ചോദ്യങ്ങൾ

ഒലിവ് ഓയിലില്‍ മോണോ സാച്ചുറേറ്റഡ് ഫാറ്റി ആസിഡുകള്‍ അടങ്ങിയിട്ടുണ്ട്. ഇത് മുടിയെ കൂടുതല്‍ ബലപ്രദവും മുടികൊഴിച്ചില്‍ അകറ്റാനും സഹായിക്കും .ഒലിവ് ഓയില്‍ ദിവസവും ഭക്ഷണത്തില്‍ ഉള്‍പ്പെടുത്തുന്നവര്‍ നിരവധിയാണ്. ധാരാളം ആരോ​ഗ്യ​ഗുണങ്ങള്‍ ഒലിവ് ഓയിലില്‍ അടങ്ങിയിരിക്കുന്നു. എന്നാല്‍ ഇതുകൂടാതെ ചര്‍മ്മത്തിന്റെയും തലമുടിയുടെയും പരിചരണത്തിനും ഒലിവ് ഓയില്‍ ഏറെ ഗുണകരമാണ്. മുടി കൊഴിച്ചില്‍, താരന്‍ എന്നീ പ്രശ്നങ്ങളെ അകറ്റി മുടിയുടെ വളര്‍ച്ച പരിപോഷിപ്പിക്കാന്‍ ഒലിവ് ഓയിലിന് കഴിയും. തലയോട്ടിയില്‍ ആവശ്യമുള്ള പോഷകങ്ങള്‍ ലഭിക്കാതെ വരുമ്ബോള്‍ മുടികൊഴിച്ചില്‍ രൂക്ഷമാകുന്നു. ഒലിവ് ഓയിലില്‍ ആന്റി ഓക്സിഡന്റുകള്‍ ധാരാളം ഉള്ളതിനാല്‍ തലയോട്ടിയുടെ ആരോഗ്യത്തിനും മികച്ചതാണ്.

ഒലിവ് ഓയില്‍ തലയോട്ടിയിലും തലമുടിയിലും നന്നായി തിരുമ്മി പിടിപ്പിക്കുക. ഒലിവ് ഓയില്‍ കൊണ്ട് മസാജ് ചെയ്യുമ്ബോള്‍ ഹെയര്‍ ഫോളിക്കിളുകളിലേക്കുള്ള രക്തപ്രവാഹം മെച്ചപ്പെടുകയും തലമുടി കട്ടിയോടെ വളരുകയും ചെയ്യുന്നു. ഇത് മുടി വളര്‍ച്ച ഇരട്ടിയാക്കും.

ഒലിവ് ഓയില്‍, ബദാം ഓയില്‍, കര്‍പ്പൂരം, ആവണക്കെണ്ണ എന്നിവയുമായി ചേര്‍ത്ത് പുരട്ടുന്നത് മുടിവളര്‍ച്ച കൂട്ടുകയും മുടിയ്ക്ക് തിളക്കമുള്ള കറുപ്പ് നിറം നല്‍കുകയും ചെയ്യുന്നു. മാത്രമല്ല ഒലിവ് ഓയില്‍ പുരട്ടുന്നത് മുടിയുടെ അറ്റം പിളരുന്നത് തടയാനും സഹായകമാണ്

ചോദ്യം

27 വയസുള്ള വിവാഹിതയാണ്. 6 വയസുള്ള ഒരു മകളുണ്ട്. പ്രസവശേഷം എന്‍റെ മാറിടം വല്ലാതെ ഇടിഞ്ഞ് തൂങ്ങിയിരിക്കുന്നു. അതുപോലെ ആകാരഭംഗിയും നഷ്ടമായിരിക്കുന്നു.

