വസ്‌തുക്കൾ മങ്ങി കാണുന്ന അവസ്‌ഥയാണിത്. ചിലരിൽ ഈ സ്‌ഥിതി കൂടിയും കുറഞ്ഞുമിരിക്കുമെന്നുമാത്രം. കണ്ണട, കോണ്ടാക്‌റ്റ് ലെൻസ് ധരിച്ചും ലാസിക്ക് സർജറി നടത്തിയും ഇതൊഴിവാക്കാം.

ബൈ ഫോക്കൽ, വേരി ഫോക്കൽ ഗ്ലാസ്സ് തമ്മിൽ എന്ത് അന്തരമാണുള്ളത്?

ഇവ വ്യത്യസ്‌ത ദൂരത്തിലുള്ള വസ്‌തുക്കളെ കണ്ണട മാറ്റാതെ തന്നെ വ്യക്‌തമായി കാണാൻ സഹായിക്കുന്ന രണ്ടു ലെൻസുകളാണ്. ബൈ ഫോക്കൽ ലെൻസ് രണ്ടു ഭാഗങ്ങളിലായി വേർതിരിച്ചിട്ടുണ്ട്. ലെൻസിന്‍റെ മുകൾ ഭാഗത്തിലൂടെ ദൂരെയുള്ള വസ്‌തുക്കൾ കാണാനാവും, താഴത്തെ ഭാഗത്തിലൂടെ നോക്കിയാൽ അടുത്തുള്ള വസ്‌തുക്കൾ കാണാനും വായിക്കാനും സാധിക്കും. ലെൻസിന്‍റെ മദ്ധ്യഭാഗത്ത് വേർതിരിക്കുന്ന ഒരു വരയുണ്ട്. ലെൻസ് ആദ്യമാദ്യം ധരിക്കുമ്പോൾ അസ്വസ്‌ഥത തോന്നുമെങ്കിലും സ്‌ഥിരമായി ധരിക്കുമ്പോൾ ഇതൊഴിവാകും.

വേരി ഫോക്കൽ ലെൻസ് അത്യാധുനികമാണ്. ഇതിൽ ദൂരെയും അടുത്തുമുള്ള ലെൻസ് പൂർണ്ണമായും യോജിച്ചാണിരിക്കുന്നത്. അതായത് ലെൻസിന്‍റെ മദ്ധ്യഭാഗത്ത് വേർതിരിക്കുന്ന വര കാണാനാവില്ല. ലെൻസിന്‍റെ മദ്ധ്യഭാഗത്തു നിന്നു താഴെയുള്ള വസ്‌തുക്കൾ അത്ര വ്യക്‌തമായി കാണാനാവില്ല എന്ന ഒരു ന്യൂനതയുണ്ട്. മാത്രമല്ല വശങ്ങളിലുള്ള വസ്‌തുക്കൾ മങ്ങി കാണപ്പെടുകയും ചെയ്യും.

എനിക്ക് ദൂരെയുള്ള വസ്‌തുക്കൾ കാണുന്നതിനു വളഞ്ഞും സൂക്ഷിച്ചും നോക്കേണ്ടി വരുന്നുണ്ട്. എന്താണിതിനു കാരണം?

കൂടെക്കൂടെ കണ്ണടയ്ക്കേണ്ടി വരിക, സൂക്ഷിച്ചും വളഞ്ഞും നോക്കേണ്ടി വരിക എന്നതൊക്കെ കാഴ്‌ച ദുർബലമാവുന്നതിന്‍റെ ലക്ഷണങ്ങളാണ്. ദൂരെയുള്ള വസ്‌തുക്കൾ കാണേണ്ടപ്പോഴാണ് സ്‌ട്രെയിൻ ഏറെയുണ്ടാവുക.

കൺപീലികൾ വല്ലാതെ കൊഴിഞ്ഞു പോകുന്നുണ്ട്. ഇപ്പോൾ എന്‍റെ ഇടതു കണ്ണിനു മീതെ കൺപീലികൾ തീരെയില്ല. ഇതിനെന്തു പ്രതിവിധിയാണുള്ളത്?