അതുകൊണ്ട് കാഴ്ചയിൽ ഒരു ഭംഗിയും തോന്നുന്നില്ല. എന്തെങ്കിലും ഡ്രസ്സ് ഇട്ടാൽ പ്രത്യേകിച്ചും ടൈറ്റ് ഫിറ്റിംഗ് ഡ്രസ്സാണെങ്കിൽ ഒട്ടും യോജിക്കുന്നില്ല. ഞാൻ ഇൻറർനെറ്റിൽ സർച്ച് ചെയ്‌ത് ചില മരുന്നുകൾ വാങ്ങി കഴിച്ചെങ്കിലും യാതൊരു പ്രയോജനവും ചെയ്തില്ല. ഞാൻ കുറച്ച് ദിവസം ഒലീവ് ഓയിൽ പുരട്ടിയെങ്കിലും യാതൊരു പ്രയോജനവുമുണ്ടായില്ല. സ്തനാകൃതി വീണ്ടെടുക്കാൻ എന്താണ് ചെയ്യേണ്ടത്?

ഉത്തരം

നിങ്ങളുടെ ആരോഗ്യം എങ്ങനെയുണ്ടെന്ന കാര്യം തുറന്നെഴുതി കണ്ടില്ല. നിങ്ങൾ ആദ്യം മുതലെ ആരോഗ്യക്കുറവ് ഉള്ളയാളാണെങ്കിൽ അതിനനുസൃതമായിട്ടായിരിക്കും സ്തനങ്ങൾ വലിപ്പം ഉണ്ടാവുക. അഥവാ ആരോഗ്യ പ്രശ്നങ്ങളൊന്നുമില്ലാത്തയാളാണെങ്കിൽ ശരീരഭാരം കുറഞ്ഞിട്ടില്ലെങ്കിൽ പ്രസവത്തിന് മുമ്പോ ശേഷമോ ബ്രാ ധരിക്കുന്നതിൽ യാതൊരു ശ്രദ്ധയും കാണിച്ചിട്ടില്ലെന്നു വേണം കരുതാൻ. ശരിയായ അളവിലുള്ള ബ്രാ ധരിച്ച് കാണില്ല. കാരണം എന്ത് തന്നെയായാലും സ്തനങ്ങളുടെ ആകാരവടിവിനെ ചൊല്ലി വിഷമിക്കാതിരിക്കുക. ശരീരം പുഷ്ടിക്കാൻ സഹായിക്കുന്ന പോഷകാഹാരം കഴിക്കുക. വ്യായാമം ചെയ്യുക. ശരിയായ റിസൽറ്റ് കിട്ടും. അതല്ലാതെ അധികം ഇറുകിയതോ ലൂസായതോ ആയ ഡ്രസ് ധരിക്കരുത്. പുറത്ത് പോകുമ്പോഴോ വിശേഷാവസരങ്ങളിലോ പാഡഡ് ബ്രാ ധരിക്കാം. സ്തനങ്ങൾക്ക് നല്ല ആകാരഭംഗി കിട്ടും. പരസ്യങ്ങളിൽ പറയുന്ന മരുന്നുകൾ വെറും തട്ടിപ്പുകളാണ്. അത്തരം തട്ടിപ്പുകളിൽ ജാഗ്രത പുലർത്തുക. അത്രയും പ്രയാസകരമായി തോന്നുണ്ടെങ്കിൽ കോസ്മെറ്റിക് സർജറി പോലുള്ള സൗകര്യങ്ങൾ പ്രയോജനപ്പെടുത്തുക. ആത്മവിശ്വാസത്തോടെ ജീവിതം നയിക്കുക.

ചോദ്യം

21 വയസുള്ള പെൺകുട്ടിയാണ്. കഴിഞ്ഞ കുറേ മാസങ്ങളായി ഞാൻ ബോയ്ഫ്രണ്ടിന്‍റെ ഫ്ളാറ്റിൽ പോകുന്നുണ്ട് ഞങ്ങൾ പല തവണ സെക്സിലേർപ്പെട്ടു.

ഈ സമയത്തൊന്നും ബോയ്ഫ്രണ്ട് മുൻകരുതൽ സ്വീകരിച്ചില്ലായിരുന്നു. എനിക്കും അതേകുറിച്ച് കാര്യമായ അറിവ് ഇല്ലായിരുന്നു. ഇപ്പോൾ ബന്ധപ്പെട്ടിട്ട് ഒരുമാസം കഴിഞ്ഞിരിക്കുന്നു പ്രഗ്ൻറ് ആകുമോയെന്നാണ് ഇപ്പേഴെന്‍റെ ഭയം. ഇനി ഞാനെന്താണ് ചെയ്യേണ്ടത്?

 ഉത്തരം

സെക്സിലേർപ്പെട്ട ശേഷം പീരിഡ്സ് ഉണ്ടായില്ലെങ്കിൽ മാത്രമേ സംശയിക്കേണ്ടതുള്ളു. ഒരു മാസത്തിനുള്ളിൽ പീരിഡ്സ് ഉണ്ടായില്ലെങ്കിൽ മെഡിക്കൽ ഷോപ്പിൽ നിന്നും പ്രഗ്നൻസി ടെസ്റ്റ് കിറ്റ് ഉപയോഗിച്ച് പരിശോധന നടത്താവുന്നതാണ്. ഇത് നിങ്ങൾക്ക് വീട്ടിൽ സ്വയം ചെയ്യാവുന്നതാണ്. പരിശോധനയിൽ പോസിറ്റീവാണ് കാണുന്നതെങ്കിൽ ഡോക്ടറെ കൺസൾട്ട് ചെയ്യുക. നിങ്ങൾക്ക് ഇരുവർക്കുമിടയിൽ ആഴത്തിലുള്ള ബന്ധമാണെങ്കിൽ ഉടനടി വിവാഹിതരാവുക. ബോയ്ഫ്രണ്ട് അതിന് സമ്മതിക്കുന്നില്ലെങ്കിൽ അതിനുള്ള കാരണമറിയാൻ ശ്രമിക്കുക. ഒപ്പം അയാളുടെ ഇമോഷണൽ ബ്ലാക്ക്മെയ്‍ലിംഗിന് ഇരയാകുന്നതിൽ നിന്നും മോചനം നേടുക. അസുരക്ഷിതമായ സെക്സ് പല പ്രശ്നങ്ങൾക്കും കാരണമാകും. അതിനാൽ ഇത്തരം കാര്യങ്ങളിൽ വിവേകപൂർവ്വം പ്രവർത്തിക്കുക.

ചോദ്യം

23 വയസ്സുള്ള വിവാഹിതയാണ്. എനിക്ക് സെക്സിൽ ഒട്ടും താൽപര്യമില്ല.

ഭർത്താവിനോട് എനിക്ക് വളരെയധികം സ്നേഹമുണ്ട്. ഞാൻ ഗർഭനിരോധന ഗുളികകൾ പതിവായി കഴിക്കുന്നുണ്ടെങ്കിലും സെക്സിലേർപ്പെടാൻ മനസ് തോന്നാറില്ല. ഒപ്പം വല്ലാത്ത ഡ്രൈനസുമുണ്ട്. പരിഹാര മാർഗ്ഗം നിർദ്ദേശിക്കുമല്ലോ?

ഉത്തരം

സെക്സിനോടുള്ള വെറുപ്പിന് കാരണമെന്താണെന്ന് വിശദമായ പരിശോധനയിലൂടെ മാത്രമേ അറിയാനാവൂ. നിങ്ങൾ അതിനെ എന്തുകൊണ്ട് വെറുക്കുന്നുവെന്നത് അറിയേണ്ടത് പ്രധാനമാണ്. ഇതിന് പിന്നിൽ മാനസികമായ വല്ല കാരണവുമുണ്ടോയെന്ന് പരിശോധിക്കണം. അതുകൊണ്ട് വിദഗ്ദ്ധനായ സെക്സോളജിസ്റ്റിനെ എത്രയും വേഗം കാണുക. ഡോക്ടറിന്‍റെ മാർഗ്ഗ നിർദ്ദേശങ്ങളിലൂടെ ഫലവത്തായ ചികിത്സകളും കൗൺസിലിംഗുകളും നടത്തുക. ഗർഭനിരോധന ഗുളികകൾ കഴിക്കുന്നതു മൂലമാണ് ഡ്രൈനസ് ഉണ്ടാകുന്നത്.

ചോദ്യം

എനിക്ക് 28 വയസുണ്ട്. വിവാഹം കഴിഞ്ഞിട്ടിപ്പോൾ 2 വർഷമായി.