നേത്ര രോഗം മൂലമല്ല മറിച്ച് കേശ സംബന്ധമായ പ്രശ്നങ്ങൾ കാരണമാണ് കൺപീലി കൊഴിയുന്നത്. ഇതൊഴിവാക്കുന്നതിനു ഹെയർ സ്‌പെഷ്യലിസ്‌റ്റിന്‍റെ സഹായമാരാഞ്ഞാൽ മതിയാവും.

പുരുഷന്മാരെ അപേക്ഷിച്ച് സ്‌ത്രീകളിലാണോ എഎംഡി കൂടുതലായി കാണപ്പെടുന്നത്?

അല്ല, പുരുഷന്മാരിലാണിതേറെ കാണപ്പെടുന്നത്. പ്രത്യേകിച്ച് പുകവലിക്കുന്നവരിൽ.

റെറ്റിന ചുരുങ്ങുന്നതെന്തുകൊണ്ടാണ്?

മാക്യുലയ്‌ക്കടുത്ത് സുതാര്യമായ ഒരു വരയുണ്ടാകുമ്പോഴാണ് ഈ അവസ്‌ഥയുണ്ടാവുന്നത്. ഇതുമൂലം വസ്‌തുക്കൾ മങ്ങിയതായി തോന്നും. എപ്പിറെറ്റിനൽ മെംബ്രേൻ, സെലോഫെൻ മാക്യുലേപതി, പ്രീമാക്യൂലർ ഫൈബ്രോസിസ് എന്നൊക്കെ ഈ അവസ്‌ഥയെ വിശേഷിപ്പിക്കാറുണ്ട്.

നീന്തൽ കണ്ണുകളിൽ വരൾച്ചയ്‌ക്കിട വരുത്തുമോ?

നീന്തുന്നതു മൂലമാണ് കണ്ണുകളിൽ വരൾച്ചയുണ്ടാവുന്നതെന്ന് തീർപ്പിച്ച് പറയാനാവില്ല. നീന്തൽ കുളത്തിലെ വെള്ളത്തിൽ കെമിക്കൽസ് ഉണ്ടെങ്കിൽ അത് കണ്ണെരിച്ചിലിനും അണുബാധയ്‌ക്കും വഴിയൊരുക്കും. കണ്ണുകൾ ചുവക്കുന്നതും വരൾച്ച തോന്നുന്നതും ഇതിനാലാണ്.

– വിവരങ്ങൾക്ക് കടപ്പാട്: ഡോ.സഞ്‌ജയ്

TAGS:age related macular degeneration,eye care,eye diseases,Eye Problems,eye specialiste,yes

ആരോഗ്യം ഗര്‍ഭധാരണം (Pregnancy)ചോദ്യങ്ങൾ ഡയറ്റ്ലൈംഗിക ആരോഗ്യം (Sexual health )വായാമങ്ങൾ

പ്രസവ ശേഷം സുന്ദരിയാവാം

by blogadmin ആരോഗ്യം ഗര്‍ഭധാരണം (Pregnancy)ചോദ്യങ്ങൾ ഡയറ്റ്ലൈംഗിക ആരോഗ്യം (Sexual health )വായാമങ്ങൾ on April 29, 2022

പ്രസവ ശേഷം ചർമ്മത്തിന്‍റെ തിളക്കത്തിലും സൗന്ദര്യത്തിലും മങ്ങൽ ഏല്‍ക്കാം, ബ്യൂട്ടി എക്‌സ്‌പെർട്ട് നൽകുന്ന ടിപ്സുകൾ.

പ്രസവ ശേഷം ഭൂരിഭാഗം പേരും സ്വന്തം സൗന്ദര്യ കാര്യങ്ങളിൽ അത്ര ജാഗ്രത പുലർത്തി കാണാറില്ല. കുഞ്ഞിന്‍റെ പരിചരണവും വീട്ടുകാര്യങ്ങൾ നോക്കി നടത്തലും ഒക്കെയായി അമ്മമാർ ഏറെ തിരക്കിലാവുന്നതു കൊണ്ടാണിത്. ഈ ശ്രദ്ധ ഇല്ലായ്മ മൂലം ചർമ്മത്തിന്‍റെ തിളക്കത്തിലും സൗന്ദര്യത്തിലും മങ്ങൽ ഏല്‍ക്കാം. ബ്യൂട്ടി എക്‌സ്‌പെർട്ട് രേണു മഹേശ്വരി നൽകുന്ന ഈ കുറിപ്പുകൾ പരീക്ഷിച്ചു നോക്കുക.