ഞങ്ങൾക്കിപ്പോൾ കുട്ടികൾ വേണ്ടായെന്നാണ് ആഗ്രഹം അതുകൊണ്ട് ഒന്നു രണ്ട് തവണ ഗുളിക കഴിച്ച് ഗർഭഛിദ്രം നടത്തേണ്ടി വന്നു. ഗർഭ നിരോധന ഗുളികയും കഴിക്കാറുണ്ട്. ഇതുമൂലം ഭാവിയിൽ പ്രശ്നങ്ങൾ ഉണ്ടാവുമോ?

ഉത്തരം

ആദ്യ തവണ ഗർഭിണിയായപ്പോൾ ഗർഭഛിദ്രം നടത്തിയത് ഉചിതമായില്ല. അതോടൊപ്പം അടിക്കടി പിൽസ് കഴിക്കുന്നതും ആർത്തവത്തെ ദോഷകരമായി ബാധിക്കും. ഇപ്പോൾ കുട്ടികൾ വേണ്ടായെന്ന തീരുമാനത്തിലാണെങ്കിൽ ഗർഭനിരോധന ഗുളികകൾ കഴിക്കുക. ആദ്യ പ്രസവം 25-30 വയസ്സിനുള്ളിൽ നടക്കുന്നതാണ് ഉചിതം. 30 വയസ്സിനു ശേഷം അണ്ഡോൽപാദനം കുറയും. നിങ്ങൾക്ക് ഇതിലും ദീർഘമായ കാലത്തേക്ക് കുട്ടികൾ വേണ്ടായെങ്കിൽ ഒരു സ്ത്രീരോഗ വിദഗ്ദ്ധയെ കണ്ട് ഫലവത്തായ മാർഗ്ഗം സ്വീകരിക്കുക.

ചോദ്യം

36 വയസ്സുള്ള ഉദ്യോഗസ്ഥയാണ്. രണ്ട് കുട്ടികളുമുണ്ട്. രണ്ടും സിസേറിയനായിരുന്നു.

മകന് 7 ഉം മകൾക്ക് 2 ഉം വയസ്സ്. കഴിഞ്ഞ 6 മാസമായി ആർത്തവ സമയത്ത് അമിത രക്‌തസ്രാവമുണ്ടാവുന്നതാണ് എന്‍റെ പ്രശ്നം, ഡി ആന്‍റ് സി ചെയ്ത് നോക്കിയിട്ട് യാതൊരു ഫലവുമുണ്ടായില്ല.എന്‍റെ ഗർഭപാത്രം നീക്കം ചെയ്യണമെന്നാണ് ഡോക്ടർ പറയുന്നത്. ഞാനെന്താണ് ചെയ്യേണ്ടത്?

ഉത്തരം

ക്ലാസിക്കൽ ഡിസ്ഫംഗ്ഷൻ യൂട്ടറൈൻ ബ്ലീഡിംഗ് എന്ന അവസ്‌ഥയാണ് നിങ്ങൾക്ക്. ഇതിന് 3-4 മാസം പ്രൊജസ്ട്രോൺ ഗുളിക കഴിക്കുകയാണെങ്കിൽ ആശ്വാസം ലഭിക്കും. എന്നാൽ മരുന്ന് കഴിച്ചിട്ടും രോഗശമനം ഉണ്ടാകുന്നില്ലെങ്കിൽ ഏതെങ്കിലും വിദഗ്ദ്ധയായ ഡോക്ടറിന്‍റെ മേൽനോട്ടത്തിൽ യൂട്ടറൈൻ ലൈനിംഗ് നീക്കം ചെയ്യിക്കാം. ഗർഭപാത്രം നീക്കം ചെയ്യാതെ തന്നെ നിങ്ങളുടെ പ്രശ്നം 15 ശതമാനം ആയി കുറയും.

ചോദ്യം

25 വയസ്സുള്ള കോളേജ് വിദ്യാർത്ഥിനിയാണ് ഞാൻ. ക്രമരഹിതമായ മാസമുറയാണ് എന്‍റേത്. ചിലപ്പോൾ 25 ദിവസം കൂടുമ്പോഴോ മറ്റ് ചിലപ്പോൾ 15 ദിവസം കൂടുമ്പോഴോ ആണ് ആർത്തവമുണ്ടാവുക. ശരീരഭാരവും കുറഞ്ഞു. വല്ലാത്ത ക്ഷീണവും അനുഭവപ്പെടുന്നു. ഇക്കാരണത്താൽ പുറത്ത് പോകാനോ കറങ്ങാനോ ഒന്നും കഴിയാറില്ല. ഭക്ഷണ കാര്യങ്ങളിൽ അങ്ങേയറ്റം ശ്രദ്ധ പുലർത്തിയിട്ടും യാതൊരു പ്രയോജനവുമുണ്ടാവുന്നില്ല. എന്തുകൊണ്ടാണിങ്ങനെ സംഭവിക്കുന്നത്?

ഉത്തരം

ഭക്ഷണകാര്യങ്ങളിൽ ഇനിയും മാറ്റങ്ങൾ വരുത്തുക. ഫാസ്റ്റ്ഫുഡ്, എണ്ണയിൽ വറുത്ത് പൊരിച്ച ഭക്ഷ്യവിഭവങ്ങൾ പരമാവധി ഒഴിവാക്കുക. തൈറോയ്ഡ് സംബന്ധമായ തകരാറുകൾ കൊണ്ട് പ്രശ്നങ്ങളും ഉണ്ടാകാം.

പക്ഷേ ഇതിനെ ഭയക്കേണ്ടതില്ല. മരുന്നു കൊണ്ട് മാറ്റാവുന്നതേയുള്ളൂ. ഇതിന് പുറമെ പോളിസ്റ്റിക് ഒവേറിയൻ സിൻഡ്രോം പരിശോധനയും നടത്തി നോക്കുക. രക്തപരിശോധനയ്ക്കൊപ്പം ഹോർമോൺ പരിശോധനയും നടത്തണം.

കാരണം ഹോർമോൺ അസന്തുലിതാവസ്‌ഥ മൂലം ആർത്തവം ക്രമരഹിതമാവുനും സാധ്യതയുണ്ട്. വിദഗ്ദ്ധമായ പരിശോധാനയിലൂടെ മാത്രമേ ഇത്തരം അവസ്‌ഥകളെ തിരിച്ചറിയാനാവൂ. അതിനാൽ എത്രയും വേഗം സ്ത്രീരോഗ വിദഗ്ദ്ധയെ കണ്ട് വേണ്ട പരിശോധനകൾ നടത്തുക.

ചോദ്യം-

എനിക്ക് 37 വയസ്സായി. എന്‍റെ കക്ഷം വല്ലാതെ വിയർക്കുകയും ദുർഗന്ധം വമിക്കുകയും ചെയ്യുന്നു. എന്തെങ്കിലും പരിഹാരം പറയാമോ?

ഉത്തരം-

കക്ഷത്തിൽ ധാരാളം വിയർപ്പ് ഗ്രന്ഥികളുണ്ട്. വിയർപ്പ് നമ്മുടെ ശരീരത്തെ തണുപ്പിക്കുന്ന ഒരു ദ്രാവകമാണ്, അതിനാൽ ഇത് വളരെ അത്യാവശ്യവുമാണ്, പക്ഷേ ചിലപ്പോൾ അമിതമായ വിയർപ്പ് കാരണം, ദുർഗന്ധം വരാൻ തുടങ്ങും. ഈ സാഹചര്യത്തിൽ ശരീരത്തിന് കൂടുതൽ വൃത്തിയാക്കൽ ആവശ്യമാണ് എന്നാണ് മനസിലാക്കേണ്ടത്.

ഒരു സ്പൂൺ ആപ്പിൾ സിഡെർ വിനഗർ എടുക്കുക. ഇതിലേക്ക് അരക്കപ്പ് വെള്ളം ഒഴിച്ച് സ്പ്രേ ബോട്ടിലിൽ സൂക്ഷിക്കുക. എല്ലാ രാത്രിയിലും ഉറങ്ങുന്നതിന് മുമ്പ് കക്ഷത്തിൽ തളിക്കുക. ഇത് സ്ഥിരമായി ചെയ്യുന്നതിലൂടെ കക്ഷത്തിലെ മണം എന്നെന്നേക്കുമായി മാറും.