പ്രസവ ശേഷം ചർമ്മം വല്ലാതെ ഡ്രൈ ആയി പോകാറുണ്ട്. വാഴപ്പഴം നന്നായി ഉടച്ച് മുഖത്തും കൈകളിലും മൃദുവായി തേച്ച് പിടിപ്പിക്കുക. പ്രസവ ശേഷം ശരീരത്തിൽ നീരുവീക്കം ഉണ്ടാകാറുണ്ട്. ഈ പ്രശ്നം അകലാൻ മുഖത്ത് ഏതെങ്കിലും ഫ്രൂട്ട് പായ്‌ക്കിടുന്നത് ഉചിതമാണ്.
പപ്പായ നന്നായി ഉടച്ച് മുഖത്ത് പുരട്ടുക. ചർമ്മത്തിന് നല്ല തിളക്കവും മൃദുലതയും കൈവരും. ചുളിവുകൾ അകലുകയും ചെയ്യും. മുഖം ക്ലീനിംഗും ടോണിംഗും ചെയ്യുക.
ആഴ്‌ചയിൽ രണ്ട് തവണ സ്‌ക്രബ് ചെയ്യുക. സ്‌ക്രബ് വീട്ടിൽ തയ്യാറാക്കിയതോ റെഡിമെയ്‌ഡോ ഉപയോഗിക്കാം.
അക്യൂപ്രഷർ വഴി സ്വയം കൈകൾ മസാജ് ചെയ്യാം. കാലുകളിൽ വട്ടത്തിൽ ചലിപ്പിക്കുക.
ഇളം ചൂട് വെള്ളത്തിൽ നാരങ്ങാ തൊലിയോ ഉപ്പോ ചേർത്ത ശേഷം പാദങ്ങൾ മുക്കി വയ്‌ക്കുക. പാദങ്ങൾക്ക് ഉണ്ടാകുന്ന തളർച്ച അകലും, ഒപ്പം സൗന്ദര്യവും കൂടും.
പ്രസവ ശേഷം അരോമ ഓയിൽ ഉപയോഗിച്ച് ശരീരം മൊത്തത്തിൽ മസാജ് ചെയ്യുക. രക്‌തയോട്ടം വർദ്ധിപ്പിക്കുന്നതിനൊപ്പം സൗന്ദര്യം വർദ്ധിപ്പിക്കാനും ഇത് സഹായിക്കും. സിസേറിയൻ നടത്തിയവർ ഉദരത്തിൽ മസാജ് ചെയ്യരുത്.
പ്രസവ ശേഷം അസ്വസ്‌ഥതയും ഉറക്കക്കുറവും ഉണ്ടെങ്കിൽ തലയിണയിൽ ഏതാനും തുള്ളി നൈറോലി ഓയിൽ തൂവുക. നല്ല ഉറക്കം കിട്ടാനിത് സഹായിക്കും. സുഖകരമായ ഉറക്കം നല്ല ആരോഗ്യത്തിന്‍റെ ലക്ഷണമാണ്. ഒപ്പം സൗന്ദര്യവും വർദ്ധിപ്പിക്കും.
ദിവസവും വിറ്റാമിൻ ഇ ഓയിൽ തലയിൽ പുരട്ടി മസാജ് ചെയ്യുക. കൈ കൊണ്ട് മുടി പതിയെ ചീകുക. മുടിയിൽ കുരുക്ക് വീഴുന്നത് ഒഴിവാകും. വാഴപ്പഴം നന്നായി ഉടച്ച് തലയിൽ പുരട്ടുന്നതു കൊണ്ട് മുടിയ്‌ക്ക് നല്ല മൃദുലതയും തിളക്കവും കൈവരും.
ധാരാളം വെള്ളം കുടിക്കുക. പോഷക സമ്പന്നമായ ഭക്ഷണം കഴിക്കുക. മുഖത്തെ തളർച്ചയെല്ലാം അകലുന്നതിനൊപ്പം ചർമ്മം സുന്ദരമാകും.

TAGS:beauty, beauty after delivery ,beauty tips,delivery,hair care,skin care