ടെൻഷൻ വരുമ്പോൾ അമിതമായി വിയർപ്പ് ഉണ്ടാകുന്നവരുണ്ട്

നിങ്ങൾ കോൺഫറൻസ് റൂമിൽ നിന്ന് ഒരു പ്രസന്‍റേഷൻ നടത്തുന്നു, മേലധികാരികളും സഹപ്രവർത്തകരും നിങ്ങളുടെ മുന്നിൽ ഇരിക്കുന്നു. മീറ്റിംഗ് വളരെ പ്രധാനമാണ്, നിങ്ങളുടെ ഹൃദയമിടിപ്പ് വർദ്ധിക്കുന്നു ഒപ്പം കൈപ്പത്തികൾ വിയർപ്പിൽ കുതിരുന്നു. അപ്പോൾ കൈകൾ തുടയ്ക്കാൻ ശ്രമിക്കുന്നു, എന്നാൽ പരിഭ്രാന്തിയിൽ, നിങ്ങളുടെ കൈകളിൽ നിന്ന് കുറിപ്പുകൾ താഴെ വീഴുന്നു. അത്തരമൊരു സാഹചര്യത്തിൽ, നിങ്ങളുടെ ആത്മവിശ്വാസം കുറയുക മാത്രമല്ല, നിങ്ങളുടെ വ്യക്തിത്വം നഷ്ടം ആവുകയും ചെയ്യും. ഇത് നമുക്ക് പലപ്പോഴും സംഭവിക്കുന്ന ഒരു സാധാരണ സംഭവമാണ്.

സാമൂഹിക ഉത്തരവാദിത്തം അല്ലെങ്കിൽ ഒരു പ്രത്യേക ജോലി ചെയ്യാൻ കഴിയില്ലെന്ന ഭയം വരുമ്പോൾ ചിലർക്ക് അമിതമായ വിയർപ്പ് ഉണ്ടാകാം. ചിലപ്പോൾ എരിവുള്ള ഭക്ഷണം, ജങ്ക് ഫുഡുകൾ, മദ്യപാനം, പുകവലി അല്ലെങ്കിൽ കഫീൻ ഇവയുടെ അമിതമായ ഉപയോഗം എന്നിവ കാരണവും അമിത വിയർപ്പ് പ്രശ്നം സംഭവിക്കാം.

എല്ലാവർക്കും തന്നെ ശരീരത്തിന്‍റെ ചില ഭാഗങ്ങളിൽ വിയർപ്പ് കൂടുതലായി വരുന്നു. കൈപ്പത്തി, നെറ്റി, പാദം, കക്ഷം ഈ ഭാഗങ്ങളിൽ കൂടുതൽ വിയർപ്പ് ഗ്രന്ഥികളുണ്ട്. ഇത് ശരീരത്തിൽ കെട്ടി നിന്ന് ദുർഗന്ധം വമിക്കും. ചില തുണികൾ വിയർപ്പ് വലിച്ചെടുക്കുമ്പോൾ വൃത്തികെട്ട ഗന്ധം ഉണ്ടാകാറുണ്ട്. ഇതിനെല്ലാം പൊതുവെ ഉള്ള പരിഹാരം ദിവസവും രണ്ട് നേരം കുളിക്കുക എന്നതാണ്. കുളിക്കുന്ന വെള്ളത്തിൽ നാരങ്ങ നീര് ഒഴിച്ച് കുളിക്കുക. ഇങ്ങനെ പതിവായി ചെയ്യാവുന്ന മറ്റു ചില കാര്യങ്ങളും ഉണ്ട്. ശരീരത്തിനും മനസിനും ഇഷ്ടപ്പെട്ട പെർഫ്യൂം, ഡിയോഡറന്‍റ് ഇവ ഉപയോഗിക്കാം. യാത്ര പോകുന്ന സമയങ്ങളില്‍ എപ്പോഴും ഒരു ഡിയോഡറന്‍റ് ബാഗിൽ കരുതാന്‍ മറക്കാതിരിക്കുക.